Webrwanda Backend

Author: webrwanda

  • Kirehe : Arakekwaho kwica nyina w’imyaka 62 amukase ijosi #rwanda #RwOT

    Umunyamabanga Nshingwabikorwa w’Umusigire w’Umurenge wa Gahara, Nkundimana Faustin yabwiye Igihe dukesha iyi nkuru ko nyuma y’urupfu rw’uyu mukecuru, hahise hafatwa abakekwa barimo umuhungu we w’imyaka 25 bahoze babana ariko akaza kumusiga kuko bahoraga mu makimbirane.

    Uyu musore yafunganywe n’abandi batatu baherutse gukubita uyu nyakwigendera wishwe akaswe ijosi, ubu bakaba bafungiye kuri station y’Urwego rw’Igihugu rw’Ubugenzacyaha RIB ya Gahara.

    Urupfu rw’uyu mukecuru w’imyaka 62 rwaraye rubaye mu ijoro ryakeye ubwo umwe mu buzukuru be babanaga yajyaga hanze akumva nyirakuru ari gusamba, agahita ajya kubibwira abandi.

    Nkundimana Faustin yagize ati 'akana kamwe kabyutse kagiye hanze gasanga nyirakuru ari gutera imigeri ngo kamugereho gasanga yuzuye amaraso umwana ariruka ajya kubwira se basanga byarangiye yapfuye, urebye bakebye ijosi ryose.'

    Uyu muyobozi avuga ko uriya muhungu wa nyakwigendera ukekwaho kwica nyina, babanaga ariko akaza kujya gukodesha hafi yaho kuko bakundaga kugirana amakimbirane shingiye ku kuba nyina yarangaga ko uriya musore arya atakoze.

    Yagize ati 'Icyo gihe abana b’uyu mukecuru bandi bamuzaniraga ibyo kurya uyu muhungu akabiteka ntamuhe ibindi akabigurisha.'

    Avuga ko mu ntangiro z’uku kwezi, ngo uriya musore yazanye n’abandi batatu banywera urumogi, nyakwigendera akabiyama, abandi bakamwadukira bakamukubita.

    UKWEZI.RW

    Source : http://www.ukwezi.rw/mu-rwanda/2/article/Kirehe-Arakekwaho-kwica-nyina-w-imyaka-62-amukase-ijosi

  • Babangiye gushyingura umuntu wabo ngo ni umwirabura #rwanda #RwOT

    Umuryango w'umupolisi uheruka kwitaba Imana muri louisiana mu burengerazuba bwa New Orleans washenguwe bikomeye no kwimwa umwanya wo gushyinguramo umuntu wabo mu irimbi.

    Darrell Semien yari yungirije umukuru w'igipolisi cyo mu gace ka Berlin mu burengerazuba bwa new Orleans yitabye Imana ku cyumweru gishize azize indwara ya cancel. Ubwo umugore we witwa Karla Semien n'umwana we bajyaga kwaka aho kumushyingura mu irimbi ryitwa Oaklin Springs riri mu gace batuyemo batunguwe nuko umukozi ukora mo yababwiye ko iryo rimbi ari iryabazungu gusa anabereka urupapuro rwasinwe n'abashinze iri rimbi rwemeza ko ari iryabazungu gusa.

    Aganira ba Cbs news dukesha iyi nkuru umupfakazi wa Semien n'agahinda kenshi yavuzeko mu gihe bamaze baturanye niryo rimbi batari bazi ibyiryo vangura, gusa umuyobozi w'irimbi witwa H crein vizena yireguye avugako ayo mategeko ari ayakera ubwo irimbi ryubakwaga ni mbere ya 1960. Ibi bibaye mu gihe hashize imyaka 50 hasinywe itegeko rirwanya ivangura iryaryo ryose (civil rights act)

    Darrell semien yitabye Imana afite imyaka 55. Nyuma yuko ubuyobozi bw'irimbi rya 0aklin springs bwemeye kubahera aho gushyingura umuryango ea semien wavuze ko utashyingura umuntu wabo aho ahubwo byaruta bakamujyana kure yaho batuye.

    urupapuro rugaragaza ko iri aririmbi ry'abazungu gusa.

    Source : https://impanuro.rw/2021/01/30/babangiye-gushyingura-umuntu-wabo-ngo-ni-umwirabura/

  • Abakinnyi 13 ba RDC basanzwemo COVID19 mbere y'umukino ubahuza na Cameroun. – YEGOB #rwanda #RwOT

    Kuri uyu wa Gatandatu tariki ya 30 Mutarama 2021 nibwo ikipe y'igihugu ya Repubulika Iharanira Demokarasi ya Kongo iri bucakirane na Cameroun mu mikino ya 1/4 muri CHAN 2020 ,gusa inkuru mbi kuri DRC niko anakinnyi bayo 13 bose bamaze gupimwa bagasangwamo icyorezo cya Covid-19.

    Ikinyamakuru African news cyatangaje ko abakinnyi 13 hamwe n'abanyamuryango 3 bagize itsinda ry'abatoza b'iyi kipe bapimwe bagasanga baranduye Covid-19 kuva amarushanwa yatangira, bivuze ko iyi kipe y'Ingwe za Kongo itari buze kuba ihagaze neza mu kibuga ndetse ntawabura kuvuga ko ibi bishobora guhesha amahirwe ikipe ya Cameroun yo kwerekeza muri 1/2 cy'irangiza bitayigoye.

     

    Like this:

    Like Loading…

    Source : https://yegob.rw/abakinnyi-13-ba-rdc-basanzwemo-covid19-mbere-yumukino-ubahuza-na-cameroun/

  • Kamonyi: Ibisambo byaraye bigiye kwiba, bitema abanyerondo, kimwe muri byo kihasiga ubuzima #rwanda #RwOT

    Ni mu ijoro ryacyeye ubwo ibisambo byateraga mu Mudugudu wa Kamabuye, Akagari ka Ngoma, Umurenge wa Nyamiyaga ho mukarere ka Kamonyi, bigiye kwiba ihene z'umuturage. Byarwanye n'abanyerondo bitemamo babiri, ariko nabyo mu guhunga kimwe cyahasize ubuzima.

    Nkuko Umunyamabanga Nshingwabikorwa w'Umurenge wa Nyamiyaga, Kubwimana yabibwiye intyoza.com, ibi bisambo ngo byateye mu masaha y'i saa saba z'ijoro bigamije kwiba ihene ebyiri z'umuturage, aho byanazitwaye abanyerondo bagatesha.

    Avuga ko muri uku kubatesha izo hene bari bibye, abanyerondo babiri bakomerekeye mu kubatesha, aho batemwe, umwe mu mutwe undi ku biganza, ariko umwe muri aba bajura nawe ngo akaba yirutse agwira ibuye ahita apfa.

    Gitifu yagize ati' Twagize ibyago, hari abajura baje kwiba, bari batwaye ihene ebyiri abanyerondo barababona, bazibambuye hari umunyerondo batemye mu mutwe undi bamutema mukiganza, noneho undi (umujura) arirukanka, ni ahantu hacunshumuka niyo makuru baduhaye, yikubita hasi agwira igishyinga cy'amabuye nicyo yari ariho, akubitaho umusaya ahita yuma'.

    Uyu Munyamabanga Nshingwabikorwa avuga ko muri iki gitondo cy'uyu wa Gatandatu urwego rw'Ubugenzacyaha-RIB, abaturutse Kigali ndetse n'abakorera ku Mugina baje gukora iperereza, aho ubwo twandika iyi nkuru hari hagitegerejwe imodoka itwara uwapfuye.

    Ihene zateshejwe abajura.

    Abagiye kwiba, bateye urugo rw'uwitwa Karangwa Francois w'imyaka 48 y'amavuko, bapfumura inzu bazitura ihene ebyiri. Abanyerondo 2 bakomerekejwe bajyanwe ku kigo nderabuzima cya Mugina ngo bavugwe.

    Munyaneza Theogene intyoza.com

    Source : http://www.intyoza.com/kamonyi-ibisambo-byaraye-bigiye-kwiba-bitema-abanyerondo-kimwe-muri-byo-kihasiga-ubuzima/

  • Diamond yavuze agahinda yatewe n'ubukwe bwe n'umukobwa bivugwa ko ari umunyarwandakazi bwapfuye ku munota wa nyuma #rwanda #RwOT

    Mu Kwezi k'Ukwakira 2020 nibwo hatangiye kumvikana amakuru y'uko umuhanzi Diamond Platnumz ari mu myiteguro y'ubukwe hamwe n'umukobwa ufite inkomoko mu Rwanda.

    Ubu bukwe bwari kuba nyuma y'Amatora y'umukuru w'igihugu cya Tanzania yabaye mu Ukwakira 2020 dore ko ari nayo yari yatumye Diamond Platnumz abwigiza inyuma.

    Mu kiganiro yagiranye Wasafi Radio, Diamond Platnumz yavuze ko ubu bukwe bwe bwaje gupfa biturutse ku mukobwa wamufuhiraga cyane.

    Ati 'Arafuha cyane ndabyibutse umunsi umwe nigeze kujya muri gahunda za Zuchu mbyina na Wema na Hamissa atangiza intambara ngo wowe uri umubeshyi, ubwo uri gukora ibiki? Byari ku nshuro ya kabiri, ndibaza nti 'ibi bintu nzabibasha koko? Narebye ukuntu akazi Kanye k'umuziki kameze kandi narashakaga umuntu ushobora kunyumva mbona bitashoboka.'

    Diamond yavuze ko uyu mukobwa yari mwiza cyane kandi yanamukundaga ku buryo yahereye mu 2013 amutereta akamwemera mu 2020.

    Bitandukanye n'ibyo ibitangazamakuru byagiye bivuga ko uyu mukobwa ari umunyarwandakazi, Diamond yavuze ko afite nyina w'umwarabukazi na se w'umurundi.

    Ubukwe bwa Diamond bwapfuye mu gihe yari ageze kure imyiteguro dore ko yari yaramaze kugura ikanzu umugore we azambara ifite agaciro k'amadorali ya Amerika ibihumbi birindwi.

    Kugeza ubu Diamond avuga ko nta mukunzi afite, ahakana ibyo gusubirana na Tanasha baherutse kugaragara babyinana ku rubyiniro rumwe.

    Source : http://umuryango.rw/imyidagaduro/article/diamond-yavuze-agahinda-yatewe-n-ubukwe-bwe-bwapfuye-ku-munota-wanyuma

  • Diamond Platnumz yahishuye abandi bana yabyaye biyongera ku bazwi #rwanda #RwOT

    Aganira na Radio ye ya WASAFI FM, Diamond yavuze ko hari abandi bana babiri basanzwe batazwi na rubanda ariko ko bizashira akabatangaza mu ruhame.

    Yavuze ko imfura ye yari izwi nka Princess Tiffah yabyaranye na Zari Hassana, atari we mwana we w'imfura, ko ahubwo imfura ye ari umwana w'umukobwa yabyaranye n'umugore utuye mu Ntara ya Mwanza.

    Diamond kuri radiyo ye ati: 'Mvugishije ukuri, mfite abana batandatu. Kubera ko hari uwo mfite i Mwanza ariko nyina ntiyari yarigeze abimbwira. Nanjye nari nziko Tiffah ari we mwana wanjye w'imfura ariko naje kumenya ko mfite undi mwana w'umukobwa w'imfura.'

    ('Kusema ukweli inawezekana niko na watoto sita. Kwa sababu mtoto mmoja Mwanza ambaye of course mamake hakuwa hajaniambia. Mimi nilikuwa nafikiria Latiffa ndio mtoto wangu wa kwanza lakini nimejua niko na mtoto mwingine wa kwanza wa kike pia.')

    Gusa ngo Diamond ntaramubonaho n'ubwo nyina Sanura Sandra yamukubise amaso, agahita yemeza ko ari umwuzukuru we. Ati: 'Mama yaramubonye aratangara ngo daaah!, mwana wanjye uyu mwana ni uwawe. Njye sindamubona.'

    Ku mwana wa kabiri mu bari batazwi, Diamond ntacyo yigeze amutangazaho, gusa yemeza ko ahari ('Mama amemuona akasema daah! Mwanangu huyu ni mwanao. Mimi bado sijamuona.')

    Byari bizwi ko Diamond afite abana bane harimo; umuhungu n'umukobwa yabyaranye na Zari Hassan Tlale aribo; Nillan na Latiffah. Hari kandi uwo yabyaranye na Hamisa Mobetto witwa Dylan n'uwo aherutse kubyarana na Tanasha Donna witwa Naseeb Junior.

    Source : http://umuryango.rw/imyidagaduro/article/diamond-platnumz-yahishuye-abandi-bana-yabyaye-biyongera-ku-bazwi

  • COVID-19: Ruswa mu nzego z’ibanze yikubye hafi inshuro ebyiri mu 2020 – #rwanda #RwOT

    Ni ubushakashatsi ngarukamwaka TI-RW ikora igamije kureba uko ruswa ihagaze mu Rwanda (Rwanda Bribery Index, RBI), ubwa 2020 ikaba yarabutangaje ku mugaragaro ku wa 28 Mutarama 2020, hifashishijwe ikoranabuhanga.

    Ubu bushakashatsi bwagaragaje ko mu nzego z’ibanze ruswa yazamutse cyane, kuko yavuye ku kigero cya 2,51% mu 2019, igera kuri 4,90% mu 2020, bikaba byaratumye zigera ku mwanya wa gatanu mu nzego zirangwamo ruswa kurusha izindi.

    N’ubwo inzego z’ibanze zaje ku mwanya wa gatanu nyuma y’izindi nka Polisi Ishami ryo mu muhanda, abikorera, RIB na WASAC; imibare yavuye muri ubu bushakashatsi yagaragaje ko ari zo zakiriye amafaranga menshi ya ruswa, kuko mu mafaranga ya ruswa yose yatanzwe umwaka ushize, 74,37% yakiriwe n’inzego z’ibanze.

    Iyi raporo igaragaza ko mu 2020 hatanzwe amafaranga ya ruswa agera kuri 19.213.188 Frw, muri ayo agera kuri 14.288.500 Frw ahwanye na 74,37% yakiriwe n’inzego z’ibanze, akaba ari zo ziza ku isonga mu kwakira amafaranga menshi ya ruswa mu mwaka ushize wa 2020.

    Ubwo yasobanuraga iby’ubu bushakashatsi kuri Radio 10, Umuyobozi wa TI-RW, Ingabire Marie Immaculée, yavuze ko impamvu y’izamuka rya ruswa mu nzego z’ibanze, ahanini byatewe n’uko mu bihe by’icyorezo cya COVID-19 cyageze mu Rwanda muri Werurwe 2020, inzego z’ibanze ari zo zari nyambere mu gukurikirana iyubahirizwa ry’amabwiriza, hakaba rero hari aho byatumye bamwe babyitwaza bakarya ruswa.

    Yagize ati “Ubu gukingira ikibaba ububari bugafungura bwitwa restaurant kandi ari ububari, gukingira ikibaba amabutike muri quartier agakomeza akora kandi amasaha yo gufunga yageze, guha abantu impushya zo gukora iki n’iki cyangwa kujya aha n’aha, niho cyane cyane ubu yazamukiye.”

    Yakomeje avuga ko abo bose, ari abahindura restaurant utubari, abakora amasaha yarenze, baba barahaye ruswa abayobozi mu nzego z’ibanze bakaba babizi ariko bakabakingira ikibaba.

    Gusa ngo hari n’ubwo baza “bagashobora kukwiyenzaho, utabaha akantu bakagufungira, kubera y’uko bagushinja ngo uracuruza inzoga, kandi wenda ari nta nazo cyangwa zinahari ariko abantu baza bakazigura bakazijyana batazinywereye aho”.

    Uretse kandi ibyo bigendanye n’amabwiriza yo kwirinda COVID-19, mu nzego z’ibanze hakunze kugaragara ruswa cyane muri serivisi zitandukanye, cyane cyane mu gutanga ibyangombwa by’ubutaka, Girinka, n’ibindi.

    Ubu bushakashatsi bwagaragaje ko zimwe mu mpamvu abantu bagaragaje nk’izatumye batanga ruswa, ku isonga haza gushaka ko serivisi basabaga zihutishwa, hari kandi kuba bwari bwo buryo bwonyine bashobora kubonamo izo serivisi, gushaka kubona serivisi batemerewe n’amategeko, kwirinda kugirana ibibazo n’abayobozi ndetse no kudashaka kwishyura ikiguzi cyose cya serivisi.

    Ikindi cyagaragajwe nk’imbogamizi muri ubu bushakashatsi gishobora gutuma na ruswa ikomeza kwiyongera, ni uko abantu badakunda gutanga amakuru kuri ruswa, kuko 88,1% ntibigeze batanga amakuru kuri ruswa, bavuye kuri 86,8% mu 2019.

    Zimwe mu mpamvu zitangwa zituma abantu badakangukira gutanga amakuru kuri ruswa, harimo kumva bitari ngombwa, kwanga kwiteranya n’abayobozi, kutamenya aho batanga amakuru, cyangwa kumva ko abo baha amakuru nabo barya ruswa n’ibindi.

    Ingabire yavuze ko kugira ngo iki kibazo cya ruswa ikomeza kuzamuka mu nzego zimwe na zimwe gikemuke, hakwiye gushyirwaho ingamba zo kutihanganira uwashyizwe mu majwi kubera ruswa.

    Ati “Habayeho ikintu cyo gukurikirana imikorere y’abantu, niba umuntu umwe muri serivisi cyangwa se babiri abantu babashyira mu majwi, kuko biba byavuzwe, baranabikubwira ngo ni kanaka ugiye kureba? Urabe ufite akantu witwaje, noneho umukoresha we ntamukurikirane, erega no kuba binugwanugwa biba bihagije ngo umuvane muri uwo mwanya, wenda ntumwirukane ariko umuhe akandi kazi gatuma ntaho ahurira n’abaturage.”

    Umuyobozi wa TI-RW kandi yavuze ko hakwiye kwimakazwa cyane uburyo bwo gukoresha ikoranabuhanga muri serivisi nyinshi zishoboka, kuko byagaragaye ko ahagiye hakoreshwa ikoranabuhanga abantu ntibahure cyane byatumye ruswa igabanuka, yongeye gusaba n’abaturage kwihutira gutanga amakuru mu gihe cyose basabwe ruswa, bakagira uruhare mu kuyirwanya kuko na yo ari icyorezo.

    Kuva COVID-19 yagera mu Rwanda, ruswa mu nzego z’ibanze yariyongereye cyane

    source http://igihe.com/amakuru/u-rwanda/article/covid-19-ruswa-mu-nzego-z-ibanze-yikubye-hafi-inshuro-ebyiri-mu-2020

  • Polisi yatwitse ibiyobyabwenge birimo ibiro 348 by’urumogi – #rwanda #RwOT

    Byatwikiwe mu Karere ka Gasabo mu Murenge wa Nduba ahasanzwe hakusanyirizwa imyanda iva mu Mujyi wa Kigali ku wa Gatanu tariki ya 29 Mutarama.

    Ibi biyobyabwenge byagiye bifatirwa mu bikorwa bya Polisi mu 2019 na 2020, byafatiwe mu turere twa Kicukiro na Nyarugenge.

    Ubwo hatwikwaga ibi biyobyabwenge Umuvugizi wa Polisi wungirije, CSP Africa Sendahangarwa Apollo, yavuze ko gufatwa kw’ibi biyobyabwenge ndetse n’ababikwirakwizaga byagizwemo uruhare n’abaturage biturutse ku gutangira amakuru ku gihe.

    Ati “Kugira ngo dufate ibi biyoyabwenge n’ababikwirakwiza habamo ubufantanye n’abaturage, abayobozi mu nzego z’ibanze ndetse n’izindi nzego z’umutekano. Ni muri urwo rwego kuva mu 2019 kugeza 2020 twafashe ariya moko atatu y’ibiyobyabwenge (Mugo, urumogi na kanyanga), byafatiwe hano mu Mujyi wa Kigali.”

    CSP Sendahangarwa yakomeje akangurira abantu gukomeza gutanga amakuru kandi bakayatangira ku gihe kugira ngo hakomeze kurwanywa ibiyobyabwenge.

    Yavuze ko biriya biyobyabwenge byose biva mu bihugu bihana imbibi n’u Rwanda ariko cyane cyane urumogi ruturuka muri Repubulika Iharanira Demokarasi ya Congo kuko ababyinjiza mu Rwanda bakunda kwambukira mu Karere ka Rubavu. Naho ikiyobyabwenge cya Kanyanga cyo gikunze kwinjizwa mu Rwanda kivuye muri Uganda.

    Umuvugizi wa Polisi wungirije yakomeje agaragaza ko biriya biyobyabwenge byagiye bifatirwamo abantu b’urubyiruko.

    Yasabye abaturage cyane cyane urubyiruko kwirinda gukoresha ibiyobyabwenge kuko bigira ingaruka ku buzima bw’ubikoresha ndetse kikaba ari icyaha gihanwa n’amategeko.

    Ati “Nta kiza kiba mu biyobyabwenge, byangiza ubuzima bw’abantu, bitera ubukene ababikoresha, ababikoresheje bibatera gukora ibyaha bitandukanye bagafatwa bagafungwa. Usibye n’ibyo kandi kwishora mu biyobyabwenge uko wabikora kose ni icyaha gihanwa n’amategeko ubifatiwemo arafungwa.”

    Iteka rya minisitiri nº 001/moh/2019 ryo ku wa 04/03/2019 rigena urutonde rw’ibiyobyabwenge n’ibyiciro byabyo rishyira ikiyobyabwenge cya Mugo n’urumogi mu biyobyabwenge bihambaye.

    Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 263 ivuga ko Umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze icyaha. Iyo abihamijwe n’urukiko ahanishwa igifungo cya burundu n’ihazabu y’amafaranga y’u Rwanda arenze miliyoni makumyabiri (20.000.000 FRW) ariko atarenze miliyoni mirongo itatu (30.000.000 FRW) ku byerekeye ibiyobyabwenge bihambaye.

    Ni mu gihe iteka rya minisitiri nº 001/moh/2019 ryo ku wa 04/03/2019 rigena urutonde rw’ibiyobyabwenge n’ibyiciro byabyo rishyira ikiyobyabwenge cya Kanyanga mu biyobyabwenge byoroheje.

    Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 263 ivuga ko umuntu wese ukora, uhinga, uhindura, utunda, ubika, uha undi, ugurisha mu Gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze icyaha. Iyo abihamijwe n’urukiko ahanishwa igifungo kitari munsi y’imyaka irindwi (7) ariko kitarenze imyaka icumi (10) n’ihazabu y’amafaranga y’u Rwanda atari munsi ya miliyoni eshanu (5.000.000 FRW) ariko atageze kuri miliyoni icumi (10.000.000 FRW).

    Parike y’urwego rwisumbuye rwa Nyarugenge ivuga ko hari amadosiye 210 y’abantu bagaragaye mu byaha bijyanye na biriya biyobyabwenge byafashwe kuva mu mwaka wa 2019 kugeza mu mwaka wa 2020.

    Muri ariya madosiye 210, harimo 53 ari muri parike yo mu rwego rw’ibanze rwa Nyarugenge. Abenshi mu bantu bari muri ziriya dosiye bakatiwe n’inkiko barimo kurangiza ibihano byabo abandi baracyaburana.

    Ibiyobyabwenge byatwitswe byafashwe mu bihe bitandukanye mu Mujyi wa Kigali

    source http://igihe.com/amakuru/u-rwanda/article/polisi-yatwitse-ibiyobyabwenge-birimo-ibiro-348-by-urumogi

  • Abantu benshi bakomeje gushinja T.I n'umugore we kubasambanya ku gahato babanje kubaha ibiyobyabwenge. – YEGOB #rwanda #RwOT

    Umuhanzi w'umuraperi TI n'umugore we Tiny barashinjwa gukoresha abagore n'abakobwa ubusambanyi, nyuma yo kubaha ibisindisha.Gusa uyu muryango wamaganiye kure ibibavugwaho.

    Mu ntangiro z'iki cyumweru uwahoze ari inshuti y'umugore w'uyu muhanzi yitwa Sabrina Peterson , yavuze ko uyu muhanzi yamushyize imbunda ku mutwe akamuhohotera.

    Yabitangaje mu butumwa yanyujije ku mbuga nkoranyambaga gusa umugore wa T.I yaje arwanaho umugabo we avuga ko atari byo.

    Yanditse ati 'Ikintu kibabaje cyo kuba umugore byongeye w'umwirabura ni iki, abantu bashimagiza abatugiriye nabi. T.I washyize imbunda ku mutwe wanjye imbere y'abana bawe, gusa sinigeze mpamagara polisi, nk'umwiraburakazi biragoye komora inguma zatewe no gufatwa ku ngufu cyangwa irindi hohoterwa kubera ko uba umeze nk'imvano y'uko ibyo biba byarabaye.'

    Nyuma y'ubu butumwa bwa Sabrina Peterson abandi bagore 15 bagaragaje ko nabo bagiye bakoreshwa imibonano mpuzabitsina ku gahato ndetse bakabaha ibiyobyabwenge. Ibi bikorwa uwabaga abiyoboye ngo ni umugore wa T.I.

    Hari umwe wavuze ko Tiny na T.I bigeze kujya mu rugo rw'umuturanyi we, bakinjira mu rugo bagashimuta umugabo we.

    Umugore wa T.I ariko ibi arabihakana akavuga ko ari uguharabika umuryango we, yasubije ubutumwa Sabrina agira ati 'Ba witonze ushaka ko uwaguhohoteye atoza abahungu bawe? Yari [avuga T.I] ameze nka nyirarume cyangwa se wabo w'abana bawe none wavuga ko umugabo wanjye yaguhohoteye ryari ? rekera gusebya umuryango wanjye. Uteye ubwoba. Ndakwinginze saba ubufasha ariko undekere umuryango.'

    Nk'uko Daily Mail yabitangaje ngo kuri ubu TI na we yamaze guhakana aya makuru avuga ko bamubeshyera.

    Like this:

    Like Loading…

    Source : https://yegob.rw/abantu-benshi-bakomeje-gushinja-t-i-numugore-we-kubasambanya-ku-gahato-babanje-kubaha-ibiyobyabwenge/

  • Abifuza guha ishimwe Amavubi bagomba kubanza kubisaba Minisitiri #rwanda #RwOT

    Iri tangazo rije nyuma y’uko hagaragaye abantu bagiye bashyiraha ibisa nk’intego bavuga ko mu gihe ikipe y’Igihugu yakora ibi n’ibi (yatsinda ikipe runaka cyangwa yagera mu kiciro runaka) bazaha abakinnyi amafaranga aya n’aya.

    Abo barimo Kakooza Nkuriza Charles uzwi nka KNC ndetse na Munyakazi Sadate bazwi mu ruganda rw’umupira w’amaguru mu Rwanda ndetse n’abandi batandukanye.

    Ishyirahamwe ry’Umupira w’Amaguru mu Rwanda (FERWAFA) ryasohoye itangazo risa nko guca ibi byafashwe nk’akajagari kuri bamwe, rigaragaza uburyo abifuza guha inkunga ikipe y’Igihugu babikoramo.

    Iri tangazo rivuga ko uwifuza gukora iki gikora, agomba kubanza kwandikira Minisitiri wa Siporo babisabira uburenganzira bakagenera kopi FERWAFA.

    Mu ibaruwa hagomba kuba hagaragaramo ingano y’ishimw umuntu yifuza gutanga n’uburyo rizatangwamo.

    Iyi baruwa kandi igomba kuzaba igaragaraza abagenewe ririya shimwe niba ari abakinnyi cyangwa abagize ikipe rya tekinike.

    Uwandika azanagaragaza uburyo atanzemo iryo shimwe niba ari umuntu ku giti cye cyangwa ari ikigo runaka.

    Iri tangazo rya FERWAFA rigira riti 'Nyuma yo kwemererwa uwasabye agomba kuba yagejeje ishimwe yagennye kuri FERWAFA mu gihe kitarenze iminsi itanu y’akazi kugira ngo rishyikirizwe abo rigenewe.'

    UKWEZI.RW

    Source : http://www.ukwezi.rw/Imikino/article/Abifuza-guha-ishimwe-Amavubi-bagomba-kubanza-kubisaba-Minisitiri