Webrwanda Backend

Author: webrwanda

  • Umuhanzi Mirabyo the Warren ari mu maboko ya RIB yafatanywe urumogi #rwanda #RwOT

    Umuvugizi wa RIB Dr Murangira Thierry, yatangirije ikinyamakuru IMIRASIRE.COM ko uyu ITANGISHAKA Janvier yafatanywe ikiyobyabwenge kiri mubwoko bw’urumogi.
    Mirabyo the Warren, akaba yarafatiwe mu murenge wa Muhima muri Tetero taliki 15 Nyakanga 2021. Dr Murangira Thierry yavuzeko uyu muhanzi Mirabyo yiyemerera ko ankwa icyo kiyobyabwenge yafatankwe.

    Ubwo twageraga aho uyu muhanzi yafatiwe twasanze afite udupfunyika tw’urumogi tugera kuri 13 n’ubwo we yivugiraga ko yarafite 10, avugako ari urwo yari kuzajya yinywera.

    Umuvugizi wa RIB yatangaje ko iperereza rikomeje ngo hamenyekane niba uyu muhanzi yaba acuruza, ankwa cyangwa atunda icyo kiyobyabwenge , akaba ategerejwe kubanza kujyanwa muri Laboratwari y’ ibimenyetso bya gihanga (Rwanda forensic Laboratory) ngo harebwe koko niba uyu muhanzi ankwa icyo kiyobyabwenge kiri mu bwoko bw’urumogi.

    Police y’igihugu irakangurira abanyarwanda n’abaturarwanda kwirinda ibiyobyabwenge uko byaba bimeze kose cyane cyane urubyiruko kuko byangiza ejo hazaza habo.
    Police ikababurira abishora mu biyobyabwenge ko ibihano bikome bizabageraho.

    Source : https://imirasire.com/?Umuhanzi-Mirabyo-the-Warren-ari-mu-maboko-ya-RIB-yafatanywe-urumogi

  • Gitega: Umubyeyi n' umwana we bahiriye mu nzu ubwo yafatwaga n' inkongi y' umuriro #rwanda #RwOT

    Kalisa Claudien wari utuye mu Murenge wa Gitega ,Akagari ka Kinyange mu mudugudu wa Karitasi urugo rwe rwibasiwe n'inkongi , rurakongoka ,apfiramo hamwe n'umwana we .

    Ibi byabaye mu masaha ya ya saa tatu z'igitondo cyo kuri uyu wa gatanu tariki ya 16 Nyakanga 2021 ubwo nyakwigendera yari mu rugo rwe aho yari asanzwe acumbitse.

    Hari amakuru ko uyu mugabo yari asanzwe ari umwarimu mu Karere ka Ruhango, akaba yari ari gukosora impapuro z'ibizami by' abanyeshuri bakoze.

    Mu gihe yari ahugiye muri iyo mirimo, abana be ku ruhande bakinaga, barasa umwambi ukongeza matora ,umuriro urazamuka uhura n'amashanyarazi, inzu iba ifashwe n'inkongi ahiramo hamwe n'umwana we. Gusa undi mwana wari muri iyo nzu yabashije kurokoka.

    Ibyo bikimara kuba abaturage batabaye ariko biba iby'ubusa , bitabaza Polisi ishami rishinzwe kuzimya inkongi, niyo yagerageje kuzimya gusa isanga abantu bamaze gushiramo umwuka.

    Ni mu gihe umugore wa nyakwigendera nawe akimara kumva inkuru y'akababaro yahise ahungabana, ajyanwa ku Bitaro bya Muhima.

    Umunyambanga Nshingwabikorwa w'murenge wa Gitega,Uzamukunda Anathalie yatangaje ko abantu bagerageje gutabara ariko birangira bitabye Imana.

    Yagize ati' Ni inkongi y'umuriro yabaye mu masaha ya saa yine,abantu bagerageza kuzimya, birangira ubuzima butabashije kurokorwa.'

    Yasabye abaturage gutangira amakuru ku gihe mu gihe bagize ikibazo gitunguranye.

    Ati'icyo twakongera kubasaba ni ugutabarana, n'ugize ikibazo agakoresha uburyo bw'itumanaho, hari umurongo w'Akarere utishyurwa, Uw'Umujyi wa Kigali, nimero za Polisi, ugize ikibazo yahamagara nimero kugira ngo ashobore kubona ubutabazi bwa hafi.'

    Nyuma y'aho u Rwego rw'Ubugenzacyaha RIB rwahise rutangira ipererza kugira ngo hamenyekane nyirizina intandaro y'iyo nkongi.

    Src : Umuseke

    Source : https://impanuro.rw/2021/07/17/gitega-umubyeyi-n-umwana-we-bahiriye-mu-nzu-ubwo-yafatwaga-n-inkongi-y-umuriro/

  • Mu minsi 16 gusa, mu Rwanda Covid-19 yishe abasaga inshuro 2 abo yishe muri 2020 yose #rwanda #RwOT

    Imibare itangazwa n’ikigo cy’igihugu cy’ubuzima RBC, igaragaza ubwiyongere bukabije bw’ubwandu bushya bw’icyorezo cya Covid-19, bikanajyana n’ukwihinduranya kw’iyi virus, aho bigaragara ko iyo mu bwoko bwa Delta yandura byihuse kandi ikica abantu vuba, ikomeje gushyira ubuzima bw’abaturarwanda benshi mu kaga.

    Igiteranyo cy’imibare yatangajwe na RBC na Minisiteri y’Ubuzima mu mwaka wa 2020, kigaragaza ko Covid-19 yahitanye abantu 92 kuva mu ntangiriro z’uwo mwaka kugeza urangiye, nyamara mu minsi 16 ibanza y’ukwezi kwa Nyakanga, hamaze kubarurwa abishwe n’iki cyorezo bagera ku 188, bisobanura ko muri iyi minsi gusa hapfuye abarenga inshuro 2 abapfuye mu mwaka wa 2020 wose bishwe n’iki cyorezo.

    Kuzamuka kw’imibare y’abishwe n’iki cyorezo, binajyana n’ubwiyongere bukabije bw’ubwandu bushya. Mu gusobanura ibi, Dr Daniel Ngamije, Minisitiri w’Ubuzima, mu kiganiro n’abanyamakuru yagize ati : “Si umubare w’abandura COVID19 wazamutse gusa ahubwo n’abo ihitana umubare waratumbagiye. Ibi bifitanye isano n’ukwihinduranya kwa virusi. Bumwe mu bwoko bwa virusi duhanganye nabwo ni ubwitwa Delta kandi buzwiho kwandura vuba no kuzahaza ababwanduye”.

    KANDA HANO UREBE IMIBARE YOSE UKO IHAGAZE

    Si umubare w’abandura #COVID19 wazamutse gusa muri uku kwezi n’igice, ahubwo n’abo ihitana waratumbagiye. Ibi bifitanye isano n’ukwihinduranya kwa virusi. Bumwe mu bwoko bwa virusi duhanganye nabwo ni ubwitwa Delta kandi buzwiho kwandura vuba no kuzahaza ababwanduye. #Sindohoka pic.twitter.com/R8StOk4RZ1

    — Ministry of Health | Rwanda (@RwandaHealth) July 15, 2021

    Dr Sabin Nsanzimana uyobora ikigo cy’igihugu cy’Ubuzima, RBC, we asobanura ko iyi virus igenda yihinduranya, n’ubwo igenda irushaho kugaragaza ubukana iguma ari imwe. Aha ati : “Iyi virusi igenda yihinduranya ariko iguma ari imwe nubwo ishobora kongera ubukana. Iyo dufite ubu, mu bigaragara, ifite ubukana, yandura vuba kandi ihitana abantu mu buryo bwihuse”

    Iyi virusi igenda yihinduranya ariko iguma ari imwe nubwo ishobora kongera ubukana. Iyo dufite ubu, mu bigaragara, ifite ubukana, yandura vuba kandi ihitana abantu mu buryo bwihuse. #NtaKudohoka@JujuLaBelle @nsanzimanasabin pic.twitter.com/az3GYOGbxz

    — Rwanda Biomedical Centre (@RBCRwanda) July 13, 2021

    Ubwiyongere bukabije bw’iki cyorezo bwatumye Inama y’Abaminisitiri iheruka guterana kuwa Gatatu tariki 14 Nyakanga 2021, ifata ibyemezo birimo ibirebana n’amabwiriza mashya yo kwirinda ikwirakwira ry’icyorezo cya COVID-19, harimo gushyira Umujyi wa Kigali n’Uturere umunani muri gahunda ya guma mu rugo.

    JPEG - 73.2 ko

    Aha ni muri gare ya Nyabugogo aho abaturage bahise bajya gutegera imodoka ngo bajye iwabo kubera gahunda ya Guma mu rugo iri i Kigali

    REBA VIDEO UKO ABANTU BENSHI BITEGUYE GUMA MU RUGO HANO :

    Source : http://www.ukwezi.rw/mu-rwanda/Ubuzima/article/Mu-minsi-16-gusa-mu-Rwanda-Covid-19-yishe-abasaga-inshuro-2-abo-yishe-muri-2020-yose

  • Kigali: Reba uko umunsi ubanziriza Guma mu Rugo wari umeze (Video) #Rwanda #RwOT via @kigalitoday #rwanda #RwOT

  • Kigali: umwarimu n'umwana we bahiriye mu nzu. – YEGOB #rwanda #RwOT

    Umwarimu witwa Kalisa Claudien n'umwana we bari batuye mu Murenge wa Gitega mu Karere ka Nyarugenge,mu mujyi wa Kigali bapfuye bazize inkongi yafashe inzu bari batuyemo.

    Ahagana saa Tatu z'amanywa yo kuri uyu wa Gatanu, tariki ya 16 Nyakanga 2021, ni bwo inkongi y'umuriro yibasiye urugo rw'uyu mugabo ruherereye mu Kagari ka Kinyange.

    Kalisa wari kumwe n'umwana we nyuma yo kubura uko basohoka mu nzu, umuriro wabatwikiyemo barapfa.Iyi nkongi ikimara kwibasira inzu ya nyakwigendera Kalisa wakoraga akazi k'ubwarimu, abaturage bagerageje kuyizimya ndetse na polisi ihita iza irabafasha ariko babisoza uyu mugabo n'umwana we bamaze gupfa.Umunyamabanga Nshingwabikorwa w'Umurenge wa Gitega, Uzamukunda Anathalie, yatangaje ko batari bamenya icyateye iyi nkongi.

    Yagize ati ' Nibyo inzu yahiye, umugabo n'umwana we bahiramo gusa ntabwo nahamya ko ari umwarimu nk'uko bivugwa kuko umugore we yari atameze neza ngo atange amakuru.'

    Yakomeje avuga ko Polisi yahise itabara uru rugo rwibasiwe n'inkongi iraruzimya nubwo imodoka zayo zagowe no kurugeramo bitewe n'imiterere y'uyu murenge, aho inzu nyinshi zegeranye kandi inzira zizerekezayo zikaba ari nto cyane.

    Inzu yahiye irakongoka

    Imana ibahe iruhuko ridashira.

     

     

     

    Src:igihe

    Source : https://yegob.rw/kigali-umwarimu-numwana-we-bahiriye-mu-nzu/

  • Bimenyimana Bonfils Caleb yasezeye ku ikipe ye #rwanda #RwOT

    Rutahizamu w’umurundi wahoze akinira Rayon Sports, Bimenyimana Bonfils Caleb wakiniraga ikipe ya FK RFS(RĪGAS FUTBOLA SKOLA) yo muri Latvia, yasezeye kuri iyi kipe nyuma y’imyaka 2 ayigezemo.

    Muri 2019 nibwo uyu mukinnyi yatandukanye na Rayon Sports asinyira FK RFS yo mu cyiciro cya mbere muri Latvia.

    Uyu mukinnyi wari wayigezemo muri Mata 2019, muri Kanama 2019 yaje gutizwa muri Atlantas, mu mpera za 2019 yasubiye mu ikipe ye aho yaje kongera kumutiza FK Pohronie yo muri Slovakia hari muri Kanama 2020, yaje kugaruka muri FK RFS mu Kuboza 2020 akaba ari ho yakinaga.

    Abinyujije ku rukuta rwe rwa Instagram, yashimiye iyi kipe ibihe byiza bagiranye abifuriza n’amahirwe masa.

    Ati”nshuti FK RFS, uyu munsi mbasezeyeho. Igihe kirageze ngo nkomereze ahandi. Ngiye kuzakumbura abakinnyi bagenzi banjye. Aya ni amahirwe yanjye yo kubashimira ku bwo kumfasha, inama mwampaye mu mezi 27. Twagiranye ibihe byiza nzahora mbashimira. Ariko buri cyose kigira iherezo, ndabifuriza umwanya mwiza muri UEFA Europa Leaue na shampiyona ya Latvia.”

    Bimenyimana Bonfils utatangaje aho yerekeje, yinjiye muri Rayon Sports 2017 avuye muri Vital’o FC y’i Burundi.

    Caleb yasezeye kuri FK RFS

    Source : http://isimbi.rw/siporo/article/bimenyimana-bonfils-caleb-yasezeye-ku-ikipe-ye

  • Umwicanyi Callixte Mbarushimana yagaragaye mu myigaragambo I Paris asaba ko Rusesabagina arekurwa #rwanda #RwOT

    Callixte Mbarushimana wagaragaye mu mihanda ya Paris ku wa gatandatu ushize yigaragambya, arazwi bihagije dore ko amateka ye y'ubwicanyi atari ayo muri 1994 gusa kuko yabaye n'Umunyamabanga Mukuru wa FDLR, umutwe ugizwe na bamwe mu bicanyi basize bakoze Jenoside mu Rwanda.

    Callixte Mbarushimana wavutse tariki ya 14 Nyakanga 1963, avukira mu cyahoze ari Komini Ndusu muri Ruhengeli ubu ni muntara y'amajyaruguru akaba yarize ibijyanye n'ikoranabuhanga. Yagaragaye mu myigaragambyo hamwe n'abandi bantu babarirwa ku kiganza kimwe cy'intoki ngo barasaba ko Rusesabagina, Idamange na Karasira bafungurwa.

    Callixte Mbarushimana ni umwicanyi ufite umwihariko kuko mu gihe cya Jenoside yifashishije ibikoresho by'ishami ry'Umuryango w'Abibumbye (UNDP) yakoragamo maze abigabiza abicanyi ngo umugambi wa Jenoside ugerweho. Mbarushimana yageze muri iki kigo muri 1992 ariko ubwo Jenoside yatangiraga bamwe mu bayobozi bagasubira iwabo, Callixte Mbarushimana yigize umuyobozi wiri shami mu Rwanda maze ibikoresho byaryo abigabiza interahamwe harimo imodoka, telefoni za satellite kugirango ubwicanyi bwihute. Yahereye no kubakozi biri shami rya LONI aho yicisihije Florence Ngirumpatse nabandi bari kumwe nawe mu rugo.

    Usibye ibyaha bya Jenoside yakorewe Abatutsi biri ku mutwe wa Callixte Mbarushimana, Urukiko Mpuzamahanga Mpanabyaha (ICC) narwo rwaramukurikiranye rumukoraho iperereza ku byaha yakoreye muri Repubulika iharanira Demokarasi ya Kongo. Umugenzacyaha wa ICTR Tony Greg yavuganye n'abatangabuhamya barenga 20 bemeza ko Callixte Mbarushimana yagize uruhare muri Jenoside.

    Mbarushimana atuye mu Bufaransa guhera muri 2003 ariko muri 2005, u Rwanda rwohereje impapuro zimufata. Yaje gufatirwa mu Budage muri 2008 aho yaje kurekurwa mu buryo butumvikanye gusa Leta zunze Ubumwe z'Amerika bwamaganye icyo gikorwa.

    Mbarushimana yaje gufatwa mu mwaka wa 2010 ashinjwa na ICC ibyaha bitanu bijyanye n'ibyaha byibasiye inyoko muntu n'ibyaha umunani bijyanye n'ibyaha by'intambara.

    Nta gitangaza kirimo kubona umwicanyi nka Callixte Mbarushimana yifatanya n'abandi bahakana Jenoside bihisha inyuma y'ibikorwa bya Politiki mu rwego rwo guhisha isura yabo nyayo y'ubwicanyi.

    The post Umwicanyi Callixte Mbarushimana yagaragaye mu myigaragambo I Paris asaba ko Rusesabagina arekurwa appeared first on RUSHYASHYA.

    Source : https://rushyashya.net/umwicanyi-callixte-mbarushimana-yagaragaye-mu-myigaragambo-i-paris-asaba-ko-rusesabagina-arekurwa/?utm_source=rss&utm_medium=rss&utm_campaign=umwicanyi-callixte-mbarushimana-yagaragaye-mu-myigaragambo-i-paris-asaba-ko-rusesabagina-arekurwa

  • Meya Richard Mutabazi yababajwe na mushiki we wishwe na COVID-19 #Rwanda #RwOT via @kigalitoday #rwanda #RwOT

    Uwimbabazi Nadège
    Uwimbabazi Nadège

    Kimwe mu byababaje Mutabazi ni uburyo Uwimbabazi yabayeho mu bihe bigoranye kuva igihe nyina witwa Alivera Mukabaranga yendaga kumubyara muri Kamena 1989. Ubwo yendaga kumubyara, yerekeje kwa muganga ariko mu nzira ahagarikwa n’Abajandarume, inda imufatira aho kuri bariyeri abyarira hafi aho abifashijwemo n’ababyeyi bagenzi be.

    Uwo mwana wavutse muri ubwo buryo bugoranye, ndetse akaza no kurokoka Jenoside yakorewe Abatutsi nabwo bigoranye, yitabye Imana ku wa Kane tariki 15 Nyakanga 2021 nk’uko Meya Mutabazi yabivuze muri ubwo butumwa.

    THREAD…
    Ma sœur #Uwimbabazi Nadège⚘.

    Il est Juin 1989, tante Alivera Mukabaranga est au terme de sa grossesse. En essayant de se rendre dans un hôpital pour y recevoir les soins d’un accouchement assisté, un groupe de gendarmes l’en empêche et …(1/12)⚘ pic.twitter.com/wByBei6SLW

    — Richard Mutabazi (@MutabaziRich) July 16, 2021


  • Haruna Niyonzima yavuze kubyo kuza gukina muri Rayon Sports #rwanda #RwOT

    Nyuma yo gutandukana na Yanga, Haruna Niyonzima yavuze ko atahita avuga aho azerekeza ariko nyuma y’umwaka w’imikino urangiye muri Tanzania abantu bazahita bamenya aho azerekeza.

    Ku wa Kane tariki ya 15 Nyakanga 2021, nibwo Yanga yasezeye kuri Haruna Niyonzima aho batazakomezanya mu mwaka w’imikino utaha.

    Uyu kapiteni w’ikipe y’igihugu Amavubi, amakuru yahise avuga ko ashobora kuza mu ikipe ya Rayon Sports akaba ariho yakomereza gukina.

    Haruna akaba yatangaje ko atahita avuga aho azerekeza mu gihe umwaka w’imikino muri Tanzania utararangira, ariko nyuma y’uko usozwa bakaba bazahemenya kuko imbaraga zo gukina zo aracyazifite.

    Ati “ntabwo nahita mbitangaza kuko ndacyafite amasezerano muri Yanga kuko turacyafite imikino igera muri 2, umwe ya shampiyona n’umwe ya FA Cup, navuga ko Imana nidufasha tukarangiza amahoro, abakunzi ba Niyonzima, abakunzi b’umupira w’amaguru bagomba kumenya aho nzerekeza kuko ndacyari umukinnyi w’umupira, ndacyafite imbaraga, mfite gahunda zanjye byanze bikunze abakunzi banjye bazabimenya.”

    Ku munsi w’ejo nibwo shampiyona ya Tanzania izasozwa Yanga ya Haruna ikina na Dodoma Jiji, ni mu gihe ifite n’umukino wa nyuma wa FA Cup izahuramo na Simba SC.

    Haruna Niyonzima yavuze ko azatangaza aho azerekeza nyuma y’uyu mwaka w’imikino

    Source : http://isimbi.rw/siporo/article/haruna-niyonzima-yavuze-kubyo-kuza-gukina-muri-rayon-sports

  • Imyiteguro ku munsi ubanziriza Guma mu Rugo yari ishyushye (Amafoto + Video) #Rwanda #RwOT via @kigalitoday #rwanda #RwOT

    Muri Gare ya Nyabugogo mu Mujyi wa Kigali ni hamwe mu habonetse abagenzi benshi bashakaga kwerekeza mu Ntara kugira ngo Guma mu Rugo izabasangane n’imiryango yabo. Muri iyi gare kubona imodoka ntibyari byoroshye ndetse kugeza ku masaha y’umugoroba hakaba hari hakiri abagenzi batangiye gutakaza icyizere cyo kugera aho bashakaga kujya.

    Mu Mujyi wa Kigali hagaragaye ingendo z
    Mu Mujyi wa Kigali hagaragaye ingendo z’aberekezaga mu bice bitandukanye by’aho bashaka ko Guma mu Rugo ibasanga

    Zimwe mu mpamvu zatumye bashaka kuva muri Kigali ngo ni uko akazi bakoraga kahagaze kandi abenshi muri bo bakaba baryaga ari uko bakoze bityo bagasanga gusigara muri Kigali mu gihe cya Guma mu Rugo ubuzima bwarushaho kubakomerera kurusha uko baba bari kumwe n’imiryango yabo.

    Guhera ku wa Kane tariki 15 Nyakanga inzego zitandukanye za Leta zagiye zifasha abashaka kujya mu Ntara babasha kugera aho bagiye bityo bituma hari n’abagenda babimenya nyuma, ari byo byatumye kugeza ku munsi wa nyuma w’ingendo rusange habonetse abagenzi benshi bashakaga uko bagera iwabo.

    Muri abo bagenzi harimo n’abavugaga ko bashaka kwerekeza mu turere tutari muri Guma mu Rugo kugira ngo babe bahakomereza akazi, bityo babashe kubona imibereho.

    Umwe muri bo wari werekeje mu Karere ka Nyamasheke, avuga ko kubera ko arya ari uko yakoze asanga kuguma muri Kigali bitamworohera.

    Ati “Erega iminsi 10 ku muntu iba ari myinshi cyane cyane ko hariya mu gace k’iwacu ntabwo ho hafunze, wenda umuntu yakora n’indi mirimo isanzwe. Ubwo rero kwicara waramenyereye gukora biba ari ikibazo tukaba tugira ngo tugende turebe indi mirimo yo mu rugo kuko iyo ugezeyo ugakomeza indi mirimo birakorohera”.

    Nubwo muri Gare ya Nyabugogo hagaragaraga abantu benshi mu masaha y’igicamunsi kuri uyu wa Gatanu, ubuyobozi bw’inzego zitandukanye za Leta burimo Polisi, Urwego Ngenzuramikorere (RURA) ndetse n’Umujyi wa Kigali, bwabizezaga ko bari butahe kuko abarimo bari bamaze kwandikwa amazina n’aho bagiye kugira ngo bakomeze bashakirwe imodoka zibageza iyo berekeje.

    Ubwo umunyamakuru wa Kigali Today yageraga muri Gare ya Nyabugogo mu masaha ya saa munani z’amanywa, yahasanze abagenzi babarirwa hagati ya 500 na 700 bavugaga ko berekeje mu Ntara zitandukanye.

    Abahaha bibandaga cyane cyane ku biribwa
    Abahaha bibandaga cyane cyane ku biribwa

    Kuri uyu munsi ibinyabiziga na byo byagaragaye ku bwinshi bikora ingendo hirya no hino mu mihanda ya Kigali
    Kuri uyu munsi ibinyabiziga na byo byagaragaye ku bwinshi bikora ingendo hirya no hino mu mihanda ya Kigali

    Hari abagenzi muri Kigali basanze kubona imodoka aho zitegerwa bitaza kuborohera bahitamo kwigendera n
    Hari abagenzi muri Kigali basanze kubona imodoka aho zitegerwa bitaza kuborohera bahitamo kwigendera n’amaguru

    Reba uko umunsi ubanziriza Guma mu Rugo wari umeze muri iyi Video

    Amafoto: Abdul Tarib, Simon Kamuzinzi na Eric Ruzindana