Webrwanda Backend

Author: webrwanda

  • Real Madrid ifite ikigeragezo cyitwa Arsenal:… – #rwanda #RwOT

    ‎Kuri uyu wa Kabiri saa tatu z’ijoro ni bwo harakinwa imikino yo kwishyura ya 1/4 cya UEFA Champions League.  ‎‎

    Kuri Villa Park ikipe ya Aston Villa iraba yakiriye Paris Saint-Germain. Aston Villa ifite akazi gakomeye kubera ko umukino ubanza yatsinndiwe mu Bufaransa ibitego 3-1.

    ‎‎Mu gihugu cy’u Budage ho kuri Signal Iduna Park ikipe ya Borussia Dortmund nayo ifite akazi gakomeye iraba yakiriye FC Barcelona. Ni nyuma y’uko mu mukino ubanza iyi kipe yatsindiwe muri Espagne ibitego 4-0. Kugira ngo ikomeze, irasabwa gutsinda ibitego 5-0.

    ‎‎Ku wa Gatatu saa tatu  z’ijoro ni bwo hari ibirori bitegerejwe na benshi aho mu Butaliyani kuri San Siro ikipe ya Inter Milan izaba yakiriye FC Bayern Munich. Umukino ubanza wabereye mu Budage mu cyumweru gishize wari warangiye FC Bayern Munich itsinzwe 2-1.

    ‎‎Ni mu gihe kuri Santiago Bernabeu inkuba zizaba zikubita, ikipe ya Real Madrid yakiriye Arsenal. Ni nyuma y’uko umukino ubanza warangiye Arsenal itsinze Real Madrid ibitego 3-0.

    ‎‎Icyo imibare yerekana kuri uyu mukino 

    ‎‎Uyu mukino Real Madrid yatsinzwemo ibitego 3-0 wahise ujya mu mikino ibanza ya UEFA Champions League iyi kipe imaze gutsindwamo ibitego byinshi dore ko gutsindwa ibitego byinshi gutya byaherukaga muri 2012 ubwo yatsindwaga na Borussia Dortmund ibitego 4-1.

    ‎‎Iyi ntsinzi yari iya 12 ikipe ya Arsenal ibashije kubonamo ibitego guhera kuri 3 kuzamura mu mukino ubanza wa UEFA Champions League. Izindi zose 11 yabanje yabashije gukomeza mu cyiciro gikurikiyeho.

    ‎‎Ikipe ya Real Madrid imaze gutsindwa imikino 5 muri UEFA Champions League, inshuro zingana n’izo yafataga ko ari nyinshi yatsinzwe mu mateka yayo mu mikino yo ku mugabane w’Iburayi ubwo n’ubundi yari muri UEFA Champions League ya 2000/2001.

    ‎‎Kugira ngo Real Madrid ikomeze muri 1/2 cya UEFA Champions League irasabwa gutsinda Arsenal ibitego 4-0 kandi iyi kipe yo mu Bwongereza imaze imikino 78 itinjizwa ibitego biri hejuru ya 3.

    ‎‎Iheruka kwinjizwa ibi bitego tariki ya 26 Mata 2023 ubwo yatsindwaga na Manchester City 4-1.‎

    ‎Mu mikino 20 yo mu mugabane w’Iburayi ikipe ya Arsenal yashoboye gutsindamo umukino ubanza wabaga wabereye iwayo, yashoboye gukomeza mu cyiciro gikurikiyeho inshuro 18.

    ‎‎Mu mikino 28 ya UEFA Champions League ikipe ya Real Madrid iheruka gukinira mu rugo yatsinzemo 22. Iyi kipe kandi yashoboye gutsinda umukino wo kwishyura yari yatsinzwe umukino ubanza muri UEFA Champions League inshuro 25.

    ‎‎Mu minsi ya vuba abantu bibuka ibyo iyi kipe yakoreye Paris Saint-Germain muri 1/8 aho mu mukino ubanza yari yatsinzwe 1-0 ubundi mu mukino wo kwishyura igahita itsinda 3-1.

    ‎‎Abantu bibuka kandi ibyo yakoreye Manchester City muri 1/4 cya UEFA Champions League aho mu mukino ubanza yatsinzwe 4-3 naho mu mukino wo kwishyura igatsinda 3-1.

    Umukino ubanza Arsenal yatsinze Real Madrid ibitego 3-0

    Real Madrid ifite akazi gakomeye ku munsi w’ejo 

    Source : https://inyarwanda.com/inkuru/154596/real-madrid-ifite-ikigeragezo-kitwa-arsenal-champions-league-igeze-aho-umwana-arira-nyuma–154596.html

  • Buri wese utanga serivisi azawutanga? Umucyo… – #rwanda #RwOT

    Yavuze ko yaba ari abashyushyarugamba (MC) n'abandi usanga bafite abantu bakorana, kandi bagenda baguka ku buryo usanga bakorera amafaranga menshi. Ati 'Ese bo mwaba mwabatekerejeho? Kuko nibaza y'uko (ku) imisoro hari icyakwiyongera turamutse nabo tubasoresheje.' 

    Mu gusubiza, Komiseri Mukuru wa RRA, Ronald Niwenshuti, yavuze ko kuva umwaka ushize bakoranye na Polisi bajya mu bukwe bunyuranye, ndetse bashyizeho abakozi ariko 'twaje gusanga atari uburyo bwiza'. 

    Yavuze ko ahubwo batangiye ubukangurambaga, ndetse muri iki gihe 'Turabatumira, tukabanza tukabigisha, cyane cyane abategura ubukwe, abatanga aho ubukwe bubera, abakora 'Decoration', turabigisha ndetse n'abashyushyarugamba.'

    Akomeza ati 'Turabigisha, ariko abinangiye tujya tubatungura mu bukwe ku wa Gatandatu, n'uyu munsi birakorwa. Ariko tubyitwaramo neza, tukajyana ku ruhande ababishinzwe kugirango tumenye ni bande barimo kubikora, kandi bigenda bigaragaza ko abantu bagenda bumva neza bagasora.'

    Mu Rwanda, gusaba ko utanga serivisi mu bukwe atanga umusoro bishingiye ku ntego ya Leta yo kwagura no kunoza uburyo bwo gukusanya imisoro, ndetse no kugabanya ubucuruzi bukorwa mu kajagari (informal sector).

    Abatanga serivisi mu bukwe nka ba DJ, abafotora, abategura ibirori (event planners), abacuruza indabo n'ibindi, baba binjiza amafaranga, ariko benshi ntibiyandikisha nk'abacuruzi cyangwa ntibishyura umusoro. Gushyirwa mu buryo bwemewe bituma ibyo binjiza bigaragazwa bityo bakanatanga umusoro.

    Hari abatanga serivisi mu buryo bwemewe, bishyura imisoro, n'abandi batabikora. Ibi bituma habaho ubusumbane. Icyifuzo ni uko bose bakorera mu buryo bumwe, kugira ngo hatabaho uburenganzira butangana mu bucuruzi.

    Imisoro niyo sooko y'ibanze yinjiriza Leta amafaranga akoreshwa mu bikorwa rusange nko kubaka imihanda, uburezi n'ubuvuzi. Iyo abantu bose batanga umusanzu wabo binyuze mu misoro, igihugu kigira ubushobozi bwo kwiyubaka- Niko abahanga mu by'ubukungu bavuga.

    Iyo serivisi zitangwa mu buryo butanditse, biragorana gukurikirana uwasabye cyangwa watanze serivisi igihe habaye ikibazo. Gushyira abatanga serivisi mu buryo bwemewe bituma habaho no kubakurikirana.

    Ibi byose bigamije kongerera agaciro serivisi z'ubukwe no kuzishyira mu rwego rw'ubucuruzi rufite inyungu zifatika. Mu ijoro ryo kuri uyu wa Mbere tariki 14 Mata 2025, hacicikanye urupapuro rugaragaza bamwe mu bantu bazajya batanga umusoro kuri serivisi batanze mu bukwe.

    Nubwo bimeze gutya ariko, ikigo cy'Igihugu Gishinzwe Imisoro (RRA), cyagaragaje ko cyatunguwe n'aya makuru, kuko cyasubije ku rubuga rwa X uwitwa Uncle Gobby bagira bati 'Muraho neza UncleGobby, mwaduha amakuru arambuye ku wabahaye iyi fishi tukabikurikirana. Murakoze.'

    Umunyamakuru Oswald Oswakim wa Radio/TV10, yagaragarije Ikigo cy'Igihugu cy'Imisoro (RRA) ko mu bo cyasabye kujya batanga imisoro kitashyizeho 'Abasaza basaba/basabwa n’abavuga amazina y’inka.'

    Mu gusubiza ku butumwa bwe, Minisitiri w’Ububanyi n’Amahanga n’Ubutwererane, Amb. Olivier Nduhungirehe, yagaragaje ko abasaza basaba cyangwa se abakuru b'imiryango atari abacuruzi ku buryo nabo batanga umusoro-  mu kumvikanisha ko baba batishyuriwe kubikora.

    Yavuze ko abasabwa gutanga imisoro ari abatanga serivisi mu bukwe. Minisitiri Nduhungirehe ati 'Abasaza basaba/basabwa ni abakuru b’imiryango, ntabwo ari abacuruzi. Ntibashobora rero kwitiranywa n’abatanga serivisi zishyurwa mu bukwe (decoration, sound system, catering, itorero). Ntabwo byakumvikana ko abacuruzi bose mu Rwanda no ku isi bakwishyura imisoro ku nyungu bakorera, keretse abatanga serivisi mu bukwe.'

    Urwidukunda Merci yabajije Minisitiri Nduhungirehe niba hari umusoro yatanga mu gihe cyose yategura ubukwe, agashaka abo mu muryango we bakamufasha gutekera ubukwe bwe, ndetse agashaka na korali aririmbamo ikamuririmbira mu bukwe.

    Minisitiri Nduhungirehe yamusubije ati “Oya! Aha nta bucuruzi burimo, nta n’inyungu ihari.” Yumvikanishije ko abasabwa gutanga imisoro ku bukwe ari kompanyi cyangwa se undi wese utanga serivisi zishyurwa mu bukwe.

    Ati “Aha turavuga companies/Kompanyi zitanga services/serivisi zishyurwa mu bukwe, zigakoresha abakozi, zikagira na comptabilité/Ibyinjira. Izo zigomba kwishyura imisoro nk’abandi bacuruzi bose.”

    Minisitiri Nduhungirehe yanavuze ko n’abandi bantu barimo abashyushyarugamba (MC) n’abandi ku giti cyabo batanga serivisi, bagomba kujya batanga umusoro ku byo binjije.

    Yavuze ko n'abashyushyarugamba (MCs) n'abandi bantu ku giti cyabo batanga serivisi zishyurwa mu bukwe cyangwa ahandi, bagomba kuba basobanutse imbere y'Ikigo cy'Imisoro n'Amahoro (RRA), ari byo kuba biyandikishije nk'abikorera ku giti cyabo (self-employed). Ibi bivuze ko bagomba gutanga imisoro nk'abandi bose bakora ku giti cyabo nk'abavoka, abanyabugeni, abajyanama mu by'akazi (consultants), n'abandi.

    Ibi bishimangira ko nta muntu n'umwe wemewe kugurisha ibicuruzwa cyangwa gutanga serivisi zishyurwa atishyura imisoro. Ibi ni ihame ryemewe ku rwego mpuzamahanga mu mategeko agenga imisoro.

    Mu yandi magambo: niba winjiza amafaranga binyuze mu byo ukora—waba ucuruza cyangwa utanga serivisi—ugomba kwiyandikisha no gutanga umusoro uko amategeko abiteganya.

    Nduhungirehe yungamo ati 'Nta mucuruzi n’umwe, ugurisha ibicuruzwa cyangwa utanga serivisi zishyurwa, utagomba kwishyura imisoro. Iri ni ihame mpuzamahanga ry’amategeko agenga imisoro.'

    Ibyiciro bikurikizwa mu gutangira gusoresha abantu kuri serivisi batanga

    Icyiciro cya mbere:

    Kwandikisha no kumenya abatanga serivisi. Leta ibanza kumenya abatanga serivisi mu bukwe bose: ba DJ, aba MC, abafotora, abacuruza indabo, abategura ibirori (event planners), abafasha mu gutaka n'abandi.

    Hashyirwaho uburyo bworoshye bwo kwiyandikisha, nko gukoresha 'online platforms' cyangwa urwego rw'imisoro (RRA) mu buryo bworoshye.

    Haba ubukangurambaga bwo gusobanurira abantu impamvu yo kwiyandikisha no kwishyura umusoro.

    Icyiciro cya Kabiri:

    Gushyira mu bikorwa umusoro ku byinjijwe. Nyuma y'igihe runaka cyo kwiyandikisha (nko mu mezi 6), hatangira gukurikirana inyungu umuntu yunguka, hagashyirwaho umusoro ujyanye n'ubwinshi bw'amafaranga yinjijwe, cyane cyane umusoro ku nyungu (Income Tax).

    Hano bashobora gutangirana n'abafite ibikorwa binini, kugira ngo abaciriritse babanze bamenyere.

    Icyiciro cya Gatatu:

    Gushyira mu bikorwa umusoro ku bindi bikorwa. Hano bashobora gutangira gusoresha no ku bindi nk'umusoro ku nyongeragaciro (VAT) ku bafite ibikorwa binini bibasaba no gutanga 'fagitire' zemewe.

    Hashyirwaho uburyo bwo gukorana n'abagenzura ibikorwa (auditors) no kugenzura uburyo serivisi z'ubukwe zitangwa.

    Icyiciro cya Kane:

    Guhuza n'abandi bafatanyabikorwa. Mu gihe ibintu bimaze kujya ku murongo, hashobora gukorana n'inzego z'ibanze, za hoteli, abayobora imiryango, na za salle z'ibirori, kugira ngo zitange amakuru y'abatanga serivisi bose, bityo hamenyekane abatarabyinjiyemo.

    Icyiciro cya Gatanu

    Kugenzura no guhana abatubahirije. Nyuma yo gutanga igihe gihagije cyo kwiyandikisha no kubahiriza amategeko, hashyirwaho uburyo bwo gukebura cyangwa guhana ababyirengagiza, ariko bigakorwa mu buryo bwubaka, hatangwa n'amahirwe yo kwisubiraho.

     

     

     

    Iyi nyandiko yatumye benshi bacika ururondogora, n'ubwo RRA yagaragaje ko itazi iby'aya makuru


    Minisitiri Nduhungirehe yumvikanishije ko buri wese utanga serivisi mu bukwe akwiriye kujya atanga umusoro mu Ikigo cy'Igihugu Gishinzwe imisoro (RRA)  

    Komiseri Mukuru w'Ikigo cy'Imisoro n'Amahoro, Ronald Niwenshut, aherutse gutangaza ko bamaze igihe mu bukangurambaga n'ibiganiro n'abantu batanga serivisi zinyuranye mu bukwe


    Source : https://inyarwanda.com/inkuru/154604/buri-wese-utanga-serivisi-azawutanga-umucyo-ku-misoro-yo-mu-bukwe-yavugishije-benshi-154604.html

  • Minisitiri Bizimana yagaye Abihayimana b'i Kibeho bashyigikiye Jenoside – #rwanda #RwOT

    Ibi yabigarutseho ku wa 14 Mata 2025, ubwo hibukwaga ku nshuro ya 31 Jenoside yakorewe Abatutsi mu 1994, by'umwihariko i Kibeho.

    Ku wa 14 Mata 1994, nibwo Abatutsi bari bahungiye i Kibeho baturutse mu makomini ya Mubuga, Rwamiko na Kivu bagabweho igitero simusiga n'Interahamwe ziturutse imihanda yose zatijwe umurindi n'abasirikare n'abajandarume. Babatwikiye mu kiliziya hakoreshejwe lisansi, hapfa abasaga ibihumbi 30.

    Manirakiza Marc wo mu Kagari ka Nyange, mu Murenge wa Kibeho, warokokeye Jenoside aha i Kibeho agasigara ari umwe mu muryango w'abantu umunani, yagaragaje ko Jenoside yatangiye gututumba i Kibeho kuva na mbere hose.

    Yavuze ko mu 1992, yajyaga acuruza muri restaurant ya mukuru we, maze abaje kuyiriramo ntibishyure, yababaza bakamucira mu maso, bamubwira ko 'nta Mututsi ukwiye gucuruza mu gihugu kitari icye'.

    Yakomeje yibutsa uko mu Rwunge rw'Amashuri rwa Marie Merci i Kibeho, abanyeshuri bigeze kwigaragambya, maze bagafata imitumba bakajya kuyihamba bashushanya ko bahambye umuyobozi w'ishuri ryabo kuko yari Umututsi.

    Ati ''Umuyobozi wa GS Marie Merci, bamwivumbagatanyijeho, bashyingura imituma bashushanya ko ari we bashyinguye.'

    Yakomeje agaragaza ko ubwicanyi bwaho muri Jenoside bwakomeye ku wa 14 Mata 1994, aho abicanyi batatinye ingoro y'Imana bari bahungiyemo, bayibasenyeraho ndetse n'Abihayimana bahabaga ntibagira icyo babamarira.

    Ati 'Abihayimana b'i Kibeho batahigwaga bafatanyije n'abicanyi kwicisha abari aha. Bajyaga bazana na Superefe wa Munini, Biniga Damien, bagakora inama zisa no kudushinyagurira, twabagezaho ibibazo birimo inzara n'inyota ntibabikemure, ahubwo bari gutegura neza kwicisha Abatutsi bari i Kibeho.'

    Manirakiza, nyuma yo kurokera i Kibeho, yahungiye i Karama muri Huye naho ahava acitse ubwicanyi akomereza muri Paruwasi ya Nyumba biba uko, gusa ku bw'amahirwe aza kugera i Burundi, aho yavuye ajya kwiyunga ku Nkotanyi mu rugamba rwo kubohora igihugu, ubu akaba ari umugabo wiyubatse.

    Visi Prezida wa Mbere wa Ibuka mu rwego rw'igihugu, Muhongayire Christine, yavuze ko jenoside y'i Nyaruguru ifite umwihariko wo kuba yaratinze cyane kuko na nyuma yo kubohora igihugu ahandi, muri Nyaruguru ho yakomeje, bitewe n'uko hashyizwe 'Zone Turquoise''.

    Yakomeje avuga ko kwibuka ari ngombwa cyane kuko bigamije kumenyesha abato ibyabaye, kugira ngo nabo babone uko bamagana jenoside, asaba abantu bose bazi amukuru kuri jenoside gukomeza gutanga ubuhamya ku byabaye, ababishoboye bakanabyandika.

    Minisitiri w'Ubumwe bw'Abanyarwanda n'Inshingano Mboneragihugu, Dr. Bizimana Jean Damascène, yagaragaje ko bibabaje kuba Kibeho yari ubutaka butagatifu ariko ikarenga igakorerwaho jenoside ndengakamere.

    Ati “Paruwasi ya Kibeho yashinzwe mu 1934, jenoside iba inyigisho zihamaze imyaka 60 zihageze. Yari Paruwasi izwiho kugira Abihayimana benshi, ibyagatumye abahahungiye barokoka, ariko si ko byagenze.''

    ''Reba nka Padiri Emmanuel Uwayezu, wicishije abanyeshuri bo muri GS Marie Merci, akanahamagarira abandi bana kwica bagenzi babo; ibi byose ni umusaruro w'inyigisho z'urwango zari zaracengejwe mu gihugu hose zidasize no mu Bihayimana.''

    Yifashishije ingero z'amateka, Minisitiri Dr. Bizimana, yagarutse ku kinyamakuru cyitwaga Urunana, cyandikirwaga mu Iseminari Nkuru ya Nyakibanda, muri nimero yacyo ya 70 yasohotse mu Ukwakira 1990, hagaragayemo inyandiko y'umufaratiri wavuze ko Inkotanyi ari 'inyangarwanda'.

    Kilziya ya Kibeho ifite amateka yihariye muri Jenoside yakorewe Abatutsi kuko yiciwemo Benshi

    Muri Paruwasi Gatolika ya Kibeho, hari igice kimwe cyahariwe Urwibutso rwa Jenoside yakorewe Abatutsi mu 1994

    Urwibutso rwa Jenoside yakorewe Abatutsi rwa Kibeho ruruhukiyemo abasaga ibihumbi 30

    Minisitiri Dr. Bizimana yunamiye, anashyira indabo ku mva iruhukiyemo imibiri mu rwibutso ruri mu Kiliziya ya Kibeho

    Source : http://igihe.com/amakuru/u-rwanda/article/minisitiri-bizimana-yagaye-abihayimana-b-i-kibeho-bashyigikiye-jenoside

  • Rutsiro: Imibiri 39 y'abazize Jenoside yashyinguwe mu cyubahiro, abato bahabwa umukoro – #rwanda #RwOT

    Imibiri yashyinguwe mu cyubahiro, ku wa 13 Mata 2025, mu gikorwa cyo kwibuka ku nshuro ya 31 Jenoside yakorewe Abatutsi mu 1994 mu yahoze ari Komini Mabanza na Rutsiro muri Perefegiture ya Kibuye.

    Abafite ababo bashyinguwe mu cyubahiro bavuze ko baruhutse ku mitima, kuko batari bazi aho ababo baherereye.

    Ku wa 13 Mata 1994 ni bwo ku musozi wa Nyamagumba wahoze witwa Gitwa hiciwe Abatutsi benshi bigizwemo uruhare na Padiri mukuru Mendero Gabriel wayoboraga kuri Paruwasi ya Congo Nil.

    Uwimpuhwe Catheline, utuye mu Murenge wa Gihango, yabwiye IGIHE yaruhutse ku mutima kuko yashyinguye abe mu cyubahiro.

    Ati 'Muri iyi myaka yose ishize twaterwaga intimba n'umubyeyi wacu turari tuzi aho umubiri we uherereye, kandi ubu turamuherekeje mu cyubahiro. Tunezezwa na Leta yacu ukuntu idufasha abantu bacu bagashyingurwa mu cyubahiro.'

    Nyiranzabahimana Emerthe, utuye mu Murenge wa Musasa yavuze ko yanejejwe no gushyingura mu cyubahiro mama we.

    Perezida wa Ibuka mu karere ka Rutsiro, Niyonsenga Philippe yagaragaje ko kuba imiryango yashyinguye ababo mu cyubahiro yarategereje imyaka 31 hakirimo icyuho mu gutanga amakuru y'ahari imibiri itarashyingurwa.

    Ati 'Turacyabangamiwe n'uburyo imibiri y'abacu ibonekamo kandi Jenoside yarabaye ku manywa, tubona ko hakiri urugendo ku gutanga amakuru ari yo mpamvu dusaba abagifite amakuru kuyatanga na bo bagashyingurwa mu cyubahiro.'

    Yanaboneyeho kandi gushimira Leta yabubakiye Urwibutso rwa Nyamagumba, kuri ubu rwatangiye gushyirwamo ibimenyetso n'amateka ya Jenoside yakorewe Abatutsi ngo ajye yifashishwa mu kwerekana ububi bwayo.

    Minisitiri w'Ubuzima, Dr. Sabin Nsanzimana warokokeye Jenoside yakorewe abatutsi ku musozi wa Nyamagumba yibukije abakiri bato ko bakeneye kumenya amateka mabi yaranze u Rwanda yagizwemo uruhare n'ubutegetsi bubi ariko bakayigiraho kwamagana ikibi.

    Ati 'Uwaje wese yumve ko ari ugusubiza agaciro abayizize bambuwe, dukwiriye kubikuramo amasomo ko bitazongera, kandi abato mukwiriye kumenya aya mateka mwamagana abagifite ingengabitekerezo ya Jenoside, mwitandukanya n'ikibi, kuko umuntu wese ari uw'agaciro.'

    Yanibukije urubyiruko kwirinda kujya mu dutsiko tugambiriye kugirira nabi bagenzi babo.

    Imibiri 39 yashyinguwe mu rwibutso rwa Nyamagumba, yaturutse mu mirenge ya Gihango, Mukura na Mushubati. Imyinshi muri yo yabonetse hari gukorwa ibikorwa by'inyungu rusange birimo kubaka amashuri no guca amaterasi ndinganire.

    Urwibutso rwa Jenoside yakorewe Abatutsi rwa Nyamagumba, mu karere ka Rutsiro rwari rusanzwe ruruhukiyemo imibiri y'abazize Jenoside yakorewe Abatutsi 10,438 hiyongereyeho imibiri 39 yashyinguwe uyu munsi, ndetse n'indi mibiri 2,375 iruhukiye mu Rwibutso kuri Komini Rutsiro.

    Imibiri 39 yashyinguwe mu cyubahiro yabonetse hakorwa ibikorwa by’inyungu rusange mu mirenge itandukanye

    Abayobozi mu nzego zitandukanye z’umutekano bari bitabiriye iki gikorwa

    Perezida wa Ibuka mu Karere ka Rutsiro (Ibumoso) kumwe Perezida w’inama njyanama y’aka karere Matabaro Bernard bifatanyije n’imiryango yashyinguye ababo mu Rwibutso rwa Nyamagumba

    Minisitiri w'Ubuzima, Dr. Sabin Nsanzimana (Iburyo) yibukije abakiri bato ko bakeneye kumenya amateka y’u Rwanda bakayigiraho kurwanya ingengabitekerezo ya Jenoside

    Source : http://igihe.com/amakuru/u-rwanda/article/rutsiro-imibiri-39-y-abazize-jenoside-yashyinguwe-mu-cyubahiro-abato-bahabwa

  • I Karongi abarenga 8000 bavuye mu mirire mibi mu mezi atatu ashize – #rwanda #RwOT

    Byatangarijwe mu Murenge wa Gitesi mu gikorwa cyateguwe n'Umuryango Umurinzi w'Ubuzima cyo gupima abaturage indwara zitandura no guha inkoko imiryango ifite imirire mibi.

    Imirire mibi mu bana bato ni indwara iterwa no kutabona indyo yuzuye. Iyi ndwara iravurwa igakira, iyo uyirwaye abonye indyo yuzuye igizwe n'ibyubaka umubiri, ibirinda indwara n'ibitera imbaraga ariko iyo umwana uyirwaye atabonye indyo yuzuye akarenza imyaka ibiri, bimuviramo igwingira. Igwingira ntabwo rikira iyo ritavuwe mu minsi 1000 ya mbere kuva umwana agisamwa.

    Muri Mutarama 2025, Akarere ka Karongi kasuzumye abana bose bari munsi y'imyaka itanu, gasangamo abarenga ibihumbi 11 barwaye imirire mibi.

    Umuyobozi w'Umuryango Umurinzi w'Ubuzima, Dushimimana Jonathan avuga ko nyuma yo kubona ko mu bitera imirire mibi n'igwingira harimo kutamenya gutegura indyo yuzuye no kutabona ibikomoka ku matungo, bahisemo kwigisha imiryango ifite abana barwaye imirire mibi uko bategura indyo yuzuye, banabaha inkoko zo kurora kugira ngo zige zitera babone amagi bagaburire abana ibikomoka ku matungo.

    Ati 'Uyu munsi twahaye inkoko imiryango 100, kugira ngo bazorore zibafashe kujya babona ibikomoka ku matungo. Mu bo twazihaye harimo abantu 40 barwaye diabetes n'abana 60 barwaye imirire mibi. Ni igikorwa duteganya ko kizakomeza kuko duteganya gutanga inkoko zirenga 1500'.

    Ntahondereye Bonifilde yavuze ko icyatumye umwana we ajya mu mirire mibi ari uko atabonaga ibikomoka ku matungo.

    Ati 'Inkoko bampaye nzayitaho, amagi izajya itera ntabwo nzayagurisha nzajya nyatekera umwana wanjye ave mu mirire mibi'.

    Umuyobozi w'Akarere ka Karongi, ushinzwe imibereho myiza y'abaturage, Umuhoza Pascasie, yibukije abahawe izi nkoko ko atari izo kugurisha, abasaba kuzorora zikabafasha kubona amagi yo kugaburira abana.

    Ati 'Iki gikorwa Umurinzi w'Ubuzima yakoze ni ingenzi kandi ni n'ingirakamaro mu rugendo rwo kurwanya igwingira n'imirire mibi. Izi nkoko duhaye imiryango ifite abana barwaye imirire mibi zije zunganira uburyo Leta yashyizeho bwo kurwanya imirire mibi n'igwingira. Twizeye ko uburyo bwose nitubukomatanyiriza hamwe bizadufasha kugabanya igwingira mu karere kacu ka Karongi'.

    Visi Meya Umuhoza avuga ko mu bana barenga 11 basanzwemo imirire mibi muri Mutarama 2025, ibipimo biheruka gukorwa mu byumweru bibiri bishize bigaragaza ko muri bo abarenga ibihumbi 8000 bakize.

    Isuzuma aka karere gaheruka kwikorera rigaragaza abana bagwingira bagabanutseho 8,5% mu myaka ine ishize bagera kuri 24,5% bavuye kuri 33%.

    Mu Murenge wa Gitesi mu Karere ka Karongi, Umuryango Umurinzi w'Ubuzima wahaye inkoko imiryango 100 irwaje indwara zikomoka ku mirire mibi

    Source : http://igihe.com/amakuru/u-rwanda/article/i-karongi-abarenga-8000-bavuye-mu-mirire-mibi-mu-mezi-atatu-ashize

  • Nayib Bukele yanze kugarura umuturage Amerika yirukanye mu buriganya #rwanda #RwOT

    Nayib Bukele yahakanye gusubiza Kilmar Abrego García muri Leta Zunze Ubumwe za Amerika nyuma yo kwirukanwa binyuranyije n'amategeko, avuga ko atari inshingano ze gukemura amakosa y'ubuyobozi bwa Amerika.

    Perezida wa El Salvador, Nayib Bukele, yatangaje ko adafite gahunda yo kohereza muri Leta Zunze Ubumwe za Amerika umugabo witwa Kilmar Abrego García, nyuma y'uko uyu mugabo yirukanywe nabi mu buryo butemewe n'amategeko. Bukele yavuze ko ibi atari inshingano ze, ndetse anenga uburyo Amerika yashatse kumushyira mu bibazo atabigizemo uruhare.

    'Ese mbigenza nte ngo musubize muri Leta Zunze Ubumwe za Amerika?' Bukele yabajije mu buryo bugaragaza ko ibyo asabwa bidashoboka, ubwo yari mu kiganiro n'itangazamakuru nyuma y'inama yagiranye na Perezida Donald Trump muri White House. 'Ngo mwinjize mu gihugu rwihishwa? Oya rwose, ibyo ntabwo nzabikora.'

    Aya magambo yatangajwe nyuma y'uko Minisiteri y'Ubutabera ya Amerika (Justice Department) ibwiye umucamanza wa Leta ko nta mategeko abategeka gusubiza Kilmar Abrego García mu gihugu cy'Amerika. García yari atuye muri Leta ya Maryland mbere y'uko yirukanwa mu buryo butemewe n'amategeko, akoherezwa muri El Salvador, aho ntaho asanzwe ahafite.

    Perezida Bukele yamenyekanye cyane kubera uburyo bwe budasanzwe bwo gucunga umutekano, by'umwihariko mu kurwanya amatsinda y'inyeshyamba n'ibyaha bikomeye muri El Salvador. Mu myaka ya vuba ishize, Bukele yagiye agirana amasezerano yihariye n'ubutegetsi bwa Perezida Trump, aho yemeye kwakira abimukira birukanywe muri Amerika, cyane cyane abo bakomoka mu bihugu nka Venezuela.

    Muri ayo masezerano, Leta ya El Salvador yakiriye abantu barenga 200 bakomoka muri Venezuela, bose bari barirukanywe na Leta Zunze Ubumwe za Amerika, maze ibashyira muri gereza nini izwi cyane kubera igitugu gikabije kirangwa mu micungire yayo. Iyi gereza, izwi ku izina rya mega-prison, yaranzwe no gukumira uburenganzira bw'ibanze bw'abayirimo, aho benshi batagerwaho n'amategeko abacira imanza, ndetse bakabuzwa ubwisanzure bw'ibanze.

    Ariko nubwo Bukele yagiye yemera kwakira abimukira bavuye muri Amerika, avuga ko hari aho bigarukira. Kuri we, ikibazo cya García ni indi ntera itandukanye, kuko ubusanzwe uyu mugabo yari atuye ku butaka bwa Amerika mu buryo butemewe n'amategeko, ariko nyuma akaza gutuzwa no kuba indashyikirwa mu muryango w'abaturage.

    'Niba Amerika yaramwirukanye mu buryo butemewe, ikibazo si icyanjye,' Bukele yongeyeho. 'Ntabwo nshobora gukemura amakosa y'abandi. Ni bo bagomba kwikosora no gukemura ikibazo cyabo.'

    Mu cyumweru gishize, abunganira García mu mategeko bashyikirije ikirego urukiko rw'icyiciro cya mbere rwa Leta ya Maryland, basaba ko uyu mugabo asubizwa mu gihugu yahozemo kubera ko yirukanywe binyuranyije n'amategeko. Bavuze ko mbere yo kumwirukana, nta rubanza yigeze acirwa, kandi ko atahawe amahirwe yo kwiregura cyangwa kwishyikiriza urukiko rufite ububasha bwo kumurenganura.

    Mu kwiregura kwabo, abahagarariye Minisiteri y'Ubutabera ya Amerika bavuze ko nubwo ibyabaye atari byo, nta mategeko abategeka gusubiza García ku butaka bw'Amerika. Basabye urukiko kwirinda kwinjira mu mwanzuro wa politiki utari mu nshingano zarwo.

    Iki kibazo cyashyize igitutu ku nzego z'ubuyobozi za Amerika, aho benshi mu batavuga rumwe na Leta bavuga ko ibyo Amerika yakoze bikabije cyane kandi binyuranyije n'uburenganzira bwa muntu. Umwe mu badepite b'Abademokarate yagize ati:

    'Uko byagenda kose, ntabwo igihugu cy'ubutabera kigomba kwirukana umuntu mu buryo butemewe n'amategeko, kikirengagiza uruhare rufatika rw'ubuzima bwe mu gihugu, hanyuma kikavuga ngo kibura inshingano zo kumusubiza.'

    Ku rundi ruhande, bamwe mu banyamategeko bashyigikiye Leta bavuga ko nta mategeko asobanutse asaba ko umuntu yirukanywe nabi asubizwa ku ngufu. Bavuga ko ikibazo ari icy'ubuyobozi, atari icy'amategeko, kandi ko bigomba gukemurwa mu buryo bwa dipolomasi hagati y'ibihugu.

    Mu gihe ibi byose byabaga, Perezida Trump yakomeje gahunda ye isanzwe, aho yakiriye ikipe y'umupira w'amaguru ya Ohio State muri White House, mu rwego rwo kwizihiza igikombe cy'igihugu cya 2025 begukanye. Ibi bikorwa bikunze kuba umuco muri Amerika, aho Perezida yakira amakipe yatsinze amarushanwa akomeye mu rwego rwo kubashimira no kubatera ingabo mu bitugu.

    Ni igikorwa cyabaye mu gitondo cyo ku wa Mbere, aho abakinnyi, abayobozi b'iyi kipe n'abakunzi bayo, bahuriye na Perezida Trump muri Rose Garden ya White House. Uyu muhango ntiwigeze uvugwamo ikibazo cya García, ndetse hari abavuga ko ubuyobozi buri kugerageza kwirinda ko iyi nkuru ikomeza kugibwaho impaka mu ruhame.

    Abasesenguzi mu bya politiki mpuzamahanga bavuga ko ikibazo cya García kigaragaza urujijo ruri hagati y'uburenganzira bwa muntu n'imyitwarire ya za guverinoma mu bijyanye n'abimukira. Ku bwa Dr. Carmen Escobar, impuguke mu mategeko y'ubuhunzi:

    'Ibi bibazo bigaragaza ko habura urwego ruhuriweho n'ibihugu, ruhamye, rushobora gutanga umurongo uhamye ku bijyanye n'abimukira. Kuba García yarirukanywe mu buryo bunyuranyije n'amategeko, ariko noneho igihugu cye cy'amavuko kikananga kumwakira, bigaragaza akaga abimukira bashobora kugirwamo igikoresho cya politiki.'

    Escobar yongeyeho ko ibi bigaragaza uburyo urujijo ruri mu masezerano y'ibihugu rufite ingaruka mbi ku mibereho y'abantu ku giti cyabo. 'Iyo ibihugu bishyira inyungu za politiki imbere kurusha ubuzima bw'abantu, habaho kugirwa ingwate kw'abantu badafite ijwi rihamye mu mibanire mpuzamahanga.'

    Mu butumwa yanyujije kuri X (yahoze ari Twitter), umwe mu bantu bamenyekanye mu kurengera uburenganzira bw'abimukira yavuze ko icyakorwa ari uko Amerika yemera amakosa yayo igasubiza García mu gihugu cye cyari kimwakiriye. Ati:

    'Niba twemera ko twubatse igihugu ku mahame y'ubutabera, twakabaye tugaragaza ko ibyo bidahinduka, n'iyo twaba twakoze amakosa. Kuba García yarirukanywe nabi, ntibikuraho ko ari umuntu ufite uburenganzira bwo kubaho mu mahoro no mu mucyo.'

    Igihe kiracyakomeje kugenda mu gihe inkiko na Leta ya Amerika bacyiga ku kibazo cya García. Ku rundi ruhande, Perezida Bukele yagaragaje ko atari inshingano ze gukemura amakosa y'abandi, nubwo yagaragaje ko yiteguye gukorana na Amerika mu bundi buryo.

    Iki kibazo gishyira imbere impaka ndende mu birebana n'abimukira, amategeko mpuzamahanga, ndetse n'imibanire y'ibihugu. Ni ikibazo kigaragaza ko nubwo ibihugu bifite ububasha, hari igihe amahitamo bifata ashobora kugira ingaruka zikomeye ku buzima bw'umuntu umwe, cyane cyane iyo yakuwe mu gihugu atabanje kubazwa.

     

    Source : https://kasukumedia.com/nayib-bukele-yanze-kugarura-umuturage-amerika-yirukanye-mu-buriganya/

  • Eric Dane wa Grey's Anatomy yagaragaye bwa mbere nyuma yo gusanganwa indwara ikomeye ya ALS. #rwanda #RwOT

    Umukinnyi wamamaye nka Dr. Mark 'McSteamy' Sloan yagaragaye i Los Angeles ananutse cyane, nyuma yo gutangaza ko arwaye ALS—indwara idakira yibasira ubwonko n'imikaya. Nubwo arwaye, arateganya gusubira kuri set ya filime Euphoria.

    Eric Dane, wamamaye cyane kubera gukina muganga w'uburanga Dr. Mark 'McSteamy' Sloan muri Grey's Anatomy, yongeye kugaragara i Los Angeles, ariko amafoto yihariye ya DailyMail.com agaragaza ko atakimeze nk'uko abantu benshi bamwibuka, nyuma yo gutangaza ko yasanganwe indwara ikomeye ya ALS.

    Uwo mukinnyi w'imyaka 52, wagaragaraga ananutse kandi ashegeshwe n'uburwayi, yari yagiye gusura inshuti ye muri Los Angeles aho abana n'umugore we w'umukinnyi w'amafilimi, Rebecca Gayheart, n'abakobwa babo babiri.

    Yari yambaye agakoti k'agatambaro gafunguye k'amabara y'ifu y'ifu, isengeri y'umweru n'ipantalo y'uruhu rw'inka, kandi atari asigaye asa nk'uri kure cyane n'umuganga mwiza w'icyamamare yakinnye, ndetse byageze aho ashyigikirwa n'inshuti ye y'umugabo kugira ngo agende.

    Eric Dane

    Eric Dane yatangaje ayo makuru mu itangazo yageneye People Magazine mu mpera z'icyumweru gishize, agira ati:
    'Namenyeshejwe ko ndwaye ALS. Nshimishijwe no kugira umuryango unyitaho n'unkunda turi kumwe muri iki cyiciro gishya cy'ubuzima.'

    Nubwo yasanganywe iyo ndwara, Dane yavuze ko agifite gahunda yo gukomeza akazi ke, kandi ko azasubira ku iseta ya filime Euphoria — aho akinana na Sydney Sweeney na Zendaya — muri iki cyumweru.

    Yagize ati:
    'Mfite amahirwe yo kuba ngishoboye gukora kandi ntegereje kugaruka kuri Euphoria mu cyumweru gitaha.'

    Mfite amahirwe yo kuba ngishoboye gukora kandi ntegereje kugaruka kuri Euphoria mu cyumweru gitaha.

    ALS — izwi ku izina ryayo ry'uzuye nka Amyotrophic Lateral Sclerosis — ni indwara ikomeye yibasira ubwonko n'umutwe w'umugongo, igatuma udutsi dufasha imikaya kugenda dupfa buhoro buhoro. Izwi kandi nka Lou Gehrig's Disease, izina yahawe n'umukinnyi wa Baseball wayisanganywe mu 1939.

    Ibimenyetso byayo bya mbere birimo gukurura imikaya, intege nke no kugabanuka k'umubiri biterwa no gupfa buhoro buhoro kw'uturemangingo twitwa motor neurons tugenzura uko umuntu yimuka.

    Mu gihe kigenda gishira, abarwaye ALS batakaza ubushobozi bwo kuvuga, kugenda no guhumeka ubwabo.

    Nta muti uraboneka w'iyo ndwara, kandi benshi mu bayandura bapfa mu gihe cy'imyaka itatu kugeza kuri itanu nyuma yo kuyisanganwa.

    Urebye uko Dane ameze, asa n'uri mu ntangiriro z'uburwayi. Nubwo yagaragaye ananutse cyane, aracyashobora kwigenza wenyine.

    Mu kwezi gushize, umugore we Gayheart w'imyaka 53 yanditse asaba guhagarika dosiye y'ubutabera yari isaba gatanya nyuma y'imyaka irindwi bari batandukanye. Mu kiganiro yagiranye na E! yavuze ko we na Dane 'ari inshuti magara.'

    Eric Dane n'umugore we Gayheart akaba inshuti magara.

    Nubwo yagaragaje ko icyemezo cyo kureka gatanya cyatewe n'uko 'bari begeranye cyane', igihe cy'icyo cyemezo kigaragaza ko kuba Dane yarasanganywe ALS nabyo byaba byarabigizemo uruhare.

    Yavuze kandi ko kubana nk'umuryango no kurera abana babo bombi, Billie Beatrice w'imyaka 15 na Georgia Geraldine w'imyaka 13, byari ibindi mu byabigizemo uruhare.

    Yagize ati:
    'Turi inshuti za hafi. Turarera abana bacu neza. Twasanze hari uburyo bwo gukomeza kuba umuryango, kandi mbona abana bacu babikuramo inyungu, natwe kandi ni uko.'

    Dane na Gayheart bashyingiranywe muri Ukwakira 2004 mu muhango wabereye i Las Vegas. Gayheart yari yarabanje kugirana umubano w'imyaka 13 uhuzagurika n'umuyobozi w'amafilimi Brett Ratner, w'imyaka 56. Abakunzi ba kera ba Dane barimo Alyssa Milano (52) na Lara Flynn Boyle (55).

    Mu 2009, bashyizwe mu kaga ubwo urubuga Gawker rwatangazaga amashusho y'amabanga yabo bari kumwe n'uwari Miss Teen USA Kari Ann Peniche, basangira ibiyobyabwenge bambaye ubusa.

    Mu 2011, Dane yajyanywe mu kigo cy'indwara z'ibiyobyabwenge kubera kwiyongera ku miti yari yahawe nyuma yo kugira imvune mu mikino.

    Mu 2017, akazi kuri filime The Last Ship, aho yakinnye nka Komanda Tom Chandler, karahagaze by'akanya gato kugira ngo avurwe ihungabana.

    Eric Dane muri 'The Last Ship'

    Umwaka wakurikiyeho, Gayheart yatanze gatanya avuga ko batumvikana, ariko ntibigeze batandukana burundu, none ubu bongeye kubana nyuma y'imyaka irindwi batandukanye.

    Nubwo bagize ibihe bikomeye n'ibigoye, bombi bakomeje akazi kabo: Dane yibanda kuri Euphoria aho akinana na Jacob Elordi, ariko anafite indi filime yise Kabul itarajya hanze, ivuga kuri guhinduka kw'ivanywaho ry'ingabo z'Abanyamerika muri Afghanistan mu 2021, aho hapfuye abasirikare 13.

    Gayheart we, ibikorwa bye bya vuba bibarirwa mu 2019, aho yagize uruhare rukomeye nk'umugore wa Brad Pitt muri filime y'icyamamare Quentin Tarantino Once Upon A Time in Hollywood.

    Once Upon A Time in Hollywood.

    Source : https://kasukumedia.com/eric-dane-wa-greys-anatomy-yagaragaye-bwa-mbere-nyuma-yo-gusanganwa-indwara-ikomeye-ya-als/

  • Malawi: Ambasaderi Bugingo yasabye ibihugu by'amahanga guhana abakekwaho Jenoside bihisheyo – #rwanda #RwOT

    Ni igikorwa cyabereye i Lilongwe ku wa 11 Mata 2025, cyitabirwa n'abarenga 200, barimo sosiyete sivile yo muri Malawi, Abafatanyabikorwa mpuzamahanga n'abandi.

    Ambasaderi w'u Rwanda Zambia ari na we uhagarariye igihugu muri Malawi, Emmanuel Bugingo, yasabye ibihugu byose kwibukiranya ibyo biyemeje mu masezerano yashyizweho umukono mu 1948 biyemeza gukumira no guhana ibyaha bya Jenoside.

    Yasabye ko ibihugu byose bishyiraho amategeko atuma bibasha kurwanya Jenoside n'ingengabitekerezo yayo, nk'uko banabisabwe mu mwanzuro w'Akanama ka Loni kashinzwe umutekano wafashwe ku wa 16 Mata 2014 wasabaga ibihugu binyamuryango kuburanisha cyangwa kohereza mu Rwanda abakekwaho ibyaha bya Jenoside.

    Umunyamabanga Mukuru muri Minisiteri y'Ububanyi n'Amahanga ya Malawi, Amb. Dr. Mwaiwawo PolePole yavuze ko ibikorwa bibi bihitana abantu benshi bidasaba intwaro ziremereye ahubwo ni ingengabitekerezo y'urwango gusa ituma amahano nk'ayo abaho.

    Abitabiriye uyu muhango biyemeje guharanira amahoro n'Isi idaheza, mu bumwe bw'Abanyarwanda n'Abanyamalawi biyemeje guharanira ko Jenoside itazongera ukundi.

    Ambasaderi Bugingo Emmanuel yasabye amahanga guhana abakekwaho ibyaha bya Jenoside

    Amb. Dr. Mwaiwawo PolePole yavuze ko ibihugu byombi bibanye neza

    Source : http://igihe.com/amakuru/u-rwanda/article/malawi-ambasaderi-bugingo-yasabye-ibihugu-by-amahanga-guhana-abakekwaho

  • Katy Perry yaririmbiye mu isanzure! Ibyo yavuze ku bivejuru 'aliens' byateye ururondogoro #rwanda #RwOT

     

    Katy Perry yihurije ku bitekerezo bidasanzwe ku bivejuru nyuma y'urugendo rw'amateka mu isanzure hamwe n'abagore gusa

    Umuhanzi w'icyamamare Katy Perry yakoze amateka atangaje ubwo yaririmbiraga mu kirere cy'ikirere (space) ubwo yaterurwaga n'icyogajuru cya Blue Origin mu rugendo rwabaye bwa mbere rugizwe n'abagore bonyine.

    Uyu muhango udasanzwe wabereye mu butayu bwa Texas aho Perry yafatanyije urugendo n'abandi bagore batanu b'intwari: Lauren Sanchez, umukunzi wa Jeff Bezos akaba n'umuyobozi w'ingendo za Blue Origin; Gayle King, umunyamakuru w'inararibonye; Amanda Nguyen, impirimbanyi y'uburenganzira bwa muntu; Aisha Bowe, wahoze ari umuhanga mu by'indege za roketi; na Kerianne Flynn, umukinnyi n'umuyobozi wa filime.

    Urugendo rw'amateka rw'abagore gusa

    Uru rugendo rwafashe iminota 11 gusa, ariko rwagize uburemere bw'amateka budasanzwe. Iki cyari urugendo rwa mbere rw'abagore gusa mu isanzure kuva mu 1963, ndetse ni n'inshuro ya mbere itsinda ry'abagore gusa rigize ikipe y'icyogajuru mu rugendo rugera ku ntera y'ubutumburuke bwa 100 km hejuru y'Isi — aho bita umurongo wa Kármán, ugabanya isi n'isanzure.

    Icyogajuru bakoreshaga cyari NS-31, kimwe mu bice bya gahunda ya New Shepard ya Blue Origin igamije gutwara ba mukerarugendo bifuza kugera mu isanzure.

    Katy Perry aririmbira mu isanzure: 'What A Wonderful World'

    Mu gihe icyogajuru cyari cyamaze kurenga imbibi z'Isi, Perry yaririmbye indirimbo izwi cyane ya Louis Armstrong, 'What A Wonderful World', abinyujije mu buryo bw'ubuhanzi bwuje amarangamutima n'ubutumwa bw'ituze. Iri jambo ryakurikiwe n'amashusho y'indirimbo n'umuziki utuje wakomeje gususurutsa abari mu rugendo ndetse n'abari bakurikiye byose kuri internet.

    Ibitekerezo bya Katy Perry ku bivejuru (aliens)

    Mu kiganiro cyakurikiye urugendo, Perry yatanze ibisobanuro byatumye benshi bagwa mu kantu ku birebana n'uko abona ibijyanye n'ibiremwa bivugwa ko bituruka ku zindi mibumbe Ibivejuru cyangwa 'aliens'.

    'Iyo ugeze hejuru y'Isi ukayireba aho ihurira n'isanzure, uhita wumva ko tudashobora kuba turi twenyine mu biriho. Hari ibintu byinshi bitaramenyekana. Ndi umwe mu bizeye ko hari ubundi buzima mu isanzure, ndetse bushobora kuba bwateye imbere kurusha twe,' — Katy Perry.

    Yongeyeho ko urwo rugendo rwamufunguriye amaso ku yindi myumvire, ndetse ko agiye kwitabira ubuvugizi bushya bujyanye no guteza imbere ubushakashatsi mu by'isanzure n'ukumenya uko Isi ihagaze ugereranyije n'ibindi bice bigize ikirere.

    Icyerekezo gishya cy'abagore mu bijyanye n'isanzure

    Uru rugendo rwamuritse ubushobozi n'ubutwari bw'abagore mu nzego zitandukanye. Umuyobozi wa Blue Origin, Jeff Bezos, yavuze ko iki gikorwa ari 'intambwe ikomeye mu kwerekana ko abagore bashoboye kandi bafite uruhare runini mu gukomeza kugera kure mu bushakashatsi no gutwara abantu mu isanzure.'

    Lauren Sanchez nawe yashimangiye ko ari intangiriro y'impinduka, ati:

    'Ni intambwe igaragaza ko dushoboye kugera kure, ntitugomba kugira imbibi.'

    Lauren Sanchez hamwe na Umuyobozi wa Blue Origin, Jeff Bezos

    Urugendo rwa Katy Perry n'abagenzi be b'abagore si urwa tekinoloji gusa, ahubwo ni ikimenyetso cy'ihinduka mu mitekerereze, uburinganire, n'imyumvire mishya ku buzima bwo mu isanzure. By'umwihariko, inyandiko ya Katy ku bijyanye n'abanyamahanga yashyize igorora ku biganiro bimaze igihe ku isi yose — ese turi twenyine koko?

    Source : https://kasukumedia.com/katy-perry-yaririmbiye-mu-isanzure-ibyo-yavuze-ku-bivejuru-byateye-ururondogoro/

  • Ana Obregón avuze kubuzima bwe nyuma yo kurera umwuzukuru we wabyawe n'intanga z'umuhungu we wapfuye. #rwanda #RwOT

    Umukinnyi w'amafilime w'Umuhispaniya Ana Obregón

    Umukinnyi w'amafilime w'Umuhispaniya Ana Obregón, wabaye nyina w'umwana afite imyaka 68 abinyujije ku mubyeyi w'ingirakamaro akoresheje intanga z'umuhungu we wapfuye, yatangaje byinshi ku bijyanye n'uburere ahaye uwo mwana w'imyaka ibiri.

    Uyu mugore wamamaye cyane mu buzima bw'imyidagaduro, ubu ufite imyaka 70, yatunguye isi yose ubwo yagaragaraga afite uruhinja, ari mu kigero cy'imyaka y'iza bukuru. Nyuma y'amezi make, yaje gutangaza ko uwo mwana, Anita Sandra, atari uwe yabyaye, ahubwo ari umwuzukuru we, wabyawe hifashishijwe intanga zamaze igihe zibitswe z'umuhungu we n'igihu cy'indi mugore.

    Yavuze ko yabikoze kugira ngo asohoze icyifuzo cya nyuma cy'umuhungu we, Aless Lequio, wapfuye azize kanseri mu 2022, nyuma yo kubika intanga ze imyaka ibiri mbere y'urupfu rwe.

    Mu itangazo ryatunguye igihugu cya Esipanye rikagera no ku nkuru mpuzamahanga, Ana yabwiye ikinyamakuru ¡Hola! ati: 'Uwo mwana si uwanjye, ni umwuzukuru wanjye.'

    Mu kiganiro yagiranye n'itangazamakuru rya Esipanye mu mpera z'icyumweru gishize, Ana yavuze ko urugo rwe rwuzuye ibikinisho n'ibipupe by'inyamaswa, yongeraho ati: 'Mfite n'agace ko koga mu mipira aho ahora ansaba kuhasimbuka.'

    Yakomeje avuga ko kugenda amuterura bigenda bimugora uko agira uburemere, kuko bimutera ububabare mu mugongo.

    Avuga ku bijyanye n'ukuntu umwana we Aless yahuye n'indwara, Ana yavuze ati: 'Ubuzima bwacu tububamo twumva ko tuzabaho iteka, tukibwira ko nta kibazo kizabaho. Ariko rimwe na rimwe, umuntu agira imyaka 25, bakamubwira ko afite kanseri ikaze cyane.'

    Aless, umwana wa Alessandro Lecquio—mwene nyirarume wa Umwami Juan Carlos—yapfuye afite imyaka 27, nyuma yo kurwara indwara idakunze kubaho yitwa Ewing's sarcoma, kanseri ifata amagufwa cyangwa uturemangingo turi hafi yayo.

    Ana yakomeje ati: 'Iyo urebye ubuzima, ubona ko atari byo wumvaga uri umwana. Ni yo mpamvu mfite ubwoba bwinshi kurusha igihe nari kumwe na Aless.'

    Mu kiganiro giheruka n'ikinyamakuru ¡Hola! mu rwego rwo kwizihiza isabukuru y'imyaka ibiri ya Anita, Ana yavuze ko yamaze imyaka itatu asa n'upfuye nyuma y'urupfu rw'umuhungu we.

    Gusa yavuze ko kuza k'uwo mwuzukuru we byamuzuye ubuzima. Yagize ati: 'Nzi neza ko ntazigera nongera kugira ibyishimo nk'ibyo nari mfite ndi kumwe na Aless. Iyo ndwara ntizigera ishira. Ntibishoboka kwemera cyangwa kwiyakira ku rupfu rw'umwana. Ariko Anita ubu ni we utuma iminsi yanjye igira ishingiro. Nari narapfuye imyaka itatu kuva Aless yapfa kugeza Anita avutse.'

    Yakomeje avuga ko uko Anita akura arushaho kugira ubwoba, ati: 'Nari mfite ikizere ko Aless azamera neza, nkajya ku kazi nta mpungenge. Ariko ubuzima bwaranyigishije ko rimwe ushobora kugira umwana muzima, maze ako kanya bakakubwira ko afite kanseri ikaze cyane. Ubuzima ni igitsure.'

    Ana yasobanuye Anita nk''urumuri', ati: 'Ni umwana w'ubwenge nka se. Ahora ansaba kumuhobera, ariko si ukwe, aba ashaka ko mpoberana n'abandi. Umunsi umwe, hari umukanishi waje… maze aransaba kumuhobera, ndabikora kuko Anita yabinsabye.'

    Ibyerekeranye no kuvuka kwa Anita byateje impaka muri Esipanye aho gutwitirwa n'abandi (surrogacy) bitemewe n'amategeko. Ariko bemera ko umwana wavukiye mu kindi gihugu ashobora kwemererwa kwandikwa nk'umwana wawe binyuze mu buryo bwemewe.

    Anita yavukiye muri Leta Zunze Ubumwe za Amerika binyuze ku mubyeyi w'ingirakamaro, nyuma Ana yaje kumwandikisha nk'umwana we mu buryo bwemewe n'amategeko.

    Nubwo bimeze bityo, Ana yahuye n'abanenze ibyo yakoze, barimo n'umuminisitiri w'uburinganire w'igihugu cya Esipanye, Irene Montero, wavuze ko gutwitirwa n'abandi ari 'ubugome bukorerwa abagore.' Ibyo byanashimangiwe n'abandi bayobozi barimo Felix Bolaños na Maria Jesus Montero.

    Bolaños yagize ati: 'Umubiri w'umugore ntukwiye kugurishwa cyangwa gukodeshwa kugira ngo hubahirizwe ibyifuzo by'abandi.'

    Mu magambo aheruka gutanga, Ana yavuze ko atitaye ku bamunenze, ati: 'Hari abacira abandi imanza, ariko ni ngombwa kugira impuhwe. Iyo ababyeyi bashyize mu mwanya wanjye, mu mutima wanjye n'agahinda kanjye… Nk'uko mbivuga, nari nyiri agahinda kanjye. Ubu ndi nyiri kuzuka kwanjye.'

    Ana Obregón azwi cyane kubera amateka ye atangaje y'ubuzima bwe bwite. Se w'umuhungu we ni Alessandro Lecquio, wari umugeni w'icyamamare Antonia Dell'Atte igihe yatangiraga gukundana na Ana, ariko urukundo rwabo ntirwatinze.

    Mu kwezi kwa Mutarama, Ana na Lecquio bongeye gushyamirana nyuma y'uko Ana amushinje ko atigeze afasha umwana we mu buryo bw'amafaranga, ibyo Lecquio yahakanye yivuye inyuma.

    Ubajijwe uko abona Lecquio, Ana yatangaje ibintu bitari byitezwe, agira ati: 'Ndamukunda cyane. Alessandro ni se wa Aless kandi tuzahora duhujwe n'urukundo dukunda umwana wacu. Aless yishimiraga cyane kutubona turi kumwe, ni yo mpamvu nzi neza ko ari kutureba, kandi kubera we tuzahora turi hamwe.'

    Ubajijwe niba Lecquio azagira uruhare nk'uwitwa sekuru wa Anita, Ana yavuze ko atifuza kuvuga kuri ibyo.

    Yavuze gusa ko 'ahora yubaha ibyemezo by'abantu akunda.'

    Ana, uba mu gace ka Alcobendas, afite ubuzima bwuzuyemo byinshi. Yavutse mu kwezi kwa Werurwe 1955 i Madrid, ababyeyi be ni Antonio na Ana Garcia.

    Se, wabaye umukire biciye muri kompanyi y'ubwubatsi ya Jotsa, yari yararetse ishuri afite imyaka 12 akajya gukora isuku mu biraro by'ingurube.

    Ana ubwe, ntiyakunze kuvuga cyane ku bwana bwe, ariko yigeze kuvuga ku rubuga nkoranyambaga Instagram ati: 'Nagize amahirwe yo kugira papa w'intangarugero, ukunda gukora, wuje urukundo kandi ushyira ibintu ku murongo. Urakoze papa, wadufunguriye ubuzima njye na mama.'

    Nubwo Ana yari yifuza kuba umukinnyi wa filime, yemeye mbere kubanza kwiga ibinyabuzima nk'uko se yabimusabye. Yaje kumenyekana ubwo yakiniraga muri Mystery on Monster Island ya Jules Verne mu 1981, afite imyaka 27.

    Filime azwiho cyane ni Bolero yasohotse mu 1984, aho yakinnye ari kumwe na Bo Derek na George Kennedy.

     

    Source : https://kasukumedia.com/ana-obregon-atanze-amakuru-mashya-ku-buzima-bwe-nyuma-yo-kurera-umwuzukuru-we-wabyawe-nintanga-zumuhungu-we-wapfuye-afite-imyaka-68/