Webrwanda Backend

Author: webrwanda

  • Ibya wa mugabo wiyahuriye i Nyabugogo ibyiwe byose byatangajwe_ inkuru irambuye #rwanda #RwOT

    Urwego rw'Igihugu rw'Ubugenzacyaha RIB ruratangaza ko umugabo witwa Twibanire Emmanuel wiyahuriye i Nyabugogo, yari asanzwe afite uburwayi bwo mu mutwe nk'uko byatangajwe na bamwe mu bo mu muryango we.

    Uyu mugabo w'imyaka 41 yiyahuye aturutse mu igorofa ya gatandatu yo ku nyubako ikoreramo isoko rizwi nk'Inkundamahoro.

    Umuvugizi w'Urwego rw'Igihugu rw'Ubugenzacyaha RIB, Dr. Murangira Thierry, yavuze ko nk'uko babikesha umugore wa nyakwigendera n'abavandimwe be, ngo yari asanganywe uburwayi bwo mu mutwe yari amaranye igihe kirekire aho yari yaragerageje  mbere kwiyahura ntibikunde.

    Yagize ati 'Twibanire Emmanuel yiyahuye avuye mu igorofa ya gatandatu arahanuka yikubita hasi ahita apfa nk'uko amashusho yafashwe na Camera (CCTV footage) yabigaragaje. Umugore we nabo bavukana bemeje ko nyakwigendera yari asanganywe uburwayi bwo mu mutwe yari amaranye igihe kirekire kandi ko yari yaranagerageje kwiyahura mbere ntibikunde. Ibi byemejwe kandi n'ibitaro byita ku barwayi bo mu mutwe bya Ndera kuko yari asanzwe ahivuriza.'

    Dr Murangira B. Thierry, yanyomoje amakuru yakwirakwijwe ko hari uwo yagwiriye kuko camera z'inyubako y'Inkundamahoro ahazwi nko ku Mashyirahamwe zagaragaje ko ntawe yagwiriye.

    Ati 'Amashusho ya camera agaragaza ko nta muntu nyakwigendera yagwiriye nk'uko byari byakwirakwijwe hirya no hino mu bitangazamakuru.'

    Urwego rw'Igihugu rw'Ubugenzacyaha RIB rwihanganishije umuryango wa nyakwigendera Twibanire Emmanuel wapfuye yiyahuriye ku nyubako y'Inkundamahoro ahazwi nko ku Mashyirahamwe aho yasimbutse aturutse mu igorofa ya gatandatu agahita apfa.

    Source : https://impanuro.rw/2021/08/14/ibya-wa-mugabo-wiyahuriye-i-nyabugogo-ibyiwe-byose-byatangajwe_-inkuru-irambuye/

  • Abasifuzi bazasifura imikino y’Amavubi bamenyekanye, abanyarwanda bahabwa gusifura mu itsinda A #rwanda #RwOT

    Mu ntangiriro z’ukwezi gutaha nibwo hazatangira imikino y’amajonjora yo gushaka itike y’igikombe cy’Isi cya 2022 kizabera muri Qatar, abasifuzi bazasifura imikino y’u Rwanda ndetse n’abasifuzi b’abanyarwanda imikino bazasifura bamenyekanye.

    Muri rusanjye hazakinwa umunsi wa mbere n’uwa kabiri w’amatsinda, ni imikino izaba hagati y’itariki ya 1 na 7 Nzeri 2021.

    Mu itsinda E ari naryo u Rwanda rurimo kumwe na Mali, Kenya na Uganda, bazakina umunsi wa mbere tariki ya 1 Nzeri 2021, Amavubi azakirwa na Mali ariko umukino ubere mu mujyi wa Agadir muri Maroc.

    Uyu mukino ukaba uzasifurwa n’abya-Mauritania, umusifuzi wo hagati ni Beida Dahane, babiri b’ibitambaro ni Diba Hamedine na Youssef Mahmoud, umusifuzi wa 4 ni Bouh Abdel Aziz.

    Umugenzuzi w’abasifuzi ni umynya-Ghana, Kotey Alexander Neequaye, ni mu gihe komiseri w’umukino azaba ari umunya-Tunisia Boujlel Boussairi.

    Tariki ya 5 Nzeri 2021 u Rwanda ruzakina umukino w’umunsi wa kabiri aho bazakira Kenya kuri Stade Regional i Nyamirambo, ni umukino uzasifurwa n’abanya — Nigeria.

    Umusifuzi wo hagati ni Ogabor Joseph Odey, babiri bo ku ruhande ni Pwadutakam Samuel na Iyorhe Mimisen Agatha, umusifuzi wa kane ni Adebimpe Quadri Ololade, umugenzuzi w’abasifuzi ni Sharfeddin Essam Ibrahim ukomoka muri Libya, komiseri ni Macao Jose Fernando ukomoka muri Angola.

    Uretse iyi mikino y’u Rwanda izakina ariko hari umukino abasifuzi b’abanyarwanda bazasifura, ni umukino wo mu itsinda A uzaba tariki ya 2 Nzeri aho Niger izakira Burkina Faso ukazabera Marrakech muri Maroc.

    Uyu mukino uzasifurwa na Uwikunda Samuel nk’umusifuzi wo hagati, ku ruhande azaba afashwa na Hakizimana Ambroise na Mutuyimana Dieudonne, umusifuzi wa kane ni Hakizimana Louis, umugenzuzi w’abasifuzi ari Chukwujekwu Chukwudi Callistus ukomoka muri Nigeria, ni mu gihe Komiseri ari umunya-Mali Sangare Ibrahima.

    Amavubi imikino yayo izasifurwa n’abanya-Mauritania na Nigeria

    Uwikunda azasifura umukino wa Niger na Burkina Faso

    Source : http://isimbi.rw/siporo/article/abasifuzi-bazasifura-imikino-y-amavubi-bamenyekanye-abanyarwanda-bahabwa-gusifura-mu-itsinda-a

  • Perezida Kagame abona Arsenal ikwiriye impind… – #rwanda #RwOT

    Arsenal ikimara gutsindwa umukino ufungura shampiyona 2021/22 aho yatsinzwe ibitego 2-0 na Brentford, abinyujije ku rukuta rwa Twitter, Perezida Paul Kagame nk’umwe mu bafana bakuru b’iyi kipe yavuze ko Arsenal ikwiriye impinduka kandi abafana bazitegereje n’ubwo zatinze. Yagize ati” Iki?? Ni umupira. Ni intsinzwi kuri Arsenal. Brentford yari ikwiriye intsinzi kandi irayibonye. Uretse n'umukino, abafana ba Arsenal ntabwo bakwiriye ibi… OYA!! Ibi mbivuze nk'umwe mu bafana bakomeye ba Arsenal. Impinduka dutegereje zaratinze cyane.”

    Arsenal ntabwo yatangiye shampiyona neza

    Perezida Kagame akomeza avuga ko ntacyo kwitwaza gihari. Ati” Ntabwo dukwiriye kugira ibyo twitwaza, ikipe iberaho kubakwa kandi hagendewe ku ntego yo gutsinda ukongera ugatsinda, ariko rero iyo atari ko bigenze ahubwo ukarushaho gutsindwa, ntabwo ari ibyo kwemerwa. Ibi bintu bimaze igihe ikipe izamuka ubundi igasubira inyuma gutyo mpaka ariko kugeza ubu ikipe yibereye hasi cyane. Sinemera ko intego dufite iri gukora uko tubishaka icyo tugomba kurebaho ni uburyo dukemura ikibazo cy’igura n’igurisha ry’abakinnyi bacu.”

    Arsenal imaze iminsi mu bihe bitari byiza kuko mu mikino 6 iheruka gukina yatsinzemo umukino umwe gusa. 

    Brentford yatsinze Arsenal ku munsi wa mbere wa shampiyona 

    Perezida Kagame yavuze ko Arsenal ikwiriye impinduka 

    Source : https://inyarwanda.com/inkuru/108583/perezida-kagame-abona-arsenal-ikwiriye-impinduka-nubwo-zatinze-108583.html

  • Uwibiye Moto muri Kicukiro yatafiwe i Kirehe ari kuyikoresha ikimotari #rwanda #RwOT

    Habineza yafashwe na Polisi ikorera mu Karere ka Kirehe ku wa 12 Kanama ubwo yari mu kazi ko gutwara abagenzi kuri iriya moto akekwaho kwiba mu mujyi wa Kigali.

    Umuyobozi wa Polisi mu Karere ka Kirehe, Superintendent of Police (SP) Jean Berchimans Dusengimana yavuze ko gufatwa kwa Habineza byaturutse ku makuru yatanzwe na nyiri moto ariwe Migambi Eric.

    Yagize ati 'Habineza moto yayibye mu kwezi gushize kwa Nyakanga, ayiba umumotari wayitwaraga ariko Migambi nyirayo aza kumenya amakuru ko Habineza ari we wayibye ndetse azi aho avuka. Yaje hano muri Kirehe aduha pulake za moto ye ndetse anatubwira amazina y’uriya yacyekaga. Tariki ya 12 Kanama twagiye hariya mu Murenge wa Nasho dusanga koko Habineza afite ya Moto arimo kuyitwaraho abagenzi yarabaye umumotari.'

    SP Dusengimana yavuze ko Habineza yatwaraga iyo moto nta cyangombwa na kimwe kigaragaza ko ari iye ndetse nta n’ikindi cyangombwa cyayo afite. Yaboneyeho gukangurira abantu gukura amaboko mu mifuka bagakora aho kwiba.

    Ati 'Abantu bafite ingeso yo kwiba nabagira inama yo kubireka bagakorera ibyabo. Bitewe n’ikoranabuhanga ndetse n’ubufatanye n’abaturage mu kurwanya ibyaha kuri ubu kwiba ntibyabahira, uriya yatwaraga moto yibye akirengagiza ko n’ubundi amaherezo azavumburwa.'

    Migambi amaze kubona moto ye yashimiye Polisi uburyo yayigannye ikamwumva igahita imufasha gushaka uwo yacyekaga ndetse agafatwa akaba yabonye moto ye.

    Habineza yahise ashyikirizwa Urwego rushinzwe ubugenzacyaha (RIB) rukorere muri sitasiyo ya Polisi ya Nasho kugira ngo akorerwe idosiye.

    ITEGEKO RIVUGA IKI ?

    Itegeko nº68/2018 ryo ku wa 30/08/2018 riteganya ibyaha n’ibihano muri rusange Ingingo ya 166 ivuga ko Umuntu wese uhamijwe n’urukiko icyaha cyo kwiba, ahanishwa igifungo kitari munsi y’umwaka umwe (1) ariko kitarenze imyaka ibiri (2) ,ihazabu y’amafaranga y’u Rwanda atari munsi ya miliyoni imwe (1.000.000 FRW) ariko atarenze miliyoni ebyiri (2.000.000 FRW), imirimo y’inyungu rusange mu gihe cy’amezi atandatu (6) cyangwa kimwe gusa muri ibyo bihano.

    Source : http://www.ukwezi.rw/mu-rwanda/Amakuru-anyuranye/article/Uwibiye-Moto-muri-Kicukiro-yatafiwe-i-Kirehe-ari-kuyikoresha-ikimotari

  • Dj Iraa, Anita Pendo na Gitego bagaragaye mu myenda y'abakozi bo ku muhanda (Amafoto) – YEGOB #rwanda #RwOT

    Ku mugoroba wo ku munsi w'ejo tariki 13 Kanama 2021 nibwo Dj Iraa, Anita Pendo na Gitego bakoze ikiganiro Friday Flight. Muri iki kiganiro cy'imyidagaduro gica kuri RTV buri mugoroba wo ku wa Gatanu, Dj Iraa, Anita Pendo na Gitego batunguranye mu myenda y'abakozi bo ku muhanda ndetse n'abatwara ibishingwe.

    Dore uko byari bimeze mu mafoto:

    Source : https://yegob.rw/dj-iraa-anita-pendo-na-gitego-bagaragaye-mu-myenda-yabakozi-bo-ku-muhanda-amafoto/

  • Polisi yafashe umugabo ukekwaho kwiba moto i Kigali ajya kuyikoresha ubumotari I Kirehe #rwanda #RwOT

    Moto yari yibwe ni iy'uwitwa Migambi Eric; uwayibye yafatiwe mu Murenge wa Nasho mu Kagari ka Rubirizi, Umudugudu wa Mulindi. Kuri uyu wa Kane tariki ya 12 Kanama ni bwo yafashwe.

    Umuyobozi wa Polisi mu Karere ka Kirehe, Superintendent of Police (SP) Jean Berchimans Dusengimana yavuze ko gufatwa kw'uyu mugabo byaturutse ku makuru yatanzwe na nyiri moto ari we Migambi Eric.

    Yagize ati' Moto yayibye mu kwezi gushize kwa Nyakanga, ayiba umumotari wayitwaraga ariko Migambi nyirayo aza kumenya amakuru y'uwayibye ndetse azi aho avuka. Yaje hano muri Kirehe aduha pulake za moto ye ndetse anatubwira amazina y'uwo yacyekaga. Tariki ya 12 Kanama twagiye hariya mu Murenge wa Nasho dusanga koko uwo mugabo afite ya Moto arimo kuyitwaraho abagenzi yarabaye umumotari.'

    SP Dusengimana yavuze ko uwo mugabo yatwaraga iyo moto nta cyangombwa na kimwe kigaragaza ko ari iye ndetse nta n'ikindi cyangombwa cyayo afite. Yaboneyeho gukangurira abantu gukura amaboko mu mifuka bagakora aho kwiba.

    Ati' Abantu bafite ingeso yo kwiba nabagira inama yo kubireka bagakorera ibyabo. Bitewe n'ikoranabuhanga ndetse n'ubufatanye n'abaturage mu kurwanya ibyaha kuri ubu kwiba ntibyabahira, uriya yatwaraga moto yibye akirengagiza ko n'ubundi amaherezo azavumburwa.'

    Migambi amaze kubona moto ye yashimiye Polisi uburyo yayigannye ikamwumva igahita imufasha gushaka uwo yacyekaga ndetse agafatwa akaba yabonye moto ye.

    Ukekwaho ubujurabwa moto yahise ashyikirizwa Urwego rw'Ubugenzacyaha (RIB) rukorera kuri sitasiyo ya Polisi ya Nasho kugira ngo akorerwe idosiye.

    Itegeko nº68/2018 ryo ku wa 30/08/2018 riteganya ibyaha n'ibihano muri rusange Ingingo ya 166 ivuga ko Umuntu wese uhamijwe n'urukiko icyaha cyo kwiba, ahanishwa igifungo kitari munsi y'umwaka umwe (1) ariko kitarenze imyaka ibiri (2) ihazabu y'amafaranga y'u Rwanda atari munsi ya miliyoni imwe (1.000.000 FRW) ariko atarenze miliyoni ebyiri (2.000.000 FRW), imirimo y'inyungu rusange mu gihe cy'amezi atandatu (6) cyangwa kimwe gusa muri ibyo bihano.

    Source : https://umuryango.rw/amakuru/mu-rwanda/umutekano/article/polisi-yafashe-umugabo-ukekwaho-kwiba-moto-i-kigali-ajya-kuyikoresha-ubumotari

  • Djihad na KMSK Deinze ntibatangiye neza shampiyona #rwanda #RwOT

    Ntabwo KMSK Deinze ikinamo umunyarwanda mu cyiciro cya kabiri mu Bubiligi, Bizimana Djihad bagendekewe neza n’intangiriro za shampiyona kuko batangiye banganya.

    Shampiyona y’icyiciro cya kabiri mu Bubiligi umwaka w’imikino wa 2021-22 yatangiye ku munsi w’ejo hashize ku wa Gatanu tariki ya 13 Kanama 2021, hakaba habaye umukino umwe.

    KMSK Deinze yari yakiriye Lierse K.S. Uyu mukino warangiye amakipe yombi agabanye amanota kuko yanganyije 1-1.

    Deinze niyo yakibanje gitsinzwe na Staelens ku munota wa 19, cyaje guhita cyishyurwa na Yagan ku munota wa 21.

    Bizimana Djihad akaba yari yabanje mu kibuga muri iyi kipe ye nshya yasinyiye muri Gicurasi nyuma yo gutandukana na Waasland Beveren nayo yamanutse mu cya kabiri, yasimbuwe na Ibrahams ku munota wa 68.

    Bizimana Djihad na KMSK Deinze ntibatangiye neza shampiyona

    Source : http://isimbi.rw/siporo/article/djihad-na-kmsk-deinze-ntibatangiye-neza-shampiyona

  • Miss Supranational: Karla wo muri Puerto Ric… – #rwanda #RwOT

    Karla yegukanye iri kamba kuri uyu wa 13 Kanama 202, aho yagaragiwe na Dindi Pajares wo muri Philippines wabaye Igisonga cya mbere ndetse na Eoanna Constanza wo muri Domican Republic wabaye Igisonga cya kabiri.

    Ibirori byo guhitamo Nyampinga w’igishongore muri Miss Supranational byabereye mu Mujyi wa Muszyna City Hall muri Poland.

    Abakobwa bakoze umutambagiro bava kuri Hoteli bacumbikiwemo berekeza ahari itapi y'umutuku bakoreyeho ibi birori.

    Mu rwambariro (Back stage) buri mukobwa yagiye avuga birambuye ku mwambaro yaserukanye.

    Miss Umuratwa Kate Anitha yagaragaje ikanzu ndende idoze mu gitege itaratse mu gice cyo hasi yadodewe mu Rwanda, abwirwa ko yambaye neza.

    Uyu mukobwa yitwaye neza mu cyiciro cya Miss Elegance abasha kuboneka muri 11 bitwaye neza barimo uwo muri Indonesia, Netherlands, Poland, Belgium, Brazil, Czech Rep, Haiti n'abandi.

    Igice cya Miss Elegance kibanda mu kugaragaza ubwiza no kuberwa wambaye ikanzu y'ibirori/yo gusohokana.

    Karla Guilfu wo muri Puerto Rico wegukanye ikamba rya Miss Elegance, yabwiye itangazamakuru ko yishimye ariko yatunguwe kuko yari ahatanye n'abakobwa b'ikimero.

    Yashimye abamushyigikiye kugeza ageze kuri iri kamba, anashima Akanama Nkemurampaka kamubonyeho ubushongore.

    Ati 'Ndishimye ntabwo nari mbyiteze…Ndashimira abantu bose, abategura Miss Supranational n'abandi mukomeze mudushyigikire.'

    Dindi Pajares wo muri Philippines wabaye Igisonga cya mbere yaranzwe n'amarira ubwo yaganiraga n'umunyamakuru w'iri rushanwa, avuga ko anyuzwe no kuba yegukanye iri kamba, ashima abari kumushyigikira kuva ku munsi wa mbere.

    Uyu mukobwa anaherutse kuba uwa mbere mu itsinda rya karindwi mu cyiswe 'Supra Chart' yari ahuriyemo na Miss Umuratwa uhagarariye u Rwanda.

    Karla Guilfu wo muri Puerto Rico yegukanye ikamba rya Miss Elegance muri Miss Suprantional 2021 Dindi Pajares wo muri Philippines yabaye Igisonga cya mbere

    Eoanna Constanza wo muri Domican Republic yabaye Igisonga cya kabiri

    Miss Umuratwa Kate uhagarariye u Rwanda, aha yari mu myiteguro mbere y'uko bajya guhatanira ikamba rya Miss Elegance

    Miss Umuratwa yitwaye neza mu cyiciro cya mbere cy’irushanwa rya Miss Supranational aho yabonetse mu 11 ba mbere

    Source : https://inyarwanda.com/inkuru/108577/miss-supranational-karla-wo-muri-puerto-rico-yabaye-miss-elegance-miss-umuratwa-aboneka-mu-108577.html

  • Perezida Kagame yahaye ubutumwa Arsenal yatsinzwe bigayitse na Brentford ku munsi wa mbere wa shampiyona #rwanda #RwOT

    Ibitego bya Sergi Canos ku munota wa 22 na Christian Norgaard kuwa 73, nibyo byahaye amanota 3 yuzuye ikipe ya Brentford mu mukino wa mbere muri Premier League mu myaka hafi 75 itabigeraho.

    Nyuma yo kwitwara nabi mu mikino yo kwitegura shampiyona itsindwa na Tottenham na Chelsea ndetse ikananirwa na Rangers,Arsenal ikomeje kugana ahabi bitewe n'abakinnyi bayo batari ku rwego rwo hejuru ndetse n'urwego rwo hasi rw'umutoza.

    Benshi mu bafana ba Arsenal ntibishimiye uyu musaruro barimo na nyakubahwa Perezida wa Repubulika,Paul Kagame wavuze ko iyi kipe nta guhatana n'ubushake ifite.Yavuze kandi ko abafana bayo bakwiriye ibyiza aho gutsindwa umusubirizo kuriya.

    Perezida Kagame yagize ati 'N'umupira,n'ugutsindwa kwa Arsenal kwa Brentford. Brentford yari ikwiriye gutsinda kandi yabigezeho.Umukino ntiwari ku ruhande rwa Arsenal kandi abafana ntibakwiriye kumenyerezwa ibi.Oya!!!ibi ndabivuga nk'umufana mukuru wa Arsenal.Impinduka zatinze kuza.

    Uku gutsindwa kumaze imyaka isaga 10.Kuzamuka no kumanuka ariko kumanuka niko kunini ubu.Ese nta mupangu/gahunda twagira wagira akamaro???.Ikintu cya mbere twarebaho n'uburyo twitwara ku isoko.Abakinnyi tugura ngo badufashe kugera kuri uwo mupangu/gahunda.Imyumvire yo gufata tugenda ntacyo yatugezaho.

    Ntabwo dukwiriye kwakira kwisegura no kwemera kujya hasi.Ikipe ikwiriye kubakirwa ku ntego yo gutsinda,gutsinda,gutsinda.N'igihe dutsinzwe….ntitube tubyiteze.Ndabizi neza ko twese tuzi uwo uyu mutwaro uremereye usigayeho.Ndakeka ko babizi cyangwa bakaba babyemera!!!.'

    Arsenal iri ku rwego rwo hasi cyane,igiye gukurikizaho imikino 2 ikomeye cyane irimo uwo kuwa 22/08/2021 izakiramo Chelsea yiyubatse cyane n'uwo kuwa 28/08/2021 izasuramo Manchester City.

    Nihatagira igikorwa,iyi mikino yose Arsenal izayitsindwa kandi ku buryo bugayitse kubera urwego rwose ikipe iriho.



    Source : https://umuryango.rw/imyidagaduro/imikino/article/perezida-kagame-yahaye-ubutumwa-arsenal-yatsinzwe-bigayitse-na-brentford-ku

  • Abantu 08 bahitanwe na Covid-19 mu Rwanda abandi 515 barayandura #rwanda #RwOT

    Abarwayi bashya babonetse banduye Covid-19 ni 515 batumye abamaze gutahurwa bagera ku 78,828.Ijanisha ku bandura riri ku kigero cya 4.4 %.

    Akarere ka Gicumbi ni ko kari imbere mu kugira umubare munini w'abarwayi kuko gafite 74, Umujyi wa Kigali 38, Karongi 37 na Nyagatare yagaragayemo 34.

    Abakirwaye barabarirwa mu 12,000 barimo abahawe ibitaro 19 uyu munsi. Abarembye ni 40. Abakingiwe uyu munsi ni 51,288 bagejeje abamaze gukingirwa ni 858,040.

    Imibare ya Minisante igaragaza ko mu gihe cy'iminsi irindwi ishize hari impinduka ziri kugenda zigaragara ku mibare y'abandura n'abasezererwa mu bitaro dore ko abagera kuri 3835 ari bo babonetse barwaye naho 104 basezerewe mu bitaro, 64 bahitanwa nayo.

    Minisitiri w'Ubuzima Dr Ngamije Daniel, yakanguriye abantu kwitabira kwikingiza kuko hari igihe kizagera umuntu akazajya abazwa ko yikingije mbere yo kwinjira aho akorera, mu isoko n'ahandi.

    Yabigarutseho mu kiganiro na RBA asobanura uko icyorezo cya COVID-19 gihagaze ubu mu Gihugu, n'imyanzuro mishya yafashwe n'Inama y'Abaminisitiri yateranye ejo hashize irebana n'ingamba zo gukomeza gukumira ikwirakwira ry'iki cyorezo.

    Minisitiri Dr Ngamije yagize ati: 'Hari abakozi usanga bavuga ngo nzaba njyayo ejo ugasanga umukoresha na we ntabwo abishyizemo ingufu, ariko ikigaragara ni uko igihe kizagera tukazajya twibutsa abantu tuti ariko wari ukwiye kuza aha hantu warakingiwe kuko kuza utarakingiwe twaraguhaye amahirwe yo gukingirwa urimo kuza guteza ibyago bagenzi bawe ahangaha'.

    Yakomeje agira ati: 'Abantu be gutegereza uwo munsi tuzashyiraho iryo tangazo ko ntawujya ku kazi, ntawujya ku isoko atagaragaje ko yakingiwe kuko amahirwe yo gukingirwa arahari muri Kigali n'ahandi kandi ni ho bigana; mu turere ntibagire ngo bazacikanwa, inkingo turimo kuzishaka kandi zizaboneka hose tuzahagera duhereye ahantu tubona hakunda kugaragara ubwandu'.

    Aho hakunda kugaragara ubwandu by'umwihariko ni mu mirenge ahari santeri z'ubucuruzi, mu mijyi yunganira Umujyi wa Kigali n'ahandi hahora urujya n'uruza rw'abantu nk'uko yakomeje abisobanura.

    Ati: 'Tugenda dukwiza inkingo dukurikije ahari ibyago byinshi byo kuba abantu bakwandura no kwanduza abandi'.

    Ibi byo kuba abantu bazajya babazwa ko bakingiwe mbere y'uko binjira aho bakorera cyangwa aho bahurira n'abandi byashimangiwe na Minisitiri w'Ubutegetsi bw'Igihugu Gatabazi Jean Marie Vianney muri kiriya kiganiro, aho yakanguriye n'abakozi ba Leta bari bamaze igihe bakorera mu ngo ubu bamwe batangiye gusubira mu biro kuko umubare wongerewe ukagera kuri 50%, kwitabira kwikingiza.

    Ati: 'Turanibutsa abakozi ba Leta ko bakwiriye kwikingiza kuko mu minsi iri imbere bizajya biba ngombwa ko umuntu yababaza icyangombwa cy'uko bikingije kugira ngo badateza ibibazo aho bakorera ku kazi kandi abandi barakoresheje ayo mahirwe yo kwikingiza. Ibyo bintu babizirikane'.

    Minisitiri w'Ubuzima Dr Ngamije yagaragaje ko u Rwanda rukomeje kugenda rubona inkingo; nko mu byumweru bitatu bishize hagiye haboneka inkingo zisaga ibihumbi 200 buri cyumweru.

    Ati: 'Mu igenamigambi dufite ni uko buri wa mbere tubona inkingo zingana n'uwo mubare ku buryo tugenda tuzisaranganya mu gihugu hose'.

    Agaragaza ko no mu minsi iri imbere hari izizaza ndetse hari n'izindi zemejwe n'Ishami ry'Umuryango w'Abibumbye ryita ku buzima (OMS) ziyongera kuri Pfizer, Moderna na Astra Zeneca zari zisanzwe zimenyerewe, muri zo harimo urukingo rwa Sinopharm rwakozwe n'Abashinwa.

    Minisitiri w'Ubuzima Dr Ngamije Daniel yanakanguriye abantu kugira umuco wo kwipimisha COVID-19 kuko uburyo bwo kubikora bworohejwe. Nibura rimwe mu cyumweru akaba yakwipimisha kuko bizanamwongerera umwete wo kwirinda. No ku zindi ndwara muri rusange bakaba babikora rimwe mu mwaka.


    Source : https://umuryango.rw/amakuru/mu-rwanda/ubuzima/article/abantu-08-bahitanwe-na-covid-19-mu-rwanda-abandi-515-barayandura