Webrwanda Backend

Author: webrwanda

  • Nyuma ya Israel Mbonyi na Bruce Melodie yangiwe gukandagira i Burundi #rwanda #RwOT

    Nyuma y’uko Minisiteri y’Umutekano mu Burundi yatangaje ko umuhanzi Israel Mbonyi wari ufite ibitarmo mu Burundi atabyemerewe kuko nta burenganzira yabiherewe, iki gihugu cyongeye gushimangira ko nta munyarwanda bazemerera kujya gutaramira yo nk’uko bimaze iminsi bitangazwa.

    Ku munsi w’ejo hashize nibwo Minisiteri ishinzwe Umutekano mu Burundi ibinyujije ku rukuta rwayo rwa Twitter, yatangaje ko umuhanzi Israel Mbonyi bivugwa ko afite ibitaramo muri iki gihugu tariki ya 13, 14 na 15 Kanama 2021 atari byo kuko nta burenganzira yabiherewe.

    Bagize bati 'Umuhanzi Israel Mbonyi utegerejwe mu Burundi ntabyemerewe. Ntarabona uburenganzira bw’abayobozi b’u Burundi babifitiye ububasha.”

    Uyu munsi Minisitiri w’Ubutegetsi bw’Igihugu n’Umutekano mu Burundi, Gerevazi Ndirakobuca mu kiganiro cyagarukaga ku rukingo rwa Coronavirus, yashimnagiye ko nta muhanzi w’Umunyarwanda bazemerera kujya gutaramira i Burundi.

    Yagize ati 'hari ibindi bimaze iminsi bivugwa mu mutekano ngo hari abahanzi bazaza gukubita umuziki(gukora ibitaramo) bavuye mu Rwanda, nta muntu tuzemerera ko aza gukora ibitaramo yizanye kandi avuye mu Rwanda, ngo atuzanira akarambaraye reka tubanze dusenge ya Mana yacu.'

    Yakomeje asaba Abarundi kwirinda ibikorwa by’imiziki cyangwa ibitaramo mu rwego rwo kwirinda icyorezo cya Coronavirus.

    Atangaje ibi mu gihe na Bruce Melodie yari mu myiteguro yo kuzakorera ibitaramo mu gihugu cy’u Burundi tariki 28 na 29 Kanama 2021, ni mu bitaramo yise Kigali World Tour.

    Israel Mbonye ni we wabanje kubwirwa ko atemerewe kujya gutaramira muri iki gihugu

    Na Bruce Melodie ibitaramo bye byahagaritswe

    Source : http://isimbi.rw/imyidagaduro/article/nyuma-ya-israel-mbonyi-na-bruce-melodie-yangiwe-gukandagira-i-burundi

  • Nyuma y’imyaka ine, Umutare Gaby yagarutse mu… – #rwanda #RwOT

    Umutare Gaby usigaye abarizwa muri Australia n'umuryango we, yaherukaga mu muziki mu myaka ine ishize aho yasize ku isoko indirimbo eshanu: 'True Love', 'Urangora', 'Mesa kamwe', 'Ntunkangure' ndetse na 'Ntawundi' igaragaramo umunyamideli Shaddyboo, yabaye intangiriro y'umuziki we

    KANDA HANO WUMVE INDIRIMBO NSHYA 'UMUNTU' YA UMUTARE GABY

    Umutare yagiye mu mahanga asize umuvandimwe we Andy Bumuntu yinjiye mu muziki, ndetse ari mu bahagaze neza. Kuva yakora ubukwe, Umutare ntiyongeye kumvikana mu muziki kugeza ubwo mu ntangiriro za Nyakanga 2021, yatangazaga ko igihe kigeze kugira ngo agaruke mu muziki.

    Mu minsi icyenda ishize, uyu muhanzi yanditse kuri konti ye ya Instagram avuga ko igihe gikwiye cyari iki ngo agaruke mu muziki. Ni indirimbo avuga ko 'yitezeho gucengera no mu misokoro y'abantu'.

    Asohora iyi ndirimbo kuri uyu wa Kane tariki 29 Nyakanga 2021, yabwiye abafana be n'abakunzi b'umuziki ko aho abagabo basezeraniye ariho bahurira. Ati 'Ng'ibyo ibyo nabasezeranyije bantu banjye.'

    Muri iyi ndirimbo avuga ko 'abantu ari we muntu kandi umuntu ari we bantu'. Akabuza abantu kwigira nyirandabizi, ko hakenewe ibikorwa kurusha amagambo.

    Mu gice cyibanza kigaragaramo umugore we, amubwira ko azamurinda agahinda. Ati 'Mutima mutima soma kutuzi umanura agahinda. Ibindi nawe uzirwanaho.'

    Mu buryo bw'amajwi iyi ndirimbo yakozwe na The Major ukorera muri studio 'Back Stage Studio' naho 'Official Lyric video' yakozwe na Bjc Official.

    Umuhanzi Umutare Gaby yasohoye indirimbo nshya nyuma y'imyaka ine adakora umuziki

    Umutare Gaby yagaragaje umwana we mu mashusho y'indirimbo 'Umuntu'

    Nzere Joyce, umugore wa Umutare Gaby agaragara mu ndirimbo n'umwana wabo

    KANDA HANO UREBE INDIRIMBO NSHYA 'UMUNTU' YA UMUTARE GABY

    “>

    Source : https://inyarwanda.com/inkuru/108093/nyuma-yimyaka-ine-umutare-gaby-yagarutse-mu-muziki-nindirimbo-irimo-umugore-we-numwana-vid-108093.html

  • Ibi bintu nubikora bizatuma aho unyuze hose barabya indimi ubundi iminwa bayirumagure #rwanda #RwOT

    Kwambara neza tukaberwa ni kimwe mu bintu twese dukunda ariko nanone iyo utabyitondeye bishobora gutuma ugaragara nk'umuntu udasobanutse.

    Reka turebere hamwe amwe mu mategeko yo kugura no guhitamo imyenda yo kwambara kugira ngo ubashe kuberwa.

    1. Ntukagure umwenda uzambara rimwe gusa

    Abenshi iryo kosa dukunda kurikora cyane akenshi tukagura imyenda yo kwambara mu bukwe gusa, mu birori bya Noheri cyangwa ibindi birori by'umunsi umwe, Kujya ahantu hadasanzwe bivuze ko byanze bikunze twumva dukeneye ikintu kidasanzwe, nko kwambara umwenda udasanzwe, Aho kugura ikintu cyihariye ku bintu runaka, gerageza kugira umwenda umwe mwiza ubona ushobora kuba wajyana ahantu henshi hatandukanye kandi ugaseruka uberewe kandi wibuke ko n'imirimbo yaba isaha nziza,udukomo,urunigi ndetse n'amaherena ku bakobwa n'abategarugori bigira ikintu gikomeye byongera kuri wa mwenda,bigatuma uberwa kurushaho.

    2.Hitamo umwenda ujyanye n'imiterere y'umubiri wawe

    Ikintu cya mbere ugomba gukora kugirango ugaragare neza ni ukureba niba wambaye umwenda ujyanye nuko uteye,icyo gihe niba utazi uko uteye cyangwa utazi umwenda wakubera uzakora ubushakashatsi bw'imiterere yawe kugirango ubashe kumenya ikibera abantu bateye nkawe.

    3.Ita cyane ku kwambara cyane imyenda imeze nk'iya kera

    Ushobora kumva mvuze imyenda imeze nk'iya kera ukagirango ndi kukubwira kwambara ibintu bitari byiza,ariko kuba wakwambara imyenda yo mu myaka yo hambere bigaragaza cyane ko uri umuntu udaharara cyane kandi bigatuma abakureba babona uberewe kandi bakanakubaha cyane,urugero nk'abakobwa cyangwa abategarugori bashobora kuba bahitamo kwambara amakanzu maremare kuruta kwambara amagufi cyane,mu gihe ku bagabo ho basobora guhitamo kwambara amapantaro abarekuye kandi abakwiriye kuruta kwambara amapantaro abafashe cyane, ibi bizatuma urushaho kuberwa cyane mu buryo utatekerezaga.        

    4.Itondere cyane amabara wambara

    Ushobora kwambara imyenda ihenze cyane ariko ukagaragara nabi kuruta uwambaye imyenda y'amafaranga make, niyo mpamvu ari ngombwa cyane kumenya amabara yo kujyanisha kugirango urusheho kuberwa.Akenshi amabara atuje cyane nk'umweru,umukara n'ubururu bwerurutse aba meza cyane kuruta amabara asakuza cyane nk'umutuku,umuhondo n'icyatsi cyerurutse cyane, ariko aya mabara ashobora nayo kuba meza cyane igihe utayambaye ari menshi cyane,nukuvuga ngo utayambaye hasi no hejuru.

    5.Gura imyenda itazava ku gihe(pose)

    Nujya kugura imyenda ujye ureba imyenda ifite umwenda uhora kuri pose kandi udafitemo amabara menshi avanzemo kuko akenshi iyo myenda ivanzemo amabara menshi ijyana n'imyaka kuki wumva ko wagura umwenda uzarangirana n'umwaka umwe cyangwa ukwezi kumwe akandi waraguhenze,ha amafaranga yawe agaciro.

    6.Gura imyenda yawe mu bwenge

    Kugira ngo ugaragare neza,urashaka ko imyenda yawe isa nk'ihenze kandi idahenze cyane, ushobora guhindura imyenda yawe idahenze nk'ihenze ushoye amafaranga yawe mu bintu by'imirimbo nk'amasaha,ibikomo,ibinigi n'amaherena ukajya ubyambarana bishobora kuba igitekerezo cyiza mu gutuma uberwa kurushaho.

    7.Fata imyenda yawe neza

    Mu gihe cyose wumva ushaka kugaragara neza cyangwa ushaka kuberwa birasaba ko uzambara umwenda umeze neza nukuvuga umwenda ufuze,uteye ipasi kandi utarahambutsemo indodo ziwugize cyangwa ngo ucike,ibyo rero nta kindi bigusaba kereka kwita ku myenda yawe neza ukayifura,ukayitera ipasi kandi ukayibika neza.

    8.Oroshya imyambarire yawe

    Koroshya imyambarire yawe nta kindi bivuga,bivuga kutambarira ibintu byinshi icyarimwe,urugero ushobora kuba ugiye ahantu ukambara furari(foulard),ibikomo,amaherena manini ugashyiraho n'ingofero nini,byose ukabyambarira rimwe ibyo bigaragaza ko akenshi uciriritse cyane,rero igihe ugiye guhitamo ibyo kwambara si ngombwa kwambarira rimwe ibyo ufite byose mu kabati.

    9.Menya guhitamo imyenda ijyanye naho ugiye

    Iri ni ikosa bamwe na bamwe bakora bakaba bakwambara imyenda itajyanye naho bagiye bityo ugasanga abantu bababonye babafata nk'abadasobanutse,ibyo rero ni ukubyirinda kugirango ubashe kujya wambara neza kandi uberwe mu gihe ufite aho ugiye.

    Source : https://impanuro.rw/2021/07/29/ibi-bintu-nubikora-bizatuma-aho-unyuze-hose-barabya-indimi-ubundi-iminwa-bayirumagure/

  • Young Thug ku myaka 29 arashaka kuba umwirabu… – #rwanda #RwOT

    Jeffrey Lamar Williams wamamaye ku izina rya Young Thug akoresha mu muziki ni umuraperi kabuhariwe ukunzwe cyane muri Amerika. Uyu musore yatangiye kumenyekana muri 2014 ubwo yasinyaga muri label Cash Money iyobowe n’ikirangirire BirdMan. Nyuma y'uko yamamaye ku rwego mpuzamahanga, kuri ubu Young Thug arifuza kuba umwirabura ukize cyane kurusha abandi ku isi (Richest Black man in the World).

    Kuba Young Thug yifuza kuba umuherwe w’umwirabura ukize cyane ku isi yabitangaje ubwo yaganiraga n’ikinyamakuru Rolling Stone aho yavuze inzozi afite yifuza kugeraho. Uyu muraperi yagize ati: ”Ndashaka kuba umwirabura wa mbere ukize ku isi kandi birashoboka”. Abajijwe niba yifuza gutera ikirenge mucy'abaraperi bakize cyane ku isi barimo Jay Z, Dr Dre na Kanye West; Young Thug yasubije ati: ”Cyane ndifuza kumera nkabo ndetse nkanabarengaho”.

    Young Thug yakomeje agira ati: ”Ndabizi ko bitoroshye kandi bizansaba gukora cyane no hanze y’umuziki kugira ngo mbigereho. Bizantwara igihe kinini ariko nzabigeraho kuko ndacyari muto ndacyafite igihe cyo kubikorera”. Uyu musore w’imyaka 29 kugeza ubu afite inzu itunganya umuziki yitwa 'Young Stoner Life Records' imwinjiriza amafaranga menshi ndetse afitemo abahanzi bagezweho barimo Gunna na Lil Keed.

    Uretse kuba Young Thug ari umwe mu bahanzi bakunzwe cyane muri Amerika ari no mu bahanzi batunze agatubutse dore ko afite umutungo w'akayabo ka miliyoni 15 z'amadolari, kuri ubu yifuza kwagura kugeza ubwo abaye umwirabura ukize cyane kurusha abandi.

    Src:www.Rollingstonemagazine.com,www.RapUp.com

    Source : https://inyarwanda.com/inkuru/108091/young-thug-ku-myaka-29-arashaka-kuba-umwirabura-ukize-kurusha-abandi-ku-isi-108091.html

  • Nyuma yo gukorera abandi Iyzo Pro yashinze W… – #rwanda #RwOT

    Iyzo Pro, ari mu ba Producer bagezweho mu Rwanda kandi b’abahanga. Yakoreye muri 'Country Records' nyuma afata icyemezo cyo kwikorera studio ye yise ‘Wave Records’ ikaba ari 'Studio izanye udushya' nk’uko Iyzo yabitangarije InyaRwanda. Yavuze ko mu dushya azanye tuzajya tugaragara mu ndirimbo azajya akora anahishura ko abahanzi bafite impano ariko nta bushobozi yabatekerejeho.

    Izo winjiye muri ‘Wave Records’ ikorera Kicukiro Centre , ubonamo ibikoresho bigezweho. Iyzo yerekanye n’umusore w’umu- Producer witwa ‘Viby’ ukiri muto ufite ubuhanga butangaje uzajya umufasha gukorera abahanzi indirimbo, Israel Niyonzima ukoresha akazina ka Iyzo muri muzika ashimangira ko Studio ye izakora muzika igezweho y’umwihariko k’uburyo izanyura abatari bake dore ko afite ubunararibonye muri muzika.

    Iyzo washinze ‘Wave Records’

    KANDA HANO TUGUTEMBEREZE WAVE RECORDS

    “>

    Source : https://inyarwanda.com/inkuru/108092/nyuma-yo-gukorera-abandi-iyzo-pro-yashinze-wave-records-studio-yudushya-izanateza-imbere-a-108092.html

  • Gasogi United yatandukanye n’abakinnyi 4 #rwanda #RwOT

    Ikipe ya Gasogi United yashimiye abakinnyi bagera kuri bane itazakomezanya nabo mu mwaka utaha w’imikino wa 2021-22.

    Aba bakinnyi bose uko ari bane bakaba bari basoje amasezerano yabo muri Gasogi United ariko ikipe ihitamo kubarekura.

    Abo bakinnyi bayobowe n’umunyezamu Mazimpaka Andre wakiniye amakipe atandukanye mu Rwanda arimo Mukura VS, Musanze FC, Rayon Sports n’andi.

    Uyu munyezamu yinjiye muri iyi kipe mu mwaka ushize w’imikino yari yasinye umwaka umwe.

    Undi mukinnyi ni Byumvuhore Tresor bakunda kwita Wanyama, uyu mukinnyi we akaba yaranamaze gusinyira ikipe ya Rayon Sports.

    Abandi bakinnyi iyi kipe yarekuye harimo Ndikumana Tresor na Dusabe Jean Claude.

    Iyi kipe irekuye aba bakinnyi mu gihe yamaze gusinyisha abandi barimo Armel Ghislain wavuye muri Kiyovu Sports, Yawanendj Christian Theodore ukomoka muri Centrafrique, Hassan Djibrine Ibrahim, umunya — Chad wakiniraga Etincelles, abanyezamu babiri, Serge Ntagisanayo wakiniraga Marines FC na Ndajigimana Leandre wasinye imyaka 5, yasinyishije kandi myugariro Abdulkarim Hakizimana wakiniraga Etincelles, na we yasinye imyaka 2.

    Umunyezamu Mazimpaka Andre yatandukanye na Gasogi United

    Byumvuhore Tresor na we asoje amasezerano ahita arekurwa

    Ndikumana Tresor (ibumoso) yarekuwe

    Dusabe Jean Claude na we yatandukanye na Gasogi United

    Source : http://isimbi.rw/siporo/article/gasogi-united-yatandukanye-n-abakinnyi-4

  • Ijwi rya Meddy riri kumvikana muri Canada n’… – #rwanda #RwOT

    Imikino ya Olympic iri kubera mu Buyapani mu mujyi wa Tokyo,  mu rwego rwo gususurutsa abantu bakunda iyi mikino, nibwo CBC yakoze urutonde rw’indirimbo  12 izajya ikina ahanini ishingiye ku ndirimbo z’abahanzi baturuka mu bihugu byitabiriye iyi mikino, niko gusanga i Burundi indirimbo’ Beautiful’ ya Sat-B  yakoranye na Meddy ijya ku rutonde.

    Indirimbo Beautiful ya Sat-B yafatanije na Meddy iri mu zaciye agahigo i Burundi

    Sat-B kuba indirimbo ye yarashyizwe ku rutonde , yanyarukiye ku mbuga nkoranyambaga abimenyesha abamukurikira ku rukuta rwen rwa Instagram. Kuva indirimbo ‘Beautiful’ yagera kuri Youtube kuva Tariki 15 Ukuboza 2020, imaze kurebwa n’abantu  basaga Miliyoni 2, bivuze ko iyi ndirimbo iri mu zifite uduhigo i Burundi ikaba n’amateka akomeye kuri Sat-B.

    Kuva Sat-B yakorana indirimbo na Meddy , ni ibintu yishimiye cyane kuko adahwema kugaragaza ibyishimo yatewe no gukorana indirimbo na Meddy. Uyu muhanzi Meddy ari kubica bigacika hirya no hino mu bihugu byo mu karere kubera indirimbo ye nshya yise ‘My Vow’ iri mu zarebwe cyane n’abantu benshi mu gihe gito mu Rwanda no mu Burundi, aho ubu imaze kurebwa n’abantu basaga Miliyoni 2 mu minsi 6 gusa isohotse.

    Sat-B

    “>

    “>

    Source : https://inyarwanda.com/inkuru/108087/ijwi-rya-meddy-riri-kumvikana-muri-canada-nubuyapani-kubera-indirimbo-beautiful-yakoranye–108087.html

  • Urwandiko rwa HAGUMAMAHORO XXX rusaba guhindu… – #rwanda #RwOT

    Turamenyesha ko uwitwa HAGUMAMAHORO XXX mwene Hategekimana Innocent na Umutesi Pascasie, utuye mu mudugudu wa Gasongati, Akagari ka Sovu, Umurenge wa Huye Akarere ka Huye, mu Ntara y’Amagepfo wanditse asaba uburenganzira bwo guhindura amazina asanganywe ariyo HAGUMAMAHORO XXX akitwa HAGUMAMAHORO Patrick mu gitabo cy’irangamimerere. Impamvu atanga yo guhindura izina ni Izina nabatijwe.

    Byemejwe na Gatabazi Jean Marie Vianney, Minisitiri w’Ubutegetsi bw’Igihugu

    Agaciro k’icyangombwa: Cyatanzwe kuwa: 2021-07-28

    Source : https://inyarwanda.com/inkuru/108099/urwandiko-rwa-hagumamahoro-xxx-rusaba-guhindura-amazina-108099.html

  • Amwe mu mafunguro wafata niba ushaka kugira ibyishimo – YEGOB #rwanda #RwOT

    Ibyo kurya byongera dopamine; umusemburo w'ibyishimo:

    1.Watermelon

    Watermelon ni isoko nziza ya acide amine yitwa tyrosine. Tyrosine iyo igeze mu mubiri ihindurwamo dopamine, bityo urugero rwayo rukiyongera mu mubiri, maze bikongera ibyishimo n'akanyamuneza mu mubiri.

    Izi mbuto zikungahaye kuri vitamin B6 ikoreshwa n'umubiri mu ikorwa rya dopamine. Mu rwego rwo guhorana urugero rwa dopamine ruri hejuru, ushobora kunywa akarahuri k'umutobe wa watermelon ku munsi.

    2.Inkeri

    Inkeri zibonekamo vitamin C ihagije, ikaba ingenzi mu mikorere myiza y'ubwonko. Iyi vitamin ifasha mu gusohora no kurwanya uburozi bishobora kujya mu bwonko, bukabuza dopamine gukora neza.

    Kuba inkeri zibonekamo kandi ibinyabutabire bya phenol, bifasha mu kurinda imyakura n'uturemangingo dukora dopamine. Ni byiza kuzirya kenshi, kuko bizatuma urushaho kongera ibyiyumviro n'akanyamuneza mu mubiri.

    3.Shokola zirabura

    Shokola zirabura benshi basanzwe bazi ko zigabanya stress, zikongera akanyamuneza. Niba wumva utishimye, guhekenya shokola zirabura bizagufasha kugira akanyamuneza. Ibi biterwa n'ibinyabutabire bya phenylalanine, nabyo ni aside amino zigira uruhare runini mu ikorwa ryúmusemburo wa dopamine.

    Ubutaha niwumva utishimye cyangwa se wigunze cyane, uzarye shokola yirabura izagufasha. Ugomba kureba shokola irimo cocoa nyinshi (byibuze hejuru ya 85%) kuko niyo ibonekamo phenylalanine nyinshi.

    4.Beterave

    Beterave ( beetroot mu cyongereza) zibonekamo betaine, ni ubwoko bwa aside amino zifasha mu ikorwa rya dopamine, zifitemo kandi ubushobozi bwo kurwanya kwiheba cyane (antidepressant). Mu rwego rwo kongera akanyamuneza buri munsi, ni ngombwa kunywa umutobe wa beterave wikoreye buri munsi.

    5.Imineke

    Umuneke ni isoko ikomeye ya tyrosine, iyi ikaba aside amino ifasha mu kugena no gukangura urugero rw'umusemburo wa dopamine.

    Ibi bikagufasha mu kwishima no kongera ubwenge, kuko bigufasha kwibuka cyane, kwita ku bintu no gukurikira cyane. Imineke ni myiza cyane kuko ikungahaye kuri byinshi bifasha ubwonko. Ugomba kurya uhiye neza, kandi uryohera, niyo ibonekamo tyrosine ku rugero ruri hejuru.

    6.Pome

    Quercetin, kimwe mu binyabutabire byibanze biboneka muri pome, gifitiye akamaro kanini ubwonko bwacu. Usibye kongera imikorere y'umusemburo wa dopamine wongera ubushake bwo kugera ku kintu runaka n'ibyishimo, quercetin inafasha mu mikorere myiza y'ibice by'ubwonko bifasha gutekereza.

    Muri pome habonekamo ibindi binyabutabire bya polyphenols birinda uturemangingo dukora dopamine kwangirika. Mu gihe wumva utishimye cg se utamerewe neza, kurya pome imwe (n'igishishwa cyayo) bizagufasha kugira akanyamuneza.

    Source : https://yegob.rw/amwe-mu-mafunguro-wafata-niba-ushaka-kugira-ibyishimo/

  • Nsengiyumva Igisupusupu akatiwe n'urukiko. – YEGOB #rwanda #RwOT

    Umuhanzi Nsengiyumva Francois uzwi nka Igisupusupu yakatiwe gufungwa by'agateganyo iminsi 30 kugira ngo hakorerwe neza iperereza ku byaha ashinjwa gusambanya umwana w'umukobwa w'imyaka 13 n'icyo gukoresha umwana imirimo ivunanye.

    Nsengiyumva yafashwe n'Urwego rw'Ubugenzacyaha tariki 30 Kamena 2021, nyuma y'iminsi 12 yari amaze yihishahisha.

    Ibi byaha akurikiranyweho byabereye mu Karere ka Gatsibo, Umurenge wa Kiziguro tariki 18 Kamena 2021.

    Nyuma yaje gushyikirizwa Ubushinjacyaha, nabwo butanga ikirego mu rukiko rw'ibanze rwa Kiramuruzi.

    Amakuru avuga ko Nsengiyumva Francois yitabye urukiko akaburana ku ifungwa n'ifungurwa by'agateganyo.

    Ku wa Mbere tariki 26 Urukiko rw'Ibanze rwa Kiramuruzi rwategetse ko akomeza gufungwa by'agateganyo.

    Source : https://yegob.rw/nsengiyumva-igisupusupu-akatiwe-nurukiko/