Webrwanda Backend

Author: webrwanda

  • Musanze: Abaturage barashinja abayobozi kubakubita bazizwa ko batirinda Covid-19 – #rwanda #RwOT

    Ibi abaturage babitangaje nyuma y’uko umwarimu witwa Munyazikwiye Jean Népomuscène wigisha mu Rwunge rw’amashuri rwa Muko, umuturage witwa Uwimana Florence n’umugabo we Mbitezimana Léonard n’umwana wabo w’umukobwa bakubiswe mu buryo bukomeye.

    Bamwe mu batuye muri aka gace babwiye itangazamakuru ko bugarijwe n’inkoni bakubitwa n’abayobozi n’urubyiruko rw’abakorerabushake bazira ubusa cyane ko uwitwa Munyazikwiye Jean Népomucsène we yakubiswe akanacibwa amande azira ko yahuye n’abakorerabushake [Youth Volunteers] ngo yanyoye inzoga.

    Umwe mu baturage uvuga ko yakubiswe n’Umunyamabanga Nshingwabikorwa w’Akagari ka Kamegeri n’abanyerondo.

    Ati “ Nari mu rugo iwanjye n’abana mbona abantu barahaje barambwira ngo mbarangire Usengimana, mbabwira ko ntawe uhari barambwira ngo nintamubereka barankubita. Nibwo batangiye kunkubita n’umukobwa wanjye n’abanyerondo bari kumwe na Gitifu w’akagari.”

    Umunyabanga Nshingwabikorwa w’Umurenge wa Muko, Murekatete Thriphose yabwiye IGIHE ko atiyumvisha impamvu aba baturage bahohotewe ntibihutire kubimenyesha ubuyobozi cyangwa ngo bajye gutanga ikirego kuri RIB.

    Ati “Mu by’ukuri rero nk’uwo muturage wavuze ngo yakubiswe n’urubyiruko rw’abakorerabushake sinibaza uburyo yakubitwa ntaze ku buyobozi ngo tumufashe kurenganurwa kuko uretse nawe n’undi wese wahohotewe araza tugakurikirana ikibazo byaba ngombwa ko tugishyikiriza RIB tukabikora ku buryo mba nkeka ko byaba bimaze igihe. Sinumva uko yakubitwa kuriya ngo ntaze kubimenyesha ubuyobozi niba koko atarakubitiwe mu tubari kuko hari n’abakubitirwa mu tubari.”

    Yakomeje avuga ko iki kibazo cy’abaturage bavuga ko bahohotewe barimo n’uyu mwarimu yakimenye ubwo yari mu kiruhuko. Yavuze ko agiye kugikurikirana anaboneraho kuvuga ko n’ibigaragara ko aba baturage bahohotewe n’abakorerabushake nabo bazahanwa nk’uko n’abandi bose bahanwa iyo bakoze ibyaha.

    Gusa n’ubwo abaturage bo mu bice bitandukanye bakomeje kugaragaza ko bahohoterwa n’inzego zitandukanye z’ubuyobozi zirimo n’abanyerondo rimwe na rimwe na za DASSO, Hashize igihe gito Minisitiri w’Ubutegetsi bw’Igihugu, Gatabazi Jean Marie Vianney yihanangirije inzego zitandukanye ku bijyanye no gukubita no guhohotera abaturage.

    Yavuze ko nta muturage ukwiye kuyobozwa inkoni cyane ko ngo n’inka zitagikubitwa.

    Munyazikwiye Jean Népomucsène avuga ko yakubiswe ahowe kutubahiriza amabwiriza yo kwirinda COVID-19

  • Abayisenga Emmanuel wivuganye umupadiri mu Bufaransa,yari yarahawe umugisha na Papa Francis mu 2016 – #rwanda #RwOT

    Yitwa Abayisenga Emmanuel, afite imyaka 40 y’amavuko akaba ari na we ukekwaho kuba yaratwitse Cathédrale ya Nantes, iherereye mu Majayaruguru y’Uburengerazuba bw’u Bufaransa, muri Nyakanga 2020.

    Umupadiri wishwe yitwa Fr. Olivier Maire w’imyaka 61 y’amavuko akaba ari we wari uhagarariye umuryango w’abihayimana b’abamisiyoneri ba Montfort.

    Urupfu rwe rwatangajwe kuri uyu wa 9 Kanama 2021 na Minisitiri w’Umutekano mu Bufaransa, Gérald Darmanin.

    Inama y’Abepisikopi Gatolika mu Bufaransa, yasohoye itangazo rivuga ko Abayisenga yabanaga na Fr. Olivier Maire muri komine ya Saint-Laurent-sur-Sèvre ihereye mu Karere ka Vendée aho yiciwe.

    Ifoto yagiye ahagaragara, yafashwe ku ya 11 Ugushyingo 2016, yatangajwe bwa mbere n’Ikinyamakuru La Croix cya Kiliziya Gatolika, yerekana umugabo witwa Abayisenga asuhuza Papa Francis, ubwo yagiranaga umubonano n’abantu bo mu cyiciro giciriritse i Vatican.

    Iki kinyamakuru kigaruka ku rupfu rwa Fr. Maire, cyemeje ko Abayisenga ari we wabonanye na Papa nk’uko agaragara muri iyo foto, mu 2016.

    Hari mu muhuro w’abantu badakunda guhabwa agaciro wari wateguwe n’umuryango witwa Fratello, ubwo hizihizwaga Yubile y’umwaka w’impuhwe muri Kiliziya Gatolika, witabiriwe n’abo mu Bufaransa, Poland na Roma.

    Ikinyamakuru la Croix gikomeza kivuga ko icyo gihe Abayisenga yitabiriye uyu muhango avuye i Nantes ari kumwe n’itsinda ry’abandi bantu.

    Uy mupadiri yari yaramugiriye neza kuko nyuma y’aho Abayisenga afunzwe akekwaho gutwika kiliziya ya Nantes akaza gufungurwa kuko inzego z’ubutabera zasanze atari mutaraga mu mutwe, Padiri Olivier Maire yamwakiranye yombi ndetse anamuha icumbi mu nyubako z’umuryango yayoboraga. Nyuma y’ineza yamugiriye, yahisemo kumwivugana mu buryo bwa kinyamaswa.

    Abayisenga Emmanuel ubwo yahuraga na Papa Francis i Roma mu 2016

  • Kamonyi: Abiyita abahebyi bafatiwe mu kabari bari mu nama yo gucukura amabuye y’agaciro – #rwanda #RwOT

    Bafatiwe mu Murenge wa Rukoma, Akagari ka Bugoba Umudugudu wa Nyarurama.

    Umuvugizi wa Polisi mu Ntara y’Amajyepfo, Superintendent of Police (SP) Théobald Kanamugire yavuze ko abo bantu bafashwe barimo gukora inama binyuranijwe n’amabwiriza yo kurwanya icyorezo cya COVID-19 ndetse bari mu kabari, banafashwe barimo kujya inama y’uko bakomeza ibikorwa byabo byo gucukura amabuye y’agaciro binyuranijwe n’amategeko.

    SP Kanamugire yagize ati” Twari dufite amakuru ko hari itsinda ry’abantu bacukura amabuye y’agaciro mu buryo butemewe n’amategeko muri uriya murenge wa Rukoma, abo bantu biyise abahebyi. Kuri iki cyumweru nibwo umuturage yaduhaye amakuru ko abagize iryo tsinda cyane cyane abayobozi baryo bateraniye mu kabari k’uwitwa Ntwari Philbert barimo kunywa inzoga barimo kujya inama y’uko bakomeza ibikorwa byo gucukura amabuye y’agaciro. Abapolisi bahise bajyayo basanga koko abantu 10 bari mu kabari mu nama banywa inzoga.”

    SP Kanamugire yakomeje avuga ko bariya bantu bakimara gufatwa byagaragaye ko aribo bari basanzwe bacukura amabuye y’agaciro muri uwo Murenge wa Rukoma ndetse nabo barabyiyemerera. Yakomeje avuga ko bangiza ibidukikije ndetse bajya bakoresha abana imirimo ivunanye kandi bari munsi y’imyaka 18.

    Ati “Abaturage bagiye batwereka aho bacukura amabuye y’agaciro dusanga hari amashyamba ya Leta baranduye, imigezi bayungururiramo ayo mabuye yarakamye ndetse banangiza imirima y’abaturage iri hafi aho. Twari dufite n’amakuru ko bariya bantu bajya bakoresha abana bari munsi y’imyaka 18.”

    Umuvugizi wa Polisi mu Ntara y’Amajyepfo yakomeje agaragaza ko usibye no kuba bari basanzwe bakurikiranweho gucukura amabuye y’agaciro mu buryo butemewe, banafashwe baranze ku mabwiriza yo kurwanya COVID-19 kuko bari mu kabari banywa inzoga kandi muri iki gihe utubari dufunze.

    Yakomeje ashimira abaturage batanze amakuru akangurira abantu bifuza kujya mu bikorwa by’ubucukuzi bw’amabuye y’agaciro kujya bagana inzego zibishinzwe zibahe ibyangombwa. Yabakanguriye kujya bakorera mu makoperative mu rwego rwo kwirinda akajagari.

    Abafashwe bahise bashyikirizwa Urwego rushinzwe ubugenzacyaha(RIB) rukorera muri sitasiyo ya Polisi ya Rukoma kugira ngo hakorwe iperereza.

    Nyiri akabari we yajyanywe ku biro by’Umurenge wa Rukoma yibutswa amabwiriza yo kurwanya COVID-19 anacibwa amande yagenwe yo kurenga ku mabwiriza yo kurwanya COVID-19.

    Itegeko rigena ubucukuzi bw’amabuye y’agaciro na kariyeri nimero 58/2018 ryo kuwa 13/08/2018, mu ngingo ya 54 ivuga ko umuntu wese ushakashaka, ucukura, utunganya, ucukuza amabuye y’agaciro cyangwa kariyeri nta ruhushya aba akoze icyaha.

    Iyo abihamijwe n’urukiko ahanishwa igifungo kitari munsi y’amezi abiri (2) ariko kitarenze amezi atandatu (6) n’ihazabu y’amafaranga y’u Rwanda atari munsi ya miliyoni imwe (1.000.000 FRW) ariko atarenze miliyoni eshanu (5.000.000 FRW) cyangwa kimwe gusa muri ibyo bihano.

    Urukiko rutegeka kandi ubunyagwe bw’amabuye y’agaciro cyangwa kariyeri byafatiriwe biri mu bubiko, bicuruzwa cyangwa bitunganywa nta ruhushya.

  • Ikipe y’igihugu igiye gukina imikino itatu ya gicuti muri Senegal #Rwanda #RwOT via @kigalitoday #rwanda #RwOT

    Guhera taliki 24 Kanama kugeza 05 Nzeri 2021 mu Rwanda muri Kigali Arena hazabera imikino y’igikombe cya Afurika muri Basketball “FIBA Afrobasket Rwanda 2021” izabera mu Rwanda, aho ibihugu bitandukanye bikomeje imyiteguro.

    Ikipe y
    Ikipe y’igihugu ya Basketball ubwo yerekezaga muri Senegal

    Ikipe y’igihugu y’u Rwanda mu ijoro ryo ku Cyumweru yerekeje mu mujyi wa Dakar muri Senegal aho igiye gukina imikino itatu ya gicuti izahuza iyi kipe y’u Rwanda n’ikipe y’igihugu ya Senegal na Guinea zizakina nazo imikino y’Afurika ndetse n’ikipe y’abakinnyi bakina imbere muri Senegal batoranyijwe “Local Players”.

    Gahunda yose y’imikino izabera muri Dakar Arena guhera kuri uyu wa Kabiri

    Taliki 10-08-2021

    Senegal (Local Players)-Rwanda (Dakar Arena-18h00)

    Senegal-Guinea (Dakar Arena-20h30)

    Taliki 11-08-2021

    Senegal (Local Players)-Guinea (Dakar Arena-18h00

    Rwanda-Senegal (20h30)

    Taliki 12-08-2021

    Guinea-Rwanda (Dakar Arena-18h00)

    Senegal (Local Players) -Senegal (20h30)

    Urutonde rw’abakinnyi bari muri Senegal

    Gasana Kenneth Wilson Herbert, Nkusi Arnaud, Hagumintwari Steven, Nshobozwabyosenumukiza Jean Jacques Wilson, Ibeh Prince Chinenye, Ntore Habimana, Kaje Elie, Ntwari Marius Trésor, Kazeneza Emile Galois, Sagamba Sedar, Sangwe Armel, Mpoyo Axel Olenga, Shyaka Olivier, Mugabe Aristide, Williams Robeyns na Ndizeye Ndayisaba Dieudonné.

    Muri iyi mikino y’Afurika “FIBA Afrobasket Rwanda 2021”, ikipe y’u Rwanda izaba iri mu itsinda A hamwe na Angola, RDC na Cap Vert. Itsinda B ririmo Tunizia, Misiri, Central African Republic na Guinea. Itsinda C ririmo Nigeria, Cote d’Ivoire, Mali na Kenya naho itsinda D rikabamo Senegal, Cameroun, Sudani y’Amajyepfo na Uganda.

  • Rayon Sports iritaba Ferwafa kubera ikirego cya Nishimwe Blaise #Rwanda #RwOT via @kigalitoday #rwanda #RwOT

    Nyuma y’aho hashize iminsi havugwa ko Nishimwe Blaise usanzwe ari umukinnyi ukina mu kibuga hagati mu ikipe ya Rayon Sports yaba yifuzwa n’ikipe ya APR FC, ubu uyu mukinnyi yaje gufata umwanzuro wo kurega Rayon Sports muri Ferwafa.

    Nyuma yo gutanga ikirego, Ferwafa yamaze gutumira impande zose zirebwa n’iki kibazo zirimo ikipe ya Rayon Sports uyu mukinnyi asanzwe afitiye aya masezerano, ndetse na Nishimwe Blaise by’umwihariko watanze iki kirego, aho bitaba Ferwafa kuri uyu wa Gatatu.

    Nishimwe Blaise yitwaye neza muri uyu mwaka w
    Nishimwe Blaise yitwaye neza muri uyu mwaka w’imikino

    Perezida w’ikipe ya Rayon Sports Uwayezu Jean Fidèle, yavuze ko biteguye kujya kugaragaza ibikubiye mu masezerano ye kuko bibemerera kuba Nishimwe Blaise ari umukinnyi wabo mu gihe cy’imyaka ibiri isigaye.

    Yagize ati “Yasinye amasezerano y’imyaka itatu, mu kwezi kwa karindwi ni bwo yatubwiye ko hari ikipe imushaka tumwereka ko afite amasezerano muri Rayon Sporta ariko agaragaza ubushake bwo kugenda, ndetse n’umubyeyi we araza tubereka amasezerano.”

    “Yakomeje kugaragaza gushaka kugenda, tumubwira ko angenda atyo azaba yishe amasezerano kandi bizakemurwa n’inzego zibishinzwe, nyuma tuza kumworohereza tumubwira ko abwira iyo kipe ibyo twifuza, ikipe iraza iduha amafaranga make cyane ntibyakunda.”

    “Ibyo asaba muri Ferwafa ni uburenganzira bwe, ejo tuzajya muri Ferwafa turebe ibyo avuga natwe tubereke amasezerano maze turebe umwanzuro”

    Nishimwe Blaise mu nzira zisohoka muri Rayon Sports
    Nishimwe Blaise mu nzira zisohoka muri Rayon Sports

    Mu minsi yashize byavugwa ko ikipe ya APR FC yifuzaga guha Rayon Sports amafaranga abarirwa hagati ya Miliyoni 20 na 30 Frws, mu gihe Rayon Sports yo yifuzaga Miliyoni 50 Frws ariko APR FC ikanga kuyatanga.


  • Menya umuhanzi Kayitare Gaetan waririmbye ‘Gakoni k’abakobwa’ mbere ya Mavenge #Rwanda #RwOT via @kigalitoday #rwanda #RwOT

    Kayitare Gaetan ari kumwe n
    Kayitare Gaetan ari kumwe n’umukobwa bakundanaga

    Nk’uko bitangazwa n’umwe wo mu muryango we, Shumbusho Michel, Kayitare yavukiye mu yahoze ari Komini Kigoma ubu ni mu Murenge wa Ruhango mu Kagari ka Rwoga mu 1957 atabaruka mu 1994 azize Jenoside yakorewe.

    Kayitare Gaetan yavutse mu bavandimwe batandatu, inganzo ye yayikuye kuri mukuru we witwa Kimenyi, yize amashuri abanza gusa kuko ataje gukomeza amashuri yisumbuye ahubwo yagiye mu myuga akaba yarakoraga umwuga w’ubudozi, indirimbo ze zikaba zitarigeze zitambuka kuri radiyo.

    Shumbusho avuga ko Kayitare Gaetan yigiye kudoda mu kigo cyafashaga abafite ubumuga cya Gatagara, akaba ngo yari umusore w’urubavu ruto wirabura gake, wari uzi kwambara neza ugira isuku.

    Shumbusho avuga ko kugira ngo ibihangano bye bigere ku bantu yifashishaga radiyo kasete za kera ari na zo yafatiragaho amajwi, noneho indirimbo akazibika kuri izo kasete ari nazo yagendaga ahereza abantu bazimusabye cyangwa b’inshuti ze.

    Agira ati “Byasabaga gushaka umuntu umukandira ku ri kasete noneho agatangira gucuranga indirimbo yose yarangira bagahagarika agatangira iyindi bityo bityo, ariko ubu twarazishatse tuzishyira mu buryo bugezweho ni yo mpamvu zumvikana neza nta makaraza arimo ariko ni uko yakoraga izo ndirimbo ze”.

    Yitabye Imana atarashinga urugo, ariko yari afite abana batanu barimo abahungu batatu n’abakobwa babiri kandi ubu baracyariho, ariko ntabwo bakora ubuhanzi bwo kuririmba.

    Kayitare Gaetan yaje gufungwa igihe cy’ibyitso ubwo urugamba rwo kubohora Igihugu rwatangizwaga n’ingabo zari iza RPF Inkotanyi, ari na bwo yaje guhurira na Mavenge Sudi aza no kuwmigisha gucuranga gitari, ari na bwo bakundanye baba inshuti kugeza amuhaye ku bihano bye.

    Shumbusho avuga ko Mavenge Sudi yakomeje gukunda ibihangano bya Kayitare maze arabisohora ariko atabanje gusaba uburenganizra cyangwa ngo amenyekanishe ko ibyo bihangano atari ibye, ibyo bikaba binyuranyije n’amabwiriza yo kwigana ibihango by’undi.

    Shumbusho asaba ko abakunzi ba muzika Nyarwanda baba bafite amakasete ariho izo ndirimbo za Kayitare ko bazegeranya bakazikora mu buryo bugezweho kugira ngo zibe zafasha abantu mu kwidagadura kandi ikivuyemo gitunge abana yasize.

    Agira ati “Ndasaba buri wese waba yarakundanye na Kayitare Gaetan n’abo yahaye ku ndirimbo ze kuzigeza ku muryango we kugira ngo zikorwe neza, zibe zavamo icyatunga abana be batanu yasize”.

    Nyuma y’uko Shumbusho amaze kugaragaza ko ibihangano bya Kayitare byaje gutwarwa na Mavenge Sudi, uyu nawe yaganiriye na KT Radio maze yemera ko ibyo bihangano ari ibya Kayitare Gaetan koko.


  • Umuhanzi Nice Ndatabaye yasohoye indirimbo nshya “ZA MBARAGA” #rwanda #RwOT

    Nice Ndatabaye wamenyekanye mu ndirimbo nka: Umbereye maso, Waje kunkiza, Iracyakora, n’izindi. Kuri ubu yasohoye indirimbo nshya yise” ZA MBARAGA”. Mu gice cya mbere cyayo uyu muhanzi yifashije amagambo Pawulo yandikiye Abagalatiya 2:20.

    Za mbaraga ni indirimo ifite iminota itanu n’amasegonda mirongo itanu n’icyenda, yujemo amagambo yo guhamya kuzuka kwa Yesu, ndetse n’agaciro k’amaraso ya Yesu Kristo Umukiza.

    “Nabambanywe na Kristo ariko ndiho, nyamara si jye uriho, ahubwo ni Kristo uriho muri jye” Umuntu wakera yabambwe ku musaraba, ndi icyaremwe gishya muri Kristo Yesu. Nabyawe n’imbuto itabasha kubora kandi iyo mbuto ni Kristo muri njye. Za mbaraga za kuzuye mu bapfuye, n’uyu munsi zirahari kandi zirakora.

    Utigeze kumenya icyaha na kimwe, yahindutse icyaha mu kimbo cyanjye muri we mpinduka ukiranuka, ntariho umugayo imbere y’Imana. Hashimwe izina ryawe wowe waneshseje urupfu na kuzimu, Hashimwe izina ryawe wowe wamenye izina isi itarabaho

    Reba hano indirimbo “ZA MBARAGA” By Nice Ndatabaye (Official Video 2021)

    [email protected]

    Source : https://agakiza.org/Umuhanzi-Nice-Ndatabaye-yasohoye-indirimbo-nshya-ZA-MBARAGA.html

  • Umusore yahaye isomo rikomeye inkumi yashakaga kumurya amafaranga y'ubusa. – YEGOB #rwanda #RwOT

    Umusore usanzwe ari umufundi akaba umunyamuryango w'ibanze w'ishyirahamwe rya Stingy Men Association (SMA) rikora bimwe mu bikorwa bw'ubwubatsi, yanze guha inkumi amafaranga yashakaga kumurya y'ubusa ahubwo ayikoresha ikiyede.

    Umukobwa Paris Oma wo muri Ghana, yafashe icyemezo cyo kwaka umukunzi we amafaranga ngo akemure akabazo kihutirwa, umusore nawe yamubwiye ko ntakibazo amafaranga ahari agomba kumusanga aho ari gukorera akazi akayamuha. Paris Oma akigera ku cyubakwa aho umukunzi we yubakisha, yahise amuha ingorofani n'igitiyo ngo atangire akazi nawe ahembwe nk'abandi.

    Paris Oma, aho kwanga akazi yahisemo kuba umuyede asunika ingorofani akazi karangiye, ahabwa amafaranga yakaga umusore. Paris Oma yifashishije imbuga nkoranyambaga, yavuze ko ubwo yakaga umukunzi we amafaranga, yayamwemereye ariko agiye kuyafata abanza kumuha akazi k'ubuyede nk'uko ikinyamakuru Ghlinks kibitangaza.

    Source : https://yegob.rw/umusore-yahaye-isomo-rikomeye-inkumi-yashakaga-kumurya-amafaranga-yubusa/

  • Rwamagana : Umwarimu wa Primaire ari gushakishwa akekwaho gusambanya umwana agahita acika #rwanda #RwOT

    Urwego rw’Igihugu rushinzwe Ubugenzacyaha (RIB) rwanyujije ubutumwa ku mbuga nkoranyambaga nka Twitter, aruvuga ko uyu Nshimiyimana Théodore usanzwe akora umwuga w’uburezi akekwaho gusambanya umwana agahita acika.

    Icyaha akekwaho cyakorewe mu Mudugudu wa Mitari mu Kagari ka Kabatsi mu Murenge wa Rubona mu Karere ka Rwamagana tariki 05 Kanama 2021.

    Ubu butumwa bw’Urwego rw’Igihugu rushinzwe Ubugenzacyaha (RIB) bukomeza bugira buti 'Uwamubona yakwihutira gutanga amakuru y’aho aherereye kuri sitasiyo ya RIB cyangwa iya Polisi imwegereye.'

    Icyaha cyo gusambanya abana gikomeje gufata inter adore ko mu minsi yashize muri uku kwezi kwa Kanama, hari umugabo w’imyaka 50 y’amavuko uri gukurikiranwaho gusambanya umwana we w’umukobwa w’imyaka 15.

    Uyu mugabo wasambanyirije umwana we mu rutoki aho yarariraga ibitoki ngo batabyiba, yiyemerera ko yakoze kiriya cyaha ndetse ngo atabikoze rimwe cyangwa kabiri ahubwo ko ari gatatu.

    Yavuze kandi ko yabikoze kuko umugore we yari yahukanye kandi akumva atajya mu ndaya asize umukobwa we.

    Na none kandi Urwego rw’Igihugu rw’Ubugenzacyaha RIB ruherutse guta muri yombi umukozi w’Imana wo mu Itorero rya Assemblée de Dieu mu Karere ka Gisagara, aho akurikiranyweho gusambanya umwana w’umukobwa.

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Rwamagana-Umwarimu-wa-Primaire-ari-gushakishwa-akekwaho-gusambanya-umwana-agahita-acika

  • IFOTO : Bahetse imbunda bafashije abaturage gusekura…Byakoze benshi ku mutima #rwanda #RwOT

    Aba basirikare n’abapolisi b’u Rwanda basanzwe bazwiho ubuhanga ntasukirwa mu rugamba rw’amasasu, mu mpera z’icyumweru gishize, bafashe umujyi wa Mocimboa-da-Praia wari umaze igihe ari ibirindiro by’ibyihebe byayogoje Intara ya Cabo Delgado.

    Ibi byatumye abaturage bari batuye muri biriya bice ubu bari mu nkambi, biruhutsa ndetse bakaba bashima byimazeyo inzego z’umutekano z’u Rwanda zibashije kugera kuri iki gikorwa cy’ubutwari.

    Nyuma yo kwirukana biriya byihebe, abasirikare n’Abapolisi basanzwe banazwiho kugira umubano mwiza n’abaturage baba ari abo mu Rwanda ndetse n’ahandi bari mu butumwa bw’amahoro, bagiye guhumuriza abaturage bo muri kariya gace.

    Ubwo bajyagayo basanze bari mu turimo two gushaka icyo bararira nko gusekura ngo babone ifu y’ubugari, ubundi abasirikare n’abapolisi b’u Rwanda barabafasha.

    Ni amafoto n’amashusho byakoze ku mitima ya benshi kubera ubumuntu budansanzwe bugaragazwa n’inzego z’umutekano mu Rwanda.

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/IFOTO-Bahetse-imbunda-bafashije-abaturage-gusekura-Byakoze-benshi-ku-mutima