Webrwanda Backend

Author: webrwanda

  • Ngororero: Abasigajwe inyuma n'amateka barashinja uruganda kubahuguza ubutaka – #rwanda #RwOT

    Iyi miryango yavuze ko yatije ubutaka uru ruganda kugira ngo rubuhingeho icyayi mu gihe cy'imyaka 10, ariko rukazajya rubungukira. Uru ruganda ngo kugeza ubu rwanze kubasubiza ubutaka bwabo rutangira kubwiyitirira mu gihe bo bavuga ko nta bugure bwabayeho.

    Aba baturage babwiye RBA ko bijya gutangira uwari Umuyobozi w'Umurenge wa Muhanda ari we waje ababwira ko bababoneye abantu bashobora guhinga icyayi ku butaka bwabo akabubasubiza nyuma y'imyaka itatu.

    Ati 'Umuyobozi w'Umurenge wa Muhanda, twagiye kubona tubona araje, aratubwira ati ubu butaka bwanyu tubaboneye abantu babasha kuhahinga icyayi, bakagisarura, imyaka itatu yarangira bakabaha imirima n'icyayi cyanyu, ubwo namwe mugatera imbere nk'abandi, turabaza tuti ko tutazi kugisarura tuzabaho dute, baratubwira bati mu gihe dutegereje ko iyo myaka itatu irangira turaba tubahaye udufaranga duke mube murya.'

    Yakomeje ati 'Baratubwiye bati ayo mafaranga kugira ngo tuyabahe birasaba ko buri wese azana aho tumusinyira ko ayahawe n'icyangombwa cyerekana ko afite umurima hariya, ibyangombwa twarabijyanye no ku ruganda, tugasinya bakaduha ayo mafaranga ibihumbi 100Frw […] nta muntu n'umwe wigeze avuga ati umurima wanjye ufite agaciro kangana gatya.'

    Aba baturage bavuze ko kuva iki gihe uruganda ruvuga ko ubu butaka ari ubwarwo kandi mu by'ukuri nta masezerano y'ubugure yabayeho kuko bumvaga ari ukubutiza.

    Mu byifuzo by'aba baturage harimo ko ibyo bumvikanye n'uruganda byakubahirizwa cyangwa se bagasubizwa ubutaka bwabo cyane ko n'amafaranga uru ruganda ngo rwabahaye bavuga ko ari intica ntikize.

    Umuyobozi w'uruganda rw'icyayi rwa Rubaya, Mutabazi Jean yavuze ko ubu butaka ari ubw'uru ruganda kuko rwabuguze n'abo baturage kandi rubifitiye gihamya.

    Ati 'Ibimenyetso bwagiye bugurirwaho birahari, byaba bitangaje kuba nyuma y'imyaka irenga 10 ari bwo baje kubaza bavuga ko ubutaka baba barabwambuwe.'

    Umujyanama wa komite Nyobozi y'Akarere ka Ngororero, Mutwarangabo Innocent, wanashyizwe mu majwi n'abaturage ko ari we wabatangiye ubutaka ubwo yari Umunyabanga Nshingwabikorwa w'Umurenge, yemeza ko iki kibazo akizi akanashimangira ko yagiriye aba baturage inama yo kutagurisha ubutaka bwabo.

    'Njyewe narababwiye ngo, twebwe ntabwo dushaka ko mwagurisha nk'ubuyobozi, niba mushaka no kugurisha ariko, nibyo hari igihe abantu babitekereza. Mushobora kuhaha uruganda, rugatera icyayi rukahashora imbaraga mudafite, icyayi kikaba icyanyu aho kuba icy'uruganda, noneho muri ya myaka yo kubona umusaruro hakarebwa uburyo mwatekereza ko mwajya mufata igice cy'umusaruro ikindi kikishyurwa uruganda.'

    'Igihe runaka amafaranga yose bashoyemo yamara kurangira umusaruro wose mukawegukana. Uwari ufite umurima wese agahabwa n'akazi ku buryo muri cya gihe umusaruro utari waboneka aba acungiye ku mafaranga ava ku mushahara.'

    Umuyobozi w'Akarere ka Ngororero Ndayambaje Godefroid yavuze ko bitarenze ibyumweru bibiri iki kibazo kizaba cyamaze kubonerwa umuti, cyane ko bamaze gusaba uruganda kuba rwerekanye amasezerano y'ubugure mu gihe gito gishoboka.

    Ntabwo byoroshye kumenya uvuga ukuri cyangwa uwigiza nkana hagati y'aba baturage n'uruganda rw'icyayi rwa Rubaya cyane ko buri ruhande rwibogamiyeho.

    Uruganda rw’icyayi rwa Rubaya rurashijwa guhuguza ubutaka abaturage

    Source : http://igihe.com/amakuru/u-rwanda/article/ngororero-imiryango-27-y-abasigajwe-inyuma-n-amateka-irashinja-uruganda-rw

  • Mohamed Salah ashobora kujya mu mazi abira kubera gusebya bikomeye VAR #rwanda #RwOT

    Mohamed Salah yavuze ko yiteze ko ashobora gucibwa amande kubera ko yavuze ko VAR yaje igamije kwica umupira w'amaguru.

    Ibi uyu mukinnyi yabitangaje nyuma y'aho afashije Liverpool yari imaze iminsi imeze nabi gutsinda Westham ibitego 3-1 kuri iki cyumweru.

    Uyu mukinnyi watsinze ibitego 2 muri uyu mukino,yahagaritse agahigo kabi yari akomeje kwandika kuko yari amaze imikino 6 muri Premier League atinjiza igitego.

    Nyuma yo gutsinda uyu mukino,Liverpool ikajya ku mwanya wa 3 muri shampiyona,Salah yahise abona umwanya wo kuvuga ikimuri ku mutima kuri VAR.

    Yagize ati 'Ndatekereza ko kuva na mbere ntigeze nkunda VAR.Kuva uyu mwaka w'imikino watangira.Kuri njye,mbona yica umupira,ibyishimo bya ruhago.

    Aha,uba ugomba kuba uri ku murongo umwe n'umukinnyi.Ntekereza ko muri Champions League cyangwa mu bindi bihugu baha utsinze igitego umwanya…iyo batsinze biba ari byiza kuri bo.

    Ntabwo nshaka gukomeza kubivugaho kuko ndashaka guhanwa ariko igitekerezo cyanjye kuri VAR?,ntabwo nyikunda.'

    Igitekerezo cya Salah ntigitandukanye n'icya benshi bakunda umupira w'amaguru mu Bwongereza bashinja VAR kwibeshya,gufata imyanzuro ihabanye n'iyabanje,kwica ibyishimo by'abatsinze ibitego n'ibindi.

    Liverpool n'imwe mu makipe yahohotewe cyane na VAR muri uyu mwaka w'imikino by'umwihariko ku mukino yanganyije na Everton 2-2,aho itahaye umunyezamu Pickford ikarita itukura ku ikosa yakoreye Virgil Van Dijk ndetse n'igitego cyayo cyanzwe ku munota wa nyuma.

    Source : http://umuryango.rw/imyidagaduro/imikino/article/mohamed-salah-ashobora-kujya-mu-mazi-abira-kubera-gusebya-bikomeye-var

  • Hagiye gutangwa Toni 1450 z'ibiribwa mu cyumweru kimwe hirya no hino mu mujyi wa Kigali #rwanda #RwOT

    Imiryango ibihumbi 133 ni yo imaze kubarurwa.

    Mu cyumweru gishize hatanzwe toni 1700. Muri iki cyumweru hakaba hagiye hatangwa toni 1450.

    Minisitiri w'Ubutegetsi bw'Igihugu Prof, Shyaka Anastase yasabye abaturage kwima amatwi ababashuka bagamije kuca igikuba ku mitangire y'ibiribwa ku miryango yagizweho ingaruka na gahunda ya Guma mu rugo, asaba n'abakora icyo gikorwa kugikorana ibakwe.

    Muri buri karere mu Mujyi wa Kigali hashyizweho za site z'ububiko bw'ibiribwa bitandukanye n'uko byakurwaga ku bubiko by'igihugu.

    Ibiribwa biri guhabwa abaturage bari muri gahunda ya Guma mu rugo baryaga ari uko bakoze.

    Urubyiruko rw'abakorerabushake ba mutwarasibo ndetse n'inzego z'ibanze ziri kubashyikiriza ibiribwa mu ngo. Byongeye kandi imiryango ifite abana bari munsi y'imyaka itanu n'abagore batwite kuri ibi biribwa bari kongerwaho amata mu rwego rwo kurwanya imirire mibi.

    Bamwe mu bayobozi b'imidugudu,abajyanama b'ubuzima na ba mutwarasibo bavuga ko bari gukora ibishoboka byose ngo ibi biribwa bigere kubo bigenewe neza kandi ku gihe.

    Minisitiri w'Ubutegetsi bw'Igihugu, Prof Shyaka Anastase yavuze ko ibiribwa bihari bityo abayobozi mu nzego z'ibanze barasabwa gushyiramo imbaraga bikagera kubo bigenewe kandi ku gihe.

    Umuyobozi w'Umujyi wa Kigali Pudence Rubingisa yavuze ko nk' inzego z'ibanze badakwiye gutegereza ko abaturage babahamagara cyangwa basohoke kubera babuze ibiribwa.

    Minisitiri Shyaka Anastase yasabye abaturage kwirinda abababeshya bagamije kubayobya no guca igikuba.

    Mu Mujyi wa Kigali uri muri guma mu rugo ku kkubitiro abaturage ibihumbi 72 ni bo bari babaruwe ko bagomba guhabwa ibiribwa kuko baryaga ari uko bakoze.Kuri iyi nshuro 2 hiyongereyeho indi miryango ibihumbi 60 kuko na yo ibyo yari yarizigamye byayishiranye.

    Leta y'u Rwanda yafashe icyemezo cyo kwimurira ibiryo byari mu bubiko bw'igihugu muri site zashyizwe mu turere tw'Umujyi wa Kigali kugira ngo gahunda yo kubitanga ku bagorwa no kubona ibyo barya muri iki gihe cya Guma mu rugo irusheho koroha.

    Ni igikorwa cyabaye kuri uyu wa 1 Gashyantare kitabirwa na Minisitiri w'Ubutegetsi bw'Igihugu Prof Shyaka Anastase n'Umuyobozi w'Umujyi wa Kigali Pudence Rubingisa.


    Source:RBA

    Source : http://umuryango.rw/amakuru/mu-rwanda/ubuzima/article/hagiye-gutangwa-toni-1450-z-ibiribwa-batangiye-hirya-no-hino-mu-mujyi-wa-kigali

  • Ole Gunnar Solskjaer yagiriye inama ikomeye Bruno Fernandes wamukoze ku mutima #rwanda #RwOT

    Uyu mutoza wa United,yavuze ko kuva uyu mukinnyi yagera mu ikipe amaze kugaragaza umumaro ariko agomba kwirinda ko umujinya we wo gushaka gutsinda wangiza ibyo yagezeho.

    Ibi Ole yabitangaje nyuma y'umukino wo kuwa Gatandatu w'icyumweru gishize ubwo uyu mukinnyi yarokokaga ikarita itukura yashoboraga guhabwa kubera kuvuna Granit Xhaka wa Arsenal bakinaga.

    Ole yagize ati 'Nibyo n'Umutsinzi ariko akwiriye kwirinda kuko byari kumugiraho ingaruka ubwo yakandagiraga Xhaka.Ariko niko Bruno ateye,ahora ashaka gutsinda,ahora ashaka gutera imiserebeko.

    Nishimira kuba mufite.Ubu amaze kugira umwaka ari kumwe natwe kandi ndizera ko azakomeza gutera imbere agatsinda cyane kurushaho.'

    Bruno Fernandes niwe mukinnyi urema ibitego byinshi akanabitsinda muri United ari nayo mpamvu aherutse gukora agahigo ko kuba umukinnyi wa mbere ahawe ibihembo byinshi by'umukinnyi w'ukwezi mu mwaka umwe[inshuro 4].

    Icyakora,Bruno anengwa na benshi ko atajya yitwara neza mu mikino ikomeye kuko nta ruhare ajya ayigiramo yaba gutsinda ibitego cyangwa kurema amahirwe menshi.
    Bruno Fernandes yageze muri United muri Mutarama 2020 avuye muri Sporting CP ahita yereka isi yose ko ariwe mukinnyi iyi kipe yari ikeneye koko.

    Source : http://umuryango.rw/imyidagaduro/imikino/article/ole-gunnar-solskjaer-yagiriye-inama-ikomeye-bruno-fernandes-wamukoze-ku-mutima

  • Umubikira yabyinye indirimbo ya Timaya ku karubanda benshi bituma benshi bacika ururondogoro #rwanda #RwOT

    Uyu mubikira yatumye benshi batungurwa bitewe nuko abihaye Imana bazwi nk'abantu batuje batanakunda indirimbo zisanzwe.

    Nyuma y'aho amashusho y'uyu mubikira ari kubyina ashyiriwe kuri Twitter ya @Naija_PR,abantu benshi bahise bayakwirakwiza ndetse abarenga ibihumbi 4000.Benshi batangajwe nuko uyu mubikira yabyinye neza akajyana n'umuziki.

    Uyu mubikira yakomeje kubyina n'igihe MC yarimo kuvuga n'ijambo ndetse yari afite n'ibyishimo byinshi.

    Abantu benshi bavuze kuri uyu mubikira barimo uwagize ati 'Ishimira ubuzima..'Undi yagize ati 'Uyu ntiyaba umugatolika n'uburyo mbazi.'

    Undi yamugiriye inama ati 'mubukira,ntugire ikintu ufata.'

    Source : http://umuryango.rw/ubuzima-115/udushya/article/umubikira-yabyinye-indirimbo-ya-timaya-ku-karubanda-benshi-bituma-benshi-bacika

  • Menya imishinga y’iterambere irimo gukorwa mu Ntara y’Iburengerazuba #Rwanda #RwOT via @kigalitoday #rwanda #RwOT

    Amwe mu mashuri yubatswe mu kugabanya ubucucike
    Amwe mu mashuri yubatswe mu kugabanya ubucucike

    Inyigo z’ibizakorwa mu ngengo y’imari y’umwaka wa 2020 – 2021 zigaragaza ko Intara y’Iburengerazuba izibanda mu kwita ku bidukikije, umushinga uzakora mu mirenge 12 mu turere twa Nyabihu, Rubavu, Rutsiro na Ngororero, ukibanda ku gukemura ibizagaragazwa n’abaturage bigira uruhare mu kwangiza icyogogo cya Sebeya.

    Ni umushinga watewe inkunga n’igihugu cy’Abaholandi uzamara imyaka ine kandi ufite agaciro ka miliyari 22 z’Amafaranga y’u Rwanda, ukazafasha abaturage gusubiranya icyogogo cya Sebeya ndetse ukabasigira inyungu kuko imirimo bazakora bazayihemberwa.

    Icyogogo cya Sebeya gifite ubuso bwa kilometero kare 336 km, kakaba agace gatuwe cyane aho abaturage 400 batuye kuri Km².

    Akarere ka Ngororero kagaragaza ko ibikorwa byo gusubiranya icyogogo cya Sebeya bizatwara 484,521,410 z’Amafaranga y’u Rwanda, hakaba hamaze gukoreshwa amafaranga na 249,192,143 akoreshwa mu bikorwa byo guhanga amaterasi, gutera ibiti, gushyikiriza abaturage inka n’amatungo magufi.

    Naho mu gusubiranya icyogogo cya Nyabarongo, Akarere ka Ngororero kateye imigano kuri hegitare 106, hakorwa amaterase kuri hegitari 484.5.

    Mu bikorwa by’amajyambere mu Karere ka Rubavu hatangiye ibikorwa birimo kubaka uruganda ‘Shema Power Lake Kivu’ rucukura gaz methane mu kiyaga cya Kivu ingana na 56MW, ukaba uzatwara akayabo k’Amadolari ya Amerika asaga miliyoni 170.

    Ni umwe mu mishinga igomba gufasha Igihugu kugera ku ntego yo guha abaturage bose amashanyarazi kugera muri 2024, aho gisabwa kuzaba gifite amashanyarazi angana na MW 556 mu gihe kugeza ubu hari MW 224,5.

    Inganda z
    Inganda z’amazi zirimo kubakwa mu Ntara y’Uburengerazizongera abo ageraho

    Hari kandi umushinga wo gukwirakwiza amazi meza mu Mujyi wa Gisenyi no mu mirenge y’icyaro, amazi azaturuka mu ruganda rwa ‘Gihira water treatment Plant ikazatuma’, abatuye Umujyi wa Rubavu bakazahita baca ukubiri n’ibibazo by’amazi adahagije,

    Umuyobozi w’akarere ka Rubavu, Habyarimana Gilbert yemeza ko kuboneka kw’amazi bizajyana no kongera imiyoboro y’amazi mu Mujyi wa Rubavu ku bilometero bisaga 100, bigatanga ikizere ko nyuma yo kurangira kw’iyo mirimo nta muturage wo mu Mujyi wa Rubavu uzongera gutaka amazi make.

    Uruganda rwa Gihira II nirumara kuzura ruzatanga amazi angana na Metero kibe 15 000 aho ruzunganirwa n’urwari rusanzwe nyuma yo kurusana, narwo rukazava kuri Metero kibe 8 000 rukagera ku 10 000, zose zigatanga metero kibe 25,000.

    Mu karere ka Rusizi harakorwa imirimo yo kugeza amazi meza ku baturage batuye Mururu na Gitambi, umuyoboro ufite ibilometero 66.495 ukazatwara akayabo ka 901,647, 764Frw, gukwiza amazi mu Mujyi wa Rusizi nk’umujyi wunganira uwa Kigali bikazatwara miliyari 11.

    Imihanda ihuza umujyi wa Gisenyi n
    Imihanda ihuza umujyi wa Gisenyi n’utundi duce yarubatswe

    Uturere twunganira Umujyi wa Kigali turi mu bikorwa byo guteza imbere imijyi tuyikwizamo amazi n’imihanda nka Rusizi na Rubavu, harimo kubakwa umihanda uzafasha ubuhahirane mu mirenge ya Gihundwe, Nkanka na Shangi ukazaba ufite ibilometero 3.5 uhuza Rwahi na Busekanka.

    Hari kandi imihanda ihuza Umujyi wa Kamembe n’utundi duce, uwa km 32 uhuza Pindura-Bweyeye, hazasanwa umuhanda unyura mu ishyamba rya Nyungwe ugahuza Butare na Bweyeye ufite ibirometero 44.172Km no gusana umuhanda wa Nyakarenzo-Mibirizi-Mashesha uzaba ufite ibirometero 22.4Km.

    Mu karere ka Rubavu hazakorwa imihanda ya kaburimbo mu Mujyi wa Gisenyi hagamijwe guteza imbere ubuhahirane ndetse no gukomeza kwegereza abaturage ibikorwa remezo. Hamaze kubakwa imihanda ifite ibirometero 58 naho imihanda y’igitaka ifasha by’umwihariko abahinzi ndetse n’aborozi kugeza umusaruro wabo ku isoko hamaze gukorwa ifite ibirometero 103.

    Harimo gukorwa kandi umuhanda ya kaburimbo uhuza Serena-Marine-Brasserie, Braserie-Burushya na Braserie-Busoro ifite uburebure bwa 14,6km ndetse n’uwa Petite Barrière-Karundo-Stade Umuganda wa 5,859Km.

    Amatara yongerewe ku mihanda mu mujyi wa Gisenyi
    Amatara yongerewe ku mihanda mu mujyi wa Gisenyi

    Hashyizwe amatara ku mihanda itandukanye aho mu Mujyi wa Gisenyi hakozwe km 35, 2 ku mihanda ya kaburimbo: Nyabihu- Rubavu, hiyongeraho km 10.7 z’amatara yo ku mihanda mu Mujyi wa Rubavu.

    Byatumye imihanda yo muri karitiye ingana na km zirindwi icanirwa ku nkunga ya ENABEL, hanavugururwa imiyoboro y’amashanyarazi yo mu Mujyi wa Rubavu iva kuri KV 6.6 ijya kuri KV 30.

    Ibindi birimo gukorwa mu Karere ka Rubavu harimo kwagura umudugudu wa Muhira uzagirwa n’inzu zigerekeranye, uzatuzwamo n’imiryango 120 izakurwa mu manegeka.

    Abakuwe mu manegeka barimo gutuzwa mu nzu zigeretse
    Abakuwe mu manegeka barimo gutuzwa mu nzu zigeretse

    Hari kandi kubaka gare ya Gisenyi, kurangiza inyubako ry’isoko rya Gisenyi no kubaka ibyumba by’amashuri 1045, mu gihe mu karere ka Rusizi hubatswe ibyumba by’amashuri 754.

    Barimo kubakwa n’ibyambu byoroshya ingendo zo mu mazi mu kiyaga cya Kivu mu turere twa Rusizi na Rubavu, ndetse n’isoko ryambukiranya imipaka Bugarama-Kamanyora, rikazateza imbere ubuhahirane.

    Akarere ka Karongi kubatse amasoko mu mirenge ya Gishyita na Twumba, hubatswe ibigo nderabuzima mu mirenge ya Bwishyura, Mubuga na Murundi, hubakwa ibyumba by’amashuri 734 ndetse hanatangwa inka 640 ku miryango ikennye.

    Isoko rya kijyambere rya Gisenyi ririmo kubakwa
    Isoko rya kijyambere rya Gisenyi ririmo kubakwa
    Gare ya Rubavu irimo kubakwa
    Gare ya Rubavu irimo kubakwa
    Abaturage begerejwe amavuriro
    Abaturage begerejwe amavuriro


    source https://www.kigalitoday.com/amakuru/amakuru-mu-rwanda/article/menya-imishinga-y-iterambere-irimo-gukorwa-mu-ntara-y-iburengerazuba

  • Kigali: Ibiryo byari mu bubiko bw’igihugu byegerejwe ababikeneye mu turere – #rwanda #RwOT

    Ni igikorwa cyabaye kuri uyu wa 1 Gashyantare kitabirwa na Minisitiri w’Ubutegetsi bw’Igihugu Prof Shyaka Anastase n’Umuyobozi w’Umujyi wa Kigali Pudence Rubingisa.

    Minisitiri Shyaka yavuze ko kujyana ibi biryo hafi y’abaturage biri mu rwego rwo kwihutisha ibikorwa byo kurengera uwaba adafite icyo kurya muri ibi bihe Umujyi wa Kigali uri muri Guma mu rugo.

    Ati “Turifuza twese ko tujyana n’inzego z’ibanze kuko nizo zifite abaturage mu nshingano nta Mutwarasibo wakabaye asinzira isibo ye itameze neza. Niba hari n’igisubizo atabonye ahamagare abayobozi, bafite nimero zitishyurwa bazikoreshe baterefone izo nzego zose, nibiba ngombwa bazihoze ku nkeke. Twebwe icyo twifuza ni uko umuturage abonerwa igisubizo.”

    Yavuze ko hifuzwa ko uturere tugize Umujyi wa Kigali twahorana ibiribwa mu gihe hagira ukenera kurengerwa akabasha gufashwa.

    Ati “Twari twifuje ko mu Mujyi wa Kigali, n’uturere tuwugize nk’abari gushyira mu bikorwa iki gikorwa bagira ubushobozi bwo guhorana ibiribwa bitari gusa mu bubiko bw’igihugu ku buryo n’aho mu Karere uwahamagara avuga ati nshaka ibiro 5 cyangwa 10…”

    Minisitiri Shyaka yasabye abatuye Umujyi wa Kigali kwirinda ababashuka bagamije amacakubiri no guca igikuba muri gahunda yo gutanga ibiribwa.

    Ati “Icyo twasaba ni uko nanone hatagira ababyuriraho bakazano amakabyankuru, bakazanamo no kujora, bakazanamo ibitari byo, kandi nabyo birahari. Hari igihe amakabyankuru usanga yonona cyangwa agatera igikuba kandi nta gikuba cyacitse. Ariko niba hari ikibazo natwe tuba dukeneye kukimenya n’itangazamakuru ryagakwiye kuba rifasha muri ubwo buryo ariko mu makuru nyayo.”

    Minisitiri Shyaka yabwiye abaturage ko ibiribwa bihari, asaba abayobozi b’ibanze gushyiramo imbaraga bikagera ku bo bigenewe.

    Gahunda yo gutanga ibiryo ku miryango yaryaga ari uko yakoze, kuri ubu ifite umwihariko kuko ifite abana bato izajya ihabwa amata mu rwego rwo gukomeza kwimakaza imirire myiza.

    Ibi biryo biri gutangwa bigizwemo uruhare n’Abayobozi b’imidugudu, ba mutwarasibo ndetse n’urubyiruko rw’abakorerabushake aho babishyikiriza umuntu mu rugo rwe kugira ngo hakomeze kwirinda ingamba zo kwirinda icyorezo cya COVID-19.

    Kugeza ubu Mujyi wa Kigali habarurwa imiryango irenga ibuhumbi 130 igomba gufashwa muri iyi gahunda yo kubaha ibyo kurya. Umuturage ufite ikibazo cyo kubona ibyo kurya yegera umuyobozi w’Isibo cyangwa agahamagara 3260.

    Ibiryo byari mu bubiko bw’igihugu byimuriwe mu turere kugira ngo birusheho kwegerezwa ababikeneye

    Ibi biryo byagiye bishyirwa ahantu hatandukanye mu turere tugize Umujyi wa Kigali

    source http://igihe.com/amakuru/u-rwanda/article/kigali-ibiryo-byari-mu-bubiko-bw-igihugu-byegerejwe-ababikeneye-mu-turere

  • Ngororero: Abasigajwe inyuma n’amateka barashinja uruganda kubahuguza ubutaka – #rwanda #RwOT

    Iyi miryango yavuze ko yatije ubutaka uru ruganda kugira ngo rubuhingeho icyayi mu gihe cy’imyaka 10, ariko rukazajya rubungukira. Uru ruganda ngo kugeza ubu rwanze kubasubiza ubutaka bwabo rutangira kubwiyitirira mu gihe bo bavuga ko nta bugure bwabayeho.

    Aba baturage babwiye RBA ko bijya gutangira uwari Umuyobozi w’Umurenge wa Muhanda ari we waje ababwira ko bababoneye abantu bashobora guhinga icyayi ku butaka bwabo akabubasubiza nyuma y’imyaka itatu.

    Ati “Umuyobozi w’Umurenge wa Muhanda, twagiye kubona tubona araje, aratubwira ati ubu butaka bwanyu tubaboneye abantu babasha kuhahinga icyayi, bakagisarura, imyaka itatu yarangira bakabaha imirima n’icyayi cyanyu, ubwo namwe mugatera imbere nk’abandi, turabaza tuti ko tutazi kugisarura tuzabaho dute, baratubwira bati mu gihe dutegereje ko iyo myaka itatu irangira turaba tubahaye udufaranga duke mube murya.”

    Yakomeje ati “Baratubwiye bati ayo mafaranga kugira ngo tuyabahe birasaba ko buri wese azana aho tumusinyira ko ayahawe n’icyangombwa cyerekana ko afite umurima hariya, ibyangombwa twarabijyanye no ku ruganda, tugasinya bakaduha ayo mafaranga ibihumbi 100Frw […] nta muntu n’umwe wigeze avuga ati umurima wanjye ufite agaciro kangana gatya.”

    Aba baturage bavuze ko kuva iki gihe uruganda ruvuga ko ubu butaka ari ubwarwo kandi mu by’ukuri nta masezerano y’ubugure yabayeho kuko bumvaga ari ukubutiza.

    Mu byifuzo by’aba baturage harimo ko ibyo bumvikanye n’uruganda byakubahirizwa cyangwa se bagasubizwa ubutaka bwabo cyane ko n’amafaranga uru ruganda ngo rwabahaye bavuga ko ari intica ntikize.

    Umuyobozi w’uruganda rw’icyayi rwa Rubaya, Mutabazi Jean yavuze ko ubu butaka ari ubw’uru ruganda kuko rwabuguze n’abo baturage kandi rubifitiye gihamya.

    Ati “Ibimenyetso bwagiye bugurirwaho birahari, byaba bitangaje kuba nyuma y’imyaka irenga 10 ari bwo baje kubaza bavuga ko ubutaka baba barabwambuwe.”

    Umujyanama wa komite Nyobozi y’Akarere ka Ngororero, Mutwarangabo Innocent, wanashyizwe mu majwi n’abaturage ko ari we wabatangiye ubutaka ubwo yari Umunyabanga Nshingwabikorwa w’Umurenge, yemeza ko iki kibazo akizi akanashimangira ko yagiriye aba baturage inama yo kutagurisha ubutaka bwabo.

    “Njyewe narababwiye ngo, twebwe ntabwo dushaka ko mwagurisha nk’ubuyobozi, niba mushaka no kugurisha ariko, nibyo hari igihe abantu babitekereza. Mushobora kuhaha uruganda, rugatera icyayi rukahashora imbaraga mudafite, icyayi kikaba icyanyu aho kuba icy’uruganda, noneho muri ya myaka yo kubona umusaruro hakarebwa uburyo mwatekereza ko mwajya mufata igice cy’umusaruro ikindi kikishyurwa uruganda.”

    “Igihe runaka amafaranga yose bashoyemo yamara kurangira umusaruro wose mukawegukana. Uwari ufite umurima wese agahabwa n’akazi ku buryo muri cya gihe umusaruro utari waboneka aba acungiye ku mafaranga ava ku mushahara.”

    Umuyobozi w’Akarere ka Ngororero Ndayambaje Godefroid yavuze ko bitarenze ibyumweru bibiri iki kibazo kizaba cyamaze kubonerwa umuti, cyane ko bamaze gusaba uruganda kuba rwerekanye amasezerano y’ubugure mu gihe gito gishoboka.

    Ntabwo byoroshye kumenya uvuga ukuri cyangwa uwigiza nkana hagati y’aba baturage n’uruganda rw’icyayi rwa Rubaya cyane ko buri ruhande rwibogamiyeho.

    Uruganda rw’icyayi rwa Rubaya rurashijwa guhuguza ubutaka abaturage

    source http://igihe.com/amakuru/u-rwanda/article/ngororero-imiryango-27-y-abasigajwe-inyuma-n-amateka-irashinja-uruganda-rw

  • UKO MBIBONA: Ubukene bwabafana bumuziki ni… – #rwanda #RwOT

    Muri Mata mu 2020 ni bwo umuhanzikazi mushya muri Tanzania, Zuchu yamuritswe akorerwa igitaramo kimwinjiza muri WCB aho yahereye kuri EP iriho indirimbo zirindwi. Mu masaha 22 ashize yasohoye indirimbo yuzuza miliyoni mu gihe abahanzi nyarwanda bageza kuri miliyoni mu cyumweru bikaba inkuru n’ubwo hari abataregeza ako gahigo na rimwe kandi ari ibyamamare mu Rwanda.

    Hari mu kwezi kwa kane mu 2021 ubwo Zuchu yakirwaga muri WCB mu gitaramo cyari kitabiriwe n’abarimo: Diamond Platnumz, Lava Lava, Mbosso, Queen Darleen, Sallam SK, Babu Tale, Don Fumbwe, Ricardo Momo, Khadija Kopa, Mkubwa Fella n'abandi. Kuva icyo gihe yagiye akorana indirimbo na buri muhanzi wo muri WCB ndetse n'abandi bafite mazina muri Tanzania. 

    Ubu rero bitewe n'ubuhanga afite uwo mukobwa w'imyaka 27 ari kugenda aca ku bahanzi b’ibyamamare ba hano mu Rwanda ku bigwi bitewe n’uko ari mu biganza byiza kandi akaba azi kwandika indirimbo byiyongera ku kubyina. Nk’ubu indirimbo ya Meddy yitwa Carolina mu gihe imaze kuri shene ya YouTube yarebwe na miliyoni mu gihe cy'ukwezi kandi ubu ni we muhanzi ufatwa nka nimero ya mbere mu gukundwa hano mu Rwanda.

    Ubushobozi bw'abaturage bw’aba intandaro?


    Makonikoshwa yarakunzwe ariko ubu yabuze ubushobozi bwo gusubira muri studio

    Abantu bakurikira ibijyanye n'iterambere bavuga ko umuntu atakwinezeza atariye cyangwa se atabonye iby'ibanze mu buzima. Ubukungu bwa Tanzania busumbye cyane ubw'u Rwanda ku buryo abanyatanzania bakoresha murandasi bari hejuru ya 82% bajya ku mbuga nkoranyambaga nibura. 

    Urwego rushinzwe itumanaho muri icyo gihugu rwitwa Tanzania Communication regulatory authority rugaragaza ko muri Mutarama mu 2020 abanyagihugu miliyoni 27 bakoreshaga murandasi muri miliyoni 58 batuye muri icyo gihugu.

    Nibura muri Tanzania hari ibigo by'itumanaho birindwi birimo: Vodacom, Tigo, Airtel, Halotel, Zantel, TTCL na Smile. Mu Rwanda hari bibiri gusa. Ibyo ubwabyo byerekana ko abahanzi nyarwanda bakundwa n'abaturage bakennye ariyo mpamvu nta musaruro bitanga ku muziki no ku gihugu muri rusange.

    Social Mula yigeze kuvuga ko abahanzi nyarwanda baba batorohewe muri ibi bihe nyamara bafite abafana ariko biragoye kumwereka urukundo ngo ahore ku isonga


    Riderman akunda kuvuganira abahanzi nyarwanda kuri Leta ngo ibe yabazirikana muri gahunda zayo zitandukanye nko kubagenera ingengo y’imari ihoraho nk’uko mu bihugu biteza imbere umuziki bikorwa. Digital Rwanda 2020 yerekana ko mu Rwanda nibura 3% by'abaturarwanda babasha gukoresha murandasi muri miliyoni zisaga 12 zirutuye. 

    Ibi bivuze ko abo bakoresha internet aribo bakabaye bateza imbere abahanzi nyarwanda ariko nabo hari abayikoresha ibindi bidafite aho bihuriye no kureba indirimbo. Muri Mutarama mu 2020 abaturarwanda bari batunze telefoni bari 73% by'abanyagihugu bose. Abaturage bakoreshaga murandasi bari miliyoni 3.


    Tuff Gangs bakoze umuziki bakundwa n’abafana badafite amikoro ahagije none bamwe muri bo babuze ayabajyana muri studio. 

    Iyi mibare ubwayo irerekana ko abahanzi nyarwanda bigoye gukora umuziki ukabungukira mu gihe bawukorera abafana bakennye. Byigeze kubaho ko abari bagize itsinda rya Tuff Gangs bakundwaga n'urubyiruko rwinshi nyamara byagera igihe cyo kuba baba bari mu marushanwa abasaba kubatora bakabura amajwi kuko urwo rubyiruko rubakunda cyane rukennye nta telefoni rutunze.


    Uyu ni Rafiki umwe bagezweho ariko ubushobozi bwaramushiranye none ntagikora ahozaho nyamara yari afite abafana benshi

    Muri Mutarama mu 2020 muri Tanzania hari miliyoni zirenga enye zikoresha imbuga nkoranyambaga nyamara mu Rwanda hari abazikoresha bangana na 610,000 nk’uko bitangazwa na Digital 2020 Rwanda. Ni kenshi habaho ibitaramo bikitabirwa n'abantu bake mu gihe bisaba kwishyura amafaranga runaka nyamara ibitaramo by'ubuntu usanga hiyambazwa inzego z'umutekano mu gucunga umutekano w'aho byabereye, ibi nabyo birakwereka ko benshi mu bakunzi b’umuziki nyarwanda nta bushobozi buhagije bafite.

    Iri tsinda rya Charly na Nina nta ndirimbo riheruka nyamara barakunzwe mu gihe cyabo ku buryo babonye ubushobozi bakongera kuririmba

    Umuhanzi Senderi International Hit uracyaheruka kumwumva? Ni umwe mu bahanzi nyarwanda bandika indirimbo zuje ubutumwa bukomeye, bamaze igihe batagaragara cyane mu muziki nyuma y’iyaduka rya Covid-19, nawe yagizweho ingaruka n’iki cyorezo cyagabanyije imbaraga ze mu muziki. Ariko iyo abafana be baba ari abantu bakize rwose cyangwa bazirikana ibikorwa bye, baba nibura barakomeje kureba ibihangano bye yakoze mu bihe bishize biri kuri Youtube n’ahandi, akabona uburyo bwo gukomeza gukora ibihangano bishya.


    Senderi Hit abonye uburyo ntakabuza yakora ibihangano bishya

    Igihe cyose umuhanzi afite abo akorera umuziki bakennye biragoye ko bamusunika kuko nabo baba batikura ku rwego bariho mu iterambere. Ibi rero biratwereka ko igihe cyose umuhanzi wo muri Tanzaniza yashyigikirwa nta kabuza azaca ku muhanzi nyarwanda umaze imyaka irenga 15 arwana no gushaka ibimutunga abikuye mu muziki aho gutangira kwagura uwo muziki kuko nta bushobozi aba yarawukuyemo. 


    Diplomate yavuze ko umukire utakuzamura adakwiriye kubabazwa n’imyitwarire yawe

    Ikintu gishoboka ni uko abahanzi nyarwanda bakora indirimbo nibura zikurura ababa hanze y’u Rwanda kuko nibo bafite ubushobozi bwo kubateza imbere ariko abahanzi barasabwa nanone guhora bahanga udushya mu ndirimbo nk’uko Diamond abigerageza ubu indirimbo ze zikaba zirebwa n'abo hanze ya Tanzania nka Kenya na Amerika. 

    Diplomate yigeze kuririmba ko umupatro utakuzamura adakwiriye kubabazwa n'impantaro utazamuye. Ibi biraha isomo abahora banenga abahanzi nyarwanda nyamara badashobora no kujya kuri shene zabo za YouTube ngo barebe indirimbo z'abo bahora banenga, ubwo nirinze kuvuga ibyo kwitabira ibitaramo no kugura imizingo y'abahanzi nyarwanda kuko usanga bikiri ku rundi rwego aho hakwiriye kwigisha cyane bagakunda abahanzi nyarwanda.

    Source : https://inyarwanda.com/inkuru/102759/uko-mbibona-ubukene-bwabafana-bumuziki-ni-bwo-busubiza-hasi-abahanzi-nyarwanda-102759.html

  • Exclusive: Christopher yavuze icyo yakundiye… – #rwanda #RwOT

    Kuri iki Cyumweru tariki 31 Mutarama 2021, Christopher yizihije isabukuru y'amavuko yasanze hashize iminsi mike Nyina yitabye Imana yasezeranyije kwita ku bo yasize.

    Ni isabukuru ivuze kinini mu buzima bwe, kuko ari yo ya mbere yizihije afite umukunzi akanabyemeza mu itangazamakuru. Mu myaka 10 amaze mu muziki, uyu muhanzi ntiyigeze agaragaza umukunzi we.

    Byigeze kuvugwa ko yacuditse na Akiwacu Colombe wabaye Miss Rwanda 2014, ariko impande zombi zabyamaganiye 'kure'.

    Ejo, Christopher yasohoye amafoto n'amashusho kuri konti ye ya instagram agaragaza icyumba cyihariye gitatse indabo mu ishusho y'umutima n'indi mirimbo y'ubuzima yasize urwibutso mu mutima w'uyu musore.

    Amafoto yasohoye amugaragaza akata umutsima (cake) afashijwe n'ikiganza cy'umukobwa atigeze agaragaza. Yarengejeho ati 'Imbaraga z'urukundo, mbega gutungurwa!' Kuri 'Cake' handitseho ngo 'Isabukuru nziza rukundo rwanjye.'

    Mu kiganiro yagiranye na INYARWANDA, Christopher yemeje ko ari mu rukundo kandi ko imyaka itatu ishize atangiye urugendo rweruye n'uyu mukobwa w'Umunyarwandakazi.

    Uyu muhanzi yavuze ko igihe kitaragera ngo atangaze byinshi byerekeye umukunzi we. Ariko ko uyu mukobwa yujuje buri kimwe cyose yari akeneye ku mukobwa bajyana mu rukundo.

    Ati 'Ni umuhanga kandi agaragara neza. Ni mwiza kandi afite umutima wita ku bandi. Ibintu byose uzi umuntu ashaka ku wundi arabifite,'

    Muri muzika, Christopher aherutse gusohora amashusho y'indirimbo ye yise 'Breath', 'Uti Sorry', 'Ndakwemera' n'izindi nyinshi. Amaze iminsi ahugiye mu gutegura no gutunganya Album ye nshya.

    Uyu mukobwa yabwiye Christopher ati “Isabukuru Nziza Rukundo”

    Christopher yirinze kugaragaza isura y’umukobwa wamutwaye umutima, avuga ko igihe kitaragera

    Icyumba gitatse indabo Christopher yizihirijemo isabukuru y’amavuko

    Christopher yabwiye INYARWANDA ko imyaka itatu ishize ari mu rukundo n’uyu mukobwa wamutunguye ku isabukuru ye y’amavuko

    Christopher yavuze ko umukobwa bakundana yujuje buri kimwe cyose yifuzaga ku mwari bakundana

    KANDA HANO UREBE AMASHUSHO Y’INDIRIMBO ‘BREATH’ YA CHRISTOPHER MUNEZA

    Source : https://inyarwanda.com/inkuru/102775/exclusive-christopher-yavuze-icyo-yakundiye-umunyarwandakazi-bamaranye-imyaka-itatu-mu-ruk-102775.html