Webrwanda Backend

Author: webrwanda

  • Menya amasaha Abanyarwanda batatu baza gukinira mu mikino Olempike #Rwanda #RwOT via @kigalitoday #rwanda #RwOT

    Nyuma y’uko Mugisha Moise wabimburiye abanyarwanda gukina ubwo yahatanaga mu gusiganwa ku magare ariko ntabashe gusoza isiganwa, kuri uyu wa Gatanu haraza kuba hatahiwe abandi bakinnyi batatu bakina umukino wo koga no gusiganwa ku maguru.

    MANIRAGUHA Eloi ukina umukino wo koga (50m freestyle) azakina 12:08pm

    Maniraguha Eloi wanitabiriye imikino Olempike yabereye i Rio muri Brazil mu mwaka wa 2016, azasiganwa ku i Saa Sita n’iminota umunani z’amanywa aho azasiganwa mu koga metero 50 bizwi nka Free Style.

    “Nzatanga ibyo nzaba mfite byose kugira ngo mbashe kuba nakwitwara neza kuko biri mu byanzanye hano”

    Agahozo Alphonsine OLY (Swimming) azakina 12:26pm zo mu Rwanda.

    Agahozo Alphonsine ugiye gukina iyi mikino Olempike, yabashije kuyikina bwa mbere mu mwaka wa 2021 ubwo yari afite imyaka 16, akaba azasiganwa mu koga metero 50 (Free Style) aho ubusanzwe ibihe byiza akoresha ari amasegonda 33.13.

    Abazwa uko yiteguye yagize ati “Ku munsi w’ejo nzaba ndi kumwe n’abantu umunani baturuka mu bihe bitandukanye, bose bafite ibihe byiza kundusha ariko nanjye uko niteguye ndumva niteguye kuzahatana nabo”

    Marthe YANKURIJE (Umukino wo gusiganwa ku maguru)

    Yankurije umenyerewe mu mikino yo gusiganwa ku maguru aho azaba asiganwa metero 5000, akaba ubusanzwe ibihe byiza yakoresheje ari iminota 16, amasegonda 33 n’iby’ijana 85, azasiganwa 12h26 ku masaha yo mu Rwanda

    Abazwa uko yiteguye isiganwa yagize ati “Tumeze neza nta kibazo, nejejwe no kuba nzakinana n’ibihangange byo ku isi, nkaba niteguye ko nzahagarara neza ngahatana, imyiteguro nakoze ndumva meze neza nta kibazo”

  • Nyanza: Abasaga 70 bafashwe barenze ku mabwiriza yo kwirinda Covid-19 #Rwanda #RwOT via @kigalitoday #rwanda #RwOT

    Abafashwe barabanza gupimwa Covid-19 mbere yo kurekurwa
    Abafashwe barabanza gupimwa Covid-19 mbere yo kurekurwa

    Abafashwe barimo 34 bari bakoresheje ibirori byo kwizihiza isabukuru ya mugenzi wabo, 25 barengeje amasaha yateganyijwe kuba buri wese ari mu rugo, 12 batari bambaye agapfukamunwa hamwe n’abandi babiri bafashwe bagiye gusura umurwayi kandi ari muri Guma mu Rugo.

    Umuvugizi wa Polisi mu Ntara y’Amajyepfo SP Theobald Kanamugire, yabwiye Kigali Today ko bose bafashwe kubera ko batubahirije amabwiriza yo kwirinda Covid-19, bakaba bari buhanwe.

    Ati “Baracibwa amande yashyizweho na Njyanama y’akarere hakurikijwe buri cyikiro amakosa yakozwemo. Ikindi twanabakanguriye kurushaho kwirinda Covid-19 kuko uko umuntu yica amabwiriza ni ko kongera Covid-19”.

    Urubyiruko rurasabwa kudakomeza gukerensa amabwiriza yo kwirinda covid-19
    Urubyiruko rurasabwa kudakomeza gukerensa amabwiriza yo kwirinda covid-19

    Ubwo twakoraga iyi nkuru bose uko bafashwe bari bakiri kuri Sitasiyo ya polisi aho bari bategereje gupimwa ngo harebwe ko nta waba wanduye icyo cyorezo, ubundi babone gucibwa amande ndetse no gukomeza gushishikarizwa kurushaho kudakomeza gukerensa Covid-19.

    Abafashwe biganjemo urubyiruko, ari na ho SP Kanamugire ahera abashishikariza kwerekana umusanzu wabo mu gukumira no kwirinda Covid-19.

    Ati “N’ugushyiramo imbaraga nyinshi urubyiruko tukagerageza kubibumvisha ko Covid-19 ihangayikishije, kandi ni bo bagafashe iya mbere mu gukangurira abandi kuyirinda. Ntabwo rero byagakwiriye ko ari bo bafatirwa mu makosa”.

    Polisi kandi irashimira uruhare rw’abaturage bakomeje kwerekana batanga amakuru, kuko 34 bafatiwe mu birori byo kwizihiza isabukuru ari amakuru yatanzwe n’abaturage.

    Bafatiwe mu birori barimo kunywa inzoga barenze ku mabwiriza yo kwirinda Covid-19
    Bafatiwe mu birori barimo kunywa inzoga barenze ku mabwiriza yo kwirinda Covid-19

    Uretse abo 73 bafashwe ku wa 28 Nyakanga, no ku wa 27 Nyakanga 2021 hari hafashwe urubyiruko rwiganjemo abasore n’inkumi 9 biga mu ishuri ry’amategeko riherereye mu Karere ka Nyanza (ILPD), bari mu birori bitemewe aho banywaga inzoga ndetse barimo no gusakuriza abaturanyi.


  • Ingona yamize bunguri umwna ihita yicwa #rwanda #RwOT

    Mu gihugu cya Indonesia haravugwa inkuru iteye agahinda aho ingona yamize umusore w'imyaka 14 wari hafi y'ikiyaga hanyuma abagize umuryango we n'abamuzi baza kuyishaka barayifata ndetse barayibaga bayisangamo umubiri w'uyu musore.

    Uyu mwana w'imyaka 14 witwa Ricky Ganya yari yagiye gushaka ibinyamunjonjorerwa ku mugezi w'ahitwa Kuching muri Indonesia, ubwo yarimo ashakisha utwo dusimba nibwo ingona yaje maze ihita imufata iramukurubangana imujyana mu mazi hanyuma iramurya.

    Ubwo iyi ngona yatwaraga uyu mwana Nyirasenge we yarabirebaga ariko nta kintu yari kubikoraho ahubwo yahise ahamagara abantu benshi maze abaka ubufasha bwo gufata iyo ngona bakayica bakayikuramo uwo mwana.

    Bahise bacura umugambi wo kuyitega imitego myinshi bifashishije inkoko byaje gutuma iyi ngona isohoka aho yari yihishe iva mu mazi igera muri metero ashatu maze bahita bayifata barayizirika.

    Amakuru avuga ko iyi ngona ikimara gufatwa yahise ikururwa izanwa ku nkombe z'amazi barangije bahita bayibaga bareba mu nda yayo ndetse baje gusanga muri iyi ngona ibice by'umubiri w'umuntu aho byemejwe ko ari iby'iyo ngimbi.

    Muri Indonesia hakunze kuvugwa inkuru z'ingona zimira abantu ndetse mu myaka ishize iki gikoko cyariye abantu benshi cyane.

    Source : https://impanuro.rw/2021/07/29/ingona-yamize-bunguri-umwna-ihita-yicwa/

  • VIDEO : Yacitse akaguru ariko akora ubufindo ku igare butakorwa n’ubonetse wese #rwanda #RwOT

    Kwizera utuye mu Ntara y’Amajyepfo, avuga ko yakunze gutwara igare kuva cyera ataramugara ariko ko kumugara kwe bitatumye acika intege kuri uyu mukino.

    Umukino w’amagare awukina nk’uwabigize umwuga kuko ngo ajya aserukira u Rwanda mu bamugaye akaba uwa mbere muri Afurika y’Iburasirazuba.

    UKWEZI TV yasuye Kwizera aho atuye aho yerekanye ubuhanga afite muri uyu mukino w’amagare usanzwe ukorwa n’abafite amaguru abiri ariko we akaba arinyonga n’akaguru kamwe kandi akarinyukira ku buryo n’ahazamuka atahatinya.

    Kwizera wamugaye akiri muto mu 1997, avuga ko higeze kuba amarushanwa y’abamugaye mu gihugu akayitabira akegukana umwanya wa mbere ari na bwo yaje kubona ko afite ubuhanga muri uriya mukino nyuma akaza kuwiyegurira.

    Yabanje kujya akoresha amagare asanzwe nyuma ubuyobozi bw’u Rwanda buza kumugurira iry’abakina umukino w’amagare mu buryo bw’umwuga rihagaze miliyoni 5 Frw.

    Ubwo yari mu myitozo, yashimishije benshi yanyuragaho kubera uburyo yanyongaga iri gare n’akaguru kamwe ndetse agakora n’ubufindo busanzwe.

    Kwizera ubu yanamaze kwinjira mu byo gufasha abafite impano mu mukino w’amagare ubu akaba afite abantu 10 atoza.

    IKIGANIRO CYOSE :

    UKWEZI.RW

    Source : http://www.ukwezi.rw/Imikino/article/VIDEO-Yacitse-akaguru-ariko-akora-ubufindo-ku-igare-butakorwa-n-ubonetse-wese

  • London:Uwahoze ari umuyisilamu yatewe icyuma ubwo yabwirizaga Ubutumwa Bwiza,Imana ikinga ukuboko #rwanda #RwOT

    Ku cyumweru umugore wahoze ari umuyisilamu wahindutse umukirisitu yabwiye abantu ibya Yesu Kristo muri parike nini i Londere rwagati ubwo umugabo utaramenyekanye wari wambaye imyenda y’umukara yatangiye kumwangiza mu maso no mu biganza.

    Uyu mugore w’umuvugabutumwa w’imyaka 39, Hatun Tash, ufite uruhare runini muri minisiteri yitwa Defend Christ Critique Islam (DCCI), yavuze ko ashinja abapolisi ibyamubayeho. Avuga ko abapolisi 'bafite ubwoba' ku buryo batagira icyo bakora ku 'Muyisilamu', akeka ko ari bo bari inyuma y’icyo gitero.

    Tash, bivugwa ko yari yambaye umupira w’ubururu igihe yaterwaga icyuma, azwiho kwamamaza kunegura Islam no kujya impaka kuri Koran (Korowani) ahantu bagira impaka mu ruhame muri Parike ya Hyde Park.

    Nk’uko ikinyamakuru The Times kibitangaza ngo Polisi ya Metropolitan yavuze ko abapolisi bageze aho byabereye muri Hyde Park mu burengerazuba bwa Londres saa tatu n’iminota 34 z’umugoroba maze bamukuramo icyuma.

    Tash yashoboye kurokoka kandi bivugwa ko yagaragaye atwawe na ambulance y’i Londres ubwo yari yicaye mu modoka ya polisi mbere yuko ajyanwa mu bitaro bikuru bya Londere kugira ngo akomeze kuvurwa 'Ibikomere byoroheje.'

    Uyu muvugabutumwa ngo yavuze ko yababajwe cyane n’ibyabaye mu mpera z’icyumweru kandi ko akomeje gukira igikomere yatewe ku mutwe.

    Ati: 'Kuba abapolisi badakora neza ni intandaro y’ ibyambayeho ejo. . ., 'Bivugwa ko Tash yatangarije ikinyamakuru U.K. Ati: 'Birababaje kubona tuba muri sosiyete aho abapolisi badashaka gufata Umuyisilamu kubera gutinya kwitwa Islamophobic.'

    N’ubwo Tash yasanze abapolisi bafite amakosa, bivugwa ko abapolisi bitabaza abatangabuhamya kandi bagashakisha ukekwaho icyaha. Polisi yavuze ko batafashe icyo gitero nk’iterabwoba.

    Nyamara, nimugoroba Standard ivuga ko iperereza riyobowe n’ubuyobozi bwa polisi bwa Metropolitan rirwanya iterabwoba. Uyu mutwe ufite icyicaro muri New Scotland Yard kandi uhuza ibikorwa by’igipolisi cy’igihugu ku iperereza ry’iterabwoba. Igenzura kandi ikusanyamakuru ry’ibirego byo gushinja abakekwaho iterabwoba.

    Ubuyobozi bwa Met’s SO15 bwo kurwanya iterabwoba bwamenyesheje The Evening Standard buti: “Abantu benshi biboneye ibyabaye bafata amashusho ya terefone igendanwa.” Ati: “Twasaba abo bantu kuvugana na polisi bakatubwira ibyo bazi.”

    Mu biganiro byinshi, Tash yabwiye abanyamakuru ko akomeje gutungurwa n’ibyamubayeho kandi yizera ko uwabikoze yashakaga kumwica kuko yamamazaga ubutumwa bwiza bwa Kristo.

    Nk’uko Christian Today ibivuga, yagize ati: “Nifuzaga kujya impaka, kuganira no kubwira abantu ibya Yesu Kristo.” Ku bijyanye no kubwiriza kwe muri parike mbere yo guterwa icyuma. “Ntabwo nemera ko ibi byabaye ku manywa y’ihangu kuri Speakers ‘Corner. . Ntabwo nari niteze ko ibintu nk’ibi byabera mu Bwongereza. “

    Tash yavuze ko atari ubwa mbere atotezwa mu magambo ndetse no ku mubiri ku busitani bwa parike mu myaka ibiri ishize.

    Mu kiganiro na Christian Concern, Tash yibukije ikindi gihe ubwo yabwirizaga kuri Corner’s Corner maze arakarira Abayisilamu bamusabira ko yakurwaho. Yavuze ko amaherezo abapolisi bakuwe muri parike ariko agaragaza impungenge z’uko nta kintu cyabaye ku Bayisilamu bamusabiye ko apfa.

    Umupolisi mukuru ushinzwe iperereza, Alex Bingley wo mu gice cy’iburengerazuba gishinzwe kuyobora, ushinzwe iperereza kuri polisi muri Westminster, mu ijambo rye yavuze ko iki gitero ari 'Ikintu kibabaje cyane.'

    Yakomeje agira ati: “Turacyari mu ntangiriro z’iperereza ryacu kandi turimo gukora cyane kugira ngo dushakishe umuntu ubishinzwe.” “Ndasaba abantu kudatekereza ku cyateye icyo gitero kugeza igihe tumenyeye amakuru yuzuye.”

    Source: www.christianpost.com

    [email protected]

    Source : https://agakiza.org/London-Uwahoze-ari-umuyisilamu-yatewe-icyuma-ubwo-yabwirizaga-Ubutumwa-Bwiza.html

  • Haruna Niyonzima uyu munsi ashobora kurara yerekanywe mu ikipe y’i Kigali #rwanda #RwOT

    Nta gihindutse uyu munsi kapiteni w’ikipe y’igihugu y’u Rwanda, Haruna Niyonzima aratangazwa nk’umukinnyi mushya wa AS Kigali.

    Perezida w’ikipe ya AS Kigali, Shema Fabrice yabwiye ISIMBI ko uyu mukinnyi mu mwaka utaha w’imikino azaba ari unukinnyi wa AS Kigali ndetse ko uyu munsi ashobora kurara atangajwe.

    Ati “mu mwaka utaha w’imikino Haruna Niyonzima muramubona muri AS Kigali. Nta gihindutse uyu munsi byose birarangira inkuru irabararaho.”

    Haruna Niyonzima uherutse gusezerwaho muri Yanga, agiye kugaruka muri iyi kipe yaherukagamo muri 2019 aho batandukanye mu Kuboza k’uwo mwaka ajya muri Yanga, ni nyuma yo kuyikinira amezi atandatu.

    Haruna Niyonzima yaherukaga muri AS Kigali 2019

    Yanabaye kapiteni wa AS Kigali

    Source : http://isimbi.rw/siporo/article/haruna-niyonzima-uyu-munsi-ashobora-kurara-yerekanywe-mu-ikipe-y-i-kigali

  • Ibyo abagore b'iki gihe basigaye bakunda cyane ku basore. – YEGOB #rwanda #RwOT

    Hari ibintu abagore bakundira abagabo nabo ubwabo badashobora gusobanura. Ikindi ni uko niyo banabizi batatinyuka kubivugira mu ruhame, kuko bimwe na bimwe usanga bitangaje.

    1.Abagore bikundira abagabo bafite amanyama(bashyenga cyane ndetse bakba baba inkubaganyi)

    Ba agabo bafite amanyama cyangwa bazi gushyenga, rimwe na rimwe b'inkubaganyi! Ni ba bandi muri kaminuza bitaga abasalo (salauds/bad boys).

    Ubundi uciye mu kuri bakagombye gukunda ba bandi bitonda, b'abatagatifu mbese; aba bita amajenti (gentils/gentlemen). Nyamara aba akenshi bakundwa na ba nyina. Ni ibintu bidasobanutse ariko niko bimeze.

    Niba rero uri umugabo witonda cyane kimalayika, gerageza kwishakamo amanyama, yaba mu myambarire no mu myitwarire kugira ngo ukurure abakobwa cyangwa abagore.

    2.Abagore bakunda abagabo bigirira akabanga

    Ibi nabyo biratangaje ariko niko bimeze. Abagore baba bashaka kumenya buri kantu kose ariko iyo ntaho ubahishe uba wabizambije.

    Ntuzigere rero uva imuzingo mu gusubiza ibibazo by'umugore. Si ngombwa kumubwira buri gihe uwo mwavuganaga kuri telefoni. Musubize ko ari umuntu w'inshuti bizaba bihagije.

    Ntumwemerere kandi ko areba nimero zose z'abantu watelefonnye uwo munsi. Nubimwemerera ashobora kukubaza buri wese icyo mwavuganye n'umubano mufitanye. Byarimba akakubaza na gahunda mufitanye mu minsi iri imbere.

    3.Abagabo b'abayobozi banafite na kashi

    Si ukubeshya rwose abagore bakururwa n'ubukire. Ngo nta ” je t'aime inzara igutema amara ” aka wa mugani w'umuhanzi Mwitenawe.

    4.Abagore bakunda abagabo beza

    Nubwo ubwiza bw'umuntu buhabwa agaciro n'umureba kandi bukaba butagibwaho impaka, ibyo aribyo byose abagore bakunda umugabo usa neza. Gusohokana n'umusore cyangwa umugabo abagore bose bahindukirira ni ishema ku mugore wese.

    Abagore bakunda abagabo beza kuko baba banatekereza ku bana bazabyarana nabo.

    Niba rero wowe mugabo waravutse udafite isura ikurura abagore, byaba byiza wirwanyeho wambara neza kandi ukagaragaza ko usobanutse muri byinshi.

    Source : https://yegob.rw/ibyo-abagore-biki-gihe-basigaye-bakunda-cyane-ku-basore/

  • Gushimisha umugore mu mibonano mpuzabitsina ntibisaba ingano ahubwo bisaba ibikorwa byihagazeho #rwanda #RwOT

    Abagore batandukanye ku kigero cya 20% bavuga ko umugabo ufite igitsina gito adatuma bagera ku byishimo bya bo bya nyuma mu mibonano mpuzabitsina, mu gihe abagore 80% bavuga ko bagera ku byishimo iyo bari kumwe n’ufite igitsina kinini.

    Abagore batandukanye twaganiriye kuri iyi ngingo ntibayivugaho rumwe, 20% bavuga ko umugabo ufite igitsina gifite umubyimba muto iyo akoze imibonano mpuzabitsina ngo ntibacyumva neza mu gikorwa, abandi 60% bakavuga ko ufite igitsina gifite umubyima munini ariwe ukora akazi neza ngo kuko igitsina kirekire kandi kibyimbye ngo kimara ipfa, hakaba n’abandi 20% bashimishwa n’uburyo igitsina cyakoreshejwe batitaye ku mubyimba.

    Umwe mu bashimishwa n’igitsina kinini mu mibonano mpuzabitsina, yagize ati 'Umugabo ufite igitsina gifite gito arangiza wumva ugifite ubushake, ariko umugabo ufite igitsina gifite umubyimba munini atuma uryoherwa.'

    Undi na we yagize ati 'Njyewe sinkunga igitsina kinini, ufite igitsina gito ni we utuma ngera ku byishimo. Njye mbona biterwa n’uko umuntu aba yarabayeho, iyo wakoze imibonano n’abagabo batandukanye umenya kubitandukanya. Ufite igitsina kinini atuma mbabara.'

    Urubuga rwa Internet 'bibamagazine’ ruvuga ko ubushakashatsi bwakozwe ku bagore batandukanye bwemeje ko abagore babajijwe bavuze ko ingano y’igitsina atariyo irongora, ariko nanone umubare munini ukemeza ko igitsina gihagije kimara ipfa.

    Bavuga kandi ko abagabo benshi baterwa isoni n’ingano y’igitsina gito, dore ko usanga abafite igitsina gito batinya no kwegera abagore cyangwa abakobwa, cyangwa se bagatinya kogera aho bagenzi babo bababona bakeka ko babaseka.

    Ipfunwe ryo kugira igitsina gito kandi rishobora no gutuma umugabo ananirwa gushimisha uwo bari gukorana imibonano mpuzabitsina, ugasanga igitsina kigwa vuba, akarangiza vuba, mbese ntanezeze uwo bari gukorana imibonano mpuzabitsina.

    Ubundi iyo igitsina cy’umugabo gifashe umurego, gipima hagati ya santimetero 13 na 17 (13 Cm-17 Cm) uhereye aho gitereye, agace gatuma umugore aryoherwa (point G) kari ahatarenga santimetero 4 (4Cm) gusa uhereye aho igitsina cy’umugore gitangirira.

    None se ni iki gitera kudakura neza kw’igitsina?

    1. Kudatembera neza kw’amaraso mu gitsina cy’umugabo

    2. Kugira imisemburo mike bita Testosterone

    3. Uburwayi butandukanye bushobora gufata imikaya igize igitsina cy’umugabo

    4. Umubyibuho ukabije…

    Ese wari uzi ko kugira igitsina gito, kurangiza vuba ku bagabo, gucika intege batera akabariro byavurwa?

    Mu kuvura ubu burwayi bigendana no kumenya impamvu yabiteye, ni byiza rero kugana muganga wabizobereye akareba impamvu ibitera.

    Ku bagabo bafite iki kibazo cyo kugira igitsina gito, bakoresha imiti nyunganiramirire ikozwe mu bimera kandi yizewe mu ruhando mpuzamahanga dore ko nta n’ingaruka igira ku muntu wayikoresheje.

    Iyi miti ituma amaraso atembera neza mu gitsina ikongera imisemburo ya Testosterone ndetse ikanagabanya ibinure by’umurengera. Muri iyo miti twavugamo nka REVIVE Capsule, Ca-Fe-Zi plus, Cordy active na Golden Six…

    Iyi miti uyishaka wabariza ku muhima, ahazwi nko kuri okapi cyangwa ugahamara kuri nomero :
    +250788888963 (Call&whatsapp)

    Aho waba uri hose mu Rwanda no mu mahanga, iyi miti tuyibagezaho.

    Source : https://imirasire.com/?Gushimisha-umugore-mu-mibonano-mpuzabitsina-ntibisaba-ingano-ahubwo-bisaba

  • Ba Ambasaderi bashya barimo uw’u Bufaransa bakiriwe na Perezida Kagame (Video) #Rwanda #RwOT via @kigalitoday #rwanda #RwOT

    Abo ni Aishatu Aliyu Musa wa Repubulika ya Nigeria, Antoine Anfré w’u Bufaransa na Omar Daair w’u Bwongereza na Ireland y’Amajyaruguru.

    Reba muri iyi Video uko icyo gikorwa cyagenze

  • Umunyarwandakazi Salima Mukansanga yatoranyijwe mu bazasifura imikino ya ¼ #Rwanda #RwOT via @kigalitoday #rwanda #RwOT

    Kuri uyu wa Gatanu ni bwo haza kuba hakomeza imikino ya ¼ mu bagore, mu mikino Olempike ikomeje kubera mu mujyi wa Tokyo mu Buyapani.

    Abanyafurikakazi barimo Mukansanga Salima (uri hagati) bazasifura imikino ya 1/4
    Abanyafurikakazi barimo Mukansanga Salima (uri hagati) bazasifura imikino ya 1/4

    Mu mukino wa ¼ uzahuza U Bwongereza na Australia guhera i Saa tanu z’amanywa, uzasifurwa n’abasifuzi bose bakomoka ku mugabane wa Afurika, bikaba ari ubwa mbere mu mateka y’imikino olempike aho abasifuzi b’abagore bose bakomoka muri Afurika bazasifura umukino umwe.

    Abasifuzi batanu b’abagore bazasifura uyu mukino

    Salima Rhadia Mukansanga (Rwanda)
    Mary Njoroge (Kenya)
    Patience Ndidi Madu Nigeria (Nigeria)
    Bernadettar Kwimbira (Malawi )
    Maria Packuita Cynquela (Mauritius)

    #Tokyo2020 Five African female referees make Olympic history as they will officiate the quarter-final match:
    🇬🇧vs🇦🇺

    ✅Salima Rhadia Mukansanga🇷🇼
    ✅Mary Njoroge🇰🇪
    ✅Patience Ndidi Madu Nigeria🇳🇬
    ✅Bernadettar Kwimbira🇲🇼
    ✅Maria Packuita Cynquela🇲🇺#itsTimeItsNow #CAFOnline pic.twitter.com/dm163vq7d1

    — CAF Media (@CAF_Media) July 28, 2021