Webrwanda Backend

Author: webrwanda

  • Ngororero: Abasigajwe inyuma n’amateka barashinja uruganda kubahuguza ubutaka – #rwanda #RwOT

    Iyi miryango yavuze ko yatije ubutaka uru ruganda kugira ngo rubuhingeho icyayi mu gihe cy’imyaka 10, ariko rukazajya rubungukira. Uru ruganda ngo kugeza ubu rwanze kubasubiza ubutaka bwabo rutangira kubwiyitirira mu gihe bo bavuga ko nta bugure bwabayeho.

    Aba baturage babwiye RBA ko bijya gutangira uwari Umuyobozi w’Umurenge wa Muhanda ari we waje ababwira ko bababoneye abantu bashobora guhinga icyayi ku butaka bwabo akabubasubiza nyuma y’imyaka itatu.

    Ati “Umuyobozi w’Umurenge wa Muhanda, twagiye kubona tubona araje, aratubwira ati ubu butaka bwanyu tubaboneye abantu babasha kuhahinga icyayi, bakagisarura, imyaka itatu yarangira bakabaha imirima n’icyayi cyanyu, ubwo namwe mugatera imbere nk’abandi, turabaza tuti ko tutazi kugisarura tuzabaho dute, baratubwira bati mu gihe dutegereje ko iyo myaka itatu irangira turaba tubahaye udufaranga duke mube murya.”

    Yakomeje ati “Baratubwiye bati ayo mafaranga kugira ngo tuyabahe birasaba ko buri wese azana aho tumusinyira ko ayahawe n’icyangombwa cyerekana ko afite umurima hariya, ibyangombwa twarabijyanye no ku ruganda, tugasinya bakaduha ayo mafaranga ibihumbi 100Frw […] nta muntu n’umwe wigeze avuga ati umurima wanjye ufite agaciro kangana gatya.”

    Aba baturage bavuze ko kuva iki gihe uruganda ruvuga ko ubu butaka ari ubwarwo kandi mu by’ukuri nta masezerano y’ubugure yabayeho kuko bumvaga ari ukubutiza.

    Mu byifuzo by’aba baturage harimo ko ibyo bumvikanye n’uruganda byakubahirizwa cyangwa se bagasubizwa ubutaka bwabo cyane ko n’amafaranga uru ruganda ngo rwabahaye bavuga ko ari intica ntikize.

    Umuyobozi w’uruganda rw’icyayi rwa Rubaya, Mutabazi Jean yavuze ko ubu butaka ari ubw’uru ruganda kuko rwabuguze n’abo baturage kandi rubifitiye gihamya.

    Ati “Ibimenyetso bwagiye bugurirwaho birahari, byaba bitangaje kuba nyuma y’imyaka irenga 10 ari bwo baje kubaza bavuga ko ubutaka baba barabwambuwe.”

    Umujyanama wa komite Nyobozi y’Akarere ka Ngororero, Mutwarangabo Innocent, wanashyizwe mu majwi n’abaturage ko ari we wabatangiye ubutaka ubwo yari Umunyabanga Nshingwabikorwa w’Umurenge, yemeza ko iki kibazo akizi akanashimangira ko yagiriye aba baturage inama yo kutagurisha ubutaka bwabo.

    “Njyewe narababwiye ngo, twebwe ntabwo dushaka ko mwagurisha nk’ubuyobozi, niba mushaka no kugurisha ariko, nibyo hari igihe abantu babitekereza. Mushobora kuhaha uruganda, rugatera icyayi rukahashora imbaraga mudafite, icyayi kikaba icyanyu aho kuba icy’uruganda, noneho muri ya myaka yo kubona umusaruro hakarebwa uburyo mwatekereza ko mwajya mufata igice cy’umusaruro ikindi kikishyurwa uruganda.”

    “Igihe runaka amafaranga yose bashoyemo yamara kurangira umusaruro wose mukawegukana. Uwari ufite umurima wese agahabwa n’akazi ku buryo muri cya gihe umusaruro utari waboneka aba acungiye ku mafaranga ava ku mushahara.”

    Umuyobozi w’Akarere ka Ngororero Ndayambaje Godefroid yavuze ko bitarenze ibyumweru bibiri iki kibazo kizaba cyamaze kubonerwa umuti, cyane ko bamaze gusaba uruganda kuba rwerekanye amasezerano y’ubugure mu gihe gito gishoboka.

    Ntabwo byoroshye kumenya uvuga ukuri cyangwa uwigiza nkana hagati y’aba baturage n’uruganda rw’icyayi rwa Rubaya cyane ko buri ruhande rwibogamiyeho.

    Uruganda rw’icyayi rwa Rubaya rurashijwa guhuguza ubutaka abaturage

    source http://igihe.com/amakuru/u-rwanda/article/ngororero-abasigajwe-inyuma-n-amateka-barashinja-uruganda-kubahuguza-ubutaka

  • Rusizi: Batunguwe no kubwirwa ko umuntu wabo yiyahuriye muri Kasho ya polisi #rwanda #RwOT

    Abo mu muryango wa Bwana Nsekanabo Joel w'imyaka 40 y'amavuko bahimbaga Gikominari, ndetse n'abaturanyi be bavuga ko bamuherukaga ku itariki ya 17 y'ukwezi gushize kwa mbere. Madame Mukamuganga Claudine, bashakanye, yabwiye Ijwi ry'Amerika ko umugabo we yatwawe n'umunyamabanga nshingwabikorwa w'akagari ka Kinyaga batuyemo ari we Bwana Ndagijimana Japhet.

    Uwo muyobozi ngo yari kumwe n'undi musore wambaye imyenda ya gisivili. Uwo ngo yambitse umugabo we amapingu ahagana isaa kumi n'ebyiri z'umugoroba wo kuri iyo tariki, hanyuma bamwuriza moto bajyana na we bombi. Gusa mu gukurikirana, ntiyabashije kumenya icyo umugabo we yaba yafatiwe ndetse n'aho yaba yajyanywe gufungirwa.

    Amakuru y'iri tabwa muri yombi rya Bwana Nsekanabo kandi anasobanurwa n'umwe mu baturanyi bari kumwe, yanahaye bimwe mu byo yari afite ngo abimujyanire imuhira. Uwo avuga ko muri bike yashoboye kumva, haba harimo ikibazo cy'amakimbirane na polisi ikorera mu kiyaga cya Kivu, ayo akaba ngo aturuka ku bucuruzi bwa magendu.

    Nyuma yo gushakira ahantu hose hafungirwa abakurikiranwaho ibyaha ariko agaheba, ku itariki ya 31 y'ukwezi kwa mbere, Madame Mukamuganga Claudine yahisemo kwandikira ubuyobozi bw'akarere ka Rusizi. Icyo yabusabaga cy'ibanze ngo ni ukurekura umugabo we.

    Bitunguranye ariko, ku gicamunsi cy'uyu wa mbere, mu gihe Ijwi ry'Amerika yari igikurikirana iby'ibura rya Nsekanabo, umwe mu bo mu muryango we yaje guhamagarwa n'ubuyobozi bw'igipolisi ku rwego rw'akarere. Aha ngo bamubwiye ko uwo Nsekanabo yiyahuriye muri kasho ya polisi i Kamembe.

    CP John Bosco Kabera uvugira polisi y'u Rwanda na we yemeje iby'ayo makuru ko Nsekanabo Joel yiyahuriye mu kasho.

    Yagize ati 'Hari umuntu bikekwa ko yiyahuriye muri Kasho ariko ibyo akekwaho byari mu rwego rw'Ubugenzacyaha ni rwo rwakurikiranaga dosiye ye. Jyewe ntacyo narenzaho mwari mumbajije amakuru, menye ko ari yo ari umuntu bikekwa ko yiyahuriye muri kasho ya polisi aho yari ari gukorerwa dosiye ngo ishyikirizwe ubugenzacyaha.”

    Gusa umuryango we ukaba utumva ukuntu umuntu polisi yari yahakanye ko idafite apfa yiyahuriye muri kasho yayo.

    Uwo mu muryango wa Nsekanabo wahamagawe na Polisi yabwiye Ijwi rya Amerika ati 'Numvise Polisi impamagaye biba ngombwa ntega moto, Gitifu namusanze ku Gatebe turagenda, baratubwira ngo nta kindi twari tubahamagariye twagira ngo tubabwire ko ejo (tariki 30 Mutarama 2021), twagize impanuka Gikominari washinjwaga imbunda, (ngo hari n'abandi yavuze ko bazifite), abonye ko bikomeye ariyahura.'

    Bwana Nsekanabo Joel ubusanzwe yari umuturage ukora imirimo y'ubuhinzi, akanyuzamo agacuruza n'amatungo ariko mu buryo buciriritse. Umuryango we uvuga ko ntaho yigeze ahurira n'imirimo y'igisirikare cyangwa se ya polisi.

    Ikibazo cy'abantu bapfa baguye mu maboko y'inzego zishinzwe umutekano cyangwa se ababurirwa irengero nyuma y'igihe bikamenyekanako bari batawe muri yombi n'izo nzego si ubwa mbere cyumvikana haba aha mu karere ka Rusizi cyangwa se mu tundi turere tw'u Rwanda.

    IJWI RY'AMERIKA

    Source : http://umuryango.rw/amakuru/mu-rwanda/umutekano/article/rusizi-batunguwe-no-kubwirwa-ko-umuntu-wabo-yiyahuriye-muri-kasho-ya-polisi

  • Umuhanzi Muneza Christopher [Topher] yagaragaje byeruye ko ari mu rukundo nyuma yo gutungurwa n'umukunzi we[AMAFOTO] #rwanda #RwOT

    Christopher ni umwe mu bahanzi b'igikundiro b'abanyarwanda ariko wakunze kugira ubwiru ibyerekeranye n'ubuzima bwe bw'urukundo.

    Mu myaka isaga 10 ishize yinjiye mu ruhando rwa muzika, ntabwo yigeze agaragaza umukobwa bakundana uretse ibyigeze guhwihwiswa ko yaba yarakundanye na Miss Rwanda 2014 Akiwacu Colombe.

    Kuri iki Cyumweru tariki 31 Mutarama 2021, nyuma y'umunsi umwe yizihije isabukuru y'amavuko, Christopher yatunguwe n'umukunzi we amwifuriza umunsi mwiza.

    Yashyize amashusho ku rubuga rwe rwa Instagram agaragaza icyumba gitatse indabo arangije agira ati 'Imbaraga z'urukundo, mbega gutungurwa!'

    Yashyize kandi amafoto ari gukatana umutsima (cake) n'umukobwa atagaragaje isura. Hari handitseho ngo isabukuru nziza rukundo rwanjye.


    Source : http://umuryango.rw/imyidagaduro/article/umuhanzi-muneza-christopher-topher-yagaragaje-byeruye-ko-ari-mu-rukundo-nyuma

  • Mushambokazi Jordan uri mu bakobwa b'uburanga banyuze muri Miss Rwanda yakoze ubukwe [AMAFOTO] #rwanda #RwOT

    Uyu mukobwa wari ukunzwe na benshi kuri Instagram,yamaze gukora umuhango wo gushyingirwa uzwi nka Nikkah ugendanye n'amahame y'idini ya Islam we n'umukunzi we babarizwamo.

    Aba bombi basezeranye ku wa Gatandatu tariki 30 Mutarama 2021, nk'uko byashimangiwe na Sheikh Ndayisenga Ashraf wanditse kuri konti ye ya Instagram agashyiraho ifoto yicaye mu ntebe, akavuga ko yari mu muhango wo gusezeranya Karim na Mushambokazi.

    Ati 'Uko niko twari twahabaye ku wa Gatandatu tariki 30 Mutarama 2021, ubwo umuvandimwe Karim na Mushambokazi basezeraga ku buseribateri.'

    Mu Uguhyingo 2020,aba bombi bari bashyize hanze ubutumire bwerekanaga ko bazakora ubukwe mu minsi ibiri itandukanye, ku wa 23 Mutarama 2021 no ku wa 30 Mutarama 2021.

    Mu Ukwakira 2020, ni bwo Mushambokazi yakiriwe mu Idini ya Islam mu muhango witabiriwe n'abarimo muhanzi Tizzo, Sheikh Ndayisenga Ashraf wamwakiriye n'abandi.

    Mushambokazi ari mu bakobwa bakurikirwa cyane kuri Instagram cyane ko abarenga ibihumbi 88, bahoza ijisho ku mafoto y'ikimero akunda gushyiraho.

    Mu 2018 yitabiriye Miss Rwanda ahagarariye Intara y'Amajyepfo, abasha kugera muri 20 bitabiriye umwiherero ariko ntiyagira amahirwe yo kugira igihembo na kimwe yegukana.






    Mushambokazi wakundwaga n'abiganjemo abagabo yakoze ubukwe

    Source : http://umuryango.rw/ubuzima-115/imibereho/article/mushambokazi-jordan-uri-mu-bakobwa-b-uburanga-banyuze-muri-miss-rwanda-yakoze

  • Musanze: Abantu 94 bafashwe bacucitse mu byumba bari gusenga birengagije Covid-19 #rwanda #RwOT

    Aba bantu bafashwe mu gitondo mu masaha ya saa yine kuri iki Cyumweru tariki ya 31 Mutarama bafatirwa mu Murenge wa Nkotsi mu Kagari ka Bikara mu Kagari ka Karambi.

    Umuvugizi wa Polisi mu Ntara y'Amajyaruguru, CIP Alex Rugigana, yavuze ko abantu 89 bafatiwe mu nzu y'umukobwa w'imyaka 24 abandi 5 bafatirwa mu nzu y'umusore ufite imyaka 24. Aba bantu bose bafashwe nta bwiriza na rimwe ryo kurwanya COVID-19 bubahirije. Biganjemo abo mu itorero rya ADEPR, AER n'abitwa Abashumba ba Kristu.

    CIP Rugigana yagize ati 'Bariya bantu icyo bahuriyeho ni ukutubahiriza amabwiriza y'inama y'Abaminisitiri iherutse guterana igahagarika ibikorwa bijyanye no gusenga ndetse n'andi makoraniro ahuza abantu benshi. Mu nzu y'umwe harimo abantu 89, muri bo 49 nta dupfukamunwa bari bambaye, bandi bose nta ntera yari iri hagati y'umuntu n'undi kandi bari mu cyumba gifunganye, nta bukarabiro.'

    CIP Rugigana yakomeje avuga ko igiteye impungenge cyane ari uko abo bantu bari baturutse mu mirenge itandukanye igize Akarere ka Musanze bityo hakaba hari impungenge z'uko hari ababa bari banduye bakaba bakwanduza abandi.

    Yagize ati 'Aka Karere ka Musanze kakunze kujya kagaragaramo imibare myinshi y'abantu banduye COVID-19, kuba rero abantu nka bariya barenga ku mabwiriza bagahurira ahantu hamwe kandi bavuye ahantu hatandukanye batanampimwe biteye impungenge. Ntabwo Leta ibuza abantu gusenga ariko bagirwa inama yo gusengera mu ngo zabo, abagize umuryango bagasengera mu rugo batagize ahandi bajya.'

    CIP Rugigana yavuze ko muri abo bantu 94 bafashwe hari higanjemo urubyiruko, yaboneyeho gusaba urubyiruko gufata iya mbere bagakangurira abandi bantu kurwanya ikwirakwira ry'icyorezo cya COVID-19.

    Yanavuze ko atari ubwa bene izo nzu bombi bafatiwe mu makosa yo kurenga ku mabwiriza yo kurwanya ikwirakwira rya COVID-19 bagahuriza hamwe abantu mu masengesho mu ngo zabo. Yavuze ko bagiye bafatwa kenshi bakaganirizwa ndetse bakihanangirizwa ariko bakaba bakomeje kurenga ku mabwiriza nkana.

    CIP Rugigana yihanangirije abaturage bakomeje kurenga ku mabwiriza nkana anabibutsa ko abazajya bafatwa barenze ku mabwiriza yo kurwanya COVID-19 bazajya bacibwa amande ajyanye n'amabwiriza yo kurwanya COVID-19.

    Yashimiye abaturage bakomeje gufatanya na Polisi batanga amakuru hakiri kare bagaragaza abarenga ku mabwiriza yo kurwanya ikwirakwira rya COVID-19.

    Abafashwe bahise bajyanwa muri sitade Ubworoherane y'Akarere ka Musanze baraganirizwa ndetse bacibwa amande hakurikijwe amabwiriza.

    Source : http://umuryango.rw/amakuru/mu-rwanda/umutekano/article/musanze-abantu-94-bafashwe-bacucitse-mu-byumba-bari-gusenga-birengagije-covid

  • Yahesheje agaciro amafaranga ye!Uko Lionel Messi yashoye akayabo ahembwa muri FC Barcelona mu mitungo ihenze cyane [AMAFOTO] #rwanda #RwOT

    Ku cyumweru nibwo byahishuwe ko amasezerano Messi yaherukaga gusinya yatumaga ahembwa miliyoni 123 z'amapawundi buri mwaka ariyo mpamvu nawe yayashoye mu kugura ibihenze.

    Mu mpapuro 30,ikinyamakuru El Mundo cyashyize hanze amasezerano ya Lionel Messi w'imyaka 33 aho yemerewe na FC Barcelona ibirimo uriya mushahara twavuze haruguru,miliyoni 35 z'ubunyangamugayo bwo kuguma mu ikipe,n'ibindi.

    Aka kayabo gatuma Messi abaho mu buzima bumeze nk'ubw'umwami mu mujyi wa Catalonia kuko aba munzu nziza cyane,agira ibiruhuko bihenze ndetse anatunze imodoka zigezweho nyinshi.

    Messi aba mu nzu ifite agaciro ka miliyoni 5,5 z'amapawundi yitegeye inyanja ya Balearic mu gace kitwa Castelldefels ndetse atuye ahitaruye abantu ku birometero birenga 12 uvuye ku kibuga Camp Nou.

    Inyubako ye ifite ikibuga cy'umupira,pisine,Gym yo mu nzu ndetse n'igikari kinini abana be bakiniramo.Nta ndege yemerewe guca hejuruy'inyubako ya Messi.

    Messi afite kandi indege ye bwite imutwara aho ashaka kujya hose yaguze akayabo ka miliyoni 12 z'amapawundi iriho nimero 10 inyuma.

    Iyi ndege yakozwe na kompanyi yo muri Argentina yanditseho amazina ya n'umuryango we ugizwe n'umugore we Antonella, n'abana be Thiago, Ciro na Mateo.

    Irimo byinshi byiza birimo n'igikoni,ubwogero ndetse n'imyanya y'abantu 16.Intebe zayo zavamo uburiri 8 bazihinye.

    Kimwe na Cristiano Ronaldo,Messi afite hoteli nziza cyane yaguze miliyoni 26 yitwa Hotel MiM Sitges.

    Messi kandi afite imodoka nyinshi cyane zose hamwe zifite akayabo ka miliyoni 3 z'amapawundi.

    Muri izi modoka harimo GranTurismo S, Pagani Zonda, Range Rover, Ferrari F43 Spider, GranTurismo MC Stradale n'izindi.

    Messi aheruka kugirana amasezerano na FC Barcelona mu mwaka wa 2017, ariko muri iyi myaka mike basinyanye iki gihangange cyo muri Argentina kizabasha kwinjiza akayabo ka miliyoni 555 z'mayero (£492m) narangira mu mpeshyi y'uyu mwaka.

    Ikinyamakuru El Mundo Deportivo cyavuze ko aya masezerano ya Messi azasenya FC Barcelona,arimo ibice bitandukanye yaba umushahara,ibyo kwamamaza,n'ibindi bitandukanye birimo n'imisoro.

    Messi ahabwa miliyoni 138 z'amayero (£123m) buri mwaka nk'umushahara we.Yahawe miliyoni 115 z'amayero (£102m) kubera ko yemeye kongera amasezerano.Yanahawe miliyoni 79 z'amayero (£69m) z'uko yemeye kuba indahemuka akaguma I Camp Nou.

    Messi ntabwo ari umukinnyi usanzwe kuko uretse kwegukana Ballon d'Or 6 n'ibikombe byinshi,we na mugenzi we Cristiano Ronaldo nibo bakinnyi ba ruhago batunze miliyari y'amadolari.









    Ibi byose biri mu mitungo ya Messi

    Source : http://umuryango.rw/imyidagaduro/imikino/article/yahesheje-agaciro-amafaranga-ye-uko-lionel-messi-yashoye-akayabo-ahembwa-muri

  • Liverpool yaguze ba myugariro 2 nyuma yo kuvunikisha 3 yagenderagaho cyane [AMAFOTO] #rwanda #RwOT

    Liverpool iheruka kuva mu bihe bibi cyane yari imazemo iminsi,yafashe umwanzuro wo kugura abakinnyi bashya bo mu bwugarizi nyuma y'aho abarimo Joel Matip,Joseph Gomez na Virgil Van Dijk bose bashobora kutazongera gukina muri uyu mwaka w'imikino.

    Ozan Kabak yavuye muri Schalke ku ntizanyo ariko niyitwara neza izamugura miliyoni 18 z'amapawundi mu gihe Ben Davies yaguzwe miliyoni 2 z'amapawundi muri Preston.

    Nyuma yo kugura Kabak,umutoza Klopp yagize ati 'Yaje mu Budage akiri muto cyane kandi buri wese arabizi ko afite impano itangaje.Ubu afite imyaka 20.Akina mu ikipe ye ya kabiri mu Budage nubwo Schalke itari mu bihe byiza muri iyi minsi.Ni impano itangaje cyane kandi twiteguye gukorana nawe.'

    Kabak azajya yambara nimero 19 mu ikipe ya Liverpool ndetse yasezeye ku bafana ba Schalke ababwira ko abashimira cyane.

    Davies w'imyaka 25 we azajya yambara nimero 28 ndetse yavuze ko yiteguye kubyaza umusaruro aya mahirwe yabonye yo gukinira ikipe ikomeye nka Liverpool.

    Liverpool yatije umuyapani Takumi Minamino kugira ngo abone umwanya uhagije wo gukina.

    Ikipe ya Arsenal niyo yarekuye abakinnyi benshi kuko yatije Maitland Niles muri West Bromo,Joe Willock muri Newcastle,irekura Shkodran Mustafi werekeje muri Schalke biyongera kuri Ozil na Kolasinac nabo bagiye rugikubita.



    Davies na Kabak baje gufasha Liverpool mu bwugarizi

    Source : http://umuryango.rw/imyidagaduro/imikino/article/liverpool-yaguze-ba-myugariro-2-nyuma-yo-kuvunikisha-3-yagenderagaho-cyane

  • Umujyi wa Kigali watangiye icyiciro cya kabiri cyo gutanga ibiribwa muri iyi Guma mu Rugo #Rwanda #RwOT via @kigalitoday #rwanda #RwOT

    Bamwe mu batuye Umujyi wa Kigali batangiye guhabwa ibiribwa mu cyiciro cya kabiri
    Bamwe mu batuye Umujyi wa Kigali batangiye guhabwa ibiribwa mu cyiciro cya kabiri

    Umujyi wa Kigali uvuga ko imiryango 133,000 igizwe n’abaturage barenga 500,000 ari yo izaba imaze guhabwa ibiribwa birenga toni 3,150 nyuma yo gusoza iki cyiciro cya kabiri.

    Imiryango 72,000 ni yo yahawe ibiribwa bingana na toni 1,700 by’ifu y’ibigori n’ibishyimbo mu cyiciro cya mbere, icyiciro gisigaye kikaba kigizwe n’imiryango 61,000 cyatangiye guhabwa toni 1,450 kuri uyu wa kabiri.

    Ubaze ibiribwa buri muryango wafata mu gihe yose yaba ifite umubare ungana w’abantu, wagabanya toni 1,450 cyangwa ibirogarama 1,450,000 ku miryango 61,000 ukabona ko buri rugo rwajya rufata ibirogarama 23.7 by’ibishyimbo na kawunga (ifu y’ibigori).

    Buri muryango uhabwa ibiribwa hagendewe ku mubare w
    Buri muryango uhabwa ibiribwa hagendewe ku mubare w’abagize urugo

    Ibi ariko si ko bigenda kuko ahenshi usanga umubare w’abaturage bateganyijwe guhabwa ibiribwa ari muto cyane ugereranyije n’abavuga ko babikeneye, bigatuma habaho gusaranganya ibyabonetse.

    Twaganiriye n’Umunyamabanga Nshingwabikorwa w’Umurenge wa Kigarama mu karere ka Kicukiro, Umubyeyi Mediatrice agaragaza ingano y’ibiribwa buri rugo muri uwo murenge rwagenewe.

    Yagize ati “Mu murenge wacu abahabwa ibiribwa kuri uyu wa kabiri ni imiryango 3,886, urugo rugizwe n’abantu 1-2 rurahabwa ibiro 10 by’ibiribwa, urugizwe n’abantu 3-5 ruhabwe ibiro 15, hanyuma urugizwe n’abantu kuva kuri 6 kuzamura rurahabwa ibiro 40 by’ibiribwa”.

    Ku rutonde rw’ingo zihabwa ibiribwa twakoreye igenzura, twasanze ingo nyinshi ari iziri mu cyiciro cya mbere (ni ukuvuga izifite umubare w’abantu kuva kuri 1-2) hamwe n’icyiciro cya kabiri (kuva ku bantu 3-5).

    Minisitiri w’Ubutegetsi bw’Igihugu, Prof Shyaka Anastase asaba inzego z’ibanze gutanga ibiribwa bitubutse bimara iminsi myinshi, mu rwego rwo kwirinda guhora bajya mu ngo gutanga ibindi.

    Minisitiri w
    Minisitiri w’Ubutegetsi bw’Igihugu, Prof Shyaka Anastase avuga ko ahakumvikana ikibazo hose inzego ziba ziteguye kwihutira gutanga ibisubizo

    Prof Shyaka yagize ati “Mu cyumweru gishize hari abo bahaye, bivuze ngo ntibirashira cyangwa bashobora gukenera ibindi, hamaze iminsi hagaragara humvikana n’amajwi ya bamwe bafite ibibazo, bimwe bishobora kuba ari byo,…ariko icyo nagira ngo nizeze ni uko twese dufite ubushobozi bwo kubaha ibisubizo mu buryo bwihuse, n’aho bitameze neza turifuza ko bikosoka”.

    Hari tumwe mu duce tw’Umujyi wa Kigali twatangiye guhabwa ibiribwa kuri iki cyumweru gishize ndetse n’aho babihawe ku wa mbere, abandi barakomeza kubihabwa kuri uyu wa kabiri.


    source https://www.kigalitoday.com/amakuru/amakuru-mu-rwanda/article/umujyi-wa-kigali-watangiye-icyiciro-cya-kabiri-cyo-gutanga-ibiribwa-muri-iyi-guma-mu-rugo

  • Ubushinwa bwahagaritse abantu 80 bakoraga mu buryo bwa Magendu inkingo za Coronavirus #rwanda #RwOT

    Leta y'Ubushinwa ivuga ko irimo ishakisha abagizi ba nabi bakora 'inkingo za magendu' za Covid-19, aho bakora ubwo bugizi bwa nabi kuva mu kwezi kwa cyenda, nk'uko bivugwa na CNN.

    Igipolisi cya Jiangsu, Beijing na Shandong cyafashe abantu barenga 80 bafite uruhare mu gukora inkingo zirenga 3.000 za magendu za Covid-19, nk'uko bivugwa n'ibiro ntaramakuru by'Ubushinwa, Xinhua.

    Xinhua, ivuga ko Minisiteri y'umutekano mu Bushinwa ivuga ko irimo gukora amaperereza kuri izo nkingo za magendu hamwe n'iyindi miti yo mu rwego rwo gukingira indwara.

    Igipolisi cyemeza ko kuva mu kwezi kwa cyenda mu 2020, abo bakora izo nkingo za magendu babonye amafaranga menshi cyane, aho bashyira umunyu mu rushinge bagahita bazigurisha ku mafaranga menshi, nk'uko bikomeza bivugwa na Xinhua.

    Ubushinwa nkuko BBC ibitangza, burimo burakingira abanyagihugu bukoresheje inkingo ziva mu bigo bibiri, Sinovac na Sinopharm, inkingo z'icyo gihugu kandi zatangiye gutangwa mu bindi bihugu, harimo n'igihugu cya Turkia.

    Munyaneza Theogene / intyoza.com

    Source : http://www.intyoza.com/ubushinwa-bwahagaritse-abantu-80-bakoraga-mu-buryo-bwa-magendu-inkingo-za-coronavirus/

  • AS Kigali yatangiye imyitozo yasuwe na PS wa MINISPORTS #rwanda #RwOT

    Ubwo abasore b’Ikipe ya AS Kigali batangiraga imyitozo, basuwe n’Umunyamabanga uhoraho (PS/Permanent Secretary) muri Minisiteri ya Siporo, Shema Maboko Didier.

    Amafoto yashyizwe ku mbuga nkoranyambaga za AS Kigali, agaragaza PS Shema ari kumwe na bamwe mu bayobozi b’iyi kipe iherutse gusezerera KCCA yo muri Uganda.

    AS Kigali izakina umukino ubanza na CS Sfaxien ku wa 14 Gashyantare, ukazabera muri Tunisia, ngo umukino wo kwishyura ukazabera i Kigali tariki 21Gashyantare.

    AS Kigali igiye gukina na CS Sfaxien yarabanje gusezerera Orapa United yo muri Botswana ndetse na KCCA yo muri Uganda yari yanateye mpaga ubwo yazaga mu Rwanda bagasanga hari abakinnyi bayo barwaye COVID-19 ikaba itari yujuje umubare w’abajya mu kibuga.

    AMAFOTO :

    UKWEZI.RW

    Source : http://www.ukwezi.rw/Imikino/article/AS-Kigali-yatangiye-imyitozo-yasuwe-na-PS-wa-MINISPORTS