Author: webrwanda

Kuba wahuza umwuga n'uwo mwitegura kurushingana cyangwa mwashakanye, hari ababifata nk'amata abyaye amavuta kuko baba batekereza ko abo bantu bagiye guhuza imbaraga maze bakagera kure. 

Ku rundi ruhande ariko, hari abatekereza ko biba ari umutwaro uremereye kuko bombi baba bazi neza ibyiza n'ibibi by'uwo mwuga ku buryo n'iyo babanye nk'umugabo n'umugore batangira kubaho bacungana bityo urwo rugo ntirurambe cyangwa ngo rubeho mu mahoro.

Dr. Gary Chapman wanditse igitabo 'The 5 Love Languages' avuga ko iyo abashakanye bahuje umwuga, hari igihe akazi kabatwara umwanya munini, bikagira ingaruka ku mibanire yabo. Ati: 'Iyo bombi bakora umwuga umwe, bishobora gutuma akazi kababana kenshi, bikagabanya umwanya wo kwita ku mibanire yabo.'

Ni mu gihe Dr. John Gottman, umushakashatsi ku mibanire y'abashakanye avuga ko iyo abashakanye bahuje umwuga, usanga bombi bumva neza imbogamizi n'ibyiza biri muri ako kazi.

Ati: 'Abashakanye bahuje umwuga akenshi babasha kumvikana cyane ku bibazo bahura na byo no ku byishimo bagira, bikabyara imbaraga zibahuza kurushaho.'

Ibyo kandi bishimangirwa na Esther Perel, impuguke mu mibanire n'urukundo uvuga ko gushakana n'uwo muhuje umwuga bishobora kuba ingirakamaro, cyane cyane iyo muhuje intego.

Iyi ni ingingo yagiye igibwaho impaka n'impuguke zitandukanye mu bijyanye n'imibanire y'abantu. Bamwe babona ko bifasha urukundo gukomera kuko buri wese yumva neza akazi k'undi, mu gihe abandi babona ko bishobora guteza amakimbirane mu buryo bumwe cyangwa ubundi.

Nubwo bidakunze kubaho, ariko hari abahanzi bari basanzwe bazwi mu ruhando rwa muzika mpuzamahanga barushinganye n'abandi bahanzikazi none ubu bakaba bamaze gushinga imizi no kwigarurira imitima y'abakunzi babo.

Gusa nubwo bimeze bityo, hari bamwe muri bo bivugwa ko zirara zishya bwacya zikazima, ariho bashwana rimwe na rimwe bakanatandukana ariko bagera imbere ya camera bagaseka ku bwo gusigasira icyubahiro cyabo n’imiryango yabo.

Dore abahanzi 10 bashakanye n'abahanzikazi.

1. Jay-Z na Beyoncé

Jay-Z na Beyoncé ni bamwe mu byamamare bikomeye ku isi. Bashyingiranywe mu 2008, bakomeza gukora umuziki n'ubucuruzi butandukanye. Indirimbo zinyuranye bakoranye, zishimangira ubufatanye bwabo mu rugendo rw'umuziki ndetse no mu rushako.

2. Rihanna na ASAP Rocky

Rihanna, umuhanzikazi w'icyamamare ku isi, yashakanye na ASAP Rocky, umuraperi w'umuhanga muri Hip-Hop. Bombi bamaze kubyarana abana babiri kandi bakomeje gushyigikirana mu bikorwa byabo bya muzika no mu bucuruzi.

3. Alicia Keys na Swizz Beatz

Alicia Keys, umuhanzikazi w'indirimbo za R&B, yashakanye na Swizz Beatz, umuhanzi akaba n'umwe mu batunganya umuziki bakomeye ku isi. Bashyingiranywe mu 2010 kandi bakomeje gushyigikirana mu bikorwa by'umuziki n'iterambere ry'umuryango wabo.

4. Offset na Cardi B

Offset, umwe mu baraperi bagize itsinda rya Migos, yashakanye na Cardi B, umuhanzikazi w'icyamamare mu njyana ya Hip-Hop mu 2017.  Nubwo bagiye bahura n’intambara nyinshi mu rugo rwabo, bakomeje kuba hamwe no gushyigikirana mu rugendo rw'umuziki ndetse Cardi B wari wasabye gatanya avuga ko yiteguye kongera kubaka neza umuryango we.

5. Simi na Adekunle Gold

Simi na Adekunle Gold ni abahanzi b'Abanya-Nigeria bakomeye cyane mu njyana ya Afrobeat na R&B. Bashyingiranywe mu 2019 kandi na bo bakomeje guterana imbaraga mu muziki wabo, aho buri wese akunze gutanga umusanzu mu ndirimbo z'undi.

 

Iyi ndirimbo yayishyize hanze mu ijoro ryo kuri uyu wa Kane tariki 6 Werurwe 2025, ni mu gihe muri Kanama 2024 yakoreye igitaramo gikomeye muri Kigali Conference and Exhibition Village ahazwi nka Camp Kigali, yamurikiyemo Album ye ya mbere yise 'Migabo' yatuye Perezida Paul Kagame. 

Mu kiganiro na InyaRwanda, Cyusa Ibrahim yavuze ko mu gihe ari kwitegura gushyira ku mbuga nkoranyambaga Album ye ya mbere, yahisemo kuba atangiye urugendo rwo gukora ku ndirimbo zigize Album ye ya kabiri yise 'Muvumwamata'.

Yavuze ko yayitiriye Nyirakuru we kubera uruhare yagize mu rugendo rwe rw'umuziki, byatumye yifuza kumushimira. Ati 'Niwe watumye nangira kuba umuhanzi, mbese yabaye urufatiro rw’inganzo yanjye. Ni mu buryo bwo kumutura iyi Album, niyo mpamvu namwise 'Muvumwamata', ni nk'igisingizo namukoreye mu rwego rwo kumushimira.'

Iyi album izaba iriho n'izi ndirimbo zirimo 'Mucyo', 'Emerabujyane' na 'RPF Turatashye' zizasohoka ku munsi umwe, mu rwego rwo guteguza iyi album.

Iyi album izaba iriho indirimbo 14 zirimo izo hambere yagiye asubiramo ndetse n’ize bwite yagiye ahimba. Ati “Nagiye mvanga kugirango n’abacyera zazindi bagenda bumva bazumve mu buryo bwiza, nk’uko nsanzwe mbikora.” Iyi album izaba iriho indirimbo esheshatu ze bwite n’indirimbo esheshatu zo hambere.

Mu busanzwe Nyirakuru wa Cyusa ntabwo yitwa Muvumwamata. Uyu muhanzi avuga ko nta muntu uvuga mu izina umubyeyi we, ari nayo mpamvu yahisemo izina amwita aba ari naryo yitirira iyi album ye avuga ko ifite umwihariko.

Ati 'Ni uko iyi ndirimbo yitwa Muvumwamata ariwe navugaga. Ntago umubyeyi bamuvuga mu izina. Umubyeyi baramutsinda bakamuvuga mu byivugo cyangwa mu bindi bisingizo.'

Yavuze ko yitiriye iyi album Nyirakuru kubera yabaye imvano y'umuziki we. Avuga ati 'Iyi album nayitiriye nyogokuru wampaye impano yo kuririmba.'

Amwitiriye album nyuma y'uko mu minsi ishize amuhaye impano y'imodoka mu rwego rwo kumushimira. Ati 'Rero kumuha imodoka numvaga bidahagije mpitamo no kumwitirira album yanjye ya mbere niho namwise 'Muvumwamata'. Muvumwamata ni nko kuvuga muragwa mugisha, kuko amata yavugaga umugisha.”

Cyusa Ibrahim agiye gusohora album ye ya mbere nyuma y’amezi umunani yari ashize asohoye indirimbo yise ‘Uwanjye’ yabanjirijwe n’indirimbo zirimo ‘Wa munsi wageze’, ‘Ku Gacyamo’, ‘Ndabyanze’, ‘Mama’, ‘Marebe’ n’izindi zinyuranye.

Uyu munyamuziki amaze imyaka ine yinjiye mu muziki nk’umuhanzi wigenga. Kuva icyo gihe yaririmbye mu bitaramo bikomeye, kandi aririmba kenshi mu misango y’ubukwe yaba mu Rwanda no mu bindi bihugu.

Cyusa Ibrahim yasohoye indirimbo 'Muvumwamata' mu rwego rwo gushimira Nyirakuru wamwinjije
Cyusa Ibrahim yavuze ko iyi Album yihariye mu rugendo rwe rw'umuziki, kuko ari igisingizo kuri Nyirakuru we 

Cyusa yavuze ko Nyirakuru yagize uruhare rukomeye mu mibereho ye byatumye yifuza kumutura Album   

Mu 2020, Cyusa Ibrahim yahaye imodoka Nyirakuru mu rwego rwo kumushimira- Mu mashusho y’iyi ndirimbo ‘Muvumwata’ yamwifashishijeo

KANDA HANO UBASHE KUREBA AMASHUSHO Y'INDIRIMBO 'MUVUMWAMATA' YA CYUSA IBRAHIM

“>

Intego yari ugukuraho ubuyobozi bw'u Rwanda avuga ko bushyigikiye M23, umutwe uharanira uburenganzira bw'abaturage ba Congo bavuga Ikinyarwanda, babagwa bakaribwa ku manywa y'ihangu, itotezwa rimaze imyaka myinshi ribakorerwa kuko Ababiligi n'Abanyamerika baryandikaga kuva mu myaka ya 1960.

U Rwanda rwakunze guhakana ibyo gukorana na M23, ahubwo rukerekana ibimenyetso simusiga by'ubufatanye hagati y'Ingabo za Repubulika Iharanira Demokarasi ya Congo na FDLR, umutwe w'iterabwoba ugizwe n'abagize uruhare muri Jenoside yakorewe Abatutsi mu 1994 mu Rwanda, ukagendera ku ntego nyamukuru yo gukuraho ubuyobozi bw'u Rwanda.

M23 yakunze kugaragaza kenshi ko yifuza ibiganiro, ingingo Tshisekedi yateye utwatsi, ahubwo azenguruka amahanga ashaka intwaro zo kurasa uwo mutwe, yawutsinda agakomereza mu Rwanda.

Raporo y'Ikigo SIPRI igaragaza amafaranga akoreshwa n'ibihugu mu kugura intwaro, igaragaza ko mu 2023, Leta ya RDC ari cyo gihugu cya mbere ku Isi cyongereye ijanisha rinini ku mafaranga gikoresha kigura intwaro, ryari kuri 105%.

Muri uwo mwaka, RDC yaguze intwaro zifite agaciro ka miliyoni 794$, amafaranga akubye inshuro zirenga ebyiri ayari yakoreshejwe mu 2022.

Ibi byose byerekanaga ko nta kindi Tshisekedi agamije, uretse guhangana na M23 ku rugamba nta by'inzira y'ibiganiro, akayitsinda mu buryo bwa gisirikare mbere yo gukomereza i Kigali, akahashinga idarapo ry'igihugu cye.

Icyakora iby'iyi gahunda byajemo kidobya ahagana mu ntangiriro z'uyu mwaka. Icyo gihe, M23 yakoresheje imbaraga zidasanzwe mu gusubiza inyuma abarwanyi ibihumbi n'ibihumbi b'imitwe yifatanya na Leta ya Congo ikubiye mu ihuriro rya Wazalendo, FDLR, Ingabo z'u Burundi, iza Monusco na SADC n'izindi nyinshi.

Gashyantare yageze M23 igenzura Umujyi wa Goma, ari nako iri kumanuka igana Bukavu ndetse magingo aya iri mu nkengero z'Umujyi wa Uvira.

Nyuma yo gutsindwa uruhenu ndetse no gutakaza ibikoresho byinshi bya gisirikare, Perezida Tshisekedi yarashobewe, atangira kuzunguza umutwe ashaka icyamufasha kwikura muri uru ruhuri rw'ibibazo yijanditsemo.

Uyu mugabo yaje kuterera akajisho muri Ukraine, igihugu kindi kiri mu ntambara n'u Burusiya. Perezida Volodymyr Zelenskyy aherutse kugaragaza ubushake bwo gutanga umutungo kamere w'igihugu cye, akawuha ibihugu bizamwemerera gukomeza kumuha intwaro n'ubundi bufasha akeneye.

Ukraine ifite umutungo kamere ubarirwa mu gaciro ka miliyari ibihumbi 14$ mu gihe RDC nayo ifite umutungo ubarirwa mu gaciro ka miliyari ibihumbi 24$. Niba ubu buryo bwa Zelensky bushobora gukora kuri Ukraine, birumvikana ko no kuri RDC bushobora gukora, mu mbona za Perezida Tshisekedi.

Ni cyo cyatumye mu kwezi gushize, Perezida Tshisekedi yohereza amatsinda hirya no hino ku Isi, kugira ngo amufashe kubona intwaro ndetse no gufatira ibihano u Rwanda.

Zelensky yatanze umuvuno; Amerika ihatirwa gukanira u Rwanda

Leta Zunze Ubumwe za Amerika ni kimwe mu bihugu Tshisekedi yoherejemo inkoramutima ze, aho zakiriwe 'mu buryo budashamaje cyane.'

Perezida Donald Trump aherutse kuberereka ubwo yabazwaga ku kibazo cy'u Rwanda na RDC, asubiza umunyamakuru ko ari ikibazo gikomeye ati 'ndabyemera, ariko sintekereza ko aka kanya ari igihe cyiza cyo kukivugaho. Ariko ni ikibazo gikomeye.'

Inyuma y'amarido, ubutegetsi bwa Kinshasa bufite ubwoba bw'ingaruka bwagirwaho n'ibiganiro byaba hagati ya Amerika n'u Rwanda, ari nayo mpamvu buri gukora ibishoboka byose mu gushyira Amerika ku ruhande rwayo.

Ikinyamakuru Africa Intelligence cyanditse ko muri Gashyantare, Perezida Tshisekedi yohereje itsinda muri Amerika kugira ngo ryumvishe icyo gihugu ko RDC ishobora kugiha uburenganzira bwo gucukura amabuye y'agaciro. Ku rundi ruhande, icyo RDC yifuza ni uko Amerika irushaho gushyira igitutu ku Rwanda.

Mu bayobozi boherejwe muri Amerika, harimo abayobozi ba Gécamines, Ikigo cya Leta gikora ubucukuzi bw'amabuye y'agaciro. Aba bayobozi bari bakuriwe na Guy Robert Lukama, Umuyobozi w'Inama y'Ubutegetsi ya Gécamines.

Hari kandi Patrick Luabeya, Perezida w'Ikigo cya Arecoms gishinzwe gukurikirana icukurwa n'iyoherezwa mu mahanga ry'amabuye y'agaciro y'ingenzi. Iki kigo ni cyo giherutse guhagarika iyoherezwa mu mahanga rya 'cobalt' mu gihe cy'amezi ane.

Ibiro bya Minisitiri w'Intebe byari bihagarariwe na Minisitiri w'Imari, Doudou Fwamba Likunde mu gihe Perezida Tshisekedi yari yohereje umuvandimwe we, Jacques Tshisekedi. Ibiganiro bya Jacques Tshisekedi byari kwibanda cyane ku bijyanye n'umutekano, ingingo ishobora gukubirwamo ibijyanye no guhabwa intwaro, amakuru y'ubutasi n'ibindi.

Iyi kipe ya Tshisekedi ni ikipe ifatika, ibyerekana uburyo uru rugendo rwari rumushishikaje cyane. Icyakora amakuru avuga ko ibijyanye n'ibyo RDC yemereye Amerika muri urwo rugendo, bitazwi neza, uretse ko bikekwa ko Amerika ishobora kungukira mu birombe biri mu bice bya Grand Katanga.

Ibi byerekanwa n'uko Gécamines iherutse kwanga kwemeza igurishwa ry'Ikigo cya Chemaf. Iki ni Ikigo cya sosiyete yo muri Leta Zunze Ubumwe z'Abarabu izwi nka Shalina Resources.

Iyi sosiyete yashakaga kugurisha Chemaf ku yindi sosiyete y'Abashinwa izwi nka Norin Mining, ariko Gécamines yanga kwemeza ubwo bugure. Benshi babihuza n'ibyo kuba Tshisekedi yifuza kwikururira Abanyamerika cyane, bityo akaba ari kwirinda guha ikaze Abashinwa.

Icyakora ku rundi ruhande, bisa n'aho Perezida Tshisekedi agomba gukora cyane mu kwigarurira icyizere adafitiwe muri Amerika, kuko amakuru avuga ko yaba Peter Pham, Umunyamabanga wa Amerika wungirije ushinzwe Afurika, na Richard Grenell uhagararira Perezida Trump mu buryo bwihariye, bakunze kumvikana bavuga ko badafitiye icyizere Leta ya Congo.

Abu Dhabi basezeranyijwe ibirombe, basabwa intwaro karundura

Nyuma yo kuva muri Amerika, Jacques Tshisekedi ntiyatinze mu mayira kuko feri ya mbere yayifatiye Abu Dhabi, muri Leta Zunze Ubumwe z'Abarabu (UAE). Muri uru rugendo, yari aherekejwe n'Umujyanama wihariye wa Perezida Tshisekedi, Kahumbu Mandungu Bula uzwi nka 'Kao.'

Uyu mugabo, ni nawe ukora nk'umuhuza hagati ya Perezida Tshisekedi na Mohammed bin Zayed Al Nahyan (MbZ), Perezida wa UAE. Intego nyamukuru y'uru rugendo, yari ugusaba intwaro karundura zigomba gusimbura izigaruriwe na M23, zikanifashishwa mu kuyitsinda. Amakuru avuga ko ubusabe bwa RDC kuri UAE bwari ubusabe 'bwihutirwa cyane.'

Aha muri UAE, aba bagabo bari bacumbitse muri hoteli y'akataraboneka y'inyenyeri eshanu izwi nka 'Four Seasons Hotel Abu Dhabi' iri ku Kirwa cya Al Maryah, rwagati mu mutima wa Abu Dhabi, Umurwa Mukuru wa UAE.

Uretse gusaba intwaro, aba bagabo bari bitwaje impamba y'icyo bashobora guha UAE, mu gihe yakwemera kubaha intwaro.

Abayobozi b'Ikigo cya International Holding Co (IHC) gikora ishoramari mu nzego nyinshi zirimo urwego rw'imari, ikoranabuhanga, ubukerarugendo n'izindi, nibo bari biteguye kubakira. Aba bari bayobowe na Tahnoon bin Zayed Al Nahyan, umuvandimwe wa Perezida MbZ, akaba n'Umujyanama we mu bijyanye n'umutekano.

Mu biganiro by'impande zombi, itsinda rya RDC ryabwiye abayobozi ba IHC ko babafitiye amahirwe y'ishoramari, ari mu kirombe cya 'Musonoï East' kizwiho kugira ububiko bw'amabuye y'agaciro arimo cobalt na copper. Iki kirombe giherereye mu Ntara ya Lualaba iri mu Majyepfo ashyira Uburasirazuba bwa RDC, hafi y'agace ka Kolwezi.

Gusa itsinda rya RDC ryavuze ko iki kirombe cyaboneka ari uko IHC yemeye kwishyura miliyoni 250$, ikabona guhabwa ibyangombwa byo kugicukura. Ayo mafaranga yagombaga kwishyurwa mbere.

Icyakora ku rundi ruhande, iby'iki kirombe si shyashya. Magingo aya, iki kirombe kibarwa mu mitungo ya Gécamines, icyakora amakuru akavuga ko muri Nyakanga 2021, cyari cyahawe Ikigo cya Guma Group cyo muri Afurika y'Epfo, kikaba ari icy'umukire Robert Gumede, uyu nawe akaba ari inshuti magara ya Nicolas Kazadi wahoze ari Minisitiri w'Imari muri RDC n'abandi bayobozi bafite amazina akomeye i Kinshasa.

Amasezerano yo kwegurira iki kirombe Ikigo cya Guma Group, bivugwa ko yari yabayeho mu buryo bw'ibanga.
Amakuru avuga ko Gemede yagiranye ibiganiro na Leta ya RDC inshuro nyinshi, birimo n'ibyo kuyifasha kubona intwaro.

Hagati aho, ku itariki ya 4 Gashyantare, iminsi mike M23 yigaruriye Goma, Umuyobozi wa Gécamines, Placide Nkala Basadilua, yandikiye ibaruwa Robert Gumede amumenyesha ko ya masezerano y'ibanga yasinywe muri Nyakanga, 2021, ateshejwe agaciro.

Ibyo gusesa aya masezerano, byashyizwe mu bikorwa nyuma y'uko impande zombi zari zagiranye ibiganiro mu Ukuboza 2023, ariko ntizumvikane ku bijyanye no gusubukura imirimo y'ubucukuzi.

Iyi baruwa ivuga ko 'Gécamines itakomeza kurebera iki kirombe kitabyazwa umusaruro, ari nayo mpamvu ifashe icyemezo cyo guhagarika ibiganiro.'

Uburyo UAE ishobora kuzitwara kuri iyi ngingo, ni ibyo guhanga amaso.

I Moscow bahisemo kugendera kure intambara zitabareba

Nubwo Perezida Tshisekedi yakunze kwigaragaza nk'umuyobozi ukorana n'ibihugu byo mu Burengerazuba bw'Isi, uyu mugabo yaranahindukiye, ahanga amaso u Burusiya.

Muri Gashyantare yohereje itsinda i Moscow, rikuriwe n'Umujyanama we, Théo Mbiye wakunze kuvugwa cyane mu by'ubucukuzi bw'amabuye y'agaciro za Grand Katanga.

Amakuru avuga ko i Moscow batahaye Abacongomani icyizere, ahanini bishingiye ku rugamba rutoroshye barimo, cyane ko igihugu cyabo gihanganye na Ukraine mu ntambara imaze imyaka itatu.

Iyi ntambara ngo yatumye Abarusiya birinda kwinjira mu bindi bibazo byiyongera ku byo bafite, cyane cyane ibibazo bitoroshye kandi batamenyereye cyane, nk'ibyo mu Burasirazuba bwa Congo.

I N'djamena barashyugumbwe, bacira ibirura rugikubita

Mu myaka itatu Tshisekedi yari amaze arwana na M23, ntabwo yigeze atumira Tchad, igihugu azi kandi afata nk'inshuti, by'umwihariko kikaba kizwiho ubushobozi bw'igisirikare cyacyo.

Icyakora koko uhiriye mu nzu ntaho adapfunda imitwe! Perezida Tshisekedi kera kabaye yaje kwibuka Tchad, anagerageza kuyishora mu ntambara zo kwica abaturage be ariko biranga.

Perezida Tshisekedi yamenye Tchad cyane mu 2021, nyuma y'urupfu rwa Perezida Idriss Déby. Icyo gihe, Umuryango w'Ubukungu w'ibihugu byo muri Afurika yo Hagati, birimo na RDC, byashyizeho Perezida Tshisekedi kugira ngo azafashe mu bijyanye no guhererekanya ubutegetsi mahoro muri Tchad.

Aho niho Tshisekedi yubakiye ubucuti na mugenzi we wa Tchad, Perezida Mahamat Idriss Déby Itno. Mu gihe abacanshuro bari bamaze gukubitwa inshuro, Wazalendo na FDLR bananiwe, Abarundi bari kuririra mu myotsi nyuma yo gupfusha abasirikare benshi, Perezida Tshisekedi yaje kwibuka Tchad.

Ku itariki ya 18 Gashyantare, Tshisekedi yohereje Minisitiri Didier Mazenga Mukanzu nk'intumwa yihariye, ayiha ubutumwa bwo kujyana i N'djamena kwa Perezida Mahamat Idriss Déby Itno.

Amakuru avuga ko Tshisekedi yasabye mugenzi we kumuha ingabo, zikamufasha guhangamura M23. Perezida Mahamat Idriss Déby Itno nawe usanzwe ari umusirikaare, bivugwa ko yatekereje kuri iki cyifuzo, cyane ko harimo n'ingingo y'amafaranga kandi nawe akaba ayoboye igihugu gikennye, kitanafite uburyo bwo kubona amadevize ahagije.

Icyakora bivugwa ko iki cyifuzo cyatewe utwatsi n'abandi basirikare bakuru muri icyo gihugu, bamubwiye ko Ingabo za Tchad zimenyereye intambara zo mu butayu, ku buryo kurwana intambara zo mu mashyamba n'imisozi, ari ibintu byazigora cyane.

Aba basirikare kandi ngo bamusobanuriye ko bitoroshye kujyana abasirikare ku Burasirazuba bwa Congo kuko ari kure, ibyatuma kubagezaho ibyo bakeneye bigorana kurushaho.

Izi mpamvu zombi, zari butume aba basirikare bagorwa cyane no gukora itandukaniro ku rugamba, mu gihe nyamara na Tchad itorohewe, kuko ari igihugu kiri mu gace gakunze kurangwamo imitwe y'iterabwoba.

Si ibyo gusa ariko kuko Tshisekedi atacitse intege, ahubwo tariki ya 22 Gashyantare, yohereje na Minisitiri w'Ubutabera, Constant Mutamba, kugira ngo ahure na Perezida wa Mali Assimi Goïta.

Icyakora biragoye kwemeza ubufasha bwaturuka i Bamako, nyamara na Mali imaze imyaka ihanganye n'imitwe y'iterabwoba yanigaruriye ibice by'Amajyaruguru i'icyo gihugu.

Perezida Ndayishimiye yahekenye ibitamirika; igihe cyo kwisubiraho?

Ni gake uzumva Ijambo rya Perezida Ndayishimiye agasoza adakomoje ku mafunguro, gusa ubanza kuri iyi nshuro ibyo ari kunyunguta ari ibitaribwa.

Uyu mugabo ni umwe mu bafatanyabikorwa b'imena ba Perezida Tshisekedi mu mugambi we wo kwica abaturage b'igihugu cye.

Amakuru avuga ko ubwo M23 yigarurira Umujyi wa Bukavu, u Burundi bwakuyeyo abasirikare barenga ibihumbi 10 bazanwa hafi n'umupaka, ubu amakuru akavuga ko bongeye koherezwa mu Mujyi wa Uvira ugoswe na M23.

Icyakora amakuru avuga ko bishoboka ko u Burundi bushobora gucyura ingabo zabwo, cyane cyane nyuma y'uko ngo bwagiranye ibiganiro by'ibanga n'u Rwanda bigamije guhosha umwuka mubi wari wazamuwe na Perezida Ndayishimiye, wihandagaje akavuga ko azakuraho ubuyobozi bw'u Rwanda.

Bivugwa ko ibi biganiro byababaje cyane ubutegetsi bwa Kinshasa, bukabifata nko gutereranwa n'inshuti y'imena.

Imwe mu mpamvu zishobora gutuma Perezida Ndayishimiye afata iki cyemezo, ijyanye n'uko ibintu bitameze neza mu gisirikare cye.

Nubwo RDC yishyura serivisi z'igisirikare cy'u Burundi mu kuyifasha kwica abaturage bayo, bamwe mu basirikare bakuru mu Burundi bari kwibaza impamvu ingabo z'igihugu zashowe mu ntambara yo mu Burasirazuba bwa RDC, ndetse ibintu byarushijeho kuba bibi muri Mutarama, ubwo ingabo z'u Burundi zatakazaga abasirikare benshi mu bice bya Ngungu na Kivu y'Amajyaruguru.

Ruhorimbere yashinze ikigo yitwa Iwacu Bakery Solution gikorera mu Karere ka Gatsibo mu Murenge wa Kabarore.

Agura ibihaza byahinzwe na koperative y'abaturage 400, ikilo kimwe akakigura 150 Frw. Hari kandi abandi benshi babimugemurira bavuye mu turere twa Gatsibo na Nyagatare.

Iyo bakora amandazi, keke n'imigati mu bihaza, babanza kubiteka bagakuramo umutsima w'imbere ubundi bakawupima bakawuvanga n'ifarini, amagi n'ibindi bituma bakora ibyo bashakamo. Iki gihaza ngo gisimbura isukari abandi bakoresha.

Uyu mushinga yawutangiye mu 2020 ubwo icyorezo cya Covid-19 cyageraga mu Rwanda. Byatangiye yandika igitabo ku bihaza ubwo yarangizaga kaminuza, akomeza anakomeza akora ubushakashatsi abona ko igihaza cyavamo amandazi n'imigati byiza kandi byagirira benshi umumaro.

Ati 'Naratekereje nti cya gihaza uwagishyira mu irindazi cyangwa umugati za ntungamubiri ntizagera ku baturage benshi barimo na ba bandi bahinga ibihaza ariko batabirya. Ni uko rero natangiye niyemeza kubikoramo amandazi, imigati na keke ku buryo na wa wundi udasanzwe ubirya yabirya mu irindazi cyangwa mu mugati.''

Ruhorimbere avuga ko yatangiye akorera mu nzu ntoya cyane, akora imigati, amandazi na keke bishira, biza kurangira mu 2021 atoranyijwe mu mushinga wa SAIP kugira ngo umufashe mu kwagura ibyo yakoraga.

Ati 'SAIP yadufashije kwagura umushinga wacu batwubakira inyubako nziza nini yahindutse uruganda, baduhaye 70% ku nyubako n'imashini natwe twishakamo 30%. Kuva mu mwaka ushize twahise dutangira gucuruza imigati, amandazi na keke mu Karere hose ndetse no mu Karere ka Nyagatare.''

Ruhorimbere avuga ko mbere yapondeshaga intoki, agakoresha abasore b'imbaraga bakoreshaga amasaha menshi bavanga ifarini, ibihaza n'amagi, bikanatuma umugati utabyimba ariko ubu asigaye avangisha imashini ku buryo ku munsi bavanga ibiro biri hagati ya 250 na 300 by'ibihaza.

Ati 'Mbere twakoraga imigati itari myiza cyane ariko ubu duteka umugati ku bipimo byiza, binatuma imigati yacu isigaye imara iminsi itanu ivuye ku kumara umunsi umwe kandi uwo mugati ukaba urimo intungamubiri nyinshi.''

Ruhorimbere avuga ko yavuye ku gucuruza ampaki atanu y'amandazi, atanu y'imigati na atanu ya keke agera ku gukora amapaki arenga 3000 ku munsi akwirakwiza mu turere twa Nyagatare na Gatsibo.

Aka kazi yagatangiye akorana n'abantu bake ariko ubu akoresha abakozi 17 bahoraho n'abandi batanu badahoraho.

Niyonkuru Elysa w'imyaka 21 wahabonye akazi yishimira iterambere amaze kugeraho ririmo amabati 20 yaguze kugira ngo aziyubakire inzu.

Ati 'No kuba ndi umwe mu bantu bafite akazi gahoraho ntari umushomeri byose ndabikesha amandazi n'imigati dukora mu bihaza, rero ubu ndashimira ko ndi umwe mu rubyiruko rufite akazi gahoraho.''

Ntirikwendera Felix we avuga uru ruganda rukora imigati n'amandazi mu bihaza rumufasha gutunga umuryango we, akishyurira abana ishuri, kandi akabona ibyo akeneye byose abikesha abikesha umushahara ahembwa.

Kuri ubu Ruhorimbere afite intumbero zo kuzanatangiza uruganda rukora amavuta mu nzuzi akura mu bihaza, avuga ko yamaze gukora inyigo abona ko ari ibintu bishoboka akaba akibitegura neza.

Amandazi, keke n’imigati akora abigurisha mu turere tubiri

Ruhorimbere avuga ko nyuma yo gukora amandanzi azanatangira uruganda rw’amavuta akoze mu nzuzi

Ibihaza babivanga n’ifarini bigasimbura isukari isanzwe ikoreshwa

Aboherejwe muri Chypre ni ababaye indashyikirwa mu masomo. Ni igikorwa kigamije kugira ngo na bagenzi babo bajye biga cyane, bibaheshe amahirwe nk'aya cyangwa ayandi.

Ubufatanye buri hagati y'izi kaminuza zombi bugamije gufasha abanyeshuri ba UK kunguka ubumenyi butangirwa muri Chypre. Uretse kwiga, banagira inararibonye mu wundi muco.

Ibyo bibafasha kwagura imitekerereze yabo no kugirana imikoranire n'abantu batandukanye ku rwego mpuzamahanga.

Abanyeshuri bagiye muri Chypre bazahamara amezi ane. Bavuze ko ari ubwa mbere bagiye mu mahanga, kandi ko babyishimiye, bagaragaza ko amahirwe bahawe bazayabyaza umusaruro.

Gitarama Sabrina ni umwe muri bo. Yagize ati 'Ni ibintu ntazibagirwa mu buzima bwanjye. Sinatekerezaga ko nzagenda mu ndege. Iyi gahunda izahindura ubuzima bwanjye, kandi niteguye kwiga byinshi no kuwaguka ndi muri Cyprus.”

Ababyeyi b'aba banyeshuri bashimiye UK, bagaragaza ko gahunda yo kohereza abana babo kwiga mu mahanga ituma bigana umwete.

Umubyeyi witwa Gakire Athanase yagize ati 'Ndashimira Kaminuza ya Kigali ku bwo guha amahirwe angana buri munyeshuri kandi ashingiye ku bushobozi. Ibi bituma abana bacu bakorana umwete, kuko bamenya ko imbaraga bashyira mu masomo zibazanira inyungu.'

Gakire yakomeje ati 'Ndashishikariza abandi banyeshuri kwiga muri UK kubera umuhate wayo mu gutanga uburezi bufite ireme n'amahirwe yo kujya mu mahanga itanga.'

Umuyobozi ushinzwe Imikoranire Mpuzamahanga muri UK, CPA Dorcas Kamau, yavuze ko aba banyeshuri bagiye mu mahanga bazatuma barumuna babo babareberaho, bakiga bashyizeho umwete.

Yavuze ko kandi UK izakomeza gutanga ubumenyi bufite ireme ariko yitaye no ku gutanga amahirwe afasha abanyeshuri kujya mu mahanga ku buryo bajya ku isoko ry'umurimo bashoboye guhatana hirya no hino ku Isi.

Umuyobozi Mukuru Wungirije wa UK ushinzwe Iterambere, Ubushakashatsi no Guhanga Udushya, Prof. Felix Maringe, yavuze ko iyi gahunda izafasha abanyeshuri kugira ubumenyi buhamye.

Yagize ati 'Iyi gahunda yo gusangira ubumenyi ifasha abanyeshuri kubona uko bahagaze mu mahanga, kunguka ubumenyi no kumenya imico itandukanye. Ibi biha abanyeshuri amahirwe akomeye yo kugendana n'aho Isi igeze, kumenya uburyo butandukanye bwo kwiga no guhura n'abantu bo hirya no hino ku Isi, bizabafasha mu kazi kabo k'ejo hazaza.'

Prof. Maringe yakomeje ati 'Kaminuza ya Kigali twiyemeje guha abanyeshuri ubumenyi n'ubushobozi bibafasha guhangana mu Isi yabaye Umudugudu.'

Kohereza abanyeshuri ba UK muri Kaminuza ya Nicosia binyuze mu bufatanye izi kaminuza zifitanye ni gahunda ikomeza kandi yitwezweho gufungura indi miryango y'ubufatanye hagati y'impande zombi.

Aba banyeshuri bageze muri Cyprus bishimiye kwiga muri kaminuza yo mu mahanga

Abenshi muri aba banyeshuri ni ubwa mbere bagiye mu mahanga

Ni amakuru yamenyekanye saa sita z'amanywa zo kuri uyu wa 6 Werurwe 2025, ubwo Polisi yamugwaga gitumo mu rugo iwe.

Abaturage bavuga ko babonye Polisi ije gukora umukwabu mu rugo rwa Hitimana Emmanuel, basanga muri urwo rugo yarahahinze urumogi, ndetse ibiti byarwo bitohagiye.

Bivugwa kandi ko hari abaturage bari bazi ko aruhinga, bakaba ari na bo batungiye agatoki Polisi ikaza kumufata.

Umuvugizi wa Polisi mu Ntara y'Amajyepfo, SP Emmanuel Habiyaremye, yabwiye IGIHE ko ubu uyu mugabo afungiye kuri Sitasiyo ya Polisi ya Gacurabwenge.

Ati 'Akekwaho guhinga urumogi iwe mu rugo aho twasanze hahinzemo ibiti 10 by'ikiyobyabwenge cy'urumogi.

SP Habiyaremye yakomeje aburira abaturage bakijandika mu byaha kubireka kuko ngo nta kibi bazakora ngo kibure kumenywa, kandi ko bazabihanirwa n'amategeko.

Itegeko nº68/2018 ryo ku wa 30/08/2018 riteganya ibyaha n'ibihano muri rusange, ingingo ya 263 ivuga ko umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw'imiti ikoreshwa nka byo mu buryo bunyuranije n'amategeko, aba akoze icyaha.

Iyo abihamijwe n'urukiko ahanishwa igifungo cya burundu n'ihazabu y'amafaranga y'u Rwanda arenze miliyoni makumyabiri (20.000.000 FRW) ariko atarenze miliyoni mirongo itatu (30.000.000 FRW) ku byerekeye ibiyobyabwenge bihambaye harimo n'urumogi.

N'ubwo bimeze bitya ariko, haracyari abaturage biyumvisha ko guhinga urumogi byaba bisigaye byemewe kuri buri wese, nyuma y'iteka rya Minisitiri ryasotse mu 2021, mu gihe nyamara kubikora bisaba uruhushya rwemewe rutangwa n'Urwego rw'Igihugu rw'Iterambere (RDB), bakubahiriza amabwiriza n'amategeko bibigenga.

Polisi yataye muri yombi umugabo wari warahinze urumogi iwe mu rugo

Ukuriye Ingabo ziri mu butumwa bwa Loni muri Centrafrique, Lt Gen Humphrey Nyone, yashimye umusanzu w'Ingabo z'u Rwanda ziri muri ubu butumwa, avuga ko zifite umwihariko mu kazi kazo kandi ko aho zigeze hose, nta ngingimira abantu basigarana, kuko banyurwa n'uko zitwara.

Yabigarutseho nyuma yo kugirana ibiganiro n'Umugaba Mukuru w'Ingabo z'u Rwanda zirwanira ku butaka, Gen Maj Vincent Nyakarundi, wasuye icyicaro cya Minusca muri Centrafrique.

Ni mu rugendo arimo muri Centrafrique. Kuri uyu wa Kane, Gen Nyakarundi yasuye Ingabo z'u Rwanda ziri mu Butumwa bwa Loni muri Centrafrique, zikorera mu gace ka Bossembélé muri Perefegitura ya Ombella-M'Poko.

Ni nyuma y'aho ku wa Gatatu, we n'Umuvugizi w'Ingabo z'u Rwanda, Brig Gen Ronald Rwivanga, bari basuye Ingabo ziri mu butumwa bwa MINUSCA mu gace ka Bria.

Lt Gen Humphrey yavuze ko u Rwanda rwatanze umusanzu ufatika mu mikorere yarwo mu butumwa bwa Loni. Yavuze ko muri Centrafrique hari Ingabo z'u Rwanda mu butumwa bwa Loni n'izindi ziri mu butumwa bushingiye ku masezerano hagati y'ibihugu kandi ko zose zikora neza.

Ati 'Rwandbat1 iri hano i Bangui ireba umutekano wa Bangui. Bangui mu gisirikare ni byo twita izingiro rya byose. Usibye ibyo, zinashinzwe umutekano w'Umukuru w'Igihugu. Ibyo ubwabyo, ni inyongera, hari ingabo nyinshi Bangui muri ariko kugira ngo utoranywe mu bashinzwe umutekano w'Umukuru w'Igihugu, ni umwihariko.'

Yavuze ko Rwandbat2 yo ifite inshingano zo kureba imiyoboro migari, ni ukuvuga umutekano w'ibice byose byinjira muri Bangui. Ati 'Ni nk'amaraso y'ubu butumwa. Bakora neza. Hari ibibazo twahuraga nabyo mu gihe cyashize ariko ntekereza ko hari intambwe ifatika yatewe.'

Yavuze kandi ko izindi ngabo ziri mu Majyaruguru ashyira Uburasirazuba nazo zikora akazi keza, hamwe n'izifite ibitaro by'icyitegererezo. Ati 'Ibitaro bitanga ubufasha bwose mu by'ubuvuzi, atari kuri Minusca gusa ahubwo no ku basivile batuye hariya. Nk'Umukuru w'Ingabo, nyuzwe n'ibyo Ingabo z'u Rwanda zikora.'

Lt Gen Humphrey yavuze ko aho Ingabo z'u Rwanda zikorera hose, bigoye kumva hari abaturage binubira ibikorwa byazo, ati 'kubera icyizere bafite, kubera akazi keza bari gukora, abantu barashaka kubona umusaruro ugaragara, ntabwo bashaka kumva inkuru zidafatika. Ibikorwa byawe bizivugira.'

Kugeza ubu, Lt Gen Humphrey yavuze ko umutekano uhagaze neza muri Centrafrique by'umwihariko muri Bangui no mu nkengero zayo nubwo hamwe na hamwe mu Burengerazuba no mu nkengero z'imipaka hari ibibazo bihumvikana.

Maj Gen Nyakarundi amaze iminsi mu ruzinduko muri Centrafrique

Ukuriye Ingabo ziri mu butumwa bwa Loni muri Centrafrique, Lt Gen Humphrey Nyone, yashimye umusanzu w'Ingabo z'u Rwanda

Umugaba Mukuru w'Ingabo z'u Rwanda zirwanira ku butaka, Gen Maj Vincent Nyakarundi, yasuye icyicaro cya Minusca muri Centrafrique

Maj Gen Nyakarundi amaze iminsi mu ruzinduko muri Centrafrique