Webrwanda Backend

Author: webrwanda

  • ICI C'EST MESSI!!! PSG yatangaje ku mugaragaro Lionel Messi nk'umukinnyi wayo mushya inamuha nimero atazwiho [AMAFOTO] #rwanda #RwOT

    Umunyabigwi Lionel Messi yamaze gusinyira ikipe ya PSG amasezerano y'imyaka 2 ashobora kwiyongeraho umwe ndetse azajya yambara No 30 mu mugongo nubwo yari amenyerewe kuri nimero 10.

    Lionel Messi wari umaze imyaka 21 muri FC Barcelona,yerekeje i Paris uyu munsi aho yasinye amasezerano mashya ndetse ahita yambara umwambaro w'iyi kipe iyoboye izindi mu Bufaransa.

    Akimara gusinya yagize ati “Mpanze amaso gutangira ubuzima bushya mu mwuga wanjye hano I Paris.Ikipe n'intego zayo bihuye neza cyane n'ibyanjye.Ndajwe ishinga no kubaka ikintu gikomeye kuri iyi kipe n'abafana bayo.Sinjye uzabona nteye intambwe yerekeza mu kibuga cya Parc des Princes.'

    Messi w'imyaka 34 agiye kuzajya ahembwa miliyoni 35 z'amayero buri mwaka muri PSG ndetse azanwe kugira ngo aheshe iyi kipe igikombe cya UEFA Champions League itaratwara mu mateka yayo.

    Kuri uyu wa Gatatu nibwo Lionel Messi arerekwa itangazamakuru ndetse ariganirize byinshi ku kazi ke muri PSG.

    Messi na Neymar bagiye gukinana ku nshuro ya kabiri nyuma yo kubana muri FC Barcelona hagati ya 2013 na 2017, yagaragaye asa n'uwemeza ko byarangiye, aho yashyize hanze ifoto ari kumwe na Messi, ayikurikiza amagambo agira ati 'Turasubiranye'.

    Ubwo bari kumwe i Camp Nou, batwaye ibikombe bibiri bya La Liga, Copa del Rey eshatu na UEFA Champions League.


    Source : https://umuryango.rw/imyidagaduro/imikino/article/ici-c-est-messi-psg-yatangaje-ku-mugaragaro-lionel-messi-nk-umukinnyi-wayo

  • Itangazo: Uwitwa NAKABONYE Sifa yasabye guhindura amazina akitwa UWINEZA Sifa #rwanda #RwOT

    Uwitwa NAKABONYE Sifa yasabye guhindura amazina mu buryo bwemewe n'amategeko akitwa UWINEZA Sifa mu bitabo by'irangamimerere.

    Impamvu atanga zituma asaba guhindura amazina akaba ari uko ari izina riteye ipfunwe.

    Ingingo z'ingenzi yashingiyeho asaba inzego zibishinzwe guhindura amazina zikaba ziri hano hasi:

    Source : https://umuryango.rw/amatangazo/article/itangazo-uwitwa-nakabonye-sifa-yasabye-guhindura-amazina-akitwa-uwineza-sifa

  • Mu Rwanda abantu 911 bamaze kwicwa na #COVID19 #Rwanda #RwOT via @kigalitoday #rwanda #RwOT

    Abantu 13 bitabye Imana kubera icyo cyorezo, bituma umubare w’abamaze gupfa bose uba 911. Abitabye Imana ni bagore 8 n’abagabo 5.

    Iyo Minisiteri yatangaje kandi ko ku wa Kabiri abasezerewe mu bitaro ari 22 mu gihe ababyinjiyemo bashya ari 14, abarembye ni ni 41.

    source : https://ift.tt/3s6Lw3X

  • Ikipe y'igihugu ya South Sudan yamaze gusesekara i kigali yitegura FIBA Afrobsaket 2021 #rwanda #RwOT

    South Sudan  ni yo kipe ya mbere yageze mu Rwanda aho igomba kwitabira irushanwa rya afrobasket izabera muri Kigali kuva tariki 24 Kanama kugeza 5 Nzeri 2021.  .Amavubi: U20 yabagore yahamagawe nyuma y'igihe kinini itagaragara Iyi kipe ikaba ariyo yambere isesekaye mu Rwanda kugira ibanze yitegure irushanwa neza, South Sudan mukarere ikaba arimwe mu makipe y'ibihugu […]

    The post Ikipe y'igihugu ya South Sudan yamaze gusesekara i kigali yitegura FIBA Afrobsaket 2021 appeared first on Kigalinews24.

    Source : https://kigalinews24.com/2021/08/10/ikipe-yigihugu-ya-south-sudan-yamaze-gusesekara-i-kigali-yitegura-fiba-afrobsaket-2021/

  • Umugabo yarize ayo kwarika kubera pasiteri wamutwariye umugore avuga ko ari umwuka wera wabimutegetse #rwanda #RwOT

    Umugabo witwa Bright Ben, ukomoka muri Nigeria,yarize amarira yo kwarika nyuma y'aho pasiteri we witwa Moses Adeeyo amutwariye umugore basezeranye mu mategeko witwa Tina Adeeyo,yitwaje ko ari umwuka wera wabimutegetse.

    Uyu mugabo yavuze ko Pasiteri yabeshye ko yabwiwe n'Imana kwegukana Madamu Tina niko kumwegukana bajya kwibanira.

    Abinyujije kuri Facebook yagize ati 'Umupasiteri wo ku rusengero rwacu yantwariye umugore abeshya ko ari umwuka wera wabimusabye.'

    Yakomeje ati 'N'ubusambanyi.Nubwo biteye isoni kubivuga,ibi n'ukuri.Pasiteri wanjye yantwariye umugore.Nari maze imyaka 12 nshyingiranwe na Tina,dufitanye abana 2,umuhungu n'umukobwa.

    Twashyingiranwe gakondo ni ibya kizungu hanyuma ndamutwara njya kumwereka pasiteri Moses Adeeyo.'

    Uyu mugabo yavuze ko ubwo yari yagiye mu kazi,umugore we yafashe abana be arabatwara yisangira uyu mupasiteri byatumye ata umutwe ubwo yari agarutse mu rugo akabashaka akababura,bigatuma ashakira hose.

    Ubwo yabonaga amafoto y'umugore we ari mu munyenga w'urukundo n'uyu mupasiteri,yamubajije impamvu yamutwariye umugore undi amusubiza ko umwuka wera ariwo wabimusabye.

    Uyu mupasiteri n'uyu mugore w'abandi bakoze ubukwe kuwa 08 Kanama 2021.

    Pasiteri Moses Adeeyo ni pasiteri mukuru wa Word Bank Assembly International Church.Yatandukanye n'umugore we kugeza ubwo yiyemeje kwitwarira Tina bashyingiranwe.

    Source : https://umuryango.rw/ubuzima-115/udushya/article/umugabo-yarize-ayo-kwarika-kubera-pasiteri-wamutwariye-umugore-avuga-ko-ari

  • Mu mwambaro wa Visit Rwanda, Miss Sonia Rolland yagaragaje ko ari mu bari bategereje Messi i Paris(AMAFOTO) #rwanda #RwOT

    Mu mwambaro wa Visit Rwanda, Nyampinga w’u Bufaransa 2000, umunyarwandakazi Sonia Rolland yasabye abantu ko mu ihe bategereje Lionel Messi ugiye gusinyira ikipe ya Paris Saint Germain gusura u Rwanda.

    Kuva k’umunsi w’ejo hashize ibihumbi by’abantu mu Bufaransa bari bategereje umunyabigwi muri ruhago ukomoka mu gihugu cya Argentine, Lionel Messi ni nyuma yo kwemeza ko nyuma yo gutandukana na FC Barcelona indi kipe ashobora gusinyira ari PSG.

    Abinyujije ku rukuta rwe rwa Instagram, Miss Sonia Rolland yashyizeho amafoto abiri yambaye Jersey ya PSG yanditseho Visit Rwanda nk’umuterankunga w’iyi kipe, asaba abantu gusura u Rwanda.

    Ati “mu gihe dutegereje Messi. Sura u Rwanda (Visit Rwanda).”

    Ku gicamunsi cyo kuri uyu wa Kabiri tariki ya 10 Kanama 2021 nibwo Lionel Messi yafashe rutimikerere we n’umuryango we(Umugore n’abana) bava muri Espagne berekeza mu Bufaransa aho uyu mukinnyi agiye kurangizanya na Paris Saint Germain(PSG).

    Messi yageze mu Mujyi wa Paris afotorwa yambaye umupira w’umweru wanditseho ‘Ici c’est Paris’.

    Ni mu gihe ikipe ya Paris Saint Germain yashyize kuri Twitter yayo amashusho agaragaza Ballon d’Or 6 zimaze kwegukanwa n’uyu rutahizamu.

    Ibi byose bikaba bigagaragaza ko bisa n’ibyarangiye uyu mukinnyi agiye gukinira PSG hasigaye gusinya gusa.

    Bivugwa ko azahembwa miliyoni 53£ ku mwaka, bityo akazajya ahembwa miliyoni 1£ ku cyumweru. Azaba ari mu bishyura umusoro wa 45% mu Bufaransa, asigarane ibihumbi 550£ ku cyumweru.

    Agiye muri FC Barcelona aho asanze Neymar Jr bakinanye muri FC Barcelona mbere y’uko ayivamo muri 2017.

    👀 pic.twitter.com/y5IbqL69Z4

    — Paris Saint-Germain (@PSG_inside) August 10, 2021

    Mu mwambaro wa Visit Rwanda, Sonia Rolland yari ategereje Messi

    Se wa Messi yari agoswe n’itangazamakuru rimubaza ahazaza ha Messi

    Messi n’umugore we mu ndege berekeje i Paris

    Messi n’umuryango we baraye i Paris

    Yageze i Paris yambaye umupira wanditseho ‘Ici c’est Paris’

    Hagati y’umwambaro wa Neymar na Mbappe haraburamo umwambaro, ni mu mashusho banyujije kuri Twitter yabo

    Muri aya masuhusho kandi berekanyemo Ballon d’Or 6

    Source : http://isimbi.rw/siporo/article/mu-mwambaro-wa-visit-rwanda-miss-sonia-rolland-yagaragaje-ko-ari-mu-bari-bategereje-messi-i-paris-amafoto

  • “Mwunamuye Intwaza zibona icyoko cy’ineza”- M… – #rwanda #RwOT

    Itariki nk’iyi ni umunsi udasanzwe kuri Madamu Jeannette Kagame ubwo bamwibarukaga akaza kuba umugisha ku babyeyi, ku bana no ku miryango nk'uko abantu benshi bahamya ubugwaneza bwe. Iyi sabukuru y'imyaka 59, ni isabukuru iya kabiri Madamu Jeannette Kagame yizihije afite umwuzukuru, umukobwa we Ange Ingabire Kagame yibarutse n'umugabo we Bertrand Ndengeyingoma.

    Mu gitondo cyo kuri uyu wa Kabiri, umunyamabanga wa leta muri Minisiteri y'urubyiruko n'umuco Hon.Edouard Bamporiki yabyutse yandika amagambo yashimwe na benshi yifuriza umunsi mwiza w'amavuko Madamu Jeannette Kagame. Muri ayo magamo arimo ubwenge bwinshi n'ikinyarwanda cy'umwimerere Hon. Bamporiki yakoresheje, yavuzemo intwaza anashimira Madamu Jeannette Kagame uburyo aramutswa ubumwe no kuramira ukuri.

    Minisitiri Bamporiki yagize ati “Ni mwe muramutswa Ubumwe no kuramira ukuri… Mwunamuye Intwaza zibona icyoko cy’ineza. Mwacyashye urwango mu barwo. Abashibutse kurya na kuno muti: “Muri Imbuto zizarubyarira Ingabo” Mwahamije ko Umutwaza w’Umutware ari Umumaragishyika ITEKA. Isabukuru nziza.''

    Ubuzima n'amateka ya Jeannette Kagame wizihiza isabukuru y'imyaka 59

    Intwaza zivuga ko zitewe ishema no kwitwa abana ba Nyakubahwa Madamu Jeannette Kagame (Foto: KT Press)

    Jeannette Nyiramongi niyo mazina yiswe n'ababyeyi be, akaba yaravutse tariki 10 Kanama 1962 nyuma y'igihe gito cyane u Rwanda rubonye ubwigenge rukava mu maboko y'abakiloni b'Ababiligi. Kubera amateka mabi yaranze u Rwanda ashingiye ahanini ku ivanguramoko, Jeannette n'umuryango we babaye mu buhungiro ari naho yize amashuri ye mu bihugu nk'u Burundi na Kenya.

    Tariki 10 Kamena 1989, Jeanette Nyiramongi wari warahungiye i Nairobi muri Kenya we n'umuryango we yashakanye na Paul Kagame ari nabwo yafashe izina ry'umugabo we, kuva ubwo yitwa Jeannette Kagame. Bakoreye ubukwe mu gihugu cya Uganda. Kagame yari yarasabye abo mu muryango we kumurangira umugore ukwiriye, baza kumurangira Jeannette maze ajya kumusura muri Kenya, nawe amusaba kuzamusura muri Uganda. 

    Jeannette Kagame yakunze cyane gahunda ya RPF yo gushaka uko impunzi zazatahuka zigasubira mu Rwanda, bakomeza umubano wabo igihe kiragera bararushinga. Ubu bafitanye abana bane, abahungu batatu n'umukobwa umwe. Imfura yabo ni Yvan Cyomoro Kagame, ubuheta ni Ange Ingabire Kagame, hagakurikiraho Ian Kagame n'umuhererezi Brian Kagame.

    Nyuma yo gusezerana kubana, batangiranye urugendo rurerure rw'ubuzima ndetse bombi bongera gutahuka mu gihugu cyabo cy’u Rwanda mu 1994 nyuma y’urugamba rwo kubohoza igihugu no guhagarika Jenoside yakorewe Abatutsi. Uru rugamba rwari ruyobowe na Paul Kagame nyuma y'uko Fred Rwigema yitabye Imana mu ntangiriro y'uru rugendo rurerure. Nyuma yo gutahuka mu gihugu cyababyaye, bakomeje gutanga umusanzu wo kubaka igihugu cyari kimaze kuzahazwa n'intambara, politike mbi ndetse na Jenoside yakorewe Abatutsi yari imaze guhitana abarenga miliyoni.

    Mu gihe Nyakubahwa Paul Kagame yari akomeje ibikorwa byo kugarura umutekano mu gihugu no guharanira ubumwe n'ubwiyunge mu banyarwanda, ku rundi ruhande Jeannette Kagame nawe yagiye agaragara mu bikorwa bitandukanye bijyanye no gufasha birimo guteza imbere uburenganzira bw'umugore, uburezi, imibereho myiza y'abaturage cyane cyane imfubyi n'abapfakazi bari bazahajwe na Jenoside yakorewe Abatutsi.

    Kuva tariki ya 24 Werurwe 2000, Jeannette Kagame yinjiye mu mateka y'u Rwanda n'isi muri rusange nka 'First lady' cyangwa se 'Première Dame', nyuma y'uko umugabo we Perezida Paul Kagame abaye Perezida wa Gatandatu w'u Rwanda.

    Mu mwaka wa 2002 yashinze umuryango udaharanira inyungu wa Imbuto Foundation, anabereye umuyobozi kugeza ubu, uyu ukaba ari umuryango wagize uruhare runini mu gushyira imbaraga mu buzima n'uburezi bw'abana b'abanyarwanda by'umwihariko abana b'abakobwa batishoboye.

    Jeannette Kagame yagiye ayobora imiryango mpuzamahanga itandukanye igamije ibikorwa bitandukanye twagiye tugarukaho tutibagiwe no gukumira icyorezo cya SIDA ku mugabane wa Afurika no gutanga ubufasha bw'ibanze ku bagezweho n'icyo cyorezo. Mu Ukuboza 2011 yafashije mu itangizwa ry'ihuriro ry'abafasha b'abakuru b'ibihugu muri Africa rigamije guhuriza hamwe imbaraga mu gukemura ibyo bibazo twavuze haruguru.

    Jeannette Kagame afite impamyabumenyi mu bigendanye n'ubukungu n'icungamutungo, akaba yaragiye atanga ibitekerezo n'ibiganiro mbwirwaruhame byaba ibyo ku rwego rw'igihugu cyangwa se mpuzamahanga mu ngeri zitandukanye harimo ibijyanye n'Imiyoborere myiza, Ubukungu, ubuzima, imibereho myiza y'umwana n'umugore ndetse n'umuryango muri rusange.

    Muri 2010, Madame Jeannette Kagame yabonye impamyabumenyi y'icyubahiro y'ikirenga muri Kaminuza ya gikiristu ya Oklahoma kubera uruhare yagize mu kurwanya agakoko gatera SIDA no kurwanya ubukene, muri uwo mwaka ahita anashingwa guhagararira ibikorwa by'imirire ku bana muri gahunda y'ibiribwa (PAM cyangwa WFP) mu muryango mpuzamahanga w'ibihugu ku isi (ONU).

    Muri 2009, UNICEF yahaye Perezida Paul Kagame n'umufasha we Jeannette Kagame igihembo cyitwa 'Children's Champions Award' mu rwego rwo kubashimira ku murava n'umuhate bagize mu kuzamura no guteza imbere ubuzima bw'abana mu Rwanda. Muri 2007 Umuryango Mpuzamahanga witwa ku buzima (OMS cyangwa WHO mu ndimi z'amahanga) wagejeje kuri Madame wa Perezida Kagame izindi nshingano, agirwa umuyobozi w'ikirenga w'ibikorwa by'Afrika bya gahunda yo gushaka urukingo rwa SIDA mu rwego rwo gukaza ibikorwa by'ubushakashatsi kuri uru rukingo rwa SIDA.

    Umuryango wa Perezida Paul Kagame ku munsi w’ubukwe bwa Ange Kagame

    Umuryango wa Perezida Kagame mu byishimo byinshi by’umwuzukuru we na Madamu Jeannette Kagame

    Madamu Jeannette Kagame ni inshuti y’abana ndetse buri mwaka asangira nabo iminsi mikuru ya Noheli n’Ubunani

    Source : https://inyarwanda.com/inkuru/108458/mwunamuye-intwaza-zibona-icyoko-cyineza-minisitiri-bamporiki-yifurije-isabukuru-nziza-mada-108458.html

  • Breaking news!Messi yamaze gusinyira PSG imyaka 2. – YEGOB #rwanda #RwOT

    Rutahizamu w'ikipe y'igihugu ya Argentine Lionel Messi wari umaze imyaka igera kuri 21 mu ikipe ya FC Barcelona yo mu gihugu cya Espagne, yamaze gusesekara mu gihugu cy'Ubufaransa aho agiye gushyira umukono ku masezerano yo gukinira ikipe ya Paris Saint-Germain.

    Nkuko ibinyamakuru bitandukanye bikomeje kugenda bibyandika, biravuga ko Lionel Messi w'imyaka 34 y'amavuko yamaze kugera mu gihugu cy'ubufaransa, aho bivugwa ko agiye gusinyira ikipe ya Paris Saint-Geramain amasezerano y'imyaka ibiri azamugeza mu mwaka wa 2023 ariko ashobora kuziyongeraho undi mwaka umwe akaba yazageza mu mwaka wa 2024 agikinira iyi kipe.

    Uyu rutahizamu Lionel Messi aheruka gutandukana n'ikipe ya FC Barcelona yamureze ikamugira uwo ariwe uyu munsi, bakaba baratandukanye nyuma yaho iyi kipe inaniwe kugumana uyu mukinnyi bijyanye n'ibibazo by'amafaranga bikomeje kuyigaragaramo ndetse n'ibijyanye n'ubwumvikane butigeze bugenda neza hagati y'iyi kipe ndetse n'ubuyobozi bwa shampiyona y'igihugu cya Espagne (La Liga Santander).

    Lionel Messi akaba yamaze gushyika mu gihugu cy'ubufaransa ari kumwe n'umuryango we ndetse na papa we umubyara witwa Jorge Messi usanzwe ari nawe umureberera inyungu, ibi bibaye nyuma yaho ku munsi wejo hashize tariki ya 9 Kanama 2021 abafana ibihumbi bari bagiye ku kibuga cy'indege gutegereza uyu rutahizamu ariko amaso yabo agahera mu kirere kuko uyu mukinnyi atigeze ava mu gihugu cya Espagne mu ntara ya Catalogna.

    Amakuru akomeza ko ikipe ya Paris Saint-Germain yamaze kumvikana ibintu byose na rutahizamu Lionel Messi ndetse kuba yamaze kugera mu gihugu cy'Ubufaransa ibintu byose bigiye guhita birangira agashyira umukono ku masezerano, aho bivugwa ko azajya ahembwa amafaranga arenga miliyoni 35 z'amayero buri mwaka ndetse akazaba ari mukinnyi uhembwa amafaranga menshi muri iyi kipe.

    Mbere y'uko Lionel Messi yerekeza mu gihugu cy'Ubufaransa, hari amakuru yavugaga ko ubuyobozi bw'ikipe ya FC Barcelona bwegereye uyu mukinnyi ndetse na papa we Jorge Messi kugira ngo baganire niba Lionel Mesi yaguma I Catalogna gusa ngo yabahakaniye ababwira ko yamaze kwemeranya n'ikipe ya Paris Saint-Germain kuyerekezamo kandi adashobora kurenga kubyo bemeranyije.

    Source : https://yegob.rw/breaking-newsmessi-yageze-i-paris/

  • Abakinnyi 39 b'ikipe y'igihugu y'u Rwanda y'Abagore bari munsi y'imyaka 20, yatangiye umwiherero mu rwego rwo guhatanira itike y'igikombe cy'isi cya 2022 #rwanda #RwOT

    Kuri uyu wa mbere nibwo ikipe y'igihugu y'abakobwa bari munsi y'imyaka 20 y'amavuko yatangiye umwiherero wo guhatanira itike y'igikombe cy'isi kizaba umwaka utaha muri 2022, muri urwo rwego ikipe y'igihugu iritegura gukina na Ethiopia mu mikino ibiri iteganyikwe mu kwezi gutaha kwa Nzeri.

    Kugeza ubu iyi kipe iri gutozwa na Nyinawumuntu Grace, yahamagaye abakinnyi 39 batangiranye umwiherero kuri uyu wa mbere tariki ya 9 Kanama 2021 igizwe n'abakinnyi biganje mu makipe yo mu cyiciro cya mbere mu bagore giheruka gukinwa muri Werurwe 2020.

    Igikombe cy'isi kirimo gutegurwa kizabera mu gihugu cya Costa Rica muri Kanama 2022, kizitabirwa n'amakipe 16 avuye ku migabane itandukanye y'isi.

    Igikombe cy'isi giheruka cyegukanywe n'ikipe y'igihugu y'u Buyapani.
    Abakinnyi 39 batangiye umwiherero ukorerwa kuri Sitade Amahoro i Remera :

    Abanyezamu :

    1.Mutuyimana Elizabeth (APAER WFC)
    2.Uwase Béatrice (APAER WFC)
    3.Ufitimana Diane (Rambura WFC)
    4.Uwineza Belise (Rugende WFC)

    Ba myugariro :
    1.Uzayisenga Lydia (APAER WFC)
    2.Niyonsaba Diane (APAER FC)
    3.Umurerwa Nadège (APAER WFC)
    4.Giribanga Niwe Rosine (Rambura WFC)
    5.Mukamukama Jeannette (Les Lionnes WFC)
    6.Muhawenimana Olive (Fatima)
    7.Mukaruziga Jeannette (AS Kigali WFC)
    8.Iragena Dativa (Nasho WFC)
    9.Dukorerimana M Catherine (Fatima)

    Abakina hagati:
    1.Gikundiro Solange (APAER WFC)
    2.Nyirabeza M Chantal (APAER WFC)
    3.Ntakobatagira Nelly Salam (APAER FC)
    4.Niyonshuti Emérance (Kamonyi WFC)
    5.Ukwishaka Zawadi (Kamonyi WFC)
    6.Mwinyi Céline Sirleaf (Rambura WFC)
    7.Mushimiyimana Thacienne (Les Lionnes WFC)
    8.Tuyishimire Sami Albine (Les Lionnes WFC)
    9.Umwariwase Dudja (Fatima)
    10.Izabayo Clémence (IPM)
    11.Mutesiwase Latifa (Rugende WFC)
    12.Kampire Médiatrice (Gakenke WFC)
    13.Nyirarukundo (Gakenke WFC)

    Ba rutahizamu :
    1.Irumva Adelphine (Kamonyi WFC)
    2.Ingabire Aline (Kamonyi WFC)
    3.Umutuza Justine (Kamonyi WFC)
    4.Usanase Zawadi (Scandinavia)
    5.Ntakirutimana Belinda (Les Lionnes WFC)
    6.Nyirandagijimana Diane (AS Kigali WFC)
    7.KamikazI Yvonne (IPM)
    8.Iranzi Benitha (IPM)
    9.Uwituze Janvière (IPM)
    10.Uwimana Francine (Nasho WFC)
    11.Mushimiyimana Julienne (Nasho WFC)
    12.Uwimbabazi Fidelité (IPM)
    13.Mukandayisenga Jeannine (Inyemera WFC)

    The post Abakinnyi 39 b'ikipe y'igihugu y'u Rwanda y'Abagore bari munsi y'imyaka 20, yatangiye umwiherero mu rwego rwo guhatanira itike y'igikombe cy'isi cya 2022 appeared first on RUSHYASHYA.

    Source : https://rushyashya.net/abakinnyi-39-bikipe-yigihugu-yu-rwanda-yabagore-bari-munsi-yimyaka-20-yatangiye-umwiherero-mu-rwego-rwo-guhatanira-itike-yigikombe-cyisi-cya-2022/?utm_source=rss&utm_medium=rss&utm_campaign=abakinnyi-39-bikipe-yigihugu-yu-rwanda-yabagore-bari-munsi-yimyaka-20-yatangiye-umwiherero-mu-rwego-rwo-guhatanira-itike-yigikombe-cyisi-cya-2022

  • Waba uhemukira umugabo wawe niba umukorera ibi/Dore uko wakwitwara mu gihe hari ibyo mutumvikanyeho #rwanda #RwOT

    Source : https://agakiza.org/Waba-uhemukira-umugabo-wawe-niba-umukorera-ibi-Dore-uko-wakwitwara-mu-gihe-hari.html