Webrwanda Backend

Author: webrwanda

  • Dore impamvu zitandukanye zituma abantu bacana inyuma – YEGOB #rwanda #RwOT

    Rimwe  na rimwe wumva abantu bakundana umwe yaciye inyuma undi ndetse n'abantu babana barashakanye gucana inyuma n'ibintu bakora cyane, aho uzasanga abantu benshi bahora mu ntonganya ndetse no mu marira ngo bacibwa inyuma gusa burya nta kintu kiba kidafite impamvu burya hari ababigiramo uruhare kugira ngo bibabeho.

    Ni ibintu byinshi bigaragara bituma bamwe mu bantu bakundana bacana inyuma, ni muri urwo rwego tugiye kurebera hamwe Bimwe muri ibyo bintu:

    Kuba umuntu asanzwe nta rukundo agira mu we

    Iki ni kimwe mu bibazo byugarije abantu benshi muri rusange kuko usanga abakobwa cg abahungu b'iki gihe batakigira urukundo rw'ukuri aho umuntu ahura n'undi bagakundana ejo yahura n'undi nawe bagakundana.

    Benshi rero ntibaba banibuka ko bafite abakunzi ahanini kubera ikibazo cyo kutagira Urukundo ruhamye.

    Kugira agahararo

    Bamwe mu bakobwa cg abahungu batendeka abakunzi babo kubera guharara cyane kuko ashobora kuba akundana n'umuntu ejo yabona undi wateye imbere nawe agahita yifuza gukundana na we ariko byibuze ntabwire uwo bari basanzwe bakundana ko byarangiye yabonye undi ahubwo agakomeza kumubeshya ko amukunda kugira ngo nawe atamutakaza gusa uzasanga abantu bakora ibi bintu no mu buzima busanzwe baba bahuzagurika mu byo bakora byose.

    Gukunda ibintu cyane (ibintu n'amafaranga)

    Abantu benshi hari igihe baba bafite abakunzi ariko ugasanga batanyurwa n'ibyo babaha cyangwa se babakorera, bagahitamo gushaka abandi kugira ngo bahabwe bya bindi babuze ku ruhande.

    Ibyo rero barabikora ariko ugasanga ntabwiye wawundi yari asanzwe afite ko byarangiye ngo batandukane ahubwo agakomeza kumukina kugira ngo nawe akomeze ajye amuha byabindi yamuhaga ndetse nundi yabonye agakomeza kumuha ibindi.

    Ibishuko

    Guca inyuma akenshi bishobora kutava ku mukunzi wawe ahubwo ushobora gusanga afite nk'undi muntu ku ruhande umushukisha ibintu bitandukanye.Iyo rero umukunzi wawe w'umusore afite umukobwa kuruhande umushukisha kuryamana cyane ko abasore batazi kwifata kuri iyo ngingo bashiduka baguye mu mutego wo guca inyuma abakobwa bakunda.

    Kurambirwa

    Hari igihe kigera ugasanga umuntu mukundana yaba umuhungu cyangwa umukobwa yakurambiwe ariko akirinda kukwereka ko yakurambiwe ahubwo akigira gushaka abandi batari wowe, yababona agatangira kuguca inyuma utabizi wowe ugakomeza kwizera ko umuntu akigukunda kandi by'ubyukuri we yarakurambiwe kera.

    Source : https://yegob.rw/dore-impamvu-zitandukanye-zituma-abantu-bacana-inyuma/

  • Abantu 10 bakoranye bya hafi na Perezida Kagame ubu bakaba bafunze cyangwa barahunze bashinjwa kurwanya ubutegetsi bwe #rwanda #RwOT

    Muri iyi nkuru, nyuma yo gusubiza amaso inyuma, turabagezaho urutonde rw’abantu 10 bigeze gukorana bya hafi na Perezida Paul Kagame mu myanya ikomeye y’ubuyobozi n’iya gisirikare, bakaba bari mu baza ku isonga mu bashinjwe mu nkiko ibyaha birimo ibyo kurwanya ubutegetsi bwe no kugambirira kubugirira nabi cyangwa kumugirira nabi ubwe nk’Umukuru w’igihugu.

    1- Gen Kayumba Nyamwasa

    JPEG - 42.6 ko

    Lt Gen Kayumba Faustin Nyamasa yigeze kuba umugaba mukuru w’ingabo z’u Rwanda, nyuma aza guhagararira u Rwanda mu Buhinde ku mwanya wa ambasaderi, aho yavuye afata iy’ubuhungiro akerekeza muri Afurika y’Epfo.

    Muri 2011, Lieutenant General Kayumba Nyamwasa yahamwe n’ibyaha byo kurema umutwe w’abagizi ba nabi, gukurura amacakubiri n’ivangura ; ibyaha bivutsa igihugu na Leta umudendezo no gusebanya. Yahamwe kandi n’icyaha cyo gutoroka igisirikare. Yaburanishijwe adahari, akatirwa imyaka 24 y’igifungo. Afatanyije na bagenzi be barwanya Perezida Kagame n’ubutegetsi bwe, bashinze ishyaka RNC rirwanya byeruye ubutegetsi bw’u Rwanda. Yagiye kandi ashinja Perezida Kagame ibyaha birimo n’icyo guhanura indege y’uwahoze ari Perezida Juvenal Habyarimana.

    2 – Colonel Patrick Karegeya

    JPEG - 55.2 ko

    Col Patrick Karegeya nawe yahoze afite umwanya ukomeye yahawe na Perezida Kagame, akaba yarigeze gukorera ishami rishinzwe iperereza ryo hanze y’igihugu. Nyuma yo gufungwa kabiri, muri 2006 yaje kwamburwa ipeti rye rya Colonel.

    Uyu nawe yaje guhungira muri Afurika y’epfo muri 2007 ndetse aza kuburanishwa adahari muri 2011, ahamwa n’ibyaha byo kurema umutwe w’abagizi ba nabi, gukurura amacakubiri n’ivangura ; ibyaha bivutsa igihugu na Leta umudendezo no gusebanya, hanyuma akatirwa imyaka 20 y’igifungo. Uyu nawe yaje kwerura ko adacana uwaka na Perezida Kagame anarwanya ubutegetsi bw’u Rwanda mu buryo bweruye, kugeza ubwo yaje kwicwa arasiwe muri Afurika y’Epfo muri Mutarama 2014.

    3- Major Rudasingwa Theogene

    JPEG - 166.1 ko

    Major Rudasingwa Theogene we yabaye umuyobozi w’ibiro bya Perezida wa Repubulika, aba Umunyamabanga mukuru wa RPF ndetse yanabaye Ambasaderi w’u Rwanda muri Leta Zunze Ubumwe za Amerika. Yahungiye muri Amerika muri 2004 ndetse nawe muri 2011 aza guhamwa n’ibyaha byo kurema umutwe w’abagizi ba nabi, gukurura amacakubiri n’ivangura ; ibyaha bivutsa igihugu na Leta umudendezo no gusebanya. Yahamwe kandi n’icyaha cyo gutoroka igisirikare. Yaburanishijwe adahari, akatirwa imyaka 24 y’igifungo. Kugeza n’ubu, uyu ari mu barwanya byeruye ubutegetsi bw’u Rwanda.

    4- Gerard Gahima

    JPEG - 37.4 ko

    Gerard Gahima yigeze kuba umushinjacyaha mukuru w’u Rwanda, ndetse yanabaye Visi Perezida w’urukiko rw’ikirenga. Nyuma nawe yaje guhunga, ndetse aza no kujya mu ishyaka rya RNC rirwanya ubutegetsi buriho mu Rwanda. Nawe yagejejwe imbere y’ubutabera ahamwa n’ibyaha byo kurema umutwe w’abagizi ba nabi, gukurura amacakubiri n’ivangura ; ibyaha bivutsa igihugu na Leta umudendezo no gusebanya, hanyuma akatirwa imyaka 20 y’igifungo.

    5- Col Tom Byabagamba

    JPEG - 68.3 ko

    Col.Tom Byabagamba yahoze akuriye itsinda ry’abasirikare barinda Perezida Paul Kagame, ariko nyuma yaje gutabwa muri yombi ndetse yaje guhamwa n’ibyaha akatirwa igifungo no kwamburwa amapeti ya gisirikare.

    Muri Werurwe 2016, Col Tom Byabagamba yahamijwe icyaha cyo gukwiza nkana ibihuha agomesha rubanda, arwangisha ubutegetsi, icyaha cyo gusebya leta ; icyaha cyo guhisha nkana ibintu byagombye gufasha kugenza icyaha gikomeye hamwe n’icyaha cyo gusuzugura ibendera ry’igihugu cyangwa ibimenyetso biranga ubwigenge. Yakatiwe gufungwa imyaka 21 no kwamburwa impeta zose za gisirikare. Yahise ajurura maze igifungo kiza kugezwa ku myaka 15.

    Nyuma ariko, muri uyu mwaka wa 2021, Urukiko rw’ibanze rwa Kicukiro mu mujyi wa Kigali rwakatiye igifungo cy’imyaka itatu Col Tom Byabagamba ku cyaha cy’ubujura aregwa ko yakoze ubwo yari muri gereza.

    6 – Brig Gen Frank Rusagara

    JPEG - 136.2 ko

    Brig Gen Frank Rusagara, yahoze ari umusirikare mukuru mu ngabo z’u Rwanda, ndetse uyu ni muramu wa Col Tom Byabagamba dore ko n’urubanza baburanaga bari kumwe, nawe akaba yarakatiwe igifungo muri Werurwe 2016 ahita ajurira.

    Rtd Brig Gen Frank Rusagara yahamijwe kwamamaza nkana ibihuha no kugomesha rubanda abangisha ubutegetsi buriho, gukora igikorwa kigamije gusebya Leta ari Umuyobozi, ndetse no gutunga imbunda binyuranije n’amategeko. Yahise ahanishwa gufungwa imyaka 20 ariko arajurira, biza kurangira akatiwe igifungo cy’imyaka 15.

    7- Lt Joel Mutabazi

    JPEG - 33.4 ko

    Mbere yo gutoroka mu ngabo z’u Rwanda, Lt Joel Mutabazi yakoreraga akazi mu mutwe urinda Umukuru w’igihugu n’abandi bayobozi. Akaba yari mu barinze urugo rw’umukuru w’igihugu ruherereye ku kiyaga cya Muhazi.

    Lt Joel Mutabazi yahanishijwe igifungo cya burundu ndetse no gukurwaho impeta za gisirikare, uyu mwanzuro ukaba warafashwe n’urukiko rukuru rwa gisirikare tariki 3 Ukwakira 2014 nyuma yo gusanga Joel Mutabazi wari ufite ipeti rya Lieutenant ahamwa n’ibyaha byose yaregwaga muri uru rubanza rwitiriwe urw’iterabwoba. Yaregwaga ibyaha birimo iterabwoba, kugambirira kugirira nabi igihugu n’umukuru w’igihugu ndetse no gukorana n’imitwe ifite imigambi mibi ku Rwanda irimo FDLR na RNC, bimwe mu bikorwa bashinjwaga hakaba hari harimo gutera gerenade zagiye zihitana ubuzima bw’abantu mu gihugu.

    8 – Rujugiro Ayabatwa Tribert

    JPEG -

    Umunyemari Rujugiro, ni umwe mu bahoze ari abajyanama ba Perezida Kagame mu by’ubukungu, by’umwihariko mu mwaka 2006 yashyizwe mu bajyanama b’Umukuru w’Igihugu bakomoka ku isi hose barimo na Tony Blair. Rujugiro kandi yayoboye Rwanda Investment Group.

    Igihe cyaje kugera ariko Rujugiro ashinjwa ibyaha birimo umugambi wo guhungabanya umudendezo w’igihugu ndetse aza guhungira muri Afurika y’Epfo, ubu akaba ari umwe mu batavuga rumwe n’ubutegetsi bw’u Rwanda.

    Rujugiro mu myaka ishize yareze Leta y’u Rwanda mu rukiko rwa Afurika y’Uburasirazuba rukorera i Arusha muri Tanzania avuga ko Leta y’u Rwanda, ibinyujije muri Komisiyo y’Umujyi wa Kigali ishinzwe gucunga imitungo yatawe na ba nyirayo, yafatiriye imitungo ye nyuma y’uko agiye mu buhungiro mu gihugu cya Afurika y’Epfo. Iyo mitungo irimo inyubako yahoze yitwa UTC ikorerwamo ubucuruzi butandukanye, yavugaga ko ifite agaciro ka miliyoni 20 z’amadolari y’Amerika, ni ukuvuga abarirwa muri 20.000.000.000 uyabaze mu mafaranga y’u Rwanda.

    Muri 2017 ariko iyi nyubako yaje gutezwa cyamunara kuburyo ubu yanahinduriwe izina n’abayegukanye mu cyamunara. Ikigo Kigali Investment Company ni cyo cyegukanye iyi nyubako cyemeye kwishyura igiciro kiruta ibyatanzwe n’abandi cya 6.877.150.000 Frw

    Ikigo cy’igihugu cy’imisoro cyavugaga ko inyubako ya UTC igifitiye ibirarane bigera kuri miliyari na miliyoni 200 by’amafranga y’u Rwanda. Umunyemari Tribert Rujugiro, cyamunara irangiye yavuze ko bitari kera azasubirana inyubako ye ngo kuko ikintu cy’umuntu kiguma ari icye kugeza igihe nyir’ubwite yifuje kukigurisha.

    Yagize ati 'Abayiguze baribeshya cyane kuko ikintu cy’umuntu kiguma ari icye kugeza igihe nyene cyo we yemeye akakigurisha.Kuba rero waguze ikintu cy’umuntu uziko uwo ukiguzeho atari we nyene cyo naho yaba ari Leta uratakaza.'

    9- David Himbara

    JPEG - 28.8 ko

    Dr David Himbara ni impuguke mu by’ubukungu, akaba ndetse yaranabaye umujyanama wa Perezida Paul Kagame mu by’ubukungu. Gusa yaje guhunga ndetse ntavuga rumwe n’uwo yari abereye umujyanama kimwe n’ubutegetsi bwe bwose, mu binyamakuru no ku mbuga nkoranyambaga zitandukanye akaba ahora agaragaza ko arwanya Leta y’u Rwanda.

    10- Twagiramungu Faustin

    PNG - 304.6 ko

    Guverinoma yashyizweho tariki 19 Nyakanga 1994 nyuma y’ihagarikwa rya Jenoside, yari igizwe na Perezida Pasteur Bizimungu, Visi Perezida Major General Paul Kagame ndetse na Twagiramungu Faustin ku mwanya wa Minisitiri w’Intebe. Twagiramungu yahawe umwanya bigizwemo ubushake na Perezida Kagame, kuko nk’uwari uyoboye ingabo zari zimaze gutsinda urugamba rwo kubohora u Rwanda, yari afite ijambo nyamukuru.

    Nyuma yo kuva kuri uyu mwanya wa Minisitiri w’Intebe, Twagiramungu yahungiye i Burayi, aho yahise ashinga ishyaka RDI Rwanda rwiza ritavuga rumwe kandi rirwanya byeruye ubutegetsi bw’u Rwanda. Mu bitangazamakuru no ku mbuga nkoranyambaga, ahora avuga amagambo agaragaramo kunenga no gutuka Perezida Kagame n’ubutegetsi bwe.

    Source : http://www.ukwezi.rw/mu-rwanda/3/Abantu-10-bakoranye-bya-hafi-na-Perezida-Kagame-ubu-bakaba-bafunze-cyangwa-barahunze-bashinjwa-kurwanya-ubutegetsi-bwe

  • Menya byinshi kuri Rujugiro, umuherwe wa mbere mu Rwanda wize amashuri abanza gusa #rwanda #RwOT

    Tribert Rujugiro Ayabatwa niwe washinze uruganda rukora itabi ruzwi nka African Tobacco Group (PTG), rukaba ari narwo ruganda rw’itabi rukomeye kandi rukora itabi ryinshi muri Afurika. Rukorera mu bihugu 9, birimo Nigeria, Angola, Burundi, Repubulika Iharanira Demokarasi ya Kongo, Tanzania na Leta Zunze Ubumwe z’Abarabu (United Arab Emirates).

    Uru ruganda, ruhanganye ku rwego mpuzamahanga n’izindi zikomeye nka Altria na British American Tobacco, rukoresha abakozi barenga 20,000 kandi buri mwaka rwinjiza akayabo k’amadolari arenga 250.000.000, ni ukuvuga arenga 250.000.000.000 uyabaze mu mafaranga y’u Rwanda. Rujugiro yatanze imwe mu migabane muri uru ruganda, ariko n’ubundi niwe munyamigabane ukomeye.

    Muri 2014, Rujugiro yasobanuriye Forbes Magazine uburyo nyina yapfuye akamusiga ari umwana w’imyaka 12 y’amavuko, nyuma akaza no kwirukanwa mu ishuri ubwo yari ageze mu mwaka wa munani w’amashuri abanza. Yirukanywe afite imyaka 16, ndetse ninayo mashuri yize muri rusange, ntiyigeze abasha kwiga amashuri yisumbuye.

    JPEG -

    Yirukanywe bigizwemo uruhare n’abanyamadini ndetse n’abakoloni bagenzuraga uburezi bw’u Rwanda icyo gihe, hanakoreshwa ivanguramoko mu mashuri. Yaje no gutotezwa bituma ku myaka 19 ahungira i Burundi, kuko yabonaga nta hazaza heza ateze ku butegetsi bw’u Rwanda bw’icyo gihe. Icyo gihe, Rujugiro yari ataraba umuherwe, ndetse ahubwo yari abayeho mu buzima bubi cyane.

    Nyuma yo kugera i Burundi, mu 1960 Rujugiro yabonye akazi ko gukorera iposita yo mu karere yari ihuriweho n’u Rwanda n’u Burundi. Aka kazi yagakoze agakunze cyane, agakorana imbaraga ndetse arushaho kuba inzobere, kuburyo yahuguye benshi bakoreye iposita mu Rwanda no mu Burundi, nyuma y’uko abakoloni bari bamaze kugenda ibi bihugu bigasigara byigenga.

    Muri aka kazi yahigiye cyane ururimi rw’igifaransa, nyuma aza no kugera ku rwego rwo kukigisha abanyarwanda benshi bari barahungiye i Burundi. Rujugiro azi no kuvuga icyongereza, ariko cyo akaba yaraje kukimenya kubera kuba cyane no gukorera mu bihugu by’amahanga bitandukanye bikoresha icyongereza.

    Rujugiro yatangiye kwikorera ku giti cye ubwo yari afite imyaka 22 y’amavuko. Yagiye azigama amafaranga yakoreraga, maze aza kubasha kwigurira imodoka yo mu bwoko bwa “Pick Up”, akajya ayikoresha atwara abantu n’ibintu.

    Nyuma y’imyaka 7 akora aka kazi, yaje gutangira kwinjira mu bindi bikorwa by’ubucuruzi, atangira acuruza imigati, amafu atandukanye ndetse n’umunyu. Mu 1970, yabonye akazi ko kuzajya agurisha itabi mu Burundi, arikuye mu gihugu cya Tanzania. Yanakoze ibikorwa byinshi by’ubucuruzi, birimo gutwara abantu mu mazi, gukora itabi, gukora inzoga n’ibindi binyuranye, aza kugera ku rwego rwo kuba rwiyemezamirimo w’umuherwe cyane.

    Umutungo bwite wa Rujugiro ugizwe n’amazu, inganda n’ibikorwa bitandukanye by’ubucuruzi. Muri 2010 yatangajwe mu kinyamakuru Forbes Magazine nk’umuherwe wa mbere mu Rwanda, ufite imitungo ya miliyoni 280 z’amadolari, ni ukuvuga ko ubu uyabaze mu mafaranga y’u Rwanda yakabakaba 230.000.000.000.

    Rujugiro ni umwe mu bahoze ari abajyanama ba Perezida Kagame mu by’ubukungu, by’umwihariko mu mwaka 2006 yashyizwe mu bajyanama b’Umukuru w’Igihugu bakomoka ku isi hose banarimo na Tony Blair. Rujugiro kandi yayoboye Rwanda Investment Group.

    Igihe cyaje kugera ariko Rujugiro ashinjwa ibyaha birimo umugambi wo guhungabanya umudendezo w’igihugu ndetse aza guhungira muri Afurika y’Epfo, ubu akaba ari umwe mu batavuga rumwe n’ubutegetsi bw’u Rwanda.

    Rujugiro mu myaka ishize yareze Leta y’u Rwanda mu rukiko rwa Afurika y’Uburasirazuba rukorera i Arusha muri Tanzania avuga ko Leta y’u Rwanda, ibinyujije muri Komisiyo y’Umujyi wa Kigali ishinzwe gucunga imitungo yatawe na ba nyirayo, yafatiriye imitungo ye nyuma y’uko agiye mu buhungiro mu gihugu cya Afurika y’Epfo. Iyo mitungo irimo inyubako yahoze yitwa UTC ikorerwamo ubucuruzi butandukanye, yavugaga ko ifite agaciro ka miliyoni 20 z’amadolari y’Amerika, ni ukuvuga abarirwa muri 20.000.000.000 uyabaze mu mafaranga y’u Rwanda.

    JPEG - 57 ko

    Iyi ni inyubako yahoze ari UTC iri mu mujyi wa Kigali rwagati, aho benshi bakunda kwita kwa Rujugiro

    Johnston Busingye, Minisitiri w’Ubutabera akaba n’intumwa nkuru ya Leta y’u Rwanda, avuga ko ibyo Leta y’u Rwanda yakoze byari bikwiye kandi bikurikije amategeko, kuko byakozwe mu rwego rwo gucunga neza iyi mitungo ngo itangirika. Avuga ko Komisiyo ibishinzwe irimo gucunga iyi mitungo, n’ubwo Rujugiro we avuga ko imitungo ye yafatiriwe na Leta mu buryo budakurikije amategeko.

    Muri 2017 ariko iyi nyubako yaje gutezwa cyamunara kuburyo ubu yanahinduriwe izina n’abayegukanye mu cyamunara. Ikigo Kigali Investment Company ni cyo cyegukanye iyi nyubako cyemeye kwishyura igiciro kiruta ibyatanzwe n’abandi cya 6.877.150.000 Frw

    Ikigo cy’igihugu cy’imisoro cyavugaga ko inyubako ya UTC igifitiye ibirarane bigera kuri miliyari na miliyoni 200 by’amafranga y’u Rwanda. Umunyemari Tribert Rujugiro, cyamunara irangiye yavuze ko bitari kera azasubirana inyubako ye ngo kuko ikintu cy’umuntu kiguma ari icye kugeza igihe nyir’ubwite yifuje kukigurisha.

    Rujugiro kandi yareze Leta y’u Rwanda ashaka ko yanasubizwa indi mitungo irimo inyubako iri i Gikondo mu karere ka Kicukiro ndetse n’imigabane ye iri mu ruganda rw’icyayi ruri mu Majyepfo y’igihugu. Aha i Gikondo, naho haramwitiriwe kuburyo hazwi nko mu mudugudu wo kwa Rujugiro.

    JPEG - 71.5 ko

    Iyi ni inzu yahoze ari iya Rujugiro iri i Gikondo, naho bakunda kuhita mu mudugudu wo kwa Rujugiro

    Source : http://www.ukwezi.rw/mu-rwanda/3/Menya-byinshi-kuri-Rujugiro-umuherwe-wa-mbere-mu-Rwanda-wize-amashuri-abanza-gusa

  • Salome na Roberto basohoye indirimbo yo kwifa… – #rwanda #RwOT

    Tariki ya 15 Kanama buri mwaka, Kiliziya Gatolika ku Isi yose yizihiza umunsi Mukuru wa Asomusiyo (Assomption), wizihizwaho ijyanwa mu ijuru rya Bikira Mariya.

    Roberto na Salome bavuze ko bakoze indirimbo 'Umwiza ubaruta' mu gufasha Abakiristu Gatolika kwizihiza Umunsi Mukuru wa Asomusiyo wizihizwa kuri iki Cyumweru tariki 15 Kanama 2021.

    Iyi ndirimbo ikubiyemo amagambo meza ataka umubyeyi Bikira Mariya. Bayikoze nk'isengesho ryo gusaba Bikira Mariya gukomeza gusabira buri wese.

    Ni indirimbo iri tsinda ryitezeho gufasha Abakristu n'abakunzi babo kwizihiza umunsi wa Asomusiyo neza, cyane cyane abakunda Bikira Mariya.

    Bikira Mariya ni urugero rwiza rwo kwicisha bugufi no kwemera icyo Imana isaba buri wese nk'uko nawe yabikoze.

    Roberto na Salome babwiye INYARWANDA, ko iyi ndirimbo ihimbye ku buryo bw'isengesho ku buryo 'yaba ari twe cyangwa undi wese ashobora kuyifashisha mu kwiyambaza Umubyeyi Bikira Mariya, aho ku bakristu Gatolika twemera ko aduhakirwa.'

    Bati 'Umunsi wa Assomption ni umunsi twizihizaho ijyanwa mu ijuru rya Bikira Mariya. Ni umunsi ukomeye kuri twe ndetse no ku bakristu muri rusange kuko twongera kumutura amasengesho yacu twizeye ko ayatugereza ku Mwana we Yezu.'

    Roberto yavuze ko iyi ndirimbo bayitezeho ko izafasha abakristu Gatolika ndetse n'abandi bose bemera umubyeyi Bikira Mariya kwizihiza umunsi uhimbazwaho ijyanwa mu ijuru rye.

    Kandi ikazakomeza kubaherekeza mu isengesho ryabo bakora umunsi ku wundi biyambaza uwo mubyeyi.

    Baniteze ko izafasha n'abandi baririmbyi muri korali kuko bashobora no kuyikoresha mu gitambo cya Misa.

    Roberto avuga ko umuziki wabo wakirwa neza muri rusange bigaragarira mu butumwa bakira buvuye ku bakunze ibihangano byabo bitandukanye ku mbuga bakoresha ndetse n'aho basengera umunsi ku wundi.

    Ati 'Tubona rero uri gutera imbere kubera ko ubu dufite umubare utari muke w'abadukurikira kandi tubona bizakomeza uko ibikorwa bizakomeza kwiyongera.'

    Salome yavuze ko indirimbo 'Umwiza ubaruta' ari igisigo kirata Umubyeyi Bikira Mariya

    Roberto bavuze ko indirimbo zabo zakirwa neza ashingiye ku bitekerezo bakira umunsi ku wundi

    KANDA HANO UREBE AMASHUSHO Y’INDIRIMBO ‘UMWIZA UBARUTA’ YA SALOME NA ROBERTO

    “>

    Source : https://inyarwanda.com/inkuru/108615/salome-na-roberto-basohoye-indirimbo-yo-kwifatanya-nabakristu-mu-kwizihiza-asomusiyo-video-108615.html

  • Iwacu Muzika Festival: Israel Mbonyi yakoze i… – #rwanda #RwOT

    Uyu muhanzi wakunzwe mu ndirimbo zitandukanye ziha Ikuzo Imana yabaye umuramyi wa mbere uririmbye mu bitaramo by'iserukiramuco rya Iwacu Muzika Festival riri kuba ku nshuro ya Gatatu hifashishijwe ikoranabuhanga kubera kwirinda Covid-19.

    Israel Mbonyi witegura gusohora indirimbo nshya yakoze igitaramo cy'ivugabutumwa yisunze indirimbo ze zinyuranye mu ijoro ry'uyu wa Gatandatu tariki 14 Kanama 2021 cyabereye kuri Televiziyo y'u Rwanda.

    Yari amaze iminsi ararikiye abafana be n'abakunzi b'umuziki kuzaririmbana nawe urutonde rw'indirimbo yahisemo kuri Album ya mbere yasohoye mu 2014, Album ya kabiri yasohoye mu 2017 na Album ya Gatatu yashyize ku isoko mu 2020.

    Mu ikiganiro kibanziriza igitaramo yakoze, yasobanuye ko Gospel ari umuziki waremewe guhimbaza Imana, guha ihumure n'icyizere abantu batandukanye.

    Asobanura ko arajwe ishinga no gukora indirimbo umuntu yumva akagira icyo asigarana. Kandi agakora uko ashoboye ubutumwa atanga bukagera kure.

    Uyu muhanzi uririmba anicurangira yavuze ko uko umuziki w'u Rwanda utera imbere ari nako Gospel itera imbere.

    Avuga ko imyaka itatu yagiye icamo kugira ngo asohore Album, wari umwanya yahaga abantu kugira ngo bumve neza Album ye anategura indirimbo nshya. 

    Israel yashimangiye ko insengero zubatse izina hanze aha byagizwemo uruhare n'abahanzi b'indirimbo zihimbaza Imana, bityo ko insengero zikwiye kubazirikana mu igenamigambi ryazo.

    Ati “…Insengero ureba zateye imbere abahanzi babo bagizemo uruhare runini cyane. Rero bareke kubashyira ku ruhande ngo bahe ibindi agaciro ahubwo nabo babahe agaciro.'

    Uyu muhanzi yavuze ko umuziki uvuna kuva ku ikorwa ry’indirimbo kugeza isohotse. Bityo ko ari ah’insengero gushyigikira abahanzi babo.

    Ati '…Babashyigikire bumve ko ari abahanzi bafitiye runini urusengero noneho no mu rusengero bajye babaha agaciro nibwo n’umuziki nawo uzatera imbere.”

    Muri iki gitaramo, Mbonyi yaririmbye indirimbo nka 'Mbwira', 'Urwandiko', 'Karame', 'Mbega ubuntu' ya Appolinaire', 'Ndagushima' ya Dudu, 'Ibihe', 'Ku marembo y'ijuru' ndetse na 'Baho'.

    Israel aherutse kubwira INYARWANDA, ko mu minsi iri imbere azasohora indirimbo nshya nyuma y'amezi atanu ashize asohoye amashusho y'indirimbo yise 'Baho'.

    Uyu muhanzi yanavuze ko yamaze guhitamo abaririmbyi 50 bazavamo abazamufasha kuri Album ye nshya yise 'Cross songs'.

    Israel Mbonyi yakoze igitaramo gikomeye muri Iwacu Muzika Festival

    Israel Mbonyi yifashishije abaririmbyi basanzwe bamufasha mu bitaramo no mu ikorwa ry'indirimbo ze Uyu muhanzi yaririmbye indirimbo 'Mbega ubuntu' ya Appolinaire ndetse na 'Ndagushima' ya Dudu Israel Mbonyi yavuze ko abahanzi ba Gospel bafatiye runini iterambere ry’insengero Uyu muhanzi avuga ko abahanzi ba Gospel badakwiye kwirengagizwa mu igenamigambi ry'insengero  Israel Mbonyi yasabye ko abahanzi ba Gospel bahabwa agaciro mu nsengeroNyuma yo kuririmba muri iki gitaramo, Israel Mbonyi yashimye abagikurikiye, avuga ko 'byari byiza'

    Israel Mbonyi yaririmbye indirimbo 'Baho' aherutse gusohora   

    Uyu muhanzi aherutse kubwira INYARWANDA ko agiye gusohora indirimbo nshya Israel Mbonyi afatwa nk'umunyamuziki w'indirimbo zihembura imitima ya benshi

    KANDA HANO UREBE AMASHUSHO Y’IGITARAMO ISRAEL MBONYI YAKOZE

    “>

    AMAFOTO: BJC Official-EAP

    Source : https://inyarwanda.com/inkuru/108614/iwacu-muzika-festival-israel-mbonyi-yakoze-igitaramo-gikomeye-asaba-insengero-guhindura-uk-108614.html

  • Nkusi Arthur na Miss Muthoni Fiona basezeran… – #rwanda #RwOT

    Ubukwe bwa Nkusi na Muthoni bwabaye kuri uyu wa 14 Kanama 2021 ku mucanga wa Rushel Kivu Lodge Hotel. Ni ubukwe bwatashywe n'abantu bake b'inshuti magara ndetse nta muntu n'umwe mu bari baburimo wari wemerewe gusakaza amafoto. Ubu bukwe bubabaye nyuma yaho ku wa Gatatu tariki 11 Kanama 2021, Rutura na Miss Muthoni Fiona basezeranye imbere y'amategeko muri umwe mu mirenge igize Umujyi wa Kigali.

    Gusezerana imbere y'amategeko nabyo byabaye mu ibanga rikomeye, ndetse amafoto n'amashusho yafashwe n'ababyishyuriwe bari bafite amabwiriza yo kutagira n'imwe ibacika. Uretse aba, abari batumiwe muri uyu muhango nabo bari basabwe kudafata amafoto cyangwa amashusho ngo bayasakaze ku mbuga nkoranyambaga.

    Mu ntangiriro z’umwaka wa 2021 ni bwo umunyarwenya Nkusi Arthur yemeye ko akundana n'umunyamakuru wa CNBC Africa, Fiona Muthoni Naringwa wanabaye Igisonga cya Gatatu cya Nyampinga w'u Rwanda 2015, akaba n'Igisonga cya Mbere cya Miss Africa Calabar 2017. Urukundo rw'aba bombi rwari rumaze igihe ariko baragerageje kurugira ibanga rikomeye.

    Nkusi Arthur yarushinze na Miss Muthoni Fiona mu bukwe bwabaye mu ibanga rikomeye

    Kubona amafoto y’abageni byabaye indyankurye. Ibi birori byabereye ku Nkengero z’Ikiyaga cya Kivu muri Rutsiro

    Nta muntu wari wemerewe gufata ifoto y’abageni ndetse nta foto yashyizwe hanze iberekana mu maso

    Source : https://inyarwanda.com/inkuru/108605/nkusi-arthur-na-miss-muthoni-fiona-basezeranye-kubana-akaramata-mu-bukwe-bwagizwe-ibanga-a-108605.html

  • Inyungu zumuherwe Kroenke ku giti cye atitay… – #rwanda #RwOT

    Kuva mu 2008, Umuherwe w'umunyamerika Stan Kroenke yatangiye kuba umunyamigabane mu ikipe ya Arsenal, gusa uko imyaka yagiye izamuka yagiye agura imigabane myinshi kugeza ubwo yaguze n'iya Danny Fiszman na Nina Bracewell-Smith, akegukana Arsenal ku manywa y'ihangu nyuma y'igihe gito ashyizwe mu bayobozi b'iyi kipe.

    Kuva Kroenke yafata Arsenal, nta musaruro ufatika iyi kipe irageraho, kuko nta gikombe cya shampiyona iratwara, yewe nta n'icyo ku mugabane w'i Burayi iratwara kandi ihora mu makipe 10 akize ku Isi.

    Ibakwe no guhangana bya Arsenal yari izwiho kugura abakinnyi bakomeye bari ku rwego rwo guhanganira ibikombe mu Bwongereza, byarangiranye n'ababanjirije Kroenke ku buyobozi bw'iyi kipe.

    Uretse ibikombe bitanu bya FA Community Shield na Bine bya FA Cup, nta kindi gikombe Arsenal yegukanye ku ngoma y'umuherwe Stan Kroenke umaze imyaka 13 muri iyi kipe y'i Londres.

    Arsenal imaze igihe kirekire idasiba kugaragara mu makipe aba yinjije amafaranga menshi mu mwaka, biyiha kugaragara mu makipe 10 ya mbere akize ku Isi.

    Uyu Munyamerika ubarirwa muri za Miliyari z'amadolari, asanzwe afite amakipe menshi cyane yashoyemo amafaranga, arimo na Denver Nuggets yo muri NBA bivugwa ko ariyo yitaho cyane kuruta uko yita kuri Arsenal.

    Umusaruro wa Arsenal mu myaka 15 ishize washobeye benshi bakurikirana umupira w'amaguru, kuko iyo umwaka urangiye, undi utangira bigaragara ko nta gahunda y'impinduka ihari muri iyi kipe, bituma ibihe bibi bisa nk'ibyabaye akarande muri iyi kipe bisimburana iteka.

    Mu myaka ishize ibitangazamakuru byo mu Bwongereza, byavuze ko Stan Kroenke aba arajwe ishinga no kubona amafaranga menshi yisuka kuri konte ze, ataba yitaye ku byishimo cyangwa akababaro k'abafana ba Arsenal, ari nayo mpamvu gutsinda cyangwa gutsindwa kwayo bitaza ku rutonde rw'ibyihutirwa kwa Kroenke.

    Bivugwa ko aho gushora amafaranga menshi muri Arsenal, Kroenke ayashyira mu ikipe ya Denver Nuggets yo muri NBA muri Amerika kuko aba ahategereje inyungu nyinshi.

    Ntabwo Arsenal ikiri ku rwego rw'amakipe akomeye mu Bwongereza (Top class) kuko no gusoza shampiyona mu makipe atandatu ya mbere byabaye nk'umugani.

    Abatoza baraza, abandi bakagenda ariko ugashaka umusaruro ukawubura, birashoboka ko hari abibeshya ko umusaruro mubi umaze igihe kirekire muri Arsenal uterwa n'abatoza badashoboye, ntabwo aribyo, kuko umusaruro mubi uterwa no kuba nta bakinnyi bari kurwego rwo guhatana iyi kipe ifite? Biterwa n'iki ko amafaranga atabuze mu ikipe? Ese intego ya Arsenal ihabanye no kwegukana ibikombe?

    Byabaye agahomamunwa ubwo Arsenal yatangiraga umwaka w'imikino wa 2021/22 itsindwa na Bentford iri gukina umwaka wa mbnere muri Premier League ibitego 2-0, bituma benshi mu bakunzi b'iyi kipe bibaza ahazaza hayo n'intego ifite.

    Arsenal yasoje umwaka w'imikino ushize ku mwanya wa Munani mu makuipe 20, ariko nta mpinduka zigragara zigeze zikorwa hategurwa umusaruro mwiza muri uyu mwaka, hagurwa abakinnyi bo kuyifasha.

    Uyu muherwe Stan Kroenke utarekura amafaranga agaragara ngo ikipe yiyubake, igure abakinnyi bari ku rwego rwo guhatanira igikombe, niwe utungwa agatoki ko kuba nyirabayazana ituma umusaruro ukomeza kuba nkene.

    Uyu musaruro nkene umaze igihe kirekire warazonze abafana ba Arsenal bageze aho kwihangana bibananira, basaba uyu muherwe kurekura ikipe yabo akagenda kuko akomeje kuyirindimura, bagira bati “Kroenke Out”.

    Uyu musaruro mubi, watumye Perezida Kagame Pau,l umukunzi ukomeye w'akadasohoka w'iyi kipe nawe avuga ko Arsenal ikeneye impinduka nubwo zatinze.

    Umuherwe Stan Kroenke arashinjwa gukurikira inyungu ze bwite akirengagiza ibyishimo by’Abafana ba Arsenal

    Abafana batangiye kumusaba kuva mu ikipe yabo

    Arsenal yatangiye shampiyona itsindwa na Brentford ivuye mu cya kabiri ibitego 2-0

    Source : https://inyarwanda.com/inkuru/108603/inyungu-zumuherwe-kroenke-ku-giti-cye-atitaye-ku-byishimo-byabafana-imbogamizi-ikomeye-yit-108603.html

  • Leta y’u Rwanda yongeye guhara amahooro ngo i… – #rwanda #RwOT

    RURA ivuga ko Leta yemeye kwigomwa amahooro yari asanzwe yakwa ku bikomoka kuri peteroli.

    Mu itangazo RURA yashyize ahagaragara kuri uyu wa 14 Kanama 2021, yavuze ko 'Iki cyemezo cyafashwe mu rwego rwo gukumira ingaruka ku bukungu zashoboraga guturuka ku bwiyongere bw’ibiciro by’ibikomoka kuri peteroli.'

    RURA kandi yategetse ko igiciro cya Lisansi i Kigali kitagomba kurenga Amafaranga y’u Rwanda 1,088 Frw kuri Litro naho Igiciro cya Mazutu i Kigali ntikigomba kurenga Amafaranga y’u Rwanda 1,054 kuri Litiro.

    Muri Gicurasi na Kamena 2021, nabwo Leta yigomwe amahoro kugira ngo ibiciro bya Peteroli bitiyongera. Icyo gihe ibiciro byo ku isoko mpuzamahanga byari byiyongereyeho 17%; byari gutuma ibiciro byo ku isoko ry'u Rwanda byiyongeraho 7%.

     Leta yemeye guhara amahooro y'ibikomoka kuri peteroli kugira ngo ibiciro bitazamuka

    Leta yafashe icyemezo cy'uko ibiciro muri Kanama na Nzeri 2021 biguma uko byari bisanzwe

    Source : https://inyarwanda.com/inkuru/108611/leta-yu-rwanda-yongeye-guhara-amahooro-ngo-ibiciro-byibikomoka-kuri-peteroli-bitiyongera-108611.html

  • Dore ibyabaye ubwo Messi yerekanwagwa imbere y'abafana ba PSG bari buzuye stade – YEGOB #rwanda #RwOT

    Mu minota mike ishie nibwo Leo Messi uherutse kugurwa n'ikipe ya PSG yerekanywe imbere y'abafana ba PSG bari buzuye Parc Des Princes. Si Messi wenyine werekanywe kuko Sergio Ramos, Achraf Hakimi, Gianluigi Donnarumma na Gini Wijnaldum nabo berekanywe.

    Messi ubwo yasohokaga mu rwambariro rw'i Parc Des Princes humvikanye umurindi ukomeye w'abafana be badakuzaga batera hejuru bavuga bati Leo Messi. Urusaku rwaganje umunyamakuru wa PSG Télé bituma ahitamo guha ijambo Messi ari nako abafana nabo bakomezaga gusakuza.

    Parc Des Princes yari yuzuye no hejuru

    Source : https://yegob.rw/dore-ibyabaye-ubwo-messi-yerekanwagwa-imbere-yabafana-ba-psg-bari-buzuye-stade/

  • IFOTO Y'UMUNSI: Umugabo wa Knowless akiri muto – YEGOB #rwanda #RwOT

    Kuri uyu wa Gatandatu tariki ya 14 Kanama 2021 twabazengurukiye imbuga nkoranyambaga zitandukanye kugirango tubategurire ifoto y'umunsi. Ifoto twabahitiyemo kuri uyu munsi ni iya Producer Clément (Umugabo wq Butera Knowless) akiri muto. Iyo foto ni iyi ikurikira:

    Source : https://yegob.rw/ifoto-yumunsi-umugabo-wa-knowless-akiri-muto/