Webrwanda Backend

Author: webrwanda

  • Kabuga Felicien aritaba urukiko bwa mbere nyuma yo kugezwa mu Buholandi #Rwanda #RwOT via @kigalitoday #rwanda #RwOT

    Biteganyijwe ko Kabuga agera mu rukiko ku isaha ya saa munani z’amanywa mu Buholandi, bikaza kuba ari saa cyenda ku isaha yo mu Rwanda.

    Urwego rwasigariyeho icyahoze ari Urukiko Mpuzamahanga rwashyiriweho u Rwanda (IRMCT, rwavuze ko Kabuga Felicien yari akwiye kugera mu rukiko kugira ngo anabonereho kubonana n’umwunganira mu mategeko, ariko ko aramutse abishatse ashobora no kwitaba urukiko hakoreshejwe ikoranabuhanga, we ari muri gereza aho afungiye.

    Icyakora uru rwego rwatangaza ko kubera icyorezo cya Covid-19, abanyamakuru ndetse n’abandi bantu bifuza gukurikira urubanza batemerewe kugera mu rukiko kuri uyu wa Gatatu.

    Icyakora ngo uru rubanza ruraza kunyuzwa ku rubuga rw’urwo rwego ari rwo :https://www.irmct.org/en/cases/mict-courtroom-broadcast, ariko rukaza gutangira kunyuzwaho rukerereweho iminota 30.

    Kabuga yafatiwe mu Bufaransa tariki ya 16 Gicurasi 2020. Mu kwezi gushize k’Ukwakira, ku itariki 21 Urwego rwasigariyeho icyahoze ari Urukiko Mpuzamahanga rwashyiriweho u Rwanda (IRMCT) rwemeje ko abanza kujyanwa by’agateganyo ku ishami ryarwo i La Haye mu Buholandi, aho kujyanwa Arusha muri Tanzania.

    Inteko y’abacamanza baburanisha uru rubanza rwa Kabuga igizwe n’umucamanza Iain Bonomy, ari na we uyiyoboye, umucamanza Graciela Susana Gatti Santana, ndetse n’umucamanza Elizabeth Ibanda-Nahamya.

    source https://www.kigalitoday.com/ubutabera/jenoside/article/kabuga-felicien-aritaba-urukiko-bwa-mbere-nyuma-yo-kugezwa-mu-buholandi

  • Yahawe inzu n’Ingabo z’Igihugu, asaba kuzafashwa kuyibamo mu mutekano #Rwanda #RwOT via @kigalitoday #rwanda #RwOT

    Uyu muryango washyikirijwe inzu wubakiwe n
    Uyu muryango washyikirijwe inzu wubakiwe n’Ingabo z’Igihugu

    Major Charles Mbonimpa Segahwege uyobora batayo ya 51 ikorera mu Turere twa Nyaruguru, Huye na Gisagara, ubwo yabashyikirizaga iyi nzu kuri uyu wa 10 Ugushyingo 2020, yavuze ko Nyirambarushimana yari yayisabye Umugaba Mukuru w’Ingabo zirwanira ku butaka, Lt General George Mupenzi, amubwira ko atagira aho kuba.

    Hari mu nama y’umutekano Lt Gen. Mupenzi yagiranye n’abatuye mu Murenge wa Nyagisozi tariki 17 Nyakanga 2020. Icyo gihe yarayimwemereye, maze tariki 25 Nzeri itangira kubakwa, yuzura ku ya 4 Ugushyingo 2020.

    Ni inzu nziza yubakishije amatafari ahiye, ifite ibyumba bitatu n’uruganiriro, ikagira ikigega gifata amazi y’imvura, igikoni, ubwiherero n’ubwogero ndetse n’ikiraro cy’inka, kuko uyu muryango usanganywe inka wahawe muri gahunda ya Girinka.

    Iyi nzu kandi bayishyikirijwe irimo n’ibikoresho by’ibanze ari byo intebe zo mu ruganiriro, ndetse n’uburiri bushashe neza.

    Bahawe inzu ifite agaciro ka miliyoni esheshatu
    Bahawe inzu ifite agaciro ka miliyoni esheshatu

    Ifite agaciro ka miliyoni esheshatu z’amafaranga y’u Rwanda, habariyemo amafaranga yatanzwe n’umugaba w’ingabo zirwanira ku butaka, ariko hamwe n’imiganda yatanzwe n’ingabo zikambitse mu Murenge wa Nyagisozi zifatanyije n’abaturage bo mu gace yubatsemo.

    Bakimara kuyakira, Nyirambarushimana yashimye igikorwa cy’urukundo bagaragarijwe n’ingabo, anavuga ko agiye guharanira ko abana be uko ari batatu na bo biga, bakazavamo ingabo na zo zikora ibikorwa by’urukundo.

    Nyirambarushimana ariko yanifuje ko yazafashwa iyi nzu akayibamo amahoro kuko umugabo we ngo asanzwe amubanira nabi, ku buryo amuhoza ku nkeke akanamukubita, kandi amakimbirane yabo akagera no ku bana bagiye bafite inkovu z’aho bakubiswe na se ashyamirana na nyina.

    Mukambarushimana hamwe n
    Mukambarushimana hamwe n’umuryango we, iruhande rw’inzu bubakiwe n’ingabo

    Yagize ati “Uko yari abayeho ndumva byahinduka rwose tukishima tugashimisha n’urubyaro rwacu. Ndifuza ko umugabo wanjye Mbyayingabo yahindura amateka, akabisinyira akabyemerera abayobozi ko atazongera kunkubita, atazongera kumbabaza, atazongera kumbuza uburenganzira. Ntabwo yankubitira muri iyi nzu ngo ntere imbere”.

    Umugabo we na we yiyemeje guhinduka, avuga ko guhohotera umugore we yabiterwaga n’inzoga, ariko ko agiye kuzireka burundu.

    Ati “Kubera ibyishimo mfite, ibingibi ngomba kubivamo ngashyira ubwenge ku gihe, nkamenya abana n’umugore. Ndagomba kwisubiraho nk’umuntu mbonye ibyiza nk’ibingibi Leta inkoreye, ngahinduka”.

    Umuyobozi w’Akarere ka Nyaruguru wungirije ushinzwe imibereho y’abaturage, Colette Kayitesi, avuga ko uyu muryango wari usanzwe ufashwa mu rugamba rwo kwikura mu bukene, kuko bahawe inka muri gahunda Girinka bakaba bahabwa n’akazi muri gahunda ya VUP.

    Kuri ibi ngo bagiye kongeraho kubakurikirana by’umwihariko, kugira ngo amakimbirane abaranga azacike burundu, ahubwo baharanire iterambere ry’urugo rwabo.

    Inzu bayihawe irimo ibikoresho by
    Inzu bayihawe irimo ibikoresho by’ibanze

    At “Icyatumaga bagirana amahane n’imibanire mibi, ni ubuzima bubi babagamo. Ubwo babonye aho kuba bakaba bafite icyo guheraho, igisigaye ni ukubaherekeza kugira ngo tubagire umuryango wumvikanye, ufite gahunda y’iterambere, ujyana abana mu ishuri”.

    Uyu muryango wubakiwe ubundi ngo wabaga mu gikoni cy’iwabo w’umugabo, na cyo kiva.

    Wari umwe mu muryango 1,657 Akarere ka Nyaruguru kiyemeje gufasha kuva mu nzu zitameze neza, umuntu yagereranya na nyakatsi, muri uyu mwaka w’ingengo y’imari wa 2020-2021.


    source https://www.kigalitoday.com/amakuru/amakuru-mu-rwanda/article/yahawe-inzu-n-ingabo-z-igihugu-asaba-kuzafashwa-kuyibamo-mu-mutekano

  • RIB yataye muri yombi umuganga ukekwaho gusambanya no kwica umwana w' imyaka 17 amunigishije imigozi akamuta mu murima w'ibishyimbo #rwanda #RwOT

    Urwego rw'Igihugu rw'Ubugenzacyaha, RIB, rwataye muri yombi umugabo w'imyaka 30 y'amavuko usanzwe ari umuganga mu Ivuriro ryigenga rya Mpore Clinic muri Musanze, akekwaho gusambanya no kwica Iradukunda Emerance amunigishije imigozi akamuta mu murima w'ibishyimbo.

    Amakuru y'urupfu rw'amayobera rwa Iradukunda w'imyaka 17, yamenyekanye ku wa 2 Ugushyingo 2020, ubwo abaturage basangaga umurambo we mu murima w'ibishyimbo, nta mwambaro n'umwe yambaye, ahubwo aziritswe imigozi mu ijosi, amaguru n'amaboko.

    Uyu mwangavu yishwe nyuma y'uko ngo yari avuye mu bukwe bwa mukuru w'inshuti ye biganaga wari wabumutumiyemo, ubu nawe uri mu maboko y'Ubugenzacyaha.

    Itabwa muri yombi ry'ukekwaho kwica Iradukunda ryemejwe n'Umuvugizi wa RIB, Dr. Murangira B. Thierry, wabwiye IGIHE dukesha iyi nkuru ko uwo mugabo yatawe muri yombi ku wa 09 Ugushyingo 2020, nyuma yo gutangira iperereza ku rupfu rwa nyakwigendera.Yagize ati:

    'Iyo urimo gukora iperereza hari ibimenyetso ubona, bikagenda bikuganisha ku bindi bimenyetso, ubu rero hamaze gufatwa umugabo ukora muri Clinic ya Mpore ya Musanze. Yafashwe ku itariki ya cyenda z'uku kwezi, akurikiranyweho ibyaha bibiri, birimo icyaha cyo gusambanya umwana n'icyaha cyo kwica. Akekwaho kwica akanasambanya Iradukunda Emerance.''

    Nyuma y'uko umurambo wa nyakwigendera Iradukunda utoraguwe, wajyanywe ku Bitaro Bikuru bya Ruhengeri kugira ngo ukorerwe isuzuma, nyuma bawuha ba nyirawo urashyingurwa.

    Hashize iminsi ibiri ushyinguwe irindi tsinda ririmo inzego z'umutekano n'iz'Ubugenzacyaha, zanzuye ko umurambo utabururwa hakorwa irindi suzuma kugira ngo hakusanywe ibindi bimenyetso.

    Dr Murangira yasobanuye ko ari igikorwa cyakozwe ku bwumvikane n'umuryango wa Iradukunda.Ati :

    'Mbere y'uko umurambo utabururwa kugira ngo hashakishwe ibindi bimenyetso twari twabyumvikanyeho n'umuryango we banabimenyeshejwe, impamvu rero nta yindi ni iperereza kugira ngo hashakishwe ibindi bimenyetso byimbitse kandi biracyarimo gusuzumwa. Mu minsi mike dosiye nimara gukorwa irashyikirizwa Ubushinjacyaha, ndetse ibizavamo umuryango we uzabimenyeshwa.''

    Kugeza ubu ukekwaho gusambanya no kwica Iradukunda, afungiye kuri Sitasiyo ya Polisi ya Muhoza, kugira ngo akurikiranweho ibyaha akekwaho.

    Source : https://impanuro.rw/2020/11/11/rib-yataye-muri-yombi-umuganga-ukekwaho-gusambanya-no-kwica-umwana-w-imyaka-17-amunigishije-imigozi-akamuta-mu-murima-wibishyimbo/

  • Isabukuru nziza mwamikazi w’izahabu – Safi yifuriza isabukuru Parfine bivugwa ko bongeye gukundana #rwanda #RwOT

    Umuhanzi Safi Madiba usigaye wibera muri Canada yakomeje guca amarenga y’uko yaba yarasubiranye n’uwahoze ari umukunzi we, Parfine Umutesi bitewe n’uburyo yamwifurijemo isabukuru y’amavuko.

    Nyuma y’uko Safi agiye muri Canada muri Gashyantare uyu mwaka, hasohotse ubutumwa yagiye yandikirana n’uwahoze ari umukunzi we bugaragaraza ko aba bombi baba bari mu rukundo, ibi byatumye anashwana n’umugore we Niyonizera Judithe basezeranye imbere y’amategeko bakanakora ubukwe kugeza aho Safi atangaje ko batakiri kumwe.

    Uyu muhanzi yongeye gusa n’ushimangira ibyiyumviro bye kuri uyu mukobwa bitewe n’uburyo yamwifurijemo isabukuru y’amavuko.

    Kuva muri 2017 yatandukana na Parfine, Safi Madiba yari atarashyira ifoto y’uyu mukobwa ku rukuta rwe rwa Instagram, kuri uyu nshuro ubwo uyu mukobwa yizihiza isabukuru kuri uyu wa 11 Ugushyingo, Safi yatumguranye ashyiraho ifoto ye iherekejwe n’amagambo y’icyongereza agira ati'happy birthday golden queen', umuntu agenekereje mu kinyarwanda Safi yagize ati'isabukuru nziza y’amavuko mwamikazi w’izahabu.'

    View this post on Instagram

    Happy birthday golden queen @parfinafina______fina

    A post shared by Safi Madiba (@safimadiba_official) on

    Urukundo rwa Safi na Parfine rwatangiye muri 2014 ariko 2017 Safi yaje gushaka umugore ibintu byababaje cyane Parfine aho yavuze ko uyu muhungu avuga ko yamuriye amafaranga ye nyuma akisangira Judithe wari warivanze mu rukundo rwabo rumaze umwaka n’igice.

    Ku munsi w’ejo bundi ku wa Mbere tariki ya 9 Ugushyingo, mu kiganiro n’itangazamakuru, Judithe yavuze ko atatandukanye na Safi nk’uko bivugwa ahubwo akiri umugabo ndetse ko nta n’ikibazo na kimwe afitanye na Parfine wahoze ari umukunzi w’umugabo we.

    Safi yifurije isabukuru nziza Parfine

    Source : http://isimbi.rw/imyidagaduro/article/isabukuru-nziza-mwamikazi-w-izahabu-safi-yifuriza-isabukuru-parfine-bivugwa-ko-bongeye-gukundana

  • Umujenosideri kabombo, Kabuga Felisiyani, aritaba urukiko rw'i La Haye mu Buholandi kuri uyu wa gatatu tariki 11 Ugushyingo 2020.Ese aratinyuka guhakana ibyo isi yose ifitiye ibimenyetso ?! #rwanda #RwOT

    Nyuma y'aho byemerejwe ko Kabuga Felisiyani ajyanwa by'agateganyo muri gereza y'Urukiko Mpuzamahanga Mpanabyaha i La Haye mu Buholandi, kuri uyu wa gatatu tariki 11 Ugushyingo 2020 nibwo yitaba abacamanza, kugirago asomerwe ibyaha akurikiranyweho, abyemere cyangwa abihakane.

    Mu byo aregwa harimo gucura umugambi wa Jenoside yakorewe Abatutsi, ubufatanyacyaha mu kuwushyira mu bikorwa, gushishikariza rubanda uwo mugambi mubisha abinyujije muri radiyo rutwitsi, RTLM, yashinze akanayibera umuyobozi, ndetse no gukwirakwiza intwaro zifashishijwe mu gukora Jenoside yakorewe Abatutsi.

    Urukiko Mpuzamahanga Mpanabyaha rwashyiriweho uRwanda rwashyize ahagaragara bwa mbere impapuro zo guta muri yombi Kabuga Felisiyani tariki 26 Ugushyingo 1997, ariko byasabye imyaka 23 yose ngo afatwe, kuko yakomeje kwihishahisha abifashijewemo n'ibihugu byamukingiraga ikibaba, hakiyongeraho n'amamiliyari atunze yamufashije gutanga ruswa ngo adafatwa. Amaherezo y'inzira ni mu nzu ariko kuko yaje gucakirwa tariki 16 Gicurasi uyu mwaka, avumbuwe mu buvumo mu nkengero za Paris, umurwa mukuru w'uBufaransa.

    Hategerejwe kumenya niba Kabuga ari butinyuke guhakana ibyaha yakoze ku mugaragaro, ndetse abenshi mu bakurikiranye ibye bakaba basanga kuburana ari ukurangiza umuhango, kuko uru rubanza ari urucabana. Kugeza ubu Kabuga n'umukwe we Augustin Ngirabatware nibo bakirushya iminsi ngo baraburanishwa n' Urwego rwashinzwe kurangiza imirimo y'Urukiko Mpuzamahanga rwashyiriweho uRwanda. Abatutsi.Turabikurikiranira hafi.

    The post Umujenosideri kabombo, Kabuga Felisiyani, aritaba urukiko rw'i La Haye mu Buholandi kuri uyu wa gatatu tariki 11 Ugushyingo 2020.Ese aratinyuka guhakana ibyo isi yose ifitiye ibimenyetso ?! appeared first on RUSHYASHYA.

    Source : https://rushyashya.net/umujenosideri-kabombo-kabuga-felisiyani-aritaba-urukiko-rwi-la-haye-mu-buholandi-kuri-uyu-wa-gatatu-tariki-11-ugushyingo-2020-ese-aratinyuka-guhakana-ibyo-isi-yose-ifitiye-ibimenyetso/

  • Ibyaranze umunsi wa mbere w’imyitozo y’Amavubi i Praia muri Cap-Vert (AMAFOTO) #Rwanda #RwOT via @kigalitoday #rwanda #RwOT

    Ku munsi w’ejo tariki 10/11/2020, ni bwo ikipe y’igihugu y’u Rwanda Amavubi yatangiye ibikorwa by’imyitozo muri Cap-Vert, aho mu gitondo aba bakinnyi bakoze imyitozo y’imbaraga muri Gym, naho nyuma ya Saa sita bakorera imyitozo ku kibuga kizaberaho umukino.

    Abakinnyi bose uko bahagurutse I Kigali babashije gukora imyitozo nta kibazo, ndetse bakaniyongeraho abakinnyi babiri barimo Yannick Mukunzi ukina muri Sandvikens IF yo muri Sweden, ndetse na Djihad Bizimana ukina muri Waasland Beveren yo mu Bubiligi bahuriye n’abandi muri Cap-Vert.

    Kapiteni w’ikipe y’igihugu y’u Rwanda Haruna Niyonzima, yavuze ko kugeza ubu umwuka umeze neza ndetse ko intego ari ugushaka amanota atandatu mu mikino ibiri ikurikirana bagomba gukina na Cap-Vert.

    Amafoto yaranze umunsi w’ejo

    Babanje gufata amafunguro

    Bakurikizaho imyitozo ya Gym

    Basoreje mu myitozo ku kibuga bazakiniraho

    source https://www.kigalitoday.com/imikino-11/football/article/ibyaranze-umunsi-wa-mbere-w-imyitozo-y-amavubi-i-praia-muri-cap-vert-amafoto

  • Hamenyekanye igihe abanyeshuri biga mu mwaka wa mbere n'abiga mu mwaka wa kabiri bazasubira ku ishuri #rwanda #RwOT

    Kaminuza nkuru y'u Rwanda , kuri uyu wa Gatatu tariki ya 11 Ugushyingo 2020, yatangaje ko abanyeshuri biga mu mwaka wa mbere n'abiga mu mwaka wa kabiri bazasubira ku ishuri tariki 30 Ugushyingo 2020. Nyuma y'igihe kirekire yari amaze afunze biturutse ku cyorezo cya Coronavirus.

    Mu Nama y'Abaminisitiri yo ku wa 25 Nzeri 2020, iyo nama ikaba yarafatiwemo umwanzuro ko amashuri azafungura ariko hakurikijwe ibyiciro byayo, hashingiwe no ku isesengura riba ryakozwe, ndetse n'imyiteguro y'ayo mashuri.

    Ku wa 16 Werurwe 2020 nibwo Minisiteri y'Uburezi yatangaje ko amashuri afunzwe mu rwego rwo kwirinda ikwirakwira rya Coronavirus bituma abanyeshuri bahita bakurwa ku bigo by'amashuri barataha.

    Source : https://impanuro.rw/2020/11/11/hamenyekanye-igihe-abanyeshuri-biga-mu-mwaka-wa-mbere-nabiga-mu-mwaka-wa-kabiri-bazasubira-ku-ishuri/

  • Ibyo byaba bidashobotse ntitwemere gutsindwa- Haruna Niyonzima #rwanda #RwOT

    Kapiteni w’ikipe y’igihugu y’u Rwanda, Haruna Niyonzima avuga ko intego bafite ari ugukura amanota 3 muri Cape Verde ku kabi na keza byakwanga ariko ntibatsindwe.

    Amavubi y’u Rwanda yagiye muri Cape Verde gukina n’iki gihugu mu gushaka itike y’igikombe cy’Afurika cya 2022, gusa ntabwo ahabwa amahirwe imbere y’iki gihugu bigendanye n’abakinnyi buri kipe ifite n’uko yiteguye.

    Haruna yavuze ko ubu muri Cape Verde umwuka umeze neza nta kibazo kandi biteguye guhatana bakazana umusaruro mwiza.

    Ati'Umwuka mu bakinnyi umeze neza turagerageza gukurikira ibyo umutoza atubwira, turagerageza kugira ngo twihurize hamwe ubundi dushake umusaruro mwiza.'

    Yakomeje avuga buri wese yifuza gutsinda uriya mukino bityo ko bagomba kuwutsinda byanze bikunze ariko na none byakwanga ntibatsindwe.

    Ati'ikindi nakubwira buri wese arifuza uyu mukino yaba abakinnyi cyangwa staff technique, buri kipe ifite intego yo gushaka aya manota 6 ariko nk’uko mpora mbivuga muri ruhago byose birashoboka, intego ya mbere ni ubugushaka uburyo tubanza gushaka aya manota 3 ariko ibyo byaba bidashobotse n’ubundi ntitwemere gutsindwa.'

    Uyu mukino uteganyijwe kuzaba tariki ya 12 Ugushyingo 2020 mu gihe umukino wo kwishyura uzaba tariki ya 17 Ugushyingo 2020.

    U Rwanda ni urwa nyuma mu itsinda F n’amanota 0, ni nyuma y’uko rwatsinzwe na Mozambique ibitego 2-0 ndetse na Cameroun igitego 1-0, mu mikino ibiri ibanza yabaye mu Ugushyingo 2019.

    Haruna yijeje intsinzi abanyarwanda

    Source : http://isimbi.rw/siporo/article/ibyo-byaba-bidashobotse-ntitwemere-gutsindwa-haruna-niyonzima-4722

  • Continental Body Ranks Rwanda As Leading Country Against #COVID-19 #rwanda #RwOT

    The African Tax Administration Forum (ATAF) has placed Rwanda at the forefront among countries that put effective COVID-19 tax relief measures in Africa, followed by Lesotho, Uganda, Burkina Faso, Niger, Madagascar, South Africa, Togo, Cameroon, Gambia, Sierra Leone, Zambia, Mauritius, Seychelles, Tanzania, Zimbabwe, Eswatini, Ghana, Angola, Burundi and Namibia.

    On March 21, 2020, Rwanda took a strong decision to enforce a total lockdown across the country to curtail the spread of COVID-19, a week after the first case of the epidemic was registered in the country.

    Social and economic activities were halted, except for the essential supply activities including health and food related; with a range of social distancing and hygiene measures were set up, such as hand-washing equipment at agricultural collection centers.

    During the lockdown, all non-essential labor and business activities, mostly urban in nature, were stopped, bringing severe effects on the country's economy, just like any other country around the globe. 

    This called for collective efforts from both public and private agencies to support the Government in the struggle by putting respective and strong measures to curb the spread while also supporting business continuity. 

    It is in this line that Rwanda Revenue Authority introduced various Covid-19 relief measures to facilitate the taxpayers in their business continuity and recovery.

    Among others include halting all tax audits that required physical interactions with taxpayers for a period of one month, putting on hold the two major enforcement steps for tax arrears (garnishment and public auction) for all taxpayers for a period of one month, putting in place facilitation processes to expedite the issuance of refunds particularly for hardest affected taxpayers by the covid-19 pandemic. 

    The Authority also extended the certification of financial tax statements for a period of 3 months, Payments of CIT 2019/2020 expected on 31st March were deferred to 15th April 2020 and 30th April 2020 for Large Taxpayers and S&M Taxpayers respectively.

    Taxpayers also benefited from the extension of tax payment periods, exemption of PAYE for the 6 months for private school teachers earning up to Rwf 150,000 net and 3 months for employees of companies operating in the tourism and hotel sector earning up to Rwf 150,000.

    There was also an exemption of VAT and Import Duty for essential supplies, waiver of penalties, fines and interests, suspension of the 25% down payment admissible for amicable settlement. 

    The RRA also supported businesses to access the business recovery fund that was availed by the National Bank to help taxpayers that were affected by COVID-19 by expediting issuance of Tax Clearance Certificates (prerequisite).

    The Authority while introduced measures aimed at protecting society by enforcing non-physical cargo inspection procedures at the customs and allocating cargo crew members designated facilities to rest as they await the finalization of the offloading process hence minimize their interaction with the rest of the society to avoid the spread of the pandemic.

    With effect from April 24, 2020, all customs services which were initially offered in Kigali and other inland customs offices, were also extended to customs border posts.

    These among other measures have facilitated taxpayers in their business resumption and recovery, hence being compliant to their tax obligations notwithstanding the effects of the pandemic.

    For this reason, tax revenue collection for the first quarter of 2020/21 amounted to Rwf 371.5 billion above the target of Rwf 351.2 billion. This indicates an achievement of 105.8% and Rwf 20.3 billion above the target. On the other hand, Local Government (LG) taxes and fees collections for the same quarter amounted to Rwf 11.3 billion over and above the target of Rwf 10.6 billion.

    This indicates an achievement of 106.6%, and the RRA anticipates more significant achievements. 

    Represented by RRA, Rwanda is one of the 39 members of Africa Tax Administration Forum (ATAF), an organization that was established by African revenue authorities in 2009, in order to improve the performance of tax administrations in Africa.

    Source : https://taarifa.rw/continental-body-ranks-rwanda-as-leading-country-against-covid-19/

  • Family first as Cardinal Antoine Kambanda enters the upper echelons of the Catholic Church in the World #rwanda #RwOT

     

    The Archbishop of Kigali, Cardinal Antoine Kambanda who was recently elected Cardinal and 12 others elected along with him will be inaugurated on November 28, 2020.

    They will be among the closest advisors to the Catholic Church supreme leader in the world. This is the rare opportunity to convey views to the Pope and those views are likely to be implemented without delay.

    The Archbishop of Kigali, Cardinal Antoine Kambanda, said that throughout his assignment as cardinal he will concentrate on family issues because the family is the foundation of Christianity.

    These days, families face severe health and social problems. Family conflicts continue to cause couples to kill each other, break up while their children continue to bear the consequences of the family conflicts

    Today some street children point out that the root cause of going to the streets is family conflict.

    In the Rwandan society there is also a serious problem of premature pregnancies, which are often caused by older men with families while they should be the ones to protect children from abusers.

    Sometimes these teenagers, after giving birth parents abandon them or comfort them at times and later chase them to live a miserable life.

    Children born to these adolescents also suffer from poor health conditions

    These and other issues also affect evangelism, especially as it begins in the family.

    In an interview with IGIHE, Cardinal Antoine Kambanda said that once he is installed as Cardinal, his message to the pope will be based on family care because family is the principal church.

    'The family concern is a special task to me. It is the domicile of Christianity; it is the main church.' Cardinal Kambanda said.

    His grace Cardinal Kambanda said he was fortunate enough to be the representative of Rwanda to the 2015 Episcopal Synod, which made him aware of the problems the world has in the churches.

    He said some of his concerns were with the Rwandan community and those with special needs, but that the meeting gave him the opportunity to gain faith around the world and see that the power of the gospel was still there.

    For him, this is a good time to share his thoughts with the pope, highlighting the importance the family has in evangelism.

    'Evangelism and Christianity start in the family, that's where the child gets to know God, that's where he gets to know the first prayer and that's where he grows the foundation of Christianity and faith that will take him through his whole life, so caring for the family in evangelism is the first thing I feel in the Church that should inspire them. '

    The laypeople have a major role to play in the integrity of the family

    Cardinal Kambanda says that lay people (Christians) have a great responsibility to take care of the family, especially to teach young children to know God and the gospel.

     

    'The lay people are the family, and I'm talking about the message from the home, the laity are in their special responsibility to take care of the family evangelism,' he said.

    He said the COVID 19 Lockdown has taught a great lesson to the heads of the families as it has made them more aware that they are the primary shepherds of their families.

    'Staying at home in COVID-19 showed us that while people could not go to mass praying at home, the head of the family who led the celebration of the word of God […] was the one who explained to the children the gospel of the day, he taught them to pray, and every child can say a prayer […] the teaching is right there, that's where the church is built. So, the laypeople are the foundation of the Church, caring for the family is their message and we are all built on it.' Cardinal Kambanda noted

    He returned to the responsibilities of the devotees, saying that they should make good use of the gifts they were given and contribute to the building of the family and the Church.

    'Dedication to God is a gift in history that the Holy Spirit awakens in man and joins others in the gift of caring for the sick, teaching the young, caring for the disabled, teaching and preaching the gospel abroad. What we ask of our devotees is to implement and honor the gifts they have been given so that their expected role in the building of the Church is revealed.'

    In order to become a Cardinal, it is in the will of the Pope because there is no election, it is done in his analysis, he chooses advisors. Cardinals are elected by the Pope, which means that every Cardinal is a candidate.

    Cardinal Kambanda and 12 others are expected to be inaugurated on November 28, 2020.

     

    64

    The post Family first as Cardinal Antoine Kambanda enters the upper echelons of the Catholic Church in the World appeared first on TOP AFRICA NEWS.

    Source : https://www.topafricanews.com/2020/11/11/family-first-as-cardinal-antoine-kambanda-enters-the-upper-echelons-of-the-catholic-church-in-the-world/?utm_source=rss&utm_medium=rss&utm_campaign=family-first-as-cardinal-antoine-kambanda-enters-the-upper-echelons-of-the-catholic-church-in-the-world