Author: webrwanda

Nyuma y’imyaka 14 ari umukinnyi w’ikipe y’igihugu Amavubi, Migi yatangaje ko asezeye mu ikipe y’igihugu kuko yumva ibyo yagombaga gutanga yamaze kubitanga.

ibi yabitangaje mu gitondo cyo kuri uyu wa Kane mu kiganiro na Radio Flash aho yavuze ko abona igihe kigeze ngo atange umwanya, ni mu gihe avuga ko nta w’undi mukino ateganya gukina.

Yagize ati“Bitarenze mu kwezi kwa cumi uyu mwaka ndasezera, nta y’indi match nteganya gukinira Amavubi, ku bwanjye umwanzuro namaze kuwufata, ibyo nari mfite narabitanze, aho kugira ngo uzavemo nabi izina ryawe uryishe wasezera bagikugunze, hari ibintubitari byiza mba mbonamo, si ikintu nahubukiye.”

Uyu mukinnyi ukina mu kibuga hagati, yasoje amasezerano muri KMC yo muri Tanzania aho ahamya ko ataramenya niba azayongerera andi.

Migi yaherukaga gukinira Amavubi tariki ya 12 Ukwakira 2018, ubwo Amavubi yatsindirwaga muri Guinea-Conakry ibitego 2-0 mu mukino w’itsinda H mu gushaka itike y’igikombe cy’Afurika cya 2019.

Mugiraneza Jean Baptiste Migi yakiniye Amavubi kuva muri 2006, akaba yarayikiniye imikino 68 ayitsindira ibitego 7.

Migi yasezeye mu ikipe y’igihugu

Migi yari kapiteni wungirije Haruna mu ikipe y’igihugu

Ni mu gihe Pasiporo nyarwanda z’Afurika y’Iburasirazuba ikoranye ikoranabuhanga yatangiye gutangwa guhera 28 Kamena 2019.

Itangazo ryashyizwe ahagaragara n’Urwego rushinzwe Abinjira n’Abasohoka, rivuga ko abakeneye gusaba pasiporo Nyarwanda y’Afurika y’Iburasirazuba ikoranye ikoranabuhanga bakwifashihsa urubuga rwa Irembo.

Indirimbo IBANGA ya Marius Bison yashyizwe ku mugaragaro ku wa 13 Kanama 2020, ikaba ari indirimbo ye ya mbere ivuga ku rukundo.

Uyu muhanzi yamenyekanye mu ndirimbo za ‘Gospel’ zitandukanye harimo n’iyitwa ‘Nkwamamaze’ aherutse gukorana na Uncle Austin.

Yavuze ko impamvu yahisemo gushyira hanze indirimbo itari iya Gospel ari uko inganzo ye idafite umupaka ko ahubwo azajya ahimba akurikije uko we yiyumva kandi bijyanye n’ibyo Sosiyete ikeneye kandi bitamubuza kuba umukristu nyawe.

Ubutumwa nyamukuru buri muri iyi ndirimbo n’uko gukunda atari amagambo ahubwo ari ibikorwa bityo bigatuma uwo ubwiye iryo jambo ry’urukundo na we atajijinganya kukubwira yego bitewe n’ibikorwa umukorera.

Mu gace twakwita inyikirizo agira, ati “Ngufitiye ibanga, ndagusaba umutuzo ndetse n’akanya gato ko kunyumva.”

Reba hano amashusho y’indirimbo ‘Ibanga ya Marius Bison

Indirimbo ‘Ibanga’ ya Marius Bison ikoze mu njyana igezweho muri ibi bihe ya Afrofusion.

Afrofusion ni urusobe rw’umuziki wa Kinyafrika (umuco/Culture ; ururirimbo/Melody ndetse n’injyana bivanze n’imibyinire igezweho yo mu bihugu by’iburengerazuba (Western forms of dancing).

Amajwi y’iyi ndirimbo yatunganyirijwe muri The Future Studio na Producer David naho amashusho/Video yayo atunganywa na Papa Emile.

Reba hano amashusho y’indirimbo ‘Ibanga ya Marius Bison

Umutoza wa AS Kigali, Eric Nshimiyimana wanakiniye ikipe y’igihugu avuga ko rumwe mu rwibutso afite rwo kuba yarakiniye Aamavubi ari ukuntu yari agiye gusubizwa inyuma ku kibuga cy’indege ariko agatabarwa n’uko ari mu bakinnyi bakiniye u Rwanda mu gikombe cy’Afurika cya 2004.

Eric Nshimiyimana ni umwe mu bakinnyi beza bakinaga hagati mu kibuga u Rwanda rwagize, akaba yarakiniye amakipe nka Prince Louis y’i Burundi, APR FC na Kiyovu Sports zo mu Rwanda.

Yakiniye Amavubi kuva 1996 kugeza 2004, nyuma y’igikombe cy’Afurika cya 2004 akaba yarahise asezera ku myaka 32 y’amavuko.

Mu kiganiro yagiranye n’ikinyamakuru ISIMBI.RW, Eric Nshimiyimana yavuze ko hari ibintu byinshi yibukira ku ikipe y’igihugu yakinnye CAN 2004.

Yagize ati“icya mbere nyibukiraho ni uko ari amateka twakoze, buri mukinnyi wese w’umunyarwanda aba arota gukina igikombe cy’Afurika, ni ibyishimo kuri njye n’abandi twafatanyije, buri mukinnyi wese aba afite intego, zari intego zacu gukina igikombe cy’Afurika, mpamya ko n’abadusimbuye ari zo nzozi bafite. Ni iby’agaciro kumva ko wakinnye ukagera kuri rwa rwego rwo hejuru.”

Eric Nshimiyimana ahamya ko gukinira Amavubi ari urwibutso rukomeye kuri we kuko byamufashije byinshi

Akomeza avuga ko hari n’igihe yari yafatiwe ku kibuga cy’indege agiye mu Budage kwiga ariko aza kurokorwa n’uko yakiniye Amavubi igikombe cy’Afurika.

Yagize ati“mbifitemo ubuhamya bwinshi cyane kuba narakiniye Amavubi igikombe cy’Afurika, kuko hari igihe nari ngiye kwiga iby’ubutoza mu Budage ngeze ku kibuga cy’indege baramfata kuko hari icyangombwa ntari mfite nagombaga guhabwa no muri federasiyo, barambaza ngo ugiye he? Nti ngiye kwiga iby’ubutoza, bati se wagenda udafite icyangombwa?”

“Hari ku wa Gatandatu abayobozi ba federasiyo bagombaga kukimpa bari bagiye gukurikirana amarushanwa, baramfata barantiza ariko nyuma bati ese ni he twavuga ko wakinnye umupira ku rwego rwo hejuru, nti njyewe nakinnye igikombe cy’Afurika, barambwira ngo wirakara, bahita bajya kureba muri mudasobwa no kuri internet baza bambwira amazina yose bahita bandekura ndagenda. Urumva ko ari ikintu gishobora kugutabara.”

Eric Nshimiyimana ubu ni umutoza mukuru wa AS Kigali, yanatoje amakipe nka Kiyovu Sports, yanyuze muri APR FC ari umutoza wungirije ndetse yanatoje ikipe y’igihugu Amavubi.

Ubu ni umutoza wa AS Kigali

Yatoje n’ikipe y’igihugu

Uyu muyobozi yatawe muri yombi n’Urwego rw’Ubugenzacyaha, RIB, aho rwamufashe ari kumwe n’umwarimu ushinzwe ububiko bw’ibikoresho kuri iri shuri.

Bivugwa ko ibikoresho bibye ari fer à béton zari zigenewe kubakishwa aho aba bombi bafatanyije bapakiraga fer à béton mu modoka babeshya umuzamu ko bazijyanye ahandi hantu hari kubakwa amashuri muri uyu Murenge.

Umunyamabanga Nshingwabikorwa w’Umurenge wa Mukarange, Murekezi Claude yabwiye UKWEZI ko aba bombi aho gupakira ibyumba babijyana aho bavugaga ahubwo bahise bazerekeza i Rwamagana ku mucuruzi bari bumvikanye ko azigura nyuma zigarurwa gucururizwa i Kayonza.

Yakomeje avuga ko uyu mucuruzi ufite iduka ricuruza ibikoresho by’ubwubatsi nawe yari asanzwe ari umwarimu kuri iryo shuri.

Uyu muyobozi yakomeje aburira abayobozi b’ibigo by’amashuri bashaka kunyereza ibikoresho ko leta iri maso kandi uzajya abifatirwamo azajya abiryozwa.

Yakomeje agira ati “Ubutumwa duha umuntu uwo ariwe wese baba ari abayobozi b’ibigo cyangwa undi muntu uwo ariwe wese ndamusaba kubaha no guha agaciro ibya rubanda. Babihe agaciro bareke kwifuza gusahura ibya rubanda.”

Kuri ubu uyu muyobozi w’ishuri ndetse n’umwarimu bafatanyije mu kunyereza fer à béton bafungiye kuri sitasiyo ya Mukarange.

Umubozi w’Akarere ka Muhanga, Kayitare Jacqueline avuga ko hashize icyumweru bakora igenzura mu birombe bifite ibyangombwa ndetse n’ibiherutse gufungwa n’ubuyobozi kuko bitujuje ibisabwa.

Kayitare yabwiye Umuseke ko hamwe n’inzego z’umutekano basanze hari abantu 44 mu Mirenge ya Kabacuzi, Muhanga, Rongi, Rugendabari na Nyarusange bacukura mu birombe bifunze.

Yagize ati “Tumaze kubura ubuzima bw’abantu benshi mu gihe gito bitewe n’ubu bucukuzi butemewe, turabahana hakurikijwe amategeko yatanzwe.”

Uyu muyobozi yanavuze ko ubucukuzi butemewe bunangiza ibidukikije bityo ko ababukora badashobora kwihanganirwa.

Gusa abashinjwa bahakana bavuga ko babikoraga mu gihe gishize, bakavuga ko ubu ntabyo bakoraga.

Muzigabanga Oswald wo mu Murenge wa Muhanga ati “Icyaha nk’iki nagihaniwe amezi 8, narahiye ko ntazongera, bashobora kuba banyitiranije n’uwo twitiranwa.”

Mu rugendo rutunguranye Minisitiri w’ubutegetsi bw’igihugu Prof Shyaka Anastase yakoreye mu Karere ka Muhanga ku Cyumweru taliki ya 09 Kanama 2020, yasabye inzego zitandukanye z’Akarere kurwanya akajagari kajyanye n’ubucukuzi bw’amabuye y’agaciro butemewe anavuga ko ari bwo butuma ibidukikije byangirika.

Bamwe mu bashinjwa iki cyaha bafungiye kuri Sitasiyo za RIB mu Mirenge itandukanye.

Aberetswe Itangazamakuru ni abantu 16 bafungiye kuri Sitasiyo ya RIB mu Murenge wa Nyamabuye.

Mugiraneza Jean Baptiste nyuma y’imyaka isaga icumi akinira ikipe y’igihugu y’u Rwanda “Amavubi”, yamaze gutangaza ko yamaze gufata umwanzuro wo gusezera mu ikipe y’igihugu Amavubi, akaba avuga ko nta mukino n’umwe azongera gukinira ikipe y’igihugu.

Mu kiganiro yagiranye na Radio Flash kuri uyu wa Kane, yatangaje ko nyuma yo gufata umwanya uhagije akabitekerezaho, atazongera gukinira AMavubi ahubwo azakomeza gukinira amakpe asanzwe.

“Bitarenze mu kwezi kwa cumi uyu mwaka ndasezera, nta yindi match nteganya gukinira Amavubi, ku bwanjye umwanzuro namaze kuwufata, ibyo nari mfite narabitanze, aho kugira ngo uzavemo nabi izina ryawe uryishe wasezera bagikugunze, hari ibintubitari byiza mba mbonamo, si ikintu nahubukiye”

Mugiraneza Jean Baptiste ubu ukina mu ikipe ya KMC muri Tanzania, yatangiye gukinira ikipe y’igihugu mu mwaka wa 2006, akaba yarakiniye ibyiciro bitandukanye birimo ikipe y’abatarengeje imyaka 20, 23 ndetse n’Amavubi makuru.