Author: webrwanda

Minisiteri y’Ubuzima yahawe amezi atatu yo kuba yagaragaje umurongo ufatika w’uburyo izakora ubukangurambaga ku ngaruka mbi z’itabi no kuribuza abakiri bato.
Iyi Minisiteri kandi isabwa kugaragaza doze z’itabi zemewe mu gihugu hagamijwe kugabanya ingaruka rigira ku barinywa nk’uko inkuru dukesha New Times ibivuga.

Uyu mwanzuro ni umwe mu myanzuro yavuye mu isesengura rya raporo ku ishyirwa mu bikorwa rya gahunda yo kugenzura ikoreshwa ry’itabi mu gihugu, abadepite bashyikirijwe, Odette Uwamariya, ku wa 15 Nyakanga 2021.

Mu gihe abarengeje imyaka 18 ari bo bemerewe kunywa itabi, Uwamariya yabwiye abadepite ko ubushakashatsi bugaragaza ko hari n’abari mu kigero cy’imyaka 15 barinywa.

Uwamariya yagaragaje ko hakiri ikibazo cy’abantu banywera itabi mu ruhame nyamara umwotsi waryo ugira ingaruka no ku rinyoye igihe awuhumetse.

Uwamariya yagize atiu“Hari abantu banywa itabi batitaye ku kuba begereye abagore batwite cyangwa abana.”

Depite Germaine Mukabalisa yavuze ko kuba abana babona abanywera itabi iruhande rwabo mu tubari na butiki byongeye bakabona abacuruzi barifite mu bindi bicuruzwa bituma bakura bazi ko ari ibintu bisanzwe kurinywa haba ku bato n’abakuru.

Yavuze ko nk’umuti, guverinoma ikwiye gukemura ikibazo cy’iyamamazwa ry’itabi ku mbuga nkoranyambaga aho ubutumwa buhacishwa bugira ubukana ku bana.

Uwamariya yavuze ko itabi ryashyiriweho imisoro iremereye ku baryinjiza mu gihugu, bikaba byaragabanyije ingano y’iryinjira nubwo atagaragaje uko imibare iteye.

Itegeko ryasohotse mu igazeti ya leta muri Nzeri 2019 ryerekeye ibicuruzwa biva hanze n’ibikoreshwa mu Rwanda, ryavugaga ko ipaki y’itabi rimo amasigara 20 izajya isora 36%. Bikaba byaratumye ipaki imwe yiyongeraho 130 Frw.

Kugeza ubu mu Rwanda amatabi ahacuruzwa agemurwa n’ikigo mpuzamahanga cy’Abongereza gikora ubwoko butandukanye bw’itabi (BAT) burimo Intore, Dunhill, Impala na SM.

Raporo ya Tobacco Atlas ya 2019 igaragaza ko buri mwaka mu Rwanda hapfa abantu barenga 2000 bazize indwara ziterwa no kunywa itabi, naho Ishami ry’Umuryango w’Abibumbye ryita ku buzima OMS rikagaragaza ko buri mwaka ku Isi hapfa abantu miliyoni 8 bazize itabi.

Mu bindi leta isabwa harimo gushyiraho ahantu hagenewe kunywera itabi mu buryo bwa rusange.

Mu baburanye n’imiryango yabo harimo n’umubyeyi witwa Nyamvura Jacqueline, waburanye n’umuvandimwe we ndetse n’umwana we wari ufite umwaka umwe n’amezi ane.

Uyu mubyeyi Jenoside yabaye we n’umuryango we batuye mu Karere ka Kicukiro ahazwi nka Sahara, akaba yari yarashakanye na Kimanuka Théoneste barabyaranye abana batatu. Ubwo Jenoside yabaga, yahungiye muri ETO-Kicukiro akaba ari ho yaburaniye n’umuryango we.

Mu bo yaburanye na bo harimo umuvandimwe we bitaga Nyamvura Jacqueline wari mu kigero cy’imyaka 35 ndetse n’umwana we w’umuhungu bitaga Kimanuka Théophile.

Mu kiganiro IGIHE yagiranye n’umukobwa w’uyu mubyeyi witwa Mukamazimpaka Théodose, yasobanuye uko byagenze.

Yagize ati “Twari dutuye muri Kicukiro, ubwo Jenoside yabaga twahungiye muri ETO-Kicukiro nk’abandi, twari turi kumwe na mama wacu witwaga Kakuze Laurence bamuha gasaza kanjye gato ngo agaheke, kakaba kari gafite umwaka umwe n’amezi ane kitwa Kimanuka Théophile.Tugera muri ETO abantu bagiye batatana bitewe n’ubwicanyi bwari buri kubaha, kuva icyo gihe kugeza ubu ntabwo turongera kubabona.”

Yakomeje avuga ko uyu mwana w’umuhungu bakiri muri ETO yari yakomeretse ku mutwe ku buryo ubu niba akiriho yaba afite inkovu inyuma ku mutwe.

Hagize uwaba azi umwe muri aba bantu cyangwa bombi yahamagara kuri 0788383047, akabasha kubahuza n’umuryango wabo.

Nyamvura yatanze itangazo rirangisha abo mu muryango we yaburanye na bo muri Jenoside yakorewe Abatutsi

Aya mabwiriza agena ko muri rusange imirimo y’inkiko izafungwa muri ibi bihe bya Guma mu Rugo, icyakora imanza zirebana n’ifungwa n’ifungurwa ry’agateganyo ndetse n’imanza ziregwamo uwafatiwe mu cyuho, usa n’uwafatiwe mu cyuho cyangwa uwemeye icyaha ku buryo budashidikanywa zo zizaburanishwa.

Izindi manza zizakomeza kuburanishwa ni iz’ibirego byihutirwa ndetse n’iz’ibirego bishingiye ku nyandiko nsobanurakirego itanzwe n’umuburanyi umwe n’inyandiko nsobanurakirego itanzwe n’ababuranyi bombi.

Amabwiriza agena ko imanza zizakomeza kuburanishwa hifashishijwe ikoranabuhanga, icyakora aho bidashoboka, abaregwa mu manza zirebana n’ifungwa n’ifungurwa ry’agateganyo ndetse n’imanza ziregwamo uwafatiwe mu cyuho, usa n’ufatiwe mu cyuho cyangwa uwemeye icyaha ku buryo budashidikanywa, bazazanwa ku rukiko ariko hubahirizwa amabwiriza yo kwirinda Covid-19.

Naho ku birebana n’imanza z’ibirego byihutirwa ndetse n’iz’ibirego bishingiye ku nyandiko nsobanurakirego itanzwe n’umuburanyi umwe n’inyandiko nsobanurakirego itanzwe n’ababuranyi bombi, mu gihe ababuranyi babisabye kandi bagaragaza ko babyumvikanyeho bose, umucamanza ashobora gufata icyemezo ashingiye ku myanzuro ababuranyi bashyikirije urukiko banyuze mu ikoranabuhanga rya IECMS rikoreshwa mu butabera bw’u Rwanda. Ubwo busabe n’ubwumvikane bigomba kugaragazwa mu nyandikomvugo y’iburanisha no muri kopi y’urubanza.

Iryo tangaza rivuga ko muri rusange ibikorwa by’iburanishwa bizahagarara, riti “Muri rusange ibikorwa by’iburanisha ry’imanza byari biteganyijwe guhera ku wa 17/07/2021 kugeza ku 26/07/2021 birasubitswe mu nkiko zo mu Mujyi wa Kigali no mu Turere twa Burera, Gicumbi, Kamonyi, Musanze, Nyagatare, Rubavu, Rwamagana na Rutsiro. Buri rukiko ruzamenyesha ababuranyi amatariki imanza zabo zimuriweho hifashishijwe ikoranabuhanga rya IECMS rikoreshwa mu nkiko.”

Inkiko zikorera mu turere dusigaye zizakomeza gukora uko bisanzwe hubahirizwa ihame ry’uko kuri buri rukiko abakozi bakorera mu biro batagomba kurenga 15% by’abakozi bose, kandi hakaburanishwa imanza zirimo ababuranyi babarizwa mu Karere izo nkiko zikoreramo, keretse mu gihe kwifashisha ikoranabuhanga bishoboka.

Ku rundi ruhande, Ibikorwa byo gusoma imanza bizakomeza. Mu nkiko zikorera mu Mujyi wa Kigali no mu turere twa Burera, Gicumbi, Kamonyi, Musanze, Nyagatare, Rubavu, Rwamagana na Rutsiro, ababuranyi ntibazaza ku cyicaro cy’inkiko ahubwo imanza zizasomwa hashyirwa kopi zazo mu ikoranabuhanga rya IECMS ku munsi bamenyeshejwe ko zizasomerwaho. Mu tundi turere dusigaye imanza zizasomwa uko bisanzwe.

Abakozi b’inkiko batazakorera mu biro bazakomeza gukorera mu rugo. Abayobozi b’inkiko bagomba gukurikiranira hafi imikorere y’abo bakozi kugira ngo batange umusaruro.

Hasohotse amabwiriza agenga imikorere y’inkiko muri ibi bihe bya Guma mu Rugo

Yakiriwe na mugenzi we w’u Bugereki, Gen Konstantinos Floros, wavuze ko uruzinduko rwa Gen Kazura rufungura amarembo mashya mu bufatanye bw’igihugu cye na Afurika mu bya gisirikare.

Yavuze ko u Bugereki n’u Rwanda bigira uruhare rukomeye mu kwimakaza amahoro n’ituze muri Afurika yo hagati ndetse ko umusanzu wabyo urenze imbibi zabyo.

Uruzinduko rwa Gen Kazura rugamije gushimangira umubano mwiza uri hagati y’impande zombi

Umugaba Mukuru w’Ingabo z’u Rwanda, Gen Jean Bosco Kazura, ubwo yakirwaga na mugenzi we w’u Bugereki

Umuvugizi wa Polisi y’u Rwanda, CP John Bosco Kabera

Polisi y’u Rwanda nka rumwe mu nzego zikurikirana iyubahirizwa ry’iyi gahunda, iraburira abarebwa na Guma mu Rugo ndetse na Guma mu Karere ko batagomba kuyizanamo ibintu by’imikino ahubwo ko bagomba kubahiriza ingamba zose nk’uko babisabwa.

Ibi byatangajwe n’umuvugizi wa Polisi y’u Rwanda, CP John Bosco Kabera, ubwo haburaga amasaha macye ngo Guma mu Rugo itangire.

CP Kabera yagize ati “Turagira ngo tubabwire ko Guma mu Rugo ari Guma mu Rugo, Guma mu Karere ni Guma mu Karere nta mikino. Tumaze iminsi tubivuga abantu bakwiye kuba babyiteguye kuko twarabateguje kandi n’amabwiriza baba bayahawe igihe kirekire yo kwitegura”.

CP Kabera kandi aburira abantu bahawe impushya z’ingendo mbere ya tariki 17 Nyakanga ko izo mpushya zataye agaciro abashaka gukora ingendo bakaba bagomba gusaba izindi mpushya.

Ati “Turagira ngo tubibabwire kuko turabizi hari benshi bafite izo mpushya. Bamenye rero ko kuva iri joro saa sita z’ijoro izo mpushya zataye agaciro abazashaka kongera kugenda aho biri ngombwa bagomba gusaba izindi mpushya”.

Ikindi ni uko abari muri gahunda ya Guma mu Rugo babujijwe gukorera sports hanze y’urugo, abazakenera kuyikora bakazajya bayikorera mu ngo zabo.

Polisi yanihanangirije abantu bagiye bagaragara muri Guma mu Rugo zitandukanye bagaragaza ko bagiye gukora ibintu byemewe kandi babeshya harimo abatizanyaga amakarita y’akazi, gutizanya imodoka zemerewe kugenda, abitwazaga ibiryo bakuye mu ngo zabo bagera kuri polisi bakavuga ko bagiye guhaha, ngo uzagerageza kubikora azafatwa kandi azahanwa.

Mu karere ka Rubavu hakomeje kubera irushanwa mpuzamahanga rya Volleyball ikinirwa ku mucanga, aho ibihugu 39 byaturutse ku mpande zitandukanye z’Isi ari byo byitabiriye.

Ku munsi w’ejo ni bwo ikipe imwe y’Abanyarwanda mu bagabo yari igizwe na Ntagengwa Olivier ndetse na Akumuntu Kavalo Patrick yasezerewe muri mikino ya 1/8 , aho yatsinzwe Brinck na Thomsen bo muri Danmark.

U Rwanda rwasezerewe n’ikipe y’abavandimwe bakomoka muri Ukraine

Kuri uyu munsi hari hatahiwe ikipe ya Nzayisenga Charlotte na Munezero nayo yari yabashije kubona itike ya 1/8, aho yaje gusezererwa n’iya Ukaraine igizwe n’abavandimwe Inna Makhno ndetse na Iryna Makhno.

Iyi kipe yo muri Ukraine yaje gutsinda abanyarwandakazi mu buryo butayigoye iyitsinze amaseti 2-0, iya mbere yayitsinze amanota 21 kuri 7, naho iya kabiri iyitsindira ku manota 21 ku 9.

Nyuma y’iyi mikino hakomeje imikino ya ¼ ku makipe yabashije gukomeza, naho ku munsi w’ejo hakazakinwa imikino ya ½ cy’irangiza ndetse n’umukino, ari nawo munsi amarushanwa azasozwa.