Author: webrwanda

Hari ibintu bitari bicye washingiraho ubwira umuntu ukora umuziki w'isi cyangwa usanzwe kwigira ku bakora umuziki uramya ukanahimbaza Imana. Kuri ubu ‘Gospel’ iyoboye hashingiwe ku bintu bitandukanye kandi by’umwuga mu muziki bakora. Abawize n'abawukurikira bafite byinshi, bashingiraho bavuga ko ukoze neza.

INKURU WASOMA: Israel Mbonyi na Diamond bayoboye urutonde rw’abahanzi 10 bihariye isoko rya Youtube mu Rwanda mu 2020/2021

Mu gihe rero ibyo utabitanze usanga abantu bagenda bakuvaho (abafana). Muri iyi minsi ukaba ubona ko aho Mani Martin yavuye we na Patrick Nyamitari babona ntakivamo ubu ni ho hari gusarurwa hanafite imbaga nyamwinshi.

Kimwe n'abandi bagiye bakurira mu makorali n'amatsinda yo kuramya no guhimbaza bakabivamo barimo Meddy, The Ben, King James, Knowless, Tom Close, Bruce Melodie, aba bose basa n’abahiriwe ariko kuri ubu harimo abashobora kuba babona ko bayobye inzira kimwe n'abandi batabarika baheze mu cyeragati.

Babuze ubusubira mu makorali bakuriyemo n'ubujyambere, bafite impano ariko badafite umurongo w'imikorere yaba mu ndirimbo zihimbaza Imana n'indirimbo z’isi  mbega utabona aho ubabarurira. Mu byo wavuga ko abahanzi bakora umuziki usanzwe bakwiye kwigira ku bakora uhimbaza Imana, birimo ibi bikurikira;

1.Gutegura ibitaramo no kumurika Album

Biragoye kuba wamenya Album z'indirimbo umuhanzi ukora indirimbo zisanzwe ukunzwe, umaze kugera ku rundi rwego mu Rwanda afite. Igikorwa ni ukumva ngo indirimbo yasohotse imwe, ebyiri, hari n’abafite ijana zinarenga ariko ugasanga afite Album imwe cyangwa ebyiri.

Izindi ndirimbo ze nyinshi usanga aba yarazikoze ageze mu nzu ikora umuziki akavugana n'umucuzi w'indirimbo kumucurira Beat cyangwa bakamwereka izihari agakora, akamamaza ko agiye gushyira hanze indirimbo ariko bidafite ishingiro ry'ubunyamwuga mu gucuruza no gutegura uruhererekane rw'ibihangano, Album.

Mu bakora umuziki uramya ukanahimbaza Imana icyo cyarakemutse kuko usanga abe amatsinda y’abakora umuziki usingiza Imana, batangaza ko bari gukora kuri Album runaka. Igihe kikagera bakayishyira hanze, ni bacye wasanga badakora batya yaba mu bakora ku giti cyabo n'abakorana nk'amatsinda, ubwo turavuga amakorali na za Minisiteri.

Kubera kutamenya ibi rero bigira ingaruka ikomeye aho usanga abakora umuziki uhimbaza Imana ibitaramo byabo byitabirwa. Mu Rwanda biragoye kubona umuhanzi umwe witeguriye ubwe igitaramo kikitabirwa atari iby’amakompanyi runaka yabatumiye.

2. Imitegurirwe y'indirimbo mu micurangirwe no guhuza amajwi

Bigenda bihinduka aho usanga umuziki ugenda ukorwa mu buryo bwa Live yaba mu bitaramo no mu nzu utunganyirizwamo. Live bivuze kuririmba ujyanisha n'ibicurangisho biri gukoreshwa ako kanya mu gitaramo no mu gukora indirimbo.

Binyuranye no kuba hakoreshwa mudasobwa ikaba ariyo ikora indirimbo kugeza irangiye icyagiyemo cyonyine kivuye hanze akaba ari ijwi. Akenshi naryo rihindurwa n'umucuzi w'indirimbo bitewe n'amakaraza aba aririmo kubera ko ukora igihangano nta mwanya yakiboneye.

Ku ruhande rw'abakora umuziki benshi bita uw’isi usanga ibi batabikora babitewe n'ubushobozi bucye kuko bihenda. Ariko na none n'umuhate n'umwanya baha ibihangano bakora kuko ukeneye gukora ikintu cyiza agiha agaciro gasumbye kuvuga ko byanze akananirwa yagerageje.

Naho abakora umuziki wo kuramya no guhimbaza Imana usanga bariyeguriye akazi bakora yewe ubuzima bwabo barabweguriye ibyo bakora. Bajya gukora indirimbo yaba ukora ku giti cye, akajyana n’abamufasha gukosora ibitagenze neza. Atari umucuzi wenyine ubikoze ikindi bakaba bashobora no kongeramo amajwi yabo igihangano kigasohoka ari umwimerere.

3. Imicururize y'umuziki ku mbuga nkoranyambaga

Umuziki by'umwihariko muri iki gihe cy'icyorezo cya Covid-19 uri gucuruzwa hifashishijwe ikoranabuhanaga rishingiye ku mbuga nkoranyambaga zinyuranye zirimo Youtube rumwe mu rubuga rugaragaza umuziki ukunzwe, n’izindi nka Spotify, iTune, Audiomark, Boomplay, Deezer. Abahanzi bakora umuziki usanzwe usanga ari bake bakoresha izi mbuga mu gihe abakora Gospel bagerageza cyane, ndetse hari n’abo usanga badashobora kumara icyumweru, abandi ukwezi, batagize icyo basangiza abakunzi babo. 

Dufatiye urugero ku rubuga rwa Youtube rukoreshwa cyane mu Rwanda mu zo twavuze haruguru, kuri ubu indirimbo nyarwanda ziyoboye zikaba ari izihimbaza Imana. Urugero ni nk’indirimbo ‘Nahawe Ijambo’ ya Dorcas & Vestine yihariye umwaka wose ku butaka bw'u Rwanda kuri Youtube ariyo ikunzwe kurusha izindi zose zumviwe mu Rwanda nk’uko InyaRwanda.com duherutse kubagezaho inkuru ibigaragaza. 

Urundi rugero rugaragaza ko umuziki wa Gospel uri ku isonga mu Rwanda mu mwaka wa 2020/2021 ni uko ibihangano byose hamwe by’umuhanzi Israel Mbonyi ari byo byarebwe cyane n’abari mu Rwanda kurusha abandi bahanzi bose – ibi ushobora no kubigenderaho ukavuga ko Israel Mbony ari we muhanzi winjije amafaranga menshi kuri Youtube ku butaka bw’u Rwanda nyuma y’uko ibihangano byarebwe inshuro Miliyoni 8.31 (Views). 

Israel Mbonyi aragwa mu ntege na Diamond wo muri Tanzania. Ni mu gihe umuhanzi ukora umuziki wa Secular ugwa mu ntege Mbonyi ari Clarisse Karasira uri ku mwanya wa aho ibihangano bye byarebwe inshuro Miliyoni 6.86. Icyamamare Bruce Melodie ari ku mwanya wa 4 na Miliyoni 6.52 Views by’abarebye indirimbo ze kuri Youtube bari mu Rwanda mu gihe cy’umwaka umwe. Ibanga nta rindi ni ukora ibihangano byiza, kandi ukamenya n’uburyo bwiza bwo kubyamamaza cyane cyane iyakure iri gukoreshwa cyane muri iyi minsi.

4. Imyitwarire no kwigengesera mu mwuga

Biragoye gusobanura neza ibijyanye n’iyi ngingo ariko na none ibihamya birahari ko hari aho usanga imyitwarire idahwitse mu bahanzi bakora umuziki usanzwe iri mu bibabaza abafana babo bigatuma harimo abo bareka bagasubira ku isuka. Bityo rero umuziki urimo kwigengesera kuri hejuru nk’uko usangana abakora umuziki uhimbaza Imana, ni kimwe mu byo benshi mu bakora umuziki usanzwe na Gospel bakwiriye kwigira kuri aba baramyi bahagaze neza kugeza ubu ku butaka bw’u Rwanda.

Israel Mbonyi na Diamond ni bo bahanzi bafite indirimbo zarebwe cyane mu Rwanda kuri Youtube mu 2020-2021

REBA HANO ‘NAHAWE IJAMBO’ INDIRIMBO IKUNZWE KURUSHA IZINDI MU RWANDA KURI YOUTUBE 

Aba barimu bemeza ko abana bavutse nyuma ya Jenoside n'abari kuvuka muri iyi minsi, bashobora kutazamenya amateka n'ubukana Jenoside yari ifite, bityo hakaba hakenewe ko abayabonye bayashyira mu bitabo, ndetse n'uburyo bwo kuyigisha bukavugururwa, ku buryo abana bajya bajyanwa gusura inzibutso bakiri bato, bikiyongera ku masomo bahabwa mu ishuri.

Umwarimu witwa Munyandekwe Hussein yagize ati 'Niba Jenoside yakorewe Abatutsi yarabaye, hakaba amahirwe hakagira abana barokoka bagakura bazi ayo mateka, uko bayafata bitandukanye n'uko abana bari kuvuka uyu munsi bayafata, rero bisaba imbaraga mu kuyigisha no kwandika ibitabo biyavugaho ndetse abana bakajyanwa gusura inzibutso bakiri bato bakamenya amateka bakanayubaha.'

Umuyobozi wa ESSI Nyamirambo, Ntamuturano Abdou, nawe yemeza ko hagakwiye gushyirwa imbaraga mu kwigisha Jenoside yakorewe Abatutsi mu 1994, abana bakumva ubukana yari ifite kugira ngo amateka yayo atazasibangana.

Ati 'Icyo aba bana bari kuvuka ubu n'abavutse nyuma ya Jenoside bakorerwa, ni ukubereka by'umwihariko amateka yaranze igihugu cyacu. Tukabereka uko Abanyarwanda bari babanye mbere y'umwaduko y'abazungu, bakabasha kumenya ubumwe n'ubufatanye bwariho icyo gihe n'uko bwasenywe n'abakoroni, bigatuma Jenoside ishyirwa mu bikorwa.'

Umunyeshuri witwa Uwimpuwe Christella, yavuze ko bifuza kujya bitabira ibikorwa byo kwibuka ndetse n'inzibutso, mu rwego rwo kumenya amateka y'u Rwanda.

Ati 'Numva icyakorwa ari ugutegura ibikorwa byo kwibuka kuko bidufasha gukomeza kumva ayo mateka tukayamenya.'

Muri rusange, isomo rya Jenoside yakorewe Abatutsi mu 1994 ryigishwa mu burezi bw'u Rwanda, icyakora aba barimu basanga rikwiye kunganirwa n'ibindi bikorwa birimo nko gutegura ingendoshuri ku nzibutso ziri mu Rwanda.

---

Pariki y'Igihugu ya Gishwati-Mukura yari igizwe n'Ishyamba rya Gishwati mu 1970, aho ryari rifite ubuso bwa hegitari 27 000, ariko byageze mu 2000 risigaranye hegitari 600 gusa bingana na 2% by'uko ryanganaga mu myaka 30 ishize.

Ibi byatewe n'uko ryari ryaratangiye guturwamo ndetse ahandi hagahindurwa inzuri z'ubworozi, ndetse hagakorerwa imirimo irimo ubuhinzi n'ubuhigi, gutwika amakara n'ibindi nk'ibyo.

Mu 2002, nibwo urugendo ruganisha ku kurengera urusobe rw'ibinyabuzima bibarizwa muri iri shyamba rwatangiye, maze mu 2015 ihinduka Pariki y'igihugu ihujwe n'ishyamba rya Mukura biba Pariki ya Gishwati-Mukura. Mu 2020, iyi Pariki yinjijwe mu mirage y'Ishami ry'Umuryango w'Abibumbye ryita ku Burezi, Umuco no kurengera Ibidukikije, UNESCO.

Bamwe muri ba rushimusi bahoze bangiza iyi Pariki, bavuga ko batari bazi ingaruka z'ibyo bakoraga, bakarengera inyungu zabo bwite ariko bangiza inyungu rusange.

Kabasha Etienne wo mu Murenge wa Mushongi mu Karere ka Rutsiro, ni umwe mu bahoze bakorera ubuhinzi n'ubuhigi muri iyi Pariki ariko ubu akaba ari umukozi ushinwe kuyirinda.

Yagize ati “Mbere nahingagamo ibirayi, tugatema ibiti tugatwikamo amakara ibindi tukabicana. Iyi Pariki twahoze tuyihigiramo amafumberi n'inkima bikaribwa, izindi nyamaswa tukazica tugira ngo zitatwonera. Ishyamba ryari ryarashize hasigaye agace gato cyane, imvura yaragwaga isuri n'inkangu bakariduka bikica abantu.'

Ibi kandi byagarutsweho na Nizeyumukiza, wagize ati “Mbere natwe twari nk'inyeshyamba, kuko twarihoragamo dutwika amakara. Ubu tubayeho neza kandi dutuye ahantu heza ndetse batugejejeho n'amazi meza.'

Nyuma y'uko ibi bikorwa byo gusubiranya Pariki ya Gishwati-Mukura bitangiye, abaturage barigishijwe ndetse bamwe mu bahoze baryangiza bahabwa akazi ko kuryitaho.

Kabasha yagize ati “Twamaze kumenya agaciro ko kurengera iyi Pariki kuko ubuhinzi twaraburetse, n'abari batuyemo batujwe ahantu heza. Nahawe akazi ko kurinda iri shyamba kandi ntunze umuryango wanjye kandi ubayeho neza. Twarengeraga inyungu zacu bwite tukangiza tukangiza ibikorwa rusange.'

Umukozi mu Rwego rw'Igihugu rw'Iterambere, RDB, Ushinzwe Kurengera Urusobe rw'Ibidukikije biboneka muri iyi Pariki, Thiery Aimable Nzeyineza, yavuze ko n'ubwo hari byinshi byakozwe, hakiri abaturage bagifite imyumvire yo kwangiza iyi Pariki.

Yagize ati “Ibikorwa bya ba rushimusi byagabanyutse kuko abaturage bagenda basobanukirwa, bakanasangira ibyiza by'iyi Pariki binyuze muri gahunda yo kugira umusaruro wabonetse, uza kubafasha mu bikorwaremezo bakeneye.'

Yavuze ko hakiri imbogamizi kuri bamwe muri ba rushimusi batarumva akamaro ko kurinda iyi Pariki, ati 'Turacyafite imbogamizi z'abaturage binjira muri Pariki kuko baracyafitemo imirima bahingamo, ahandi hari aho inyamaswa zibonera kubera ko bahinga hafi yazo. Tuzakomeza gufatanya nabo tubashishikarize guhinga ibihingwa bitonwa n'izi nyamaswa kuko tugomba kwiga kubana nazo.'

Umuyobozi w'Ishimi ry'Ubumenyi, Ikoranabuhanga no Guhanga Udushya muri UNESCO, Mvunabandi Dominique, avuga ko guteza imbere abaturage baturiye ibyanya bikomye no gukora ubushakashatsi ari byo bizatuma kurengera ibidukikije bishoboka.

Yagize ati “Icyo dushyize imbere ni uguteza imbere abaturage baturiye ibyanya bikomye n'aho ibyo byanya biri, tuzakomeza gukora ubushakashatsi ariko tunigisha abaturage kubana neza n'ibidukikije biba muri ibyo byanya, kugira ngo bibagirire akamaro.'

Pariki y'Igihugu ya Gishwati-Mukura iri ku buso bwa hegitari 3 000, ikaba yakira abashyitsi 12 ku munsi basura igice cy'Ishyamba rya Gishwati kibonekamo impundu, inkende n'inkima, inyoni z'amoko menshi, imisozi, ibiti n'amasumo. Iyi Pariki ikora ku turere twa Nyabihu, Ngororero, Rubavu na Rutsiro.

Mu Rwanda habarirwa ibyanya bikomye bya Pariki y'Igihugu y'Ibirunga, Pariki y'Igihugu y'Akagera, Pariki y'Igihugu ya Nyungwe na Pariki y'Igihugu ya Gishwati-Mukura bigira uruhare runini mu gucumbikira urusobe rw'ibinyabuzima bitandukanye no gukurura ba mukerararugendo baturutse imihanda yose y'Isi.

---

Kuri uyu wa Gatandatu tariki 05 Kamena 2021 nibwo iyi mibiri y'inzirakarengane zazize Jenoside yakorewe Abatutsi mu 1994 yashyinguwe mu cyubahiro.

Umuyobozi wa Ibuka mu Karere ka Kayonza, Ndindabahizi Didace, yabwiye IGIHE ko iki gikorwa cyo gushakisha iyi mibiri cyatangiye mu mwaka ushize wa 2020.

Kuyishyingura mu cyubahiro yavuze ko ari igikorwa cyabashimishije kuko biri mu rwego rwo guha agaciro ababo bishwe muri Jenoside yakorewe Abatutsi.

Ati 'Twishimye kuko nk'uko mubizi kuyishyingura mu cyubahiro icya mbere ni uguha icyubahiro abacu bishwe bambuwe no kubahesha agaciro kanini bidufasha kumva ko tugeze ku rwego rwo gusubiza abacu bambuwe agaciro ubwo bicwagwa.'

Yongeyeho ko muri aka Karere ka Kayonza imibiri isaga ibihumbi 26 ari iyo ishyinguwe mu nzibutso za Jenoside yakorewe abatutsi mu 1994 aboneraho gusaba abafite amakuru y'ahiciwe Abatutsi kuyatanga kugira ngo nayo ishyingurwe mu cyubahiro cyane ko imibare iri mu nzibutso za Jenosie yakorewe Abatutsi ari mike ugereranyije n'iy'abishwe.

---

Ubuhanga ikoranwe, umwanya yahawe, amashusho ifite, amajwi uko akoze, kujyanishanya ibyanditswe n'injyana, ni iby'ingenzi bituma indirimbo ikundwa. INYARWANDA izo yabahitiyemo zikaba zujuje byinshi mu by’ingenzi nkenerwa.

Murizo ndirimbo nziza ukwiye kumva mu ba mbere harimo iya Ben Adolphe Ft Platini yitwa ABA EX ifite amashusho meza bigaragara, byagera ku majwi yakozwe n'umucuzi ukiri muto Element umaze kuba rurangiranwa bikaba ibindi.

Hari kandi indirimbo y'umukobwa ufite ijwi ryiza ubarizwa mu nzu ya The Mane akaba ari nayo ndirimbo ya mbere akoze nyuma yo gusaba imbabazi umuyobozi we Bad Rama yari yasezeyeho yitwa ‘I am sorry’ ugenekereje ni mbabarira.

Ntukwiye gucikwa kandi indirimbo y'umuhanzi Mani Martin w'ijwi ry'umwimerere ryiza bidashidikanywaho wahereye mu njyana zihimbaza Imana akaza kuzivamo akajya mu muziki usanzwe wibanda ku muco akaba yashyize hanze indirimbo ‘Ingirakamaro’ ya mbere kuri Album yitwa Nomade.

Umunyamakuru akaba n'umuhanzi umaze n'igihe kitari gito mu muziki no mu ruganda rw'imyidagaduro, Uncle Austin yashyize hanze indirimbo yitwa ‘Slow’. Yumvikanamo amagambo meza y'urukundo atera imitoma umukobwa kakahava, ikaba ikoze mu njyana ibyinitsemo bucye (bunyonyobye) mu buryo butakuvuna.

Hari kandi indirimbo y'umuhanzi ukiri muto Chris Hat ariko ufite ejo hazaza heza w'ijwi ryiza, ni indirimbo yakozwe n'itsinda ritari rito kandi rishoboye. Yitwa ‘Amahirwe’, iyo uyumvise wumva ubaye nk’uhinduka kubera inkuru yayo yihariye ariko y'ubuzima bw’abakundana aba arahirira uwo akunda ko atazigera ava ku izima.

KANDA HANO WUMVE INDRIRIMBO SLOW YA UNCLE AUSTIN

“>

KANDA HANO WUMVE INGIRAKAMARO YA MANI MARTIN IRI KURI NOMADE ALBUM

“>

KANDA HANO WUMVE I AM SORRY YA MARINA (THE MANE)

“>

KANDA HANO WUMVE ABA EX YA ADOLPHE NA PLATINI (ADO MUSIC).

“>

 KANDA HANO WUMVE AMAHIRWE Y’UMUHANZI UKIRI MUTO CHRIS HAT

“>