Webrwanda Backend

Author: webrwanda

  • Rwatubyaye yafashije ikipe ye kwitwara neza muri UEFA E.C.L atsinda igitego, Nirisarike ntibyagenda neza #rwanda #RwOT

    Mu ijoro ryakeye amakipe akinamo abanyarwanda yatangiye imikino y’ijonjora rya UEFA Europa Conference League, Rwatubyaye akaba yitwaye neza mu gihe Nirisarike bitagenze kuko yatsindiwe muri Slovenia.

    Aya makipe yombi ari mu itsinda 3, akaba yakinaga imikino yayo y’umunsi wa mbere w’iri jonjora mu ijoro ryakeye.

    FC Shkupi ya Rwatubyaye Abdul yari yakiriye Llapi FC yo muri Kosovo, yaje no kubyitwaramo neza iyitsinda ibitego 2-0.

    Rwatubyaye Abdul wari wabanje mu kibuga akanakina iminota yose, yaje gutsindira ikipe ye igitego cya 2 mu minota y’inyongera(90+4). Kikaba cyaje gisanga icya Markoski cyagiyemo ku munota wa 35. Umukino wo kwishyura uzaba tariki ya 15 Nyakanga 2021 muri Kosovo.

    Rwatubyaye yatsinze igitego cya 2 cya Shkupi n’umutwe

    Muri iri tsinda kandi ikipe Urartu FC yo muri Armenia ikinamo Nirisarike Salomon, yari yasuye Maribor FC muri Slovenia, umukino warangiye iyi kipe ya Nirisarike Salomon wakinnye iminota 90 itsinzwe igitego 1-0. Umukino wo kwishyura uzaba tariki ya 15 Nyakanga 2021 muri Armenia.

    Muri iri tsinda kandi Dinamo Batumi yaraye itsinze Tre Penne 4-0 ni mu gihe Sfintul Gheorghe yaraye itsinzwe na Partizani Tirana 5-2.

    Nirisarike yatsindiwe muri Kosovo(ifoto ni iya kera)

    Source : http://isimbi.rw/siporo/article/rwatubyaye-yafashije-ikipe-ye-kwitwara-neza-muri-uefa-e-c-l-atsinda-igitego-nirisarike-ntibyagenda-neza

  • Abasore aho gutera ivi nibatere imitoma – Minisitiri Bamporiki #Rwanda #RwOT via @kigalitoday #rwanda #RwOT

    Minisitiri Bamporiki Edouard
    Minisitiri Bamporiki Edouard

    Ni mu kigabiro aherutse kugirira ku Isibo TV, aho yagiye abazwa ibibazo binyuranye bijyanye n’umuco Nyarwanda, mu kubisobanura atanga urugero ku muhango wo gutera ivi, nk’umuco wadutse wifashishwa mu gusaba urukundo, ukorwa n’abasore bateganya kurushinga.

    Kuri we, gutera ivi usanga bikubiyemo ibintu byinshi bidasobanura urukundo nyarwo, aho ngo usanga hari abatera ivi, ariko nyuma y’igihe gito bigahinduka bakisubirira mu zindi ngeso zibakurura mu butane.

    Agira ati “Ubundi ugira icyo atinya ntiyatera ivi, yaryihorera rwose, kuko urumva iyo tubonye ivi twumva ko ibintu byarangiye, kandi birarenga n’uwateye ivi harashira iminsi mike ukabona batonze ku murenge bajya gusaba ubutane, nkibaza rya vi ko nta mezi abiri ashize bigenze bite, ukabona umusore yasubira muri bya bindi kandi ivi ryaratewe. Gusa ntihagire abantu banyumva nabi ngo ndamagana abatera ivi kuko nta politike ihari ibigenga, ni imico y’ahandi Abanyarwanda batiye”.

    Arongera ati “Ubirebye, njyewe ndi umukobwa nubaha umuhingu ntaryo yatera, yabyihorera kuko ririya vi turebye nabi ryasimbura umuranga, wakeka ko hari ibintu ririmo kuranga ariko si mbizi, uwabyihorera”.

    Uwo muyobozi abajijwe ku buzima bwe, icyo yasimbuje umuhango wo gutera ivi ubwo yiteguraga kurushinga yagize ati “Ibyo erega byadutse vuba, njye maze imyaka icumi ndongoye, ariko ukuntu nzi umugore wanjye n’uburyo tubana byamuvuna, ndamutse mbyadukanye byamubabaza, ubanza yabyamagana n’ivi ritaragerayo”.

    Yavuze ko gupfukamira umuntu ari ibitirano, bihabanye n’umuco nyarwanda w’ubwubahane hagati y’abanshakanye, atanga inama yo kuvuga imitoma aho gupfukama ngo bakabiharira Imana.

    Ati “Kubera ukuntu twubaha Imana turayipfukamira, gupfukamira umuntu by’ibitirano gusa, wenda abantu ni babisesengura bakajya babona impamvu umuntu bamupfukamira bizakorwe, ariko gutera imbabazi ugiye gushaka umugore tuzabyihorere dutere imitoma, abasore aho gutera ivi, ni batere imitoma”.

  • Uganda: Perezida Museveni yagaragaje igitekerezo cye bwite yumva cyahuza Abanyafurika #rwanda #RwOT

    Perezida Yoweri Kaguta Museveni wa Uganda ahamagarira Abanyafrika gukoresha igiswahili kugira bibafashe gushira hamwe uyu mugabane.

    Mw'ijambo rye ku musi wahariwe Ukwishira hamwe kwa Afrika, umusi wo kurebera hamwe intambwe imaze kugerwaho mu guhuza uyu mugabane, Perezida Museveni avuga ko igiswahili ari 'ururimi rwahuza uyu mugabane wa Africa'.

    Muri iryo jambo rye, arababazwa n'uko Abanyafrika badashize hamwe.

    Mu magambo yacishije ku rubuga rwa Twitter, yanditse: 'Burya Abanyafrika turi bamwe, nta kintu na kimwe cyatuma tutaba umwe. Biroroshe ko Abanyafrika bishira hamwe kurusha Abanyaburayi.

    Nk'ururimi atari umurage wasizwe n'Abanyaburayi, Igiswahili gikunzwe gukoreshwa mu mwanya w'icongereza, igifaransa cyangwa igiportugali nk'uburyo bwo guhakwa mu bihugu byateye imbere.

    Igiswahili ni ururimi rw'igihugu mu bihugu bya Tanzania, Kenya na Uganda byo mu muryango wa Afrika y'Uburasirazuba uhuriyemwo Kenya, Uganda, Tanzania, u Rwanda, Uburundi na Sudani y'Epfo.

    Igiswahili kandi kigenda gikwirakwira mu majyepfo amajyaruguru n'abarabu muri Africa Afrika kirakoreshwa.

    Source : https://impanuro.rw/2021/07/09/uganda-perezida-museveni-yagaragaje-igitekerezo-cye-bwite-yumva-cyahuza-abanyafurika/

  • Perezida Kagame yagiranye ibiganiro na Jutta Urpilainen ushinzwe Ubutwererane Mpuzamahanga muri EU – #rwanda #RwOT

    Ibi biganiro hagati ya Perezida Kagame na Jutta Urpilainen byabaye hifashishijwe ikoranabuhanga kuri uyu wa Kane, tariki ya 8 Nyakanga 2021.

    Ibiro by’Umukuru w’Igihu bibinyujije kuri Twitter ni byo byemeje ko ibyo biganiro byabayeho ariko ntibyagaragaza ibyaganiriweho.

    This afternoon, President Kagame held a virtual meeting with @JuttaUrpilainen, EU Commissioner for International Partnerships, following up on the recent EU agreement to strengthen the @RwandaFDA, which will further attract investments in vaccine manufacturing in the country. pic.twitter.com/tWfB75EHbH

    — Presidency | Rwanda (@UrugwiroVillage) July 8, 2021

    Ibyo biganiro bije nyuma y’uko ku wa 30 Kamena 2021 EU na Leta y’u Rwanda byasinyanye amasezerano afite agaciro ka miliyari 3,6 Frw zizifashishwa mu bikorwa byo guteza imbere ubukerarugendo n’urwego rw’ubuzima, by’umwihariko ibijyanye n’ishoramari ryo gutangiza gahunda yo gukorera inkingo mu gihugu.

    Byitezwe ko aya mafaranga azashyirwa mu rwego rw’ubuzima azifashishwa n’Ikigo gishinzwe kugenzura Ibiribwa n’Imiti mu Rwanda, RFDA, cyane cyane muri gahunda zigamije gukurura ishoramari ryo gukora inkingo.

    Uretse ibijyanye n’ishoramari ryo gukora inkingo, byitezwe ko RFDA izakoresha aya mafaranga mu kubaka laboratwari ifite ubushobozi buhambaye mu bijyanye no gupima imiti, ibintu bizafasha iki kigo kujya ku rugenwa n’Ishami ry’Umuryango w’Abibumbye ryita ku Buzima mu bijyanye no kugenzura ubuziranenge bw’inkingo n’imiti.

    Perezida Kagame ubwo yaganiraga na Komiseri ushinzwe Ubutwererane Mpuzamahanga mu Muryango w’Ubumwe bw’u Burayi, Jutta Urpilainen

    Komiseri ushinzwe Ubutwererane Mpuzamahanga mu Muryango w’Ubumwe bw’u Burayi (EU), Jutta Urpilainen, ubwo yari mu biganiro na Perezida Kagame byabaye hifashishijwe ikoranabuhanga

    Amafoto: Village Urugwiro

  • Clarisse Karasira yakoze indirimbo yisengesh… – #rwanda #RwOT

    Kuva Covid-19 yakwaduka mu Bushinwa mu mpera za 2019 igakwirakwira Isi mu gihe gito yagize ingaruka zikomeye ku buzima bwa muntu kugeza n'uyu munsi.

    Ibihugu hafi ya byose ku Isi byafashe ingamba zirimo gahunda ya Guma mu Rugo, gufunga ibikorwa bimwe na bimwe bihuza, guharikaga ingendo zo mu kirere, gutangira gukingira abaturage mu guhangana n'iki cyorezo n'ibindi byinshi ariko iki cyorezo gikomeje kwica benshi.

    KANDA HANO WUMVE INDIRIMBO 'TABARA' YA CLARISSE KARASIRA

    Cyagize ingaruka mu buzima bwa muntu mu nguni zose z'ubuzima. Ubushakashatsi bwakozwe n'ibigo bitandukanye bugaragaza ko hari umubare munini ku Isi watakaje akazi bakoraga, benshi babayeho nta cyizere cy'uko ejo hazacya, abandi baribaza amaherezo y'iki cyorezo.

    Umubare w'abandura Covid-19 n'abo yica ukomeza kwiyongera mu buryo budasanzwe ku Isi.

    Kamena 2021 yabaye ukwezi kubi k'u Rwanda, kuko Covid-19 yazamukanye ubukana, abayandura n'imibare y'abo yica irazamuka mu buryo butigeze bubaho.

    Ejo ku wa Gatatu, Minisiteri y'Ubuzima yatangaje ko habonetse abarwayi bashya ba Covid-19, 760 byatumye abamaze kwandura iki cyorezo mu Rwanda bagera ku 45, 039.

    Iki cyorezo kandi cyahitanye abantu 16, bityo amaze kwicwa na Covid-19 mu Rwanda ni 507.

    Abarwayi bashya babonetse ni 760 mu gihe abakize ari 816.  Abakirimo kuvurwa ni 15,325 barimo 67 barembye.

    Mu ndirimbo ye nshya yise 'Tabara', Clarisse Karasira aririmba asaba Imana kurebana impuhwe abari mu bihe bigoye kubera ingaruka za Covid-19.

    Akavuga ko abantu baruhijwe n'ibihe bari gucamo, bityo “Ngabo rengera abantu bawe [Imana].”

    Clarisse Karasira yabwiye INYARWANDA, ko yakoze iyi ndirimbo arebye ubuzima bugoye abantu benshi bo mu bihugu binyuranye byo ku Isi babayemo, bitewe n'ingaruka icyorezo cya Covid-19 cyagize ku mibereho y'abatuye Isi.

    Avuga ko iyi ndirimbo yaje 'nk'isengesho', kandi yizere ko 'izafasha abantu gusaba Imana gukiza abantu mu bihe bigoye.'

    Clarisse yasabye abafana be n'abakunzi b'umuziki gusenga, guharanira gukora ibyiza no gukomeza gukurikiza amabwiriza yo kwirinda Covid-19 atangwa n'inzego z'ubuzima no kutiheba, ahubwo bagashakira amahirwe mu bihari.

    Amajwi y'iyi ndirimbo (Audio) yatunganyijwe na Clement The Guitarist n'aho amashusho (Video) yakozwe na Fefe Faith.

    Iyi ndirimbo yagizwemo uruhare rukomeye na (Executive Producer) na Ifashabayo Sylvain Dejoie, umugabo wa Clarisse Karasira.

    Clarisse Karasira yateye isengesho risaba Imana kurengera abantu bayo bagizweho ingaruka na Covid-19

    Clarisse Karasira yasabye abafana be n'abakunzi b'umuziki gukurikiza amabwiriza yo kwirinda Covid-19

    KANDA HANO UREBE AMASHUSHO Y'INDIRIMBO 'TABARA' YA CLARISSE KARASIRA

    “>

    Source : https://inyarwanda.com/inkuru/107380/clarisse-karasira-yakoze-indirimbo-yisengesho-risaba-imana-gutabara-abagizweho-ingaruka-na-107380.html

  • Imbogo bazisomeje ku gasembuye zikora ibidakorwa||Ababikoze bahawe ibihano bikomeye. – YEGOB #rwanda #RwOT

    Abahinzi batatu b'Abahinde bo muri leta ya Gujarat imwe mu ziri mu burengerazuba bw'iki gihugu batawe muri yombi bazira kugurisha inzoga mu buryo butemewe nyuma yaho bimenyekanye ari uko imbogo zayisomyeho zigasinda bigahita bimenyekana ko bazicuruza mu buryo bwa magendu.

    Umupolisi waho, Dilipsinh Baldev, yatangarije AFP ko umwe muri abo bagabo yabonye imbogo ihindutse mu miterere n'imitekerereze, guhagarara bikanga ikagwa hasi ndetse ukabona yarakaye cyane, ni bwo yahise ahamagara umuganga w'amatungo ngo arebe icyabaye. Uyu muganga yatangaje ko imbogo zasomye ku nzoga z'inkorano aho zari zihishe.

    Umuganga w'amatungo yahise agenzura neza inkono y'amazi izi nyamaswa zanywaga, asanga si amazi asanzwe ahubwo ni inzoga. Yavuze ko ayo mazi yari afite impumuro idasanzwe kandi yahinduye ibara. Umuganga w'amatungo yahise abimenyesha abapolisi. Polisi ihageze yasanze amacupa 100 y'inzoga hafi aho imbogo zororerwa zifite agaciro ka 32,000 ($ 400).

    Abahinzi batatu barafashwe barafungwa biturutse ku mbogo zari zasomye ku nzoga bikamenyekana. Muri

    Source : https://yegob.rw/imbogo-bazisomeje-ku-gasembuye-zikora-ibidakorwaababikoze-bahawe-ibihano-bikomeye/

  • Ndanda yasezeranye imbere y'amategeko n'umukobwa bitegura kurushinga (Amafoto) – YEGOB #rwanda #RwOT

    Nizeyimana Alphonse wamamaye ku izina rya Ndanda akaba yarabaye umuzamu w'amakipe arimo AS Kigali na Rayon Sports FC, yaseranye imbere y'amategeko n'umukunzi we.


    Uyu muhango uje ukurikira uwabaye Ku cyumweru tariki ya 04 Nyakanga 2021 ubwo Ndanda yambikaga  impeta ya fiançaille umukunzi we.

    Source : https://yegob.rw/ndanda-yasezeranye-imbere-yamategeko-numukobwa-bitegura-kurushinga-amafoto/

  • Exclusive: Twaganiriye n’ababyeyi ba Vestine… – #rwanda #RwOT

    Mbere y'uko ikiganiro n'itangazamakuru kiba ababyeyi bombi b’aba bana bari bagiranye ikiganiro na InyaRwanda.com bavuga ku kibazo gihari ku mpande zombi n’icyakorwa kugira ngo bikemuke. Bavuze ko basabye M.Irene gusubiza abana babo shene ya YouTube bafunguye bataratangira gukorana, akabyanga. Bavuga ko iyo ayibasubiza akanereka uko yinjije nta kabuza gutandukana bitakabayeho.

    S/Sgt Nizeyimana Mazimpaka, Se wa Vestine na Dorcas aganira na InyaRwanda.com yagize ati “Njye amakuru natanga urabona njye ndi umusirikare nkorera Rusizi ubu niyo ndi turavugana ariho ndi, njyewe, Irene namubonyemo ikintu cy'uburyarya gikomeye cyane. Irene ku giti cyanjye naranamubwiye nti ndekera abana maze kubona ko umugabo aho kugira ngo afashe abana icya mbere abana bari bafite Channel, uko iyo channel itera imbere abana ntibamenye uko itera imbere.

    Ugasanga abana ntibashaka kunyumva ntibashaka kumva ababyeyi basa nk’aho yabatwangishije. Ni nk’aho yabakoropye mu bwonko njyewe nkabona Irene nta n’ubwo twigeze tunanavugana gutya ngo tuvugane uzamubaze niba narigeze mvugana nawe ngo gutya ninge wamubwiye ngo ndekera abana wa mugabo we ndabona usa n’aho uri ikirura wowe nta n’ubwo uri n'umubyeyi”.

    Yakomeje ati “Wowe muntu muzima niba uvuga ngo urakorana n'abana warangiza ugafata abana ukabangisha ababyeyi ukabashuka ukabakuraho Channel n’inyungu bakabonye cyangwa se n’uko ikora nta kintu, abana bari baratuvuyeho ndakubwiza ukuri munyamakuru.

    Noneho nkabona umugabo afite ikintu cyo gukoresha abana nk’aho ashaka kubakoresha nk'ibikoresho bye sinzi ukuntu nabona nabivuga njyewe. Naramwibwiriye ngo wa mugabo we mbabarira undekere abana ndi umubyeyi w'abana nshoboye kubarera nta nkunga nagusabye nari nzi ngo uzaba umuntu muzima ariko ntabwo nari nzi ko ari uko nguko muteye nsubiriza abana channel arambwira ngo nyuma y'icyumweru kimwe arayinsubiza andekere abana”.

    “Uwo mugabo ntiyigeze abikora ahubwo nshidutse numva ibyo bintu ndumiwe. Njyewe birantunguye kubera ko uwo mugabo twaranavuganye ndamubwira ngo ndekera abana urusha imbabazi nyina w'umwana aba ashaka kumurya mumumbarize ko iryo jambo tutigeze turivugana. Ugasanga abo bana bashaka kumvira uwo mugabo n'uburere bw'ababyeyi yabubakuyemo muri macye”.

    “Hari undi mugabo witwa Aimable ararengana ubwo baramushakaho iki ko uwo mugabo arengana ahubwo uwo Irene arabeshya cyane arajya gusebya uwo mugabo amushakaho iki mumumbarize amagambo twavuganye uwo mugabo amukureho icyo gisebo ntabwo wabona umwana yandagaye ngo ubure kugira icyo ukora. Kandi wa munyamakuru we umbabarire ubu butumwa ubungereze kure uwo mugabo bamukureho icyo gisebo”.

    Uzamukunda Elizabeth, Mama wa Vestine na Dorcas we yagize ati ''Bariya bana impano yabo yo kuririmba twari tuzi ko ari umugisha kandi bavukiye mu muryango wa gikirisitu, ndi umukirisitu na papa wabo ni umukirisitu twese mu rugo turi abakirisitu, ubwo rero bakomeza kuririmba ari bato twanga guhagarika impano yabo tubona babifitemo imbaraga.

    Ubwo rero nta menshi mfite yo kuvuga bagiye i Kigali bahura na Irene bagiye bagiye kwamamaza channel yabo kubera ko bari barayifunguye noneho bo bagenda i Kigali bagiye kwamamaza Channel yabo bahura na Irene Murindahabi arabakunda, abakunze rero aravuga ngo aba bana ngomba kubafasha rwose pe bakorana iriya ndirimbo ‘Nahawe ijambo’. Uwo munsi yasohotse ndibuka ko Irene yampamagaye akambwira ngo mama mu bana wari ufite wongereho Irene Murindahabi ndavuga ngo nungutse umuryango”.

    “Arampamagara ngo hari ibipapuro ashaka ko sinya akaba umujyanama wabo ndamubwira ngo njyewe ibipapuro ntabwo nabisinya abana baracyari bato ndacyabarera baracyari bato niba ushaka kubafasha wabafasha ariko ibyo gukorana nawe amasezerano ntabwo mbyemeye arambwira ngo ntakoranye nabo amasezerano ntacyo yabafasha ndamubwira ngo noneho niba utabafasha bareke bakomeze bamamaze Channel yabo n’ubundi ntibayifunguye muri kumwe”.

    Yakomeje ati “Noneho Channel yabo bari bayifite numvaga nta kibazo gihari arangije arabinjirira abaka password abambura channel yabo ayishyiraho nta masezerano twagiranye arangije ayinjiramo arayikontorora ayibirukanaho, ibaze kugira ngo umuntu abure na mitiyu Irene afite Channel arangije arongera arambwira ngo ashaka ko dukorana amasezerano y'imyaka itatu”.

    “Ndamubwira ngo iyo myaka itatu ntabwo nayisinyana nawe njyewe. Ndamubwira ngo kugira ngo wenda nemere dusinyane njye nawe fata Channel uyisubize abana kugira ngo mujye mufatanya ibyo mubonye mugabane mukomeze mukorane nta kibazo. Arambwira ngo ntabwo ari Yesu ikintu adafitemo inyungu ntiyagikora iryo jambo yararimbwiye ngiye kubona nkabona abana bambaraga imyenda miremire, nkabona abana bari bafite uburere nkabona abana bagenda bahinduka akabambika za mini, ndamubwira ngo Irene ndabona utangiye guhindura aba bana ushobora kuzabagira bakajya baririmba indirimbo z’isi kandi baririmba iz’Imana”.

    “Arangije arambwira ngo umuhanzi uri kuzamuka agomba kumuyobora ntabwo we yamuyobora.  Ndamubwira ngo ntushobora kunderera abana ndiho ntarapfuye aratega ava i Kigali arambwira ngo dukorane amasezerano ndabyanga”. 

    “Impamvu nabyanze ni iyi rero ni uko nabonye imico ye n’uko yifata ku bana cyane n’ukuntu akunda amafaranga cyane nkabo aba bana yabahinduye nk'amarobo bakora ntacyo bakorera ndavuga ngo aba bana nibakomeza kuba mu maboko ya Irene bazahinduka simbe nkiri umubyeyi wabo cyangwa se bakorane n'undi muntu uzabahe amahoro akemera ko duhuza tukavuga rumwe. Mba nshaka umuntu wampera abana akabaha uburere n'ikinyabupfura”.

    M. Irene yifashishije shene ya Youtube ya Label yashinze yise MIE Empire yakoze ikiganiro gitunganyije yagaragarijemo ibyashyize akadomo ku rugendo rw'umwaka umwe yari amaze akorana na Vestine na Dorcas. Muri iki kiganiro, yavuzemo ko intandaro yo gutandukana na Vestine na Dorcas ari shene ya Youtube y'aba bakobwa yinjizaga amafaranga umuryango wabo washakaga gufataho.

    Ikindi ngo ni uko umugabo witwa Aimable Nzizera utegura ibitaramo bya 'Rwanda Gospel Stars' wabwiye Nyina w'aba bakobwa ko M. Irene yacyiriye ku bana be binyuze mu mafaranga asarura kuri Youtube, no kurishisha izina ry'abo yibarutse.

    Uyu munyamakuru yananditse kuri konti ye ya Instagram, avuga ko atagambaniwe na Aimable gusa, ahubwo ko urutonde ruriho n’umunyamakuru Mike Karangwa ndetse n’umunyamategeko Benoit wifashishijwe n'umuryango we akandika ibaruwa imusaba gusubiza Youtube mu gihe cy'iminsi itatu, bitaba ibyo hakitabazwa Urwego rw'Igihugu rw'Ubugenzacyaha, RIB.

    M. Irene akomeza avuga ko mu gihe yari amaze akorana n'aba bahanzikazi nta kontaro bari bafitanye, ariko ko ibyo yabakoreraga byose yabaga yabyemeranyije na Nyina w’aba bana, Kandi ko yakoreraga mu mahame y'itorero rya ADEPR aba bahanzikazi babarizwamo. 

    Uyu munyamakuru yavuze ko nta kibazo afitanye na Vestine na Dorcas ndetse n'umubyeyi wabo, ahubwo agifatanye n'abagiye kumuteranya bashaka kurya ku byo yari amaze igihe aruhira.

    Muri iki kiganiro, M. Irene yumvikanishije amajwi ya Vestine na Dorcas bafashe bakoresheje WhatsApp ibizwi nka 'voice note', aho aba bakobwa bamushimiye kuri buri kimwe yabakoreye kuva ku munsi wa mbere kugeza batandukanye.

    Bombi bumvikana basuka amarira bitsa imitima! Dorcas yabwiye M. Irene ko yabitangiye birenga intekerezo zabo, ku buryo yabitayeho no mu gihe batabikekaga.

    Ati 'Turagushimira! Ikintu cya mbere tugushimira ni ukuri waradufashije uratuzamura. Icya kabiri watwishuriye ishuri, uratwambika utugurira imyenda, twagusaba ikintu dukenye ukakidukemurira. Warakoze cyane, hari n’ibyo wagiye wigomwa tukabibona. Warakoze kuba waratwishyuriye ishuri, ukatumenyekanisha.”

    Uyu mukobwa yanavuze ko iyo yarwagara, M. Irene yohereza imodoka ikajya kumufata ikamukura mu kigo akajya kwivuza, hanyuma M. Irene akishyura ibitaro.

    Ati “Ku ishuri narwara ukohereza imodoka iza kumfata nkataha, ukishyura ibitaro. Twarabibonye byose, ni ukuri Imana iguhe umugisha. Kandi warakoze.”

    Vestine yavuganye ikiniga, avuga ko ibyabaye batari babyiteze, amushimira itafari rye ku muziki wabo, ariko kandi ngo ntibifuza gutandukana nawe.

    Yavuze ati 'Irene nanjye nakubwira waradufashije cyane, usibye ko nyine ntabwo abantu bajya bishimira ibyiza bigeze ku bantu n’aba bose baza ibintu byo ku kurega, byo kugira ute, ntabyo twari tuzi. Natwe n’ibintu byadutunguye, gusa turagushimira ariko turababaye ntabwo dushaka gutandukana nawe.'

    “Turagusabye udufashe ntugende. Ntiwite kuri aba ngaba, turabizi ko wadukunze aba bose baje bitewe n’uko watuzamuye, batumenye.”

    Uyu mukobwa yavuze ko hari abantu banyuze kuri Nyina bamwumvisha ko M. Irene yungukira mu mvune z'abana be. Avuga ko M. Irene yabishyuriraga ishuri, akabagurira imyambaro n'inkweto n'ibindi bumva atabarekura ngo agenda uko.

    Vestine ati 'Naba bashaka kutubera ba Manager kandi ntabwo ibyo tubyifuza. Nyine banyuze kuri Mama kugira ngo nyine batubone, kubera ko wari umaze kutugira abasitari.'

    'Nta na kimwe twakuburanye, kuko twe waduhisemo ukoherereza Mama amafaranga y’ishuri nta na kimwe utadukoreye, ukaduha ibikoresho, tugiye ku ishuri ukaduha amafaranga, ukatugurira n’inkweto turagushimira cyane.'

    Yavuze ko we na mugenzi we biteguye kureka umuziki mu gihe cyose baba batari kumwe na M. Irene. Ngo Imana nishima ko bakomeza guhembura ubwoko bwayo izabahagurutsa.

    Ati 'N’ibi byose ngo bije gutandukana, ni abantu banyuze mu matwi baca kuri Mama. Ariko twe tugiye kuva mu bintu byo kuririmba, turabihagarika niba ari byo bifuje. Imana niyongera gushima ko twaza ubwo tuzaza.'

    REBA HANO IKIGANIRO TWAGIRANYE N’UMUBYEYI WA VESTINE NA DORCAS

    KANDA HANO UREBE IKIGANIRO M.IRENE AVUGA ICYATUMYE ATANDUKANA NA VESTINE NA DORCAS

    Source : https://inyarwanda.com/inkuru/107378/exclusive-twaganiriye-nababyeyi-ba-vestine-na-dorcas-ku-cyatumye-babambura-mirene-nibisabw-107378.html

  • U Rwanda rwahawe kwakira Inama y’Abahagarariye JCI ku rwego mpuzamahanga – #rwanda #RwOT

    Inama yatangarijwemo ko iyo nama izabera mu Rwanda yabaye hifashishijwe ikoranabuhanga, yabereye muri Jordanie.

    Yitabiriwe n’abantu batandukanye barimo n’Umunyamabanga Mukuru wa JCI ku rwego rw’Isi, Kevin Hin; Umuyobozi wa JCI wungirije ushinzwe Afurika n’Uburasirazuba bwo Hagati, Harira Cissé; Umuyobozi wa JCI wungirije muri Afurika no mu Burasirazuba bwo Hagati ushinzwe Ibikorwa by’abanyamuryango ba JCI mu bihugu umunani birimo n’u Rwanda, Zandile Makhoba; Umuyobozi w’Ibiro Njyanama bishinzwe Iterambere rya JCI, Adeniyi Balogun; Umujyanama Mukuru wo muri Afurika no mu Burasirazuba ushinzwe ibihugu bivuga Igifaransa harimo n’u Rwanda, Basile Djossouvi; Umuyobozi ushinzwe Ibiro by’Iterambere bya JCI muri Afurika no mu Burasirazuba bwo Hagati, Tunji Oyeyemi n’abandi.

    Iyi nama yari igamije kurebera hamwe ishyirwa mu bikorwa ry’intego za 2021 no kurushaho kungurana ibitekerezo byo guteza imbere umuryango binyuze mu gufata ibyemezo bishya mu bikorwa biteganyijwe.

    Umwanzuro uri mu yari yitezwe na benshi ni uwo gutangaza igihugu kizakira inama ihuza abayobozi ba JCI muri Afurika no mu Burasirazuba bwo Hagati, iteganyijwe muri Mutarama 2021.

    Ni kenshi JCI Rwanda yasabye kwakira iyi nama kuva mu 2019, 2020 na 2021. Nyuma yo kugaragaza uko u Rwanda rwiteguye mu kwakira inama mpuzamahanga ya mbere y’abahagarariye JCI ku rwego rwa Afurika no mu Burasirazuba bwo Hagati izaba muri Mutarama 2022, Umuyobozi ushinzwe Imitegurire yayo muri JCI Rwanda, Architecte Nishimwe Luce Gloria, wayoboye JCI Rwanda mu 2019, yasobanuye impamvu zashingiweho ngo yakirirwe mu Rwagasabo.

    Mu byo yagaragaje harimo inararibonye igihugu gifite mu kwakira inama mpuzamahanga, umutekano n’ibikorwa remezo rufite, ibyiza birutatse, ubushake bw’abanyamuryango ba JCI Rwanda n’ubw’abafatanyabikorwa mu kuzakira neza abazitabira inama.

    Iyi nama izakorwa mu nsanganyamatsiko igira iti “Ensemble, Réinventons le Futur”, ‘‘Together, Let’s reinvent the future’’ bisobanuye mu Kinyarwanda ‘‘Twese hamwe twongere duhange ahazaza.’’

    Abitabiriye iyi nama bakimara kwemeza ko u Rwanda arirwo ruzayakira, Abanyarwanda bagaragaje ko bakozwe ku mutima kuko babitegereje imyaka myinshi kandi inzego zinyuranye zamaze kwemera ko zizabatera inkunga mu itegurwa ryayo.

    Yvan Gatoto wayoboye JCI Rwanda mu 2020 yagize ati “Twakiranye inkuru ibyishimo byinshi kandi tukaba tunashimira abafatanyabikorwa n’abanyamuryango ba JCI Rwanda ku bw’umurava twakoranye mu rugendo twatangiye guhera mu mwaka wa 2019.’’

    Umunyamabanga Mukuru wa JCI Rwanda, Mukamana Clémentine, yashimangiye ko iyo ntsinzi ari ingenzi kuri bo.

    Yagize ati “Twishimye cyane kuri iyi ntsinzi, bidutera imbaraga n’umwete wo kurushaho gukora neza cyane. Twiteguye kuzakira neza abazitabira inama.”

    Umunyamuryango wa JCI Rwanda, Kamariza Sandrine, na we yavuze ko yakiranye intsinzi babonye ubwuzu.

    Yagize ati “Njye nkimara kumva ko twegukanye intsinzi byandenze, ntangira kubyina, nyuma nkoma akaruru k’ibyishimo.”

    Umuyobozi wa JCI Rwanda, Igiraneza Origene, yabwiye IGIHE ko bageze ku ntsinzi bahoraga barota nyuma yo kwemererwa kwakira inama batangiye gusaba mu myaka itatu ishize.

    Yagize ati “Twabiharaniye igihe kitari gito none tubigezeho, turabitsindiye. Twizeye ko mu kurushaho kubahiriza ingamba zo guhashya icyorezo cya Covid-19 no gukorana n’ibigo bibishinzwe tuzabasha kwakira abashyitsi imbonankubone muri Mutarama 2022 i Kigali.’’

    Yashimiye abafatanyabikorwa batandukanye barimo Ikigo cy’Igihugu gishinzwe guteza imbere Ubukerarugendo bushingiye ku Nama, RCB, Minisiteri y’Urubyiruko n’Umuco, Umujyi wa Kigali, PSF-Chamber, Africa Medicals Supplier, Ni-Architects, Sunday Park, Umuhanzi Cyusa Ibrahim n’abandi batanze ubufasha mu myiteguro y’iyi nama.

    Intumbero ya JCI Rwanda ni ugukomeza kwakira inama nini z’uyu muryango zirimo ihuza abanyamuryango bose ba JCI ku Isi yitabirwa n’abarenga 6.000.

    U Rwanda rwahawe kwakira Inama y’Abahagarariye JCI ku rwego mpuzamahanga

  • Chris Hat, Bushali, Naason Solist mu bahanzi… – #rwanda #RwOT

    Tariki 26 Kamena 2021, ni bwo kompanyi East African Promoters (EAP) itegura ibitaramo bya Iwacu Muzika Festival yatambukije igitaramo cya mbere cy'iri serukiramuco kuri Televiziyo y'u Rwanda.

    Iki gitaramo cyaririmbye mo umuhanzi Platini wabimburiye abandi bazaririmba mu ruhererekane rw'ibi bitaramo. Iri serukiramuco riri kuba ku nshuro ya Gatatu, mu 2019 ryabaye imbona nkubone, 2020 na 2021 hifashishijwe ikoranabuhanga.

    Ibi bitaramo byatewe inkunga n'ibigo bya Leta n'abikorera barangajwe imbere na Laboratwari y’u Rwanda y ‘ibimenyetso bya gihanga byifashishwa mu butabera, Rwanda Forensic Laboratory.

    Igitaramo cya kabiri cya Iwacu Muzika Festival cyahaye umwihariko kwizihiza isabukuru yo Kwibohora ku nshuro ya 27.

    Cyaririmbyemo abahanzi RDF Military Band, Masamba Intore ndetse na Mariya Yohana baririmbye bashushanya uko urugamba rwo kubohora rwagenze n'intsinzi yari inyotewe.

    Igitaramo cya Gatatu cy'iri serukiramuco kizaba tariki 10 Nyakanga 2021 kizaririmbamo umuhanzi Mani Martin. Uyu muhanzi uzaririmba muri ibi bitaramo yanditse kuri konti ye ya Instagram ateguza abafana be n'abakunzi b'umuziki kuzareba igitaramo azakora guhera saa mbili z'ijoro n'iminota 45' kuri Televiziyo y'u Rwanda.

    Amakuru INYARWANDA yamenye ni uko ibi bitaramo bizatambuka kuri Televiziyo y'u Rwanda kugeza nibura mu Ukuboza 2021, aho hitezwemo abahanzi barenga 20 barimo n'abaririmba indirimbo zo guhimbaza Imana,  Patient Bizimana n’abandi.

    Abahanzi b'ikiragano gishya cy'umuziki w'u Rwanda bazaririmba muri ibi bitaramo barangajwe imbere n'umuhanzi Christ Hat, umuraperi Bushali, Aime Blueston, Yvanny Mpano, Edouce Softman, Naason Solist ndetse na Calvin Mbanda uherutse gusezera muri Label ya The Mane.

    Abandi bahanzi bazagaragara muri ibi bitaramo ariko babiririmbye mo mu bihe bitandukanye barimo umuhanzikazi Marina, Alyn Sano, Cyusa Ibrahim na Mani Martin.

    Mu 2020, East African Promoters (EAP) yakoze iserukiramuco rya Iwacu Muzika Festival n'ibitaramo bya 'My Talent Live Concert'. Impuzandengo y'amafaranga abahanzi bishyuwe muri 'My Talent Live Concert' ari hagati ya 500, 000 Frwa na miliyoni 1, 5 Frw.

    Ni mu gihe abaririmbye muri Iwacu Muzika Festival bahawe amafaranga ari hagati ya miliyoni 1 Frw na miliyoni 2 Frw. Bivuze ko igiteranyo cy'amafaranga abahanzi basaruye muri EAP mu 2020 arenga miliyoni 36 Frw.

    Ibi bitaramo bifasha abahanzi guhangana n'ingaruka za Covid-19, cyane ko aho bajyaga bakura nko mu bitaramo by'imbona nkubone bitemewe n'ingamba zo kwirinda iki cyorezo.

    Abahanzi bagiye banyuzamo bagakorera ibitaramo ku mbuga zabo, ariko nta mafaranga bakuramo uretse gushimisha abafana babo n'abakunzi babo.

    Christ Hat uri mu maboko ya Muyoboke Alex azaririmba mu bitaramo bya Iwacu MuzikaUmuraperi Bushali ari mu bahanzi bashya bazigaragaza muri Iwacu Muzika Festival

    Naason Solist uherutse gusohora Album yise 'Nyigisha' nawe azaririmba mu bitaramo biri kubera kuri Televiziyo y'u Rwanda

    Mani Martin ni we muhanzi utahiwe kuririmba mu bitaramo bya Iwacu Muzika Festival

    KANDA HANO UREBE AMASHUSHO Y’INDIRIMBO ‘AMAHIRWE’ YA CHRIS HAT

    “>

    Source : https://inyarwanda.com/inkuru/107375/chris-hat-bushali-naason-solist-mu-bahanzi-bazaririmba-ku-nshuro-ya-mbere-muri-iwacu-muzik-107375.html