Author: webrwanda

Byagarutsweho n'Umuyobozi Mukuru ushinzwe Igenamigambi, Politiki no kugabanya ingaruka z'ibiza, muri MINEMA, Rukebanuka Adalbert, ubwo yari mu kiganiro Kubaza bitera kumenya cya RBA.

Rukebanuka yagaragaje ko muri ibi bihe by'imvura inkuba zisigaye ari muri bimwe mu bitwara ubuzima bw'abantu kandi ko abaturarwanda bakwiye kwitwararika.

Yasobanuye ko kuva mu 2020 kugera mu 2024, mu Rwanda, abantu 287 bishwe n'inkuba abandi 951 bakuramo ubumuga budakira.

Ati 'Inkuba navuga ko ari kimwe mu biri kudutwara ubuzima bw'abantu aho kuva mu 2020 kugera muri 2024, ni ukuvuga mu myaka ine inkuba zishe abantu 287, abandi 951 bavanyemo ubumuga budakira.'

Yavuze ko nko mu mwaka ushize gusa, inkuba zishe abantu 81, ibintu bishimangira ko zikomeje kwambura ubuzima abaturage.

Ati 'Kenshi zikubita abantu baryama bafite ibikoresho by'ikoranabuhanga nka ama-ecouteur bari kumva radiyo mu gihe cy'imvura, ukabona umuntu aryamanye ibikoresho by'amashanyarazi, ugasanga abantu barimo bagendagenda mu mvura hanze, n'abantu bugamye munsi y'ibiti.'

Yagaragaje ko hari ubwo usanga abantu bagifite imyumvire yo kuvuga ko inkuba bazitererezwa n'abandi kandi ari imyumvire itari myiza.

Ati 'Iyo urebye ubona hari igice kigifite imyumvire yo kuvuga ko inkuba umuntu ayiterereza undi, umuntu yavuga ko itagendanye n'igihe. Mu gihe nk'iki tuba dukangurira abaturage, Abaturarwanda kwirinda inkuba.'

Yavuze ko kwirinda inkuba bishoboka binyuze mu kwirinda gukoresha ibikoresho by'amashanyarazi mu gihe cy'imvura, kwirinda kugama munsi y'ibiti ndetse no kugenda mu gihe imvura igwa.

Ati 'Birinda kugenda mu mazi mu gihe cy'imvura, gucomeka ibikoresho by'amashanyarazi mu gihe cy'imvura, kwirinda kugama munsi y'ibiti kuko iyo urebye ubona kenshi abakubitwa n'inkuba ari abo. Ariko na none ntabwo nareka kuvuga ahantu hahurira abantu benshi, kongera kujya basuzuma niba imirindankuba yabo ikiri mizima kuko hari aho usanga igikoresho kimwe cy'ayo cyarangiritse.'

Yakomeje ati 'Hari abantu babipima bakareba niba ibikoresho byayo byose bikora, ubwo ndavuga abayobozi b'amashuri abayobozi b'insengero kuko zimaze iminsi zigenzurwa cyane, amavuriro, amasoko, kugira ngo tutazagira ibyago, inkuba ikaba yakubita ahantu hahurira abantu benshi nk'aho ngaho.'

Yavuze ko abantu ku giti cyabo nabo bakwiye kugenzura ko imirindankuba yabo ikora uko bikwiye mu rwego rwo kwirinda ibyago bishobora guturuka ku nkuba.

Mu myaka ine ishize inkuba zishe abantu 287

Ku wa 29 Gashyantare 2024, hamuritswe uburyo bushya bwiswe Sisiteme Imibereho bwasimbuye ibyiciro by'ubudehe, nyuma y'uko abantu bamwe binubiraga uburyo bashyirwa mu byiciro by'ubudehe.

Umukozi muri MINALOC ushinzwe Imikorere n'Imikoreshereze ya Sisiteme Imibereho, Emmy Ntwali Sibomana, yabwiye IGIHE ko ubu ari uburyo Leta y'u Rwanda yashyizeho bukoresha ikoranabuhanga, aho urugo rutanga amakuru ku mibereho yarwo ariko hibandwa ku mitungo batunze, n'ibyo binjiza muri rusange, igafasha kumenya abagenda biteza imbere n'abakiri munsi y'umurongo w'ubukene hatagendewe ku marangamutima.

Mu byitabwaho harimo ingo zifite ibibazo by'ubukene, abageze mu zabukuru cyangwa abafite ubumuga kugira ngo zihuzwe n'amahirwe Leta igenera abatishoboye.

Muri ayo mahirwe harimo guhabwa imirimo muri porogaramu ya VUP ndetse no kwishyurirwa ubwisungane mu kwivuza buzwi nka Mituweli.

Sibomana yasobanuye ko iyi gahunda izafasha mu kwihutisha itangwa rya serivisi cyane ko ikoresha uburyo bw'ikoranabuhanga, ku buryo umuturage yayikoresha aho ari hose.

Amakuru yatanzwe ni yo agenderwaho mu gukurikirana imiryango yafashijwe, aho igeze yiteza imbere no kumenya kumenya abakeneye ubufasha.

Umuturage akoresha telefoni igendanwa agakanda *195# ubundi agakurikiza amabwiriza, ikiguzi kuri iyi serivisi kikaba amafaranga 10 Frw ku murongo uwo ari wo wose, ariko bishoboka gusa iyo 'sim card' ikubaruyeho.

Udafite telefone agana ibiro by'akagali atuyemo yitwaje indangamuntu, bakamufasha kwiyandikisha cyangwa kureba amakuru amubaruyeho.

Yavuze ko ingo bateganyije ko zigomba kujya muri iyi sisiteme, 99% zamaze kubarurwa.

Amakuru ashyirwa muri Sisiteme Imiberaho n'umukalani w'ibarura, ari na we ushinzwe gukurikirana aho abaturage bageze biteza imbere. Ivugurura ku makuru ari muri iyi sisiteme riba buri nyuma y'amezi atandatu.

Sibomana yavuze ko Ikigo cy'Ibarurishamibare (NISR) ari cyo gikora ibarura rusange, bityo kigatangaza amakuru yose areba umuturage ariko Sisiteme Imibereho ikibanda ku makuru ajyanye n'imibereho y'abaturage ndetse na buri rugo n'abarutuye.

Uruhare rw'umuturage ni ukorohereza abakalani b'ibarura bagatanga amakuru y'ukuri kugira ngo bafashe Leta kumenya abari mu murongo w'ubukene bakeneye ubufasha, ndetse no kumva ko amakuru batanga ari yo agenderwaho mu igenamigambi.

Umuturage iyo agize ikibazo kijyanye n'iyi Sisiteme Imibereho ahamagara umurongo utishyurwa 5353 cyangwa akegera ibiro by'akagali.

Iyi Sisitemu Imibereho ifasha abaturage gutanga amakuru yifashishwa muri gahunda zigamije kubateza imbere

Babigarutseho ku wa 23 Werurwe 2025, mu muhango wo kumwimika ku mugaragaro Musenyeri mushya aho asimbuye Mgr. Dr. Jered Kalimba, wari umaze imyaka 27 muri izo nshingano.

Dr. Jered Kalimba yagaragaje ko yanyuzwe n'imikoranire myize n'ubuyobozi bwa Leta.

Ati “Twatangiye ubu butumwa hari paruwasi 16 gusa, none ubu ni 43, nawe uzakomeze uzagure, kuko abakristu b'iyi diyosezi bazi neza icyo gukizwa ari cyo. Twari dufite abapasiteri batatu basoje kaminuza none ubu ni 40 ndetse harimo n'abafite impamyabumenyi z'ikirenga (PhD) bane. Bazadufasha gukomeza kurwanya inyigisho z'ubuyobe kuko bize.'

Yakomeje avuga ko ubu muri iyi diyosezi hari amashuri 40 arimo n'ay'imyuga, asaba umusimbuye gukomeza gushyira imbaraga mu bumenyingiro, anamwibutsa kubwira abakirisitu ba EAR Shyogwe ko 'ubukene ari icyaha, bityo ko bagomba kugora cyane bagakira.'

Umushumba Mukuru wa EAR mu Rwanda, Mgr Mbanda Laurent, yasabye Musenyeri mushya gukorera mu mucyo yirinda uburyarya.

Ati “Inama nyamukuru naguha ni ukumenya gukorera mu mucyo, kuko gutungana kw'abakiranutsi kurabayobora. Mu rugendo rwawe rw'uyu muhamagaro, uzabe umunyakuri, ugishe inama abakuri hafi n'abakubanjirije, izitari zo uziyungurure.''

Minisitiri w'Ubutegetsi bw'Igihugu, Mugenzi Patrick, yavuze ko Leta ishima uruhare rw'amadini by'umwihariko EAR mu iterambere rihindura ubuzima bw'Abanyarwanda binyuze mu bikorwaremezo nk'amashuri, amavuriro, ubuhinzi n'ubworozi bukataje n'ibindi.

Yasabye EAR ko yongera imbaraga mu kurandura ibibazo birimo amakimbirane mu miryango, inda ziterwa abangavu, ibiyobyabwenge mu rubyiruko ndetse no gusigasira ubumwe n'ubudaheranwa.

Ati “Leta yifuza ko mukemura ibibazo bibangamiye abakirisitu banyu ari nabo baturage, binyuze mu bikorwa bihamye kuko ari ryo vugabutumwa riboneye.”

Yakomeje avuga ko Leta ikomeje ubugenzuzi aho nyuma yo kugenzura inyubako basengeramo hakagira izisabwa kuvugururwa izindi zigafungwa burundu, ubu hakurikiyeho no kugenzura inyigisho batanga, izizagaragara ko ziyobya abayoboke zigafunga.

Ati” Hari abanyamadini babangamira iterambere ry'abaturage nko kubabuza gutanga mituweli, kutajya kwivuza, kutanywa amata, kutarya ibishyimbo, kudafata indangamuntu, kudasezerana, kutajyana abana ku ishuri, kwiremamo ibice, kwangisha abaturage ubuyobozi buriho n'ibindi. Ni yo mpamvu ubugenzuzi buzakomeza byose ku neza y'Abanyarwanda.''

Bamwe mu bakirisitu bo muri EAR, Diyosezi ya Shyogwe, babwiye IGIHE ko biteze ko Musenyeri mushya azakomeza umuvuduko bariho mu iterambere kuko yari asanzwe akorera muri iyi diyosezi mu gihe cy'imyaka irenga 20.

Muneza Aimable ati ''Batwubakiye ibigo nderabuzima, ariko abakozi bakoreramo baracyari bake, twizeye ko umushumba mushya baduhaye azabikurikirana.''

Nikwingabira we yavuze ko bizeye iterambere ryihuse muri iyi diyosezi kuko umushumba bahawe yari amaze igihe mu birebana n'uburezi, akizera ko kuba aho azakorera ahazi neza, bizatuma amenya n'intege nke za buri gace mu iterambere.

Umushumba mushya wa EAR, Diyosezi ya Shyogwe, aje ari uwa gatatu igize, ikaba ifite amaparuwasi 34, ndetse ikaba iherereye mu turere tune tw'Amajyepfo ari two Kamonyi, Muhanga, Ruhango na Nyanza.

Musenyeri mushya, Dr. Jered Kalimba ari mu gikorwa cyo gutanga inkoni y’ubushumba

Minisitiri w'Ubutegetsi bw'Igihugu, Mugenzi Patrick, yavuze ko Leta ishima uruhare rw’amadini by'umwihariko EAR mu iterambere rihindura ubuzima bw’Abanyarwanda binyuze mu bikorwaremezo nk’amashuri, amavuriro, ubuhinzi n’ubworozi bukataje n’ibindi

Abashumba batandukanye bari baje kwizihiza uyu munsi

Habayeho umwanya wo gusengera Umushumba mushya, Rev. Kabayiza Louis Pasteur

Ibi byatangajwe mu kiganiro cyakozwe hifashijwe ikoranabuhanga cyahuje abafatanyabikorwa batandukanye b'isoko ry'imari n'imigabane mu Rwanda, ahaganirwaga uburyo ikoranabuhanga ritanga umusaruro mu guteza imbere ubukungu bw'igihugu.

Abitabiriye iki kiganiro bagarutse cyane ku kamaro ko kugira amategeko asobanutse, ubufatanye bw'igihe kirekire n'uruhare rukomeye rwa gahunda ya 'Sandbox' ya CMA Rwanda mu guhanga udushya kuri iri soko.

Umuyobozi Mukuru w'Urwego rugenzura Isoko ry'Imari n'Imigabane ry'u Rwanda (CMA), Thapelo Tsheole, yemeza ko CMA hashyizeho ingamba zigamije gukoresha ikoranabuhanga hahangwa ibishya muri uru rwego rw'imari cyane ku isoko ry'imari n'imigabane, ariko hubahirizwa umutekano mu kurinda inyungu z'abashoramari kandi hubahirizwa amategeko.

Ati “Intego yacu ni ugutanga uburyo bufasha guhanga udushya mu gihe tunarinda inyungu z'abashoramari no kurinda umutekano w'isoko ry'imari.”

Leila Rwagasana ukora muri Rwanda Finance Ltd, yasobanuye uburyo igihugu kigamije kuba igicumbi cy'imari ku rwego mpuzamahanga binyuze muri Kigali International Financial Centre (KIFC).

Yagize ati 'Binyuze muri Kigali International Financial Centre turi gukora ibishoboka byose kugira ngo tureshye abashoramari mpuzamahanga n'ibigo by'imari bikoresha ikoranabuhanga,' yavuze kandi ko 'Kugira amategeko asobanutse neza no gukorana n'inzego zitandukanye ni ingenzi cyane mu kugera kuri iyo ntego.'

Jerome Ndayambaje, Impuguke mu guhanga udushya hifashishijwe ikoranabuhanga muri CMA, yasobanuye imikorere ya porogaramu ya 'Sandbox' n'uko itanga uburyo bwo guhindura politiki zijyanye n'igihe.

Yagize ati 'Porogaramu ya 'Sandbox' ya CMA igamije gufasha ibigo by'imari gusobanukirwa n'ibisabwa n'amategeko, ariko nanone ikabatera inkunga mu guhanga udushya twubahiriza amabwiriza. Iyi porogaramu idufasha kuvugurura politiki zacu mu buryo bwihuse bitewe n'ibigezweho ku isoko.'

Darius Mukiza ukora mu kigo cy'ubuhuza cya BK Capital yagarutse ku byo bungukiye muri iyo porogaramu, ati 'Kuba twaragize uruhare mu gukorana n'abatanga serivisi zitandukanye ariko binyuze muri Sandbox ya CMA byaduhaye amahirwe yo kugerageza ibisubizo bishya by'ishoramari rishingiye ku ikoranabuhanga mu buryo buteguye neza. Iyi gahunda ni ingenzi cyane ku bashaka guhuza ikoranabuhanga ndetse no kuzamura isoko ry'imari n'imigabane mu Rwanda.'

Umuyobozi Mukuru wa Moneto Ventures, Samuel Njuguna, yashimye ubufatanye bwagaragaye mu gihe bageragezaga porogaramu yabo ya Tunzi App. Yagize ati 'Porogaramu ya Sandbox yadufashije kunoza serivisi yacu no kwemeza ko yujuje ibisabwa n'amategeko. Ubufatanye nk'ubu hagati y'inzego zigenzura n'abahanga udushya ni ingenzi cyane mu iterambere rya FinTech.'

Hagaragajwe ko ikoranabuhanga rigira uruhare mu kuzamura isoko ry’imari n’imigabane

U Bubiligi ni kimwe mu bihugu byahungiyemo bamwe mu bari abayobozi bagize uruhare muri Jenoside yakorewe Abatutsi mu 1994, barimo n'abari abakire cyangwa abize mu bihugu by'i Burayi.

Bamwe bagezeyo bakora imirimo itandukanye bakomeza no kwisuganya ngo bazasubire mu Rwanda kurangiza umugambi wo kumaraho Abatutsi, ari na ko bacengeza ingengabitekerezo ya Jenoside n'urwango mu bana babo.

Benshi mu bana bakomoka ku bagize uruhare muri Jenoside yakorewe Abatutsi mu 1994, uyu munsi biganje mu ihuriro Jambo ASBL ryamunzwe n'ingengabitekerezo ya Jenoside, guhakana no gupfobya Jenoside yakorewe Abatutsi.

Minisitiri Dr. Bizimana, abinyujije kuri konti ya X, yavuze ko nta muntu wo muri iri huriro uri mu cyiciro cy'impunzi kuko ntacyo u Rwanda rwabatwaye ahubwo bahunze kubera ingengabitekerezo ibarimo.

Ati 'Ibiranga abashinze n'abarwanashyaka ba Jambo ASBL bigaragaza ko ari intumwa z'ikinyoma, zihakana Jenoside ndetse barazwe ingengabitekerezo y'icyaha cya ba se, baniyemeje kuyikomeza.'

Abagize Jambo ASBL ni bantu ki?

Ruhumuza Mbonyumutwa na Gustave Mbonyumutwa ari na bo bashinze Jambo ASBL ni abana ba Shingiro Mbonyumutwa wabaye Minisitiri w'Inganda, Mine na Carriere muri Guverinoma ya mbere ya Habyarimana Juvénal mu 1973.

Dr. Bizimana ati 'Shingiro yagize uruhare muri Jenoside yakorewe Abatutsi i Kigali na Gitarama.'

Shingiro yanabaye 'Directeur de Cabinet' mu Biro bya Jean Kambanda wari Minisitiri w'Intebe muri Guverinoma y'Abatabazi.

Kambanda yiyemereye ibyaha bya Jenoside yakorewe Abatutsi, yemera uruhare rwe n'urwa Guverinoma yari ayoboye mu gutegura no gushyira mu bikorwa umugambi wa Jenoside yakorewe Abatutsi, Urukiko Mpuzamahanga Mpanabyaha rwari rwarashyiriweho u Rwanda (TPIR) rumuhanisha gufungwa burundu.

Ku wa 21 Mata 1994 ubwo Jenoside yari gukoranwa ubukana bwo hejuru, Shingiro yari mu kiganiro kuri Radio Rwanda ahagarariye ishyaka MDR, hamwe n'abandi bahezanguni nka Édouard Karemera wa MRND, na we wakatiwe na TPIR igifungo cya burundu, Muramu wa Shingiro witwa Mbonampeka Stanislas wari uhagarariye PL Power na Hyacinthe Rafiki Nsengiyumva wari uhagarariye PSD Power.

Iki kiganiro cyari kiyobowe n'umunyamakuru Jean Baptiste Bamwanga, wahamagariraga Abahutu kwica Abatutsi akabyita ko ari ukwirwanaho.

Minisitiri Dr. Bizimana yahamije ko 'abandi bo mu muryango wa Mbonyumutwa bagize uruhare muri Jenoside yakorewe Abatutsi ndetse n'ubu baracyagira uruhare mu kuyihakana no kuyipfobya.'

Dr. Pierre Mugabo n'umugore we Félicité Musanganire, akaba na mwenewabo wa Ruhumuza na Gustave Mbonyumutwa, na bo bagize uruhare muri Jenoside mu yahoze ari Butare. Dr. Mugabo n'umugore we bahamijwe ibyaha bya Jenoside n'inkiko zo mu Rwanda, ariko ubu bihishe muri Afurika y'Epfo.

Umuvandimwe wa Shingiro witwa Thomas Kigufi na we yahungiye muri Nouvelle Zélande kubera uruhare akekwaho muri Jenoside yakorewe Abatutsi.

Mushiki wa Shingiro witwa Muramutse Perpétue, atanga ibihembo ku bahakana Jenoside n'abayipfobya, ibihembo yitiriye Ingabire Victoire. Aba mbere yahembye ni Ruhumuza Mbonyumutwa na Placide Kayumba bose bo muri Jambo ASBL.

Placide Kayumba wanabaye Perezida wa Jambo AS BL ni umwana wa Dominique Ntawukuriryayo. Uyu yabaye Superefe wa Gisagara mu gihe cya Jenoside yakorewe Abatutsi.

Uyu mugabo yatawe muri yombi n'u Bufaransa i Carcassonne, ashyikirizwa TPIR, akatirwa igifungo cy'imyaka 25.

Mu 2014, Kayumba Placide wari Umuyobozi wa Jambo ASBL yoherejwe kuganira n'umutwe w'iterabwoba wa FDLR, agirana ikiganiro n'abarimo Gen. Sylvestre Mudacumura na Gaston Byiringiro.

Iri huriro kandi ribarizwamo Robert Mugabowindekwe, umuhungu wa Col. Ephrem Rwabalinda. Uyu mugabo yoherejwe na Guverinoma ya Kambanda kujya gushaka ubufasha bwa gisirikare mu Bufaransa ndetse yandikira Leta ibaruwa ibashishikariza gukaza ubwicanyi.

Yatahukanye ibikoresho byo kwifashisha muri Jenoside yakorewe Abatutsi birimo n'iby'itumanaho biteye imbere.

Ruhumuza, Laure Uwase, na Honorine Sebatware bagiye Arusha kuganira n'abahamijwe ibyaha bya Jenoside yakorewe Abatutsi, basohora ibitabo bibarata ubutwari.

Laure Uwase ni umukobwa wa Anastase Nkundukozera wahamijwe ibyaha bya Jenoside agakatirwa igifungo cya burundu.

Kugeza ubu, mu Bubiligi hari itegeko rihana ibyaha bya Jenoside, ihakana n'ipfobya ryayo ariko imanza zabayeyo ni iz'abakoze ibyaha bya Jenoside gusa.

@ruhumuza dit que leur association @jamboasbl serait 'une cible privilégiée du Gouvernement rwandais' et serait 'composée de jeunes d'origine rwandaise réfugiés en Belgique.' Aucune cible du tout. Jambo est une association criminelle.
A. la convention sur les réfugiés de 1951…

— Dr. Jean Damascene BIZIMANA (@DrDamascene) March 23, 2025

Minisitiri Dr. Bizimana yavuze ko abashinze Jambo ASBL ari abahamya b’ibinyoma gusa