Webrwanda Backend

Author: webrwanda

  • Amazuku y'ikirunga cya Nyiragongo yahitanye abarenga 15,amazu menshi cyane arashya #rwanda #RwOT

    Kuwa gatandatu nijoro, Nyiragongo yahinduye ikirere umutuku maze iruka amazuku yamanutse akagera hafi ya Goma, umujyi utuwe na miliyoni ebyiri z'abantu uri munsi y'iki kirunga.

    Abantu 15 nibo bimaze kwemezwa ko bapfuye, ariko uyu mubare ushobora kwiyongera mu gihe kubarura ibyangiritse bitararangira ahibasiwe cyane.

    Abantu icyenda bapfiriye mu mpanuka zo mu muhanda bariho bahunga. Abandi babiri bapfuye bagerageza gucika gereza.

    Naho babiri nibo batwitswe n'amazuku, nk'uko byatangajwe ku cyumweru n'umuvugizi wa leta Patrick Muyaya.

    Abantu bagera ku 8,000 bahungiye mu gihugu gituranyi cy'u Rwanda, benshi muri bo ubu bamaze gutahuka nk'uko abategetsi babivuga.

    Hari ubwoba ko abana barenga 170 babuze, naho abagera ku 150 batanye n'imiryango yabo nk'uko UNICEF ibivuga, ndetse ivuga ko igiye gushyiraho ibigo byo gufasha abana bari bonyine.

    Amazuku yibasiye komine Buhene, mu nkengero za Goma, atwika inzu yewe n'inzu nini. Gusubiranya ibyangiritse bishobora gufata amezi menshi.

    Innocent Bahala Shamavu yabwiye ibiro ntaramakuru Associated Press ati: “Inzu zose muri Buhene zarahiye.”

    Ahandi, amazuku yambukiranyije umuhanda uhuza Goma na Beni. Gusa ikibuga cy'indege cya Goma nticyagezweho, nubwo hari amakuru yari yatangajwe ko cyaba cyibasiwe.

    Imitingito yumvikanye nyuma y'iri ruka ry'ikirunga kugeza no mu bice bimwe by'u Rwanda ejo ku cyumweru.

    Bwana Muyaya yanditse kuri Twitter ati: “Abantu bagomba gukomeza kuba maso, birinda ingendo zitari ngombwa no gukurikiza inama”.

    Nyiragongo, iri kuri 10Km mu majyaruguru ya Goma, iheruka kuruka bikomeye mu 2002 aho abantu 250 bapfuye abagera ku 120,000 bagasigara ntaho kwikinga.

    Richard Bahati, umwe mu baturage ba Goma yari mu nzu ye ubwo yumvaga abantu batabaza agira ubwoba cyane, asohotse asanga ikirere cyabaye umutuku.

    Ati: “Ibi narabibonye mu 2002. Iki kirunga cyatwitse inzu zacu n'ibyacu byose.”

    Kambere Ombeni, umucuruzi uri mu basubiye iwe ikirunga kikimara kuruka. Ati: “Twarebaga agace kose ka Nyiragongo kahindutse umwotsi. Umuriro wavaga aha hepfo. N'ubu turacyabona amazuku.”

    Irene Bauma, undi utuye hano, avuga ko abantu bacyeneye ubufasha bwa leta ngo bongere kwiyubaka.

    Ati: “Hari ubutaka n'abantu gusa, abaturage babuze ibintu byose, birashoboka ko hari n'abapfuye, ntawamenya. Turasaba leta kudutabara abasizwe iheruheru n'iruka ry'ikirunga.”

    Tom Peyre-Costa, wo mu kigo Norwegian Refugee Council i Goma yabwiye BBC uko byagenze.

    Ati: “Amazuku yagendaga buhoro, 1Km/h ariko adahagarara… atangira gutwika inzu.” Yongeraho ko ubu uyu muryango wo gufasha watangiye kugeza ku bantu iby'ibanze nkenerwa.

    Nyiragongo ni kimwe mu birunga byo ku isi bitarazima, hari impungenge ko kidakurikiranwa bikwiye na Goma Volcano Observatory kuva Banki y'isi yagabanya inkunga kubera ibirego bya ruswa.

    Professor Mike Burton, inzobere mu by'ibirunga wo muri University of Manchester mu Bwongereza yabwiye BBC ko amazuku ya Nyiragongo yihariye kuko ari ibisukika bishobora gutemba byihuta.

    Amakuru yatanzwe tariki 10 z'uku kwezi, Goma Volcano Observatory yaburiye ko imitingito kuri Nyiragongo yiyongereye.

    Iki kirunga igihe cyarutse kikica abantu benshi cyane ni mu 1977 aho abantu 600 bapfuye.

    BBC

    Source : http://umuryango.rw/amakuru/mu-mahanga/ubuzima/article/amazuku-y-ikirunga-cya-nyiragongo-yahitanye-abarenga-15-amaze-menshi-cyane

  • Najye gushakira ubuzima mu bindi mu mupira byaranze- Perezida wa Musanze FC amaze kwirukana Seninga #rwanda #RwOT

    Iby’iyirukanwa rya Seninga Innocent ryamenyekanye ubwo uyu mupira wari urimbanyije ugeze ku munota wa 63 ubwo iyi kipe yari ikomeje gutsindwa umusubirizo.

    Perezida wa Musanze FC, Placide Tuyishime yavuze ko bafashe icyemezo cyo kwirukana Seninga ngo 'kuko twabonaga ntacyo ari gukora, azize ko adashoboye kuko gutoza kwe byasubiye inyuma. Ubwo ni ugushakira ubundi buzima ahandi kuko mu mupira ndabona byaranze.'

    Musanze FC yatsinzwe ibitego 4-1 nyamara ari yo yabanje igitego cyatsinzwe na Munyeshaka Gilbert mu gice cya mbere cy’umukino.

    Yavuze ko nta mpungenge zo kuba hazakurikiraho ibishobora kugonga ubuyobozi bwa Musanze FC, avuga ko hazakurikizwa icyo amategeko avuga aho kugira ngo 'uriya mutoza akomeze kubatesha umutwe.'

    Yagize ati 'Aho kugira ngo umuntu aguteze 'Pressure’ za buri munsi n’ubwo zaba za miliyoni zingana gute wazimuha ariko ukagira amahoro.'

    Yavuze ko bagiye kwicara nka komite ya Musanze FC bakareba niba bashaka undi mutoza. Ati 'Ngira ngo abatoza barahari tuzashakisha undi ariko hari umutoza Cannavaro wari wungirije, araba ari kumwe n’ikipe kugira ngo turebe uko twarangiza iyi mikino ariko nyuma tuzashake undi.'

    UKWEZI.RW

    Source : http://www.ukwezi.rw/Imikino/article/Najye-gushakira-ubuzima-mu-bindi-mu-mupira-byaranze-Perezida-wa-Musanze-FC-amaze-kwirukana-Seninga

  • Nyarugenge: Abanyerondo biyemeje guhindura imyitwarire irimo ubusinzi bwahindanyaga isura yabo –

    Babisabwe kuwa Gatanu mu muhango wo gusoza amahugurwa y’iminsi itatu bari yari agamije kunoza no kurushaho kumenya inshingano zabo.

    Ubusanze umurenge wa Nyakabana ni umwe mu igize Akarere ka Nyarugenge wakundaga kugaragaramo abanyerondo bakora akazi banyweye inzoga basinze no kudatangira amakuru ku gihe.

    Mu minsi ishize hagiye hagaragara abacuruzi barenze ku mabwiriza yo kwirinda Covid-19 bacuruza inzoga ndetse n’abagize ingo zabo utubari kandi bitemewe.

    Ibi byatuye ubuyobozi bw’uyu murenge butegura amahugurwa y’abanyerondo agamije gutuma bamenye inshingano zabo bananoza akazi kabo. Bashishikarijwe kumenya agaciro k’umwuga bakora no kudahohotera abarurage.

    Umunyerendo witwa Sineza Jean Damascene ukorera mu Kagari ka Munanira ya II yagize ati “ Amahugurwa yadufashije cyane kuko yatumye inshinano zacu n’uburyo dukwiye kuzikora neza nk’uko bikwiriye tudahutaje abaturage kuko hari ibyo wasangaga tudakora cyangwa tubikora nabi turengera kandi bitureba.”

    Kamanzi Guillaume na we ukorera mu Murenge wa Nyakabanda, yemeza ko muri aka gace karimo abanyerondo bitwaraga nabi, gusa avuga ko imyitwarire yabo igiye guhinduka nyuma y’uko bahawe aya mahugurwa.

    Ati “Abanyerondo bakoraga nabi barahari ariko mpamya ko kuba twabonye aya mahugurwa tukanamenya uko dukwiye gukora akazi kacu hari benshi batari babizi bagiye guhinduka kuko batari bazi inshingano zabo cyangwa bagakora ikintu batazi ko ari icyaha.”

    Uhagarariye Irondo mu Karerere ka Nyarugenge , Yousufu Kabirigi, yavuze ko aya mahugurwa agiye gufasha abanyerondo guhindura imyitwarire no kunoza akazi kabo nk’uko bikwiye.

    Ati “Bumvise inshingano zabo n’uko bakwiye kuzikora badahohoteye abaturage. Byatumye biyemeza kugira ikinyabupfura kugira ngo bajye batangira amakuru ku gihe ku kintu icyo ari cyo cyose cyabujijwe banagaragaza imwitwarire myiza mu midugudu n’aho bakorera.”

    Kabirigi yavuze ko muri uyu murenge wa Nyakabanda hari hasanzwe hagaragaraga abanyerondo badatangira amakuru ku gihe, abakora akazi basinze gusa avuga ko yizeye ko bagiye guhindura imyitwarire kubera amahugurwa bahawe.

    Abanyerondo bo mu murenge wa Nyakabanda nyuma yo gusoza amahugurwa bacinye akadiho

    Kamanzi Guillaume na we ukorera mu Murenge wa Nyakabanda yemeza ko muri aka gace karimo abanyerondo bitwaraga nabi

    Abanyerondo bishimiye amahugurwa bahawe kuko azabafasha kunoza akazi kabo neza

  • I Rubavu bamwe baraye hanze batinya ingaruka z’imitingito –

    Icyo kirunga cyacogoye kuruka guhera kuri iki Cyumweru ariko imitingito irakomeje mu bice bicyegereye birimo n’Akarere ka Rubavu, ku buryo isaha n’isaha gishobora kongera kuruka.

    Ubuyobozi bw’Akarere ka Rubavu bwari bwasabye abaturage kwirinda kurara mu nzu kugira ngo zitabasenyukiraho mu gihe haba habaye umutungito mwinshi.

    Umunyamakuru wa IGIHE uri mu Karere ka Rubavu yavuze ko benshi baraye hanze batinya ko inzu zabagwaho basinziriye.

    Ineza Junior, umwe mu batuye mu Mujyi wa Rubavu waraye hanze yagize ati “Twaraye hanze kubera ikibazo cy’imitingito igenda yiyongera bitandukanye n’ejo bundi hashize igihe ikirunga cyarukaga, ntabwo imitingito yari ifite imbaraga ariko ubu iri kwisukiranya kandi ifite imbaraga.”

    Nubwo baraye hanze, yavuze ko batasinziriye neza ndetse by’umwihariko nk’abana bateganya kujya ku ishuri kuri uyu wa Mbere bafite impungenge z’uburyo barakurikirana amasomo.

    Ati “Kurara hanze ntabwo ibitotsi bishira. Nko ku bana kwiga birabangama cyane, bashobora kunanirwa kwiga kubera ko baryamye bitandukanye n’uko basanzwe. Ikindi kandi umutingito ubaye bari ku ishuri byateza akavuyo bari mu kigo.”

    Munyaneza Héritier na we waraye hanze atinya ingaruka z’umutingito, yavuze ko kurara hanze aribyo byizewe mu gihe nk’icyo cy’iruka ry’ikirunga mu rwego rwo kwirinda ingaruka zo kurara mu nzu.

    Ati “Uyu munsi kugira ngo turare hanze ni uko imitingito yari myinshi cyane kandi ifite imbaraga, kandi mu kwirinda impanuka ziturutse ku mitingito, kurara hanze nibyo bifite umutekano kurusha kurara mu nzu.”

    “Imitingito yo ku manywa nta ngufu yari ifite nyinshi kandi ku manywa kuko uba ureba uba ubona ibibazo uko byifashe bitandukanye na nijoro usinziriye.”

    Mu ijoro rishyira kuri uyu wa Mbere, mu Karere ka Rubavu humvikanye imitingito itandukanye kandi imwe yari ifite imbaraga.

    Ikigo gishinzwe mine, peteroli na Gaz kibinyujije kuri konti ya Twitter, Rwanda Seismic Monitor cyatangaje ko kiri gukurikiranira hafi iby’imitingito ikomeje kumvikana mu Rwanda yakurikiye iruka rya Nyiragongo .

    Kugeza kuri iki Cyumweru Akarere ka Rubavu katangazaga ko inzu ebyiri ari zo zasenywe n’imitingito yakurikiye iruka rya Nyiragongo, ni mu gihe hegitari eshatu zari zihinzeho imyaka mu murenge wa Rubavu zangijwe n’amahindure y’ikirunga.

    Ku ruhande rwa Congo, abantu 15 nibo bamaze kumenyekana ko bahitanywe n’ingaruka z’iruka rya Nyiragongo mu gihe inzu zisaga 500 zasenyutse.

    Hari impungenge ko isaha n’isaha imitingito yakurikiye iruka rya Nyiragongo yagira ingaruka

    Ntabwo haramenyekana ibyangijwe n’umutingito mu karere ka Rubavu aho benshi baraye hanze

    Bamwe baraye hanze batinya ko inzu zibagwaho kubera imitingito

  • Nyaruguru: Imiryango 10 yubakiwe na FARG ikeneye ubutabazi bwihuse –

    Abafite icyo kibazo ni imiryango 10 yubakiwe n’Ikigega cya Leta kigenewe gutera inkunga abarokotse Jenoside batishoboye (FARG) mu 2014, mu Mudugudu wa Karimba mu Kagari ka Raranzige.

    Bavuga ko kugeza kuri ubu hashize imyaka irindwi batarahabwa ibyangobwa by’izo nzu bubakiwe, bikaba byarabagizeho ingaruka zo kubura uko bahabwa ingurane y’imitungo yabo yangijwe mu iyubakwa ry’umuhanda.

    Umwe muri bo witwa Mugenzi Narcisse avuga ikorwa ry’umuhanda rimaze kwangiza imitungo yabo n’inzu, babariwe ariko ntibahabwa ingurane kuko nta byangombwa bafite kandi bamaze igihe kinini basiragira ku Karere ka Nyaruguru babisaba ariko ntibabihabwe.

    Ati “Nyuma y’ikorwa ry’umuhanda, amazu yacu yarangiritse ubu turi mu manegeka dutinya ko yazatugwaho. Icyo twifuza ni uko imyaka yacu yangijwe twakwishyurwa tukabona ibyangombwa by’ubutaka nk’abandi baturage.”

    Akomeza avuga ko bababwiye ko ubusanzwe umuturage wubakiwe na Leta ahabwa ibyangombwa by’inzu nyuma y’imyaka itanu ariko bakibaza impamvu batabihabwa kandi yararenze.

    Mukankusi Immaculée na we avuga ko inzu atuyemo yangiritse ku buryo ararana impungenge z’uko yamugwira.

    Ati “Ndara ntasinziriye mfite ubwoba ko iyi nzu izangwaho kuko imashini ikora umuhanda yarayishegeshe ku buryo yenda kuriduka.”

    Umuyobozi w’agateganyo w’Akarere ka Nyaruguru, Gashema Janvier, avuga ko icyo kibazo bagiye kugikurikirana kugira ngo abo baturage babone ibyangombwa byabo kandi n’ubwishyu bwabo bubagereho.

    Ati “Abaturage bagizweho ingaruka n’ikorwa ry’umuhanda hari abari gukorerwa ibyangombwa kugira ngo bahabwe ingurane kuri ya nzu nubwo yayihawe na leta ariko iyo nzu ni iye. Ibyangombwa biri gukorwa kugira ngo umuturage abashe kubona ingurane.”

    Gashema avuga ko mbere mbere y’uko umuhanda ukorwa abimuwe bahawe ingurane kandi n’abafite imitungo yangiritse mu ikorwa ryawo nabo bazishyurwa bose.

    Usibye abo bubakiwe na FARG, hari n’abandi baturanyi babo bavuga ko basenyerwa n’amazi ava muri kaburimbo kuko hatashyizweho umuferege uyayobora.

    Béatrice Bankundiye ati “Amazi yo mu muhanda bayakoreye inzira uruhande rumwe, urwo duturiye bararwihorera. Amazi yose ahanyura aruhukira iwacu. Umunsi wa mbere twakangutse yarenze igitanda neza neza, ari nka saa saba z’ijoro”.

    Gashema avuga ko bazajya ahantu hatandukanye kuri uwo muhanda wa kaburimbo bakareba abafite ibikorwa biri kwangirika mu buryo butari bwitezwe, kugira ngo abahatuye bazabarirwe bose bahabwe ingurane bimuke.

    Umuhanda wa kaburimbo Huye-Nyaruguru ureshya na kilometero 66 ugeze ku kigero kiri hejuru ya 60% wubakwa.

    Bafite impungenge ko izi nzu zizabagwaho kuko amazi yatangiye no kuzinjiramo

    Barasaba ubuyobozi bw’Akarere ka Nayruguru kubaha ibyangombwa kugira ngo babone uko bahabwa ingurane y’imitungo yabo yangijwe

    Ikorwa ry’umuhanda wa kaburimbo ryangije inzu zabo ntibahabwa ingurane kuko nta byangombwa bahawe

    Inzu bubakiwe na FARG mu 2014 zangijwe n’ukorwa ry’umuhanda ntubahabwa ingurane kuko batarahabwa ibyangombwa by’iyo mitungo

    Zimwe mu nzu batuyemo zatangiye kwika kubera ko imashini zikora umuhanda zazishegeshe zisigara zijegajega

    Abatuye ku gice kitakozwemo umuferege batewe impungenge n’uko amazi abasanga mu nzu

    [email protected]

  • Nyarugenge: Abanyerondo biyemeje guhindura imyitwarire irimo ubusinzi bwahindanyaga isura yabo – #rwanda #RwOT

    Babisabwe kuwa Gatanu mu muhango wo gusoza amahugurwa y'iminsi itatu bari yari agamije kunoza no kurushaho kumenya inshingano zabo.

    Ubusanze umurenge wa Nyakabana ni umwe mu igize Akarere ka Nyarugenge wakundaga kugaragaramo abanyerondo bakora akazi banyweye inzoga basinze no kudatangira amakuru ku gihe.

    Mu minsi ishize hagiye hagaragara abacuruzi barenze ku mabwiriza yo kwirinda Covid-19 bacuruza inzoga ndetse n'abagize ingo zabo utubari kandi bitemewe.

    Ibi byatuye ubuyobozi bw'uyu murenge butegura amahugurwa y'abanyerondo agamije gutuma bamenye inshingano zabo bananoza akazi kabo. Bashishikarijwe kumenya agaciro k'umwuga bakora no kudahohotera abarurage.

    Umunyerendo witwa Sineza Jean Damascene ukorera mu Kagari ka Munanira ya II yagize ati ' Amahugurwa yadufashije cyane kuko yatumye inshinano zacu n'uburyo dukwiye kuzikora neza nk'uko bikwiriye tudahutaje abaturage kuko hari ibyo wasangaga tudakora cyangwa tubikora nabi turengera kandi bitureba.'

    Kamanzi Guillaume na we ukorera mu Murenge wa Nyakabanda, yemeza ko muri aka gace karimo abanyerondo bitwaraga nabi, gusa avuga ko imyitwarire yabo igiye guhinduka nyuma y'uko bahawe aya mahugurwa.

    Ati 'Abanyerondo bakoraga nabi barahari ariko mpamya ko kuba twabonye aya mahugurwa tukanamenya uko dukwiye gukora akazi kacu hari benshi batari babizi bagiye guhinduka kuko batari bazi inshingano zabo cyangwa bagakora ikintu batazi ko ari icyaha.'

    Uhagarariye Irondo mu Karerere ka Nyarugenge , Yousufu Kabirigi, yavuze ko aya mahugurwa agiye gufasha abanyerondo guhindura imyitwarire no kunoza akazi kabo nk'uko bikwiye.

    Ati 'Bumvise inshingano zabo n'uko bakwiye kuzikora badahohoteye abaturage. Byatumye biyemeza kugira ikinyabupfura kugira ngo bajye batangira amakuru ku gihe ku kintu icyo ari cyo cyose cyabujijwe banagaragaza imwitwarire myiza mu midugudu n'aho bakorera.'

    Kabirigi yavuze ko muri uyu murenge wa Nyakabanda hari hasanzwe hagaragaraga abanyerondo badatangira amakuru ku gihe, abakora akazi basinze gusa avuga ko yizeye ko bagiye guhindura imyitwarire kubera amahugurwa bahawe.

    Abanyerondo bo mu murenge wa Nyakabanda nyuma yo gusoza amahugurwa bacinye akadiho

    Kamanzi Guillaume na we ukorera mu Murenge wa Nyakabanda yemeza ko muri aka gace karimo abanyerondo bitwaraga nabi

    Abanyerondo bishimiye amahugurwa bahawe kuko azabafasha kunoza akazi kabo neza

    Source : http://igihe.com/amakuru/u-rwanda/article/nyarugenge-abanyerondo-biyemeje-guhindura-imyitwarire-irimo-ubusinzi

  • Abantu 15 ni bo bamaze kumenyekana ko baguye mu iruka ry’ikirunga cya Nyiragongo #rwanda #RwOT

    Ubuyobozi bwa Repubulika Iharanira Demokarasi ya Congo ni bwo bwatangaje ko abantu 15 ari bo bamaze kumenyekana ko basize ubuzima muri ririya ruka rya Niragongo.

    Mu bahitanywe na kiriya kiza, harimo abantu icyenda (9) bapfuye ubwo bahungaga bagahitanwa n’imanuka y’imdoka mu gihe babiri bishwe n’amahindure (ibyo ikirunga kiruka) y’ikirunga hakaba n’imfungwa enye zari zifungiye muri Gereza ya Manzeze.

    Muri 2002 ubwo iki kirunga cyaherukaga kuruka, cyahitanye abantu barenga 250 ndetse gisenyera benshi kuko cyasize abagera mu bihumbi 80 bavuye mu byabo.

    Patrick Muyaya, Umuvugizi wa Guverinoma ya Repubulika Iharanira Demokarasi ya Congo, yavuze kandi ko ubu hamaze kubarurwa inzu zirega 500 zangijwe n’iruka ry’ikirunga.

    Muri biriya bice kandi kimwe no mu bice bimwe byo hakuno mu Rwanda, hakomeje kuba imitingito ya buri kanya ikomeje kwangiza byinshi.

    Hari no kubarwa abana bagera mu 170 baburanye n’imiryango yabo ubwo bahungaga kuva ku mugoroba wok wa Gatandatu tariki 22 Gicurasi 2021.

    Abatuye muri bimwe mu bice bya Rubavu bamwe baraye hanze kubera umutingito ukomeje kuba buri kanya batinya ko waza kugusha inzu bikaba byashyira ubuzima bwabo mu kaga.

    Abasesenguzi bavuga ko n’ubundi ibihugu byombi bikwiy gushyiraho ingamba zo kuba byabasha gufasha abaturage kuko ikirunga gishobora kongera kuruka bityo kikaba cyasanga harashyizweho uburyo bwo kubyitwaramo abantu ntibabure uko bitabwaho.

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Abantu-15-ni-bo-bamaze-kumenyekana-ko-baguye-mu-iruka-ry-ikirunga-cya-Nyiragongo

  • Intsinzi ya Simba SC ya Kagere utarakandagiye mu kibuga ntacyo byayifashije, Sandvikens IF ya Yannick yihaniza ikipe #rwanda #RwOT

    Mu mpera z’icyumweru gishize, amakipe akinamo abanyarwanda hanze yarwo yari yakinnye, Simba SC ikinamo Kagere Meddie yatsinze Kaizer Chiefs 3-0 muri ¼ cya CAF Champions League ariko irasezererwa, ni mu gihe Sandvikens IF ya Yannick Mukunzi ikomeje kuyobora urutonde rwa shampiyona.

    Ku wa Gatandatu tariki 22 Gicurasi, Simba SC nyuma yo kunyagirirwa muri Afurika y’Epfo na Kaizer Chiefs 4-0 mu mukino ubanza wa ¼ cya CAF Champions League, yari yayakiriye kuri Mkapa Stadium.

    Simba SC ntibyaje kuyihira kuko n’ubwo yayitsinze 3-0 ariko yahise ivamo. Ni umukino Meddie Kagere atakandagiye mu kibuga.

    Ku wa Gatatu w’icyumweru gishize kandi muri iki gihugu shampiyona yari yakomeje, Yanga ya Haruna utarimo ugaragara mu kibuga muri iyi minsi yatsinze JKT Tanzania 2-0. Ku wa Kane Ally Niyinzima na we ntabwo yari muri 18 ba Azam FC batsinze Biashara United 2-0. Simba SC ni iya mbere na 61 inganya ya Yanga, Azam FC ni iya 3 na 60, KMC ya Migi ifite 41.

    Shampiyona yo mu gihugu cya Kenya na yo yari yasubukuwe, umunyezamu Emery Mvuyekure yari mu izamu rya Tusker FC ku wa Gatanu ubwo yanganyaga na Wazito 1-1.

    Bandari FC y’umutoza Cassa Mbungo Andre ntabwo yorohewe na KCB ku munsi w’ejo ku Cyumweru yabatsinze ibitego 3-0. Iyi shampiyona iyobowe na Tusker ifite amanota 38, bandari FC ni iya 5 n’amanota 28.

    Shampiyona ya Armenia y’icyiciro cya mbere yari yakomeje, Urartu FC ya Nirisarike Salomon yatsinze Ararat ibitego 2-0 ku wa Gatandatu tariki ya 22 Gicurasi. Ni umukino Nirisarike Salomon yakinnye. Iyi kipe iri ku mwanya wa 4 n’amanota 35 ni mu gihe Noah iyoboye urutonde ifite 38.

    Mu cyiciro cya 3 muri Sweden ntabwo Yannick Mukunzi yari mu kibuga ubwo ikipe ye ya Sandvikens IF yanyagiraga Sollentuna 6-1. Iyi kipe ni nayo iyoboye urutonde n’amanota 20.

    Source : http://isimbi.rw/siporo/article/intsinzi-ya-simba-sc-ya-kagere-utarakandagiye-mu-kibuga-ntacyo-byayifashije-sandvikens-if-ya-yannick-yihaniza-ikipe

  • Abantu 30 banduye COVID-19 mu Rwanda Abandi 77 barayikira #rwanda #RwOT

    Minisiteri y'Ubuzima yatangaje ko abarwayi 77 bakize Coronavirus mu Rwanda mu gihe abayanduye biyongereyeho 30 mu masaha 24 yashize.

    Abarwayi bashya 30 basanzwe mu bipimo 5125 byafashwe uyu munsi. Kuva icyorezo cya Coronavirus kigaragaye mu Rwanda hamaze gufatwa ibipimo 1.406.017, byasanzwemo abantu 26.688 banduye.

    Abamaze gukira ni 25.097 mu gihe 1242 barimo babiri barembye bakiri kwitabwaho n'abaganga.

    Mu Rwanda abamaze guhitanwa na Coronavirus ni 349 mu gihe 350.400 bamaze gukingirwa kuva muri Werurwe 2021.

    Inzego z'ubuzima mu Bwongereza kuri uyu wa Gatandatu zatangaje ko abantu bafashe doze ebyiri z'urukingo rwa Covid-19, bafite ubushobozi bwo guhangana n'ubwandu bushya bwo mu Buhinde.

    Ubushakashatsi bwakozwe bugaragaza ko urukingo rwa Pfizer-BioNTech uwarufashe inshuro ebyeri aba afite ubwirinzi bwa 88% mu kurwanya ikwirakwira rya Covid-19 yihinduranyuje yo mu Buhinde.

    Ni mu gihe uwafashe doze ebyiri z'urukingo rwa AstraZeneca we afite ubudahangarwa bugera kuri 60% ku bwandu bwo mu Buhinde.

    Umuyobozi muri Minisiteri y'Ubuzima y'u Bwongereza, Matt Hancock, yavuze ko hari icyizere cyo kuba ubwandu bwo mu Buhinde butazakwirakwira cyane.

    Ati 'Icyizere kiri kuzamuka kuko imibare igaragaza ko nyuma ya doze ebyiri hari ubushobozi bwo kugabanya ikwirakwira ry'ubwandu bushya bwo mu Buhinde bwihinduranyije.'

    Kugeza ubu mu Buhinde harabarirwa abarwayi ba Covid-19 basaga miliyoni 26, iki cyorezo cyikaba cyimaze guhitana abasaga ibihumbi 29.


    Source : http://umuryango.rw/amakuru/mu-rwanda/ubuzima/article/abantu-30-banduye-covid-19-mu-rwanda-abandi-77-barayikira

  • Gusambanywa akiri umwana, agatereranwa n'umuryango byatumye azinukwa abagabo – #rwanda #RwOT

    Uyu mugore avuka mu Karere ka Kicukiro mu Murenge wa Kanombe ni umwe mu batangabuhamya bifashishwa n'Umuryango uharanira Uburenganzira no guteza imbere Ubuzima, HDI, mu kwigisha ababyeyi uburyo bagomba kuba hafi y'abana babo mu gihe batewe inda zitateguwe.

    Babasaba kutabatererana bakababa hafi ngo kuko iyo umwana yatewe inda ushobora kumufasha akaba yagera ku ntego ze yahoranye aho kumutererana bishobora gutuma ajya mu zindi ngeso mbi zirimo uburaya no gukoresha ibiyobyabwenge.

    Furaha yatewe inda mu 1999 yiga mu mwaka wa Gatanu w'amashuri yisumbuye. Icyo gihe yari afite imyaka 17, umuryango we uramwirukana aca mu buzima bukakaye cyane.

    Ati 'Icyo gihe mbere na mbere bashatse ko inda yanjye bayikuramo, njye sinabikunda n'umuganga ambera umwana mwiza arabyanga. Nyuma yo kubyara bashatse kwica umwana wanjye, abaturanyi barantabariza umwana ntiyapfa baranyirukana mva mu rugo ndahunga.'

    Furaha yahise agenda atangira kubaho nabi akarara aho abonye hose. Nyuma ngo yabonye umuntu w'umumama amugirira imbabazi aramwakira abayo arahabyarira. Kimwe mu cyatumye ngo ubuzima burushaho kumukomerera ngo ni uko iwabo w'umuhungu nabo bamutereranye akabaho yifasha we ubwe gusa.

    Ati 'Nagiye mba mu buzima bugoranye nkora akazi kose nabonaga harimo no gukoropera abantu, nza gusubira mu ishuri ndangiza amashuri yisumbuye ariko ntavugana n'umuryango wanjye, nakomeje gushakisha ubuzima nza no gutangira kwiga kaminuza abantu batabyumva bumva ko ndi umusazi.'

    Furaha avuga ko yize akarangiza akarera umwana we neza aramwigisha arakura ndetse ngo anaherutse kumushyingira mu mezi make ashize.

    Yiyemeje gushinga umuryango ufasha abana b'abakobwa baterwa inda bakiri bato

    Nubwo nta bushobozi buhambaye Furaha aragira avuga ko yiyemeje gufasha abana b'abakobwa basambanywa bakiri bato bagaterwa inda ngo kuko hari abatereranwa n'imiryango bikaba byatuma bahinduka indaya.

    Ati 'Ubundi mu muryango Nyarwanda iyo ubyaye bumva ko uri indaya aho wakwinjira hose ahenshi nta gaciro uba ufite, bihita bitera umuntu kuba nk'umusazi kuko hari agaciro aba ari kwimwa yaba anafite mu mutwe woroshye akitera icyizere nyamara wanasanga umuryango we warabigizemo uruhare.'

    Yavuze ko ku bana b'abakobwa baturuka mu byaro akenshi usanga ubuzima bubashaririye ku buryo hari n'abongera bagaterwa inda bwa kabiri kubera gutereranwa n'imiryango abandi bagahitamo kuyoboka uburaya kubera kubura abantu bababa hafi bakabahumuriza.

    Inama ku babyeyi bafite abana batewe inda

    Furaha agira inama ababyeyi yo kwita ku bana babo kabone nubwo bashobora guterwa inda arabasaba kubaba hafi bakabahumuriza bakabafasha gusubira mu ishuri ndetse bakanabibutsa ko bashobora kugera ku nzozi zabo aho kubatererana no kubaca intege.

    Ati 'Niba umukobwa wawe agize ikibazo agatwara inda wimujugunya kuko ntabwo yabikoze kuko yari ikirara, hari abashukwa rimwe na rimwe ugasanga namwe ababyeyi mwabigizemo uruhare. Wimujugunya kuko nyuma yo kubyara umuntu yavamo umuntu muzima aba agifite n'umusaruro yatanga ni ahabwe agaciro nk'abandi bana.'

    Furaha yavuze ko ubuzima bushaririye yanyuzemo agatereranwa n'umuryango we akitwa ikirara byatumye azinukwa abagabo ku buryo ngo kuva yabyara uyu mwana yahisemo kutazashaka umugabo bitewe n'ibikomere yahuye nabyo.

    Furaha avuga ko gutereranwa n’umuryango byatumye yiheba cyane binamuviramo kuzinukwa abagabo burundu

    Source : http://igihe.com/amakuru/u-rwanda/article/gusambanywa-akiri-umwana-agatereranwa-n-umuryango-byatumye-azinukwa-abagabo