Webrwanda Backend

Author: webrwanda

  • Ruhango: Abasaga 230 bafashwe basengera mu ishyamba rya Kanyarira #Rwanda #RwOT via @kigalitoday #rwanda #RwOT

    Bafatiwe mu ishyamba rya Kanyarira mu karere ka Ruhango basenga barenze ku mabwiriza yo kwirinda Covid-19
    Bafatiwe mu ishyamba rya Kanyarira mu karere ka Ruhango basenga barenze ku mabwiriza yo kwirinda Covid-19

    Aba bantu biganjemo abagore n’abagabo n’urubyiruko bafashwe barenze ku mabwiriza yo kwirinda COVID-19 baza gusenga, mu gihe uturere twose turi muri gahunda ya guma mu karere, utundi turi muri guma mu rugo.

    Umuyobozi wa Polisi mu karere ka Ruhango yabwiye abafashwe ko butabujijwe gusenga ariko abantu basabwa gusengera mu ngo kugira ngo badahura bakanduzanya Covid-19.

    Yababwiye ko gusengera i Kanyarira bitemewe mu gihe amabwiriza yo kwirinda Covid-19 abasaba gutegereza icyorezo kikagabanuka.

    Abafashwe bemera ko bakoze icyaha cyo kurenga ku mabwiriza ya Leta kandi baje gusenga Imana, bakavuga ko basaba imbabazi ariko ubuyobozi bwo bukavuga ko bacibwa amande bakabareka bagasubira mu ngo.

    Umuyobozi w’akarere ka Ruhango Habarurema Valens avuga ko abafashwe bahanwa hakurikijwe amakosa bakoze bitewe n’uko basuzuguye ibyemezo by’Inama y’Abaminisitiri.

    Umuvugizi wa Polisi y’Igihugu mu Ntara y’Amajyepho SP Theobald Kanamugire avuga ko abafashwe barenze ku mabwiriza yo kwambuka uturere nta ruhushya bafite, kandi bakaba banarenze nkana ku mabwiriza yo kwirinda Covid-19.

    Avuga ko inzego z’umutekano zikomeza gukaza ingamba zigafata abarenze ku mabwiriza kandi abantu basabwa kwibuka ko kwirinda ari byo byiza kurusha gucengera mu nzira zitemewe.

    Agira ati, “Inzego z’umutekano turakaza ingamba kandi buri wese ushashaka kurenga ku mabwiriza ava mu karere ajya mu kandi ntibyemewe twafatiyemo n’abavuye muri Kamonyi kandi bari muri gahunda ya guma mu rugo urumva ko bashobora gukwirakwiza ubwandu”.

    Umuyobozi wa Polisi mu Karere ka Ruhango yabagejejeho ubutumwa bwo kwirinda kuza gusengera kuri uyu musozi
    Umuyobozi wa Polisi mu Karere ka Ruhango yabagejejeho ubutumwa bwo kwirinda kuza gusengera kuri uyu musozi

    Umuyobozi w’Akarere ka Ruhango Habarurema Valens avuga ko abafashwe bari harimo abari basanzwe baza gusengera Kanyarira kandi bitemewe kuko hatarashyirwa ibya ngombwa bifasha abaza gusenga.

    Avuga ko abafashwe bacibwa amande y’ibihumbi 10frw ahanishwa abanyuranyije n’amabwiriza ya Leta, abatayabona bakaba barara mu kigo cy’imyuga cya MPANDA TVET School bigishwa.

    Akarere ka Ruhango kamaze gupfusha abantu 17 bahitanywe na Covid-19, abarwayi na bo bakomeje kwiyongera kuko bashobora kubona abarenze batanu ku munsi.


  • Yagiye kwipimisha ku Kagari bamusangamo COVID-19. Dore ubutumwa atanga (Video) #Rwanda #RwOT via @kigalitoday #rwanda #RwOT

    Umuturage witwa Daniel Barakengera wo mu Gatenga muri Kigali ni umwe mu bapimwe kuri uyu wa Gatandatu tariki 17 Nyakanga 2021 bamusangamo COVID-19.

    Muri iki kiganiro arasobanura uko yabyakiriye n’icyo agiye gukora

  • Ruhango-Kanyarira: Abantu 239 bafatiwe mu ishyamba basenga mu buryo butemewe #rwanda #RwOT

    Abantu 239 baturuka mu madini n'amatorero atandukanye mu Turere twa Kamonyi, Muhanga na Ruhango bafatiwe mu ishyamba ahanzwi nka Kanyarira ho mu Murenge wa Byimana basenga mu buryo butemewe kuko barenze ku mabwiriza ya Guma mu Karere na Guma mu rugo yashyizweho nk'ingamba zo gukumira no kwirinda ikwirakwira ry'icyorezo cya Covid-19.

    Umuvugizi wa Polisi y'u Rwanda mu Ntara y'Amajyepfo, SP Theobard Kanamugire yabwiye intyoza.com ko abafashwe atari abayoboke b'idini rimwe, ko barimo abo muri Kiliziya Gatolika, Abadiventiste n'abo muri ADEPR n'abandi.

    Muri aba baturage bafashwe, Akarere ka Ruhango niko gafitemo abantu benshi kuko gafite 169 mu gihe Muhanga ikurikira n'abasaga 60 naho Kamonyi ikagira babiri nkuko umuvugizi wa Polisi mu Ntara y'Amajyepfo abivuga.

    SP Kanamugire, avuga ko kugeza ubu nta kintu kindi kihishe inyuma y'iki gikorwa cyo gusenga baratahura ngo kuko aha hantu ari ahasanzwe kuva cyera abasenga bahaza. Gusa avuga ko muri ibi bihe bidakwiye ko abantu bahaza kuko binyuranije n'amabwiriza yo kwirinda icyorezo cya Covid-19.

    Umuvugizi wa Polisi, SP Kanamugire akomeza avuga ko uko aba bantu bahura usanga ari amatsinda mato mato y'abantu batumanaho ngo bajye gusenga, bakisanga bose bahahuriye, ariko ngo ntabwo barabona niba hari umugambi baba bahurije rimwe bose. Abagaragaye ku mubare mu nini ni igitsina Gore.

    Mu nama, nk'umuvugizi wa Polisi asaba buri muntu wese kwitwararika, akubahiriza amabwiriza n'ingamba zo kwirinda iki cyorezo nkuko zatanzwe. Ashimangira ko' niba ari guma mu Karere ni Guma mu Karere, niba ari Guma mu rugo ni Guma mu rugo'. Avuga kandi ko abafashwe bigishijwe, bacibwa amafaranga y'amande ateganywa n'inama njyanama y'Akarere ka Ruhango bafatiwemo, ariko kandi ngo buri wese yanasabwe kwipimisha Covid-19 yiyishyuriye.

    Munyaneza Theogene / intyoza.com

    Source : https://www.intyoza.com/ruhango-kanyarira-abantu-239-bafatiwe-mu-ishyamba-basenga-mu-buryo-butemewe/

  • Amazi ntakiri yayandi! Bwa mbere mu mateka Ar… – #rwanda #RwOT

    Ben White w'imyaka 23 y'amavuko agiye gutangwaho miliyoni 50 z'amapawundi, akaba ariwe myugariro wa mbere iyi kipe izaba itanzeho amafaranga y'umurengera mu mateka yayo.

    Arsenal ntako itari yagize ngo ibone uyu myugariro mu bihe bishize kuri miliyoni 40 z'amapawundi barayanga, irayazamura igeza kuri 42 nayo barayanga, inageza kuri 47 nayo barayanga, ariko kuri iyi nshuro yemeye kurekura miliyoni 50 zifuzwa n'iyi kipe

    Ben White abaye umwe mu ba myugariro bahenze kurusha abandi bose mu bongereza nyuma y'abarimo Harry Maguire na Wan Bissaka.

    Uyu myugariro uzakora ikizamini cy'ubuzima tariki ya 26 Nyakanga 2021, yanamaze kumvikana na Arsenal ku bijyanye n'umushahara azajya ahembwa, akazashyira umukono ku masezerano y'imyaka 5 nyuma y'ikizamini cy'ubuzima.

    Biteganyijwe ko White azasinyira Arsenal avuye mu biruhuko yahawe nyuma ya Euro 2020.

    Ben White ntiyigeze akina umukino n'umwe muri Euro 2020 n’ubwo ari mu bakinnyi bitabajwe n'umutoza Gareth Southgate ngo asimbure Trent Alexander-Arnold wari umaze kuvunika.

    Uyu mukinnyi wari intizanyo muri Leeds United, yifuzwaga bikomeye na Chelsea ariko Arsenal birangiye ariyo imwegukanye.

    White yitezweho kuzahura ubwugarizi bwa Arsenal bwagiye burangwa n'amakosa ya hato na hato yatumaga ikipe yinjizwa ibitego umusubirizo, ndetse bigatuma itakaza imikino imwe n'imwe.

    Ben White azambara umwambaro wa Arsenal mu mwaka utaha w’imikino

    Bamwe mu bafana ba Arsenal bamaze kumwambika umwenda wabo mushya

    Ben White ni umwe mu bakinnyi bitabajwe mu ikipe y’u Bwongereza yakinnye Euro 2020

    Source : https://inyarwanda.com/inkuru/107651/amazi-ntakiri-yayandi-bwa-mbere-mu-mateka-arsenal-yaguze-myugariro-uhenze-107651.html

  • Espoir FC ntikozwa iby’ubusabe bw’umutoza Gatera Moussa #rwanda #RwOT

    Nyuma y’uko umutoza mukuru wa Espoir FC, Gatera Moussa yandikiye iyi kipe ayisaba gusesa amasezerano, ubuyobozi bw’iyi kipe bwamusubije ko impamvu yatanze zitumvikana.

    Gatera Moussa yagizwe umutoza wa Espoir FC y’i Rusizi kuva mu mwaka ushize aho yasinye imyaka 2, mu mwaka we wa mbere yayifashije kurangiza ku mwanya wa 3 ku rutonde rwa shampiyona.

    Uyu mutoza akaba yari yamaze kwandikira ikipe ya Espoir FC abasaba ko basesa amasezerano y’umwaka yari asigaranye akerekeza ahandi.

    Nk’uko umwe mu bantu ba hafi b’iyi kipe yabibwiye ikipe, ngo impamvu yasabye gusesa amasezerano ni uko ubuyobozi bw’iyi kipe butamuha ibyo ashaka kandi bumvikanyeho mu masezerano birimo no kuba hari amezi 2 y’ibirarane by’umushahara bamufitiye batamuhaye, ibintu ikipe yo itera utwatsi ikavuga ko atari byo.

    Gatera Moussa amakuru akaba yarahisemo no kwifashisha umunyamategeko kugira ngo abe yabasha gutandukana n’iyi kipe, Espoir FC yabonaga atari cyo gihe cyo kumutakaza kuko ibihari byose bisa n’aho ari we byubakiyeho, yahisemo nayo gusa n’ihangana na we kuko nta ngingo mu masezerano ye imurengera.

    Amakuru avuga ko ubuyobozi bwa Espoir FC ngo bumaze kwicara bugasesengura, bwasanze impamvu uyu mutoza yatanze zo gutandukana n’ikipe zitumvikana.

    Gatera Moussa yangiwe gusesa amasezerano

    Source : http://isimbi.rw/siporo/article/espoir-fc-ntikozwa-iby-ubusabe-bw-umutoza-gatera-mpussa

  • Uregendo rw’u Rwanda muri Beach Volleyball rwagarukiye muri 1/8 #rwanda #RwOT

    Urugendo rw’u Rwanda mu irushanwa rya 'Beach Volleyball World Tour 2-star’ ririmo kubera i Rubavu, rwagarukiye muri 1/8 nyuma y’uko ikipe ya Nzayisenga Charlotte na Munezero Valentine basezerewe n’ikipe yo muri Ukraine ibatsinze amaseti 2-0.

    Kuri uyu wa Gatandatu nibwo hakinwe imikino ya 1/8 na 1/4 mu bagore ni mu gihe mu bagabo bakinnye 1/4.

    U Rwanda rukaba rwari rusigaranyemo ikipe imwe, Nzayisenga Charlotte na Munezero Valentine, ariko yasezerewe muri 1/8 itsinzwe n’Abanya-Ukraine Inna Makhno na Iryna Makhno amaseti 2-0 (21-7, 21-9).

    Aba bakiyongera ku ikipe ya Ntagengwa Olivier na Akumuntu Kavalo Patrick basezerewe ku munsi w’ejo nabo muri 1/8.

    Ni mu gihe kandi mu bagore ikipe ya Mukandayisenga Benitha na Musabageni Claudine no mu bagabo ikipe ya Habanzintwari Fils na Mutabazi Yves batigeze barenga ijonjora.

    Ku munsi w’ejo nibwo hazakinwa imikino ya 1/2 n’imikino ya nyuma mu bagabo no mu bagore.

    Ukraine yasezereye ikipe y’u Rwanda yari isigayemo

    Source : http://isimbi.rw/siporo/article/uregendo-rw-u-rwanda-muri-beach-volleyball-rwagarukiye-muri-1-8

  • Dore ibyo ukwiriye kumenya ku ndwara yumutim… – #rwanda #RwOT

    NINDE URWARA INDWARA Y'UMUTIMA ?

    Indwara y'umutima itera impfu nyinshi cyane muri Leta Zunze Ubumwe za Amerika nk'uko byagaragajwe n'ubushakashatsi bwakozwe n'ikigo Center For Diseases Control And Prevention (CDC). Muri Amerika umuntu umwe muri 4 bapfa aba yishwe n'umutima. Abantu 610,000 bapfa buri mwaka bishwe n'indwara y'umutima. Indwara y'umutima ntihitamo abo yica; abazungu, abirabura bose ibageraho.

    NI UBUHE BWOKO BW'INDWARA Y'UMUTIMA ?

    1.      Arrhythmia

    2.      Atherosclerosis

    3.      Cardiomyopathy

    4.      Congenital Heart Defects

    5.      Coronary arty diseases (CAD).

    6.      Heart infection

    NI IBIHE BIMENYETSO BIGARAGARA KU MUNTU URWAYE INDWARA Y'UMUTIMA ?

    Nk'uko indwara y'umutima ifite amoko atandukanye, ni nako n'ibimenyetso byayo na byo bitandukanye bishingiye ku bwoko bw'iyo ufite. Bimwe muri ibyo bimenyetso twavugamo ibi bikurikira:

    1.      Umutima utera cyane cyangwa gahoro gahoro

    2.      Kuribwa umutwe w'imbere

    3.      Gucika intege

    4.      Kuribwa mu gatuza

    5.      Kumva ufite ubukonje bwinshi by'umwihariko mu mbavu

    6.      Uburibwe budasanzwe, bugutunguye

    7.      Gucika intege mu maguru no mu maboko

    8.      Uruhu ruhinduka ubururu

    9.      Guhumeka bikugoye

    10.  Umunaniro ukabije, (imbaraga nke)

    11.  Kugira umuriro

    12.  Kwangirika k'uruhu rw'urwaye

    13.  Kuruka bya hato na hato

    14.  Kuribwa mu mugongo

    IBIMENYETSO BY'INDWARA Y'UMUTIMA KU BAGORE

    Igitsina gore kigira ibimenyetso bitandukanye n'iby'abagabo iyo bigeze ku ndwara y'umutima. Ubushakashatsi bwakozwe muri 2003, bwerekanye ko umugore warwaye indwara y'umutima ahura n'ibibazo byo kuba yabura urubyaro rimwe na rimwe, kubangamirwa mu gihe aryamye, umunaniro atabonera igisobanuro,…

    Numara kumenya ko urwaye indwara y'umutima, inama nyamukuru isumba izindi ni ukujya kwa muganga. Irinde kwinaniza, ishyire mu mutuzo ubeho mu buzima bwiza, urye neza ndetse ukore imyitozo ngororangingo niba udashaka kwandura iyi ndwara.

    Source : https://inyarwanda.com/inkuru/107635/dore-ibyo-ukwiriye-kumenya-kundwara-yumutima-ihitana-benshi-ku-isi-buri-mwaka-107635.html

  • Uko byifashe mu mujyi wa Musanze ku munsi wa mbere wa Guma mu Rugo #Rwanda #RwOT via @kigalitoday #rwanda #RwOT

    Muri uwo mujyi ndetse no mu ma karitsiye awukikije hagaragaraga umuturage umwe umwe mu muhanda na we wabaga afite impamvu zifatika zirimo nko kujya kwivuza, abagemurira abarwayi, abajya guhaha ariko bagaragaje impamvu zifatika bagiyeyo n’abandi bafite impamvu zihariye.

    Nk’uko bisanzwe urubyiruko rw’abakorerabushake ku bufatanye n’inzego zishinzwe umutekano, bakomeje gukora akazi gakomeye, bayobora abaturage batabahutaza, ahubwo babaganiriza banabereka ububi bw’icyorezo cya COVID-19.

    Inzu hafi ya zose mu mujyi wa Musanze zirafunze, uretse Farumasi, amaduka make acuruza ibiribwa, Banki na Station za Essence.

    Icyagaragaye ni uko abacuruza ibiribwa babuze abaguzi aho bafite impungenge z’uko byangirika dore ko kubera gahunda yo guhana intera hagakora 30%, uwakoze nko ku itariki 17 azagaruka ku itariki 21, bakagira impungenge ko bazajya basanga ibiribwa byabo birimo inyanya n’ibindi bibora bizaba byaramaze kwangirika.

  • Nyanza : Umunyeshuri yafashwe n’ibise by’inda ari mu kizamini cya Leta cya Primaire #rwanda #RwOT

    Uyu munyeshuri w’umukobwa w’imyaka 16 wasoje amashuri abanza, yafashwe n’ibise by’inda yicaye ari gukora ikizamini cya nyuma ku wa Kabiri ubwo bagombaga gusoza biriya bizamini.

    Umuyobozi w’Akarere ka Nyanza, Ntazinda Erasme yatangaje ko uriya munyeshuri yatewe inda yiga ariko aza gukomeza amasomo kugeza igiha batangiriye ibizamini bya Leta.

    Yagize ati 'Ibizamini bibanza yarabikoze, arangije icy’umunsi wa kabiri yafashwe n’inda bahita bamujyana kwa muganga bukeye arabyara.'

    Ibizamini bya Leta bisoza amashuri abanza byatangiye tariki 12 Nyakanga 2021, hari bamwe mu banyeshuri batabashije kubyitabira ku buryo mu Ntara zose z’igihugu habarurwa abagera ku 4 000 batabyitabiriye kandi bari bariyandikishije.

    Minisitiri w’Uburezi, Dr Uwamariya Valentine, yabwiye Radio Rwanda ko abana batitabiriye ibizamini abenshi babujijwe n’impamvu zitandukanye zirimo kuba baratwaye inda.

    Yagize ati 'Icyo twagiye tubona ni uko usanga abo mu mijyi usanga ari bo batitabira. Twabonye impamvu zitandukanye aho usanga abana ntacyo bibabwiye n’ababyeyi ntibabishyiremo imbaraga.'

    Yongeyeho ko indi mpamvu yatumye abana batitabira ibizamini ari uko hari abatewe inda ntibabashe gukomeza amashuri.

    Ati 'Harimo na ba bandi batwaye inda zitateganyijwe ndetse hari n’aho twagize ibyago umwana abyara akiri mu kizamini, yaraje gukora ku munsi wa mbere atwite ku munsi wa kabiri niba harajemo n’umunaniro ahita abyara.'

    Minisitiri Dr Uwamariya yavuze ko abana batabashije kwitabira ibizamini bazategereza undi mwaka akaba ari bwo bazabyitabira.

    Source : http://www.ukwezi.rw/mu-rwanda/Amakuru-anyuranye/article/Nyanza-Umunyeshuri-yafashwe-n-ibise-by-inda-ari-mu-kizamini-cya-Leta-cya-Primaire

  • Ku munsi wa mbere wa 'GumaMuRugo’ abantu 239 bafashwe bari gusengera i Kanyarira #rwanda #RwOT

    Aba bantu 239 barimo n’abavue mu Karere ka Kamonyi kari mu Turere turi muri Gahunda ya Guma mu Rugo kimwe n’ab’i Muhanga na bo bari muri Guma mu Karere.

    Aka gasozi ka Kanyarira bafatiweho, gaherereye mu Kagari Mpanda mu Murenge wa Byimana mu Karere ka Ruhango.

    Uretse kuba bariya baturage bari bahuriye ahantu hamwe kandi bitemewe, bari barimo n’abasanzwe batambaye udupfukamunwa.

    Banarenze kandi kuri ariya mabwiriza ya Guma mu Rugo na Guma mu Karere ubu ariho yashyizweho mu rwego rwo guhangana n’icyorezo cya COVID-19 gikomeje
    gukaza umurego mu Rwanda.

    Mu kiganiro yaraye atangiye mu makuru kuri Television Rwanda, Umuvugizi wa Polisi y’u Rwanda, CP John Bosco Kabera yibukije abantu ko bagomba kubahiriza amabwiriza yose yashyizweho mu rwego rwo kwirinda ikwirakwira ry’icyorezo cya COVID-19.

    Yagize ati 'Guma mu Rugo ni guma mu rugo, guma mu Karere ni guma mu Karere, abantu bagomba kubyuhiriza ntamikino.'


    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Ku-munsi-wa-mbere-wa-GumaMuRugo-abantu-239-bafashwe-bari-gusengera-i-Kanyarira