Author: webrwanda

Iki gitaramo cya Move Afrika cy’umuryango Global Citizen cyabaye mu ijoro ryo ku wa Gatanu tariki 21 Gashyantare 2025, kibera muri BK Arena. Cyari igitaramo kidasanzwe, kuko abarenga ibihumbi 10 baribakoraniye muri iyi nyubako, ndetse cyanitabiriwe na Perezida Kagame na Madamu. 

Ni igitaramo kidasanzwe mu rugendo rwa John Legend, kuko cyabaye icya mbere yakoreye i Kigali mu Rwanda. Ni icya mbere kandi yari akoreye mu Karere k’Afurika y’Iburasirazuba.

Mbere y’uko John Legend akandangira ku rubyiniro, ibintu hafi ya byose byarahindutse kugeza kuri gitari zakoreshejwe n’ibindi.

Abatekinisiye basimburanaga ku rubyiniro. Umwe yazanye gitari, undi akura ku rubyiniro indangururamajwi (Speaker) eshanu zari ku rubyiniro, undi asuzuma ‘Microphone’ John Legend yakoresheje.

Haje itsinda ry’abandi bantu batanu, bakuraho ibyuma Dj Toxxxyk yakoreshaga acuranga, ndetse abandi bongeyeho gitari zisimbura izo itsinda rya Symphony Band bari bakoresheje.

Si ibyo gusa, kuko rya tsinda ry’abantu bane ryagarutse rizanye ‘Piano’ John Legend yakoresheje acuranga muri iki gitaramo. Ariko kandi babanje gushyiraho ‘metero’ kugirango barebe umwanya mwiza ‘Piano’ ishyirwamo.

Hari undi mutekinisiye wagarutse, afata ‘Microphone’ ya John Legend agenda ayivugiramo azenguruka urubyiniro, kugirango arebe aho ifite ubushobozi bwo kugarukira.

Si ibyo gusa, kuko yagiye no kuri ‘Microphone’ yari icometse hafi y’ibyuma bya ‘Saxophone’ yagombaga kwifashisha aganira na John Legend ‘igihe haba habaye ikintu gitunguranye’.

Mu minota ya nyuma mbere y’uko bava ku rubyiniro, abatekinisiye banasuzumye indangururamajwi (Microphone), abaririmbyi batatu b’abakobwa ba John Legend bakoresheje bamufasha mu miririmbire.

Ku rubyiniro, John Legend yinjiriye mu ndirimbo ye ‘Heaven’ asanga ibintu byose byateguwe, akomereza ku ndirimbo nka ‘Love me now’ imaze imyaka umuani isohotse.

Uyu muririmbyi urubyiniro rwe rwari ruteguwe ku buryo hari n’aho yakandagiye, bagenzi be batigeze bakandagira. No mu bijyanye n’uburyo amatara yacanwaga, bitandukanye n’uko byari bimeze mbere.

Ushingiye ku kuntu gahunda yari yapanzwe, abateguye urubyiniro rwa John Legend barengejeho iminota 13' kuri gahunda bari bahawe.

Impapuro zateguriwe iki gitaramo, zigaragaza ko bagombaga gutangira guhindura urubyiniro rwe guhera saa tatu n'iminota 14' bagakoresha iminota 11' gusa.

Hanyuma abaririmbyi be n'abacuranzi be bakagera ku rubyiniro saa tatu n'iminota 25', bakitegura mu gihe cy'iminota 5 gusa. John Legend akagera ku rubyiniro saa tatu n'iminota 30', agakoresha isaha imwe n'iminota 10' (1:30:00) ataramira abantu.

Yagejeje saa Tanu z'ijoro asezera abantu, agaruka nyuma yo kumva abantu bamusaba indirimbo ye 'All of me' yaciye ibintu, arayiririmba asoza saa Tanu z'ijoro n'iminota 5'. Kuri gahunda yagombaga gusoza saa Tanu n'iminota 10'.

Ni igitaramo byari biteganyijwe kimara amasaha atatu n'iminota 10', cyatangiye saa kumi n'imwe n'iminota 30'.

Ushingiye kuri gahunda yari yatanzwe, abateguye urubyiniro rwa John Legend barengejeho iminota 13', kuko bagombaga gukoresha iminota 30' bakoze ibintu byose.

  Ku rubyiniro John Legend yari kumwe n’abantu 11; barimo abakobwa batatu b’abaririmbyi, abacuranzi umunani bari kubyuma bitandukanye; ni mu gihe ariwe wicurangiraga ‘Piano’
  

Dj Toxxyk yagarutse ku rubyiniro mu gice cya Kabiri, acuranga guhera saa tatu kugeza saa tatu n’iminota 14′, mbere y’uko abaririmbyi ba John Legend bakirwa- Iyi ‘Table yacurangiragaho nayo yakuwe ku rubyiniro

 

Izi ‘Speaker’ ziri imbere ya Bwiza zakuweho mbere y’uko John Legend agera ku rubyiniro

 

‘Microphone’ John Legend yakoresheje itandukanye n’iz’abandi bakoresheje, kuko hazanwe iye

 

Hari hakozwe isuzuma, ku buryo ahantu hose John Legend yari guhagaragara ‘Microphone’ itari kuvaho

 

John Legend yaririmbye afite ‘stand’ ifashe ‘Microphone’ ye ku buryo yayikuragaho, cyangwa se akayirekeraho

 

‘Piano’ ye bayishyizeho bitaye cyane ku kuntu yagombaga guhagarara, ndetse n’uburyo bwari kumworohera aganira n’abafana be

 

Umubare w’amatara yacanwe wariyongereye ubwo John Legend yageraga ku rubyiniro, ndetse hejuru ye hari amatara akoze mu ishusho y’agaseke

Uyu musore uherutse gusohora indirimbo 'Milele' yahagurutse ku kibuga cy'indege Mpuzamahanga cya Kigali i Kanombe, ku mugoroba wo kuri uyu wa Mbere tariki 24 Gashyantare 2025. Mu bihe bitandukanye, yakoreye urugendo muri Zanzibar rwari rushamikiye cyane ku bikorwa by'umuziki. 

Amakuru agera kuri InyaRwanda, avuga ko Element yitabiriye ibirori by'itangwa ry'ibihembo bya Trace Awards, ku butumire yahawe n'Umuyobozi wa Trace Awards, Olivier Sanchez. Mu bandi bahawe ubutumire muri Trace Awards bo mu Rwanda barimo Israel Mbonyi, Bruce Melodie na Ross Kana. 

Muri gahunda y'urugendo rwe, Element azahakorera igice cy'amashusho y'indirimbo 'Tombe' yitegura gushyira ku isoko. Uyu muhanzi amaze iminsi atangaje isohoka ry'indirimbo ye 'Tombe', ariko hari igice kimwe cy'amashusho atarafata, ari ntacyo azakorera muri Zanzibar, mbere y'uko isohoka ku mugaragaro.

Muri ibi bihembo, u Rwanda ruhagarariwe na Israel Mbonyi uhataniye igikombe mu cyiciro cy'umuhanzi uririmba indirimbo zihimbaza Imana. Muri rusange, ibi bihembo bihataniwe mu byiciro 24. Mu mwaka ushize Bruce Melodie ni we wahembwe nk'Umuhanzi Mwiza w'Umwaka mu Rwanda.

Ibi bihembo byaherukaga kubera i Kigali, mu muhango wabaye ku wa 21 Ukwakira 2023. Bihatanamo abahanzi bakomeye ku rwego rwa Afurika. Abahanzi bazamuka, Djs, abahanzi bo mu bihugu bitandukanye, ndetse n'ibyiciro by'abagize uruhare mu iterambere ry'umuziki wa Afurika.

D'Banj wayoboye ibi birori mu 2023 ubwo byaberaga mu Rwanda, yongeye guhabwa amahirwe yo kubiyobora. Kuri iyi nshuro azaba afatanije na Aaliyah Mohamed. Ni mu gihe mu 2023, yari afatanyije na Maria Borges.

D’Banj ni umuhanzi, rwiyemezamirimo, akaba n'icyamamare muri muzika yo muri Nigeria. Yagiye abona ibihembo byinshi, harimo MTV Awards, BET Awardsn a MOBO Awards.

Urutonde rw'abahanzi bazaririmba mu itangwa rya Trace Awards, rwiganjemo cyane abahanzi bakomeye kandi bagezweho muri iki gihe barimo: Rema, Diamond Platnumz, Fally Ipupa, Joe Dwèt Filè., Zuchu, Tyler ICU, Yemi Alade, Black Sherif, Didi B, Jux, King Promise, Harmonize;

Titom&Yuppe, Josey, Ali Kiba, Tamsir, Chelsea Dindrath, Abigail Chams, Joshua Baraka, Gaz Mawete, Phillbill, Wally Seck ndetse na Bien. Itangwa ry’ibi bihembo rizatambuka imbona nkubone ku nyakira-mashusho za Trace Awards ari nayo isanzwe itegura ibi bihembo.

Umubare munini w'aba bahanzi ugizwe n'abataramiye i Kigali mu bihe bitandukaye barimo Diamond, Rema, Ali Kiba, Bien-Aime, Harmoniz, Zuchu n'abandi.

Ibi bihembo byatangijwe nyuma y'ibindi nk'ibi nka MTV Africa Music Awards (MAMA), Afrima n'ibindi.

Ibi bihembo bitegurwa na Televiziyo Mpuzamahanga yitwa Trace Africa, izwiho guteza imbere umuziki w'abahanzi ku Isi, by'umwihariko abo muri Afurika.

Trace Global ifite insakazamashusho za Trace [Trace Africa, Trace Urban…] ifite itsinda ry’abahanga mu muziki ryicara rigahitamo indirimbo ikwiye gutambuka n’itabirikwiye.

Ni mpuzamahanga, kandi bigamije guteza imbere abanyamuziki bafite impano zinyuranye by’umwihariko abubakiye inganzo y’abo ku muziki wa Afrobeat.

SP Mwiseneza yavuze ko ibi byabaye ku Cyumweru tariki 23 Gashyantare 2025, ahagana Saa Cyenda z'amanywa mu Murege wa Gataraga, Akagari ka Rungu, Umudugudu wa Gahira, mu Karere ka Musanze, ho mu Majyaruguru y'u Rwanda. 

Mu kiganiro cyihariye na InyaRwanda, SP Mwiseneza yavuze ko Moses Turahirwa 'Moshions' yasagiriwe avuye kureba aho umushinga we w'ubwubatsi bwe ugeze.

Ati 'Yavaga aho afite umushinga we w'ubwubatsi, afite imbwa mu ntoki, noneho intama y'umuturage iyibonye irikanga ica ikiziriko ijya mu rundi rugo rw'umuturage. Wa muturage arayifata arayizirika (Aho intama yari igiye), atangira kuvuga ko hari ibyo yangije (iyo ntama) agomba kubiriha (Moses)…'

SP Mwiseneza yavuze ko mu gihe uwo muturage yasabaga ko hari ibyo Moses yishyura kubera intama yavugaga ko hari ibyo yangije iwe, haje undi mugabo nawe abwira Moses ko atabacika, mu gihe cyose atishyuye ibyo iyo ntama yangije.

Yavuze ko Moses yemeraga kwishyura ibyangijwe n'intama, ndetse yari kumwe n'umukozi we, avuga ko amubasigira akaza kumubwira uko abishyura.

Avuga ati 'Yashatse kubasigira umukozi ati musigare mubyumvikanaho. Ntakibazo ibyo mwemeranya arambwira ndabyishyura, noneho mu gihe yatambukaga, undi nawe araza (Undi mugabo) ati ntabwo uva hano utatwishyuye, ubwo batangira guterana amagambo.'

Akomeza ati 'Ubwo haza n'undi (byabonekaga) ko yari yanyoye (inzoga) aza akubita ya mbwa, ubwo nyine haza abandi baturage bakubita ya mbwa barayica, nawe abonye abaturage bafite amahane menshi arabacika, biza kurangira imbwa ye ihasize ubuzima.'

Mu butumwa yatambukije ku rubuga rwa X, Polisi y'u Rwanda yatangaje ko yataye muri yombi 'bacyekwaho kugira uruhare mu guhohotera Turahirwa Moses bafashwe, ubu bafungiye kuri Sitasiyo ya Polisi ya Muhoza mu gihe iperereza rigikomeje.'

Mu bitekerezo byatanzweho, hari abaturage bagaragaje ko batizeye neza umutekano wabo cyane cyane mu Mujyi wa Musanze mu masaha y'ijoro.

SP Mwiseneza avuga ko ibivugwa n'abaturage atari ukuri, kandi ko bakwiye kwirinda amarangamutima mu byo batangaza, cyo kimwe n'itangazamakuru.

Ati 'Abaturage turabasaba kwirinda amarangamutima. Musanze ni Akarere k'ubukerarugendo, ngira ngo murabizi, abakerarugendo baza mu Rwanda, barabizi ko umutekano uhari ijana ku ijana, barara bagenda, bafite n'ibintu mu ntoki nka telefone, za camera n'ibindi bintu bihenze. Nta kibazo gihari, i Musanze hari umutekano, abantu bareke gukabya.'

Yasobanuye ko urugomo rwakorewe Moses n'imbwa ye, rushingiye mu kutumvikana, kuko abaturage batiyumvishaga ko abishyura.

SP Mwiseneza yavuze ko Moses Turahirwa 'Moshions' ari we watanze amakuru kuri Polisi 'hanyuma Polisi yihutira kuhagera ifata abacyekwa'. Yavuze ko bitewe n'uburyo uru rugomo rwakozwe 'harebwa icyo amategeko ateganya'.

Yabwiye abaturage ko nta muntu wemerewe kwihanira. Ati 'Ubutumwa duha abaturage ni uko nta muntu wemerewe kwihorera cyangwa se ngo yumve hari ikibazo agomba kwicyemurira akoresheje imbaraga.'

Niba hari umuntu runaka ubona ufiteho ikibazo, cy'uko hari ibyo yakwangirije, hari ibyo akugomba ubona ataguhaye, inzego z'ubuyobozi zirahari, inzego z'umutekano zirahari, dukora amasaha 24 kuri 24, iyo agize icyo kibazo aratugana, natwe tukagishyikiriza abagishinzwe bakagiha umurongo.'

Niba rero intama yari yikanze imbwa, igacika ikagira imyaka yona, ntabwo bagombaga kwihanira ngo bice imbwa, ndetse bashake no gukubita nyirayo, bagombaga kumvikana nawe, batakumvikana nawe ikibazo bakagishyikiriza inzego zibishinzwe.'

Mwiseneza yavuze ko nta kibazo Moses yagize 'kuko ubwo bakubitaga imbwa ye, yagarageje guhunga.'. Ati 'Kugeza ubu nta bikomere afite.'

Moses Turahirwa washinze 'Moshions' yasagariwe n'abaturage avuye kureba aho umushinga we w'ubwubatsi ugeze 

Umuvugizi wa Polisi y’u Rwanda mu Ntara y’Amajyaruguru, SP Mwiseneza Jean Bosco, yatangaje ko nta bikomere Turahirwa Moses yagize mu bushyamirane n'abaturage 

KANDA HANO WUMVE IKIGANIRO TWAGIRANYE N’UMUVUGIZI WA POLISI MU NTARA Y’AMAJYARUGURU, SP MWISENEZA

“>

Ni ubutumwa uru ruganda ruri gutanga rubinyujije muri Tour du Rwanda rwitabiriye ku nshuro ya cyenda. Ni mu gihe, iyi poromosiyo yo izatangwa mu cyumweru cy'iri siganwa riri gukinwa ku nshuro ya 17.

Uru ruganda ruheruka kwagurwa mu rwego rwo guhaza isoko ryo mu Rwanda no hanze kuko ubu rushobora gukora matela ibihumbi 5000 ku munsi.

Muri iri siganwa ry'uyu mwaka, uru ruganda ruri gususurutsa abaryitabiriye babifashijwemo na Platini P uri mu bahanzi bafite izina rikomeye.

Rwanda Foam imaze imyaka irenga 40 ikora matelas kuva mu 1983. Serivisi zayo ziboneka ku bacuruzi barenga 60 bayihagarariye mu gihugu hose.

Aharanga umucuruzi haba hari icyapa cy'umuhondo cyayo ndetse nta zindi matelas acuruza. Ushobora no guhaha unyuze kuri https://rwandafoam.com/

Bamwe mu bakobwa baba basobanura serivisi za Rwanda Foam muri Tour du Rwanda 2025

Hamwe na Rwanda Foam, umuhanzi Platin P ari gususurutsa abitabiriye Tour du Rwanda 2025

Abafana bagaragarije urukundo Platini P uri kumwe na Rwanda Foam muri Tour du Rwanda 2025

Aharanga umucuruzi haba hari icyapa cy'umuhondo cyayo ndetse nta zindi matelas acuruza

Umuyobozi Ushinzwe Ubucuruzi muri Rwanda Foam, Maniraho Ernest, yasobanuye impamvu yo kugabanya ibiciro

Bamwe mu bagize Ihuriro ry'Abashoramari bo mu Buhinde, barimo n'abamaze gushora imari mu nganda n'ubukerarugendo bagaragarije Akarere ka Musanze ko bagifite inyota yo gushora imari mu mishinga itandukanye.

Ambasaderi w'u Buhinde mu Rwanda, Mridu Pawan Das, ati 'U Rwanda ni igihugu gifite icyerekezo n'imiyoborere bihamye, n'abashoramari bacu bashoye imari ndetse baracyifuza kuyishora muri byinshi nk'ubukerarugendo, inganda, ubwubatsi, uburezi, ubuvuzi n'ibindi. Turifuza rero ubwo bufatanye.'

Guverineri w'Intara y'Amajyaruguru, Mugabowagahunde Maurice, yijeje abo bashoramari ubufatanye bwungura impande zombi binyuze muri iri shoramari.

Ati “Icyo tubakeneyeho ni ubufatanye kugira ngo twese tubyungukiremo, haba mu burezi abana bacu babone aho biga heza, mu buvuzi tugire amavuririro meza ndetse n'izo nganda zitange akazi bitume abatuye intara yacu babyungukiramo. Ni byiza ko abaje mbere bagenda badutangira ubuhamya ko gushora imari iwacu byunguka kandi natwe tuzakomeza gufatanya na bo.”

Bamwe mu bashoramari bo mu Rwanda bakorera mu Karere ka Musanze, bo bemeza ko ishoramari ryabo rihagaze neza ariko ko ridahagije kuko hagikenewe byinshi ugeraranyije n'isoko bafite, bakemeza ko biteguye gufatanya na bagenzi babo b'Abahinde baje kunganirana.

Nyirinkindi Aime Ernest washinza Amakoro Investment, ikigo gitunganya amabuye y'amakoro kikayakuramo amatafari yubakishwa inzu n'imihanda, imitako na sima, ni umwe muri bo.

Yagize ati “Ni byiza ko dukoresha aya mahirwe y'amabuye y'amakoro mu kugaragaza ubwiza bw'igihugu cyacu, dukeneye ko atunganywa mu buryo bwihuse kandi ku bwinshi. Tuzifatanya n'aba bashoramari b'Abahinde ku buryo tuzashobora no kuyacuruza ku masoko mpuzamahanga.”

Umuyobozi wa Rwanda Hospitality Association muri Zone Nord B, Harerimana Jean Léonard, na we yemeza ko mu rwego bakoreramo bajyaga bahura n'imbogamizi zo kutabasha kwakira ababagana bose ngo ariko guhuza imbaraga n'abo bashoramari bizongerera ubushobozi urwo rwego.

Raporo y'Urwego rw'Igihugu rw'Iterambere, RDB, igaragaza ko mu 2023 u Buhinde bwari buyoboye ibihugu byashoye imari nyinshi mu Rwanda, yabarirwaga agaciro ka miliyoni 175.2$ mu mishinga irenga 3000 bafite mu gihugu hose.

Guverineri Mugabowagahunde Maurice yijeje abashoramari bo mu Buhinde ubufatanye

Ambasaderi w'u Buhinde mu Rwanda, Mridu Pawan Das, yahamije ko u Rwanda ari igihugu gifite icyerekezo n’imiyoborere myiza bityo ko gushoramo imari ari ukureba kure

Abashoramari bo mu Buhinde biyemeje gushora imari mu Karere ka Musanze