Webrwanda Backend

Author: webrwanda

  • Covid_19 yatweretse ko twese dushoboye ibikorwa by'ubutwari – Perezida Paul KAGAME #rwanda #RwOT

    Perezida Paul KAGAME yatangaje ko COVID-19 yerekanye ko buri munyarwanda afite ubushobozi kubikorwa by'ubutwari.

    Abinyujije kurukutarwe rwa twitter, umukuru w'igihugu yavuze ko urugamba rwo guhashya COVID-19 rugikomeje, ashima inzego z'ubuzima n'iz'umutekano ku bwitange n'ubutwari bwabo, asaba buri munyarwanda gukomeze guharanira kurinda mugenzi we.

    Iki cyorezo cyatweretse ko twese dushoboye ibikorwa by'ubutwari. Mu gihe tugikomeje urugamba rwo kurwanya Covid-19, turashima inzego z’ubuzima bari ku isonga, n’inzego z’umutekano kubera ubwitange n’ubutwari bwabo. Buri munyarwanda akomeze guharanira kurinda mugenzi we.

    — Paul Kagame (@PaulKagame) February 1, 2021

    Umukuru w'igihugu yatangaje ibi mu gihe kuri uyu wambere tariki ya 1 Gashyantare u Rwanda rwizihiza umunsi w'intwari .

    Uyu munsi usanze abanyarwanda n'isi muri rusange byugarijwe na Corona virus.

    Ubusanzwe uyumunsi wizihizwaga mubirori rusange gusa kuri ubu siko bimeze kuko kuri iyinshuro harimo impinduka yatewe n'icyorezo kitwugarije.

    Murwego rwo gukomeza kwirinda abanyanyarwanda abaraza kuwizihiza bifashishije uburyo bw'ikoranabuhanga.

    Umukuru w'igihugu yifurije abanyarwanda umunsi mukuru agira ati 'Iki cyorezo cyatweretse ko twese dushoboye ibikorwa by'ubutwari. Mu gihe tugikomeje urugamba rwo kurwanya Covid-19, turashima inzego z'ubuzima bari ku isonga, n'inzego z'umutekano kubera ubwitange n'ubutwari bwabo. Buri munyarwanda akomeze guharanira kurinda mugenzi we'.

    Umuryango FPR Inkotanyi wifurije Abanyarwada bose umunsi mwiza w'intwari z'igihugu cyacu zabayeho mu bihe bitandukanye by'amateka y'u Rwanda ,aho insanganyamatsiko igira iti ' UBUTWARI MU BANYA RWANDA AGACIRO KACU '

    Hari bimwe mu bikorwa abanyarwanda benshi baba biteze k'umunsi nkuyu birimo imikino y'umupira w'amaguru, imipira y'amaboko, gusiganwa ku magare, ibyo bintu babyishimiraga ariko muri iki gihe ho ntibishoboka.

    Gusa kuri ubu hateganyijwe igitaramo gisingiza Intwari, kiza gutambutswa kuri Televiziyo.

    %

    Source : https://impanuro.rw/2021/02/01/covid_19-yatweretse-ko-twese-dushoboye-ibikorwa-byubutwari-perezida-paul-kagame/

  • Umusore usa na Perezida Kagame yamusabye ikintu gitangaje [AMAFOTO] #rwanda #RwOT

    Umusore utuye mu Mujyi wa Ouagadougou muri Burkina Faso, akomeje guca ibintu ku mbuga nkoranyambaga bitewe n'uburyo asa neza na Perezida wa Repubulika y'u Rwanda Paul Kagame ndetse nawe ngo arifuza ko bazahura.

    Uyu musore nawe ubizi neza ko asa na Perezida Kagame afite inzozi zo guhura na Nyakubahwa Perezida Kagame ari nayo mpamvu abantu benshi bari gukwirakwiza aya mafoto bari gusaba ko uwo musore yafashwa kugera ku nzozi ze.

    Uyu musore ukiri muto asanzwe yituriye mu gace k'akajagari k'Umurwa Mukuru wa Burkina Faso,Ouagadougou.

    Kubera ukuntu asa n'umukuru w'Igihugu cy'u Rwanda,Paul Kagame byatumye benshi bamutazira amazina ye, aho kuri ubu yamenyerewe kwitwa Paul Kagame n'ubwo na we atamuzi amaso ku maso.

    Uyu musore bigaragara ko ari hagati y'imyaka 28 na 35, aho abamubona bavuga ko iyo aza kuba afite imyaka 63 y'amavuko byari gukekwa ko yaba ari impanga ya Paul Kagame.


    Source : http://umuryango.rw/ubuzima-115/imibereho/article/umusore-usa-na-perezida-kagame-yaciye-ibintu-ku-mbuga-nkoranyambaga-amafoto

  • U Rwanda ni imbuto y’ubutwari bw’Abarwitangiye: Uko Perezida Kagame yunamiye Intwari Umwaka ushize #Rwanda #RwOT via @kigalitoday #rwanda #RwOT

    Perezida Kagame yunamira Intwari z
    Perezida Kagame yunamira Intwari z’igihugu umwaka ushize

    Ubusanzwe ibi birori byo kwizihiza Intwari z’u Rwanda, byabimbutirwaga n’Umuhango wo kunamira izo Ntwari ubera ku gicumbi cyazo, uwo muhango ukaba ukorwa na Perezida wa Repubulika, Paul Kagame.

    Muri uyu mwaka uyu muhango ntiwakunze, kubera ingamba zo kwirinda ikwirakwizwa ry’icyorezo cya Covid19, ndetse na Guma mu Rugo u Rwanda rurimo muri iyi minsi.

    Intwari z’u Rwanda zibukwa buri gihe kuri iyi tariki, ziri mu byiciro bitatu birimo , Imanzi, Imena, Ingenzi.

    Mu Ntwari z’Imanzi harimo Maj Gen Fred Gisa Rwigema, ndetse n’Umusirikare utazwi uhagarariye abandi baguye ku rugamba rwo kubohora Igihugu.

    Umuryango wa Maj Gen Fred Gisa Rwigema Ushyira Indabo ku gituro cye umwaka ushize
    Umuryango wa Maj Gen Fred Gisa Rwigema Ushyira Indabo ku gituro cye umwaka ushize
    Igituro cy
    Igituro cy’Umusirikare utazwi gihabwa icyubahiro

    Mu Ntwari z’Imena harimo Umwami Mutara wa III Rudahigwa, Rwagasana Michel, Uwiringiyimana Agathe, Niyitegeka Felicite ndetse n’Abanyeshuri bigaga Inyange banze kwivangura bikaviramo bamwe kwicwa abandi ubu bakaba barahamugariye.

    Aba babyeyi ni abo mu Muryango wa Mutara III Rudahigwa bashyira Indabo ku gituro cye Umwaka ushize
    Aba babyeyi ni abo mu Muryango wa Mutara III Rudahigwa bashyira Indabo ku gituro cye Umwaka ushize
    Abo mu muryango wa Uwiringiyimana Agathe bashyira Indabo ku gituro cye Umwaka ushize
    Abo mu muryango wa Uwiringiyimana Agathe bashyira Indabo ku gituro cye Umwaka ushize
    Abo mu muryango wa Rwagasana Michel Bashyira Indabo ku gituro cye umwaka ushize
    Abo mu muryango wa Rwagasana Michel Bashyira Indabo ku gituro cye umwaka ushize
    Abahagarariye Intwari z
    Abahagarariye Intwari z’Inyange bashyira Indabo ku gituro cya bagenzi babo umwaka ushize

    Abari mu cyiciro cy’Ingezi ntibaramenyekana kuko hakirimo gukorwa ubushakashatsi ngo hamenyekane abazashyirwamo.

    Dore mu mafoto uko Perezida Kagame yunamiye Intwari z‘u Rwanda, umwaka ushize

    Perezida Kagame buri mwaka yunamira Intwari zitangiye u Rwanda
    Perezida Kagame buri mwaka yunamira Intwari zitangiye u Rwanda
    Uyu muhango ubimburirwa n
    Uyu muhango ubimburirwa n’umunota wo Kwibuka Intwari z’u Rwanda
    Ukuriye abahagarariye ibihugu byabo mu Rwanda yari yitabiriye uwo muhango umwaka ushize
    Ukuriye abahagarariye ibihugu byabo mu Rwanda yari yitabiriye uwo muhango umwaka ushize
    Minisitiri w
    Minisitiri w’Umuco n’Urubyiruko ni we wakiriye Perezida Kagame muri uyu muhango

    Ingabo z
    Ingabo z’u Rwanda itsinda ricuranga imiziki y’ibirori ryari muri uyu muhango

    Dore uko Intwari z’u Rwanda zunamiwe umwaka ushize muri video

    Photo: Archives Kigali Today

    source https://www.kigalitoday.com/amakuru/amakuru-mu-rwanda/article/u-rwanda-ni-imbuto-y-ubutwari-bw-abarwitangiye-uko-perezida-kagame-yunamiye-intwari-umwaka-ushize

  • GHANA:Abagabo bakize Coronavirus bagera mu ngo zabo gutera akabariro bikanga #rwanda #RwOT

    Ishyirahamwe ry'ubuvuzi rya Ghana (GMA) ariryo shyirahamwe ry'abaganga b'ubuvuzi ryemeje ko ryakiriye ibirego byinshi ku mikorere mibi y'umugabo urokotse Covid-19.

    Nk'uko byatangajwe na Visi Perezida w'iryo shyirahamwe, Dr. Frank Serebour, ashimangira ko abantu benshi bakize indwara ya Covid-19 barimo kugira ubundi buryo budasanzwe bwo kutagira ubushake mu gihe cy'imibonano mpuzabitsina mu gihe abandi nta zindi ngorane bafite.

    Yatangaje ati: 'Ingaruka za Covid-19 ziragenda zigaragara ndetse n'ubushakashatsi bumwe bwerekana ko abagabo bamwe bakize burundu ubwandu bwa virusi baba batakibasha kugira ubushake mu mibonano mpuzabitsina'.

    Ku rundi ruhande, umuyobozi w'akarere ka Ashanti wa serivisi ishinzwe ubuzima muri Ghana, Dr. Emmanuel Tenkorang yagaragaje ko iki ari ikibazo cy'ingutu kigomba gukorwaho iperereza.

    Ghana imaze kubarura abantu barenga 3,600 banduye Covid-19 mu gihe abitabye Imana bagera kuri 372.

    Source : http://umuryango.rw/amakuru/mu-mahanga/article/ghana-abagabo-bakize-coronavirus-bagera-mu-ngo-zabo-gutera-akabariro-bikanga

  • Perezida Paul Kagame yasabye abanyarwanda kuraga indangagaciro z'ubutwari abazabakomokaho #rwanda #RwOT

    Perezida Kagame abinyujije kuri Twitter,yabwiye Abanyarwanda ko igihugu cyiza bafite ubu ari imbuto z'ubutwari bwagaragajwe n'izi ntwari.

    Yasabye Abanyarwanda ko umuco w'Ubutwari ugomba kuba uruhererekane 'tuzakomeza kuraga abato'.

    Yagize ati 'Mbifurije umunsi mwiza w'Intwari. Intwari twizihiza, ni Abanyarwanda bagaragaje kwitangira u Rwanda batizigama. Batubereye urugero rw'ibishoboka. Ubu u Rwanda rukaba ari imbuto z'ubutwari bwabo. Uwo muco ugomba kuba uruhererekane tuzakomeza kuraga abato.

    Yakomeje ashimira ubutwari bw'inzego z'ubuzima ndetse n'inzego z'umutekano kubera ubwitange n'ubutwari bwabo mu guhangana n'icyorezo

    Ati 'Iki cyorezo cyatweretse ko twese dushoboye ibikorwa by'ubutwari. Mu gihe tugikomeje urugamba rwo kurwanya Covid-19, turashima inzego z'ubuzima bari ku isonga, n'inzego z'umutekano kubera ubwitange n'ubutwari bwabo. Buri munyarwanda akomeze guharanira kurinda mugenzi we.'

    Kugeza ubu intwari z'u Rwanda ziri mu byiciro bitatu ari byo Imanzi igizwe n'Umusirikare utazwi na General Major Fred Gisa Rwigema; Imena zirimo Umwami Mutara wa III Rudahigwa, Rwagasana Michel, Agathe Uwiringiyimana, Niyitegeka Félicité n'Abanyeshuri b'Inyange. Icyiciro cya gatatu n'Ingenzi ariko nta ntwari n'imwe irashyirwamo.

    Kuri iyi nshuro ya 27u u Rwanda rwizihiza umunsi w'intwari, insangayamatsiko igira iti 'Ubutwari mu Banyarwanda, Agaciro kacu'.

    Source : http://umuryango.rw/amakuru/mu-rwanda/politiki/article/perezida-paul-kagame-yasabye-abanyarwanda-kuraga-indangagaciro-z-ubutwari

  • Sandrine Isheja umaze kwigarurira imitima ya benshi yakuze yumva azaba umuhanzi ukomeye #rwanda #RwOT

    Mu gihe cy'imyaka isaga 10 atangiye kumvikana kuri radiyo yabereye urugero abakobwa benshi, bakunda kandi batinyuka uyu mwuga wiganjemo ab'igitsina gabo.

    Kuri uyu wa gatanu yatumiwe mu kiganiro Breakfast With The Stars asanzwe akora kuri KISS FM, avuga ku rugendo rwe rw'itangazamakuru n'ubuzima bwe bwite.

    Sandrine Isheja yavuze ko yakuze yiyumvamo impano yo kuririmba, ndetse yakoze indirimbo imwe n'ubwo itigeze ijya hanze.

    Ibyo gukora itangazamakuru yatangiye kubyiyumvamo akuze ariko by'umwihariko yiyemeje kurikora kugira ngo akosore ibyakozwe n'itangazamakuru rya mbere ya Jenoside yakorewe Abatutsi ryabibye urwango mu banyarwanda.

    Ati 'Nabonye icyo itangazamakuru ribi ryakoze mu Rwanda. Kwigisha abantu urwango, hahandi umuntu agera akica undi. Ndavuga nti ngomba guhagarara muri uriya mwanya kugira ngo ikibi ntikizaceho mpari.'

    Ku myaka 28 Sandrine yari arangije icyiciro cya gatatu cya kaminuza ndetse ashinze urugo n'umukunzi we. Kuri ubu bafitanye umwana w'umuhungu w'imyaka ine.

    Kuri KISS FM akora ikiganiro gitangira saa kumi n'ebyiri za mu gitondo, bisobanuye ko byibuze saa kumi n'imwe aba yabyutse kugira ngo yitegura atangirire akazi igihe.

    Ni ibintu avuga ko bitoroshye guhuza inshingano z'urugo no gukora akazi nk'aka by'umwihariko ku mubyeyi uba ugomba kwita ku mwana we.

    Ati 'Biravuna kuko umwana ntaba abyitayeho ko nabyutse saa kumi n'imwe ningera mu rugo arashaka urwo rukundo, aranshaka ibyo kumubwira ngo nazindutse ntabyitayeho. Ni ukugereranya niba uyu munsi mucitse kuko papa we ahari nkabona umwanya wo kuruhuka ntabwo nabimukora igihe cyose'

    Umugabo we ni na we 'manager'

    Uretse kuba ari umunyamakurukazi, Sandrine Isheja abona akazi gatandukanye nko kuyobora ibiganiro, ibitaramo n'indi minsi mikuru, kwamamaza ku mbuga nkoranyambaga n'ibindi.

    Umugabo we rero ni we ushinzwe kumvikana n'abakiriya bashaka gukorana na we, ibintu avuga ko ari umugisha kugira umugabo umushyigikira kazi ke.

    Ati 'Ni umugisha kugira umuntu ukumva, ugishyigikira, ugutera ingabo mu bitugu kandi ushaka ko ugera kure. Ni we mujyanama wanjye ushatse nko kumpa akazi ni we muvugana.'

    Mu kazi bijya bibaho ko abantu bashobora kutumvikana ku kintu runaka, Sandrine n'umugabo we nabo bijya bibabaho, ariko bigakemuka neza kuko buri we wese yumva undi.

    Ati 'Hari ibyigeze kuba avuga ngo bari kuduha make, njyewe mbishaka mvuga ngo hari icyo bizatumarira muri CV tunanirwa kumvikana arambwira ati ' ndagushyigikiye ariko nibigupfana ntuzaze urira[…]Bisaba kuganira nkamubwira nti nsobanurira akazi k'umunsi kamarira iki kagiye kunsenyera urugo rw'imyaka yose isigaye? Biramutse bibaye ngombwa nahitamo umugabo wanjye n'urugo rwanjye.'

    Uretse kumushyigikira mu kazi ke, umugabo wa Sandrine Isheja yamushyigikiye mu rugendo rwo gukora siporo yatangiye mu rwego rwo kwivura uburwayi yagize kubera kwiyongera kw'ibiro bye nyuma yo kwibaruka. Bakunze kugaragara bari gukorana imyitozo ngororamubiri bari kumwe.

    Uburere aha umwana we

    N'ubwo aba afite akazi kenshi, Sandrine Isheja agerageza gushakira umwanya uhagije umwana we kugira ngo amuhe urukundo rwa kibyeyi anamutoze uburere bukwiye.

    Abajijwe uko yakwitwara mu gihe umwana we ahise inzira runaka y'ubuzima bwe ariko we atayishaka, yavuze ko yamuganiriza ubundi akamushigikira mu bishoboka byose.

    Ati 'Ni umwana wanjye ariko sinjye wamuremye n'ikimenyimenyi Imana yamumpaye ishatse kumwisubiza cyangwa nanjye ikanjyana nta cyo navuga. Ngerageza kumwigisha ibintu by'ibanze kugira ngo igihe nikigera tuzaganire turebe icyo kintu ingaruka zirimo, ibyiza birimo, icyo namufasha.

    Source : http://umuryango.rw/imyidagaduro/article/sandrine-isheja-umaze-kwigarurira-imitima-ya-benshi-yakuze-yumva-azaba-umuhanzi

  • Amajyaruguru: Dore imishinga minini y’Uturere mu mwaka wa 2021 #Rwanda #RwOT via @kigalitoday #rwanda #RwOT

    Umudugudu w
    Umudugudu w’icyitegererezo wa Kinigi uzaba ugizwe n’inzu 146

    Ku ruhande rw’Akarere ka Musanze harateganywa umushinga ukomeye wo kubaka Umudugudu w’icyitegererezo wa Kinigi (IDP Model Village), aho inyigo yawo yarangiye ndetse n’amazu akaba yaratangiye kuzamurwa.

    Umuyobozi w’akarere ka Musanze, Nuwumuremyi Jeannine, avuga ko uwo mushinga ukomeye cyane aho uzaba ugizwe n’inzu zo guturamo 146 zubakwa mu buryo bugeretse (étage).

    Ni umushinga uzaba ushamikiyeho ibindi bikorwa remezo birimo umuhanda wa kaburimbo uva mu Mujyi wa Musanze ukanyura ku Ishuri Rikuru rya INES Ruhengeri, ndetse n’imihanda iwushamikiyeho ukazaba ureshya na kilometero 16.

    Uwo mushinga w’umudugudu w’icyitegererezo kandi uzaba ushamikiyeho n’ibindi bikorwa remezo birimo, ikigo nderabuzima cya Kinigi ndetse n’ibiraro by’inkoko zirenga ibihumbi bitandatu, mu rwego rwo gufasha abatuye uwo mudugudu kurushaho kwiteza imbere mu bworozi no mu mirire myiza.

    Nuwumuremyi avuga ko bataramenya neza amafaranga azagendera kuri uwo mushinga ati “Ku bijyanye n’amafaranga hari ibyo tukinoza, murumva ko ari umushinga ukomeye urimo iyo mihanda ya kaburimbo, ayo mazu ageretse, ni umushinga tukinoza neza ku buryo ayo uzatwara tuzayabamenyesha mu minsi iri imbere”.

    Mu karere ka Musanze kandi hari n’undi mushinga w’agakiriro aho watangiye gukorwa, kakaba gateganya kwakira abantu batari munsi ya 500, aho uzatwara agera kuri miliyoni 850 z’Amafaranga y’u Rwanda.

    Hari n’undi mushinga wo kubaka imihanda ya kaburimbo mu mujyi wa Musanze ireshya na Kilometero 6.2, mu rwego rwo kurushaho gutuma uwo mujyi usa neza, aho izatwara Miliyari 5.5 z’Amafaranga y’u Rwanda.

    Uwo muyobozi avuga kandi ko amafaranga azakoreshwa muri iyo mishanga azava mu ngengo y’imari y’igihugu.

    Ati “Ubundi Model Village iyo igiye kubakwa, habamo abafatanyabikorwa benshi barimo Minisiteri zinyuranye bitewe n’ikireba Minisiteri runaka. Mu by’ukuri ni amafaranga y’igihugu azakora ibyo bikorwa remezo mu rwego rwo guteza imbere abaturage”.

    Mu karere ka Gakenke naho harateganywa imishinga minini inyuranye, by’umwihariko bakazibanda ku kubaka imihanda no kugeza amazi meza ku baturage.

    Mu mishinga minini iteganywa mu karere ka Gakenke hari no kugeza amazi meza ku baturage
    Mu mishinga minini iteganywa mu karere ka Gakenke hari no kugeza amazi meza ku baturage

    Aganira na Kigali Today, Umuyobozi w’akarere ka Gakenke Nzamwita Déogratias, yavuze ko mu mishanga minini bateganya, ku isonga hari umuhanda wa Buranga – Kamubuga – Rutabo – Base.

    Ati “Muri uyu mwaka wa 2021 umushinga munini dufite ni ugutunganya umuhanda wa Buranga-Kamubuga-Rutare-Base. Ni umuhanda mubi cyane iyo imvura yaguye ntugendeka, tuzawubaka ku nkunga ya Banki y’isi, ureshya na kilometero 37 ukazatwara miliyari 10 na miliyoni 700, aho uzaba ufite utundi duhanda tw’itaka tuwushamikiyeho”.

    Mu mirenge inyuranye yo mu karere ka Gakenke amazi yegerejwe abaturage
    Mu mirenge inyuranye yo mu karere ka Gakenke amazi yegerejwe abaturage

    Mayor Nzamwita kandi yavuze ko bafite undi mushinga wo gushyira amazi mu mpinga z’imisozi y’umurenge wa Coko, aho abaturage babonaga amazi bibagoye, amafaranga akazava mu ngengo y’imari y’Akarere.

    Agira ati “Impinga zose z’imisozi ya Coko nta mazi yagiraga, bari bafite agasoko kajyanayo amazi ariko adahagije. Niyo mpamvu twatekereje umushinga tugira ngo dufatire amazi hasi dukore imiyoboro mishyashya twubake ibigega mu mpinga ku buryo amazi azakwira hose muri ziriya mpinga za Coko ndetse n’igice cya Ruli”.

    Umuyoboro w’amazi uzaba ureshya n’ibilometero 66 ukazatwara Amafaranga y’u Rwanda agera kuri miliyari imwe na miliyoni 730.

    Akarere ka Gakenke
    Akarere ka Gakenke

    Akarere ka Gakenke katekereje iyo mishanga nyuma y’uwa 2020 wamaze gushyirwa mu bikorwa wo kubaka inyubako nshya y’Akarere, yatwaye agera kuri miliyari 1.5 y’Amafaranga y’u Rwanda.

    Inyubako nshya y
    Inyubako nshya y’akarere ka Gakenke yegerejwe n’ibikorwaremezo

    Mu karere ka Burera, umushinga ubaraje ishinga ni uwo kubaka inyubako nshya y’akarere nk’uko Umuyobozi wako, Uwanyirigira Marie Chantal yabibwiye Kigali Today.

    Ati “Imishinga duteganya muri uyu mwaka wa 2021 ni myinshi, ariko uwo dushyize imbere cyane ni inyubako nshya y’Akarere”.

    Ubundi Akarere ka Burera gasanzwe gakorera mu nyubako ishaje kandi itajyanye n’igihe, ahantu hato cyane ku buryo hari aho abakoze basaga babiri usanga bakorera mu cyumba kimwe, ibyo bikababuza ubwisanzure mu kazi no kugeza serivise nziza ku bagenerwabikorwa.

    Umudugudu w
    Umudugudu w’icyitegererezo wa Kinigi watangiye kubakwa


    source https://www.kigalitoday.com/amakuru/amakuru-mu-rwanda/article/amajyaruguru-dore-imishinga-minini-y-uturere-mu-mwaka-wa-2021

  • Icyo dukwiye kwigira ku Ntumwa Pawulo ku bijyanye no gutanga mu bihe bikomeye #rwanda #RwOT

    Muri iki gihe isi yose yugarijwe n’icyorezo cya covid-19 gikomeje guhitana benshi ndetse kigahungabanya ubukungu, hari impamvu nyinshi zishobora kudutera kwiheba, nta n’umwe muri twe ufite ubudahangarwa cyangwa ubushobozi bwo kugihagarika . Ariko n’ubwo amakuru twumva buri munsi ateye ubwoba,hari byinshi byo kudukomeza turebye ubuzima bwaranze Pawulo.

    Nashimishijwe cyane n’ibikorwa bimwe na bimwe bitangaje byo gutanga cyangwa kugira ubuntu nk’uko abantu ku giti cyabo cyangwa amatsinda, (abakirisito, abatari abakristu ndetse n’abatemera ko Imana ibaho!) Bagerageje kwerekana ko bita ku bandi. Bityo, banyibukije urwandiko nkunda cyane rwo mu Isezerano Rishya rufite byinshi byo kutwigisha kubyerekeye ubuntu.

    Intumwa Pawulo yari ari muri gereza kandi ashobora kwicwa igihe yandikira inshuti ze zo mu itorero ry’i Filipi, yarabashimiye kuko bari bamwoherereje impano ikomeye cyane, n’ubwo hari aho yumvaga ko atayikeneye! Bigaragara ko yari ageze kuri iyo ntera ishimishije mu buzima aho yashoboraga kuvuga ko ari umuntu ‘unyuzwe’.

    Ibi bishobora kuboneka gacye mu mico yacu kuko benshi muri twe dusa nk’aho twibwira ko kunyurwa bifitanye isano n’ibyo dufite. Ariko nk’uko abakire bashobora kubihamya, ubutunzi ntabwo byanze bikunze buzana kunyurwa. Umuherwe w’umunyenganda JD Rockefeller abajijwe umubare w’amafaranga bisaba kugira ngo umuntu yishime, yarasubije ati “Idolari rimwe gusa”.

    Umunezero wa Pawulo wari ufitanye isano no kwizera kwe ntabwo ari ingano y’umutungo we cyangwa ubwoko bw’imodoka yari afite muri garage. Tumaze kuvuga ko bigaragara neza ko ubuntu bw’inshuti ze bwabaye isoko y’umugisha uhoraho. Mbibutsa ko ubufasha duha abandi bigaragara ko bubatera inkunga cyane.

    Ariko Pawulo yavuze ikindi kintu gishimishije cyane.Yababwiye ko ubuntu bwabo butazagenda ubusa ngo bareke kubuhemberwa, kandi ntiyatinye gukoresha imvugo y’ubucuruzi kugira ngo yerekane ukuri. Abahinduye urirmi babivuga muri ubu buryo: “Ikimpangayikishije ni uko ugomba kugira inyungu nziza igaragara kuri konti yawe”.

    Aha ntunyumve nabi. Pawulo, ntiyagerageje kubabwira ko Imana ishaka ko umukristo wese aba umukire. Yerekanaga gusa ko gutanga kwacu kutigera kwibagirana Kabone n’aho biba byakozwe mu ibanga kandi ko byanze bikunze Bizana umugisha n’ingorororano zabyo. Yesu yavuze igitekerezo kimwe ubwo yavugaga ko n’igikombe cy’amazi akonje kitazirengagizwa cyangwa umuntu areke kugihemberwa.

    None, ibihembo ni ibihe? Nibyiza!Ndasaba ko kunyurwa no kubona abashonje bagaburiwe, abatagira aho baba bacumbikiwe kandi abantu baza kuri Kristo ni ibihembo bihagije. Erega tujye tugira ubuntu kandi twibuke ko twaremwe mu ishusho y’Imana yuzuye ubuntu.

    Ariko hariho n’ibindi. Dushobora kwibukwa kubw’ubuntu bwacu, nkuko aba bizera b’i Filipi byagenze. Hari ibyiringiro byerekana ko ku iherezo tuzagororerwa ubwo tuzahagarara imbere y’Imana. Ntitwibagirwe kandi ko impano nziza ari izitangwa mu ibanga nta kugerageza kubitangaza cyangwa gushimwa ku mugaragaro.

    Icy’ingenzi muri byose ariko, Pawulo yabwiye inshuti ze ko Imana itekereza ko ubuntu ‘buhumura neza ‘. Ibyo bishobora kumvikana nk’ikintu kidasanzwe ariko Pawulo yakoresheje iyi mvugo agira ngo asobanurire Abafilipi ko impano zabo zari nk ‘ituro ryiza (mubyukuri rifite impumuro nziza).

    Igishimishije ni uko Pawulo yakoresheje amashusho amwe mu rundi rwandiko rwe igihe yatekerezaga ku gitambo Yesu yatanze ku musaraba. Icyo cyari ikintu kidasanzwe kuri we kuko nta muntu n’umwe wasobanukiwe n’ubunini bw’umusaraba kurusha Intumwa Pawulo. Urupfu rwa Yesu rwiganje mu buzima bwe bwose. Mu byukuri, byaramufashije (2 Abakorinto 5), nyamara yari afite ubushake bwo kubwira inshuti ze ko ineza yabo yamwibukije ubuntu bw’Imana butangaje.

    Source: www.christiantoday.com

    [email protected]

    Source : https://agakiza.org/Icyo-dukwiye-kwigira-ku-Ntumwa-Pawulo-ku-bijyanye-no-gutanga-mu-bihe-bikomeye.html

  • Pasiporo Nyarwanda zikoranye ikoranabuhanga zahawe akandi gaciro ku rwego mpuzamahanga – #rwanda #RwOT

    Kuri ubu hashize umwaka hafi n'igice u Rwanda rutangiye gutanga pasiporo Nyarwanda za Afurika y'Iburasirazuba zikoranye ikoranabuhanga, ikaba ari pasiporo irimo amakuru yose ya nyirayo ndetse ibitse n'imyirondoro nyayo ya nyirayo mu buryo bw'ikoranabuhanga (biological data), bituma byoroha ndetse bikihuta kumenya amakuru yose kuri we.

    Nk'uko byatangajwe n'Urwego rushinzwe Abinjira n'Abasohoka, kuba u Rwanda rwinjiye mu bihugu bifite ICAO PKD ni intambwe ikomeye.

    Rwagize ruti 'Kuba u Rwanda rwinjiye mu bihugu bifite ICAO PKD, ni intambwe ikomeye muri gahunda yo gutanga no gukoresha pasiporo zikoranye ikoranabuhanga ku Isi yose, ndetse bikaba n'ikimenyetso cyo kugera ku cyiciro cya nyuma cy'ishyirwa mu bikorwa ry'umushinga wa pasiporo zikoranye ikoranabuhanga.'

    Uru rwego kandi rwavuze ko iyi ntambwe yo kwinjira muri ICAO PKD izatuma abafite pasiporo Nyarwanda zikoranye ikoranabuhanga babasha kugenda hirya no hino ku Isi mu buryo buboroheye.

    Iti 'Mu igenzura rikorerwa ku mupaka w'igihugu cyakiriye mu kugenzura pasiporo ikoranye ikoranabuhanga yuje muri icyo gihugu, igomba kuba irimo amakuru yavuye mu gihugu cyayitanze. ICAO PKD itanga uburyo bwizewe bufasha igihugu kwinjiza amakuru muri pasiporo ndetse no kubonaho byoroshye amakuru y'ibindi bihugu.'

    Urwego rushinzwe kugenzura ihererekanya ry'aya makuru hagati y'ibihugu biri ku rutonde rw'ibihugu bifite ICAO PKD, rugenzura ko amakuru akoreshwa muri izo pasiporo yizewe, ahuye n'amasezerano mpuzamahanga ahuriweho, ndetse n'uburyo bworoshye bwo guhanahana amakuru hagati y'ibihugu.

    Kuri ubu pasiporo Nyarwanda zikoranye ikoranabuhanga zisabwa binyuze ku rubuga rwa 'Irembo', ubundi umuntu akayibona mu gihe kitarenze iminsi ine amaze gutanga ibisabwa.

    Iyi pasiporo ikoranye ikoranabuhanga (e-passport), igizwe n'ibyiciro bitatu, birimo pasiporo isanzwe (ordinary passport), ifite ibara ry'ubururu bwerurutse, ikoreshwa mu ngendo zisanzwe kandi igahabwa buri munyarwanda wese uyifuza, nayo ikaba irimo ibyiciro bitatu bitandukanywa n'ikiguzi cya buri pasiporo.

    Hari pasiporo isanzwe ihabwa abana, imara imyaka ibiri ikaba igurwa amafaranga 25.000 Frw, hari kandi pasiporo isanzwe y'abantu bakuru, igura 75.000 Frw, igakoreshwa mu gihe cy'imyaka itanu, hari kandi n'imara imyaka 10 igurwa 100.000 Frw, hari na pasiporo z'akazi zihabwa abakozi ba Leta bajya mu butumwa bw'akazi, hakaba n'izihabwa aba-dipilomate.

    Ubu Pasiporo zitangwa mu Rwanda ni izikoresha ikoranabuhanga gusa

    Source : http://igihe.com/amakuru/u-rwanda/article/pasiporo-nyarwanda-zikoranye-ikoranabuhanga-zahawe-akandi-gaciro-ku-rwego

  • Musanze: Umwana w'imyaka 12 yakuwe mu kiyaga yapfuye nyuma y'iminsi itatu arohamye – #rwanda #RwOT

    Ahagana saa tatu zo kuwa Gatandatu ushize nibwo uyu mwana wabaga mu Mudugudu wa Gatare Akagari ka Cyabararika mu Murenge wa Muhoza yajyanye na begenzi be, maze umukuru muri bo atangira koga muri iki kiyaga undi aramukurikira ahita arohama kuko we atarazi koga.

    Umunyamabanga Nshingwabikorwa w'Umurenge wa Remera ukora ku gice uyu mwana yarohamiyemo ari naho umurambo we wabonetse ureremba mu gitondo cyo kuri uyu wa Mbere taliki 1 Gashyantare 2021, Twagirimana Edouard, yihanganishije uyu muryango wabuze umwana asaba ababyeyi kurushaho gukurikirana amakuru y'aho abana babo baba bari cyane cyane ko ari no mu bihe byo kwirinda ikwirakwira rya Covid-19.

    Ati ” Mbere ya byose turihanganisha uyu muryango wabuze umwana. Ikiyaga kirahari ntabwo tuzagihunga ariko tugomba kumenya uko duturana nacyo. Ndasaba ababyeyi kurushaho kumenya amakuru y'aho abana babo baherereye cyane ko turi no mu bihe bya Covid-19, banabakangurira kurushaho kwirinda kwegera iki kiyaga kuko iyo barangaye kibatwara ubuzima”

    Akomeza avuga ko ubu umurambo wajyanwe kwa muganga ngo ukorerwe isuzuma mu gihe abana bari kumwe bo bari mu miryango yabo.

    Uyu nyakwigendera yarohamye kuwa gatandatu, hitabazwa abazi koga n'abarobyi ariko ntibamubona kugeza kuri uyu wa Mbere ubwo wazamukaga.

    Ibiyaga bya Ruhondo na Burera byegeranye cyane, bifite ubujyakuzima burebure cyane kuko hari n'ahageza kuri metero 168 z'ubujyakuzima ariho abaturage basabwa kwirinda cyane.

    Source : http://igihe.com/amakuru/u-rwanda/article/musanze-umwana-w-imyaka-12-yakuwe-mu-kiyaga-yapfuye-nyuma-y-iminsi-itatu