Author: webrwanda

Urupfu rw’uyu mugabo wakundaga gutanga ibiganiro bisekeje kuri Youtube, rwamenyekanye mu gitondo cyo kuri iki Cyumweru tariki 06 Kamena 2021.

Bamwe mu bo mu muryango wa Habanabashaka Thomas alias Big Boss, bavuga yapfiriye mu Karere ka Ngororero ubwo yari ari aho asanzwe akorera akazi ke. Bavuga ko yapfuye ubwo yaburaga umwuka.

Mu minsi ishize yari arembeye mu bitaro bikuru bya Gisenyi mu Karere ka Rubavu aho yari arwariye indwara bivugwa ko ari umuvuduko w’amaraso.

Icyo gihe yari yashyize hanze amashusho amugaragaza yambaye ibyuma bimwongerera umwuka asaba inkunga y’amasengesho ko arembye cyane.

Nyuma yo kuva mu bitaro, yatanze ikiganiro kuri Youtube, asobanura uko yari yafashe icyo gihe, avuga ko na bwo yabuze umwuka akikubita hasi.

Muri iki kiganiro na bwo yabivuze mu rwenya rwinshi ko yikubise hasi abari hafi ye bagakizwa n’amaguru kuko bumvise urusaku rwe ubwo yikubitaga hasi bakagira ubwoba kubera uburyo yari abyibushye.

UKWEZI.RW

Aba baturage ni abo mu turere twa Ngoma, Kirehe, Kayonza na Nyagatare baratoranyijwe mu mirenge itatu muri buri Karere. Muri buri Karere hatoranyijwemo abaturage 641 buri umwe biteganyijwe ko azahabwa 180 000 Frw.

Ku ikubitiro babanje guhabwa ibihumbi 30 000 Frw yo kwikenura andi 150 000 Frw bakazayabwa nyuma bamaze gutegura umushinga bazayakoresha uzabafasha kwikura mu bukene, aya mafaranga bakaba bari kuyahabwa kubufatanye bwa Croix Rouge y'u Rwanda n'iy'u Bubiligi.

Irankunda Gisele utuye mu Murenge wa Kibungo mu Karere ka Ngoma yasazwe n'ibyishimo nyuma yo kubona ubutumwa bugufi bwerekana ko yakiriye amafaranga 30 600 Frw yo kwifashisha mu gukemura ibibazo by'ibanze yasigiwe na COVID-19.

Uyu mugore yashimiye umuryango wa Croix Rouge y'u Rwanda avuga ko intego afite ari ukuyabyaza umusaruro akava aho yari ari ubutaha bakazasanga hari ikindi cyiciro cy'ubuzima bwiza arimo gitandukanye n'icyo yari arimo.

Karema Jean Claude ufite ubumuga we yavuze ko mbere y'uko haduka icyorezo cya Coronavirus yakoraga mu mikino y'amahirwe, kompanyi yakoragamo yaje gufunga imiryango atangira kubaho nabi ariko aza gushyirwa mu mubare w'abazagobokwa na Croix Rouge y'u Rwanda.

Ati ' Nkimara kumenya ko Croix Rouge y'u Rwanda igiye kudukorera igikorwa cyiza n'ubundi nari naratekereje ukuntu nshobora kongerera ubushobozi agashinga gato nari mfite, mu rugo twaguze inkoko zitanga inyama ariko zari nke zitajyanye n'uko tubyifuza, none aya mafaranga mpawe bwa mbere ngiye kuyifashisha mu gusukura aho ziba.'

Yavuze ko andi mafaranga ibihumbi 150 Frw azahabwa nyuma ariyo azakoresha mu kwagura umushinga we nibura akaguramo inkoko nyinshi zajya zimufasha kubona igitunga umuryango we.

Nyiramana Yulida ufite imyaka 80 we yavuze ko amafaranga yahawe agiye kuyakoresha mu kugura amabati agasana inzu ye iherutse kugwa mu mvura nyinshi iheruka.

Ati ' Ubu ngiye kubaka ubutaha Croix Rouge izaza nyereka inzu nziza nabaga mu gace gato kasigaye ariko wabonaga biteye isoni none ngiye kubaka.'

Umunyamabanga Nshingwabikorwa w'Umurenge wa Kibungo, Kazayire Consolée, yashimiye umuryango wa Croix Rouge y'u Rwanda ku nkunga ikomeye iri guha abaturage. Yavuze ko benshi mu bahawe iyi nkunga y'amafaranga bagizweho ingaruka n'iki cyorezo mu buryo bugaragara.

Uyu muyobozi yibukije abaturage ko iki cyorezo kigihari kandi kikica abantu ntaho cyagihe abasaba kukirinda no gukoresha neza inkunga bahawe.

Ati ' Aya mafaranga rero muhawe ntabwo ari ayo kujyana mu kabari ngo urare wasinze kuko Corona yaje ukaba umaze umwaka utanywa inzoga, ni ayo gukemura ibibazo by'ibanze, uyu munsi hari abadafite ubwiherero bumeze neza, buri wese arebe ikihutirwa yabanza gukemura harimo nka mitiweri n'ibindi.'

Uhagarariye komite nyobozi ya Croix Rouge y'u Rwanda mu Ntara y'Iburasirazuba, Muhawenimana Jeanne d'Arc, yavuze ko igikorwa batangiye cyo gufasha imiryango itishoboye yagizweho ingaruka na COVID-19 kizakorerwa ku baturage bo mu turere tune.

Yavuze ko abakorerabushake babo babanje gufasha iyi miryango kwiga ku mishinga mito iciriritse izabafasha mu kwiteza imbere.

Ati ' Mu cyumweru gitaha buri mugenerwabikorwa azabasha guhabwa ibihumbi 150 Frw byo gutangira wa mushinga, tuzafatanya n'ubuyobozi kubafasha kuburyo biteza imbere amafaranga bazahabwa ntazabapfire ubusa.'

Uretse aba baturage 2565 bari guhabwa amafaranga, hari n'abandi 100 muri buri Karere batoranyijwe bagizwe n'abarwaye COVID-19, abapfushije abari bayirwaye ndetse n'abayirwaje buri umwe akaba yahawe ibihumbi 20 Frw yo kumufasha.

Croix Rouge y'u Rwanda kandi yanagize uruhare mu kubaka ubukarabiro ku bigo bitanu by'amashuri yisumbuye muri buri Karere. Yatanze kandi ibikoresho by'isuku muri aya mashuri birimo amasabune, Cotex ku bakobwa. Hari na koperative ebyiri zahawe inkunga y'arenga miliyoni muri buri Karere, ibi byose bikaba byaratwaye arenga miliyoni 110 muri buri Karere.

Abaturage bareba ubutumwa bugufi bubereka ko bohererejwe amafaranga

Abayobozi batandukanye bo muri Coix Rouge y’u Rwanda bitabiriye iki gikorwa cyo guha abagizweho ingaruka na COVID 19 amafaranga

Akanyamuneza kari kose ku baturage bahawe amafaranga

Abaturage bavuze ko bagiye kwiteza imbere nyuma yo gufashwa

Karema Jean Claude yishimiye amafaranga yahawe

Muhawenimana Jeanne d’Arc uhagarariye komite nyobozi ya Croix Rouge mu Ntara y’Iburasirazuba yavuze ko mu turere tune bazakoresha arenga miliyoni 440 Frw

Umunyamabanga Nshingwabikorwa w Umurenge wa Kibungo yasabye abaturage gukoresha neza amafaranga bahawe

“Nuko bene Data, ndabinginga ku bw’imbabazi z’Imana ngo mutange imibiri yanyu, ibe ibitambo bizima byera bishimwa n’Imana, ari ko kuyikorera kwanyu gukwiriye. Kandi ntimwishushanye n’ab’iki gihe, ahubwo muhinduke rwose mugize imitima mishya, kugira ngo mumenye neza ibyo Imana ishaka, ari byo byiza bishimwa kandi bitunganye rwose.” Abaroma 12:1

Kuva kera Abisiraheli bava muri Egiputa, umuhango wo gutanga ibitambo wabagaho, na mbere yaho ibitambo byaratambwaga. Igitambo rero cyatambwaga bitewe n’icyo ari cyo: Hari igitambo cyatambwaga ari icyo gusaba imbabazi kubw’icyaha umuntu yakoze, igitambo cy’ishimwe, igitambo cy’uko bari amahoro, igitambo ko bejejwe, igitambo cy’uko Imana yarinze igihugu…Igitambo byavugaga ko ari amaraso ameneka y’inyamanswa, hanyuma umuntu akatura icyo atambiye igitambo.

Nagira ngo mbibutse ko Bibiliya itadusaba ibitambo bindi kuko igitambo kimwe cyatambwe, aricyo Yesu ku musaraba ariko mu Baroma 12:2 haravuga ngo ' Ndabinginga kubw’imbabazi z’Imana, mutange imibiri yanyu ibe ibitambo bizima byera bishimwa n’Imana ariko kuyikorera kwanyu gukwiriye.' Hano bivuze ko Imana yifuza ko duhinduka ibitambo bizima, ntabwo yifuza ibitambo by’inka n’ibindi, ahubwo irashaka ko wowe uhinduka igitambo! Kamere yawe ukayizana ku musaraba, ukavuga ngo Mwami ndaje ndifuza gupfana na Kristo no kuzukana nawe.

Ubu buzima abantu benshi barabukwepa, kuko gupfa ku ngeso birahenda(biravuna, biragorana, bifata igihe!), abantu bagahitamo kujya kwikuzaho imikoshi n’imikasiro na karande, kandi ntanafate n’umwanya wo kwezwa no guinduka. Yego ndemera ko ibyo babigukorera bikakuvaho, ariko ukwiye gufata umwanya wo kwezwa, ukuzura Umwuka Wera ugapfana na Yesu ugahinduka ku ngeso, ugahinduka kuba umwana w’Imana. Yesu yaravuze ngo akabuto kataguye mu butaka ngo gapfe, gakomeza kubaho uko kari konyine ariko iyo gapfuye kera imbuto nyinshi.

Iyo twemeye gupfana na Yesu no kuzukana nawe, tubasha kwera imbuto Imana ishaka. Nitubasha gupfana na Yesu no kuzukana nawe, Imana izadukoresha iby’ubutwari. Birashoboka ko waba ukorera Imana ariko utarapfuye ku ngeso. Iyo umuntu akijijwe akizwa rimwe, akakira Yesu agatsindishirizwa ariko agatangira urugendo rwo kwezwa no gupfa ku ngeso. Aha niho akenshi bigorera: Abantu barakizwa bagatangira urugendo, ariko bagatinya kuzana izo ngeso ku Musaraba! Uzarebe impamvu abantu benshi batera imbuto, ni uko imbuto ari ikinyuranyo cy’ingeso za kamere.

Kuko, Imana ntiyaguha urukundo itanyujije mu bakwanga! Unyura ku bakwanga, Imana ikaguha urukundo ruva kuri yo ugakunda abanzi bawe. Ishobora kukunyuza ahantu hatari ikintu na kimwe gishimishije, ariko kikaguha ibyishimo bitava ku bifatika, bitava ku bwinshi bw’ibyo utunze, ahubwo biva ku Mana ubwayo. Birashobo ko Imana yaguha kwihangana, ariko wanyuze mu bigeragezo! Izo mbuto zose ni ikinyuranyo cy’imiterere ya kamere yacu.

Aha rero icyo Imana idusaba, ni ukwemera kuba ibitambo bizima bishimwa n’Imana, tukazana ingeso zacu ku musaraba. Hari igihe izo ngeso zitunanira kuzihindukaho, tugatangira kuzirata ngo': N’Imana irabizi ko turi abantu, ntimugakabye gukiranuka, buriya Imana irabizi ko ariko turi…

Yego mu mutima wa Yesu wabonamo umwanya, yakwakira akakubabarira ariko icyo agusaba ni uguhinduka. Bibiliya iravuga ngo 'Mwana w’umuntu we ko Imana yakweretse ikiza icyo ari cyo, icyo Uwiteka agushakaho ni iki: Ni ugukora ibyo gukiranuka, ni ugukunda kubabarira, ni ukugendana n’Imana wicisha bugufi' .

Icyo Yesu yakoze ku musaraba, kitwemerera cyangwa se kidusaba kwemera gupfana na Yesu tukagera ikirenge mu ke. Muribuka Yesu azamutse yikoreye umusaraba abagore barimo baramuririra, arababwira ngo niba murizwa no kunkunda mugende mwegure imisaraba yanyu kandi buri munsi! Byari bivuze ngo 'Njyewe uwanjye nywujyanye i Gorigota, ngiye kubambwa birangire ariko mwebwe mu nzira ijya mu i Juru ni ukwikorera umusaraba buri munsi mugapfa ku ngeso za kamere.

Umuririmbyi yararimbye ngo ingeso za wa mubi zihora zishaka kubyuka, uzirimbure uzice pe! mpore nihariwe n’ibya Yesu. Pawulo yatangiye avuga ngo ndashaka gukora ikiza ariko ikibi kikantanga imbere, ageze aho aravuga ati ndapfuye! Uyu mubiri untera gukora ibyaha, nzawukizwa n’iki? Ariko aza kwibuka ko muri Kriso ariho umuntu akirira agatsindishirizwa, agakora ubushake bw’Imana.

Umwigisha: Pastor Desire Habyarimana

Source: Agakiza Tv

[email protected]

• Mu rugo rwe mu Biryogo yari afite ibihumbi 10$
• Hari Ama-Euro 520
• Yari afite kandi 3.142.000 Frw
• Kuri Mobile Money yari afiteho 11.000.000 Frw
• Kuri konti ze nyinshi, naho hariho amafaranga menshi atatangajwe ingano

Karasira Aimable wahoze ari Umwarimu muri Kaminuza y'u Rwanda, yatawe muri yombi n'Urwego rw'Igihugu rushinzwe Ubugenzacyaha, RIB, ku wa 31 Gicurasi 2021 akurikiranyweho ibyaha birimo icyo guha ishingiro no guhakana Jenoside yakorewe Abatutsi.

Ibyaha bibiri yari akurikiranyweho mbere ni icyo guhakana no guha ishingiro Jenoside yakorewe Abatutsi mu 1994 n'icyaha cyo gukurura amacakubiri. Ubu hiyongereyeho icya gatatu cyo kudasobanura inkomoko y'umutungo.

Byari bishingiye ku magambo yari amaze iminsi avuga mu biganiro ku mbuga nkoranyambaga 'biha ishingiro Jenoside yakorewe Abatutsi muri 1994 bigaragaza ko itateguwe, binabiba amacakubiri mu banyarwanda'.

Amakuru agera kuri IGIHE avuga ko mu iperereza ry'ibanze ryakorwaga, byagaraje ko Karasira afite umutungo atabasha gusobanura inkomoko yawo.

Ibyo bigize icyaha cyo kudasobanura inkomoko y'umutungo gihanwa n'ingingo ya cyenda mu Itegeko ryerekeye kurwanya ruswa.

Bivugwa ko ubwo yasakwaga mu nzu atuyemo i Nyamirambo ahazwi nko mu Biryogo, iwe hari habitsemo 10.981$ (hafi miliyoni 11 Frw); ama-euro 520 (asaga ibihumbi 500 Frw) mu gihe kuri Mobile Money yari afiteho miliyoni 11 Frw.

Usibye ayo yari kuri konti ya Mobile Money, mu igenzura byagaragaye ko hari izindi miliyoni nyinshi yari amaze iminsi mike abikuje.

Igiteranyo cyose cy'amafaranga Karasira yasanganywe arenga miliyoni 31 Frw.

Ikindi ni uko afite konti muri banki zitandukanye mu Rwanda, nazo zasanzweho amafaranga menshi.

Umuvugizi wa RIB, Murangira B. Thierry, yabwiye IGIHE ati 'Ayo mafaranga yose Karasira ntabasha kugaragaza aho yaturutse.'

IGIHE yamenye ko iperereza ry'ibanze ryakozwe na RIB, rigaragaza ko menshi muri ayo mafaranga inkomoko yayo ari abantu baba mu mahanga bayamwohererezaga.

Mu bihe bitandukanye, Karasira yakunze kumvikana ku mbuga nkoranyambaga ashimira abantu bamutera inkunga, cyane cyane mu gihe yari amaze kwirukanwa na Kaminuza y'u Rwanda muri Kanama 2020 kubera imyitwarire mibi.

Ni nabwo yakajije umurego ku mbuga nkoranyambaga, ndetse nyuma akajya yerura ko hari abantu bamwoshya kugira ngo avuge amagambo aharabika Leta y'u Rwanda.

Ubwo yaganiraga n'umurongo wa Youtube witwa Real Talk yagize ati 'Ntabwo banshutse ngo Karasira vuga ibi, ariko mu byo twaganiraga hatumaga havamo ibyo njye nganira by'amarangamutima yabo.'

Yakomeje agira ati 'Abo bantu barambwiraga bati wakatuvugiye ibi bintu ntabwo aribyo, ni gute badushyiraho ingengabitekerezo twaravutse ejobundi ngo ni uko dukomoka kuri ba kanaka, abandi bati turi impunzi dukeneye gutaha. Hari abasenyerwaga, bati mu basenyerwa harimo bene wacu, bikaba byatuma mbiganira.'

RIB isobanura ko abo bantu bakoresha amafaranga bafite bakayaha abantu nka Karasira n'abandi bakajya babavugira ibyo bashaka bigamije guteranya no gukurura imvururu mu banyarwanda.

Dr Murangira ati 'Ayo ni mafaranga akomoka ku cyaha.'

Karasira yatawe muri yombi yari ageze ku rwego rwo gutuka ku mugaragaro ubuyobozi, kugeza n'aho yemeza ko burutwa n'ubwa MRND yateguye ikanashyira mu bikorwa Jenoside yakorewe Abatutsi. Ntiyatinyaga gupfobya Jenoside yakorewe Abatutsi, akemeza ko abishwe aribo bizize, ndetse ntatinye kugereka ubwicanyi ku Ngabo za FPR zabuhagaritse.

Dr Murangira yaburiye abantu bose bibeshya ko bashobora gucuruza igihugu cyabo, bifashisha uburyo butandukanye burimo imbuga nkoranyambaga, bagakwiza ibihuha, bagambanira igihugu ngo babone amafaranga baba bihemukira.

Ati 'Ibi twabigereranya n'umuntu utema igiti yicayeho, kuko ingaruka z'ibikorwa bibi nawe byanze bikunze zimugeraho.'

Yihanangirije abantu bose bakora ibikorwa bishobora gusubiza abanyarwanda mu kaga, basebya igihugu kugira ngo babone indonke, ko igihe cyose bizagaragara ko ayo mafaranga yaturutse muri ibyo bikorwa by'ubugambanyi, gusebya no gukurura amacakubiri mu banyarwanda amategeko azakurikizwa.

Ati 'RIB ntawe izabangamira mu kubahiriza uburenganzira bwo gutanga ibitekerezo. Ariko igihe cyose, uwo ariwe wese uzitwaza akazi akora akarenga umurongo ntarengwa washyizweho n'Itegeko Nshinga ry'u Rwanda mu ngingo ya 38, amategeko azakurikizwa. Nta muntu ucuruza amagambo asenya, asebya igihugu cyangwa agamije gukurura amacakubiri mu banyarwanda uzihanganirwa.'

“N'abandi bakora nkawe bararye bari menge kuko uwo bizagaragaraho ko ahemberwa gusebya igihugu no gukurura amacakubiri mu banyarwanda ntibizamugwa amahoro. Nta muntu wagambaniye igihugu byaguye amahoro.”

Hari amakuru IGIHE yabonye ko Karasira benshi bakunze gufata nk'umuntu ushobora kuba afite uburwayi bwihariye kuva yakwirukanwa muri Kaminuza y'u Rwanda, afite imitungo myinshi muri Kigali irimo n'inzu akodesha.

Bivugwa kandi ko usibye amadolari n'ama-euro yasanganywe mu rugo rwe, hari n'izindi miliyoni 3.142 Frw yari afite mu Biryogo aho atuye.

Dosiye ya Karasira izashyikirizwa Ubushinjacyaha ku wa Mbere tariki ya 07 Kamena 2021.

Amategeko y'u Rwanda ateganya ko umuntu wese udashobora gusobanura inkomoko y'umutungo afite ugereranyije n'ibyo yinjiza byemewe n'amategeko aba akoze icyaha.

Iyo abihamijwe n'urukiko, ahanishwa igifungo kitari munsi y'imyaka irindwi ariko kitarenze imyaka icumi n'ihazabu y'amafaranga y'u Rwanda yikubye inshuro kuva kuri eshatu kugeza kuri eshanu z'agaciro k'umutungo adashobora kugaragaza aho yawubonye mu buryo bwemewe n'amategeko.

Si ubwa mbere havuzwe ibikorwa nk'ibi by'abantu bakira amafaranga aturutse ku banyamahanga barwanya u Rwanda, kuko ngo iyo hari nk'umuntu bashaka kwiyegereza mu gihugu, baterateranyiriza amafaranga hamwe, hanyuma bakayamwoherereza kugira ngo ababere igikoresho.

Ni amafaranga aba ari menshi bamwe batinjiza ku kwezi mu mirimo baba bakora mu Rwanda.

RIB itangaza kandi ko Karasira ameze neza, yivuza indwara n'ubundi yari asanzwe yivuza, ko nta kibazo cy'ubuzima kidasanzwe afite.

Karasira w’imyaka 42, nta mugore n’umwana agira. Afunzwe akurikiranyweho ibyaha bifitanye isano na Jenoside ndetse no kutagaragaza inkomoko y’umutungo we

Inkuru bifitanye isano:

 Karasira Aimable yatawe muri yombi

 Amagambo RIB yashingiyeho ita muri yombi Karasira Aimable