Webrwanda Backend

Author: webrwanda

  • Tidjara Kabendera yavuze ibigwi umugabo we. – YEGOB #rwanda #RwOT

    Tidjala Kabendera wamenyekanye mu biganiro bya RBA yabwiye umugabo we amagambo meza y'urukundo avuga ko ibyo burya amukundira bitabarika gusa byose abishobozwa n'Imana.

    Uyu mubyeyi wakoze itangazamakuru igihe kinini by'umwihariko mu myidagaduro ari mu rukundo n'umugabo we wa Kabiri witwa Abdul Nas Kangezi ukomoka mu gihugu cya Tanzania.

    Tidjala yashyize kuri Instagram  ifoto yabo bombi maze yandikaho ati:''Ubundi Zahabu isa neza kdi irahenze ariko kugirango igere hariya uyibonamo kariya gaciro:Bayicukura mu byondo,bakayinyuza mu muriro!ubundi ikitwa Zahabu''.

    Source : https://yegob.rw/tidjara-kabendera-yavuze-ibigwi-umugabo-we/

  • Abafana ba FC Barcelona bategereje Messi ku kibuga cy'indege I Paris ribarengeraho ataje [AMAFOTO] #rwanda #RwOT

    Aba bafana bateraniye ku kibuga cy'indege cya Le Bourget bashaka kwirebera n'amaso yabo iki gihangange kiza gusinya amasezerano muri PSG.

    Benshi bari bitwaje amatelefoni yabo kugira ngo babashe kwifatira amashusho iki cyamamare kije mu ikipe yabo ishaka UEFA Champions League byanze bikunze.

    Icyakora uyu munsi ho byakabije kuko ikipe ya PSG yajyanye imodoka zayo ku kibuga cy'indege ndetse hafi na Parc des Princes haramburwa itapi y'ikipe byatumye benshi bemeza ko uyu munyabigwi arara I Paris ariko abahanga mu gucukumbura bemeje ko akibereye I Barcelona.

    Messi kuri iki cyumweru yagiranye ikiganiro n'abanyamakuru ababwira ko atari yiteguye kuva muri FC Barcelona ariko amategeko ya La Liga yamusohoyemo ku ngufu.

    Ikinyamakuru Marca cyavuze ko hari n'abandi bafana ba FC Barcelona bagiye gutegerereza ku rugo rwa Lionel Messi kugira ngo bamusezereho.

    Ubwo yari agiye kuvuga ijambo ryo gusezera imbere y'abantu amamiliyoni bari bamukurikiye ku isi yose,Messi yahise arira cyane ndetse avuga ko atumva ukuntu agiyekuva muri Barcelona,ikipe y'ubuzima bwe.

    Ati 'Nari namaze kwemera kuguma muri FC Barcelona.Aha n'urugo rwanjye n'urugo rwacu.Nifuzaga kuguma muri Barcelona kuko niwo wari umupangu wanjye…ariko uyu munsi ndi gusezera ku buzima bwose namaze hano.'

    Ikipe ya PSG niyo ihabwa amahirwe yo kumwegukana ndetse na Messi yemeye ko ari ukuri bishoboka ko ayerekezamo.Ati 'Paris Saint-Germain birashoboka.Nta kintu turemeza ariko nakiriye telefoni nyinshi z'amakipe menshi nyuma y'aho Barcelona isohoye itangazo.Turacyavugana.'

    Messi yemeje ko yagerageje gufasha ikipe kugira ngo ayigumemo ariko ngo nta musaruro byatanze kubera amategeko ya La liga.

    Ati 'Amasezerano yanjye mashya yari yarangiye.Byose byari byarangiye.Nashakaga kuguma hano ariko ubwo nagarukaga mvuye mu biruhuko nasanze byarangiye.

    Uko niko Joan Laporta yabisobanuye.Ku munota wa nyuma kubera ibintu bya La LIGA ntabwo byakunze.Ndababaye cyane kuko sinifuzaga kuva muri iyi kipe.Nkunda Barca kandi nashakaga kuyigumamo.Amasezerano yanjye yari ateguye.

    Nakoze ibyo nari nshoboye ngo mpagume.Nta kibazo nagiranye na Barcelona mu by'ukuri.Ibintu byose byari bimeze neza kandi bari bamaze kunyemeza kuguma muri Barcelona.'





    Source : https://umuryango.rw/imyidagaduro/imikino/article/abafana-ba-fc-barcelona-bategereje-messi-ku-kibuga-cy-indege-i-paris

  • Mico The Best yafashe irembo mu muryango wum… – #rwanda #RwOT

    Turatsinze Prosper wamamaye nka Mico The Best yatangiye umuziki mu 2007, amenyekana kuva ku ndirimbo 'umuzungu' yakozwe na Producer Dj Jacques, 'Umutaka', 'Akabizu' n'izindi zakomeje izina rye mu njyana ya Afrobeat.

    Ku Cyumweru tariki 8 Kanama 2021, yatumye abamuhagarariye afata irembo mu muryango wa Clarisse bitegura kurushinga nk'uko amakuru agera kuri INYARWANDA abivuga.

    Amafoto Mico The Best n'umukunzi we Clarisse bashyize ku mbuga nkoranyambaga agaragaza abo mu muryango w'uyu muhanzi barimo mushiki we ndetse n'abo ku ruhande rwa Clarisse barimo Nyina.

    Mico The Best yashyize kuri konti ye ya Instagram ifoto igaragaza umuryango Clarisse n'umuryango we, yandika agira ati 'Umuryango.' Na Clarisse yabigenje uko!

    Ku mugoroba wa tariki 4 Nyakanga 2021, ni bwo Mico The Best yambitse impeta y'urukundo umukunzi we Clarisse bamaze umwaka urenga mu munyenga w'urukundo, amuteguza kurushinga nk'umugabo n'umugore.

    Amashusho iyi nkumi yashyize kuri konti ye ya Instagram bigaragara ko yambitswe impeta ahagana saa cyenda n'iminota 54', batangira gufata amafoto n'amashusho y'urwibutso rwabo ahagana saa cyenda n'iminota 55'.

    Clarisse yanditse kuri instagram avuga ko yabwiye 'Yego' Mico The Best, kandi yiteguye kumarana iminsi yose y'ubuzima bwe na Mico The Best.

    Mico The Best aherutse kubwira INYARWANDA, ko yakuruwe n'uburanga bw'uyu mukobwa n'umutima we bituma yiyemeza kurushinga nawe.

    Yavuze ko Clarisse ari umukobwa uzi gushishoza kandi uca bugufi, byasunikiye umutima we kumugira umufasha we mu minsi ashigaje ku Isi.

    Clarisse wambitswe impeta na Mico The Best, yamuritse imideli anakina muri filime 'Cow Boy' y'umunyemari Bad Rama, ndetse amakuru avuga ko uyu mukobwa yasoje amasomo ye mu gihugu cy'u Bushinwa mu 2019.

    Ku Cyumweru Mico The Best yafashe irembo mu muryango wa Clarisse bagiye kurushingaMico The Best na Clarisse banditse bavuga bati 'umuryango' Tariki 4 Nyakanga 2021, ni bwo Mico The Best yambitse impeta y'urukundo umukunzi we Clarisse 

    Mico The Best aritegura gukora ubukwe na Clarisse, igihe cyose ingamba zo kwirinda Covid-19 zizaba zorohejwe


    Source : https://inyarwanda.com/inkuru/108449/mico-the-best-yafashe-irembo-mu-muryango-wumukunzi-we-bagiye-kurushinga-amafoto-108449.html

  • Pastor Bugembe yizihije isabukuru mu buryo bu… – #rwanda #RwOT

    Ku Cyumweru tariki 08 Kanama ni bwo Pastor Wilson Bugembe, Umushumba Mukuru w’Itorero Worship House Nansana, yujuje imyaka 37. Buri mwaka, ku isabukuru ye y’amavuko, Wilson Bugembe akora igikorwa cy’urukundo agashima Imana iba imwongereye umwaka wo kubaho. Ni na ko byagenze ku isabukuru ye yo muri uyu mwaka aho yahaye abaturage baturanye nawe ibikoresho byo kwirinda Covid-19 ndetse anatanga ibyo kurya ku miryango itishoboye. Iki gikorwa cyakoze ku mitima ya benshi bamusabira umugisha ku Mana banasaba abandi kumufatiraho urugero.

    Pastor Bugembe yatanze ibiribwa ku batishoboye mu gushima Imana yamwongereye iminsi yo kubaho

    INKURU WASOMA: Pastor Bugembe yahishuye ko yatindijwe gushaka n'igikomere yatewe n'umukobwa uba muri Amerika wamuteye indobo

    Wilson Bugembe, umupasiteri ukiri ingaragu wakuriye mu buzima bw’ubupfubyi dore ko ababyeyi be bapfuye akiri umwana muto, yanyuze ku rukuta rwe rwa Instagram, agaragaza ko isabukuru ye y’amavuko ari umunsi w’amashimwe kuri we kuko atiyumvishaga ko yageza iki gihe akiriho. Yavuze ko imyaka 37 yujuje ari ishimwe rikomeye ku Mana na cyane ko ababyeyi be batabashije kuyigeza dore ko Se yitabye Imana ku myaka 33 naho nyina akitaba Imana ku myaka 27. Ibi bisobanuye ko ubwo Wilson Bugembe yari afite imyaka 4, ari bwo Se yitabye Imana, hanyuma ku myaka 10 akagira ibyago byo gupfusha nyina. Nyuma yaho yabaye mu buzima bushaririye ajya no ku muhanda.

    Pastor Bugembe ati “Sinatekerezaga ko naba ndi hano na cyane ko imyaka y’ubuto bwanjye yaranzwe cyane no kubona abantu benshi bapfa barimo n’ababyeyi banjye. Ndashima Imana ku bw’ubuzima bwanjye”. Yavuze ko ibanga rimufasha muri byose ari uko 'yabaye inshuti n’Intare', aha akaba yavugaga 'Yesu Kristo”. Mu gushima Imana ku bwa byinshi yamukoreye, buri mwaka ku isabukuru ye akora igikorwa gikomeye cy’urukundo agasangira n’abatishoboye nk’uko uyu mupasiteri yabitangaje akoresheje imbuga nkoranyambaga ndetse bikagarukwaho n’ibinyamakuru byo muru Uganda.

    Nk’uko twabikomojeho haruguru, muri uyu mwaka Bugembe yatanze ibiribwa ku batishoboye anatanga ibikoresho byo kwirinda Covid-19 ku bantu bamugaye ndetse n’abasaza batuye muri Nansana. Ku munsi we w’isabukuru, hari abantu benshi cyane bari bishimiye kwifatanya nawe ibi birori. Mu bitabiriye, harimo n’abahanzi b’ibyamamare muri Uganda nka Fresh kid, Spice Diana, Patricia wa Ghetto Kids na Catherine Kusasira. Mu ijambo rye yatangiye mu rusengero ku munsi w'amavuko, Bugembe yasabye abantu bose bafite icyo batanga, gufasha abatishoboye muri ibi bihe bitoroshye bya Covid-19 cyane cyane bagafasha abamugaye n'abakene.

    Wilson Bugembe ni umupasiteri ubifatanya n’umuziki ndetse magingo aya afatwa nka nimero ya mbere mu bahanzi ba Gospel bakunzwe cyane dore ko ari nawe watoranyijwe mu 2020 ngo yakire kuri stage icyamamare Don Moen i Kampala. Mu muziki, akunzwe mu ndirimbo; Wanaaza ft Rhoda K, Mukama njagala kumanya, Ebintu bya Mukama bibuza buza, Ani?, Tembeya Njiri, Bamuyita Yesu, Amen, Ojanga nosaba ft Bobi Wine, Yellow (Yabaswaza) n’izindi. Hejuru y’ibyo ni n’umuvugabutumwa mwiza akaba n’inshuti y’akadasohoka y’ibyamamare byo muri Uganda. Aheruka mu Rwanda mu 2019 mu gitaramo yari yatumiwemo na Kingdom of God Ministries. Afitanye indirimbo ‘Living water’ n’umuhanzikazi nyarwanda Beza Deborah.

    Buri mwaka ku isabukuru ye y’amavuko akora igikorwa cy’urukundo

    Bugembe niwe wakiriye Don Moen kuri stage y’i Kampala

    Pastor Bugembe akunzwe n’abatari bacye muri Uganda

    REBA HANO ‘OMWOYO’ INDIRIMBO NSHYA YA WILSON BUGEMBE

    REBA HANO INDIRIMBO ‘LIVING WATER’ YA BEZA DEBORAH FR BUGEMBE

    Source : https://inyarwanda.com/inkuru/108445/pastor-bugembe-yizihije-isabukuru-mu-buryo-budasanzwe-afasha-abatishoboye-amagana-abaha-ib-108445.html

  • Takeshoot yabazaniye poromosiyo yuburyo bw… – #rwanda #RwOT

    Muri icyi gihe icyorezo cya Covid-19 cyafashe indi ntera ku buryo ibirori, ubukwe, inama, ibitaramo, insengero, gushyingura no gufata mu mugongo ababuze ababo mu gikorwa cyo gushyingura biri kuba ingorabahizi aho bimwe bifunze ibindi hakitabira bake hakurikizwa ingamba zo kwirinda icyorezo cya Covid-19; Takeshoot yazanye igisubizo ku bifuza kudacikanwa n'ibyo bikorwa kuko irabibereka imbonankubone nk'aho bahibereye.

    Izi service mu rwego rwo kugira ngo zigere kuri buri wese mu bushobozi bwe kandi hanirindwa icyorezo cya Covid-19, Takeshoot yifuje gutanga umusanzu wayo mu guhangana n'icyi cyorezo aho yashyizeho igabanyirizwa kuri buri wese ku bushobozi bwe akanabasha kwereka umuryango ndetse n'inshuti ibiri kuba imbonankubone.

    Mu kiganiro na InyaRwanda, umuyobozi wa Takeshoot Masengesho Christopher uzwi nka Kitoko yasobanuye serivise zimwe na zimwe ndetse n'uburyo bagiye gufasha abantu batandukanye imbonankubone bibereye iwabo.

    Yagize ati: 'Harimo inama dore ko muri iki gihe bitemewe ko abantu bose bitabira inama imbonankubone, kandi tukabafasha no mu gushyingura dore ko muri iki gihe ababuze ababo batabasha kumuherekeza bose uko babishakaga ariko tubafasha gukurikirana umuhango wo gushyingura bibereye iwabo kandi barushaho no kwirinda iki cyorezo cya covid-19.''

    Ukeneye serivisi zabo, wabahamagara kuri numero 0788520002 cyangwa se mukabandikira kuri e-mail: 

    [email protected]

    [email protected]


     Takeshoot ni abahanga mu buryo bwo gufata biri kuba imbonankubone


    Source : https://inyarwanda.com/inkuru/108440/takeshoot-yabazaniye-poromosiyo-yuburyo-bwo-gukurikirana-imbonankubone-ibikorwa-byateguwe–108440.html

  • Hollywood:Umunyamideli Ishimwe Manoa yatangi… – #rwanda #RwOT

    Ishimwe Manoa ni umunyarwanda w’Umunyamulenge  uba muri Leta Zunze Ubumwe za Amerika, mu gace kazwi cyane ku myidagaduro ka Hollywood. Ni Umuhanzi akaba n’umunyamideli. Ishimwe Manoa, akomeje kwerekana imbaraga n’umurava mu byo akora nk’ibizamugeza ku rundi rwego yifuza kugeraho aho  ubu ari guhembwa na PUMA.

    Ishimwe Manoa aganira na InyaRwanda yavuze ko ubu yamaze kuba umukozi wa PUMA nk’umwe mu bantu b’abanyamideli bari mu bukangurambaga bwa PUMA mu kuyimenyekanisha biciye ku mbuga nkoranyambaga. Manoa avuga ko usibye kuba ari gukorana na PUMA, n’izindi Kompanyi zikomeye azakorana nazo abikesha kumurika Imideli i Hollywood. 

    Mu minsi iri imbere, Ishimwe Manoa yavuze ko afite byinshi cyane, abakunda umuziki we bazishima, nk’ahantu naho ashyiramo ingufu cyane. Yagize ati: “Nk’umunyamideli ubu noneho ndi guhembwa na PUMA  mbakorera model nambaye PUMA bakampemba, ibyiza biri imbere; mu minsi ya vuba kandi mfite byinshi nzashyira ahagaragara bigendanye na muzika n’imideli”.

    Mu gihe ushaka ibikorwa kugura imyambaro ya PUMA ,Ishimwe Manoa aba yamamaje , ukanda hano

    https://us.puma.com/en/us/puma/back-to-school

    https://theeditorialqc.com/webitorials/2021/4/29/citrus-state?rq=Ishimwemanoa

    Source : https://inyarwanda.com/inkuru/108444/hollywoodumunyamideli-ishimwe-manoa-yatangiye-gukorana-na-puma-108444.html

  • Aborozi n’abayobozi ntibavuga rumwe ku kwishyura ibyangijwe n’inka zizerera #Rwanda #RwOT via @kigalitoday #rwanda #RwOT

    Inka zafashwe zizerera zigomba kubanza kwishyura amande n
    Inka zafashwe zizerera zigomba kubanza kwishyura amande n’ubwone mbere yo kurekurwa

    Mu gitondo cyo kuri uyu wa Mbere tariki ya 09 Kanama 2021, inka 33 zafatiwe mu mudugudu wa Mirama ya mbere, Akagari ka Nyagatare mu Murenge wa Nyagatare zoneye abaturage.

    Bambasi Fred umwe muri ba nyiri inka avuga ko bagerageje kumvikana n’abaturage bonewe ariko na none bagize imbogamizi kuko habuze ubahuza kandi bageze mu buyobozi.

    Ati “Inka zafashwe saa mbiri za mu gitondo, ubu ni saa munani, turi kumwe n’abaturage bonewe imyumbati, twabuze umuyobozi waduhuza nabo. Inka ntizarishije, ntizanyoye, ubu bwo ni zipfa turabaza nde?”

    Akomeza agira ati “Ubu mvuganye na gitifu w’umurenge ibyo ambwiye ndumva bidashoboka, ngo turishyura abaturage ubwone, tunishyure amande yo kuzerereza amatungo. None se ko twoneshereje abaturage kuki atari bo twishyura, amande yo aza mu buhe buryo?”

    Bambasi Fred avuga ko aho inka zafatiwe atari mu mujyi ku buryo bakwiye kwakwa amafaranga y’amande yo kuzerereza amatungo.

    Agira ati “Inka zafatiwe hano mu gakombe munsi y’umusozi wa Mirama, aho si mu mujyi ku buryo twacibwa ayo mande. Ariko na none kuki batadufasha tukishyura kimwe, niba ari abaturage cyangwa umurenge”.

    Ubuyobozi ntibubivugaho rumwe

    Umunyamabanga Nshingwabikorwa w’Umurenge wa Nyagatare, Ingabire Jenny, avuga ko bagomba kwishyura abaturage ndetse bakishyura n’amande yo kuzerereza amatungo.

    Yagize ati “Aho zanyuze zangije ibikorwa remezo mbere yo kujya mu mirima y’abaturage, barariha ubwone noneho n’izari mu muhanda zitange amande ya 20,000Frs kuri buri nka”.

    Aha ariko ntiyasobanuye izari mu muhanda ndetse n’izoneye abaturage ahubwo zose zigomba gucibwa amande ndetse na ba nyiri imirima bakishyurwa.

    Ba nyiri imirima yonwe banze kugenda batarishyurwa ubwone bw
    Ba nyiri imirima yonwe banze kugenda batarishyurwa ubwone bw’imyaka yabo

    Umuyobozi w’Akarere ka Nyagatare, Mushabe David Claudian, avuga ko iyo kuzerereza amatungo hajemo koneshereza abaturage hishyurwa abaturage, amande yo kuzererezwa ntabarwe.

    Ati “Izo nka iyo zoneye abaturage birumvikana ntabwo duca amande y’inka zizerera, imyaka yonwe ihabwa agaciro”.

    Na ho kuba inka zafungwa n’ubuyobozi, Meya Mushabe avuga ko bishobora kuba byatewe n’uko nyirazo ashobora kuba ataraza ngo akemure ikibazo cyangwa hari indi mpamvu kuko atazi icyo kibazo.

    Mu gufata izo nka kandi hagaragayemo imirwano aho abashumba bari baziragiye bahanganye n’abakora irondo ry’umwuga (Inkeragutabara), umushumba umwe we bigaragara ko yababaye ku buryo ubwo twakoraga iyi nkuru bivugwa ko yari yagiye kwa muganga.


  • #rwanda #RwOT

    Source : https://umuryango.rw/amakuru/mu-rwanda/umutekano/article/huye-umugore-yakubise-umugabo-we-amuhora-ko-yasohotse-mu-rugo-atamusabye

  • Umunyarwanda w'impunzi mu Bufaransa biravugwa ko yishe Padiri #rwanda #RwOT

    Umunyarwanda w'impunzi ucyekwaho gukongeza umuriro washegeshe Kiliziya Nkuru yo mu mujyi wa Nantes mu mwaka ushize wa 2020, kuri uyu wa mbere yishe umupadiri gatolika mu burengerazuba bw'Ubufaransa, nkuko bivugwa na Minisitiri w'ubutegetsi bw'igihugu n'umuntu uri gukurikiranira hafi iperereza.

    Kuri Twitter, Minisitiri w'ubutegetsi bw'igihugu w'Ubufaransa Gérald Darmanin yanditse ati:' Nifatanyije n'abanyagatolika bose bo mu gihugu cyacu nyuma y'iyicwa ridasanzwe rya padiri mu karere ka Vendée', avuga ko yerekejeyo.

    Umuntu uri bugufi y'abakora iperereza, wavuze ari uko amaze kwemererwa ko izina rye ridatangazwa, yabwiye BBC dukesha iyi kuru ko mbere yaho umugabo yari yagiye kuri Polisi ikorera mu mujyi wa Mortagne-sur-Sèvre akavuga ko yishe padiri.

    Yongeyeho ko uwo mugabo yari asanzwe akurikiranirwa hafi n'ubucamanza ku bijyanye n'inkongi yibasiye Katederali ya Nantes mu kwezi kwa karindwi mu 2020.

    Uwo muntu watanze amakuru yavuze ko uwo Padiri, wari ufite imyaka 60, hari hashize amezi menshi aha ikaze uwo mugabo muri Kiliziya ye. Uwo mugabo, watangajwe nka Emmanuel A., yemeye ko ari we watwitse Kiliziya ya Nantes yubatse mu buryo bw'inyubako ndende z'ibirahure byijimye zo mu kinyejana cya 12 — buzwi nka 'gothic' (gothique).

    Itwikwa ryayo ku itariki ya 18 y'ukwezi kwa karindwi mu 2020 ryatumye Ubufaransa bushya ubwoba. Mbere yari yabaye afunzwe, nyuma aza kurekurwa akajya akurikiranirwa hafi n'ubucamanza.

    Marine Le Pen, umunyapolitiki w'ibitekerezo bikarishye, yashinje Leta kugira intege nke ku bijyanye n'abimukira, ashaka gufatirana ibyo byabaye, avuga ko mu Bufaransa 'ushobora kubaho rwihishwa, ugatwika katederali, ntiwigere na rimwe wirukanwa mu gihugu, ugakora ubusubiracyaha wica padiri'.

    Minisitiri Darmanin yahise amushinja 'guteza impaka atazi ibyabaye', avuga ko uwo mugabo atashoboraga kwirukanwa mu Bufaransa mu gihe cyose yari agikurikiraniwe hafi n'ubucamanza.

    Ikibazo kijyanye n'abimukira cyitezweho kuba ingingo ikomeye izagarukwaho ubwo mu matora yo mu mwaka utaha Le Pen azaba ahatanye na Perezida Emmanuel Macron wo mu murongo wa politiki w'ibitekerezo byo hagati na hagati.

    Ishya rya Katederali ya Nantes ryabaye hashize amezi 15 umuriro wibasiye Katederali ya Notre-Dame i Paris, bituma habaho kwibaza ku mpungenge ku mutekano w'izindi Kiliziya zo mu Bufaransa zibumbatiye amateka ya kera.

    Nubwo abazimya inkongi bashoboye guhagarika umuriro kuri Kiliziya ya Nantes hashize amasaha abiri gusa bakarokora igice cy'ingenzi cyayo, igice kizwi cyane cyayo cyo guhera mu mwaka wa 1621 cyari cyararokotse impinduramatwara yo mu Bufaransa n'ibisasu byo mu ntambara ya kabiri y'isi, cyo cyarasenyutse.

    Ibindi byangijwe n'iyo nkongi birimo imitako y'agaciro kanini n'amarangi yayo, harimo n'igishushanyo cyakozwe n'umunyabugeni Jean-Hippolyte Flandrin wo mu kinyejana cya 19, n'amadirishya yijimye yari afite ibisigarira byo mu kinyejana cya 16. Byitezwe ko gusana iyo Kiliziya bizamara imyaka myinshi.

    Uwo Munyarwanda usaba ubuhungiro ukekwaho kwica Padiri, mu mwaka ushize yemeye ko ari we watwitse Kiliziya ya Nantes.

    Uwo mugabo, Umunyarwanda usaba ubuhungiro wari umaze imyaka myinshi aba mu Bufaransa, yari asanzwe akora nk'umukorerabushake kuri iyo Kiliziya.

    Munyaneza Theogene / intyoza.com

    Source : https://www.intyoza.com/umunyarwanda-wimpunzi-mu-bufaransa-biravugwa-ko-yishe-padiri/

  • Kamonyi-Ngamba: Umugabo yapfuye yishwe n'ikirombe atwererwa ko yari umuhebyi/umujura #rwanda #RwOT

    Siboniyo Janvier w'imyaka 28 y'amavuko, akaba umuturage wo mu Murenge wa Ngamba, Akagari ka Kazirabonde, Umudugudu wa Gatare, kuwa Gatandatu ku I saa mbiri n'igice z'igitondo yaguye mu kirombe cya Kompanyi KOMIKA ikora ubucukuzi bw'amabuye y'agaciro. Nyuma yo gupfa, yaba KOMIKA, yaba n'ushyirwa mu majwi ko yamukoreshaga bose baramwihakana, bakavuga ko yari umujura/umuhebyi. Umugore w'uyu nyakwigendera ashimangira ko umugabo we yari asanzwe ari umucukuzi uzwi, ko atari umuhebyi.

    Kuba umucukuzi yagwa mu kirombe agatwererwa kwitwa umujura cyangwa se umuhebyi, ni imvugo isanzwe akenshi ikoreshwa mu bucukuzi bw'amabuye y'agaciro kuko kenshi banyiri ibirombe baba bahunga amakosa yabashyirisha mu ngorane zirimo gukurikiranwa mu butabera no kugira ibyo bishyura. Aha akenshi hanatangwa ruswa mu buryo butandukanye ndetse na benshi mu batuma bimenyekana bagasabwa guceceka cyangwa se kugira imvugo imwe, uwapfuye akitwa umujura/umuhebyi.

    Kompanyi ya KOMIKA isanzwe ikora ubucukuzi bw'amabuye y'agaciro mu birombe biri mu Murenge wa Rukoma na Ngamba, amakuru agera ku intyoza.com ni ay'uko uruhushya rwo gucukura bari bafite rwarangije igihe ariko bakaba baratse urundi. Mu kirombe cyayo kiri mu Murenge wa Ngamba ari naho haguye uyu muturage, ntabwo iyi Kampanyi yemera ko uyu mucukuzi imuzi, bamwita umujura/ umuhebyi.

    Joshua Muyenzi uyobora KOMIKA, ku murongo wa Terefone yabwiye intyoza.com ko umuturage wapfuye aguye mu kirombe cy'iyi Kampanyi ari umuhebyi. Ati'…Si nzi, hari umuhebyi wahaguye. Ni umuhebyi ntabwo ari umukozi, ni babandi baba baje kwiba. Amakuru nuko namenye yuko hari umuntu waguyemo, nsanga ni umuntu tutazi'. Akomeza avuga ko nta n'umuntu bazi wacukuraga muri iki kirombe.

    Umugore wa Nyakwigendera witwa Nyiramisigaro Valerie, ahamya ko umugabo we yari umucukuzi uzwi ndetse ko ariko kazi yakoraga mu kirombe cya KOMIKA. Ashimangira ko yakoreraga uwitwa Dushimimana Claude uhacukura, ko ndetse ari bo bafashije mu kwishyura imodoka yabatwaye umugabo we amaze gupfa. Ntabwo yumva impamvu bamwihakana kandi bamukoreshaga.

    Gusa, akeka ko guhakana ko umugabo we yari umukozi uzwi bishingiye ku gushaka guhisha ukuri no gukwepa kugira icyo bamarira umuryango wa nyakwigendera. Avuga kandi ko mu rukerera rw'umunsi uyu mugabo we yapfuye uyu mukoresha yari yamuhamagaye amusaba kwihuta akaza bakajya mu kazi. Anavuga ko uyu nyiri ikirombe yabwiye abakoranaga na Nyakwigendera ngo bazavuge ko bahebaga ngo bitazamuteza ingaru, ngo ni birangira azabagurira akantu. Uyu mukoresha ngo yanagiraga Butiki aho umugore wa Nyakwigendera yajyaga afata ibyo akeneye mu rugo, hanyuma umugabo bamuhemba bakamukata ay'ibyo batwaye.

    Majyambere Samuel, Umunyamabanga NShingwabikorwa w'Umurenge wa Ngamba avuga ko amakuru yahawe ari uko uyu muturage waguye mu kirombe yari umuhebyi. Gusa ashimangira ko uwamukoreshaga ku makuru yahawe ari uwitwa Claude.

    Dushimimana Claude ushyirwa mu majwi ko ariwe ucukuza amabuye y'agaciro muri iki kirombe cya KOMIKA, umugore wa Nyakwigendera ahamya ko mu rukerera rwo kuwa Gatandatu yahamagaye umugabo we( Nyakwigendera) ngo abanguke mu kazi ( gucukura). Ushyirwa mu majwi ubwo umunyamakuru yamuhamagaraga yabanje kwirenga ararahira ko ntaho azi iby'amabuye n'ubucukuzi, ko we icyo akora ari Butiki afite, ko acuruza.

    Nyuma y'ikiganiro kirekire n'umunyamakuru wamuhaga ingero zo kuba ariwe ucukura muri iki kirombe, ko ndetse we n'abo bafatanya bagombaga guhemba abakozi kuri iki cyumweru, ko yahamagaye nyakwigendera mu rukerera, ko umugore yajyaga ajya no gufata ibyo akeneye kuri Butiki, ko baziranye neza…, yavuze ko icyo yemera ari uko Nyakwigendera yari inshuti, ko amuhamagara mu rukerera atari uko yamukoreshaga, ahubwo ko nk'umuntu wabikaga ibikoresho iwe yamubyutsaga ngo hacyeye.

    Ubucukuzi bw'amabuye y'agaciro mu karere ka Kamonyi bukorerwamo byinshi binyuranije n'amategeko cyane ko byinshi mu birombe bikoreshwa n'abatagira ibyangombwa. Hari ruswa n'abakomeye babibarizwamo ku buryo benshi bashyira mu majwi ikigo gifite ubucukuzi mu nshingano n'abakozi bacyo kugira uruhare mu guha icyuho ubucukuzi butagira ibyangombwa, bashingiye kuri ruswa n'itonesha ndetse n'ikimenyane ngo bishobora kuba biha bamwe indonke zituma hari aho baryamira ukuri.

    Ikindi kivugwa cyane ni uburyo bw'itangwa ry'impushya cyangwa se ibyangombwa by'ubucukuzi, aho usanga hari abafite indani zikoze neza cyangwa se baratunganije ibyo basabwa bakimwa ibyangombwa nyamara ku rundi ruhande wagera ahitwa ko hahawe ibyangombwa ugasanga ntacyo harusha ababyimwe. Bakavuga ko kudatanga impushya nabyo biri mu bikomeza ubucukuzi butubahirije amategeko kuko benshi mu bajya mu birombe ngo ni abaturage bahakuriye aribyo bibatunze. Bamwe mu bashoye imari ngo kenshi ntabwo bazi iby'ubucukuzi uretse gusarura amafaranga batitaye ku buzima bw'abamanuka mu nda y'isi gushaka ayo mabuye. Hari n'abantu ku giti cyabo bitwikira umutaka wo gukora amakoperative, ugasanga abitwa abanyamuryango ntacyo bakuramo, ahubwo kuko ubashyira imbere abasha kwigerera aho ashaka, n'uruhushya ngo rurashira akagenda yitwaje izina cyangwa se amakoro ku bamufasha.

    Munyaneza Theogene / intyoza.com

    Source : https://www.intyoza.com/kamonyi-ngamba-umugabo-yapfuye-yishwe-nikirombe-atwererwa-ko-yari-umuhebyi-umujura/