Author: webrwanda

Mu itangazo Umujyi wa Kigali wanyujije kuri Twitter, bavuze ko iyi nimero ya telefone ari 3260, ikaba ihora ku murongo amasaha 24 kuri 24. Abaturage basabwe kwirinda kuyihamagara ‘bikinira’. Banditse bati “Umujyi wa Kigali uributsa abaturage bafite ikibazo cyo gufashwa kubona ibiribwa ko nimero yo guhamagaraho ari 3260, ikaba ikora amasaha 24/24. Ibindi bibazo bitandukanye biranyuzwa kuri nimero zisanzwe z’Uturere, Akarere ka Gasabo:1520, Akarere ka Kicukiro: 4575 naho Akarere ka Nyarugenge: 4025”.

Pudence Rubingisa Umuyobozi w’Umujyi wa Kigali, yasabye abanya-Kigali kutinubira ‘Guma mu rugo Kigali’, abibutsa ko ari gahunda igamije kugabanya ikwirakwira rya Covid-19. Yagize ati “Mu mujyi wa Kigali turi mu bihe bidasanzwe bya Guma mu rugo, ndabasabye ntitubyinubire, twumve ko ari bwo buryo bushobora gutuma icyorezo kidakwirakwira no mu bandi bataracyandura.#Shishoza #Tuzatsinda”.

Umutoni Gatsinzi Nadine, Umuyobozi w’Umujyi wa Kigali Wungirije Ushinzwe Ubukungu n’Imibereho Myiza, yabwiye abaturage ko ‘Guma mu rugo Kigali’ ari ubundi buryo bwo kwikingira, abasaba kutirara. Ati “Gahunda ya Guma mu rugo Kigali ni ubundi buryo bwo kwikingira, twe kwirara, tuyubahirize. Kubo imirimo yahagaze turabahumuriza, kuko icyorezo ni tugitsinda turi bazima tuzongera gukora bigende neza, igishoro cy’ubuzima tukibungabunge.”

Joseph Niyongabo Umuyobozi Mukuru w’Imirimo rusange mu Mujyi wa Kigali, mu butumwa yageneye abanya-Kigali muri iki gihe cya Guma mu rugo, yabasabye gukomeza kubahiriza amabwiriza yo kwirinda Covid-19. Yavuze ko Guma mu rugo Kigali ari gahunda ‘igamije kudufasha kwirinda ikwirakwira ry’iki cyorezo’. Yasabye abakora muri zerivisi n’imirimo y’ingenzi yemerewe gukomeza gukora, kubikora bubahiriza amabwiriza yo kwirinda Covid-19, kandi bakoresha abakozi b’ingenzi batarenze 30% by’abasanzwe bakora muri izo serivisi.

Umuyobozi w’Umujyi wa Kigali arasaba abanya-Kigali kutinubira ‘Guma mu rugo’

Sarkozy yayoboye u Bufaransa hagati ya 2007 na 2012, ni we Perezida w'u Bufaransa wasuye u Rwanda nyuma ya Jenoside yakorewe Abatutsi mu 1994, ku wa 25 Gashyantare 2010, yemera ko muri ayo mateka mabi hari 'amakosa yakozwe n'Abanyapolitiki b'u Bufaransa, hari amakosa yakozwe muri Opération Turquoise”.

Amakuru yizewe agera kuri IGIHE ni uko uruzinduko Sarkozy yagiriye mu Rwanda, rwabaye umwanya mwiza kuri we wo gusura bimwe mu bice nyaburanga by'igihugu, by'umwihariko kuri uyu wa Kane yasuye Ingagi mu Birunga.

Mu 2018 ubwo yazaga mu Rwanda yari kumwe n'Umuyobozi Mukuru w'Ikigo gikora Ubwikorezi bw'Ibicuruzwa byambuka Imipaka mu ndege, ku butaka no mu mazi, Cyrille Bollorép.

Umusaruro wavuye muri uru ruzinduko, ni uko Vivendi Group, ikigo gishamikiye kuri Bolloré Holdings ya Cyrille Bolloré cyemeye gushora imari ya miliyoni 40 z'amadolari ya Amerika mu bikorwa bitandukanye bizakorerwa muri Kigali Cultural Village i Rebero mu Karere ka Kicukiro.

Icyo gihe Sarkozy yasuye Inema Arts, arara mu Rwanda ijoro rimwe bukeye afata indege bwite akomereza i Abidjan muri Côte d'Ivoire.

Sarkozy ni umwe mu bayoboye u Bufaransa wakoze ibishoboka byose kugira ngo azahure umubano w'u Rwanda n'igihugu cye. Nyuma y'uruzinduko rwe rwo muri Gashyantare 2010, byasabye amezi atatu gusa Perezida Kagame na we asura u Bufaransa ubwo yitabiraga Inama y'Abakuru b'ibihugu bikoresha Igifaransa yabereye i Nice.

Ni umuntu wakunze kuvuga ashize amanga ko ashima imiyoborere ya Perezida Kagame nk'aho mu kiganiro yagiranye na Le Point mu 2018 yagize ati 'Nakunze cyane Paul Kagame, Perezida w'u Rwanda. Bisaba imbaraga zidasanzwe gusana igihugu nk'u Rwanda cyashegeshwe na Jenoside yari itarigeze ibaho! Kigali ubu ni umujyi uhujwe mu ikoranabuhanga kuruta indi muri Afurika.”

Muri Mutarama 2018 Perezida Paul Kagame yakiriye Nicolas Sarkozy muri Village Urugwiro

Ubwo yitabiraga umuhango wo gufungura imikino y’Igikombe cy’Isi i Moscou, ku wa 14 Kamena 2018, Perezida Paul Kagame yahuye na Minisitiri w’Intebe w’u Burusiya, Dmitri Medvedev na Nicolas Sarkozy

Sarkozy yabwiye ikinyamakuru Le Point ko Perezida Kagame ari umuyobozi ukomeye Afurika ifite muri iki gihe

Sarkozy ubwo yashyikirizwaga impano na Clare Akamanzi uyobora RDB

Sarkozy na Cyrille Bolloré mu ifoto y’urwibutso n’abakozi ba RDB

Ku wa 27 Mutarama 2021, ni bwo MTN Group yatanze iyi nkunga biturutse ku bufatanye isanzwe igirana na Leta ndetse n'abikorera.

Iyi nkunga izafasha kubona inkingo za COVID-19 zigera kuri miliyoni zirindwi, zizahabwa abakora mu nzego z'ubuzima ku Mugabane wa Afurika, bikazanagira uruhare mu gukingira abakozi b'Ikigo cya Afurika gishinzwe kurwanya no gukumira indwara z'ibyorezo (Africa CDC).

Perezida akaba n'Umuyobozi Mukuru wa MTN, Ralph Mupita, yavuze ko ingaruka za COVID-19 zabaye mbi cyane ari nayo mpamvu hakenewe ubufatanye mu kuzahura ubukungu.

Yagize ati 'Ubufatanye bwa leta n'abikorera burakenewe niba dushaka gutsinda icyorezo no kugarura amahame mbonezamubano n'ubukungu ku mugabane wacu no mu baturage bacu.'

Iyi gahunda yo gufasha ibibugu binyamuryango bya Afurika Yunze Ubumwe izagera no ku Rwanda.

Minisitiri w'Ubuzima, Dr Daniel Ngamije, yashimiye intambwe ya MTN yo gushyigikira gahunda ya AU yo gukingira COVID-19.

Yakomeje agira ati 'Igihe cy'ubufatanye bwa Leta n'abikorera kirageze. Nizera ko ibi bizatuma ubufatanye burushaho gutera imbere mu bandi bikorera bo muri Afurika kandi bigatuma inkingo zirushaho kugera ku mugabane wose.''

MTN Rwanda nayo ikomeje gufasha mu buryo butandukanye abagizweho ingaruka n'icyorezo cya COVID-19, ndetse yakomeje gutanga umusanzu mu guhashya iki cyorezo.

Mu gihe hagitegerejwe urukingo, MTN Rwanda yatanze miliyoni 50 Frw zo gufasha mu guhangana n'iki cyorezo.

Iyi nkunga ya MTN Rwanda yashyikirijwe Ikigo cy'Igihugu cy'Ubuzima, RBC, aho biteganyijwe ko izafasha mu kugura udukoresho twifashishwa mu kugenzura ingano y'umwuka ku murwayi w'indembe ya Coronavirus.

Umuyobozi Mukuru wa MTN Rwanda, Mitwa Ng'ambi, yavuze ko bishimiye uruhare MTN Group mu rugamba rwo guhangana na COVID-19.

Yagize ati 'MTN Rwanda nayo mu mwaka ushize yatanze umusanzu wayo imbere mu gihugu mu rugamba rwo guhangana na COVID-19, ariko tuzirikana ko urugamba rutararangira.'

Yakomeje agira ati 'Dukomeje kureba uburyo twafasha abaturage mu gihe turi kunyurana muri ibi bihe bikomeye. Mu gihe ingamba z'ubwirinzi zikomeje kubahirizwa, dutekereza ko ari ingenzi kuri twe kugira uruhare mu kongera umubare w'ibyuma byongera umwuka mu gihe tugitegereje urukingo.'

Umuyobozi Mukuru wa RBC, Dr Nsanzimana Sabin yavuze ko inkunga yatanzwe ari ingenzi mu rugamba rwo kongera ubushobozi mu bigo byita ku ndembe.

Ati 'Twishimiye inkunga ya MTN Rwanda izunganira imbaraga dukomeje gushyira mu kurwanya COVID-19.'

Guverinoma y'u Rwanda ifite ubushobozi bwo kwakira abarwayi 500 ba Coronavirus barembye cyane.

Umuntu avugwa ko ari indembe iyo afite ikibazo cyo guhumeka ku buryo amaraso adatembera neza mu mubiri. Anagira umuriro no gucika intege cyane, kuribwa mu ngingo n'ibindi birimo gukorora.

Kwita ku ndembe za COVID-19 bisaba ubushobozi buhambaye kuko hari abarwayi bakenera litiro icumi z'umwuka ku munota kugira ngo babashe guhumeka.

Sosiyete y'Itumanaho ya MTN Group imaze igihe itanga umusanzu wayo mu rugamba rwo guhangana na COVID-19

Guhuza ubutaka ni kimwe mu byo leta ishishikariza abaturage gukora ngo kuko bifasha abahinzi kwiteza imbere, kuko abishyize hamwe bashakirwa amasoko, bakagezwaho inyongeramusaruro n'imbuto mu buryo bworoshye.

Bamwe mu baturage bo mu Murenge wa Gahini mu Karere ka Kayonza baganiriye na IGIHE bagaragaje uburyo batariteza imbere bahingaga uko bishakiye bakanagira umusaruro muke ugereranyije na nyuma yo gutangira guhuza ubutaka.

Mukagatesi Vestine utuye mu Mudugudu wa Nyabombe mu Kagari ka Juru yavuze ko mbere yahingaga uko yishakiye, ntiyakoreshaga inyongeramusaruro ariko amaze kwisunga abandi yatangiye kubona inyungu.

Ati 'Ubu guhuza ubutaka bituma umuntu ahingira ku gihe, tugahinga imbuto imwe y'indobanure baduha. Urugero nkanjye nahingaga ibyo niboneye nkahinga nta ntego mfite ariko aho natangiriye guhuza ubutaka n'abandi nsigaye mpinga ngamije kwihaza, nkanasagurira amasoko.'

Yakomeje avuga ko mbere yezaga umufuka umwe bitewe n'uburyo umurima yawuvangavangagamo ibihingwa byinshi bikarangira byose biteze neza.

Ati 'Ubu mpinga igihingwa kimwe, nka mbere nezaga umufuka w'ibigori none ubu ngeze ku mifuka icumi bitewe nuko nkoresha ifumbire n'imbuto z'indobanure. Aho ntangiriye guhinga ku butaka buhuje baraduhuguye ku buryo dusigaye tujya guhinga dufite intego.'

Uwabeza Clémence we yagize ati 'Icyiza cyo guhuza ubutaka mukorera hamwe nk'abahinzi nta n'umwe ugira umurima urara, ni yo umusaruro ubonetse mugurishiriza hamwe ku buryo nta n'umwe ujya gushakisha amasoko wenyine.'

Yakomeje avuga ko mbere yahingaga mu kajagari ku giti cye agapfa gutera buri bigori byose abonye ariko ngo aho amariye gutangira guhinga afatanyije n'abandi umusaruro warabonetse cyane.

Ati 'Mbere narahingaga umusaruro mbonye nkagira ngo ni uwo, hegitari nayezagaho nka toni ebyiri cyangwa eshatu nkumva ni umusaruro mwinshi. Aho ngiriye muri koperative nkahingana n'abandi nkahabwa amahugurwa nabonye ko hegitari nshobora kwezaho toni eshanu kugera ku munani. Ubu niteze kweza toni eshanu ariko ubutaha nzanazirenza kuko namenye ibanga.'

Uwabeza yasabye Abanyarwanda bagifite imyumvire yo guhinga bonyine badahuje ubutaka n'abandi kubireka bakisungana ngo kuko ni ho hari inyungu nyinshi.

Ati 'Inama nabagira ni uko guhuza ubutaka bituma abantu bahuza imbaraga n'ibitekerezo bagatera imbere mu buryo bworoshye, umusaruro wabo uriyongera cyane kuko hari ubwo mu itsinda usangamo abazi ibanga ryo guhinga ukabigiraho.'

Umuyobozi wa Koperative Twiteze imbere Nyabombe iherereye mu Murenge wa Gahini, Nsengimana Jean Bosco, yavuze ko bishyize hamwe ari abahinzi 63 bahuza ubutaka bagamije guhingira hamwe no gushakira isoko hamwe.

Yavuze ko kuva batangira kwishyira hamwe bakanahuza ubutaka, abaturage babyungukiyemo cyane kuko babona inyongeramusaruro byoroshye kabone nubwo umuturage yaba adafite amafaranga.

Ati 'Ikindi imbuto bayibonera igihe kimwe mu gihe mbere buri wese yiguriraga imbuto ukwe ugasanga bamwe bejeje mbere abandi batareza none ubu baterera rimwe, byanera tugashakira isoko rimwe.'

Umunyamabanga Nshingwabikorwa w'Umurenge wa Gahini, Rukeribuga Joseph, yavuze ko guhuza ubutaka ku baturage bifasha leta kubashakira amasoko mu buryo bworoshye.

Ati 'Iyo bahingiye hamwe bahuje ubutaka bidufasha kurwanya abamamyi bagura imyaka ikiri mu murima ku giciro gito, ikindi bidufasha kubashakira amasoko mu buryo bworoshye.'

Gitifu Rukeribuga yavuze ko muri uyu Murenge abaturage benshi bamaze gusobanukirwa ibyiza byo guhinga ku butaka buhuje aho hegitari zisaga 400 mu bice bitandukanye zihingwaho ku butaka buhuje.

Abahinzi b'i Kayonza banyuzwe n'icyemezo cyo guhuza ubutaka cyabafashije kwihaza ku musaruro. Ibi ni ibigori by’abahuje ubutaka mu Murenge wa Gahini

Nsengimana Jean Bosco uyobora Koperative Twiteze imbere avuga ko kuri ubu inyungu yo guhuza ubutaka batangiye kuyibona

Uwabeza Clémence yavuze ko agihinga wenyine ataramenya ibanga riri mu guhuza ubutaka yezaga toni ebyiri kuri hegitari none ubu yiteze kubona toni ziri hejuru y’eshanu

Ibi yabigarutseho ku wa 27 Mutarama 2021 ubwo yitabiraga umuhango wo kwibuka Jenoside yakorewe Abayahudi (Holocaust) yabaye mu 1939-1945, ikozwe na Adolf Hitler afatanyije n'abambari be bo mu Ishyaka ry'Aba-Nazi.

Ni umuhango wabaye hifashishijwe ikoranabuhanga mu rwego rwo kwirinda ikwirakwira ry'icyorezo cya COVID-19.

Minisitiri Busingye yavuze ko Jenoside yakorewe Abayahudi n'iyakorewe Abatutsi zifite umwihariko.

Yakomeje ati 'Mu 1994 u Rwanda rwari mu kaga ka Jenoside yakorewe Abatutsi. Uyu munsi nk'uko twibuka, turasangira amateka amwe y'ibyago twagize. Imbaga y'Abayahudi bishwe ndetse na Jenoside yakorewe Abatutsi ntibizigera byibagirana mu ntekerezo z'ikiremwamuntu.”

Yavuze ko yaba Jenoside yakorewe Abatutsi mu 1994 ndetse n'iy'Abayahudi zifite umwihariko bidashingiye ku buremere bwa Jenoside ahubwo bishingiye ku mateka y'ibihugu.

Ati 'Jenoside yakorewe Abayahudi (Holocaust) yabaye mu 1939 kugeza 1945, byanatumye Isi yemeza ko Jenoside itazongera ukundi. Nyuma yaho gato Jenoside yakorewe Abatutsi yarabaye kandi nabwo byari bimaze kwemezwa ko Jenoside itazongera kubaho ukundi.'

'Icyo nshaka kuvuga ni uko twakosora uko gutsindwa kwabaye maze tugakora ikigomba gukorwa koko.'

Minisitiri Busingye yavuze ko u Rwanda na Israel bihuje amateka kuko uburyo Jenoside zabyibasiye zateguwe ari bumwe, aho abayiteguraga bagenderaga ku moko, gutesha agaciro umuntu, ivangura n'ibindi.

Ambasaderi wa Israel mu Rwanda, Dr Ron Adam, yavuze ko kuba igihugu cye na Ambasade y'u Budage byarafatanyije gutegura gahunda yo kwibuka ari urugero rwiza rw'ibyagerwaho abantu baramutse biyunze kandi bagafatanya.

Ati 'Iyi gahunda yo kwibuka yateguwe na Ambasade ya Israel n'iy'u Budage mu Rwanda, ni urugero rwiza rw'ibyo twageraho duhisemo ubuzima.'

Dr Ron Adam yavuze ko kwibuka biri mu nshingano zigamije guha agaciro abazize Jenoside kandi haharanirwa ko itazongera ukundi.

Ati 'Ni inshingano zacu kwibuka abazize Jenoside yakorewe Abayahudi kandi duharanira ko ibi byabaye bitazongera ukundi.'

Dr Ron Adam yasabye abantu kongera gutekereza ku mateka azatuma bubaka ahazaza harangwamo amahoro, ukuri, ubumwe n'ubwiyunge ndetse no kurushaho gukorera hamwe.

Nyiricyubahiro Antoine Cardinal Kambanda na we witabiriye uyu muhango yavuze ko bibabaje kubona umuntu atotezwa akanicwa azize uko yavutse ndetse yibukije abantu ko baremwe mu ishusho imwe y'Imana bityo ko bakwiye kubaho nk'abavandimwe.

Ati 'Birababaje kubona umuntu atoteza akanica mugenzi we amuziza aho akomoka, nta muntu n'umwe wagize uruhare mu kugena igihugu avukiramo, uruhu byose bitangwa n'Imana, Umuremyi wacu.'

Yavuze ko kwibuka Jenoside y'Abayahudi byongera gutanga umukoro wo kongera kwiyunga n'Imana, umuryango mugari ndetse no kongera kwiyunga n'amateka.

Ati 'Kwibuka Jenoside yakorewe Abayahudi biraduha umukoro wo kwiyunga n'Imana, kwiyunga n'umuryango mugari no kongera kwiyunga n'amateka yacu. Icya kabiri ni uko tugomba gushyira imbaraga mu kwigisha urubyiruko.'

Jenoside yakorewe Abayahudi yatangiye mu 1939 irangira mu 1945, yahitanye abagera kuri miliyoni esheshatu.

Minisitiri w'Ubutabera akaba n'Intumwa Nkuru ya Leta y'u Rwanda, Busingye Johnston, yavuze ko Jenoside yakorewe Abatutsi n’iyakorewe Abayahudi zitazibagirana