Author: webrwanda

Iyi nama ihuza abayobozi bakuru muri Polisi y’u Rwanda, abayobozi b’amashami ya Polisi y’u Rwanda, abayobozi ba Polisi mu Ntara z’Igihugu, mu turere, n’abandi batandukanye.

Afungura ku mugaragaro iyi nama, Minisitiri Busingye yabanje gushimira ubuyobozi bwa Polisi y’u Rwanda butegura iyi nama, abasaba kuzashyira mu bikorwa imyanzuro yose iza gufatirwamo.

Minisitiri Busingye yasubije amaso inyuma ashimira Polisi y’u Rwanda uko ikomeje kuzuza inshingano zayo kuva mu mwaka wa 2000 ubwo yashingwaga, ibi kandi bikaba bishimangirwa n’ubushakashatsi bwagiye bukorwa.

Yagize ati “Abaturarwanda bakomeje kwishimira serivisi nziza z’inzego z’umutekano, ibi bikaba bigaragazwa n’ubushakashatsi bukorwa n’Ikigo cy’Igihugu cy’Imiyoborere (RGB). Iyo mikorere myiza ituruka ku bwitange abapolisi bagaragaza mu kazi ka buri munsi ko kurinda umutekano w’abaturarwanda n’ibintu byabo.”

Yakomeje agaruka ku bimaze gukorwa na Polisi y’u Rwanda mu kwegereza serivisi nziza abaturarwanda harimo no kurwanya impanuka zo mu muhanda.

Ati “Mu kurushaho kwegereza abaturarwanda serivisi, Polisi y’u Rwanda iherutse gushyiraho ibigo 3 mu turere twa Huye, Rwamagana na Musanze byo gupima ubuziranenge bw’ibinyabiziga mu rwego rwo kwirinda impanuka zihitana ubuzima bw’abantu. Ibi bikaba byiyongeraho umushinga wo kongera za ‘camera’ mu muhanda zizafasha kurwanya umuvuduko mwinshi w’ibinyabiziga wo ntandaro y’impanuka nyinshi zigaragara mu muhanda.'

Minisitiri w’Ubutabera akaba n’Intumwa nkuru ya Leta yanagarutse ku ruhare rwa Polisi y’u Rwanda ikomeje kugaragaza mu kurwanya ikwirakwira ry’icyorezo cya COVID-19. Aho ikora ubukangurambaga mu kurwanya iki cyorezo ndetse no kurwanya ibikorwa byose bituma gikwirakwira, yashimiye abapolisi anabibutsa ko icyorezo kigihari abasaba gukomeza akazi keza bakora ko guhangana nacyo.

Minisitiri Busingye yagaragaje ko n’ubwo u Rwanda rufite umutekano usesuye hakigaragara bimwe mu byaha bihungabanya umutekano. Yibutsa Polisi y’u Rwanda ko ari ngombwa gukomeza gukorana n’abaturage babakangurira kwirindira umutekano batangira amakuru ku gihe.

Ati 'N’ubwo Igihugu cyacu gifite umutekano usesuye, haracyari byinshi byo gukora kugirango twuzuze inshingano zacu neza harimo guhangana n’ibibazo by’umutekano muke uterwa n’ibyaha byambukiranya imipaka ndetse n’ibyaha bikorwa hifashishijwe ikoranabuhanga.”

“Akazi ka Polisi gasaba gukorana n’izindi nzego ndetse n’abaturage kugira ngo gakorwe neza. Mushyire imbaraga nyinshi mu guhugura abaturage kugira ngo himakazwe ubufatanye bwa Polisi n’abaturage mu kwirindira umutekano no gutangira amakuru ku gihe.'

Minisitiri Busingye yibukije abapolisi ko iteka mu bikorwa biharanira umutekano bagomba kuzirikana gukora akazi mu buryo bunoze, bwubaha ikiremwamuntu kandi butarengera amategeko, kandi igihe habaye kurengera amategeko ababigizemo uruhare bakabibazwa kugira ngo umuturage abashe iteka gutandukanya igikorwa cy’umupolisi ku giti cye cyarenze ku mategeko na Polisi ubwayo nk’urwego.

Yanibukije abaturage kujya bakoma urusyo n’ingasire ku mvungo bagira ku bijyanye n’ifatwa n’ifungwa igihe umuntu afunzwe akekwaho ibyaha.

Yagize ati 'Nagira ngo kandi mvuge ku bibazo bikunze kugarukwaho by’ifatwa n’ifungwa ry’abakekwaho ibyaha, hashyirwa mu majwi inzego za Polisi, RIB n’Ubushinjacyaha ko zifata zigafunga abantu benshi, ko zikoresha gufunga kandi zagakoresheje izindi nzira ngo kandi hari ubucucike mu magororero yacu, n’izindi mvugo nkizo, izi mvugo ntizuzuye. Zikwiye gukoma urusyo zigakoma n’ingasire.”

“Dukwiye iteka kurebera hamwe ishusho rusange y’umutekano, ibyaha n’ikurikirana ryabyo mu Rwanda n’uko abaturage babibona cyangwa babyakira. Iya mbere ni uko umutekano w’abantu n’ibyabo, kudakorerwa ibyaha, bito cyangwa bikomeye, abanyarwanda n’abaturarwanda bamaze kubigira uburenganzira ndakuka, byabaye ihame. Umuntu wese wishora mu byaha, bito cyangwa bikomeye, aba ahungabanya iryo hame n’ubwo burenganzira.'

Muri iyi nama nkuru ya Polisi y’u Rwanda, umuyobozi mukuru wa Polisi, IGP Dan Munyuza yavuze ko imibereho n’imikorere myiza by’abapolisi bikomeje kwitabwaho, bahabwa amahugurwa atandukanye agamije kubongerera ubumenyi no gushakirwa ibiro, amacumbi, ibikoresho n’ibindi.

Yagarutse ku myitwarire iranga abapolisi aho yagaragaje imibare y’abagiye gusezererwa kubera imyitwarire itari myiza.

Ati “Nubwo hashyirwamo imbaraga nyinshi ngo iyo mibereho irusheho kuba myiza, hari bamwe mu bapolisi bakigaragaraho imyitwarire itanoze harimo kwaka no kwakira ruswa. Muri uyu mwaka wa 2020 abapolisi bagaragayeho imyitwarire mibi ni 425, bakaba barahanishijwe kwirukanwa muri Polisi y’u Rwanda, iyi mibare ni mike ugereranyije n’iy’umwaka ushize wa 2019 aho hirukanwe abapolisi 587.'
IGP Dan Munyuza yagaragaje ko abaturage bagikomeje gukora ibyaha mu buryo butandukanye aho imibare y’abafashwe bakekwaho gukora ibyaha mu mezi 11 y’uyu mwaka turimo gusoza ari myinshi kuberako akenshi icyaha kimwe cyo gukubita no gukomeretsa, ubujura n’ibiyobyabwenge usanga akenshi gihuriwemo n’abantu barenga umwe.

Ati 'Mu mezi 11 (Mutarama —Ugushyingo) abakekwaho ibyaha barenga ibihumbi 45,380 barafashwe ndetse bashyikirizwa ubugenzacyaha (RIB) kugira ngo hakorwe iperereza, abo bihama bahanwe hakurikijwe amategeko. Muri bo 18,673 bafungiwe ibyaha byo gukubita no gukomeretsa, 17,221 bafatiwe mu byaha by’ubujura, 4,229 bafungiwe gusambanya abana naho 5,257 bakurikiranweho gucuruza no gukoresha ibiyobyabwenge.'

IGP Munyuza yanavuze ko Polisi y’u Rwanda yakajije ingamba zo kurwanya impanuka zo mu muhanda aho mu mwaka ushize wa 2019 mu mezi 11 hari habaye impanuka 622 zihitana ubuzima bw’abantu 684. Ni mu gihe mu mezi 11 y’uyu mwaka wa 2020 hamaze kuba impanuka zikomeye 561 zahitanye ubuzima bw’abantu 609.

Minisitiri Busingye yashimye imyitwarire isigaye iranga abapolisi Umuyobozi Mukuru wa Polisi y’u Rwanda IGP Dan Munyuza yavuze ko Polisi yakajije ingamba zo kurwanya impanuka Amafoto:RNP

Rwanda Premier League 2020-2021 Match Day 1 Results

Friday, December 4, 2020

Marine FC 2-0 Gorilla FC
Sunrise FC 1-3 Gasogi United
Mukura VS&L 1-3 Kiyovu Sports Club
Espoir FC 0-0 Bugesera FC
ASMuhanga 1-1 Etincelles FC
Rutsiro FC 1-1 Rayon Sports FC
APR FC vs Musanze FC (Postponed)
AS Kigali vs Police FC (Postponed)

Uyu mukino wabereye I Rubavu kuri Sitade Umuganda, wari uwa mbere amakipe yombi yari akinnye ufungura imikino ya shampiyona y’icyiciro cya mbere mu mupira w’amaguru y’umwaka wa 2020/21.

Rutsiro FC yafunguye amazamu ku gitego cyatsinzwe na Munyurangabo Cédric ku munota wa 10, ku mupira ukomeye yatereye inyuma y’urubuga rw’amahina nyuma yo guherezwa na Nova Bayama agacenga abarimo Niyibizi Emmanuel.

Ikipe ya Rayon Sports yaje kwishyura iki gitego ku munota wa 74 ku gitego yatsindiwe na Niyibizi Emmanuel ku mupira w’umuterekano yateye ahana ikosa Hatangimana Eric yakoreye kuri Jean Vital Ourega.

Abakinnyi babanje mu kibuga ku mpande zombi :

Rutsiro FC : Dukuzeyezu Pascal, Nova Bayama, Uwizeyimana Ortega , Hatangimana Eric, Hitimana Jean Claude, Mutsinzi Claude, Mugiraneza Jean Claude, Nkubito Amza, Munyurangabo Cédric na Nshimyumuremyi Olivier.

Rayon Sports : Kwizera Olivier, Rugwiro Hervé, Niyibizi Emmanuel, Habimana Hussein, Ndizeye Samuel, Ourega Vital, Nishimwe Blaise, Oumar Sidibé, Drissa Dagnogo, Iranzi Jean Claude, na Niyonkuru Sadjati .

Uko amakipe yatsindanye ku munsi wa mbere wa Shampiyona

AS Muhanga 1-1 Etincelles FC
Mukura VS&L 1-3 SC Kiyovu
Sunrise FC 1-3 Gasogi United
Espoir FC 0-0 Bugesera FC
Marines FC 2-0 Gorilla FC
Rutsiro FC 1-1 Rayon Sports FC
APR FC vs Musanze FC (Wasubitswe)
AS Kigali vs Police FC (Wasubitswe)

Rayon Sports yaguye miswi n’ikipe ya Rutsiro FC ivuye mu cyiciro cya kabiri Umuyobozi mushya wa Rayon Sports nawe yari ari muri stade ubwo ikipe ye yananirwaga kwikura i Rubavu

Ku munsi wa mbere wa shampiyona y’u Rwanda umwaka w’imikino 2020-2021, Rayon Sports yatunguwe inganya na Rutsiro 1-1, Kiyovu Sports ikaba yanyagiriye Mukura VS i Huye, ni mu gihe ibambiro rya Sunrise FC yaribambiweho na Gasogi United.

Uyu munsi nibwo shampiyona y’icyiciro cya mbere mu Rwanda umwaka w’imikino wa 2020-2021 yatangiye Rayon Sports yari yasuye Rutsiro FC i Rubavu.

Rayon Sports yaje gutungurwa na Rutsiro FC ku munota wa 17 iyitsinda igitego cya mbere ku ishoti rikomeye Cedric yatereye inyuma y’urubuga rw’amahina umupira uboneza mu rushundura.

Igice cya mbere cyarangiye ari 1-0. Mu gice cya kabiri Rayon Sports yagiye ibona amahirwe atandukanye ariko ntiyayabyaza umusaruro.

Ibi byatumye umutoza Guy Bukasa akora impinduka havamo Iranzi Jean Claude na Drissa Dagnogo hinjiramo Mudacumura Jackson Rambo na Mugisha Gilbert utari wabanje mu kibuga kubera ko ibisubizo bye bya COVID-19 bitari byasohotse.

Rayon Sports yatangiye gusatira cyane maze ku munota 72 Niyibizi yishyurira Rayon Sports kuri kufura. Umukino warangiye ari 1-1.

Mukura VS yari yakiriye Kiyovu Sports i Huye. Kiyovu Sports yaje kuyitsinda ibitego 3-1.

Dusingizimaja Gilbert yafunguriye amazamu Kiyovu Sports ku munota wa 45, Bigirimana Abedi atsinda icya 2 ni mu gihe icya gatatu cyatsinzwe na Serumogo Ally Omar ku munota wa 71.

Igitego kimwe rukumbi cya Mukura VS cyatsinzwe na Duhayindavyi Gael kuri penaliti.

I Nyagatare, Sunrise FC yari yakiriye Gasogi United kuri Golgotha Stadium, iyi kipe ntibyaje kuyihira kuko ku ibambiro ryayo yaje kuhabambirwa na Gasogi United iyitsinda 3-1.

Sunrise FC niyo yafunguye amazamu ku munota wa 13 ku gitego cya Kavatiri.

Bartrand yaje kwishyura iki gitego ku munota wa 22 ku mupira wari uhinduwe na Marc Nkubana. Ku munota wa 42 myugariro wa Sunrise FC, Meya yitsinze igitego ni mu gihe ku munota wa 67 Bertrand Iradukunda yatsinze igitego cya 3 cya Gasogi United.

Marines FC yatsnze Gorilla FC ibitego 2-0, Bugesera FC inganyiriza na Espoir FC i Rusizi ni mu gihe AS Muhanga yanganyije na Etincelles 1-1 i Muhanga.

APR FC yagombaga gukina na Musanze, AS Kigali na Police FC, iyi mikino yabaye ibirarane kuko APR FC na AS Kigali ziri mu mikino nyafufika.

Bertrand yishimira igitego cya mbere

Inama y’Abaminisitiri yo ku wa 29 Nyakanga n’iyo ku wa 15 Nyakanga 2020 niyo yemereye insengero gukora mu bihe bya COVID19, ariko uburenganzira bwo gufungura butangwa n’Ubuyobozi bw’Inzego z’ibanze zimaze kugenzura ko hubahirijwe amabwiriza ya Minisiteri y’Ubuzima.

Minisiteri y’Ubutegetsi bw’Igihugu kandi yahise isabwa gushyiraho amabwiriza arambuye agenga imikoreshereze y’insengero ari nayo yavuguruwe kuri uyu wa 4 Ukuboza 2020, hagamijwe gukomeza kwirinda ikwirakwira rya Coronavirus ariko n’insengero zigakora,

Ku myaka ibiri gusa amaze mu muziki, ni umuhanzikazi umaze gushimangira ko nta kabuza ari impano Imana yihereye abanyarwanda ngo azuse ikivu cyasizwe n’abarimo Kamariza n’abandi babaye indashyikirwa mu muziki gakondo.

Clarisse Karasira wa Pasiteri Karasira, wavukiye I Masaka mu Mujyi wa Kigali, kuri ubu afite imyaka 23 y’amavuko gusa amaze kwigarurira imitima ya benshi by’umwihariko abakunzi b’umuziki gakondo.

Uyu muhanzikazi kuri ubu umaze gushyira hanze indirimbo zirimo 'Giraneza, Rwanda Shima, Ntizagushuke, Komera, Twapfaga iki,Ubuto, Imitamenwa, Kabeho,Uzibukirwa kuki, Sangwa Rwanda, Urukundo ruganze.

Hari kandi iyitwa Urungano,Mwana w’Umuntu, Ibikomere, Rutaremara,Ibihe ndetse n’iyitwa Urukerereza yakoranye na Mani Martin.

Izo zose n’indi imwe yitwa 'Mu mitima’ itarajya ahagaragara nizo ziri ku muzingo [album] uyu mwari yise 'Inganzo y’Umutima’ azamurika mu gitaramo giteganyijwe kuba ku wa 26 Ukuboza 2020, muri Kigali Serena Hotel.

Muri iyi nkuru twaguteguriye bimwe mu byaranze urugendo rwa Clarisse Karasira umaze imyaka ibiri gusa mu muziki ariko akaba amaze gukora ibikorwa by’indashyikirwa birimo no kuba yateguye igitaramo kizinjirwamo n’uwishyuye amafaranga ibihumbi 100Frw.

Bijya gutangira…

Uyu mwari uvuga ko yize amashuri mu bigo binyuranye arangiza ayisumbuye mu ndimi, kaminuza yize itangazamakuru muri Mount Kenya University. Nyuma y’umwaka umwe yaje kurisubika atangira kwiga ibijyanye na Politike mpuzamahanga muri ULK ari naho yiga kuri ubu.

Uyu mukobwa yatangiriye itangazamakuru i Gicumbi kuri Radio Ishingiro, akomereza kuri Flash Fm na Flash Tv ahakora igihe kitari gito aza gusezera muri Kanama 2018 ubwo yatekerezaga kwinjira mu muziki.

Abakoresha imbuga nkoranyambaga bibuka neza amashusho y’indirimbo 'Izuba rirarenze’ yigeze gucicikana aho Clarisse Karasira yari kumwe n’uwitwa Mwarimu Ben wariho amucurangira gitari undi nawe agakora mu muhogo ahogoza umwumvise agasesa urumeza.

Clarisse Karasira yabanje guteguza abantu….

Hari abari bazi neza uyu mukobwa wari usanzwe ari umunyamakuru ariko anakora ibiraka byo gusohora abageni mu bukwe [Kuririmbira umukobwa warongowe], batatunguwe ariko hari na benshi batangajwe n’iryo jwi ry’uwo mwari wagaragaraga nk’ukiri muto mu maso.

Uyu mwari wari usanzwe ari umusizi wihebeye imivugo yatewe imbaraga na benshi babonye ayo mashusho bamubwira gukomereza aho kuko banyuzwe n’impano ye itangaje.

Yari integuza ! Ntabwo yatinze dore ko ayo mashusho yagiye ku rukuta rwe rwa YouTube muri Werurwe 2018, bigeze mu Ukwakira ahita ashyira hanze indirimbo ye ya mbere ndetse atangaza ko yinjiye mu muziki mu buryo bw’umwuga.

Imyaka ibiri, Igitaramo cy’amateka…

Tariki 30 Ukwakira 2018 nibwo Clarisse Karasira yashyize hasi mikoro z’itangazamakuru yinjira mu buhanzi ahereye ku ndirimbo ye 'Giraneza', mu gihe yujuje umwaka mu muziki avuga ko hari ibyiza n’ibibi yahuye nabyo.

Indirimbo ze akenshi zibanda cyane ku butumwa bwo gukunda iguhugu, gukangurira abantu kubana mu mahoro ndetse no kwita ku bababaye ariko atibagiwe n’urukundo by’umwihariko iyitwa 'Urukerereza’ aherutse gukorana na Mani Martin.

Ubwo yavugaga ku rugendo amazemo imyaka ibiri yabwiye IGIHE ko mu gihe amaze mu muziki hari ibyo yahuye nabyo bikamushimisha nubwo hari n’ibyamubabaje.
Ahereye ku bikomeye yahuye nabyo Karasira yavuze ko yagowe cyane no kuba icyamamare.

Icyo gihe yagize ati 'Ukumenyekana hari uburyo bitabaye byiza ku mibereho yanjye. Narimenyereye kubaho bisanzwe bitansaba byinshi, mu by’ukuri kwamamara nubwo ari byiza ariko biri mu byangoye.'

Ikindi cyagoye Karasira ni inkuru yagiye avugwaho zitandukanye. Avuga ko amakuru atariyo kibazo ahubwo ibihuha byayihishaga inyuma kubimenyera byamugoye.
Ati 'Abantu bakabaye bagushyigikira akenshi usanga aribo baguca intege, icyakora ibyo byaranyigishije.'

Ibibera ku mbuga nkoranyambaga biri mu byakoze ku mutima Karasira, avuga ko abakoresha imbuga nkoranyambaga baba bashaka ko uwo bafana abaho uko babishaka kandi rimwe binagoye.

Indirimbo ‘Ntizagushuke imaze kurebwa n’abarenga miliyoni 2

Karasira yishimira ko yagize Imana yamuhaye igikundiro n’izina rikomeye akaba umwana w’Imana n’Igihugu (Nkuko akunda kubyiyita).

Yemeza ko byari bigoye k’umwana w’imyaka 20 winjiye mu muziki gakondo ariko nanone agashimira Imana yamubaye hafi.

Yongeyeho ko umuziki wamuhaye amafaranga nubwo atavuga umubare wayo ariko ahamya ko mu mwaka umwe gusa awumazemo wamuhaye ubuzima atigeze atekereza kuzabaho.

Ati 'Umuziki wampaye ubuzima, wampaye amafaranga reka mbivuge gutyo, umpa imibereho mu buryo butangaje ntatekerezaga kandi mu gihe gito, mbishimira Imana.'
Karasira akomeza avuga ko yishimira uburyo abantu bakira indirimbo ze ndetse akabona ubutumwa bw’abantu bafashwa nazo.

Mu myaka ibiri amaze mu muziki amaze gukora indirimbo nyinshi kandi zagiye zikundwa ariko by’umwihariko iyo aherutse gukora yise ‘Rutaremara’ ndetse n’iyo yakoranye na Mani Martin bise ‘Urukerereza’.

Muri iyo myaka kandi yagiye yitabira ibikorwa bitandukanye bya muzika birimo ibitaramo byateguwe n’abandi bahanzi ariko kuri ubu yateguye icye bwite cyo kumurika album ye ya mbere yise 'Inganzo y’Umutima’.

Tariki 26 Ukuboza 2020, nibwo Clarisse Karasira azamurika album ye muri Serena Hotel mu mujyi wa Kigali, mu gususurutsa abazitabira igitaramo cyo kuyimurika akazafatanya n’abahanzi barimo Man Martin, Munyakazi Deo, Niyifasha Ester, Jules Sentore hamwe n’abana bo mu Itorero Intayoberana, icyiciro cyaryo cy’abato kizwi nk’Uruyange.

Mu kiganiro aherutse kugirana na UKWEZI yavuze ko abantu 70 aribo bonyine bemerewe kuzitabira iki gitaramo, kandi umwe azishyura amafaranga 100.000 Frw anahabwe iyo album.

Yavuze ko umubare uzaba ari muto mu rwego rwo kubahiriza amabwiriza yo kwirinda Covid-19, naho igiciro cyo kikaba kirimo gushyigikira uyu muhanzikazi n’inganzo ye, kuburyo umuntu umukunda akumva yamushyigikira ari we uzishyura ayo mafaranga akinjira mu gitaramo akanahabwa album.

Uyu muhanzikazi kandi yavuze ko hari abantu batangiye kugura amatike babimburiwe n’uwitwa Assumpta.

Indirimbo Rutaremara

Indirimbo Urukerereza

Amafoto asobanura neza urugendo rw’imyaka ibiri muri muzika kuri Clarisse Karasira Mu myaka ibiri gusa ahise ategura igitaramo gikomeye ndetse kucyinjiramo ni amafaranga ibihumbi 100Frw Aha yari akiri umunyamakuru ku bitangazamakuru bya Flash FM na Flash TV Arazwi mu birori by’ubukwe, abamubonye aririmba mu bukwe bahamya ko ari intyoza Ubwo yari amaze kwinjira mu muziki yakunze kwitabazwa mu birori bitandukanye Aha yari mu gitaramo cya Jules Sentore cyahuriranye no Kwibihora Yaririmbye mu Iserukiramuco rya Iwacu Muzika Festival Ni inshuti y’umuryango by’umwihariko abana, ibi bikomeje kumuranga no muri muzika Aha yaririmbye mu muhango wo kwibuka Jenoside yakorewe Abatutsi Aha yarimo yamamaza indirimbo ye yise ‘Uzibukirwa kuki’ Ifoto ye na Tito Rutaremara yavugishije benshi

Dr Nsanzabaganwa who is the current Deputy Governor, National Bank of Rwanda, revealed her commitments following her secondment to the position by the Government of Rwanda.

'I thank the Government of Rwanda, President Paul Kagame for seconding me candidate for African Union Commission Deputy Chairperson position. If elected, I commit to driving efficiency and accountability as well as financial sustainability, and to personally represent the moral authority and integrity the AU stands for,' she revealed in a tweet.

Her candidature was announced on Thursday evening during a ceremony in which the Minister of Foreign Affairs and regional coopeation, Dr Vincent Biruta hosted members of the African Diplomatic Corps for dinner.

The position is currently held by a Ghanaian, Quartey Thomas Kwesi who took office in 2017. Like the Chairperson of the African Union, the deputy holds the office for four-year term, renewable once. Their term will come to an end next year.

The current AU Commission chairperson, Faki Mahamat stands many chances to remain the only candidate for the position. He will, however, be required to win two thirds of votes by head of states from member states to stay in office.

It will be the first elections after approving AU steering reforms led by President Paul Kagame.

The reforms incorporate clauses that gender balance should be respected in the leadership of African Union Commission, which means, Mahamat should be deputized by a woman if reelected.

To this end, majority candidates for the Deputy Chairman of the AU Commission are women (5 out of 8) including Dr Nsanzabaganwa.

The Deputy Chairperson of the AUC assists the Chairperson in the execution of his or her functions to ensure the smooth running of the Commission and is in charge of administration and finance.

Dr Nsanzabaganwa, 49, introduced as Rwanda’s candidate to deputize Mahamat has longstanding experience qualifying her fit for the position.

She holds honorary doctorate received from Stellenbosch University in South Africa for her contribution to Rwanda’s development.

Dr Nsanzabaganwa is the Deputy Governor of the National Bank of Rwanda since May 2011. Prior to that, she served as Minister of Trade and Industry (2008-2011) and Minister of State in charge of Economic Planning in the Ministry of Finance and Economic Planning (2003-2008).

She is a holder of a PhD in Economics, and a Doctorate of Commerce Honoris Causa, both obtained from Stellenbosch University, South Africa. She is an influential voice in financial inclusion in Rwanda and on international scene as well as a passionate actor in women’s economic empowerment and financial inclusion.

Among others,she is also a member of the Alliance for Financial Inclusion’s Gender Inclusive Finance Committee, an alumna of Women’s World Banking African Advisory Council, and Founding Member and Chairperson of New Faces New Voices Rwanda. She is a wife and mother.

IGIHE