Webrwanda Backend

Author: webrwanda

  • Ibyo wamenya kuri uyu mugore ufite ikibuno kidasanzwe kireshya na metero zirenga ebyiri(AMAFOTO) – YEGOB #rwanda #RwOT

    Mikel Ruffinelli yavutse mu mwaka 1972, ni umunyamerikakazi uri mu bafite ikibuno kinini ku isi nk'uko urutonde rwa World Record Academy rubitangaza. Afite ibiro bigera ku 190 akaba afite umuzenguruko w'ikibuno ungana na metero 2.4. Uburebure bw'uyu mugore bukaba ari metero 1.62.

    Mu myaka yashize ubwo yari afite imyaka 20, uyu mugore yari umukobwa usanzwe nk'uko abamuzi babitangaza. Agize imyaka 22 ubwo yari amaze kwibaruka umwana we wa mbere, yatangiye kubyibuha ku buryo bukomeye.

    Abakobwa be uko ari batatu Destynee, Autumn na Justyce nabo bafite ikibuno kinini nk'icya nyina ubabyara. Iyi miterere imeze gutya ikaba rimwe na rimwe abahanga bavuga ko iterwa n'uburyo umubiri uba urimo bwitwa 'Lipedema'.

    Mu magambo y'uyu mugore aganira n'ikinyamakuru kitwa UK Magasine yagize ati 'Nkunda uko nteye, nta n'impamvu yo kwiyicisha inzara kuko nta bibazo by'ubuzima mfite. Nkunda amafunguro ateguye mu buryo bwa kinya-Mexico n'ifiriti'.

    'Umugabo wanjye anezezwa n'imiterere yanjye kandi tugirana ibihe byiza mu buriri, dukoresha uburyo bwose ntabwatunanira. Kandi ambwira ko ndi mwiza buri munsi, bagabo ntimugakunde abakobwa bananutse baba bateye mu buryo budashamaje.'

    Source : https://yegob.rw/ibyo-wamenya-kuri-uyu-mugore-ufite-ikibuno-kidasanzwe-kireshya-na-metero-zirenga-ebyiriamafoto/

  • Mu mafoto: ihere ijisho Hoteli ya mbere ndende y'akataraboneka yafunguwe mu Bushinwa. – YEGOB #rwanda #RwOT

    Kuri ubu hamuritswe Hoteli yitwa 'JHotelShangai' ya mbere ndende mu mateka y'u Bushinwa akaba ari hoteli y'agatangaza muri iki gihugu.

    J Hotel Shangai; ije nyuma y'iyitwa Shangai Tower yari yo ya mbere ndende mu Bushinwa ikaba yari iya kabiri mu nyubako ndende ku isi. Inyubako ya J Hotel Shanghai yafunguwe ku ya 19 kamena 2021, amakuru avuga ko atari yo ya mbere ndende ku isi ahubwo iza ku mwanya wa kabiri inyuma ya Burj Khalifa iri i Dubai yihariye umwanya wa mbere ku isi n'uburebure bwa metero 828.

     

     

    J Hotel ifite igorofa ryo hejuru kuri metero 632, niyo nyubako ndende mu Bushinwa bwose, ije ica agahigo ka Shangai Tower yari ifite uburebure bwa Metero 631. JHotel ifite ibyumba 165. Icyumba gihenze kukiraramo kigera ku mafaranga 3601Yuan (hafi $ 744) ku ijoro rimwe, ni ibihumbi hafi 800 by'Amanyarwanda nk'uko inkuru ya Travelnine ibitangaza.

    Source : https://yegob.rw/mu-mafoto-ihere-ijisho-hoteli-ya-mbere-ndende-yakataraboneka-yafunguwe-mu-bushinwa/

  • Waba uzengerejwe no kurwara umutwe muri ibi bihe by'izuba?dore ibyagufasha. – YEGOB #rwanda #RwOT

    Ibintu 5 byagufasha kwirinda uburibwe bw'umutwe mu gihe cy'izuba ryinshi nko muri iyi mpeshyi.

    1Kwirinda kunywa inzoga

    Kunywa inzoga mu gihe cy'ubushyuhe bitera ingaruka nyinshi kurusha uko bigira akamaro. Inzoga (alukolo muri rusange), ikamura amazi mu mubiri, ikongera umwuma, bityo bikaba byagutera kuribwa umutwe cyane. Mu gihe cy'impeshyi nibwo usanga ibirori birimbanyije, ariko ushoboye kwirinda inzoga, byagufasha kugabanya ibibazo ujya ugira byo kuribwa umutwe bya hato na hato.

    2.Kurya inshuro 3 nabyo birafasha

    Mu gihe hashyushye, benshi ubushake bwo kurya buragabanuka. Ugasanga nko ku munsi uriye rimwe gusa. Ibi ni bibi cyane, kuko uko urya gacye cg usimbuka ifunguro niko byongera ibyago byo kuribwa umutwe cyane. Niyo mpamvu ari ingenzi cyane kurya uko bikwiye mu gihe hashyushye kugira ngo umubiri ukomeze kugira imbaraga ziwufasha gukomeza gukora neza, utagize uburibwe bw'umutwe.

    3.Kunywa amazi menshi

    Mu gihe cy'izuba ryinshi, ni ingenzi cyane kunywa amazi menshi ahagije. Umwuma mu mubiri ushobora gutera kuribwa umutwe, ndetse wa wundi ukomeye w'uruhande rumwe (migraine). Niyo mpamvu ari ingenzi cyane kwirinda umwuma mu mubiri, unywa amazi ahagije, imitobe n'ibindi bibonekamo amazi atari inzoga.

    4.Ibuka kwitwaza imiti irinda uburibwe

    Hari imiti y'ibanze, wagakwiye kuba ufite igihe cyose. Mu gihe hashyushye cyane, ni ngombwa kwitwaza imiti irinda uburibwe bw'umutwe, nka paracetamol. Ni ngombwa kandi kuba ufite hafi yawe imiti ifasha mu kurinda isereri, iseseme cg se no kuruka bitewe no kuribwa umutwe cyane cyane uw'uruhande rumwe.

    5.Kwirinda izuba ryinshi rikugeraho

    Mu bihugu byacu, aho usanga igihe kinini izuba ari ryinshi kandi ricana cyane, ndetse ugasanga biruhije kuba waryirinda. Gusa hari byinshi bishobora kugufasha kugabanya ubukana bw'imirasire y'izuba ikugeraho; kwitwaza umutaka mu gihe hashyushye cyane, kwambara ingofero cg se amataratara (sunglasses) igihe izuba ari ryinshi cyane. Ibi nubikora bizagufasha kwirinda kuribwa umutwe mu gihe izuba ari ryinshi hanze.

    Source : https://yegob.rw/waba-uzengerejwe-no-kurwara-umutwe-muri-ibi-bihe-byizubadore-ibyagufasha/

  • Uramutse witwaye gutya hakagira umukobwa ukwanga yaba atareba neza – YEGOB #rwanda #RwOT

    Ni kenshi usanga umuntu yakunze undi ariko akabura aho abihera abimubwira cyangwa yabimubwira bakamukurizaho bimwe ab'ubu bita 'gutera indobo'. Burya umuntu aterwa indobo kubera uburyo yitwaye atereta, iyo umukobwa nta gahunda agufiteho ubimenya mbere y'uko umubwira ijambo ndagukunda.

    N'ubwo hari usaba umuntu urukundo agahita arumwemerera atamugoye bitewe n'uwo ariwe, burya akenshi ushobora guterwa akadobo bitewe n'uko wagiye nabi cyangwa se wabihubukiye nyamara iyo witwara neza byashoboraga gucamo ukamwemeza.

    Dore ibyagufasha kwitwara neza igihe ugiye gutereta umukobwa uwo ariwe wese ntabashe kukwigobotora atavuze YEGO.

    1. Kubanza kumenyana n'uwo wifuzaho urukundo

    Bijya bibaho ko umuntu ahura n'undi agahita amukunda, nyamara n'ubwo byabaho kwitonda biba ari ngombwa kugirango umenye uwo wakunze uwo ariwe, imico n'ibyiyumviro bye, amateka ye ndetse ukaba wanamenya niba nta wundi afite bakundana. Ibi rero nta handi uzabikura uretse kujya umuba hafi mukaganira, ukamwereka ko umwitayeho kandi umuhaye umwanya bityo akakwisanzuraho ukagenda umenye ukuri kumwerekeyeho buhoro buhoro.

    2. Kwirinda guhita umusaba urukundo mu magambo

    Ni kenshi usanga abantu batekereza ko intambwe ya mbere mu gukundana n'umuntu ari uguhita ubimubwira mu magambo, nyamara ahubwo burya iyo ikwiye kuba iya nyuma y'izindi, mbese ukabimubwira wizeye neza ko akubwira 'YEGO'.

    Ibi bivuga rero ko ugomba kwitonda, ukereka uwo wakunze ko umukunda mu bikorwa, mu buryo umufata, mu kumuha umwanya no kumwereka ko umwishimiye bityo buhoro buhoro nawe ugenda ubona icyo wa muntu agutekerezaho, kuburyo iyo nawe agukunze ubibona mbese mukabanza gukundana mu bikorwa ya magambo akazaza nyuma.

    3. Kwirinda kumwereka ko umufuhira cyangwa se umuyobora

    Ibi bikunze kubaho cyane ugasanga umuntu arafuhira undi batari banemeranya urukundo. Ibi ntibivuga ko wakwikuramo ibyo byiyumviro kuko nyine byizana, ahubwo ugomba kugerageza kubyibikamo ntubimwereke. Naguha gahunda akayica wimurakarira ngo ubimwereke, numuhamagara ntafate telephone wimutonganya ngo umwereke uburakari. Irinde mbese kumwereka ko adafite ubwisanzure bwo kwitwara uko ashaka ahubwo agomba kwitwara uko wowe ushaka. Ibi byakuviramo kurya akadobo kandi wenda amaherezo wa muntu mwari kuzakundana rugakomera.

    4. Wimubera nk'umutwaro ngo umuzitire

    Burya iyo abantu bakundana, biba byoroshye kuba umwe yabwira undi ngo byanze bikunze uyu munsi tubonane cyangwa byanze bikuze ejo tuzajyana aha naha n'ibindi nk'ibyo. Uwo wifuzaho urukundo rero mu gihe mutari mwabyerura rwose uramenye utazamushyiraho igitutu ugashaka ko ibyo umwifuzaho byose bigomba kugenda uko ubishaka. Ahubwo wowe muhe ubwisanzure busesuye, icyo umukeneyeho ukimusabe uciye bugufi naho bitari ibyo uzarya akadobo byihuse!

    5.Kwirinda kuvuga amagambo menshi adasobanutse

    Burya abakobwa bakunda abahungu bazi gusetsa ariko na none ntibakunda umuhungu uvugagura amagambo menshi, umuhungu uvuga adaha abandi umwanya wo kuvuga abakobwa ntibamukunda, niba uri kumwe n'umukobwa wifuzaho ubunshuti gerageza umuhe umwanya w'ijambo kandi wirinde kumuca mu ijambo ahubwo ugerageze umutege amatwi. Musore ujye wirinda kuvuga menshi cyane kugira ngo wegukane uwo wakunze. Kora ibikorwa byinshi bimwereka ko umukunda ugire amagambo macye.

    Source : https://yegob.rw/uramutse-witwaye-gutya-hakagura-umukobwa-ukwanga-yaba-atareba-neza/

  • Qatar: Ambasaderi Franois Nkulikiyimfura yag… – #rwanda #RwOT

    Kuri uyu wa Gatatu tariki 7 Nyakanga 2021, imbuga nkoranyambaga za Miss Rwanda zatangaje ko abagize Miss Rwanda Organization basuye Ambasade y'u Rwanda muri Qatar.

    Aho bari bayobowe n'Umuyobozi Mukuru Ishimwe Dieudonné, Nimwiza Meghan wabaye Miss Rwanda 2019, Iradukunda Elsa Miss Rwanda 2017 na Iradukunda Liliane wambitswe ikamba rya Miss Rwanda 2018, bakirwa na Ambasaderi François.

    Ambasaderi François Nkulikiyimfura yashimye abategura Miss Rwanda ko batekereje guha buruse abakobwa bahatana muri Miss Rwanda, no kuba basigaye bahemba umushinga mwiza.

    Ambasaderi Nkulikiyimfura yanashimiye abagira uruhare mu gutegura irushanwa rya Miss Rwanda ko bakomeje kwaguka mu buryo bw'ikoranabuhanga.

    Yashimye abagize Miss Rwanda Organization gusura Qatar, abasaba ko bakomeza kuba ba Ambasaderi beza b'u Rwanda, anabasaba gukomeza kuba abavandimwe no gukorera hamwe.

    Uhereye ibumoso: Nimwiza Meghan Miss Rwanda 2019; Iradukunda Elsa Miss Rwanda 2017, Ambasaderi w'u Rwanda muri Qatar, François Nkulikiyimfura, Iradukunda Liliane Miss Rwanda 2018 na Ishimwe Dieudonné ukuriye Rwanda Inspiration Back Up itegura Miss RwandaAmbasaderi François Nkulikiyimfura yakiriye anagirana ibiganiro n'abagize Miss Rwanda OrganizationAmbasaderi François Nkulikiyimfura yasabye ba Nyampinga kuba ba Ambasaderi beza b'u Rwanda  Ambasaderi François Nkulikiyimfura yashimye ko Miss Rwanda Organisation yatekereje guha buruse za Kaminuza abakobwa bahatana muri iri rushanwa

    Source : https://inyarwanda.com/inkuru/107329/qatar-ambasaderi-francois-nkulikiyimfura-yagiranye-ibiganiro-na-ba-nyampinga-batatu-bu-rwa-107329.html

  • Breaking: Vestine na Docras batandukanye n’um… – #rwanda #RwOT

    Mu ijoro ry’uyu wa Kabiri tariki 7 Nyakanga 2021, M Irene yanditse kuri konti ye ya Instagram avuga ko kuri uyu wa Gatatu saa tanu z’amanywa azatanga itangazo rirebana na sosiyete y’umuziki yashinze yise M. Irene Entertainment. 

    Abantu batandukanye barenga ibihumbi 215 bamurikira kuri Instagram bamubajije niba ari indirimbo nshya ya Niyo Bosco agiye gusohora cyangwa niba ari indirimbo y’indi Vestine na Dorcas agiye gusohora.

    Mu itangazo ryo kuri uyu wa Gatatu, yageneye abanyamakuru, M.Irene yavuze ko ashingiye ku ntego za kompanyi ya “M. Irene Entertainment” n’isesengura ryakozwe “MIE yifuje kumenyesha abakunzi bayo ndetse n’umuryango mugari wa muzika ko guhera ku wa 7 Nyakanga 2021 ibaye ihagaritse ibikorwa byose yakoranaga n’abahanzi Ishimwe Vestine na Kamikazi Dorcas.”

    Ntiyatangaje impamvu zatumye atandukana n’aba bahanzikazi yatangiye gufasha kuva mu 2020, ariko “mu minsi iri imbere” azavuga impamvu yahagaritse imikoranire n’aba bakobwa bakiri ku ntebe y’ishuri. 

    Muri iri tangazo, M. Irene yashimye uburyo abakunzi b’umuziki bakiriye Vestine na Dorcas ndetse “n’uburyo mutahwemywe kubashyigikira mu rugendo rwabo rwa muzika batangiye.' Yizeza ko M. Irene Entertainment izakomeza guha ibyiza abakunzi bayo.

    Kuri konti ye ya Instagram, biracyagaragara ko M. Irene ari umujyanama w’abahanzi Vestine na Dorcas ndetse na Niyo Bosco. Ni mu gihe, Konti ya Instagram ya Vestine na Dorcas yamaze kongerwaho hejuru M. Irene Entertainment.

    Biracyari urujijo! 

    Hashize ukwezi kumwe hafunguwe konti ya Youtube iri mu mazina ya MIE Empire ikurikirwa (Subscribers) n’abantu ibihumbi 21. Iyi konti yamaze gushyirwaho indirimbo za Vestine na Dorcas; hariho indirimbo ‘Papa’ ya Vestine na Dorcas imaze kurebwa n’abantu batageze ku bihumbi umunani.

    Hariho indirimbo ‘Adonai’ imaze kurebwa n’abantu barenga ibihumbi 250, hari kandi indirimbo ‘Isi’ ya Addy- B ndetse n’indirimbo ya Niyo Bosco yitwa ‘Ubutsinzi’. Aba bakobwa basanzwe bafite shene ya Youtube yitwa ‘Vestine na Dorcas’. Iyi shene iriho indirimbo ‘Nahawe Ijambo’ imaze kurebwa n’abantu barenga miliyoni 3, hariho indirimbo ‘Papa’ iri hafi kuzuza ibihumbi 700.

    Amashusho y'indirimbo 'Adonaï' baherutse gusohora ntabwo ari kuri iyi shene ya Youtube yabo ahubwo yashyizwe kuri Shene ya M. Irene Empire. Iyi shene yabo inariho indirimbo z’abandi bahanzi bagiye basubiramo mu bihe bitandukanye. Mu gihe cy'umwaka bari bamaze bakorana, M Irene yafashije aba bakobwa gusohora indirimbo eshatu ziri kuri Album yabo ya mbere.

    M Irene yatangaje ko yahagaritse gukora na Vestine na Dorcas ku mpamvu azamenyesha mu minsi iri imbere

    Vestine na Dorcas bavuye mu maboko ya M. Irene nyuma yo kubakorera indirimbo eshatu zakunzwe mu buryo bukomeye

    REBA HANO INDIRIMBO NSHYA ‘ADONAI’ YA VESTINE & DORCAS

    Source : https://inyarwanda.com/inkuru/107325/breaking-vestine-na-docras-batandukanye-numujyanama-wabo-mirene-107325.html

  • Mico The Best agiye gukora ubukwe; hari abake… – #rwanda #RwOT

    Ku mugoroba wa tariki 4 Nyakanga 2021, ni bwo umuhanzi Mico The Best yambitse impeta y'urukundo umukunzi we Clarisse bamaze umwaka urenga mu munyenga w'urukundo, amuteguza kurushinga nk'umugabo n'umugore.

    Amashusho iyi nkumi yashyize kuri konti ye ya Instagram bigaragara ko yambitswe impeta ahagana saa cyenda n'iminota 54', batangira gufata amafoto n'amashusho y'urwibutso rwabo ahagana saa cyenda n'iminota 55'.

    Clarisse yanditse kuri instagram avuga ko yabwiye 'Yego' Mico The Best, kandi yiteguye kumarana iminsi yose y'ubuzima bwe na Mico The Best.

    Si we mukobwa wa mbere Mico The Best bakundanye, kuko hari abagiye bavugwa mu itangazamakuru ntihamenyekane iherezo ry'umubano wabo.

    Mico The Best aherutse kubwira INYARWANDA, ko yakuruwe n'uburanga bw'uyu mukobwa n'umutima we bituma yiyemeza kurushinga nawe. Yavuze ko Clarisse ari umukobwa uzi gushishoza kandi uca bugufi, byasunikiye umutima we kumugira umufasha we mu minsi ashigaze ku Isi.

    Clarisse wambitswe impeta na Mico The Best, yamuritse imideli anakina muri filime 'Cow Boy' y'umunyemari Bad Rama, ndetse amakuru avuga ko uyu mukobwa yasoje amasomo ye mu gihugu cy'u Bushinwa mu 2019.

    Nyuma yo kwambika impeta umukunzi we, Mico The Best yasohoye ifoto imugaragaza yaherekejwe n'umuhanzi Danny Vumbi, yagiye kwiyereka umuryango wa Clarisse.

    Clarisse afite Nyina gusa kuko Se yitabye Imana. Uyu mukobwa anafite abavandimwe be banagaragara muri iyi foto Mico The Best yasohoye.

    Mu kiganiro yagiranye na INYARWANDA, Mico The Best yavuze ko yambitse impeta Clarisse hashize igihe bombi biyeretse ababyeyi, babateguza gushyigikira urugo rw'abana babo.

    Hari abashidikanyije ku mpeta Mico yambitse Clarisse bavuga ko yafataga amashusho y'indirimbo ye:

    Bijya bibaho ko mu gihe umuhanzi yitegura gusohora indirimbo ashobora gutegura ikinyoma, kugira ngo abantu bazashidukire kureba igikorwa gishya aba yitegura gushyira ku isoko.

    Ingero ni nyinshi zagiye zandikwa mu itangazamakuru ariko nyuma abantu bagasanga uwo muhanzi yarabeshyaga rubanda.

    Si iby'i Kigali gusa, kuko n'abahanzi bo mu bihugu bitandukanye bakoresha iyi turufu mu kwigarurira imitima ya benshi.

    Umunyamakuru Luckman Nzeyimana yanditse kuri konti ye ya Instagram, avuga ko Mico The Best abaye atarateye ivi ari amashusho y'indirimbo yafataga, iyi ndirimbo yarebwa na miliyoni imwe y'abantu mu gihe cy'umunsi umwe.

    Ati 'Mico The Best nkubu nkasanga ari amashusho y'indirimbo mwanyishyura nyamara.'

    Ally Soudy ubarizwa muri Leta Zunze Ubumwe za Amerika, yanditse avuga ko inkuru y'uko Mico The Best yambitse impeta umukunzi we 'iradutunguye'.

    Ati 'Ariko turagusabye ibe itari 'video clip' bari gufata, Amen.' Yifurije ishya n'ihirwe Mico The Best abifuriza kuzarambana.

    Umuhanzi Danny Vumbi ubana na Mico The Best muri Kikac Music Label, yahamije ko atari amashusho y'iyi ndirimbo uyu muhanzi yafataga. Ati 'Ni inkuru mpamo.'

    Umunyamakuru Kajette wa The New Times wakoreye INYARWANDA, yavuze ko hari umuhanzi wigeze kumwemerera ko yakoze ubukwe abikora mo inkuru, ariko nyuma acukumbuye asanga uyu muhanzi yafataga amashusho y'indirimbo.

    Mu kiganiro Mico The Best yagiranye na Isibo Tv, cyatanzweho ibitekerezo by'abantu batandukanye bamwifuriza guhirwa mu buzima bushya agiye gutangira, ariko abandi bavuga ko uyu muhanzi yafataga amashusho y'indirimbo ye.

    Ukoresha izina rya Amirado ati 'Ni amashusho y'indirimbo yafataga yari arimo, uwo mujama nta gikwe [Mu mvugo z'ubu].”

    Mbere y'uko Mico The Best atera ivi, umuraperi Ama G The Black yaganiriye na Yago Tv Show, avuga ko atwerereye Mico The Best ibihumbi icumi.

    Mico yabwiye Isibo Tv ko atari yiteze iyi nkwererano muri ubu buryo, kandi ko itamugezeho. Abajijwe niba azakora ubukwe, yavuze 'mfite icyizere'-Ashimangira ko ntacyo yacumuye ku Mana cyatuma adakora ubukwe.

    Uhujimfura Claude umuvugizi wa Kikac Music Label yahamije ko Mico The Best yambitse impeta umukunzi we, avuga ko mu minsi iri imbere abantu babona ikindi cy'ikimenyetso cy'uko uyu muhanzi atabeshye abakunzi be b'umuziki we.

    Ati 'Ibi bintu ni ukuri kuzuye. Mubonye undi mugabo muri ibi bintu tubamo pe, ibindi ni bugufi.'

    INYARWANDA yabonye amakuru avuga ko Mico The Best agiye gusohora indirimbo y'urukundo yahimbiye umukunzi we Clarisse aherutse kwambika impeta.

    Inkuru bifitanye isano: Mico The Best yavuze ku mukunzi we Clarisse yambitse impeta 

    Mico The Best yashimye umuryango wa Clarisse wamwakiriye-Aha yari aherekejwe na Danny Vumbi na Claude Uhujimfura

    Mico The Best yavuze ko afite 'icyizere' cy'uko azakora ubukwe n'umukunzi we Clarisse


    Clarisse Khloe Dubnx [Niyo mazina akoresha kuri Instagram] yatangaje ko yemeranyije n'umutima we kubwira 'Yego' Mico The Best

    Clarisse ugiye kurushinga na Mico yasoje amasomo ye mu Bushinwa mu 2019 

    Mico The Best uherutse gusohora amashusho y'indirimbo 'Amabiya', ari kwitegura gusohora indirimbo yakoreye umukunzi weMico The Best yatangaje ko nta bana afite mu gasozi, abwira Ama G The Black ati 'uzatangurwa' 

    Mico The Best yatangaje ko afitanye indirimbo na Ama G The Black batarafatira amashusho

    Mico The Best aritegura gukora ubukwe na Clarisse

    Source : https://inyarwanda.com/inkuru/107311/mico-the-best-agiye-gukora-ubukwe-hari-abakeka-ko-yafataga-amashusho-yindirimbo-ubwo-yambi-107311.html

  • Burya batandukanye nyuma ya Guma Guma! Olvis… – #rwanda #RwOT

    Kuwa 25 Nyakanga 2013 nibwo abasore batatu bafite indeshyo idasumbana cyane bahuriye ku kugira urubavu ruto bari bazwiho kubyina bihebuje bisuganyije bakora itsinda baryita Active Group, iri tsinda rikaba ryari rigizwe na Dereck, Tizzo na Olivis ariko kuri ubu abantu batangiye kwibaza irengero ryaryo.

    Mu kiganiro umwe mu bagize iri tsinda rya Active yagiranye n'umunyamakuru Lucky Nzeyimana, yabajijwe byinshi byerekeye iri tsinda birimo uburyo bakiriye igenda rya mugenzi wabo Derek, impamvu hari bamwe basigaye bagaragara bakoze indirimbo ku ruhande, impamvu badaheruka gusohora indirimbo bari kumwe, n’ibindi.

    Olvis yagize ati “(…) Akazi katangiye kugenda biguru ntege umwanya utangiye kuba muto ngirango turangije Guma Guma 2018 nibwo byatangiye, gusa na none haje guma mu rugo buri wese wagendaga ubona yihugiyeho gutyo nyine.'' Olvis yavuze ko umuziki wo ushobora kudahagarara ariko itsinda ryo ntirigaragare aho yanavuze ko na mbere buri umwe uko ari batatu yakoraga umuziki ku giti cye.

    Nta kintu kidashoboka kuko n'abantu basezeranye kuzatandukanywa n'urupfu baratandukana

    Olvis yasobanuye ko Derek atigeze anabasezera agenda!

    Yagize ati''Igenda rye usibye y’uko nyine tutabigizemo uruhare ariko twagiye kubona nyine tubona aragiye kwiga si bibi ariko twabimenye nyine umuntu yagiye biradutungura cyane kuko ntiyatubwiye ariko nyine yahisemo kugenda ariko sinabigaye ariko sinanabishimye kwiga si bibi ariko yari akwiye kugenda nyine bigizwemo uruhare na bagenzi be.''

    Umunyamakuru Lucky Nzeyimana yabajije Olvis niba baheruka kuvugana, avuga ko hashize igihe kinini batavugana yongeraho ko baheruka kuvugana asohora indirimbo kera ariko nabyo ngo bavuganye mu bundi buryo butazwi bavugana niba uburyo yakozemo aribwo nabwo ntibabasha kumvikana.

    Olvis yavuze ko mbere bari bafite amategeko abagenga nka Active hari harimo bimwe bibujijwe nk'ibyo byo gukora indirimbo ku ruhande ati “Urebye nicyo nyine kiba cyarapfuye. Urumva nyine abantu barenga umwe cyangwa babiri ntabwo bikunze kubaho cyane ngo imitwe igende ihura'

    Uyu muhanzi kandi yavuze ko nawe yatunguwe no kubona Derek ari gukora ku giti cye yagize ati “Abantu benshi bakimara kubona izo ndirimbo za Derek barampamagaye kubera ko ntabwo bari batuziho iyo shusho, mbere nka za Urban Boys wajyaga kubona ukabona Safi asohoye indirimbo kuruhande ariko twebwe nka Active ntabwo ariko byari bimeze ntabwo byari byemewe.''

    Yaba Sano Dereck, Olvis cyangwa se Tizzo, buri wese yahuye na mugenzi we asanzwe ari umuhanzi ku giti cye. Dereck yari asanzwe aririmba. Mbere y'ishingwa rya Active, Dereck yakoreraga muri Incredible, aho yaje avuye muri Kina Music yasezeyemo avuga ko abona inyungu ze zitari kugerwa uko abyifuza. Uyu muhanzi kandi yigeze no kuba umwe mu bunganiraga abahanzi mu kuririmba mu irushanwa rya PGGSS2 aho we na Bruce Melody na Charly aribo bikirizaga abahanzi.

    Mugabo Olvis, na we yari asanzwe akora muzika ndetse hari indirimbo ye yitwa 'Hitamo', yigeze kumenyekana cyera. Gusa, kwigaragaza mu buryo bugaragara bisa n'ibyari byarabereye ibamba uyu musore kuko ari umwe mu bahanzi baba baramaze igihe kinini mu cyiciro cy'abahanzi bakizamuka.

    Tizzo yabanje kuba umubyinnyi ariko mu mwaka wa 2012 atangaza ko agiye no kujya aririmba ndetse atangira gushyira hanze indirimbo zagaragaragamo ibyino nyinshi. Imwe mu ndirimbo ze harimo 'Mbona bikaze'.

    Urugendo rwa Active muri muzika

    Iri tsinda kuva ryashingwa muri 2013 ryahise rifatwa n'inzu itunganya muzika ya Incredible Record aho bakoreye imishinga yabo myinshi icyakora ntibatinzemo kuko muri 2014 aba bahanzi bahise bimurira ibikorwa byabo mu yindi nzu itunganya muzika ya Infinity ubu yamaze guhindura izina ikitwa New Level bakibarizwamo kugeza magingo aya.

    Indirimbo zakunzwe mu zo bakoze nk'itsinda rya Active

    Indirimbo Active yakoze bwa mbere yitwa 'Uri Mwiza' ku itariki ya 25 Nyakanga 2013. Aba bahanzi bahise bafatiraho bakomeza gukorana nk'itsinda nyuma yaho bakomeza gushyira hanze indirimbo nyinshi zirimo n'izakunzwe cyane zirimo; Udukoryo twinshi, Aisha, Pole, Lift, Nicyo naremewe, Active love, Amafiyeri, Online love, Slow Down, Bape bakoranye na Dj Marnaud, Final n'izindi nyinshi dore ko bafite izitari nkeya.

    Amateka y'iri tsinda mu bijyanye n'amarushanwa cyangwa ibihembo binyuranye

    Ubuhanga bw'aba basore mu kubyina no kuririmba byaborohereje kwamamara, ntibyatinze muri 2014 bahita binjira mu bahatanira ibihembo bya Salax Awards aha bakaba baranegukanye igikombe cya Best New Artist 2014. Aba bahanzi bagiye bitabira ibitaramo bikomeye hano mu gihugu ndetse no mu ntara hafi ya zose z'igihugu.

    Bafite amateka mu irushanwa rya PGGSS

    Muri 2014 ni bwo bwa mbere iri tsinda ryinjiye muri PGGSS4 iki gihe bwari ubwa mbere bagiyemo, bahise begukana umwanya wa gatanu. Usibye gushimirwa uko bitwaye banegukanye na miliyoni eshatu z'amafaranga y'u Rwanda (3,000,000 Frw) zari zigenewe umuhanzi uri bwegukane uyu mwanya. Iki gihe igikombe bahataniraga cyegukanywe na Jay Polly.

    Muri 2015 aba bahanzi bongeye gusubira muri iri rushanwa ryari ribaye ku nshuro yaryo ya gatanu, aha naho bidatandukanye n'uko byagenze ku nshuro yabo ya mbere bajyamo begukanye umwanya wa gatanu mu gihe igikombe bahataniraga cya PGGSS5 cyegukanywe na Butera Knowless.


    Amakuru aravuga ko Active yamaze gusenyuka

    Source : https://inyarwanda.com/inkuru/107306/burya-batandukanye-nyuma-ya-guma-guma-olvis-yaciye-amarenga-ko-itsinda-rya-active-ritakiba-107306.html

  • Mwizero Don Parfait wakiniraga As Muhanga yak… – #rwanda #RwOT

    Don Parfait ukomoka mu gihugu cy’u Burundi, yageze muri As Muhanga, umwaka ushize w’imikino ubwo yari aturutse muri Zambia mu ikipe ya Kabwe Warriors. Hari hashize iminsi akurikiranweho gukoresha ikiyobwabwenge cy’urumogi aho yafatawe muri Muhanga afite agafunyika k’urumogi mu mufuka w’ipantaro.

    Mu rubanza rw’uyu musore yireguye avuga ko agapfunyika yafatanywe kari umuti uvura inzoka. Nyuma yo guhamwa n’icyaha, Urukiko rwisumbuye rwa Muhanga rwakatiye uyu musore igihano cy’amezi 6 akora imirimo nsimburagifungo mu karere ka Gisagara nako kabarizwa mu ntara y’amajyepfo.

    Source : https://inyarwanda.com/inkuru/107327/mwizero-don-parfait-wakiniraga-as-muhanga-yakatiwe-imirimo-nsimburagifungo-107327.html

  • Dore abakuru b'ibihugu bafite agatubutse kurusha abandi ku Isi. – YEGOB #rwanda #RwOT

    Muri iyi nkuru tugiye kugaruka ku bakuru b'ibihugu na za guverinoma bakize kurusha abandi, nubwo atari ibintu bijya byoroha kumenya imitungo nyakuri y'abakuru b'ibihugu. Aha ntituri buvuge abayobora muburyo bwa perezida gusa ahubwo harazamo nabakoresha uburyo bw'ubwami. Ese wowe haruwo ufana wifuza kureba ko ari muba mbere? Kurikira inkuru yose.

    1.Vladimir Putin-RUSSIA- Miliyari 70$

    Uyu mugabo uyobora Uburusiya kuva mu ntangiriro za 2000, ni umuntu unatinyitse ku isi, ndetse nabya bihugu by'ibihangange biramutinya.
    Uretse kuba ari perezida w'igihugu kinini kurusha ibindi ku isi ni umuhanga muri politiki, ni umusirikare, ni umukinnyi wa karate, umuhanga mu gutwara ubwato, ni umuririmbyi, inzobere mu gutwara ifarashi ariko byagera kuri business akaba uwa mbere. Ikinyamakuru forbes cyamushyize ku mwanya wa mbere mu bakuru b'ibihugu bakize ndetse abarirwa miliyari 70 z'amadorali. Icyakora banavuga ko aya atangazwa ari macye cyane kuko ahubwo ngo ashobora kuba ageza no muri miliyari 500. Putin ahembwa ibihumbi 187,000 by'amadorali ku mwaka.

    2.Maha Vajiralongkorn-THAILAND- Miliyari 30$

    Uyu Maha ni umwami wo muri Thailand uretse kuba ari umwami w'igihugu cyo muri aziya yepfo, ni n'umukire ku rwego rwo hejuru. Uyu mu gihugu cye arubahwa cyane ndetse akaba amaze igihe kinini ayobora. Forbes imubarira miliyari 30 z'amadorali ibi bikamutereka ku mwanya wa kabiri mu bayobozi b'ibihugu bakize cyane.

    3.Hassanal Bolkiah-BRUNEI- Miliyari 20$

    Bolkiah umaze kwamamara cyane ni umuyobozi (Sultan) wa Brunei, uyu agira udushya twinshi cyane, uretse kuba azwiho kuba atunze imodoka zisaga 7000 zihenze cyane, uyu bivugwa ko ari nawe wa mbere ku isi ufite inzu nini cyane yo kubamo. Uyu rero ibyo byose abitungana n'amafaranga menshi kuko ubu abarirwa miliyari 20 z'amadorali ya Amerika.

    4.Salman Bin AbdulAziz Al-Saud-Saudi ARABIA- Miliyari 20$

    Uyu wavutse mu 1935 yabaye umwami agize imyaka 80 nyuma y'urupfu rw'umuvandimwe we wari umwami bari bahuje se. ayobora Arabia Saudite igihugu gikize cyane kuri peteroli, ari naho akura amafaranga menshi atunze. Salman ubu abarirwa miliyari 20 mu madorali akaza ku mwanya wa kane.

    5.Khalifa Bin Zayed al Nahyan-UAE- Miliyari 18$

    Khalifa aza kumwanya wa gatanu na miliyari 20 z'amadorali, uyu ayobora Emira zunze ubumwe z'abarabu. Uyu ni umukire ariko udakunda kubaho ubuzima buhenze, yigeze gutwara imitima ya benshi ubwo yatangaga miliyoni 460 akazifashisha abatishoboye, ibyo byatumye yandikwa ku isi hose.

    6. Mohammed Bin Rashid al-Maktoum-DUBAI- Miliyari 14$

    Uyu Maktoum ayobora umujyi wa Dubai, tuwita umujyi kuko ni agace kari muri UAE twabonye haruguru. Uretse kuyobora Dubai uyu nina visi perezida wa UAE akaba yungirije Khalifa, uyu kandi bivugwa ko ikigo gikora ibintu hafi ya byose muri Dubai agifitemo imigabane ingana na 99.6%, ku mwanya wa gatandatu Maktoum abarirwa miliyari 14 z'amadorali.

    7.Hans Adams II- LIECHTENSTEIN— Miliyari 3.5$

    Ni igihugu gisa nkikitazwi, ariko kirakize cyane, adams ni igikomangoma muriki gihugu, uyu nawe aza kuri uru rutonde kuko abarirwa miliyari eshatu nigice.

    8.Sebastian Pinera-CHILE- Miliyari 2.9$

    Uyu ayobora igihugu cya Chile muri Amerika y'amajyepfo, akaba yarafashe uyu mwanya nyuma yo gutsinda amatora muri 2010. Uyu uretse kuba ari umukuru w'igihugu, ni umushoramari, rwiyemezamirimo, umucuruzi ukomeye ndetse akaba ari umuhanga mu birebana n'ubukungu. Abarirwa miliyari 2 na miliyoni 900 z'amadorali.

    9.Donald Trump-USA- Miliyari 2.4$

    Uyu wavuye ku mwanya wa perezida mukwezi kwa mbere uyu mwaka, yageze kuri uyu mwanya muri 2016 ariko ntiyaza guhirwa na manda ya kabiri. Mbere yo kuba perezida uyu yara asanzwe ari umucuruzi ukomeye ndetse w'umuherwe. Kuri ubu abarirwa miliyari 2 na miliyoni 400 mu madorali.

    10.Mohammed VI-MOROCCO- Miliyari 2.1$

    Uretse kuba aza kurutonde rwabakuru b'ibihugu bakize ku isi umwami Mohammed VI wa Maroc ninawe mukuru w'igihugu ukize ku mugabane wose wa Africa. Ayobora Maroc kuva mu 1999 ndetse kuri ubu akaba abarirwa miliyari 2 na miliyoni 100 z'amadorali.

     

    Ese wowe hari uwo wakekaga tutashyizemo? Twandikire muri comment.

    Source : https://yegob.rw/dore-abakuru-bibihugu-bafite-agatubutse-kurusha-abandi-ku-isi/