Ni ubutumwa bwasomwe n’Umujyanama wa Perezida mu by’Umutekano, General James Kabarebe kuri uyu wa Gatanu tariki 19 Gashyantare.
Muri ubu butumwa, Perezida Kagame yavuze ko kubura Lt. Gen Musemakweli ari akababaro ku muryango we, ku muryango mugari wa RDF no ku gihugu muri rusange.
SOMA UBUTUMWA BWOSE
UKWEZI.RW
Bamporiki Edouard, Umunyamabanga wa Leta muri Minisiteri y’Urubyiruko n’Umuco, avuga ko yakuze afite impano yo gukina umupira w’amaguru aho yari umunyezamu mwiza ariko akabireka kuko yabuze gikurikirana.
Mu kiganiro n’ikinyamakuru ISIMBI, Bamporiki Edouard yavuze ko mbere y’uko apfa akava ku Isi yizeye ko azaba yaramaze kubona ikipe y’igihugu nkuru y’umupira w’amauru 'Amavubi’ ikina igikombe cy’Isi.
Ati'Nzibona nyine Amavubi yagiye mu gikombe cy’Isi, uwo mupira nzawureba, nshobora kutajyayo ariko Amavubi yo azajyayo, ashobora kuzaba atitwa Amavubi ariko ikipe y’u Rwanda, ashobora kuzaba atitwa Amavubi ariko u Rwanda ntiruzahinduka n’ikipe y’igihugu y’u Rwanda. Ntabwo nzasubira aho umuntu asubira, aho yavuye ntabonye u Rwanda, Twararubonye abana ariko abakuru niyo ijya mu gikombe cy’Isi tukavuga ngo twakinnye, nzabibona pe.'
Yakomeje avuga ko n’ubwo na we bitamuhiriye ariko akiri umwana yakinnye umupira w’amaguru aho yakinaga mu izamu.
Ati'umupira w’amaguru ni ibintu byanjye kuko nayikinnye nk’iri umwana sinagira umugisha wo gukomeza kuyikina, nakinaga mu izamu, nari umunyezamu mwiza ni uko iyo ari karahanyuze iba ari karahanyuze kuko uramutse wiga mu mwaka wa kabiri w’amashuri yisumbuye ugafatira ikigo, biba ari ibintu bikomeye, uri mu wa Kabiri hari abiga mu wa Gatandatu biba ari ibintu bikomeye.'
Akomeza avuga ko icyatumye adakomeza gukina ruhago ari uko yabuze gikurikirana, impano ikadindira cyane ko n’ubundi impano y’umwana ikurikiranwa akiri muto iyo yakuze ntacyo uba wayihinduraho.
Yabigarutseho mu butumwa yatanze ku munsi wo guherekeza mu cyubahiro Lt General Jacques Musemakweli wari Umugenzuzi Mukuru mu Ngabo z’u Rwanda, witabye Imana tariki 11 Gashyantare 2021, afite imyaka 59.
Umuhango wo gusezera bwa nyuma no gushyingura Lt Gen Musemakweli wabereye ku Ikirimbi rya Gisirikare i Kanombe, aho abawitabiriye bari biganjemo abo mu muryango wa nyakwigendera ndetse n’ abasirikare mu Ngabo z’u Rwanda.
Lt Gen Jacques Musemakweli ni umusirikare ufite amateka akomeye mu Rwanda kuko ari umwe mu barwanye urugamba rwo kubohora igihugu, anagira uruhare mu guhagarika Jenoside yakorewe Abatutsi.
Ubutumwa bwa Perezida Kagame yageneye uyu munsi bwasomwe n’Umujyanama we wihariye mu bya gisirikare n’Umutekano, General James Kabarebe.
Ni ubutumwa bwagarutse ku bigwi byaranze Lt General Musemakweli haba ku ruhare rwe rukomeye mu rugamba rwo kubohora Igihugu ndetse no mu gukomeza kubaka u Rwanda.
Yagize ati “ Iki ni igihe cy’akababaro gakomeye cyane cyane ku muryango wa General Musemakweli, ni igihe kandi cy’akababaro kenshi ku muryango mugari w’Ingabo z’u Rwanda no ku Gihugu muri rusange.”
Yakomeje agira ati “Iyo twibutse ibihe bitandukanye twabanyemo na General Musemakweli, imirimo myiza n’ibigwi bye haba ku rugamba rwo kubohora Igihugu cyacu ndetse n’urwo kugiteza imbere yari agikomeje kugeza aho atabarukiye.”
“General Musemakweli yakoreye igihugu mu bwitange bukomeye, atizigama, atanga umusanzu, ibitekerezo n’imbaraga ze mu mirimo itandukanye no mu bihe bitandukanye kugeza aho atabarukiye.”
Perezida Kagame yagaragaje ko General Musemakweli yagiye ashingwa imirimo itandukanye mu Ngabo z’u Rwanda, hakaba harashingirwaga cyane ku bushobozi bwe ndetse n’indangagaciro yo gukunda Igihugu. Asaba ko uwo murage wakomeza kuranga buri wese.
Yagize ati “General Musemakweli yakoreye Ingabo z’u Rwanda mu nzego zazo nyinshi cyane zitandukanye, izi nshingano yazihabwaga kubera ubushobozi no kuzuza indangagaciro zibereye Ingabo z’u Rwanda, yaharaniraga iteka ko n’abandi basirikare bubahiriza izo ndangagaciro.”
“Atabarutse Igihugu n’umuryango twese tukimukeneye. Icyo twazirikana ku munsi nk’uyu rero ni ugukomeza umurage mwiza wo gukunda Igihugu no kugikorera byaranze General Musemakweli.”
Perezida Kagame yijeje umuryango wa nyakwigendera ko Igihugu kizakomeza kuwuba hafi nk’uko bisanzwe biri mu muco wacyo.
Ati “Na none mu bihe nk’ibi turizeza umuryango we ko ubuyobozi bw’Igihugu binyuze muri Minisiteri y’Ingabo na RDF buzakomeza kubaba hafi nk’uko amategeko abiteganya kandi bisanzwe biri mu muco wacu.”
Lt Gen Jacques Musemakweli ari mu basirikare bakomeye igihugu cyari gifite ndetse yagiye ahabwa inshingano mu myanya itandukanye. Yatabarutse ari Umugenzuzi Mukuru mu Ngabo z’u Rwanda.
Mu zindi nshingano yashinzwe harimo kuba yarabaye Umuyobozi wari ushinzwe Ingabo zirinda Umukuru w’Igihugu (Republican Guard), [yari agifite ipeti rya Gen Maj] umwanya yavuyeho mu 2016 akagirwa Umugaba Mukuru w’Ingabo zirwanira ku Butaka.
Ku wa 12 Mutarama 2018 nibwo Jacques Musemakweli wari ufite ipeti rya Gen Maj yazamuwe mu ntera na Perezida wa Repubulika, Paul Kagame, akaba n’Umugaba w’Ikirenga w’Ingabo z’u Rwanda, amugira Lt Gen.
Muri Mata 2019, Lt Gen Jacques Musemakweli, yagizwe Umugaba Mukuru w’Inkeragutabara mbere y’uko ku wa 3 Gashyantare 2020 agirwa Umugenzuzi Mukuru w’Ingabo z’u Rwanda.
Izina rya Lt Gen Jacques Musemakweli rinazwi mu mupira w’u Rwanda kuko yabaye mu buyobozi bwa APR FC mu bihe bitandukanye ndetse mu myaka isaga irindwi [2013-2020] yari Chairman wayo.
Umuvugizi wa Polisi mu Ntara y’Iburengerazuba, Chief Inspector of Police (CIP) Bonaventure Twizere Karekezi yavuze ko urwo rumogi rwafashwe biturutse ku makuru yatanzwe n’abaturage.
Yagize ati “Abaturage batanze amakuru kuri Polisi ko hari urumogi rwinjiye mu gihugu ruturutse muri Repubulika iharanira Demokarasi ya Congo hakoreshejwe inzira yo mu mazi mu kiyaga cya Kivu, hahise hategurwa igikorwa cyo gufata urwo rumogi n’abarwinjizaga mu gihugu,rwafatiwe mu rugo ruhereye mu Murenge wa Kirimbi,Akagari ka Nyarusange.”
CIP Karekezi yongeyeho ko ibyinshi mu biyobyabwenge bifatirwa mu Ntara y’Iburengerazuba bituruka mu gihugu cya Repubulika iharanira Demokarasi ya Congo.
Yagaragaje ko Polisi yari imaranye iminsi amakuru ko Nyirahabimana asanzwe acuruza urumogi nubwo yari atarafatwa.
Yagize ati “Twari dufite amakuru ko afite abaturage bo muri kiriya gihugu cya Repubulika iharanira Demokorasi ya Congo bakorana na we, afatwa yavuze ko aribo bari bamuzaniye urwo rumogi, bafata ubwato ahurira nabo mu kiyaga cya Kivu abaha ibihumbi 200 abasigaramo andi nk’ayo bigaragara ko bari basanzwe bafitanye imikoranire ya hafi.”
Umuvugizi wa Polisi mu Ntara y’Iburengerazuba yibukije abaturage ko urugamba rwo kurwanya ibiyobyabwenge barufitemo uruhare rukomeye,abasaba gutanga amakuru y’ababicuruza n’ababikwirakwiza aboneraho gushimira abaturage bakomeje gufatanya na Polisi mu kurwanya ibiyobyabwenge.
Uwafashwe yashyikirijwe Urwego rw’Igihugu rw’Ubugenzacyaha(RIB)rukorera muri sitasiyo ya Gihombo kugira ngo hakorwe iperereza.
Iteka rya minisitiri nº 001/moh/2019 ryo ku wa 04/03/2019 rigena urutonde rw’ibiyobyabwenge n’ibyiciro byabyo rishyira ikiyobyabwenge cy’urumogi mu biyobyabwenge bihambaye.
Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 263 ivuga ko Umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze icyaha. Iyo abihamijwe n’urukiko ahanishwa igifungo cya burundu n’ihazabu y’amafaranga y’u Rwanda arenze miliyoni makumyabiri (20.000.000 FRW) ariko atarenze miliyoni mirongo itatu (30.000.000 FRW) ku byerekeye ibiyobyabwenge bihambaye.
Mu minsi ishize Polisi iri kumwe n’urwego rw’ubushinjacyaha ndetse n’urw’Ubugenzacyaha bakoze igikorwa cyo gutwika ibiyobyabwenge byafatiwe mu gihugu harimo n’ibyafatiwe mu Ntara y’Iburengerazuba.
Gianni Infatino ari mu Rwanda mu bikorwa byo gufungura ikicira cya FIFA mu Karere kiri mu Rwanda, yafunguye ibi biro kuri uyu wa Gatanu tariki 19 Gashyantare.
Gianni Infantino ubwo yafunguraga iki kicaro cya FIFA, yashimiye Perezida Kagame Paul kuba yaremeye ko iki kicaro gishyirwa mu Rwanda nk’Igihugu kiza kandi kiyobowe neza.
Uyu muyobozi wa FIFA yaboneyeho kwibutsa inzego za Siporo mu Rwanda ko iki kicaro kitaje ari icyo kuberamo inama ahubwo ko ari icyo guteguriramo imikino mu rwego rwo kuzamura umupira w’amaguru mu Karere.
UKWEZI.RW
Kompanyi Huawei y'ikoranabuhanga yo mu Bushinwa yerekeje mu bworozi bw'ingurube mu guhangana n'ibihano bikomeye yafatiwe kuri telefone zigezweho (smartphones) zayo.
Iyi kompanyi yahagaritswe ku kugera ku bikoresho by'ingenzi nyuma yuko ubutegetsi bw'uwahoze ari Perezida Donald Trump buvuze ko iteje inkeke ku mutekano w'Amerika.
Mu guhangana n'ikibazo cy'ubucuruzi butarimo kugenda bwa za 'smartphones' zayo, Huawei irimo kureba ahandi yakura inyungu mu ikoranabuhanga ryayo.
Hamwe n'ikoranabuhanga rigezweho rya mudasobwa rikora akazi nk'ako umuntu yagakoze â” rizwi nka Artificial Intelligence (AI) â” rijyanye n'ubworozi bw'ingurube, Huawei irimo no gukorana n'urwego rw'ubucukuzi bwa nyiramugengeri (coal/charbon).
Trump wahoze ari Perezida w'Amerika yavuze ko Huawei ishobora gufata amakuru y'ibanga y'abakiliya bayo ikayaha leta y'Ubushinwa, ibirego iyi kompanyi yakomeje guhakana.
Kubera iyo mpamvu, iyi kompanyi ya mbere ku isi mu gukora ibikoresho by'ikoranabuhanga byinshi yasigaye ku gukora gusa ibijyanye n'ikoranabuhanga ry'umuyoboro mugari wa 4G.
Ni ukubera ko yimwe uruhushya rwa leta y'Amerika ngo ibe yashobora gutumiza ibikoresho byo kwifashisha mu ikoranabuhanga ry'umuyoboro mugari wa 5G.
Ubucuruzi bwa 'smartphones' bwa Huawei bwagabanutseho 42% mu mezi atatu ya nyuma yo mu mwaka wa 2020. Byatewe n'ikibazo cy'igabanuka ry'ibikoresho (microchips) yifashisha, ritewe n'ibihano yafatiwe.
Huawei kandi yakuwe muri gahunda yo kubaka umuyoboro wa 5G mu bihugu bimwe, birimo nk'Ubwongereza, kubera ubwoba ko ishobora guteza ikibazo ku mutekano w'ibyo bihugu.
Gushakira ahandi
Amakuru avuga ko muri uyu mwaka ishobora kugabanya ubushobozi bwayo bwo gukora 'smartphones' bukagabanuka ku kigero kigera kuri 60%, nubwo Huawei yo yavuze ko uyu mubare idashobora kuwemeza.
Umuvugizi wayo yabwiye BBC dukesha iyi nkuru ati: 'Ikibazo gihari hano ntabwo ari nkaho hari ikibazo na kimwe kijyanye n'ireme cyangwa ikoreshwa ry'ibyo Huawei ikora. Ntabwo Huawei ihabwa amahirwe angana kuko ikubirwa hagati mu bushyamirane bushingiye ku nyungu za politike'.
Ku bw'iyo mpamvu rero, bisa nkaho Huawei irimo gushakisha ahandi yakura inyungu â” yerekeza mu ikoranabuhanga ry'iyakure (cloud computing), ibinyabiziga bigezweho n'ibikoresho by'ikoranabuhanga byambarwa.
Ifite na gahunda yo gukora imodoka igezweho.
Ariko inahanze amaso ku bikorwa bicye byo mu buryo burushijeho kuba ubwa gakondo.
Korora ingurube
Ubushinwa ni cyo gihugu cya mbere cyorora ingurube nyinshi ku isi ndetse bwihariye kimwe cya kabiri cy'ingurube zo mu gasozi (isatura) ziriho ku isi.
Ikoranabuhanga ririmo gufasha mu gutuma ubworozi bw'ingurube bukorwa mu buryo bwa kijyambere hakoreshejwe ikoranabuhanga rya AI mu gutahura indwara zazo no mu kugenzura aho ingurube ziherereye .
Ikoranabuhanga ryo kumenya mu maso hazo (facial recognition technology) rishobora gutuma hatandukanywa ingurube imwe n'indi, mu gihe irindi koranabuhanga ryo rigenzura ibiro by'ingurube, ibiryo byazo n'imyitozo zikora.
Huawei imaze igihe ikora ikoranabuhanga ryo gutahura isura, ndetse mu kwezi gushize yanenzwe kubera uburyo (system) bwayo butahura abantu basa nk'abo mu bwoko bwa ba nyamuke bwa Uighur, mu mafoto y'abagenzi ku maguru.
Izindi kompanyi zikomeye z'ikoranabuhanga zo mu Bushinwa, zirimo JD.com na Alibaba, zirimo gukorana n'aborozi b'ingurube bo muri iki gihugu mu gushyira ikoranabuhanga rishya mu bworozi bwabo.
Umuvugizi wa Huawei yongeyeho ati: 'Ubworozi bw'ingurube ni urundi rugero rw'uburyo tugerageza kongerera imbaraga ibikorwa bimwe bya gakondo hifashishijwe ikoranabuhanga mu itumanaho rya ICT mu kongerera agaciro ibyo bikorwa muri iki gihe cy'umuyoboro wa 5G'.
Isoko y' inkuru BBC
Izi ngamba nshya kandi zakomoreye ibikorwa by’ishyingirwa haba imbere y’amategeko ndetse no mu nsengero ariko bigakorwa hatarenze umubare w’abantu 20 ariko ibikorwa byo kwiyakira ntibyemewe.
Ibikorwa by’izengo za Leta bizakomeza gukora ariko buri rwego rugakoresha abakozi batarenze 30% by’abakozi bose abandi bagakorera mu rugo ariko bagasimburana.
Ibikorwa by’abikorera na byo bizakomeza gukora ariko na byo ntibirenze 30% by’abakozi bose naho mu masoko n’amaduka, abacuruzi ntibarenge 50% kandi ibikorwa bigafunga saa kumi n’ebyiri z’umugoroba (18:00).
Izi ngamba nshya kandi zongereye amasaha yo kugera mu rugo kuko ubu ingendo zemewe kuva saa kumi za mu gitondo (04:00) kugeza saa mbiri z’ijoro (20:00).
Imodoka zitwara abagenzi mu buryo bwa rusange na zo zongerewe umubare w’abo zemerewe gutwara kuko ubu zizajya zitwara 75% by’umubare zagenewe gutwara.
Umubare w’abitabira ikiriyo ntugomba kurenza abantu 10 naho uw’abitabira ibyo gushyingura nturenze 20.
UKWEZI.RW
Umuramyi Chris Gikundiro utuye mu gihugu cya Australia muri Queensland yamaze gushyira hanze indirimbo ye ya gatatu yise ‘Bucyanayandi’ yasohokanye n’amashusho yayo. Ni nyuma y’iminsi itari myinshi yari ishize akoranye na Gentil Misigaro indirimbo bise ‘Mwami We’.
Nkuko tubikesha InyaRwanda.com, Chris Gikundiro umunyempano w’umusore usengera mu Itorero Healing Church International ryo muri Canada, yavuze ko iyi ndirimbo yamaze gushyira hanze ari iya gatatu akoze kuva atangiye urugendo rw’umuziki. Avuga ku butumwa buri muri iyi ndirimbo ye yagize ati “Abantu bagucira akobo Imana ikagucira akanzu. Uri mu Mana ntacyo azaba kuko arinzwe nawe”.
Chris Gikundiro yavuze ko ‘Buacyanayandi’ ari indirimbo yakuye mu gitabo cya Yesaya 54:17 havuga ngo “Ariko nta ntwaro bacuriye kukurwanya izagira icyo igutwara, kandi ururimi rwose ruzaguhagurukira kukuburanya uzarutsinda. Ibyo ni byo murage w’abagaragu b’Uwiteka, kandi uko ni ko gukiranuka kwabo guturuka aho ndi.' Ni ko Uwiteka avuga”.
REBA HANO INDIRIMBO ‘BUCYANAYANDI’ YA CHRIS GIKUNDIRO
Source: InyaRwanda.com
Source : https://agakiza.org/Chris-Gikundiro-yashyize-hanze-indirimbo-yise-Bucyanayandi-VIDEO.html
Perezida Kagame kuri uyu wa Gatanu,Tariki ya 19 Gashyantare 2021,yayoboye Inama y'Abaminisitiri yize ku ngingo zitandukanye zirimo koroshya ingamba zashyizweho hagamijwe gukomeza guhangana n'ikwirakwira ry'icyorezo cya COVID-19.
Iyi nama y'Abaminisitiri yateranye kuri uyu wa Gatanu yafashe imyanzuro yo gukomeza kwirinda COVID-19 irimo:
Ingendo zirabujijwe guhera saa Mbiri z'ijoro kugeza saa Kumi za mu gitondo.Ibikorwa byemerewe gukomeza gukora bizajya bifunga saa kumi n'ebyiri mu gihe ubusanzwe byari saa kumi n'imwe z'umugoroba.
Ibikorwa by'inzego za Leta byemerewe gukora ariko hagakora abakozi 30% abandi bagakorera mu rugo.Ibi bimeze kimwe n'abikorera ariko bo bemerewe gusimbura.
Abacuruza mu masoko n'amaduka bemerewe gukora ariko hazajya hasimburana umubare w'abatarenze 50% by'abacuruzi b'ingenzi bemerewe kuyacururizamo.
Amashuri yose (yaba aya Leta n'ayigenga) yemerewe gufungura
Resitora na café zemerewe kongera gukora ariko ntizirenze 30% y'ubushobozi bwazo bwo kwakira abantu.Ntizigomba kurenza saa kumi n'ebyiri ariko serivisi zo kugeza ku bantu ibyo batahana zemerewe kugeza saa mbili z'ijoro.
Ingendo zihuze uturere n'umujyi wa Kigali zakomeje cyakora imodoka zitwara abagenzi zemerewe gutwara 75% z'abo zitwara iyo zuzuye.
Insengero zahawe ibyangombwa zemerewe gukora ariko ntizirenze 30% by'abantu zakira.
Ishyingiranwa rikorewe imbere y'ubuyobozi no mu nsengero riremewe ariko rikitabirwa n'abantu batarenze 20,hakanubahirizwa amabwiriza yo kwirinda Covid-19.
Umubare w'abitabiriye ikiriyo ntugomba kurenza abantu 10.Gushyingura ntibigomba kurenza abantu 20.
Serivisi zimaze igihe zifunze nk'utubari,Gym,Betting zizakomeza gufunga gusa siporo zo hanze z'umuntu ku giti cye zidahuza abantu ziremewe.
Kuri uyu wa Gatanu , tariki ya 19 Gashyantare 2021, Inama y'Abaminisitiri yateranye hifashishijwe ikoranabuhanga, iyobowe na Nyakubahwa Perezida wa Repubulika y'u Rwanda Paul Kagame, yafatiwemo imyanzuro ikurikira:
Source : https://impanuro.rw/2021/02/19/imyanzuro-yinama-yabaminisitiri-yo-ku-wa-19-gashyantare-2021/