Author: webrwanda

Mu gitondo cyo kuwa Gatanu tariki 28 Gashyantare 2025, MTN Rwanda na Inkomoko basoje gahunda bamazemo iminsi y’icyiciro cya kane cya 'Level Up Your Biz,' bahemba aba-agents 10 amafaranga azabafasha gukomeza kwagura ibikorwa byabo.

Ba rwiyemezamirimo babashije kugera ku cyiciro cya nyuma, bavuze ko mu masomo bigiye mu mahugurwa bamaze ukwezi bahabwa, harimo kwandika buri munsi ibyakozwe, gufata neza abakiliya, gucunga neza umutungo, kwagura ubucuruzi bwabo n’ibindi.

Muri rusange bashimiye Inkomoko yabunguye ubumenyi bw’ingirakamaro, babizeza ko haba ubumenyi ndetse n’ubushobozi bahawe bagiye kubyifashisha mu kurushaho guteza imbere imishinga yabo.

Umwe muri aba, ni Banyangiriki Alex ukorera mu Karere ka Gasabo wegukanye igihembo nyamukuru kingana na miliyoni 5 Frw, wavuze ko aya mafaranga agiye kuyifashisha yagura ubucuruzi bwe, aho mu byo acuruza hagiye kwiyongeramo na ‘smartphones’ mu rwego rwo kongera abamugana bakeneye ‘pack’ za interineti.

Ati: “Iyo twe tureba nk’ubu bucuruzi bwacu bwa’amayinite, iyo dutanga ‘pack’ za interineti, hazaho inyungu nini. Kandi umuntu ukeneye agura amayinite menshi kurusha uhamagara.”

Mugenzi we wabaye uwa kabiri, ni umubyeyi ukorera mu Karere ka Rulindo witwa Dusabimana Delphine wegukanye miliyoni 3.5 Frw. 

Akimara guhabwa iki gihembo, yavuze ko hamwe n’amahugurwa yahawe byose bigiye kumufasha kwagura ubucuruzi bwe, binyuze mu kwagura igishoro no kongera telefone mu byo yacuruzaga.

Yagize ati: “Aya mafaranga agiye kumfasha kongera igishoro cyanjye, bimfashe gufata neza abakiliya banjye babone serivisi bifuza, zitari mu zo nabashakaga kubaha.”

Delphine yakomeje agira ati: “Sinari mfite ubushobozi bwo kuba navuga ngo umukiliya araje, arashaka telefone ngo nyimuhe. Akenshi umukiliya aza kugura SIM Card, akeneye no kuyikoresha muri telefone. 

Numva bigiye kumfasha kuba nabasha kuba mfite utwo dutelefone, umukiliya yaza nkamuha iyo telefone nkamushyiriramo n’iyo SIM Card mubaruriye.”

Uwabaye uwa gatatu ni Tuyishime Baraka ukorera mu Karere ka Nyamasheke, akaba yatsindiye miliyoni 2.5 Frw. 

Akomoze ku cyo aya mafaranga agiye kumufasha, yagize ati: “Ibihembo nahawe byanshimishije cyane njye nsanzwe nkorera mu mutaka. 

Ikintu cya mbere, nanjye nshaka gukora MTN Express Shop, nkongera igishoro cyanjye n’ibyo nakoraga. Bigiye kunteza imbere, ndacyari n’umusore ndashaka kuzagira umuryango.”

Usibye aba batatu batsindiye ibihembo bikuru, hari n’abandi ba-agents 7 bahembwe, aho buri wese yatahanye 500,000 Frw azamufasha mu gukora neza ubucuruzi bwe. Muri rusange, abahembwe ni ab’igitsina gabo batanu n’ab’igitsina gore batanu, bose hamwe bakaba bahawe ibihembo bihwanye n’amafaranga miliyoni 14.5 Frw ndetse n’impamyabumenyi.

Umuyobozi wa MTN Rwanda, Mapula Bodibe, yashimiye byimazeyo aba-agents bose uko ari icumi babashije gutsinda muri iyi gahunda nyuma yo guhiga bagenzi babo bakabakaba mu 5,000 bari biyandikishije mu mu mpera za Mutarama 2025 ubwo iyi gahunda yatangiraga, atangaza ko yizeye ko amahugurwa bahawe atazatanga umusaruro ku rwego rwa MTN gusa, ahubwo azanabafasha kugira uruhare mu iterambere ry’ubukungu bw’igihugu. 

Yashimiye kandi Inkomoko ku bw'umusanzu wabo mu kubakira ba rwiyemezamirimo bato ubushobozi, avuga ko yizeye ko ibikorwa byabo bigiye kurushaho kwaguka.

Ati: “Mu gihe iyi gahunda yatangiraga twakoranaga na ba rwiyemezamirimo batandukanye, ariko by’umwihariko ubu ngubu twaravuze ngo reka dukorane na ba bandi bagira uruhare mu bucuruzi bwacu, ariko ba bandi batajya batekerezwaho cyane mu bijyanye no gufashwa.”

Ni mu gihe ku ruhande rwa Inkomoko, Fred Karengera ushinzwe amahugurwa mu Ntara y’Amajyepfo, yatangaje ko icyo bakeneye kuri aba ba rwiyemezamirimo ari uko bagenda bagashyira mu bikorwa ubumenyi babahaye, buzabafasha gutera imbere mu bikorwa byabo ndetse no kubinoza.

Umuyobozi waturutse muri Minisiteri y’Ubucuruzi n’Inganda, MINICOM, yavuze ko u Rwanda rudashobora kugera ku cyerekezo rwihaye hatabayeho gukorera hamwe nk’Abanyarwanda no gushyira mu bikorwa ibyo bigishwa.

Ati: “Turabifuriza ko ‘business’ zanyu zatera imbere, mukabasha kugira abo muha akazi, tukabasha twese hamwe guteza imbere igihugu cyacu.”

Gahunda ya ‘Level Up Your Biz’ imaze imyaka ine itangijwe, yafashije abayitabiriye kubasha guhanga imirimo mishya, ndetse n’igishoro mu bucuruzi bwabo kirushaho kwiyongera. 

Hasobanuwe ko iki gikorwa gishimangirwa uruhare rwa MTN Rwanda muri gahunda y’igihugu yo kwihutisha iterambere mu cyiciro cyayo cya kabiri (NST2), binyuze mu gutanga umusanzu wayo mu guhanga imirimo.

Mu rwego rwo kumenya niba koko iki gikorwa gitanga umusaruro kiba kitezweho, habaho kongera gusura abahawe ibihembo nyuma y’igihe kiri hagati y’amezi atandatu n’umunani, hakarebwa ibyo bagezeho, imbogamizi bahuye na zo ndetse hagasuzumwa niba hari n’izindi mbaraga bakeneye kugira ngo babashe kugera ku ntego zabo.

Inkomoko, ni kimwe mu bigo bikomeye muri Afurika gikora ibijyanye no kuzamura ba rwiyemezamirimo by’umwihariko abaturuka mu bihugu bya Afurika y’Iburasirazuba, cyibanda ku rubyiruko rukizamuka. Iki kigo cyashinzwe mu 2012 mu Rwanda, gitangijwe na Julienne Oyler na Sara Leedom.  Mu byo bakora harimo gutanga igishoro, amasomo ajyanye n’ubucuruzi, guhuza ba rwiyemezamirimo bakiri bato n’ibigo bikomeye n’ibindi.

Aba-agents 10 ba MTN Rwanda batsindiye akayabo k’amafaranga mu cyiciro cya kane cya gahunda ya ‘Level Up Your Biz’

Ubwo abayobozi biteguraga gutanga ibihembo

Banyangiriki Alex wo muri Gasabo ni we wegukanye igihembo gikuru gihwanye na miliyoni 5 Frw

Tuyishime Barack ni we wabaye uwa gatatu yegukana miliyoni 2.5 Frw

Abahembwe bavuze ko bagiye kwifashisha amafaranga bahawe mu kwagura ibikorwa by’ubucuruzi bwabo 

Umuyobozi wa MTN Rwanda, Mapula Bodibe yavuze ko yizeye ko abahawe ibihembo bazabikoresha neza bateza imbere ikigo bakorera ariko n’igihugu muri rusange

Inkomoko, Ikigo gitanga ubujyanama kuri ba rwiyemezamirimo nicyo cyaherekeje aba ba-agents mu rugendo rwo guhugurwa ku buryo bakwagura ubucuruzi bwabo

MINICOM yasabye abatsindiye ibihembo kubikoresha neza kugira ngo na bo bazagirire abandi umumaro binyuze mu gutanga akazi  

Ni igikorwa cyitabiriwe n’abakozi banyuranye ba MTN Rwanda, anakora muri Inkomoko, aba-agents batsinze n’abandi bafatanyabikorwa

Kanda hano urebe amafoto menshi agaragaza uko igikorwa cyose cyagenze

AMAFOTO: Directon Melvin Pro – InyaRwanda

Biravugwa ko ushinjwa yitwikiriye ijoro maze akurira urugo rwa nyir'inka yahohotewe mu masaha y'ijoro, maze akaba ari na bwo yakoze ayo mahano. 

Abaturage bamufatiye mu cyuho maze batangira kumukubita no kumunnyega, nyuma bamutegeka guhunga igice kimwe yambaye ubusa. 

Ariko yongeye gufatwa ajyanwa kuri sitasiyo ya Polisi ya Khwisero, ndetse n'iyo nka yahohotewe yajyanywe kuri polisi.

Inkuru dukesha ikinyamakuru TNX ivuga ko, ukekwaho icyaha, ari umusore uri mu kigero cy'imyaka 20 isatira 30, akaba ari ingaragu. 

Nk'uko umutangabuhamya wamufatiye mu cyuho, Agrrey Imbumi abivuga, yasanze uyu mugabo yahambiririye inka mu kiraro cyayo mbere yo kuyisambanya.

Ati: 'Nari mu nzira njya mu kazi, ubwo nacaga hafi y'urugo rw'umuturanyi numvise urusaku rudasanzwe rwavaga mu kiraro cy'inka, kubera ko inka yari ikuriwe, naketse ko iri kubyara, ariko nagiye kureba ntungurwa no kuhasanga umugabo nari nsanzwe nzi yambaye ubusa, ari gusambanya inka'

Yatangaye cyane ndetse ababazwa n’ibyo yari amaze kubona maze yihutira gutabaza abaturanyi ngo baze barebe ibibaye. Ati: 'Twihutiye kuza ku kiraro nko dutabare inka, maze dusanga yayiboshye amaguru. 

Mu gihe twahageraga, yagerageje gutoroka, icyakora imbaga y’abaturage bari bahuruye, bafite umujinya mwinshi, bahise bamufata maze batangira kumukubita. “

Imbumi yavuze ko atari bwo bwa mbere uyu mugabo yari afatiwe mu bikorwa nk'ibi. Yagize ati 'Ni ubwa kabiri uyu mugabo afashwe ari gusambanya itungo

Umwaka ushize, yafashwe ari gufata ku ngufu ihene ariko yabashije gutoroka, kuri iyi nshuro rero abaturage biyemeje gukora ibishoboka byose ngo ahanwe.'

Nyir’inka yahotewe ni umugore witwa Leonida Angatia, akaba yavuze ko yari amaze igihe kinini akeka ko uyu mugabo ajya yinjira mu rugo rwe agahohotera inka ye ariko atari afite ikimenyetso simusiga kibyemeza. 

Ati: “Uyu munsi yafatiwe mu cyuho. Imana ishimwe ko ibikorwa bye bibi byashyizwe ahagaragara bose babireba'.

Angatia yasabye ko umuryango w'ukekwaho icyaha wamuha indi nka, avuga ko we n'abagize umuryango we badashobora kunywa amata cyangwa kurya inyama biva ku nka yanduye. 

Ni mu gihe, kugeza ubu, ukekwa agifungiye kuri sitasiyo ya polisi, ari na ko iperereza rigikomeje.

Ibihembo bya Trace Awards & Festival byatanzwe ku nshuro ya Kabiri mu birori byasize umugani byabaye mu ijoro ryo ku wa Gatatu tariki 26 Gashyantare 2025 i Zanzibar mu gihugu cya Tanzania, ahari hakoraniye ibihumbi by'abantu batashye batanyuzwe. 

Ibi bihembo byatanzwe mu byiciro 24, aho umuhanzi Rema ariwe wihariye ibi bihembo kuko yatwaye ibihembo bitatu. Mu ijoro ryo kuri uyu wa Gatanu tariki 28 Gashyantare 2025, abategura ibi bihembo batangaje ko ku nshuro ya mbere, bongeyemo ibyiciro bibiri by'abahanzi babiri b'imbere mu gihugu, Tanzania. 

Babitangaje nyuma y'amakosa bari bakoze nyuma y'uko basibye ubutumwa bari banditse bagaragaza ko Juma Jux yatwaye igihembo cya 'Best Artist Tanzania', ubutumwa bugakurwaho mu buryo bwatunguranye.

Hashize umwanya muto, Doctor Ulimwengu uhagarariye itsinda ry'abashinzwe inyungu za Juma Jux, yanditse ku rubuga rwa Instagram, agaragaza ko ibyakozwe na Trace Awards bishobora kugira ingaruka kuri uyu muhanzi, ndetse ko ari igikorwa cyateje urujijo no mu bafatanyabikorwa no mu bafana.

Nyuma y'ubu butumwa bwe, Trace Awards yatangaje ko Juma Jux na Nandy batwaye ibihembo mu byiciro bitigeze bitangazwa mbere. Bavuze ko Juma Jux yatwaye igikombe cya 'Best Male Artist Tanzania'. Iki cyiciro nticyahataniwe.

Batangaje kandi ko umuhanzikazi Nandy yatwaye igikombe cya 'Best Artist Tanzania'. Mbere, byari byatangajwe ko uyu mukobwa yatwaye igikombe cya “Best Female Artist Tanzania”. Iki cyiciro nacyo ntikigeze gihatanirwa mu byahataniwe.

Uyu mwaka, ibihembo byagaragaje uko umuziki wa Afurika ukomeje kugira ijambo ku rwego mpuzamahanga, aho Afrobeats, Amapiano, n'izindi njyana z'uyu mugabane zari ku isonga, kuko zabafashije abahanzi bazikora gutwara ibihembo.

Itsinda rya Titom & Yuppe bo muri Afurika y'Epfo ryatwaye igikombe cy'indirimbo y'umwaka, babicyesha indirimbo yabo 'Tshwala Bam', yacuranzwe cyane ku isi yose kubera injyana yayo idasanzwe n'umudiho ugezweho.

Rema wo muri Nigeria yegukanye igikombe cya Album y'umwaka (Album of the year), kubera indirimbo ye 'Heis', yerekanye uburyo ashoboye kuvanga Afrobeats n'injyana z'amahanga.

Yatsindiye kandi n'igikombe cy'umuhanzi mwiza w'umugabo (Best Male Artist), agaragaza ko akomeje kuba umwe mu byamamare bikomeye muri Afurika. Ndetse n'igikombe cy'indirimbo nziza (Best Music Video) abicyesha indirimbo ye yise 'DND', yasohoye tariki 20 Ukuboza 2023.

Indirimbo yahuriweho n'abahanzi (Best Collaboration) yegukanwe na Tam Sir & Team Paiya bo muri Côte d’Ivoire batsinze kubera indirimbo yabo 'Coup du Marteau', ifite umudiho wihariye n'ubuhanga bw'abayikoze.

Igihembo cya Producer w'umwaka, cyegukanwe na P. Priime wo muri Nigeria, kubera uko yayoboye amashusho y'indirimbo 'MMS' ya Rema na Asake, igaragaza ubuhanga bwihariye mu gutunganya amashusho.

Umubyinnyi wabyinnye neza kurusha abandi (Best Dancer) yabaye Makhadzi wo muri Afurika y'Epfo, aho yongeye kwemeza ko ari umubyinnyi w'umuhanga, abikesheje imyiyereko ye idasanzwe.

DJ mwiza w'umwaka yabaye DJ Moh Green wo muri Algeria yatsindiye iki gihembo, agaragaza ko ari umwe mu bavanga umuziki bakomeye muri Afurika.

Diamond Platnumz wo muri Tanzania yatwaye igikombe cya 'Best Global African Artist' abicyesha gukomeza kwigaragaza ku ruhando mpuzamahanga, atsindira iki gihembo.

Umuhanzi w'injyana ya Hip-Hop mwiza yabaye Didi B wo muri Côte d’Ivoire. Yegukanye iki gihembo, kubera ubuhanga bwe mu miririmbire n'imirya ye iteye amabengeza.

Umuhanzikazi w'umugore mwiza (Best Female Artist) yabaye Tyla wo muri Afurika y'Epfo. Yahawe iki gihembo, nk'ishimwe ry'ubushobozi bwe bwo guhanga umuziki wihariye.

Umuhanzi mwiza w'indirimbo zihimbaza Imana: Mercy Chinwo wo muri Nigeria yegukanye iki gihembo kubera indirimbo ze zifite ubutumwa bwimbitse za 'Gospel'.

Abatsinze mu byiciro by'uturere:

Umuhanzi ukoresha ururimi rw'Igifaransa (Best French-Speaking Artist): Josey wo muri Côte d’Ivoire.

Umuhanzi ukoresha ururimi rw'Icyongereza mu Burengerazuba bwa Afurika: Ayra Starr wo muri Nigeria. Umuhanzi mwiza wo muri Afurika y'Amajyepfo yabaye Tyler ICU.

Umuhanzi mwiza wo muri Afurika y'Iburasirazuba yabaye Bien wo muri Kenya. Umuhanzi ukorera ururimi rwa Protugal, yabaye Chelsea Dinorath wo muri Angola.

Ibihembo bya Trace Awards 2025 byongeye kugaragaza ko umuziki wa Afurika ukomeje kwaguka no gukundwa ku rwego mpuzamahanga.

Urutonde rw'abegukanye ibihembo muri Trace Awards yabaga ku nshuro ya Kabiri:

1.Song of the Year

Titom & Yuppe — 'Tshwala Bam' (South Africa)

2.Album of the Year

Rema — Heis (Nigeria)

3.Best Collaboration

Tamsir & Team Paiya — 'Coup du Marteau' (Ivory Coast)

4.Best Music Video

Meji Alabi — Rema 'DND' (Nigeria)

5.Best Dancer

Makhadzi (South Africa)

6.Best DJ

DJ Moh Green — 'Kelele' (Algeria)

7.Best Hip Hop Artist (sponsored by Hot 97)

Didi B (Ivory Coast)

Pan-African Awards

8.Best Global African Artist

Diamond Platnumz (Tanzania)

9.Best Male Artist

Rema (Nigeria)

10.Best Female Artist

Tyla (South Africa)

11.Best Live Performance

Fally Ipupa (DRC)

11.Best Producer

P.Priime — 'MMS' (Nigeria)

12.Best Gospel Artist

Mercy Chinwo (Nigeria)

Regional Awards

13.Best Artist Eastern Africa

Bien (Kenya)

14.Best Artist (Western Africa Anglophone)

Ayra Starr (Nigeria)

15.Best Artist (Southern Africa)

Tyler ICU (South Africa)

16.Best Artist Francophone Africa

Josey (Ivory Coast)

17.Best Artist (Lusophone Africa)

Chelsea Dinorath (Angola)

International and Diaspora Awards

18.Best Artist (Europe)

Joe Dwet File (France/Haiti)

19.Best Artist (Brazil)

Duquesa (Brazil)

20.Best Artist (Caribbean)

Lea Churro (Reunion Island) 

21.Best Artist (Indian Ocean)

Barth (Reunion)

22.Lifetime Achievement Award

D'Banj

Juma Jux yahawe igihembo cya Best Male Artist Tanzania atigeze ahatanira mu buzima bwe
Nandy wari wahawe igikombe cya Best Artist Tanzania, yahindurirwe ahabwa igihembo cya Best Female Artist Tanzania

Kuva ku Cyumweru gishize nibwo hatangiye gukinwa Tour du Rwanda ya 2025 aho haherewe kuri Prologue. Kuva uwo munsi kuzageza ejo ku Cyumweru isiganwa risoje hari ibihembo by’amafaranga biri guhabwa abakinnyi bitwaye neza kurusha abandi.

Kuri Prologue hahembwe abakinnyi 20 ba mbere aho bahawe amafaranga agera ku Mayero 1,380. Uwabaye uwa mbere yahawe Amayero 500, uwa kabiri ahabwa Amayero 250, uwa 3 ahabwa Amayero 150, uwa 4 ahabwa Amayero 100 naho uwa 5 ahabwa Amayero 75.

Amafaranga yose hamwe ahembwa abitwaye neza kuva ku gace ka mbere kuzageza Tour du Rwanda ya 2025 irangiye arenga ibihumbi 20 by’Amayero.

Uwegukanye agace ahabwa Amayero 1,100, uwa kabiri agahababwa Amayero 600, uwa 3 ahabwa Amayero 300, uwa kane agabahwa Amayero 200 naho uwabaye uwa gatanu agahabwa Amayero 150.

Ikipe izaba yaritwaye neza ubwo isiganwa rizaba rirangiye izahembwa Amayero 1300, iya kabiri ihabwe Amayero 1000 naho iya gatatu ihabwe Amayero 800.

Umukinnyi uzasoza isiganwa yaritwaye neza mu misozi kurusha abandi azahabwa Amayero 700, uwa kabiri ahabwa Amayero 500,uwa gatatu ahabwa Amayero 300, uwa Kane ahabwe Amayero 100 naho uwa Gatanu ahabwe Amayero 50.

Umukinnyi uzaba waritwaye neza muri Sprint muri Tour du Rwanda 2025 azahabwa Amayero 700,uwa kabiri ahabwa Amayero 500, uwa gatatu ahabwr Amayero 300,uwa Kane ahabwe Amayero 100 naho uwa Gatanu ahabwe Amayero 50.

Abakinnyi bakiri bato bazaba bitwaye neza kuva kuwa mbere kugeza kuwa Gatanu nabo bazahabwa ibingana gutya. Ni nako bizagenda kandi ku bakinnyi beza b’Abanyafurika.

Ku bakinnyi beza b’Abanyafurika bakiri bato ,uwa mbere azahabwa Amayero 400, uwa kabiri ahabwe Amayero 300, uwa Gatatu ahabwe Amayero 150, uwa Kane ahabwe Amayero 100 naho uwa Gatanu ahabwe Amayero 50.

Abakinnyi beza b’Abanyarwanda ho uwa mbere azahabwa Amayero 600, uwa kabiri ahabwe Amayero 450, uwa Gatatu ahabwe Amayero 300, uwa Kane ahabwe Amayero 150 naho uwa Gatanu ahabwe Amayero 50.

Amafaranga azahabwa uzaba yabaye uwa mbere ju rutonde rusange ubwo isiganwa rizaba risojwe azahabwa agera ku bihumbi 3500 by’Amayero, uwa kabiri ahabwe Amayero 2000,uwa Gatatu ahabwe Amayero 1500, uwa Kane ahabwe Amayero 1000 naho uwa Gatanu ahabwe Amayero 800.

Kuri rusange kuri uru rutonde rusange ubwo Tour du Rwanda ya 2025 izaba irangiye hazahembwa 20 ba mbere aho muri rusange bazahabwa agera ku Mayero 11,050.

Muri rusange amafaranga azatangwa kuri ibi bihembo ni Amayero 46,100 naho wayashyira mu Manyarwanda akarenga miliyoni 68 z’amafaranga y’u Rwanda.

Kuri uyu Wa Gatandatu nibwo Tour du Rwanda ya 2025 irakomeza ku munsi wayo wa karindwi hakinwa agace ka Gatandatu karava i Nyanza, kerekeza kuri Canal Olympia, ku ntera y’ibilometero 131,5 mu muhanda unyura mu Bugesera.

Uwegukanye agace ko kuwa Gatanu kahagurukiye i Rusizi kagasorezwa i Huye ni Umubiligi Duarte Marivoet w’imyaka 20, ukinira Ikipe ya UAE. 

Ni mu gihe ugikomeje kwambara umwambaro w’umuhondo ari Umufaransa Joris Delbove wa TotalEnergies.

Duarte Marivoet wegukanye agace ka Gatanu ka Tour du Rwanda ku munsi wejo yahawe Amayero 1,100

Joris Delbove naramuka akomeje kwambara umwambaro w’umuhondo kuzageza ku munsi wa nyuma azahembwa agera ku Mayero 3500

Uyu mugabo utuye mu Mudugudu w'Icyerekezo mu Kagari ka Butiruka mu Murenge wa Remera yabigezeho nyuma y'amahugurwa anyuranye koperative ebyiri zo mu Karere ka Gatsibo zahawe binyuze mu mushinga SAPMP.

Ntirivamunda avuga ko we na bagenzi be 20 bamaze ukwezi kose muri Koreya y'Epfo, basura abahinzi banyuranye n'amakoperative bareba ibyo babigiraho.

Yavuze ko yabonye uburyo abahinzi baho bahora bahinga kandi abenshi biyoboreye amazi mu mirima yabo nta ruhare rwa Leta rurimo na we abigira umuhigo kuko yabonaga yabyikorera.

Akivayo yitegereje umugezi uri nko muri metero 600 ufite isoko mu musozi, acukura inzira z'amazi zigenda zikagera mu murima we neza, na ho akora inzira zigera mu isambu yose nk'uko mu gishanga biba bimeze ku buryo igihe akeneye ko hajyamo amazi ahita ajyamo.

Ati 'Navuyeyo njye aricyo gitekerezo mfite, ndaza hano hari ubutaka burimo ishyamba buri i musozi, ndaza ndarirandura ngenda ncamo imirenzo, nkurura amazi nyakura hirya ahantu hari amazi y''isoko nca imiferege nyakururira muri wa murima wanjye. Ubu nahinzemo imboga, soya n'ibijumba igihe cyose njye ngomba kuba ntera, nsarura mbagara ubu nta nzara nagira kandi nibura mpinga mu bihembwe bitatu mu gihe abandi bahinga bibiri.''

Ntirivamunda ufite ubutaka busaga hegitari ebyiri avuga ko yifuza kujya ahahinga igihingwa kimwe nyuma yo kubona ko aribyo byamufasha kwiteza imbere.

Gukurura aya mazi mu murima we byamutwaye asaga miliyoni 5 Frw kuko yashyizeho abakozi bakagenda bacukura inzira z'amazi.

Yavuze ko kujya muri Koreya akareba uko abandi bahinzi bahinga byamufunguye mu bwonko ku buryo ubumenyi yahakuye azabukoresha mu kwiteza imbere no gukora ubuhinzi buvuguruye.

Kamali Felicien we avuga ko amahugurwa yaherewe muri SAPMP yatumye amenya kwikorera ifumbire y'imborera aho kuri ubu asigaye ayikorera akayigurisha.

Mu gihembwe cy'ihinga cya 2025 A, Kamali yakoze ifumbire yagurishije ibihumbi 550 Frw, kongeraho indi yikoreye yagiye ashyira mu mirima ye kugira ngo abashe kubona umusaruro mwiza.

Umuyobozi w'Akarere ka Gatsibo wungirije ushinzwe Iterambere ry'Ubukungu, Sekanyange Jean Leonard, avuga ko bishimira ko abahinzi babo bongerewe ubumenyi, bagahuzwa n'amasoko ndetse hakaba n'ibishanga byatunganyijwe ku buryo abahinzi basigaye bahinga bakeza.

Ati 'Natwe rero tuzakomeza kuba hafi y'abahinzi kugira ngo ubumenyi babonye bazabusangiza n'abandi, turashaka ko izindi koperative dufite zizajya zikura ubumenyi kuri aba ngaba babubonye.''

Koperative ya CAPRORE Intambwe yo mu Murenge wa Remera n'indi iginga ibigori mu Murenge wa Gasange ihinga, ni zo zafashijwe kongera umusaruro bava ku kweza toni 1,7 kuri hegitari bagera kuri toni eshanu, bahuza n'amasoko, bigishwa gufata neza umusaruro ndetse bamwe muri bo bakorera urugendo shuri muri Koreya y'Epfo mu kureba uko abahinzi baho bahinga.

---