Author: webrwanda

Ingengo y'imari yatangiye gukoreshwa muri Kamena 2025 yari miliyari 5690,1 Frw, ndetse kugeza mu ntangiriro za Gashyantare 2025 yari imaze gukoreshwa ku kigero cya 65%. Gusa ingengo y'imari ivuguruye nimara kwemezwa n'Inteko Ishinga Amategeko izagera ku miliyari 5816,4 Frw.

Minisitiri w'Imari n'Igenamigambi, Yusuf Murangwa, ubwo yagezaga ku Nteko Ishinga Amategeko Umutwe w'Abadepite umushinga w'ingengo y'imari ivuguruye kuri uyu wa 5 Gashyantare 2025, yavuze ko amafaranga yinjiye mu isanduku ya Leta hagati ya Nyakanga na Nzeri 2024 yageraga kuri miliyari 1061,8 Frw, bivuze ko yarenzeho miliyari 95,5 Frw, kuko hari harateganyijwe miliyari 966,3 Frw.

Yabwiye Abadepite ko hari ibikorwa byinshi bimaze gukorwa muri iyi ngengo y'imari isigaje amezi atanu ngo igere ku musozo.

Nko mu bucuruzi, umusaruro w'ibihingwa bisanzwe byoherezwa mu mahanga wariyongereye kuko byinjirije u Rwanda miliyoni 71,2$ aturutse ku ikawa, miliyoni 45$ aturutse ku cyayi mu gihe ayaturutse ku ndabo ari miliyoni 1,6$, ayaturutse ku buhinzi bw'imboga n'imbuto yari miliyoni 43$ ugereranyije na miliyoni 32$ yari yarateganyijwe.

Imihanda yakomeje kubakwa hirya no hino

Minisitiri Murangwa yavuze ko mu rwego rwo kunoza ingendo, hakomeje gukorwa imihanda mu bice bitandukanye by'igihugu.

Umuhanda Muhanga-Rubengera-Nyange-Rambura ureshya na kilometero 22, ugeze kuri 98% ukorwa, umuhanda Ngoma-Ramiro, igice cya mbere n'icya kabiri ugeze ku mpuzandengo ya 56%, umuhanda Base-Butaro-Kidaho ureshya na kilometero 63 ugeze ku gipimo cya 40%, na ho umuhanda Nyacyonga-Mukoto ureshya na kilometero 36, ugeze kuri 13%.

Umuhanda Nyagatare-Rwempasha ureshya na kilometero 9,18 n'imirimo y'inyongera ku muhanda Rukomo-Nyagatare bigeze kuri 10%.

Hari gusanwa kandi kilometero 216 z'imihanda y'imihahirano hirya no hino mu gihugu.

Ati 'Gusana imihanda mu Karere ka Rutsiro igice cya mbere yari igeze ku kigero cya 46% na ho mu turere twa Kirehe na Karongi bigeze ku gipimo cya 43%.'

Imihanda imwe yaruzuye indi iracyubakwa mu turere dutandukanye

Imiryango ibihumbi 130 yaracaniwe

Minisitiri Murangwa yasobanuye ko mu rwego rw'ingufu hashyizwe imbaraga mu kugeza amashanyarazi ku baturage n'ahantu hari ibikorwa by'iterambere, hamwe no gusana no kwagura imiyoboro y'amashanyarazi itandukanye.

Imibare igaragaza ko ingo 46.752 zahawe amashanyarazi afatiye ku muyoboro mugari mu gihe izindi ibihumbi 81.228 zahawe amashanyari aturuka ku ngufu z'imirasire y'izuba.

Ku rundi ruhande hari kubakwa urugomero rwa Nyabarongo II rwitezweho kuzatanga megawatt 43,5 z'amashanyarazi.

Murangwa ati 'Imirimo yo kubaka uruganda rw'amashanyarazi rwa Nyabarongo II rufite megawatt 43,5 igeze ku rugero rwa 40%.'

Yanavuze ko ibikorwa byo kwagura, kubaka no gusana imiyoboro y'amazi y'ibilometero 466 mu bice by'icyaro no gusana imiyoboro y'amazi 122 idakora, n'imirimo yo kubaka imiyoboro y'amazi ya kilometero 152 mu Karere ka Karongi igeze ku gipimo cya 35%.

Gusana imiyoboro y'amazi ireshya na kilometero 55 mu turere 13 dutandukanye tw'igihugu igeze ku 10%. Ni mu gihe imirimo yo kubaka uruganda rutunganya imyanda yo mu bwiherero igeze ku gipimo cya 70%.

Ingo hafi ibihumbi 130 zahawe amashanyarazi muri uyu mwaka w’ingengo y’imari

Abarimu barongerewe cyane

Leta y'u Rwanda kandi yashyize imbaraga mu guteza imbere uburezi nk'umusingi uzafasha kugera ku cyerekezo 2050.

Minisitiri Murangwa ati 'Mu rwego rwo kugira umubare w'abarimu babyigiye kandi babifitiye ubushobozi mu byiciro byose, abarimu 4633 bashyizwe mu myanya.'

Yagaragaje ko imirimo yo kuvugurura amashuri nderabarezi 16, igeze kuri 71% mu gihe kubaka amashuri 17 y'icyitegererezo bigeze ku gipimo cya 89%.

Mu rwego rw'imibereho myiza imiryango 80.801 yahawe akazi muri gahunda ya VUP y'imirimo rusange, na ho abantu bagera ku bihumbi 75.306 barimo n'abita ku bana mu marerero bahawe akazi muri gahunda y'imirimo rusange idasaba ingufu.

Abana bari munsi y'imyaka itanu 4.712 bagaragayeho imirire mibi bahawe amata mu gihe 76.950 hamwe n'ababyeyi batwite n'abonsa 26.197 bahawe ibiribwa bikungahaye ku ntungamubiri.

Mu butabera, abunzi bakiriye imanza 8.303, muri zo ibihumbi 7.983 zingana na 96% zarakemuwe na ho 320 zingana na 4% ziracyasuzumwa.

Abafasha mu by'amategeko bakiriye imanza 5.477, muri zo 5.470 zarakemuwe. Muri gahunda yo kugaruza umutungo wa Leta wanyerejwe, hagarujwe miliyoni 113 Frw mu gihe intego yari yashyizweho yari miliyoni 100 Frw

Mu rwego rw'ubuhinzi hatanzwe toni 4.141 z'imbuto z'indobanure, toni 48.364 ifumbire mvaruganda, na ho ubutaka bwahujwe ni hegitari 778.816.

Mu gihembwe cy'ihinga cya 2025 A, ibigori byahinzwe kuri hegitari 265.970, umuceri uhingwa kuri hegitari 15.156, ibishyimbo bihingwa kuri hegitari 367.389 na ho imyumbati yahinzwe kuri hegitari 49.427.

Imiryango irenga ibihumbi 80 yahawe akazi muri VUP

Byagarutsweho kuri uyu wa Gatanu tariki ya 7 Gashyantare 2025, ubwo yaganiraga n'urubyiruko rusaga 1000 rwo mu Ntara y'Iburasirazuba mu biganiro byahawe insanganyamatsiko igira iti 'Rubyiruko menya amateka yawe.''

Ni ibiganiro MINUBUMWE iri gukora hirya no hino mu gihugu mu gufasha urubyiruko kumenya amateka hanitegurwa kwinjira mu bihe byo kwibuka Jenoside yakorewe Abatutsi mu 1994.

Minisitiri wa MINUBUMWE, Dr. Bizimana Jean Damascène, yavuze ko muri gahunda ya NST2 Leta yihaye intego zo kubaka ikigo cy'ubutore muri buri ntara kugira ngo gifashe urubyiruko gusobanukirwa n'amateka y'igihugu n'umuco nyarwanda.

Yagize ati 'Ubu turi gukora ku buryo muri buri ntara byibura muri iyi gahunda y'imyaka itanu y'iterambere, NST2, izarangira buri ntara ifite ikigo cy'ubutore. Bivuze ko muri buri kigo cy'ubutore kizubakwa muri buri ntara hazabaho kwigisha, guhugura, gukora ubukangurambaga hanashingiwe ku mwihariko dusanga muri buri ntara.'

Minisitiri Dr. Bizimana yavuze ko kandi hatazabaho kwigisha amateka gusa ahubwo hazajya hanigishirizwamo ibikorwa by'iterambere, ubukungu, imibereho myiza bikanyuzwa aho hose.

Yavuze ko ari ingenzi cyane kumenyekanisha umuco nyarwanda kugira ngo abato bagire indangagaciro zifite ireme mu buzima bwa buri munsi.

Kugeza ubu u Rwanda rusanganywe ikigo cy'ubutore kimwe cya Nkumba ari nacyo cyatorezwagamo abo mu ngeri zitandukanye barimo urubyiruko, abo mu bigo bya Leta n'abandi bose bajyaga gutozwa.

Minisitiri Dr. Bizimana yavuze ko muri buri ntara hazubakwa ikigo cy'ubutore kizafasha urubyiruko kwiga umuco nyarwanda

Urubyiruko rwashishikarijwe kumenya amateka y’igihugu

Iri shami rishya ryafunguwe ku wa 06 Gashyantare 2025, mu birori byitabiriwe n'ubuyobozi bwa I&M Bank (Rwanda) Plc, ubuyobozi bw'Akarere ka Muhanga n'ubw'Intara y'Amajyepfo na bamwe mu bakiliya b'iyi banki.

Gufungura iri shami bije nk'igisubizo ku bakiliya bagorwaga no kubona serivisi z'iyi banki hafi n'abifuzaga kuba abakiliya ba I&M Bank bagasubizwa inyuma n'uko batayibonaga hafi.

Umuyobozi Mukuru wa I&M Bank (Rwanda) Plc, Mutimura Benjamin, yavuze ko iyo Banki yishimiye gufungura ishami i Muhanga, yizeza abakiliya ko ibazaniye ibyiza byinshi birimo inguzanyo zoroheye buri wese.

Ati 'I&M Bank yari imaze igihe ifite abakiliya mu Karere ka Muhanga ariko bibagora kubona serivisi zacu kuko tutari tuhafite ishami. Ubu twaje kubagaragariza ko twafunguye ishami, kandi twaje no kwishimana n'abakaliya bacu tubabwira ko tubahishiye byinshi.'

Umunyamabanga Nshingwabikorwa w'Intara y'Amajyepfo, Nshimiyimana Védaste, yashimiye I&M Bank Rwanda Plc kuba yarahisemo Akarere ka Muhanga, kandi ko aya mahirwe bagiye kuyabyaza umusaruro.

Ati 'Ndabashimira ku bintu bibiri, icya mbere ni inkunga muhaye Akarere ka Muhanga, twizeye ko igiye kuzamura imishinga yaho. Icya kabiri, nagiye ndeba ibyiciro by'inguzanyo mutanga, muzi ubwenge cyane kuko mutanga amafaranga kugira ngo abyare ayandi kandi na yo abikwe muri I&M Bank.'

Meya w'Akarere ka Muhanga, Kayitare Jacqueline, yabwiye I&M Bank Rwanda Plc ko bari babategerezanyije amatsiko menshi, kuko bahoraga bibaza impamvu idahari.

Ati 'Turabashimira ko ibyo byose twibazaga mwabiboneye igisubizo mukaba mwaje, icyo twababwira nk'Akarere ka Muhanga ni uko mutazigera mwicuza impamvu mwaje, mutuzaniye amahirwe menshi nk'uko mwabigaragaje ariko namwe kuba mwaje hano ni amahitamo meza mwakoze.'

Umucuruzi wahise ufunguza konti muri I&M Bank Rwanda Plc, wo mu Karere ka Muhanga witwa Niyigaba François, yavuze ko yishimiye kubona iyi banki ibegereye, kuko yajyaga ayumva bayivuga akagira amatsiko y'igihe izazira, ubu akaba yiteguye kuyigana akagura ubucuruzi bwe.

I&M Bank Rwanda Plc ikomeje kwagura ibikorwa byorohereza abakiliya bayo, hagamijwe kubaka imikoranire myiza n'abayigana no gukora ibikorwa biteza imbere abaturage.

I&M Bank Rwanda Plc yahaye Akarere ka Muhanga inkunga ya miliyoni 28,6 Frw yo gufasha gukura abantu mu manegeka.

Ubwo abari bagiye gufungura ku mugaragaro ishami rya I&M Bank Rwanda Plc rya Muhanga barangajwe imbere na Mutimura Benjamin uyobora iyi banki, bari bageze aho ibirori byagombaga kubera

I&M Bank Rwanda Plc yatashye ishami ryayo rishya yashyize i Muhanga

Ubuyobozi bwa I&M Bank Rwanda Plc bwafunguye ishami rishya i Muhanga

Abakozi ba I&M Bank Rwanda Plc bahise baha serivisi abakiliya bari bagiye gufunguza konti

Umuyobozi Mukuru wa I&M Bank Rwanda Plc, Mutimura Benjamin, yijeje abakiliya ibyiza byinshi bizabafasha gutera imbere

Umunyamabanga Nshingwabikorwa w’Intara y'Amajyepfo, Nshimiyimana Védaste, yashimiye I&M Bank Rwanda Plc kuba yarahisemo gufungura ishami mu Karere ka Muhanga

I&M Bank Rwanda Plc yahaye Akarere ka Muhanga inkunga ya miliyoni 28,6 Frw yo gufasha gukura abaturage mu manegeka

Meya w'Akarere ka Muhanga, Kayitare Jacqueline, yabwiye I&M Bank Rwanda Plc ko yahisemo gufungura Ishami mu Karere ka Muhanga

Ibiro bishya by’ishami rya I&M Bank Rwanda Plc rya Muhanga

Gufungura ishami rya I&M Bank Rwanda Plc i Muhanga byitabiriwe n’abayobozi bo mu nzego zitandukanye zirimo abayobozi b’amadini

Umuyobozi Mukuru wa I&M Bank Rwanda Plc, Mutimura Benjamin aganira n’abitabiriye igikorwa cyo gutaha ishami rishya ry’iyi banki rya Muhanga

Ibirori byo gutaha ishami rishya ry’i Muhanga rya I&M Bank Rwanda Plc byitabiriwe n’abantu batandukanye

Abakozi ba I&M Bank Rwanda Plc biyemeje gufasha abatuye mu Karere ka Muhanga kubona serivisi z’imari zinoze

Amafoto: Nzayisingiza Fidèle

Uyu mugabo yafatiwe mu cyuho ku wa Kane tariki ya 6 Gashyantare 2025, ahagana saa Cyenda z'amanywa ubwo yashakaga kwinjira mu kigo cy'ishuri ryisumbuye cyigamo abakobwa gusa cya FAWE ishami rya Kayonza.

Umunyamabanga Nshingwabikorwa w'Umurenge wa Gahini, Murekezi Claude, yabwiye IGIHE ko uyu mugabo yafatiwe mu cyuho yambaye imyenda y'ishuri y'abakobwa bo muri icyo kigo aho yashakaga kwinjira mu bandi banyeshuri ariko akaza kuvumburwa.

Yagize ati ' Twamufashe ejo ku wa Kane, yafashwe n'abarinzi ba hariya kuri FAWE. Yariyoberanyije yambara imyenda y'abakobwa bahiga bamufashe nka Saa Cyenda ari kwinjira mu kigo umureba ukabona ko asa nabo. Twahise tumushyikiriza inzego z'umutekano zitangira kumukoraho iperereza ngo tumenye icyo yari agamije kuko ntibisanzwe.''

Gitifu Murekezi yakomeje avuga ko uyu mugabo agifatwa yabajijwe icyo yari aje gukora, akavuga ko yashakaga kwiba abanyeshuri ariko ngo ntasobanura neza icyo yari agiye kwiba.

Ngo yakomeje avuga ko ibiri kumubaho nawe atazi uko byagenze kuko atazi uko yahisanze.

Kuri ubu inzego z'umutekano zatangiye iperereza kuri uyu mugabo ngo hamenyekane icyo yari agamije ajya kwiyambika imyenda irimo ijipo n'ishati byo muri iki kigo cyigamo abakobwa gusa. Kuri ubu afungiye kuri sitasiyo ya RIB ya Rukara.

Bivugwa ko uyu mugabo yahoze ari umwarimu wo mu mashuri abanza, aho ngo mbere yo kujya kwiba muri iki kigo cya FAWE bikekwa ko yabanje no kujya kwiba mu kindi kigo cyo mu Karere ka Rwamagana.

Umugabo yambaye ijipo n'ishati ashaka kujya kwiba mu kigo cy'amashuri cy'abakobwa ariko ntibyamukundira

Babitangarije IGIHE, ubwo benshi muri bo bari bavuye i Goma kuri uyu wa 6 Gashyantare 2025, bavuga ko ari ahantu basigaye bajya batikandagira.

Cyiza Eric usanzwe ugenda mu Mujyi wa Goma, yavuze ko ugereranyije n'uko uwo mujyi wari umeze mbere, kuri ubu ari Umujyi uri ku murongo.

Ati “Uri kubonako hari gahunda kurusha wenda uko bisanzwe bimeze.”

Abanyarwanda bakorera ubucuruzi muri uwo mujyi bavuga ko hari impinduka zigaragara, bakavuga ko mbere bakwaga ruswa, hakaba hari n'amabandi menshi, ndetse na bamwe mu basirikare b'igihugu bakoraga ibikorwa by'urugomo no kubambura ibyabo, ariko ubu bavuga ko byacitse.

Umwe ati “Ukuntu byari bimeze mbere, twajyanagayo ibintu bakatwishyuza menshi, utubonye wese, agafata ngo nyishyura, inyungu tukayibura, ariko aho M23 ifatiye, turi guheka ku mugongo byinshi, tukigendera, nta muntu uri kutwishyuza. Ubu nta kibazo pe, ube Umunyarwanda, ube Umunye-Congo, ubu umutekano ni wose.”

Undi na we yagize ati “Urumva aho M23 imaze gufata [Goma] ikagarura umutekano, ibintu biri kugenda neza. Nkubwije ukuri itandukaniro rirahari pe, kubera ko mbere hari abajura barenze ukwemera, ariko ubu nta mujura, ka kavuyo ntako, mbese nta muntu uri guhungabanya Abanyarwanda, akazi kameze neza.

Undi umaze imyaka isaga irindwi akorera ubucuruzi mu Mujyi wa Goma, yavuze ko kuva aho M23 ifatiye uwo mujyi, hari ibintu byinshi byahindutse bituma imikorere yabo irushaho kugenda neza.

Yagize ati “M23 itari yafata Umujyi wa Goma n'iki gihe biratandukanye, icya mbere, mbere M23 itarafata Umujyi wa Goma twacuruzaga dufite ubwoba, dutinya umutwe witwaza intwaro witwa Wazalendo na FARDC […] ariko iki gihe turimo, turi gucuruza, ku muntu ufite ubushobozi mbese akora amasaha 24 ku yandi.”

“Ku bintu by'umutekano muke, byabanje kudutera ubwoba nk'Abanyarwanda twari turiyo, nyuma y'aho M23 ihageze ibintu bigenda neza […] ntabwo ishaka ibintu by'umwanda, ishaka ko ibishingwe mu bishyira uruhande rumwe, abantu bashinzwe gutwara imyanda bakabijyana. Urebye ubu umujyi umeze neza, turatekanye mbese ni amahoro.

Inkuru y'uko M23 yigaruriye Umujyi wa Goma n'ibice hafi ya byose by'Intara ya Kivu y'Amajyaruguru, bamwe mu banye-Congo bamaze imyaka myinshi ari impunzi mu Rwanda, bahisemo kujya kwirebera ko inkuru ari impamo n'uko ubu ibintu bisigaye bimeze.

Umwe muri bo ni Irankunda Gasheja Adeline, usanzwe uba mu Nkambi ya Mahama mu Karere ka Kirehe, yasuye i Goma ku wa 6 Gashyantare 2025, avanayo ishyushyu ryo gutaha agasubira iwabo.

Ati “Nari ndi hano i Gisenyi, nifuza kwambuka kureba iwacu ko hari umutekano ko bibaye byiza twasubirayo, ariko ngereranyije uko mpabonye, nsanze umutekano uhari, mbonye abantu nta kibazo nta rwiyenzo ruhari, ubu abantu bashaka baza tugataha iwacu, ubu ni amahoro nta kibazo kiriyo.”

Mutarambirwa Faustin na we wahunze nyuma y'uko imitwe irimo FDLR yishe se na we bakamuhiga ngo bamwice kuko yari n'umuyobozi (Chef d'Avenue), yavuze ko nyuma yo kumva ko M23 yafashe ibice byinshi muri Kivu y'Amajyaruguru byabashimishije cyane.

Ati “Turishimye cyane mbere na mbere ko M23 yafashe iwacu, nari ntarasubirayo, ariko kuva M23 yahafata nishimiye kongera gusubirayo […] icyo nabasaba ni uko bakomeza kuturwanirira, ni abavandimwe bacu, nya wundi ushobora kuturwanirira atari bo, Imana ibahe imbaraga, dukomeza tubasengera ngo Imana ibahe imbaraga, batsinde.”

Umuyobozi w'Akarere ka Rubavu, Mulindwa Prosper, yabwiye IGIHE ko kuva M23 yafata Umujyi wa Goma, kuri ubu imigenderanire hagati ya Goma n'u Rwanda yiyongereye, aho kuri ubu abakoresha umupaka muto (Petite barriere) bikubye inshuro ebyiri ugereranyije na mbere, ndetse avuga ko Abanyarwanda bahagenda bishimira umutekano uri muri uwo mujyi kuri ubu.

Abanyarwanda bakorera ubucuruzi mu Mujyi wa Goma bavuga ko kuri ubu umutekano ari wose

Abagenda mu Mujyi wa Goma, bavuga ko kuri ubu umutekano wagarutse nyuma y’aho M23 iwigaruriye

Inkuru dukesha ikinyamakuru La Croix International ivuga ko, inama y'Abepiskopi muri Kongo (CENCO) ku bufatanye n'Ihuriro ry'Amadini ya gikristu muri Kongo (ECC), batangaje ko ibiganiro bikenewe kugira ngo ikibazo cy'umutekano muke mu burasirazuba bwa Kongo gikemuke. 

Myr Nshole Donatien, Umunyamabanga Mukuru w'Inama y'Abepiskopi, yavuze ko iyi foromu yateguwe itagamije gusa gushaka inzira yo kuva mu makimbirane, ahubwo igamije guhuriza hamwe Abanyekongo bose kugira ngo bashakire hamwe umuti urambye w'ibibazo by'umutekano muke. 

Yavuze ko gahunda z'amahoro zidakwiye kuba zishingiye ku guhuriza abahanganye mu ntambara, ahubwo zigomba kuba zishingiye ku bwumvikane bw'abaturage bose mu gihugu.

Abayobozi ba Kiliziya Gatolika n'Ihuriro ry'Amadini ya gikristo muri Kongo bavuga ko bagiye gukora ibishoboka byose kugira ngo bagire uruhare mu kugarura amahoro n'umudendezo. Ibi bikaba biri mu rwego rwo kubaka igihugu kizira amakimbirane.

Ku ya 5 Gashyantare 2025, amatorero yombi yagiranye ikiganiro n'abanyamakuru i Kinshasa, aho batangaje ko bifuza ko ibiganiro by'amahoro bigomba kwitabirwa n'ingeri zitandukanye zose z'Abanyekongo, zirimo abayobozi ba politiki, sosiyete sivile, n'abatavuga rumwe n'ubutegetsi. Bemeje ko ibiganiro bizafasha mu gushaka umuti urambye w'ibibazo by'umutekano muke. 

Nubwo hari impaka ku bijyanye n’uburyo bwo kuganira n’inyeshyamba za M23, CENCO na ECC bemeza ko uruhare rwabo ari uguhuza impande zose mu rwego rwo kugera igihugu ku mahoro arambye. 

Pasiteri Éric Nsenga, umunyamabanga wa ECC, yagize ati: “Uburyo bwacu bw'ibiganiro bugamije amahoro arambye, kandi nta mahoro ashobora kugerwaho hatabariwemo abafatanyabikorwa bose.”

Nubwo Perezida Tshisekedi yanze ku mugaragaro kugirana imishyikirano na M23, avuga ko umutwe w'iterabwoba utagomba kugira uruhare mu biganiro, Kiliziya Gatolika n'Ihuriro ry'Amadini ya gikristo muri Kongo bameza ko bagomba gushyigikira gahunda yo kubaka amahoro arambye n'umutekano muri Kongo no mu karere k’Ibiyaga Bigari.

Ikigamijwe ni ugutanga umusanzu mu iterambere ry'umuziki no gufasha abadukurikira kuruhuka no kunogerwa n'impera z'icyumweru. Kuri iyi nshuro abahanzi batandukanye bakoze mu nganzo batanga ibihangano bishya.

Kuri ubu, abahanzi nyarwanda baba abakora umuziki usanzwe ndetse n'abakora uwo kuramya no guhimbaza Imana bose bakoze mu nganzo.

Mu ndirimbo nshya, harimo 'Nana' iri kuri Album nshya ya The Ben yise 'Plenty love' yamurikiye Abanyarwanda mu gitaramo cy'amateka cyabaye ku wa 1 Mutarama 2025 muri BK Arena.

Iyi album yiganjeho indirimbo z'uyu muhanzi ku giti cye, ahamya ko yayikoze agamije ko abakunzi be bongera kumva ijwi rye wenyine. Iriho indirimo 12 zirimo 'My Name' yakoranye na Kivumbi, Icyizere yakoranye na Uncle Austin ndetse na 'Baby' yakoranye na Marioo wo muri Tanzania.

Iyi album nshya ya The Ben ubu iri ku mbuga zose zicuruza imiziki, ikaba iri gucuruzwa na sosiyete y'Abanya-Nigeria yitwa 'One Rpm' imaze kwigarurira isoko rya benshi mu bahanzi ba hano mu Rwanda.

Umwana w’umukobwa muto cyane uri kuzamuka neza mu muziki wo kuramya no guhimbaza Imana, Shimwa Akaliza Gaella, na we yakoze mu nganzo asubiramo indirimbo ‘Nkurikira’ ya Adrien Misigaro na Israel Mbonyi.

Mu bandi bahanzi bakoze mu nganzo Yampano wahuje imbaraga n'umunyabigwi Makanyaga Abdoul, Bushali, Kenny K-Shot, Ariel Wayz, Bruce The 1^st, Papi Clever na Dorcas, Chryso Ndasingwa n'abandi.

1.     Nana — The Ben

“>

2.     Tugendane — Bushali

“>

3.     Africa Rise — Ish Kevin

“>

4.     No Lie — Producer X ft Peace Jolis & Ariel Wayz

“>

5.     Rudatinya — Bruce The 1^st

“>

6.     Mbwira — Yampano ft Makanyaga Abdoul

“>

7.     Intro/Intare II — Kenny K-Shot

“>

8.     Your Love (Acoustic Version) — Ariel Wayz

“>

9.     Impamvu z'Ibifatika — Papi Clever & Dorcas

“>

10. Iyo Mana — Chryso Ndasingwa

“>

11. Ubuhanuzi – Yee Fanta

“>

12. Ntawundi Mugisha — Richard Zebedayo ft Siana

“>

13.  Nkurikira (Cover) — Shimwa Akaliza Gaella

“>

14. Mu Bwihisho — Azaph Music International ft Apostle Dr Paul Gitwaza

“>

15. Azakomeza kukuba hafi – Uwase Natasha

 “>

Uyu mugabo yatangaje ibi ubwo yaganirazaga urubyiruko n'abandi bitabiriye igitaramo cya Gen-Z Comedy cyabaye ku wa Kane tariki 6 Gashyantare 2025, muri Kigali Conference and Exhibition Village ahazwi nka Camp Kigali, cyanyuzemo abanyarwenya barimo Dr Hillary wo muri Uganda, 'Umushumba', 'Pilate' n'abandi. 

Uncle Austin yibanze cyane ku rugendo rwe mu muziki no mu itangazamakuru, ariko yitsa cyane kuri Paji y'ubuzima bwe ishingiye cyane ku kuntu yagiye afasha abahanzi barimo abakomeye muri iki gihe, kandi akabikora binyuze ku bitangazamakuru binyuranye yagiye akorera. 

Yavuze ko gufasha umuhanzi abikora kugirango abandi barebe impano ye nibayishima bamushyigikira. Yibuka ko yahuye bwa mbere na Princess Priscillah bahuriye kwa Producer Pastor P nyuma yo kumva ijwi rye aririmba.

Ati 'Ninjiye muri studio, hari ku Cyumweru ngiye gukorera indirimbo kwa Pastor P. Numvise ari kuririmba ntaragera aho banyakirira (Reception), numvise ijwi ryiza. Ninjiye ndamubaza nti ni wowe uri kuririmba, arambwira ati 'ni njye'. Naramubwiye nti wakongera ukaririmba, ati 'ntakibazo'.'

Yavuze ko mu kanya nk'aho guhumbya, Princess Priscillah yongeye kumuririmbira anyurwa n'impano ye, bituma asaba Pastor P ko yabakorera indirimbo bahuriyemo.

Ati 'Nahise mbwira Pastor P ni hari injyana y'indirimbo 'Rehab' ya Rihanna twashishuye, ngwino dukorane indirimbo, naramubwiye nti ayo nishyuye reka tuyakoremo indirimbo, nibwo twakoze 'Mbabarira' ya Priscillah'. Byari ubwa mbere mubona muri studio'. Yavuze ko yashyigikiye Priscillah 'kugirango n'undi wese azumve nk'ibyo numvise.

Austin anavuga ko kumenya umuhanzikazi Queen Cha byaturutse ku gihe yamubonaga ari kuririmba afasha umuhanzi Kamichi usigaye abarizwa muri Amerika.

Icyo gihe avuga ko nawe yiteguraga kumurika Album ye yabereye muri Parking ya Petit Stade, kandi ko yanasabye Queen Cha kujya mu baririmbyi bamufashije ku rubyiniro.

Ati 'Icyo gihe nibwo namubwiye nti uzi n'ibindi tuze gukorana indirimbo. Nibwo namujyanye muri 'studio' bwa mbere, nibwo twakoze ya ndirimbo 'Inseko yawe'. Bwari ubwa mbere agiye muri studio.'

Uncle Austin avuga ko kwinjira mu muziki kwe gushingiye cyane mu kuba Mushiki we mukuru yararirimbaga muri korali, byatumye nawe akura yiyumvamo iyo mpano.

Yibuka ko ubwo yigaga mu mwaka wa Kane w'amashuri abanza, yigeze kuririmba ari hanze umwarimu wamwigishaga aramwumva, amusaba kuzajya muri korali yo ku ishuri.

Avuga ko yabaye muri iriya korali, kugeza ubwo ageze mu mwaka wa Gatanu w'amashuri abanza, ndetse abasha no kwandikira indirimbo korali.

Uyu mugabo anavuga ko yakinnye filime, ndetse ko bitewe n'ijwi rye ubwo yari ageze mu mwaka wa Kane w'amashuri yisumbuye yatangiye gukora kuri Radio.

Uncle Austin avuka mu muryango w'abana icyenda, ni umwana wa Kabiri. Asobanura ko kuva atangiye akazi kuri Radio, yatangiye kwiyishyurira amafaranga y'ishuri, byatumye umubyeyi we yita cyane ku bandi bana.

Uncle Austin yatangaje ko amafaranga yari yishuye ngo akorerwe indirimbo, ari yo yakoreshejwe mu gukora indirimbo ya mbere ya Scillah yitwa 'Mbabarira'

Uncle Austin yavuze ko yamenye Queen Cha amubonye aririmbira Kamichi usigaye abarizwa muri Amerika 

Uncle Austin yavuze ko gufasha abahanzi bishingiye ku ntego yihaye yo kugaragaza impano zabo 

KANDA HANO UREBE IKIGANIRO CYIHARIYE TWAGIRANYE NA UNCLE AUSTIN

 “>

KANDA HANO UREBE AMASHUSHO Y'INDIRIMBO 'INSEKO YAWE'

 “>

KANDA HANO UREBE AMASHUSHO Y'INDIRIMBO 'MBABARIRA'

“>

Aya masengesho yo gusabira Amerika, yabereye mu Ngoro y'Inteko Ishinga Amategeko ya Amerika, Capitol, ku wa 6 Gashyantare 2025, yitabirwa n'abayobozi batandukanye muri Amerika barangajwe imbere na Perezida Donald Trump.

Muri uyu muhango, Madamu Jeannette Kagame ni umwe mu bafashe umwanya wo gusengera iki gihugu n'Isi muri rusange.

Mu isengesho rye, Madamu Jeannette Kagame yagize ati 'Tuje imbere yawe (Mana) n'imitima iciye bugufi, dushaka ubuyobozi n'impuhwe zawe muri iki gihe tubikeneye. Turagusabye ngo urumuri rwawe rutubeho, rutumurikire mu nzira y'ubwenge, ubunyangamugayo n'umwuka.'

Madamu Jeannette Kagame yasabiye abayobozi kuyoborwa n'Imana no kuba inyangamugayo.

Ati 'Wadukomeje mu bihe twari dufite intege nke unadukura mu bihe bikomeye twari twihebye. Uyu munsi duhagaze mu rukundo rwawe rutajya rushira kandi rutadutererana. Ruratwerekeza mu mahoro, nk'uko ijambo ryawe ribivuga, ko 'hahirwa abatera amahoro kuko bazitwa abana b'Imana'.'

Mu isengesho rya Madamu Jeannette Kagame kandi yagaragaje ko amahoro nyakuri atangirira mu mutima w'umuntu, asabira abantu kurangwa n'urukundo, n'amagambo bavuga akaba yuzuye ineza.

Ati 'Uhe ikiremwamuntu kuva mu ntambara n'amacakubiri, bashobore kwishyira hamwe, mu bumwe no mu mahoro. Udushoboze kubaha ubudasa bw'ikiremwamuntu no kwishimira ukuzuzanya kwa bose. Duhe ubwenge bwo kureba kure no kumva neza ko dusangiye ubumuntu.'

Yasabiye abantu bose kwibuka ko bagomba gukundana nk'uko Imana yabakunze, kandi bakarangwa n'indangagaciro nziza zijyanye n'ukwemera.

Madamu Jeannette Kagame kandi yasabiye abayobozi guhora bazirikana abo bayobora, bakabayoborana indangagaciro nk'izo Yezu Kirisitu yagaragaje akiri mu Isi.

Perezida wa Amerika, Donald Trump yavuze ko mu gihe yasimbukaga urupfu inshuro ebyiri ari mu bikorwa byo kwiyamamaza, imibanire ye n'Imana yahindutse bityo ko Abanyamerika bakwiye kongera umubano n'Imana mu buzima bwabo.

Ati 'Nizera ko utabaho wishimye haramutse hatariho iyobokama, hatariho iyo mitekerereze. Reka twongere dushyire iyobokamana imbere. Nimureke Imana tuyigarure mu buzima bwacu.'

Aya masengesho ategurwa by'umwihariko n'abagize Inteko Ishinga Amategeko y'iki gihugu binyuze muri National Prayer Breakfast Foundation.

Agamije gusengera Amerika, Perezida, abandi bayobozi ndetse n'ab'ibindi bihugu byo hirya no hino ku Isi.

Ni amasengesho adashingiye ku idini iryo ari ryo ryose, ndetse buri Perezida wa Amerika aba ategetswe kuyitabira.

Trump yahamije ko agiye guhagurukira abarwanya abakirisitu n'imyemerere yabo mu gihugu hose.