Webrwanda Backend

Author: webrwanda

  • Gerard Pique yahishuye umukino wamubabaje kurusha indi yose bamaze gutsindwa muri FC Barcelona #rwanda #RwOT

    Myugariro w'ikipe ya FC Barcelona, Gerard Pique,yatangaje ko nubwo batsinzwe nabi na Bayern Munich ibitego 8-2 muri Champions League ishize ariko umukino wamubabaje cyane ari uwo banyagiwe na Liverpool ibitego 4-0 nyamara mu mukino wari wabanje bari bayitsinze ibitego 3-0.

    Pique yavuze ko uyu mukino batsinzwe ibitego 4-0 batsinzwe muri ½ cya champions league na Liverpool muri 2019 ariwo wamubabaje kurusha indi yose amaze gutsindwa FC Barcelona.

    Aganira na AS,myugariro Pique yababajijwe umukino wamusebeje cyane mu gihe amaze akinira FC Barcelona,asubiza ati '” Anfield dukina na Liverpool. “

    Yakomeje avuga ko ageze mu rwambariro yarakaye cyane bigatuma atangira kujugunya kure buri kintu cyose cyari hafi ye.

    Ati 'Ntabwo ndi umukinnyi ukuntu kujugunya ibintu hasi ngo ngaragaze ko narakaye ariko kubera amahirwe twari twaremye mu mukino ubanza,ibyo nibyo nakoze.'

    Uyu mukino Pique avuga ko wamubabaje wafashije Liverpool kwegukana UEFA Champions League kuko yahise igera ku mukino wa nyuma itsinda Tottenham ibitego 2-0.

    Source : http://umuryango.rw/imyidagaduro/imikino/article/gerard-pique-yahishuye-umukino-wamubabaje-kurusha-indi-yose-bamaze-gutsindwa

  • Birashya bishyira amarembera, iryavuzwe rirat… – #rwanda #RwOT

    Iri tsinda ryagize ibigwi bikomeye mu muziki ndetse ryigarurira abatari bake kubera indirimbo zabo zirimo iyitwa 'Udukoryo twishi', 'Aisha' n'izindi. Bari mu bahanzi bahatanye mu irushanwa rikomeye rya PGGSS ryajyagamo umugabo rigasiba undi. 

    Nyuma y’uko iri tsinda rimaze igihe ryaraburiwe irengero mu muziki Nyarwanda hakavugwa byinshi birimo n'uko rishobora kuba ryarasenyutse ariko ba nyiraryo bakavuga ko rigihari, kuri ubu hagiye kugaragara impinduka mu mikorere yaryo.

    Usesenguye ibyo Derek yavuze ku bigiye gukorwa, iby’aba basore wakumva aho byerekeza ari ugukora umuziki ku gite cya buri umwe

    Derek umwe mu bagize iri tsinda wiga umuziki ku ishuri rya Nyundo yagiranye ikiganiro kihariye na InyaRwanda ubwo twamusangaga kuri iri shuri, abisobanura muri ubu buryo. “Itsinda rirahari kuko bari mu itsinda barahari nabo gusa ikintu navuga ku giti cyanjye ibi bihe bya covid-19 byazanye impinduka nini cyane yaba ku rwego rw'ubushobozi n'imitekerereze”.

    “Njyewe igitekerezo nari mfite cyari ukugira ngo buri muntu arebe ukuntu yatangira gukoresha impano afite ku ruhande kugira ngo turebe ukuntu dufasha groupe'. Yakomeje agira ati'Urabona groupe yari yaciwe intege! Mbere gato ya Covid-19 hari ukuntu tutari turi gukora cyane kubera ishuri, Covid ije noneho biba bibi cyane ndavuga nti byaba byiza y’uko buri muntu ku giti cye atangira gushyira imbaraga mu mpano afite kugira ngo noneho bitangire bizamure cya kintu cya Groupe'.

    Yunzemo ko abafana nibabona Derek ari gukora ibye, bazajye batekereza Active ndetse cyo kimwe na Tizzo ndetse na Olivis. Yavuze ko yagerageje kubimenyesha bagenzi be ariko nanone ngo ntabwo babyumvize vuba, ati 'Uko bigaragara ntabwo babyumvise vuba ariko nta mahitamo yandi nari mfite kandi nabo ntayo kuko n'ubundi imibereho y'ubuzima niyo ituma dutekereza uburyo dushobora gukora ibintu'.

    Derek yavuze ko igitekerezo yatanze batinze kucyumva

    Yongeyeho ko we nk'umuntu watekereje iyo mpinduka yafashe umwanzuro. Kuri iyi ngingo yakoresheje amagambo akomeye yumvukanisha ko buri wese yagakwiye gukora ku giti cye mu gihe yumva agifitiye urukundo umuziki. Yagize ati 'Njyewe byarihuse ntabwo ndindira ko impinduka imbaho! Mfata umwanzuro nkavuga nti igihe kirageze cy'uko ibintu bihinduka kuko n'ubundi hari igihe ushobora kurindira ibintu bikaguhindukiraho. Ndabizi ko bafite imbaraga bafite impano bazagera kuri byinshi'.

    Aya magambo uyasesenguye wakumvamo ikintu gikomeye kijyanye n'uko kubabona vuba ari batatu biri kure. Icyakora yongeye gushimangira ko Active kugeza ubu ari batatu keretse hagize uhitamo gufata umwanzuro agasezera.

    Ibyo yavuze bisa n’aho ari ko abagize ari tsinda bagiye gukora umuziki n'ikimenyimenye n'uko inyarwanda ifite amakuru yizewe yuko mugenzi we Olivis afite imishinga y'indirimbo zirenze imwe ari gukorere muri studio yitwa Kigali Record azashyira hanze mu minsi iri imbere. Ni mugihe Derek sano afite amaze gushyira hanze indirimbo zigera kuri enye adahuriyemo na bagenzi be zirimo iyitwa 'lava lava'.

    YUMVE HANO

    Source : https://inyarwanda.com/inkuru/104529/birashya-bishyira-amarembera-iryavuzwe-riratashye-impinduka-mu-mikorere-yitsinda-rya-activ-104529.html

  • Abantu 125 bakekwaho iterabwoba muri Siriya bafatiwe mu nkambi ya Al-Hol #rwanda #RwOT

    Ingabo zishyigikiwe na Leta zunze ubumwe z'Amerika muri Siriya y'amajyaruguru ashyira uburasirazuba, zirishimira ibyo zimaze kugeraho mu guhashya ibikorwa by'abarwanyi b'umutwe w'iterabwoba wa leta ya cy' Isilamu mu gace karangwamo inkambi nini yabavanywe mu byabo muri icyo gihugu. Gusa baravuga ko ikibazo kitararangira.

    Abategetsi b'umutwe w'ingabo zishyize hamwe n'abashinzwe umutekano muri ako karere batangaje iherezo ry'icyo bise 'icyiciro cyambere cyo kubumbatira amahoro mu nkambi y'abakuwe mu byabo ya al-Hol'. Iyo nkambi igizwe n'amahema acumbikiye abantu bagera ku 62,000 yabaye isoko n' indiri y'ibikorwa bya leta ya cy'Isilamu.

    Ibi bikorwa byakozwe n'abasirikare 5,000 basaka ihema ku rindi, byatumye hafatwa abantu 125 bakekwaho kuba abarwanyi b'umutwe wa leta ya cy'isilamu. Abategetsi bavuze ko abantu 20 mu batawe muri yombi ari abakuru b'amaselire bayoboye ibikorwa byo kwicira abantu ku mugaragaro byakunze kwibasira al-Hol kuva uyu mwaka utangiye.

    Umuvugizi w'ingabo zishinzwe umutekano muri ako gace, Ali al-Hassan, ejo kuwa gatanu nkuko VOA ibitangza, yatangaje ko abenshi mu barwanyi ba leta ya cy'Isilamu bihisha muri iyo nkambi nk'abasivili, bagamije kwisuganya no gutegura ibikorwa byabo. Gusa Ali al-Hassn yatangaje ko ibikorwa bya leta ya cy'Isilamu muri iyi nkambi bitarangiye.

    Munyaneza Theogene / intyoza.com

    Source : https://www.intyoza.com/abantu-125-bakekwaho-iterabwoba-muri-siriya-bafatiwe-mu-nkambi-ya-al-hol/

  • ‘Ntibyamukanze’, indirimbo nshya ya Adrien Misigaro nk’impano ya Pasika yageneye abakristo-VIDEO #rwanda #RwOT

    Umuramyi Adrien Misigaro ubarizwa muri Leta Zunze Ubumwe za Amerika, mu rwego kwifatanya n’Abakristo kwihiza Umunsi Mukuru wa Pasika aho baba bizihiza Izuka rya Yesu Kristo, yashyize hanze amashusho y’indirimbo ye yitwa ‘Ntibyamukaze’ yasohoye mu buryo bw’amajwi mu mwaka wa 2019.

    Adrien Misigaro uri mu bahanzi bakunzwe cyane mu muziki wa Gospel, ati “Ntibyamukanze ni ndirimbo nakoze umwaka ushize, yari imaze igihe, ariko sinigeze nkora Video. Nayanditse mu bihe bya Pasika. Ubusanzwe pasika niyo Event y’umwaka nkunda cyane, no mu ndiririmbo nyinshi nkora zikunze kuvuga ku bijyanye no gucungurwa kwacu. Urukundo rudasanzwe yankunze rwatumye yemera kubambwa ndetse akicwa nabi, bintera kwandika no kuririmba indirimbo nk’izi buri gihe”.

    Mu kiganiro yagiranye na InyaRwanda.com dukesha iyi nkuru, Adrien Misigaro yakomeje avuga ko ubutumwa buri muri iyi ndirimbo ye aba yumva yahora abutura abantu mu gihe cyo kwizihiza Pasika. Yagize ati “Ntibyamukanze rero ni imwe muri message mba numva nakwibutsa abantu buri gihe, inkoni nyinshi, no kubabazwa yarabyirengagije, kubera urukundo yankunze. Nakoze iyi video kugira ngo binyorohere gutanga iyi message ku bantu benshi muribi bihe bya pasika”.

    Icyorezo cya Covid-19 cyagize ingaruka ku bantu benshi barimo na Adrien Misigaro, gusa uyu muramyi we avuga ko hari ibyo yabashije kunguka mu bihe bya Covid-19 birimo kwandika indirimbo nyinshi. Ati “Naho ibikorwa ubu mfite byinshi, Coronavirus n’ubwo yabaye mbi ariko yampaye umwanya uhagije wo kwandika ibindi bihangano bishya. Muri uku kwezi ndatangira kuzishira hanze. Mu gihe dutegeje ko iki cyorezo cya COVID-19 kigabanuka tukazongera gutegura ibitaramo”.

    REBA HANO ‘NTIBYAMUKAZE’ INDIRIMBO YA ADRIEN MISIGARO

    Source: InyaRwanda.com

    [email protected]

    Source : https://agakiza.org/Ntibyamukanze-indirimbo-nshya-ya-Adrien-Misigaro-nk-impano-ya-Pasika-yageneye.html

  • Miliyoni zigera ku 100 z'Abaturage ba America bamaze guhabwa urukingo rwa Coronavirus #rwanda #RwOT

    Ubutegetsi bwa Perezida w'Amerika Joe Biden bwari bwarihaye intego yo gutanga urukingo rw' ikiza cya Covid 19 ku bantu miliyoni 100 mu mezi ya mbere atatu. Kuri uyu wa gatanu tariki 02 Mata 2021 bwesheje umuhigo. Amerika iba igihugu cya mbere ku isi mu gukingira abantu bagera kuri miliyoni 100.

    Gusa indwara ya Covid 19 iterwa na virusi ya Corona ikomeje kwiyongera mu bice bimwe by'Amerika. Perezida Joe Biden yaraye asabye Abanyamerika kutirara no gukomeza kwirinda kugira ngo ibyo bamaze kugeraho bidasubira inyuma.

    Mu ntangiriro z'iki cyumweru Biden yavuze ko hakomeje gahunda yo kongera umubare w'abakingirwa ku buryo abari mu za bukuru babarirwa kuri 90 ku ijana bazaba bashobora guhabwa izi nkingo taliki ya 19 z'uku kwezi kwa kane. Bivuze ko ari mu byumweru bitatu uvuye none. Yavuze ko abandi basigaye na bo batagomba gutegereza kugera taliki ya mbere y'ukwezi kwa gatanu

    Hirya no hino ku isi abantu bagera kuri miliyoni 130 bamaze kwandura indwara ya Covid 19. Muri bo, imaze guhitana abagera kuri miliyoni 2.8 nkuko bitangazwa n'ikigo cy'ubushakashatsi cya kaminuza ya Johns Hopkins. Leta zunze ubumwe z'Amerika ni yo iri ku isonga mu kugira abanduye iyi ndwara benshi ku isi. Ifite ababarirwa kuri miliyoni 30.6 igakurikirwa na Brazil ibarurwamo miliyoni 12.9 z'abanduye, Ubuhinde buza ku mwanya wa gatatu bubarurwa mo miliyoni 12.3 z'abanduye iyo ndwara.

    Ibikorwa byo gukingira mu Bulayi ntabwo byihuta cyane ugereranije n'uko bimeze muri Amerika. Ishami ry'Umuryango w'Abibumbye ryita ku Buzima (OMS) rivuga ko abagera ku 10 ku ijana gusa ku mugabane w'Ubulayi ari bo bamaze guhabwa icyiciro cya mbere cy'urukingo. Abahawe inkingo zose ni bane ku ijana gusa.

    Imwe mu mpamvu itera uwo muvuduko muke mu bihugu by'Ubulayi nkuko VOA ibitangaza, nuko urukingo bakoresha rwa AstraZeneca rwakunze kuvugwaho gutera amaraso kuvura ku bantu bamwe baruhawe nubwo abarukoze babihakana bakavuga ko nta gihamya babonye ko urwo rukingo rutera amaraso kuvura koko. Nyuma y'Ubudage, Ubuholandi na bwo bwararuhagaritse ejo ku wa gatanu.

    Munyaneza Theogene / intyoza.com

    Source : https://www.intyoza.com/miliyoni-zigera-ku-100-zabaturage-ba-america-bamaze-guhabwa-urukingo-rwa-coronavirus/

  • Adrien Misigaro yashyize hanze amashusho y’in… – #rwanda #RwOT

    Adrien Misigaro uri mu bahanzi bakunzwe cyane mu muziki wa Gospel, ati “Ntibyamukanze ni ndirimbo nakoze umwaka ushize, yari imaze igihe, ariko sinigeze nkora Video. Nayanditse mu bihe bya Pasika. Ubusanzwe pasika niyo Event y’umwaka nkunda cyane, no mu ndiririmbo nyinshi nkora zikunze kuvuga ku bijyanye no gucungurwa kwacu. Urukundo rudasanzwe yankunze rwatumye yemera kubambwa ndetse akicwa nabi, bintera kwandika no kuririmba indirimbo nk’izi buri gihe”. 

    Mu kiganiro yagiranye na InyaRwanda.com, Adrien Misigaro yakomeje avuga ko ubutumwa buri muri iyi ndirimbo ye aba yumva yahora abutura abantu mu gihe cyo kwizihiza Pasika. Yagize ati “Ntibyamukanze rero ni imwe muri message mba numva nakwibutsa abantu buri gihe, inkoni nyinshi, no kubabazwa yarabyirengagije, kubera urukundo yankunze. Nakoze iyi video kugira ngo binyorohere gutanga iyi message ku bantu benshi muribi bihe bya pasika”. 

    Adrien Misigaro akunze gukora indirimbo zivuga ku gucungurwa kw’abatuye Isi

    Icyorezo cya Covid-19 cyagize ingaruka ku bantu benshi barimo na Adrien Misigaro, gusa uyu muramyi we avuga ko hari ibyo yabashije kunguka mu bihe bya Covid-19 birimo kwandika indirimbo nyinshi. Ati “Naho ibikorwa ubu mfite byinshi, Coronavirus n’ubwo yabaye mbi ariko yampaye umwanya uhagije wo kwandika ibindi bihangano bishya. Muri uku kwezi ndatangira kuzishira hanze. Mu gihe dutegeje ko iki cyorezo cya COVID-19 kigabanuka tukazongera gutegura ibitaramo”.

    Adrien Misigaro ni umuramyi w’izina rikomeye mu muziki wo kuramya no guhimbaza Imana mu Rwanda no muri Diaspora nyarwanda bikaba akarusho ku mugabane wa Amerika aho yamenyekaniye, dore ko ho ari izina rizwi n’iyonka mu banyarwanda bahatuye bakunda umuziki wa Gospel. Amaze gukora indirimbo zabaye ibendera ry’umuziki we zirimo’ ‘Nzagerayo’, ‘Ntuhinduka’ n’izo yakoranye n’abahanzi b’ibyamamare mu muziki nyarwanda nka The Ben bakoranye ‘Nkwite nde’, Meddy bakoranye ‘Ntacyo nzaba’ na mubyara we Gentil Misigaro bakoranye ‘Buri munsi’.

    Adrien Misigaro hamwe n’umufasha we Reine Misigaro Nkurunziza

    Adrien Misigaro yageneye Abakristo bose impano ya Pasika

    Adrien Misigaro hamwe n’umuryango we bageneye abakristo impano ya Pasika

    REBA HANO ‘NTIBYAMUKAZE’ INDIRIMBO YA ADRIEN MISIGARO

    Source : https://inyarwanda.com/inkuru/104531/adrien-misigaro-yashyize-hanze-amashusho-yindirimbo-ntibyamukanze-nkimpano-ya-pasika-yagen-104531.html

  • Caleb Rwamuganza, Serubibi na Rwakunda bahanishijwe igifungo cy'imyaka itandatu – #rwanda #RwOT

    Caleb Rwamuganza wahoze ari Umunyamabanga Uhoraho muri Minisiteri y'Imari n'Igenamigambi, Minecofin yareganwaga hamwe na Christian Rwakunda wahoze ari Umunyamabanga Uhoraho muri Minisiteri y'Ibikorwa Remezo (Mininfra).

    Mu bandi baregwaga kandi harimo Serubibi Eric wahoze ari Umuyobozi w'Ikigo cya Leta gishinzwe imyubakire (RHA) na Kabera Godfrey wari ushinzwe igenamigambi muri Minisiteri y'imari n'igenamigambi.

    Bari bakurikiranyweho ibyaha bitatu birimo gukoresha nabi umutungo wa Leta ufitiye rubanda akamaro, gutanga isoko rya Leta binyuranyije n'amategeko no kugira akagambane n'upiganira isoko rya Leta.

    Ubushinjacyaha bwavuze ko ibyaha bashinjwa byakorewe ku isoko ry'inzu yaguzwe igahendesha Leta aho yaguzwe 9 850 000 000 Frw nyamara umugenagaciro yari yagaragaje ko ikwiriye kugurwa atarenze 7 600 000 000 Frw.

    Ku wa 31 Werurwe nibwo umwanzuro mu rubanza rwabo wasomwe, maze umucamanza ategeka ko bafungwa imyaka itandatu nyuma yo kubahamya ibyaha byose bakurikiranwagaho.

    Usibye igifungo, bose bategetswe gutanga ihazabu ya miliyoni 3 Frw no gusubiza mu isanduku ya 1.804.727.200 Frw.

    Aba bagabo bose baburanye bahakana ibyaha, bavuga ko ahubwo ibyo bakoze mu igurwa ry'inzu ritari rigamije guhombya leta ahubwo ko bakoze ibishoboka byose ngo idahendwa.

    Rwamuganza yahoze ari Umunyamabanga Uhoraho muri Minisiteri y’Imari n’Igenamigambi

    Rwakunda Christian wahoze ari Umunyamabanga uhoraho muri Mininfra yavuze ko ibyo yakoze byose byubahirije amategeko

    Serubibi Eric wahoze ayobora Rwanda Housing Authority yahakanye ibyo aregwa

    Source : http://igihe.com/amakuru/u-rwanda/article/caleb-rwamuganza-serubibi-na-rwakunda-bahanishijwe-igifungo-cy-imyaka-itandatu

  • Bwa bwato buhenze cyane bwa Sheebah karungi bwarohamye burashya. – YEGOB #rwanda #RwOT

    Mu minsi ishize nibwo twabagejeho inkuru yuko umuhanzikazi Sheebah karungi ukomoka muri Uganda yaguze ubwato buhenze cyane azajya akoresha mu bikorwa byo kwinezeza, kuri ubu biravugwa ko ubu bwato bwarohamye bugashya.

    Ubwato buhenze cyane bwa Sheebah Karungi. 

    Umupolisi wo muri Uganda akaba umuyobozi mu mutekano wo mazi mu nyanja ya Victoria, yemeje ko ubwato bwa miliyoni nyinshi bwa Sheebah Karungi bwarohamye ku nkombe z'ikiyaga cya Victoria hafi ya Mulungu muri Munyonyo, ni ibyabaye mu gitondo cyo kuri wa Kane, bwibasiwe kandi n'umuriro igice kimwe.

    Umuyobozi mukuru wo mu nyanja, Mohamad Zawawi Abdullah yagize ati: 'Ubwato bwarohamye mu gitondo Tariki ya Mbere Mata, ahagana mu ma saa kumi n'imwe za mu gitondo cyangwa saa kumi n'ebyiri gutyo. Twashoboye kugenzura umuriro wafashe ubwato bishobora kuba byaratumye ubwato burohama.'

    Leave your vote

    -2 Points

    Upvote Downvote

    Comments

    0 comments

    Source : https://yegob.rw/bwa-bwato-buhenze-cyane-bwa-sheebah-karungi-bwarohamye-burashya/

  • Batangiye kunsambanya mfite imyaka 15 bantera inda|ndumva ntacyo maze nshatse napfa|umva agahinda k'uyu mwari. – YEGOB #rwanda #RwOT

    Uyu mukobwa ukiri muto, atuye mu murenge wa Nyakabanda muri Kigali,avuga ko yatewe inda afite imyaka 15 y'amavuko ndetse biza kumusigira uburwayi bwo mu nda.

    Uyu mukobwa witwa Albertine ubwo yasurwaga na Afrimax Tv yagaragaje agahinda gakomeye yatewe no kuba yarasambanyijwe akiri muto ndetse agaterwa inda imburagihe ibintu byamusigiye uburwayi bwo munda.

    Mu marira, Albertine yagize ati:'bijya gutangira umukobwa w'inshuti yajye yanjyanye ku musore, nuko bampa fanta ntaziko irimo ikinini cya feneriga,ndasinzira bakora ibyabo.Naje gutwita gusa ikindi gihe bantwaye ahantu ,nkeka ko ari kwa muganga, barambwira ngo game igiye kurangira,bashaka ko nkuramo inda,ndababwira ngo njyewe sinshaka kwica, narabacitse ndagenda.'

    Uyu mukobwa waje kwibaruka ,akaba afite umwana yavuze ko ajya agira agahinda iyo yibutse ubuzima yaciyemo ,ndetse akaba arwaye mu nda.Ati'Nshatse napfa nubundi ntacyo nshigaje ku isi'.

    Leave your vote

    Comments

    0 comments

    Source : https://yegob.rw/batangiye-kunsambanya-mfite-imyaka-15-bantera-indandumva-ntacyo-maze-nshatse-napfaumva-agahinda-kuyu-mwari/

  • AS Kigali yinjiye mu mwiherero #rwanda #RwOT

    Nyuma yo kwemererwa na FERWAFA gusubukura imyitozo, AS Kigali yinjiye mu mwiherero yitegura umwaka w’imikino wa 2020-2021.

    Ku wa Kane w’iki cyumweru tariki ya 1 Mata 2021 nibwo FERWAFA yasuye AS Kigali isanga yujuje ibisabwa iyemerera kuba yatangira imyitozo.

    Uyu munsi AS Kigali ikaba yapimishije abakinnyi icyorezo cya COVID-19 ndetse bahita binjira mu mwiherero aho bagiye kuwukorera kuri Hoteli Baoba aho n’ubusanzwe basanzwe bawukorera.

    Uretse AS Kigali, Police FC nayo yahawe uburenganzira ku wa Kane bwo gutangira imyitozo nyuma yo gusanga yujuje ibisabwa, uyu munsi nayo yapimishije abakinnyi icyorezo cya Coronavirus.

    Tariki ya 18 Weruwe 2022, Minisiteri ya Siporo yasohoye itangazo rivuga ko imyitozo n’amarushanwa(shampiyona) ku makipe yo mu cyiciro cya mbere yemewe ariko akabisubukura ari uko Federasiyo amakipe abarizwamo zerekanye uko amakipe azirinda icyorezo cya COVID-19.

    Uretse aya makipe FERWAFA kandi yahaye uburenganzira Kiyovu Sports bwo gutangira imyitozo, Gorilla FC basanze itujuje ibisabwa ni mu gihe Musanze FC na Sunrise FC zasabye gusurwa.

    Kugeza uyu munsi ntabwo haramenyekana igihe shampiyona yasubitswe mu Kuboza 2020 igeze ku munsi wa 3 izagarukira.

    AS Kigali yatangiye umwiherero

    Source : http://isimbi.rw/siporo/article/as-kigali-yinjiye-mu-mwiherero