Author: webrwanda
-
Mu miryango myinshi hateze ibisasu bishobora guturika vuba #rwanda #RwOT
Hashize iminsi mike nyuze ku mwana uri mu kigero cy’imyaka hagati y’itanu n’irindwi yicaye acuritse umutwe mu maguru asa n’uwatwaye n’ibitekerezo. Narahagaze ndamubaza nti 'yewe mwa uri kwiyumvira ibiki?’, arambwira ati 'Ndi gutekereza uburyo ninkura nzajya mu gisirikare bakazampa imbunda nkazica Papa.’
Nahagaritse gahunda nari ngiyemo ndamuganiriza mubaza ikimuteye gutekereza atyo, ariko igisubizo yampaye giteye agahinda.
Yabwiye ukuntu se ari umusinzi, ataha akubita nyina, ko yabuze amafaranga y’ishuri, ko mukuru wabo w’umukobwa yabyariye iwabo, ko batarya ngo bahage, kandi nta n’imyambaro bafite kuko yari yambaye imyenda yamucikiyeho, ya yindi umubyeyi atakwifuza kubona umwana we yaserukanye.
Uyu mwana wabonaga aremerewe umutima ku bwo kubura urukundo rwa kibyeyi. Birashoboka ko hari benshi bafite ibibazo bitandukanye bisa n’ibye, usanga nta rukundo berekwa kandi aba nibo usanga bavuyemo abantu wavuga ko bashaririwe n’ubuzima, bakiheba.
Rimwe na rimwe abatuye mu mijyi tubona abana batuye munsi y’ibiraro n’abarara ku ikarito ariko ntabwo tubabonera umwanya wo kubatega amatwi ngo twumve impamvu bafashe ibyemezo byo gusiga iwabo ngo bajye kuba mu buzima bukakaye butyo.
Ese babyeyi nubwo kubyara ari umugisha mwaba muzi ko iyo utitaye ku muryango uba uri gutega ibisasu bizageraho bigaturika?
Reka tuganire ku bwoko bumwe bw’ibibazo biri mu miryango biramutse bititaweho bishobora kuzahinduka ibisasu bishobora kuzageraho bigaturika kandi bikagira ingaruka ku muryango Nyarwanda.
1. Kutagenera umwana iby’ibanze mu buzima bwe: Kubyara umwana utiteguye guha ibyo azakenera mu buzima bw’ibanze, hari igihe kizagera akubaze icyo wamubyariye.
2. Abana bavuka mu nda zidateganyijwe: Iyo urebye abakobwa bari kubyara inda zidateganyijwe ukongeraho n’umubare w’abafatwa ku ngufu wagira ngo ni icyorezo.
Urugero urebye mu Karere ka Bugesera abakobwa 500 batwite muri ubu buryo. Utekereze uko mu gihugu cyose bimeze cyangwa se abana bavuka muri ubu buryo mu mwaka uko bangana. Uko ba se bababyara batiteguye kuzuza inshingano za kibyeyi bizatuma bakurana umubabaro wo kutabamenya kandi abo birumvikana ko kububakamo indangagaciro bizagorana.
Abana bavuka ku bw’impanuka ntibishimirwa n’imiryango, twabita abana b’ipfunwe kandi ubu buzima bazabukurana bitume umusaruro wabyo uba mubi mu gihe kiri imbere. Iyo tuvuze abana ntabwo twasiga abavuka ku bakobwa n’abagore bicuruza.
Urebye na n’ubu ingaruka zatangiye kwigaragaza iyo urebye ibigo ngororamuco biri mu gihugu urushaho kubona uburemere bw’iki kibazo.
3. Abana bavuka mu miryango yifashije, batitabwaho n’ababyeyi: Bitewe n’ubuzima bugenda bugorana hari ababyeyi usanga bihugiraho, bakabura umwanya wo kuganiriza abana babo no kubatoza indangagaciro zibakwiye.
Kwibeshya gukomeye ni ukwibwira ko iyo wishyuriye umwana ishuri ryiza, akabona ibiryo bihagije, agatura mu nzu nziza, ukamuha buri kimwe yifuza bizamugira umwana muzima. Umuntu agizwe n’ibice bitatu birimo umwuka, ubugingo n’umubiri; iyo ugaburiye igice kimwe ugakomeretsa amarangamutima ye akabura urukundo rwa kibyeyi amaherezo azaguhindukirana.
4. Abana bakuze batozwa urwangano: Iyo umwana akuze bamubwira ko abaturanyi ari babi, ba runaka ari bo bagize uruhare mu bibazo dufite, ni bo batuma utagira ababyeyi, burya iyo batabigenza batya uba nawe uri uyu n’uyu bigeraho bigahinduka ubuzima bwe. Igisigara ni ugushaka uburyo azasohoka muri iki kintu yatojwe, amaherezo azabikora nabi kuko imiyoboro y’urukundo iba yarifunze birumvikana ko azakora bibi. Iki na cyo ni igisasu gitezwe mu miryango imwe n’imwe.
Nigeze gutekereza ukuntu mu mitwe y’iterabwoba umwana w’imyaka icyenda gusa abasha kwiturikirizaho igisasu na we agapfana n’abandi, naje gusesengura nsanga akenshi bafata abana batahawe urukundo mu miryango yabo bakabatoza, ni bo bakora ibibi kuruta abandi kuko ubumuntu buba buri hafi ya ntabwo.
5. Ikoreshwa ry’imbuga nkoranyambaga: Ikoranabuganga ni ryiza ariko iyo ridakoreshejwe neza riteza ibibazo biruta ibyo rikemura.
Iyo urebye imyitwarire y’urubyiruko ruhugiye ku ikoranabuhanga wibaza umuryango Nyarwanda uko uzaba umeze mu myaka mike iri imbere. Buri munsi urubyiruko rubona ubukangurambaga bubaganisha mu busambanyi buteye ubwoba.
Amaradiyo agera saa Sita z’ijoro abayakoraho bakavuga ibijyanye n’ubusambanyi ntacyo baciye iruhande, abafite YouTube kugira ngo bacuruze bashyiraho ibikangurira abantu gusambana n’inkuru zerekeye imibonano mpuzabitsina, indirimbo zinyuzwa ku maradiyo na za televiziyo inyinshi muri zo ni izikangurira urubyiruko kujya muri uwo murongo.
Abahanzi kugira ngo ibihangano byabo bikundwe, na bo basa n’abahinduye umuvuno muri iyi minsi kuko inganzo yabo isigaye igusha cyane ku rukundo rwo mu buriri.
Birakwiye ko inzego zibishinzwe zitera intambwe yo kugira icyo zikora kuko bisa nk’aho turi gutaba ibisasu bizaturika kera.
Ese birashoboka gutegura ibi bisasu aho bitezwe?
Igisubizo navuga nti 'Yego’, ababyeyi cyangwa se imiryango iramutse ihagurukiye iki kibazo cyakemuka. Niba twifuza umuryango, amatorero, igihugu by’ejo hazaza nidutangire uyu munsi twige ibibazo biri mu miryango n’uburyo byakemukamo kandi rube uruhare rwa buri wese.
Gusa ntabwo twakwirengagiza, ko gutegura igisasu giteze bisaba kwitwararika, byaba byiza kidatezwe kuko bimwe muri ibyo bisasu bitazabura abo biturikana.
Tukivuga ku buryo bwo kubaka umuryango hari ahantu hatatu [mu muryango, mu ishuri no mu rusengero] umwana amara igihe kinini ku buryo abamuba hafi babishyize muri gahunda byamufasha kuvamo umuntu muzima ubereye sosiyete.
Njye nawe twibaze tuti 'Ese ibitangirwa aha hose byaba byujuje ubuziranenge? Ese hakorwa iki ngo binozwe mu buryo buruseho?
Pastor Desire HabyarimanaSource : https://agakiza.org/Mu-miryango-myinshi-hateze-ibisasu-bishobora-guturika-vuba.html
-
How Uganda Milk & Sugar Control Kenya's Economy #rwanda #RwOT
Kenyans have never believed that Uganda can produce anything worth in surplus to sell to the neighbouring markets.
It should be remembered that since the late 1960's, Uganda slid into lengthy intermittent civil wars and this gave a chance to Kenya that embarked on growing its economy and turning into a leading producer of all forms of products that the region needed.
However, Uganda has been steadily working around its internal economics for example in western region, farmers started investing heavily in dairy farming and changed from keeping local longhorn Ankole cattle to rearing modern breeds.
People from western Uganda started settling down after the wars in Uganda, hence abandoning nomadism. The revolution in dairy farming has resulted in high production of milk against the low domestic and fragile foreign markets.
According to statistics, Uganda today produces 2.6 billion litres of milk per annum. However, domestic demand stands at only 800 million litres, creating a huge surplus.
Uganda started exploring neighbouring markets like Kenya and found a huge gap and noticed that it would easily penetrate Kenya by selling at lower price compared to Kenyan milk.
The attractiveness of Ugandan milk is helped by a lower production cost that stands at about Sh17 when compared with Kenya's Sh26 on average per litre.
In the past few years, Ugandan Milk flooded Kenya and swiftly became the best choice and much sought after milk.
It is said that Ugandan milk was retailing at about KSh40 for a half litre while the Kenyan local brands traded at Sh45 on average, leaving processors with unmoving stocks as price sensitive consumers preferred the cheaper imported product.
Kenya government was so devastated by the manner in which Uganda which they despised for decades would incidentally disrupt the market.
People of western Uganda started settling down after the wars in Uganda, hence abandoning nomadism after the lengthy civil wars
The chairperson of the Kenya Dairy Farmers Federation (KDFF) Stanley Ng'ombe, said Ugandan milk has had a negative impact on Kenyan farmers, driving down the volumes that they can afford to produce because of the low prices.
Kenya government has been wondering whether Uganda has the capacity to produce this entire surplus, with allegations that much of it comes from third party countries as powder milk then reconstituted in the neighbouring country before finding its way to Kenya.
Kenya government claims that most of the milk coming from Uganda is imported into that country as powder from Europe.
'We know that Uganda has no capacity to produce all this milk and there is likelihood that most of it comes from Europe before finding its way to Kenya,' said Stanley Ng'ombe who heads 26 dairy cooperatives scattered across Kenya.
After several complaints by Kenyan farmers over the influx of Ugandan milk, which had seen a litre touch the historic low of KSh17, the government reacted by confiscating thousands of tonnes of milk from Uganda and consequently stopping imports.
As if that was not enough, Kenya slapped the Mbarara based Lato Milk with an import ban early in the year, the effects have been devastating for farmers in Uganda. Hundreds of workers in Pearl Dairies, the makers of Lato Milk sent on leave with production at the firm cut to bare minimum.
Kenya Dairy Board says that milk imports from Uganda have been regulated at the moment and that there is no more dumping of the produce in the country.
Margret Kibogy Kenya Dairy Board Managing Director says, 'We have tightened the surveillance and no longer have firms from Uganda dumping milk here as all the commodity coming in is well regulated.'
However, under the EAC Common Market Protocol, products from member states are allowed to move freely from one country to another.
The measure put in place by the regulator saw the price of milk increase to KSh36 before going up again to KSh40 a litre, but this time on account of low production.
Kenya and Uganda set up a joint verification team to assess the status of Ugandan sugar.
Uganda Sugar Diplomacy In Kenya
After several years of back and forth arguments and disagreements on whether Uganda had the capacity to produce excess sugar to flood Kenya, the battle was won by Uganda.
Since 2015, Uganda and Kenya nearly severed ties because Kenya did not believe that its neighbour had the capacity to export sugar.
With this state of contention, the two countries decided to assemble a verification team to independently investigate Uganda's sugar production capacity.
The team visited 11 sugar factories in Uganda. According to the findings, Uganda's Surplus Sugar for the year 2014/15 was 36,000MT on average.
Kenya later admitted that Uganda, its aggressive neighbour has the muscle to export large volumes of sugar to countries in the region.
The post How Uganda Milk & Sugar Control Kenya's Economy appeared first on Taarifa Rwanda.
Source : https://taarifa.rw/how-uganda-milk-sugar-control-kenyas-economy/
-
Amandine Petit yambitswe ikamba rya Miss France 2021 #rwanda #RwOT
Ni mu birori byabereye ahitwa Puy-du Fou mu Mujyi wa Vendée mu Bufaransa mu ijoro ry’uyu wa Gatandatu tariki 19 Ukuboza 2020.
Uyu mukobwa wo mu gace Normandie gaherereye mu Majyaruguru ashyira Uburengerazuba bw’Ubufaransa yambitswe ikamba ahigitse 29 bari bahataniye asimbura Clémence Botino Miss France 2020 wo muri Guadeloupe wari umaranye ikamba umwaka umwe.
Uyu mukobwa asanzwe afite ikamba rya Miss Provence, April Benayoum, Miss Côte-d’Azur na Miss Lara Gautier. Anafite ikamba ry’igisonga cya mbere cya Miss Base-Normandie n’ikamba ry’igisonga cya kabiri cya Miss Normandy
Amandine Petit wambitswe ikamba asanzwe ari umunyeshuri muri Kaminuza, aho yiga icyiciro cya Gatatu cya Kaminuza 'Master’s mu bijyanye na 'Management of Social Structures’. Ni umuforomokazi wifuza kuzayobora ibigo byita ku basheshakanguhe. Yihaye intego yo gukoresha ikamba yegukanye mu bushakashatsi ku buvuzi.
Amandine yanavuze ko ashaka kwerekana ko umugore afite imbaraga kandi ko yakora buri kimwe cyose ashatse. Yavuze ko yitabiriye iri rushanwa abigiriwemo inama na Malika Ménard wambitswe ikamba rya Miss France 2010.
Yavuze ibi nyuma y’uko Sophie wegukanye ikamba rya Miss France 1998 yari amubajije uburyo yasobanura umugore w’iki gihe. Ati 'Ni umugore w’agaciro kanini kandi uhagarara ku ndangagaciro ze. Uyu munsi ndi imbere yanyu, ndi umugore utinyutse kandi ufite aho ashaka kugera.'
Nyuma yo kwegukana ikamba yashimye buri wese wamutoye agiriye icyizere inzozi ze ashaka kurotora. Yagaragiwe na April Benayoum wo mu gace pa Provence wabaye igisonga cya mbere na Lala Gautier wo mu gace Côte-d’Azur ka wabaye igisonga cya kabiri.
Aurélie Roux wo muri Alsace wabaye igisonga cya Gatatu naho Lou-Anne Lorphelin wo mu gace ka Bourgogne yabaye igisonga cya kane. Uyu mukobwa yatangiye kwitabira amarushanwa y’ubwiza kuva mu 2015, kuko yitabiriye irushanwa rya Miss Normandine ariko ntiyabasha gutsinda.
Uyu mukobwa azahagararira u Bufaransa muri Miss Universe 2021 no muri Miss World 2021. Yabaye umukobwa wa karindwi wo mu gace ka Normandine wambitswe ikamba rya Miss France.
Ni ku nshuro ya 91 irushanwa rya Miss France riba rigatambuka kuri Televiziyo ya TF1. Ni ubwa mbere iri rushanwa ryabaye nta bafana bitabiriye bitewe n’icyorezo cya Covid-19 gihangayikishije Isi muri iki gihe. Abakobwa biyerekanye mu myambaro gakondo ndetse n’iyo gusohokana.
Akanama Nkemurampaka kari kagizwe n’abegukanye ikamba rya Miss France mu bihe bitandukanye. Kari kagizwe na Muguette Fabris w’imyaka 80 y’amavuko wabaye umwarimu w’imibare wambitswe ikamba rya Miss France mu 1963.
Hari kandi umunyarwandakazi Sonia Rolland wambitswe ikamba rya Miss France 2020, Elodie Gossuin, Miss Iris Mittenaere ufite ikamba rya Miss Universe 2016 n’abandi
Umuhango wo guhitamo umukobwa wambikwa ikamba rya Miss France 2021 witabiriwe n’abantu 400 bagizwe n’abari bafite aho bahuriye n’iri rushanwa barimo abashyitsi 80 n’abagize akanama nkemurampaka kari kagizwe na ba Nyampinga 11 b’u Bufaransa.
Abakobwa 29 bari bahataniye ikamba rya Miss France 2021 bagiye bapimwa Covid-19 buri munsi. Ndetse bagasabwa guhora bakoresha umuti wica udukoko uzwi nka 'Hand Sanitizer’.
Source : http://www.ukwezi.rw/Imyidagaduro/article/Amandine-Petit-yambitswe-ikamba-rya-Miss-France-2021
-
Amerika : Urukuko rwakatiye umuntu gufungwa imyaka 897 #rwanda #RwOT
Uyu mugabo yahamijwe ibyaha byo gushimuta, gukoresha imibonano mpuzabitsina ku gahato, gukorera imibonano mpuzabitsina mu kanwa no mu kibuno ku gahato n’ibindi.
CNN yatangaje ko Waller w’imyaka 60 yafatwaga nk’umugabo ruharwa mu gufata ku ngufu ku buryo yari yarazengereje abaturage bo muri California y’Amajyaruguru mu myaka 30 ishize.
Urubanza rwe rwari rumaze imyaka icumi. Mu Ugushyingo uyu mwaka nibwo yahamijwe ibyaha 46 yagiye akora mu bihe bitandukanye ku bagore icyenda hagati ya 1991 na 2006.
Ubushinjacyaha bwavuze ko Waller yajyaga mu ngo z’abo bagore, akabahambira mbere yo kubafata ku ngufu.
Uwo mugabo kandi ngo yashimutaga abo bagore, akabahatira kujya ku byuma ya banki (ATM) kuvanayo amafaranga ngo bayamuhe, ari nako abatwara ibikoresho byabo by’agaciro.
Guhiga uwo mugabo byaragoranye cyane kuko ibizamini by’isanomuzi bye (ADN) bitari byarafashwe ngo bibikwe mu bubiko bw’inzego zishinzwe kugenza ibyaha.
Abagore icyenda yafashe ku ngufu, abahoze ari abapolisi n’abashinzwe ubugenzacyaha kimwe n’abahanga mu gutahura ibizamini nibo bifashishijwe nk’abatangabuhamya.
-
Mu mafoto : Yvan Buravan yatunguranye ubwo Uncle Austin yataramiraga abantu muri 'My Talent Live Concert’ #rwanda #RwOT
My Talent Live Concert ni ibitaramo byateguwe na East African Promoters bihuriramo abahanzi nyarwanda bafite amazina akomeye aho biba buri wa Gatandatu bigatambuka kuri Televiziyo Rwanda ndetse no ku rukuta rwa YouTube rwa East African Promoters.
EAP itangaza ko yabitekereje igamije gususurutsa abantu muri ibi bihe ibitaramo rusange bitemewe, kubera icyorezo cya Coronavirus.
Ubwo Uncle Austin, wamenyekanye mu njyana ya Afro-beat yari ari kuririmba zimwe mu ndirimbo ze zirimo n’izo yakoranye n’abahanzi batandukanye, yaje gutungurana ahamagara umuhanzi Yvan Buravan umaze kwigarurira imitima ya benshi muri uyu muziki.
Uyu muhanzi Burabyo Buravan, wamenyekanye mu njyana ya RnB, ni umwe mu basore bataramara imyaka myinshi mu muziki ariko akaba amaze kwigarurira imitima y’abakunzi b’umuziki nyarwanda abikesheje indirimbo ze ndetse n’ijwi rye rikundwa n’abatari bake.
Yvan Buravani, kandi yafashijwe cyane na Uncle Austin mu ntangiriro z’umuziki we ndetse banakoranye indirimbo Urwo ngukunda yamwaguriye amarembo.
Ubwo yamuhamagara ku rubyiniro, Austin yavuze ko Buravan ari umuhanzi umaze igihe gito ariko akaba amaze gutera imbere mu buryo bwihuse cyane ndetse ko n’abataramufashije bihoye ubusa.
Yagize ati 'Uyu muhanzi amaze imyaka mike ariko amaze kugera kuri byinshi. Ndabyibuka akiza twakoranye indirimbo tuyishyiriye umunyamakuru aramusohora ngo ntakorana n’abana none dore ibyo yagezeho, wa munyamakuru we nta we ukimwibuka.'
Aba bombi bafatanyije kuririmba indirimbo bakoranye zirimo nka Urwo ngukunda ndetse na Closer bahuriyemo n’umuhanzi Meddy.
Mbere yo gutangira iki gitaramo, Uncle Austin yabanje kuganira ku muziki we aho yahishuye ko batangiye umuziki mu bihe bigoye ntawe ubashyigikira ariko ko atewe ishema n’aho umuziki ugeze ubu.
Yagize ati 'Twatangiye umuziki bigoye tutabona n’abadushyigikira ariko twarakomeje turagenda, ubu rero umuziki ugeze ahantu hashimishije hamwe umubyeyi ashyigikira umwana we akaba umuhanzi , ni ikintu cyo kwishimira.'
Austin kandi yasusukurikije abantu mu ndirimbo ze cyane izakunzwe kera zirimo nka Ibihe byose, Kubwawe, Nzapfa ejo, Najyayo n’izindi zikunzwe muri iki gihe. Yafashijwe na The Target Band ku rubyiniro.
Biteganyijwe ko kuwa Gatandatu utaha, ku wa 26 Ukuboza 2020, umuhanzikazi Aline Sano ariwe uzasusurutsa abakunzi b’umuziki muri ibi bitaramo bya 'My Taleny Live Concert '.
-
Menya imitoma iryoheye amatwi ubwira umukunzi wawe akazagukunda by'iteka ryose #rwanda #RwOT
Reka manze nkubwire ko  kwemererwa urukundo bidahagije ngo ugende witurize, ahubwo ujye wibuka ko mu rukundo haba hakenewe amagambo meza kandi aryoheye amatwi buri gihe ugomba kubwira umukunzi wawe kugira ngo muhore mwiyumvanamo kandi urukundo rwanyu rukomere.
Burigihe tuba tugomba gushaka ibyateza urukundo rwacu imbere, arinayo mpamvu ubugomba guhora ushaka amagambo meza yatuma urukundo rwanyu rukomeza kubaryohera
hano harurugero rwamagambo meza wabwira umukunzi wawe:
Uzahora Uri uw'agaciro kenshi kuri njye : tuzi ko hari ibintu twita iby'agaciro kenshi nk'amabuye y'agaciro urugero nka zahabu n'ifeza rimwe na rimwe hakaza n'amafaranga menshi, impamvu ni uko ibi bintu bihenze kurusha ibindi tubona!
Umfatiye runini: Birazwi ko umuntu ahora akeneye umufasha mu buzima bwe bwa buri munsi, ngaho rero ibaze umuntu kugutoranya mubandi benshi bamufasha cyangwa bamuba hafi akakubwira ngo umufatiye runini! ni iby'agaciro pe!
Muri make ni wowe ugize igice kinini cy'ubuzima bwe, bivuze ko akubuze yahungabana cyangwa ntakomeze kubaho!
Igihe cyose nzaba ndi kumwe nawe: Wari wabwirwa umukunzi wawe iri jambo ngo wumve ukuntu riryoha! Si ugupfa kurivuga gusa kuko riraremereye. Kandi cyane
Kubwira umuntu ngo nzaba aho uzaba uri hose ni iby'agaciro  by'umwihariko ku bantu bakundana.
Ibaze rero umuntu akubwiye ko uri uw'agaciro kenshi kuri we ! Byaba biryoshye kubyumva kuko biba bisobanuye ko nta muntu muhwanye imbere ye !
Nkwibonamo: Ubusanzwe yiyumva mu muntu runaka iyo agifiteho uruhare rukomeye.
Iyo inshuti yawe rero ikubwiye iri jambo, bishatse kuvuga ngo iyo akubonye aribona, ubwo rero nkuko nta wakwiyifuriza ibibi cyangwa kwibona mu bibi, niko nawe akwifuza ko uhora mu bihe byiza gusa.
Tuzarambana :ijambo abantu badakunze guha agaciro ariko rirakomeye, kandi riryohera abantu bakundana cyane cyane abafite gahunda yo gushinga urugo.
Niyo mpamvu rero iyo akubwiye 'TUZASAZANA' aba agusezeraniye ko muzabana mu bibi no mu byiza mbere yuko abibwiriza na pasiteri cyangwa padirimuri gusezerana imbere y'Imana.
Abahanga mu by'urukundo bavuga ko amagambo meza ari yo fumbire ya mbere y'urukundo ndetse burya ngo no mu ngo abantu babanishwa neza no kubwirana amagambo meza, ahumuriza, atetesha n'andi menshi.
-
Dore ibaruwe bushali yandikiwe n'umufana we avuye muri gereza bituma arira imbere y'imbaga #rwanda #RwOT
Hagenimana Jean Paul ,uzwi nka Bushali mu muziki Nyarwanda yandikiwe ibaruwa ifunguye n'umufana we afite agahinda ko kuba uyu muhanzi yarakoresheje impano ye nabi ndetse amusaba guhinduka.
Ibi bibaye aho uyu muhanzi aviriye muri gereza aho yagiye avugwaho gukoresha ibiyobyabwenge.
Ibaruwa yandikiwe Bushali imusaba guhinduka, zahabu ye ikarabagirana igira itya:
'
- Bwana Hagenimana Jean Paul unyemerere nkoreshe amazina yawe y'ubuhanzi twakumenyeho ukigarurira imitima yacu. Ndakubwira mu magambo macye ariko arimo byinshi nkeneye ngo wongere uzahure imitima yacuze umwijima yakundaga Kinyatrap, reka mbanze nkushimire ukuntu hari imitima wongeye gutuma itera neza kubera injyana nshya wadukundishize.
Uyu mufana yakomeje abaza Bushali ati: '
- Nonese ko wari utwigaruriye ugahita utujugunyira abandi?, Kuki watumye Kigali irabagirana utayibyaza umusaruro ngo uyikuremo agasamusamu kazagucuma mu busaza bwawe?, Utu twari utubazo duto duto nakubazaga bwana Bushali.
Akomeza agira ati: '
- Nk'abafana bawe dore ibyo dukeneye nyuma y'aho uvuye mu kigo kinyuramo abakurikiranyweho imyitwarire idahwitse, ongera wiminjiremo agafu maze umwaka wa 2021 uzawutangirane umuzigo mushya nk'uko mubivuga mu mvugo zanyu.
Ese icyizere wari ufitiwe na benshi ubu uzakigarure ute? Ahahhh sindiguseka ahubwo nukwitsa umutima kuko mbona iki gihe icyizere gisigaye gihenze kuruta ibindi, gusa dufatanyije nk'abafana bawe tuzakoroboza turebe ko twakongera tukacyubaka mu mitima y'abanyarwanda.
Iyo utaza kuyoba zahabu yawe iba irabagiranira mu mitima ya benshi agahinda ni kose ku bakunzi ba Kinyatrap isa nk'aho uwayizanye ari kugenda abura bitewe no kunywa ibiyobyabwenge.
Abandi amarushanwa bayageze kure bayitabira bagahemberwa ibikorwa bakoze muri uyu mwaka wa 2020 nyamara wowe twe abafana bawe twari twigunze mu mezi ya nyuma y'uyu mwaka. Ikosore, hinduka, maze udusubize ibyishimo waduhaga mbere.'
Mukinyabupfura kinshi uyu mufana we w'akadasohoka yasoje ashimira Bushali.
-
Ese abakobwa n’abagore b’ibikara babaga i Kigali bagiye hehe? #Rwanda #RwOT via @kigalitoday #rwanda #RwOT
Ibi kandi koko ugenzuye neza ahakunze guhurira abantu benshi, nko mu mujyi ahazwi ku izina ryo kwa Rubangura, ndetse n’aho bategera imodoka hatandukanye, usanga ibi bivugwa bifite ishingiro kuko usanga muri rusange abakobwa n’abagore benshi ari inzobe. Kandi akenshi ugasanga ari inzobe bashakiye mu byo bisize kuko ibi biragaragara, aho ureba umuntu mu maso ugasanga inzobe iracanye rwose ariko wakwibeshya ukareba nko kubirenge bye ukagira ngo ni iby’undi muntu bamuteyeho ugasanga byo birirabura cyane pe. Byaje no kuntera kwibaza ahubwo impamvu badahitamo kwisiga ayo mavuta umubiri wose ngo uhinduke.
Aha naje kwibaza niba koko byarakorewe ubushakashatsi bikagaragara ko umukobwa cyangwa umugore w’inzobe ari we ugaragara neza cyangwa ari we wambara akaberwa cyane cyane ko ari yo mpamvu nyamukuru iba igenderewe. Icyo kibazo ariko sinabashije kukibonera igisubizo cyane cyane ko abantu bakunda mu buryo butandukanye.
Ariko nkanjye mbona rwose umukobwa cyangwa umugore ufite igikara bitamubuza kugaragara neza cyangwa kwambara ngo aberwe, no kubemera Imana burya iba ifite impamvu yahisemo kukurema uri igikara mugenzi wawe ikamurema ari inzobe. Buriya ni byo yakoze ibona ni byiza. Kuko nawe ushyize mu gaciro ukareba iyo Imana irema abantu bose turi inzobe nta tandukaniro rihari bitari kuba byiza rwose.
Numva umukobwa cyangwa umugore yagakwiye kureba ubundi buryo bwo kwiyitaho agasa neza ariko butari guhindura uruhu rwabo, cyane ko burya uko umeze kose hari umuntu wagukundira uko usa. Witangira gutekerereza umuntu runaka ngo yagukunda ari uko wihinduye mu buryo runaka, kandi nta muntu wanabikubwiye.
Ubundi kwihindura uruhu uretse kuba binafite ingaruka mbi ku mubiri. Mu by’ukuri no kureba umukobwa cyangwa umugore mu maso inzobe icanye wareba intoki cyangwa ibirenge ugasanga ntacyo bipfana no mu maso he, nukuri mbona bigaragara nabi pe.
Mbona kunyurwa n’uko umeze ari byo byiza kuko kuba ikintu cyarakozwe n’abantu benshi ari kibi ntibituma bigihindura kuba cyiza. Uko usa hari uwaguhitamo mu bandi benshi mudasa akanyurwa na byo. Gusa neza no kugaragara neza, rwose ni rimwe mu mahame y’igitsina gore aho cyava kikagera. Ariko gusa neza no kugaragara neza ntibisobanura kuba uri inzobe. Nubwo rero bavuga muri rusange ngo nta mukobwa cyangwa umugore w’igikara ukiba i Kigali. Barahari bake bagifite imibiri yabo Imana yabaremanye kandi wababona ukabona barasa neza cyane kurusha wa wundi ufite amabara avanze kandi ari umuntu umwe. Terwa ishema n’uko Imana yakuremye kandi wumve ko uko usa hari ubireba akabona ari byiza, wikwihutira gushaka icyatuma usa na kanaka.
-
Ruhango: COVID-19 ntizabangamira gahunda yo gukura mu bukene ababarirwa mu bihumbi 200 #Rwanda #RwOT via @kigalitoday #rwanda #RwOT
-
- Habarurema (uhagaze) avuga ko umushinga w’umuhora wa Kaduha-Gitwe utazadindira n’ubwo abafatanyabikorwa bamwe bacika intege
Umuyobozi w’Akarere ka Ruhango Habarurema Valens avuga ko umushinga wo gukura mu bukene abatuye umuhora wa Kaduha-Gitwe uzagera ku baturage bo mu gice cy’Umurenge wa Ruhango, Umurenge wose wa Bweramana, Kabagari, Kinihira, n’igice cy’Umurenge wa Mwendo.
Umushinga wa Kaduha-Gitwe uzamara imyaka itatu ugamije gukura mu bukene abaturage ibihumbi 250 bo mu mirenge icumi ibarizwa mu turere twa Nyanza, Ruhango na Nyaruguru bigaragara ko bari munsi y’umurongo w’ubukene.
Mu Karere ka Ruhango uyu mushinga ukaba uzagera nibura ku baturage ibihumbi ijana (100.000) mu bikorwa bitandukanye by’iterambere birimo, ubuhinzi buvuguruye kuko ubutaka bwagundutse ndetse no kuba ako gace kari mu misozi ihanamye.
Ibihingwa bitandukanye bitanga umusaruro biberanye n’ako gace ni urutoki n’inanasi ahateganyijwe kuvugurura uruganda rutunganya inanasi rwo mu Karere ka Ruhango rukagera ku rwego rwo kongerera agaciro, no guteza imbere igihingwa cya Kawa.
Mu kiganiro n’abanyamakuru cy’Akarere ka Ruhango cyabaye ku wa 17 Ukuboza 2020, Umuyobozi w’Akarere ka Ruhango agaruka kuri uwo mushinga, yasobanuye ko watekerejwe ibibazo bya COVID-19 bitaraduka.
Avuga ko n’ubwo hari bamwe mu bafatanyabikorwa bashobora kutazatanga umusanzu bari biyemeje ngo umushinga ushyirwe mu bikorwa, Akarere ka Ruhango hari amafaranga kari kariyemeie gutanga buri mwaka angana na miliyoni 200frw, aya akaba azakomeza gutangwa kandi na Leta ikaba idashobora kureka uwo mushinga ngo udindire.
Agira ati “Ni umushinga na Leta izi kandi duhuriyeho n’uturere dutatu ntabwo rero wadindira kuko ugamije gukura abaturage mu bukene, Intara na yo irawuzirikana kandi hari izindi nzego dufatanyije zirimo Minisiteri y’Ubuhinzi n’Ubworozi, na za Banki n’abandi bazadutera inkunga”.
Habarurema avuga ko hari gukorwa ibishoboka ngo icice cy’umuhora wa Gitwe-Kaduha kizavomererwe kandi imbaraga zizakomeza gushyirwamo ku buryo abaturage bazagera aho bakaryoherwa n’ubuzima.
Agira ati “Turifuza ko abaturage ba kiriya gice bazaryoherwa n’ubuzima bafite ibyo kurya bihagije, kandi n’ubwo hari abafatanyabikorwa bashobora kutazarangiza ibyo bari biyemeje gutanga kubera COVID-19, uyu mushinga utazasubira inyuma ahubwo uzakorwa ukarangira kuko ugamije iterambere ry’abaturage”.
Imishinga izakorwa mu Muhora wa Gitwe-Kaduha izibanda kandi ku burezi, imishinga ya VUP iha abaturage akazi ndetse n’inguzanyo ziciriritse, hakaba hari n’imishinga izashyirwa mu bikorwa n’ibigo nka RTDA na RAB na yo itanga akazi.
-
