Webrwanda Backend

Author: webrwanda

  • USA: Donald Trump kuva kuwa gatandatu abwirwa ko yatsinzwe na Biden, ubu yaburiwe irengero #rwanda #RwOT

    Hagati aho n’ubwo bivugwa ko yabuze, umushinjacyaha mukuru wa Amerika ari nawe ukuriye ibiro bishinzwe ubutabera bya Amerika, yasabye abashinjacyaha gukora iperereza ku nenge zivugwa mu matora ya perezida

    William Barr (uri imbere) ariko yaburiye ko bidakwiye gukora iperereza ku bintu bidafite ishingiro

    Kuri Bwana Trump, biraboneka ko muri iyi minsi ari gukorera mu biro bye ‘Oval Office’ muri White House kuko abamurinda baboneka imbere y’umuryango, byumvikanisha ko ari ho ari, nk’uko bitangazwa na BBC i Washington DC.

    Perezida Donald Trump yanze kwemera ibigaragazwa ko Joe Biden yatsinze amatora, ndetse yatangije ibirego mu mategeko ko habaye uburiganya. Akaba avuga ko intsinzi idatagarizwa mu itangazamakuru.
    Ni umuco muri Amerika ko ibyavuye mu matora bivugwa n’ibinyamakuru bikomeye, kuburyo uwatsinzwe akavuga ijambo ryemera ibyo.

    Gusa mu buryo bw’amategeko, ibyavuye mu matora bya nyuma byemezwa n’inteko y’abatora (electoral college), ibyo biteganyijwe tariki 14 z’ukwezi gutaha k’Ukuboza muri buri leta.

    Umushinjacyaha mukuru wa Amerika William Barr, ari nawe ukuriye ‘ministeri’ y’ubutabera ya Amerika, yasabye abashinjacyaha gukora iperereza ku nenge zivugwa ko zagaragaye mu matora ya perezida.

    Ibi byatumye ukuriye ibiro byo gukurikirana ibyaha mu matora muri minisiteri y’ubutabera ahita yegura kuko ibyo atabishyigikiye.

    Trump arifuza ko kubara amajwi bisubirwamo muri Pennsylvania kugira ngo bibuze Joe Biden intsinzi muri iyi leta aho amajwi yayo – 20 – kuwa gatandatu yatumye arenza 270 aba akenewe.

    Source : https://www.imirasire.rw/?USA-Donald-Trump-kuva-kuwa-gatandatu-abwirwa-ko-yatsinzwe-na-Biden-ubu-yaburiwe

  • Mu Rwanda abandi bagabo babiri bishwe na COVID-19 buzuza umubare w’abantu 40 #Rwanda #RwOT via @kigalitoday #rwanda #RwOT

    Abo barwayi bashya 20 babonetse mu bipimo 1,293, bakaba barimo ababonetse i Kigali:13 (abapimwe mu bibasiwe kurusha abandi), Muhanga:3, Nyanza:1, Rubavu:2, Rwamagana:1

    Kugeza kuri uyu wa Kabiri, mu Rwanda abamaze kwandura icyo cyorezo ni 5,262 muri bo abamaze gukira ni 4,967 naho abakivurwa ni 255.

    Abamaze kwicwa na COVID-19 mu Rwanda bose hamwe bari 38 none biyongereyeho abagabo babiri b’imyaka 45 n’imyaka 50 y’amavuko bitabye Imana bari i Rwamagana, abamaze kwicwa na COVID-19 mu Rwanda bose hamwe baba 40.

    Ku munsi wabanje nabwo hari hapfuye abandi bagabo babiri bombi b’imyaka 45 y’amavuko bitabye Imana bari i Rwamagana.

    source https://www.kigalitoday.com/ubuzima/indwara/article/mu-rwanda-abandi-bagabo-babiri-bishwe-na-covid-19-buzuza-umubare-w-abantu-40

  • Amajyepfo : Abayobozi b’uturere basabye RGB kujya ibaza unenga serivise impamvu ayinenga #rwanda #RwOT

    Byagarutsweho kuri uyu wa 10 Ugushyingo 2020 mu nama RGB yahuriyemo n’abayobozi b’inzego z’ibanze zo mu Ntara y’Amajyepfo basuzumira hamwe ibyagaragajwe n’ubushakashatsi bwa RGB bugaragaza uko abaturage bakira serivise bahabwa buzwi nka (CRC 2020).

    Umuyobozi w’Akarere ka Nyaruguru Habitegeko Francois yasabye RGB ko mu bibazo abakora ubu bushakashatsi babaza abaturage, bajya bongeramo ikibazo kibaza ngo 'kuki uvuze ko utishimira iyi serivise’. Ngo ibi byatuma ubutaha abayobozi b’inzego z’ibanze babona aho bakwiye gukosora kugira abaturage babone serivise uko bazifuza.

    Akarere ka Nyaruguru kageze kuri 93% mu kugeza amashanyarazi ku baturage, nyamara muri CRC 2020 igaragaza ko Nyaruguru iri ku mwanya wa mbere mu kugira abaturage benshi batishimiye serivise z’amashanyarazi.

    Meya Habitegeko ati 'Iyi CRC hari ibibazo bimwe idasubiza. Ese niba atisimiye amashanyarazi ni uko aza acika ? Ese ni uko ataramugeraho ? Niba ubushize bari bishimiye icyo gikorwa, tuvuge wenda niba ari amashanyarazi mu mwaka ukurikiyeho bigasubira hasi, amashanyarazi ntabwo aba agihari ?'.

    Umuyobozi w’Akarere ka Gisagara Rutaburingoga Jerome avuga ko hari ubwo abaturage babonamo RGB umuterankunga bigatuma bayibwira ko ibintu byacitse ngo kandi mu by’ukuri atari ko kuri.

    Yagize ati 'Iyo ugeze ku muturage arata, iyo RGB ije bagira ngo ni umuterankunga uje kubafasha bakayibwira ko ibintu byacitse'.

    Nubwo bimeze gutya ariko Rutaburingoga avuga ko iyo umuturage asobanuriwe neza, umuyobozi akamubwira ko niba ari giri inka buri wese izamugeraho mu gihe runaka, niba ari amashanyarazi nawe azamugeraho uko ubushobozi bugenda buboneka nta cyatuma uwo muturage atishimira serivise ahabwa.

    Umuyobozi w’Intara y’Amajyepfo Alice Kayitesi, avuga ko iyi CRC 2020 nta kintu bayinengaho na kimwe. Ngo icyo abayobozi b’inzego z’ibanze bakwiye gushyiramo imbaraga ni ukwengera abaturage, kuko ari cyo gishobora kuzamura igipimo cy’abaturage bishimira serivise bahabwa.

    Yagize ati 'Muri rusange ntabwo byagenze neza nk’uko tubyifuza ariko n’ubundi twavaga kure cyane. Icyo twitegura gukora rero ni ukwegera umuturage kubera ko niwe uduha ariya manota. Ni ukongera uburyo bwose bushoboka bwo kugera ku muturage. Birashoboka ko ibyifuzo byabo byose tutahita tubigeraho mu mwaka umwe ariko rero n’ibitagezweho tugomba kugenda tukabaha feedback'.

    Kalisa Edouard, Umunyamabanga Mukuru wa RGB avuga ko muri rusange uturere tw’Intara y’Amajyepfo twateye intambwe igana imbere mu guha abaturage serivise nziza.

    Ku bijyanye n’uko ubu bushakashatsi bukorwa, Kalisa yavuze ko ubutaha bazongeramo kubaza abaturage impamvu bavuga ko batishimiye serivise runaka nk’uko abayobozi b’uturere babyifuje.

    Yagize ati 'Ikintu twakongeramo ubutaha, n’ubusanzwe twari dusanzwe tubikora ariko mu buryo butarambuye. (Abayobozi) baravuga ngo ni byiza ko abaturage bavuga ibyo banenga ariko baba bakwiye no kuvuga impamvu babinenga. Ako ni akantu twagira umwihariko ubutaha tukakongeramo'.

    Muri rusange abaturage b’Intara y’Amajyepfo bishimiye serivise bihabwa ku kigero cya 70,7% mu gihe Abanyarwanda muri rusange bishimiye serivise n’imiyoborere ku kigero cya 71,3%.

    Uko abaturage b’uturere two mu Ntara y’Amajyepfo barushanya kwishimira serivise n’imiyoberere

    Gisagara 67,1%, Ruhango : 65,8%, Nyaruguru : 65,0 Muhanga 64,3%, Nyanza : 63,9% Huye : 63,8%, Kamonyi : 60,6%, Nyamagabe : 54,8%.

    Uko imitangire ya servise n’imiyoborere byishimiwe ku rwego rw’Intara 4 n’Umugi wa Kigali

    Intara y’Amajyepfo : 70,7%
    Intara y’Amajyaruguru : 75,3%
    Intara y’Iburengerazuba : 72,9%
    Intara y’Iburasirarasuba : 69,9%.

    Muri rusange CRC ya 2020 igaragaza Abanyarwanda bishimiye serivise n’imiyobere ku kigero cya 71,3% bivuye kuri 70,5% muri CRC ya 2019. Umutekano niwo ukomeje kuza ku isonga muri serivise bishimira kurusha izindi kuko bazishimira ku kigero cya 91,6%, iki kigero cyazamutseho 2,3 ugereranyije na CRC ya 2019.

    Serivise z’ubuhinzi nizo zikomeje kuza inyuma mu kwishimirwa n’abaturage kuko ziri ku gipimo cya 58,5% nubwo iki gipimo cyazamutseho 3,5% ugereranyije na CRC ya 2019.

    Source : http://www.ukwezi.rw/mu-rwanda/3/article/Amajyepfo-Abayobozi-b-uturere-basabye-RGB-kujya-ibaza-unenga-serivise-impamvu-ayinenga

  • Amajyepfo: Abayobozi b’Uturere bagaragaje ibyifuzo byabo ku binengwa n’abaturage #Rwanda #RwOT via @kigalitoday #rwanda #RwOT

    Abayobozi b
    Abayobozi b’uturere tw’Intara y’Amajyepfo bifuza ko ababazwa mu bushakashatsi bakongerwa

    Abayobozi kandi basaba ko abakora ubushakashatsi bakongera umubare w’ababazwa kugira ngo ibyo basubiza birusheho kugira ireme koko ku myumvire y’abaturage n’uko babona imiyoborere n’imitangire ya serivisi.

    Ibyo bitangajwe mu gihe uturere turindwi tw’Intara y’Amajyepfo twamurikiwe ubushakashatsi bw’uko abaturage babona imiyoborere n’imitangire ya serivisi muri iyo Ntara. Uturere dutandatu muri turindwi two mu Ntara y’Amajyepfo twose turi mu myanya 15 ya nyuma ku rutonde rusange rw’uturere 30.

    Umunyamabanga Mukuru w’Urwego rw’Igihugu rw’Imiyoborere (RGB) Kalisa Edouard avuga ko ubushakashatsi bugamije kugaragaza uko abaturage bishimiye imiyoborere n’imitangire ya serivisi bahabwa, uturere tw’Intara y’Amajyepfo tukaba dufite umwihariko wo kuba twegeranye ugereranyije n’utundi.

    Kalisa avuga ko ugereranyije n’umwaka ushize, uturere tw’Intara y’Amajyepfo twateye intambwe kurushaho kwegera abaturage no guha serivisi nziza abaturage.

    Ubushakashatsi bwa RGB mu mwaka w’imihigo wa 2018-2019 mu Ntara y’Amajyepfo bugaragaza ko ibibazo by’umutekano n’umudendezo w’abaturage byabangamiwe n’ubujura, gukoresha ibiyobyabwenge, gukubita no gukomeretsa.

    Umunyamabanga mukuru wa RGB avuga ko uruhare rw’ubuyobozi ari ingenzi mu gufasha abaturage gucunga umutekano, ariko ko ubundi abaturage ari bo bafite uruhare runini rwo kwicungira umutekano akaba agira inama uturere gushyiramo imbaraga nyinshi.

    Ku kijyanye n’ibyo abayobozi basaba ko byanozwa nko kubaza abaturage benshi ndetse no kugaragaza ibyanenzwe kugira ngo bishakirwe umuti, Kalisa avuga ko hari ibiva mu bitekerezo bikurikizwa koko mu bushakashatsi bukurikira.

    Agira ati, “Hari ibitekerezo tuba twakuye muri izi nama tuba tuzaheraho dukora ubushakashatsi, butaha n’ibindi birebana n’uruhare rw’abayobozi bakazagira ibyo bakora ngo duhuze ubushakashatsi, abaturage batubwira ko hari ibitagenda ariko tuba dukeneye impamvu babivuga ariko tukagira umwihariko wo kongeramo andi makuru atuma ibyo byashoboka”.

    “Twari dusanzwe tureba ku bijyanye no kuba iyo bagaragazaga ibitagenda tureba ibyo bahurijeho cyane kuko tureba impamvu bahurije kuri ibyo bibazo akaba ari rwo rugero dufatiraho ibigenda n’ibitagenda neza”.

    Kalisa avuga ko imitangire ya serivisi ari ishingiro ry’ibyo inzego zose zikora iyo umuturage atabonye serivisi agasiragira atakaza umwanya ntiyiteze imbere, iyo atiteje imbere ugasanga n’igihugu kidatera imbere.

    Abayobozi nibashyira ingufu mu guha serivisi nziza abaturage bazaba bagize uruhare mu guteza imbere Igihugu

    Guverineri w’Intara y’Amajyepfo Kayitesi Alice avuga ko uko ubushakashatsi bwasohotse ntawe ukwiye kubunenga kuko ni ko biba byaragenze, ahubwo haba hasigaye kureba icyateye abaturage kutishimira imiyoborere n’imitangire ya serivisi ku kigero runaka.

    Agira ati “Ubushakashatsi bwakozwe neza ntacyo tubunengaho kereka utabwishimira ku giti cye, kandi turava kure ni yo mpamvu tutaragera ku rwego rwiza, imbaraga nyinshi ni ukwegera umuturage, natwe tugomba kureba aho twagize imbaraga nke tukazongera”.

    Ubushakashatsi bwa RGB bugaragaza ko abaturage bagaragaje ko urugomo rwo gukubita no gukomeretsa, ibiyobyabwenge n’ubujura ari byo biza ku mwanya wa mbere mu bihangayikishije umudendezo wabo.

    Umuyobozi w’Akarere ka Nyanza, kamwe mu turere tuza inyuma mu bipimo byavuye mu bushakashatsi mu Ntara y’Amajyepfo, atangaza ko kugira ngo ubushakashatsi butange umuti ku bibazo biba byagaragajwe, hakwiye ko ababazwa baba benshi kandi bakabazwa hashingiwe ku bushobozi bwabo bwo gusubiza.

    Agira ati “Ntacyo nanenga ubushakashatsi kuko ibyinshi birahura n’ukuri icyo bakongeraho ni ukubaza benshi kurushaho kuko iyo babajije bakeya biragoye guhuza n’ukuri, ariko bongereye umubare w’ababazwa bashobora gutanga ibisubizo bifatika”.

    Usibye akarere ka Kamonyi kaza ku mwanya wa kane ku rwego rw’igihugu, urutonde rw’uko abaturage babona imiyoborere n’imitangire ya serivisi, rugaragaraho uturere tw’Intara y’Amajyepfo turindwi mu myanya 15 ya nyuma.

    Akarere ka Huye kari ku mwanya wa 27 n’amanota 66.77% kakaba karamanutseho -2.93%, Nyanza ku mwanya wa 25 n’amanota 67.12% kakaba karamanutseho -3.35%, naho Nyamagabe iri ku mwanya wa 24 n’amanota 67.49% yo ikaba yarazamutseho 7.92%.

    Muri rusange uturere tune ari two Kamonyi, Nyanza, Huye na Gisagara twaramanutse ugereranyije n’ubushakashatsi bw’umwaka ushize hagati y’inota rimwe kugeza kuri abiri, mu gihe uturere twa Nyaruguru, Ruhango na Muhanga twazamutse hagati y’amanota abiri kugera kuri arindwi.


    source https://www.kigalitoday.com/amakuru/amakuru-mu-rwanda/article/amajyepfo-abayobozi-b-uturere-bagaragaje-ibyifuzo-byabo-ku-binengwa-n-abaturage

  • Rubavu (Nord-Ouest du pays) : un citoyen arrêté en possession d’une pierre précieuse Tourmaline de 250 kg #rwanda #RwOT

    la grosse tourmaline saisie à Gisenyi-Rubavu en provenance de la RDC

    C’est une pierre utilisée à des fins ornementales, est faite d’aluminium, magnesium, sodium, lithium et potassium.Elle prend des couleurs selon le sol où elle s’est formée.

    Il est rapporté que cette pierre précieuse est souvent extraite dans les mines du Nigéria, du Mozambique, de la Zambie, de la Namibie, Madagascar en Afrique mais aussi au Brésil, au Pakistan, en Afghanistan, au Sri Lanka, à Myanmar et en Chine.

    “Cette pierre est entrée frauduleusement au Rwanda vers 23.00 à partir de la RDC”, a dit le porte-parole régional de la Police Nationale en province de l’Ouest.

    Les habitants du lieu où la pierre a transité ont vite renseigné la Police locale qui a arrêté immédiatement le suspect.

    Types de tourmalines, pierres précieuses très chères

    IGIHE

    Source : https://fr.igihe.com/Rubavu-Nord-Ouest-du-pays-un-citoyen-arrete-en-possession-d-une-pierre.html

  • Uganda: Bobi Wine yizeye intsinzi mu rubyiruko mu matora ya Perezida #Rwanda #RwOT via @kigalitoday #rwanda #RwOT

    Umuhanzi Robert Kyagulanyi wamamaye nka Bobi Wine ni umwe mu bahatanira kuyobora Uganda
    Umuhanzi Robert Kyagulanyi wamamaye nka Bobi Wine ni umwe mu bahatanira kuyobora Uganda

    Umuhanzi Bobi Wine asanzwe ari n’umudepite mu nteko ishinga amategeko ya Uganda akaba n’umwe mu batavuga rumwe n’ubutegetsi. Ari mu b’ingenzi bahatanye na Perezida Museveni umaze hafi imyaka 35 ayobora Uganda.

    Abakurikiranira hafi politiki yo muri Uganda baravuga ko Bobi Wine yizeye kuzegukana amajwi menshi mu rubyiruko. Ariko se amahirwe yo gutsinda amatora, we ubwe arayizeye?

    Mu kiganiro Bobi Wine yagiranye na Catherine Byaruhanga wa BBC i Kampala, yagize ati: “Turabizi ko duhanganye na Goliyati, turi mu rugamba n’ubuyobozi bumaze imyaka n’imyaka bushinze imizi ariko turiyizeye kuko abaturage ba Uganda bari ku ruhande rwacu”.

    Hagati aho ariko Perezida Museveni na we avuga ko yizeye amajwi y’urubyiruko ndetse n’urutuye mu bice byasigaye inyuma.

    Lillian Aber ni umujyanama mukuru wa Perezida Museveni mu birebana n’urubyiruko. Aragira ati: “Dufite gahunda yo gutera inkunga y’amafaranga urubyiruko by’umwihariko urwo mu bice bikennye, kandi turasaba buri muntu kwirinda ibikorwa by’ubugizi bwa nabi, nimuze mushyigikire NRM”.

    Ibikorwa byo kwiyamamariza kuyobora Uganda byatangiye ku wa mbere tariki 09 Ugushyingo 2020, amatora ateganyijwe ku itariki 14 Mutarama 2021.

    Robert Kyagulanyi Ssentamu, umenyerewe ku izina ry’ubuhanzi nka Bobi Wine, asanzwe ari umudepite mu nteko ishinga amategeko ya Uganda, ahagarariye agace ka Kyadondo y’Iburasirazuba mu Karere ka Wakiso.


    source https://www.kigalitoday.com/politiki/amakuru/article/uganda-bobi-wine-yizeye-intsinzi-mu-rubyiruko-mu-matora-ya-perezida

  • Sobanukirwa inyungu Afurika ifite mu butegetsi bwa Joe Biden watorewe kuyobora USA #Rwanda #RwOT via @kigalitoday #rwanda #RwOT

    Kigali Today yaganiriye n’impuguke muri Politiki mpuzamahanga, akaba n’umwalimu muri Kaminuza Dr Ismael Buchanan, asobanura isano iri hagati yo gutorwa kwa Joe Biden n’ibyishimo by’Abanyafurika.

    Kuki Abanyafurika benshi bishimiye itsinzi ya Biden?

    Dr Ismael yatangiye asobanura ko ku butegetsi bwa Trump hagiye habaho kugabanuka gukomeye k’umubano wari warubatswe na Barack Obama, hagati ya Afurika na Amerika.

    Yagize ati “Kuva Donald Trump yatorwa, yahise ashyiraho ihame ryo gushyira Amerika imbere y’ibindi byose. Ibi akaba yarabikoze ku buryo butari busanzwe bukorwa n’aba Democrates yari asimbuye.

    Byagize ingaruka ku bukungu bwa Afurika, aho yagiye akuraho inkunga zahabwaga uyu mugabane mu byiciro binyuranye, ndetse akura na Amerika mu miryango imwe n’imwe yahuriragamo na Afurika. Ku bukungu bw’u Rwanda, rwahombye agera kuri 3% ku bicuruzwa rwohereza mu mahanga, nyuma y’aho Trump avanye imyenda mu mubare w’ibicuruzwa u Rwanda ruzajya rwohereza ku isoko rya Amerika bitatswe umusoro, muri gahunda y’ubucuruzi bimwe mu bihugu bya Afurika bifitanye n’icyo gihugu izwi nka AGOA (The African Growth and Opportunity Act).

    Ni umwanzuro Amerika yafashe nyuma y’icyemezo cy’u Rwanda cyo kuzamura imisoro ku myenda n’inkweto byambawe bizwi nka caguwa, mu rwego rwo guteza imbere inganda zarwo.

    Trump kandi yagiye akoresha amagambo akomeye agatuka abirabura, amagambo yafashwe nko gutesha agaciro Afurika.

    Ese hari icyizere ko Biden azagarura umubano usesuye?

    Dr Ismael yavuze ko icyizere gihari, ariko ko Abanyafurika batagomba kumva ko Biden hari igitangaza agiye gukorera Afurika.

    Yagize ati “Nkurikije imbaraga zakoreshejwe mu gukuraho Trump, biragaragara ko icyizere Afurika yakuye kuri Amerika gishobora kuba cyasubiraho. Ariko ntibivuze ko byose bizagarukaho ijana ku ijana, kuko na we inyungu za mbere azihera ku Banyamerika.”

    Akomeza avuga ko Joe Biden yakunze gusura cyane ibihugu bya Afurika igihe yari Visi Perezida, mu gihe Donald Trump arinze avaho atarakandagira ku butaka bwa Afurika, ibi bikaba bivuze byinshi ku bushake bwo kubana hagati ya Afurika na Amerika.

    Akomeza avuga ko Joe Biden ubwe, akimara gutorwa, yavuze ko mu byo agiye kwitaho harimo imibanire n’ibihugu isa n’iyari yaradindiye. Aha wahita wumva ko ku bijyanye n’Umutekano, Joe Biden ashobora kongera amafaranga ahabwa Umuryango w’Abibumbye, mu kohereza abasirikare kubungabunga umutekano hirya no hino ku isi, amafaranga Trump yari yaragabanyije cyane. Ashobora kandi gusubiza Amerika mu Ishami ry’Umuryango w’Abibumbye ryita ku Buzima (OMS), kuko Trump yari yayikuyemo.

    Bitewe n’uko aba Democrates bakunda cyane gutanga uburenganzira ku baturage hirya no hino ku isi, bakajya gutura muri Amerika, cyane ko hari aho iki gihugu kigikeneye amaboko, kandi kikaba cyubakwa n’abaturage bagiye bava hirya no hino ku isi, kubona uburyo bwo guturayo buzwi nka “Green cards”, cyangwa uburyo bwo kwigayo, bishobora kongera koroha.

    Imbogamizi Joe Biden afite mu gushyira mu bikorwa gahunda ze

    Dr. Ismael Buchanan, avuga ko n’ubwo Joe Biden ari Perezida, byinshi mu byemezo bikomeye azajya afata, bigomba kubanza no kwemerwa mu Nteko, Umutwe wa Sena. Aha rero ashobora kuzajya ahura n’imbogamizi, kuko muri Sena ya Amerika, harimo abo mu ishyaka ry’aba Repubulikani benshi, bashyigikiye ibyo Donald Trump yashyizeho. Iki, kiri mu bizamugora, ku buryo hari ibyemezo bizajya bitinda gushyirwa mu bikorwa, cyangwa se ibindi ntibikorwe byose nk’uko aba Democrates babyifuje.

    Isomo kuri Afurika

    Dr Ismael avuga ko Abanyafurika bari bakwiye gukura isomo kuri ubu butegetsi bwombi bw’aba Democrates n’aba Repubulikani, ntibumve ko bagomba gukorerwa byose, cyangwa kubeshwaho na Amerika. Bagomba guhora biteguye ko hashobora kuza uwahindura ibyo bari biteguye. Avuga ko bagomba kwiga gukora, bakigira ubwabo, n’uwabafasha akaza asanga hari icyo bafite, yanagenda kandi ntibumve ko ubuzima bwabo buhagaze.

    source https://www.kigalitoday.com/politiki/amakuru/article/sobanukirwa-inyungu-afurika-ifite-mu-butegetsi-bwa-joe-biden-watorewe-kuyobora-usa

  • Umunya-Mali ukinira Rayon Sports yageze mu Rwanda #rwanda #RwOT

    Umukinnyi ukina mu kibuga hagati asatira ukomoka mu gihugu cya Mali ukinira Rayon Sports, Omar Sidebe yamaze kugera mu Rwanda aho aje kwifatanya n’abandi kwitegura shampiyona umwaka w’imikino 2020-2021.

    Nyuma y’umwaka umwe akinira Rayon Sports, Omar Sidibe tariki ya 20 Nzeri 2020 yasubiye iwabo muri Mali gusura umuryango we.

    Mu ntangiriro z’uku kwezi ni bwo Rayon Sports yatangiye imyitozo yitegura shampiyona umwaka w’imikino 2020-2021 uzatangira ku wa 4 Ukuboza 2020.

    Ntiyari kumwe n’uyu mukinnyi ukina afasha abataha izamu kubera ko yari yarasubiye muri Mali kureba umuryango we, ndetse amakuru avuga ko impamvu yatinze kuza ntatangirane n’abandi imyitozo akirenza icyumweru cyose byatewe n’uko yari atarabona uburyo aza harimo no kubura itike.

    Ku gicamunsi cy’uyu munsi ku wa Kabiri tariki ya 10 Ugushyingo 2020, uyu musore yageze mu Rwanda ndetse byemejwe n’iyi kipe ibinyujije ku rukuta rwayo rwa Twitter.

    Akaba yahise ajya mu kato k’amasaha 24 akazahava ku munsi w’ejo ku wa Gatatu ahita asanga abandi mu mwiherero w’ikipe atangire n’imyitozo.

    Omar Sidibe yageze mu Rwanda

    Source : http://isimbi.rw/siporo/article/umunya-mali-ukinira-rayon-sports-yageze-mu-rwanda

  • Perezida Donald Trump uherutse gutsindwa amatora ubu aherereye he ? #rwanda #RwOT

    Hagati aho, umushinjacyaha mukuru wa Amerika ari nawe ukuriye ibiro bishinzwe ubutabera bya Amerika, yasabye abashinjacyaha gukora iperereza ku nenge zivugwa mu matora ya perezida.

    Kuri Bwana Trump, biraboneka ko muri iyi minsi ari gukorera mu biro bye ‘Oval Office’ muri White House kuko abamurinda baboneka imbere y’umuryango, byumvikanisha ko ari ho ari, nk’uko umunyamakuru wa BBC i Washington DC abivuga.
    Perezida Donald Trump yanze kwemera ibigaragazwa ko Joe Biden yatsinze amatora, ndetse yatangije ibirego mu mategeko ko habaye uburiganya.

    Ni umuco muri Amerika ko ibyavuye mu matora bivugwa n’ibinyamakuru bikomeye, uwatsinzwe akavuga ijambo ryemera ibyo.

    Gusa mu buryo bw’amategeko, ibyavuye mu matora bya nyuma byemezwa n’inteko y’abatora (electoral college), ibyo biteganyijwe tariki 14 z’ukwezi gutaha muri buri leta.
    Mitchell McConnell ukuriye abasenateri b’Abarepubulikani bafite ubwiganze muri sena ya Amerika, yari ataragira icyo avuga kuva byavugwa ko Joe Biden yatsinze Donald Trump.

    Bwana McConnell ubu yavuze ko Perezida Trump ari “uburenganzira bwe 100% kureba mu nenge zabaye mu matora”.

    Yifashishije imbuga nkoranyambaga, Trump akomeza gutangaza, nta bimenyetso yerekana, ko amatora mu gihugu cye yaranzwe n’uburiganya.

    Mbere y’amatora, McConnell yabonekaga nk’utifatanyije cyane na Trump, aho yavuze ko mu bihe bishize atabaye umushyitsi kenshi muri White House.

    Hari abandi Barepubulikani, nk’uwahoze ari perezida George W Bush wavuze ko ibyavuye mu matora “biciye mu mucyo”, yemeza ko Biden yayatsinze.
    Umushinjacyaha mukuru wa Amerika William Barr, ari nawe ukuriye ‘ministeri’ y’ubutabera ya Amerika, yasabye abashinjacyaha gukora iperereza ku nenge zivugwa mu matora ya perezida.

    Ibi byatumye ukuriye ibiro byo gukurikirana ibyaha mu matora muri minisiteri y’ubutabera ahita yegura kuko ibyo atabishyigikiye.

    Uwo yitwa Richard Pilger, niwe wari kuzaba akuriye iki gikorwa cyasabwe n’umushinjacyaha mukuru, yahise avuga ko yeguye kubera ibyasabwe na Bwana Barr.

    Iri perereza ubusanzwe rikorwa na buri leta ku bushake bwayo, ariko William Barr yavuze ko ibi atari itegeko rikomeye.

    Gusa, Bwana Barr yaburiye ko hadakwiye gukorwa iperereza mu gihe hari aho biboneka ko nta shingiro rihari ryo kurikora.

    Trump arifuza ko kubara amajwi bisubirwamo muri Pennsylvania kugira ngo bibuze Joe Biden intsinzi muri iyi leta aho amajwi yayo – 20 – kuwa gatandatu yatumye arenza 270 aba akenewe.

    Aho bakiri kubara bite ?

    Ibyavuye mu matora yo kuwa kabiri ushize biracyari kubarwa muri leta za Georgia, Arizona, North Carolina na Alaska.

    Muri leta ya Georgia, aho Biden akiri imbere ya Trump, ushinzwe ububanyi n’amahanga yasubije ku byanenzwe n’Abarepubulikani bagenzi be ku buryo ari kwitwara mu matora.

    Uyu witwa Brad Raffensperger, ibiro bye nibyo bishinzwe amatora muri Georgia, yagize ati : “Habaye gutora kunyuranye n’amategeko ? Yego byarabaye, kandi ibiro byanjye biri kubigenzura byose.

    “Bizazamura ikinyuranyo gikenewe mu guhindura aho Perezida Trump ubu ari, dushingiye ku majwi y’intumwa (16) za Georgia ? Ibyo bisa n’ibidashoboka.”

    Source : http://www.ukwezi.rw/Mu-mahanga/Politiki/article/Perezida-Donald-Trump-uherutse-gutsindwa-amatora-ubu-aherereye-he

  • Gahongayire, Fireman, MC Tino, Ziggy55 n’abandi bahuriye muri film ivuga ku mvune n’ubuzima bw’abahanzi #rwanda #RwOT

    Filime y’uruhererekane yiswe 'Za Nduru’ iri kuri Paji 250, ndetse ifite season 5 zigizwe na episode 12. Iratangira guca kuri shene ya Youtube yitwa Judy Online TV. Ndetse hari gahunda y’uko izanyuzwa kuri kuri Televiziyo zikomeye.

    Iyi filime yanditswe n’umwanditsi wa filime Niyoyita Roger yashowemo imari ifatika, ku buryo abayiteguye bavuga ko ayo bateganyaga gushoramo yakubwe hafi inshuto eshanu. Yanditswe mu gihe cy’ukwezi kumwe.

    Igaragaramo umuhanzi mu ndirimbo zo kuramya no guhimbaza Imana, Aline Gahongayire, umuraperi Fireman, umunyamakuru akaba n’umuhanzi Mc Tino, umuhanzi akaba n’umunyamakuru Ziggy 55 ndetse na Producer Sano Panda.

    Mu bakinnyi b’imena muri iyi filime harimo Rwamukwaya Theoneste [Widdle] ahatanye mu irushanwa ry’umuziki The Next Pop Star, umuraperi Fight P [Moshi] na Judithe Niyonizera [Lena] washoye imari muri iyi filime akaba anayikinamo.

    Hari kandi Uwamahoro Phoebi [Cindy] wahatanye muri Miss Rwanda 2019, Irunga Longer, Habiyakare Muniru, Sibomana Daniel [Mabombe], Shaloom Mutabazi, Pamela Ikirezi [Kelia], Danon Fraterne Musoni [Clever].

    Mu kiganiro n’itangazamakuru cyo kuri uyu wa Mbere tariki 09 Ugushyingo 2020, Muyoboke Alexis yatangaje ko mu 2015 ari bwo yagize igitekerezo cyo gukora iyi filime.

    Ati 'Nagize igitekerezo nk’umuntu ukunda umuziki, uba mu muziki. Ntabwo ndibusobanure gukunda umuziki, hari abantu ndeba imbere yanjye bari bumfashe. Bazi 'Za Nduru’ zo mu muziki. Nabonaga ukuntu abahanzi bakora umuziki, nkabona barakomeza kwitwa kwa kundi nk’ibisanzwe. Hanyuma ngira igitekerezo cyo gukora filime. Hanyuma kubishyira mu bikorwa bikanga. Hashize imyaka myinshi.'

    Muyoboke avuga ko yaganiriye na Nayiyota Roger, amubwira ko nk’umuntu umaze igihe kinini mu muziki yagira n’uruhare mu guteza imbere uruganda rwa cinema mu Rwanda. Ati 'Yabimbwiraga ntabasha kubyumva. Nta filime nazo nkunda.'

    Avuga ko yakomeje gutekereza icyo yakora kugira ngo agaragaze ubuzima bw’abahanzi babamo, we azi abantu benshi batazi. Atanga urugero akavuga ko hari nk’abahanzi, bashobora kutavuga ukuri ku buzima babayemo, ariko we akaba abizi bitewe n’uko ahora iruhande rwabo.

    Muyoboke Alexis avuga ko mu 2018 yagejeje iki gitekerezo kuri Niyonizera Judithe, nawe amubwira ko afite inyota kwinjira mu ruganda rwa filime, kandi ko yakoze n’amahugurwa ajyanye nabyo muri Canada aho asanzwe atuye.

    Akomeza avuga ko iyi filime irimo abakinnyi barenga 21, aho avuga ko bibaye agashya muri filime nyinshi zo mu Rwanda.

    Umwanditsi w’iyi filime Niyoyita Roger wananditse City Maid, Seburikoko n’izindi, yasobanuye ko kuva na cyera yifuzaga gukora filime ivuga ku bahanzi, ariko kandi ngo aganira na Alexis Muyoboke bamaze hafi ibyumweru bibiri bataremeza umurongo izaba ishingiye.

    Yavuze ko iyi filime ishingiye ku bakinnyi babiri, aho umwe aba ari umuhanzi wakuriye mu buzima bwiza n’undi ufite impano ariko wahuye n’urucantege rw’igihe kinini.

    Roger avuga ko iyi filime nta buzima bw’ubuhanzi runaka bushingiyeho. Ati 'Icyo nabizeza ntabwo ari filime ivuga ku buzima bw’umuhanzi runaka. Ni filime twagerageje kwirinda ko umuntu yacyeka ko ari we twavuze. Tubigira ibintu biri rusange ku ntera ishoboka.'

    Uyu mwanditsi yabwiye itangazamakuru ko iyi filime izakundwa bitewe n’uko ivuga ku bintu benshi batazi, n’ibyo abanyamakuru bajyaga bamenya bagatinya ku byandika.

    Niyonizera Judithe washoye imari muri iyi filime, avuga ko asanzwe azi ibijyanye n’ubuzima bw’abahanzi bitewe n’uko yabanye igihe kinini na Safi Madiba amuherekeza muri studio n’ahandi yagiye ahurira n’abahanzi, bituma ubuzima benshi bacamo abuzi.

    Ati 'Nari mfite nanditse ampa igitekerezo cy’uko tugomba kuba twakorana tukavuga ku muziki. Nanjye rero nahise nyumva vuba cyane. Ubuzima bw’abahanzi mbubamo, umugabo wanjye nawe ni umunyamuziki. Rimwe na rimwe twajyagana muri studio nkabone izo mvune abahanzi bahura nazo. Rero icyo gitekerezo byari byoroshye kucyumva vuba.'

    Amashusho y’iyi filime yafashwe anatunganywa n’ikigo 100 Pixels Academy. Yafashwe mu gihe cy’amezi abiri mu bice bitandukanye by’Umujyi wa Kigali.

    Source : http://www.ukwezi.rw/Imyidagaduro/article/Gahongayire-Fireman-MC-Tino-Ziggy55-n-abandi-bahuriye-muri-film-ivuga-ku-mvune-n-ubuzima-bw-abahanzi