Webrwanda Backend

Author: webrwanda

  • Zambia: Perezida mushya Hakainde Hichilema yahoze aragira inka (Byinshi ku buzima bwe) #Rwanda #RwOT via @kigalitoday #rwanda #RwOT

    Hakaide Hichilema, Perezida mushya wa Zambia
    Hakaide Hichilema, Perezida mushya wa Zambia

    We yivugira ko ari umuntu usanzwe, wahoze aragira inka ‘cattle boy’, ariko akaza kugira amahirwe. Ayo mahirwe ngo ni yo yifuza kugeza ku bana ba Zambia kugira ngo bagere kure kurusha aho we ageze, cyane ko anabarirwa mu baherwe.

    Mu 2016, Hichilema yiyamamarije kuyobora Zambia, ariko aratsindwa, aho yari afite amajwi 100.000 gusa, mu gihe uwo bari bahanganye Edgar Lungu yari afite amajwi agera kuri Miliyoni.

    Hichilema ubu ufite imyaka 59 y’amavuko, kuri iyi nshuro yatsinze Edgar Lungu bari bahanganye mu matora. Gusa amwizeza ko nta kibazo azagira ndetse adakwiye guhagarika umutima.

    Hichilema si mushya muri Politiki ya Zambia, we ubwe yivugira ko ayirambyemo ndetse akaba amaze gufungwa inshuro 15 kuva yakwinjira muri Politiki.

    Nka Perezida mushya wa Zambia, Hichilema ngo agiye guhangana n’ikibazo cy’ubukungu bw’igihugu buhagaze nabi, kuko ku butegetsi bwa Lungu asimbuye, kimwe cya kabiri cy’abaturage ba Zambia bari munsi y’umurongo w’ubukene, kandi ibyo byari bimeze bityo na mbere y’uko icyorezo cya Covid-19 kigera muri icyo gihugu.

    Mu ijambo yavuze nyuma yo gutorerwa kuyobora Zambia, Perezida Hichilema yagize ati “Dufite inshingano ikomeye yo kungera kuzamura ubukungu bwacu kugeza ku rwego mwifuza. Ni urugendo rukomeye ruzaba rurimo kuzamuka no kumanuka, ariko ndizera ko nidukorana imbaraga n’ishyaka, tuzashobora kubageza ku buzima bwiza”.

    Hichilema ubu uyoboye Zambia nka Perezida mushya, ni umwe mu bantu ba mbere bakize cyane muri icyo gihugu, ariko ngo yabigezeho abikesheje gukora cyane.

    Aganira n’Ibiro ntaramakuru by’Abafaransa ‘AFP’ yagize ati “Ndi umuhungu waragiraga inka… ni rwo rukundo rwo mu bwana, ndi umuturage usanzwe, ndi umunyafurika usanzwe.

    Mu mbwirwaruhame yagejeje ku baturage ba Zambia nka Perezida mushya tariki 16 Kanama 2021, Perezida Hichilema, ubundi bita ‘HH’ (inyuguti zitangira amazina ye), yibukije uko yajyaga ajya ku ishuri atagira inkweto zo kwambara.

    Yongeraho ati”Nabonye amahirwe, turashaka ko ayo mahirwe agera no ku bana bacu, bakazavamo abantu bakomeye no kurusha HH”.

    Hichilema ngo avuka mu muryanyo ukennye, mu Majyepfo ya Zambia, muri ‘District’ ya Monze, ariko umuhate we wamuhesheje kubona ‘buruse’ ajya kwiga muri Kaminuza ya Zambia.

    Aho muri Kaminuza ya Zambia yahavanye impamyabushobozi ya ‘A0’ mu bijyanye n’ubukungu ‘Economics and business administration’ nyuma aza no gukomeza amashuri ye, abona impamyabushobozi ya ‘MBA’ yakuye muri Kaminuza ya Birmingham mu Bwongereza.

    Nk’uko bitangazwa n’ishyaka rye, Hichilema ku myaka 26 gusa y’amavuko, yari Umuyobozi mukuru ‘CEO’, w’ishami rya Sosiyete Mpuzamahanga y’icungamari muri Zambia.

    Ni uko ngo yatangiye kuzamuka, aza no kugera ku rwego rwo kuba mu bakire ba mbere mu Zambia, kubera ko yakoraga ishoramari mu bice bitandukanye, iby’ubuzima, iby’ubukerarugendo n’ibindi.

    Bamwe mu bakurikira ibya Politiki ya Zambia, bavuga ko intsinzi ya Hichilema mu matora aheruka, ayikesha kwiyegereza urubyiruko n’abaturage borohoje, nawe ngo wasangaga yiyoroheje , akambara imyenda adodesha mu batayeri basanzwe, ubundi akambara amakoboyi n’ibindi.

    Mu ijambo yagejeje ku baturage tariki 16 Kanama 2021, yavuze ko manda ye nirangira azava ku butegetsi mu mahoro.

    Yagize ati” Ndashaka kwizeza abaturage ba Zambia hakiri kare ko, igihe cyacu cyo kuva ku butegetsi nikigera, tuzagenda neza mu mahoro”.

    Perezida Hichilema ngo ni umukirisitu, akomoka mu bwoko bwitwa ‘Tonga’ akaba ari Umugabo wubatse, afite umugore n’abana batatu.


    source : https://ift.tt/3D4AUaT

  • Jacques Tuyisenge arakora ubukwe kuri uyu wa Gatandatu #Rwanda #RwOT via @kigalitoday #rwanda #RwOT

    Ubwo Jacques Tuyisenge n
    Ubwo Jacques Tuyisenge n’umukunzi we basezeranaga imbere y’amategeko

    Kuri uyu wa Gatanu tariki 20 Kanama 2021, Jacques Tuyisenge arasaba ndetse anakwe umukunzi we baheruka gusezerana imbere y’amategeko.

    Ubukwe nyirizina, ni ukuvuga gusezerana mu rusengero ndetse no kwakira abatumirwa bizaba ku wa Gatandatu tariki 21 Kanama 2021, ibyo birori bikazabera mu mujyi wa Gisenyi mu Karere ka Rubavu.

    Tuyisenge yasezeranye n’umukunzi we imbere y’amategeko ku itariki 19 Gashyantare 2021, amakuru akaba yavugaga ko bari guhita bakora ubukwe bukeye bwaho ku wa Gatandatu, ariko iyo gahunda iza gusubikwa kubera icyorezo cya Covid-19.

    source : https://ift.tt/37WImGG

  • Abakorera mu Gakiriro ka Gisozi biyemeje guca burundu inkongi z’imiriro #Rwanda #RwOT via @kigalitoday #rwanda #RwOT

    Impamvu ihurizwaho na benshi yagiye itera inkongi zibasira Agakiriro ka Gisozi kuva mu myaka itatu ishize, ni umuriro w’amashanyarazi bavuga ko udacungwa neza.

    Agakiriro ka Gisozi kagizwe n’amashyirahamwe manini (amakoperative) y’abacuruzi agera kuri atanu, ari yo ADARWA, APARWA, COPCOM, Umukindo hamwe n’Isoko rya Duhahirane.

    Mu mwaka wa 2019 Koperative ya APARWA iri hakurya y’umuhanda haruguru ya ADARWA (ahahiye ku wa kabiri w’iki cyumweru), yadutswemo n’inkongi y’umuriro inshuro zirenga eshatu, ariko izangije byinshi cyane zikaba ari izo ku itariki 03 na 29 Kamena 2019.

    Uwitwa Nzasenga Alfred wari ufite imashini zibaza hamwe n’imbaho bifite agaciro k’amafaranga y’u Rwanda miliyoni 17 bikaza gukongokera mu nkongi yo ku itariki 29 Kamena 2019, yahise atangaza ko asubiye ku isuka iwe i Musambira mu Karere ka Kamonyi.

    Kuri uyu wa Kane tariki 19 Kanama 2021 ubwo Kigali Today yasuraga agakiriro ka Gisozi, yasanze Nzasenga Alfred atarigeze agaruka nk’uko yabivugaga.

    Hari na bagenzi be bahombejwe n’inkongi yibasiye inzu za Uwera Jean Pierre, Kimenyi Innocent na Emmanuel Zunguruka zacururizwagamo imbaho, ibikoresho by’ubwubatsi n’ububaji (quincaillerie), imifariso yari yaragenewe gukora intebe ndetse n’ibiribwa.

    Izo nzu zahiriyemo imitungo y’abaturage yari ifite agaciro k’amafaranga arenga miliyoni 80 nk’uko twabitangarijwe n’Ubuyobozi bw’Umudugudu icyo gihe.

    Umwe muri abo baturage twumvise yitwa Daphrose (nta yandi mazina ye yifuje gutangaza), avuga ko yahombye ibicuruzwa bifite agaciro k’arenga miliyoni 29 mu nkongi zabereye mu Gakiriro ka Gisozi hamwe n’aka Kimironko.

    Daphrose agira ati “Ndibuka bya bindi byanjye nyine, igihombo nagize, nta kindi usibye kwiyakira, gusa nyine ni buhoro buhoro, hari ibyo wikuraho kugira ngo umwana abone ibyo arya ubuzima bukomeze”.

    Daphrose warimo yegerenya uduce tw’imifariso two gukora intebe, ari muri bake bahombye ibintu ariko barabifatiye ubwishingizi, icyakora kuri ubu akaba agitegereje ko Sosiyete SONARWA yamushumbusha.

    Asa n’uwafashe ingamba zikomeye, kuko iyo mifariso isigaye ibikwa ukwayo, imbaho na zo zigashyirwa ukwazo, ku buryo hagize igishya kitakongeza ikindi.

    Inyubako zo muri APARWA zaravuguruwe ku buryo zose ubu ari ibyuma gusa, ibintu bigiye birunze mu buryo buhanye intera kandi bitavangavanze.

    Insinga z’amashanyarazi hamwe n’ibyuma biyageza aho babariza byaravuguruwe hashyirwa ibikiri bishya, ndetse nta n’ubwo zandagaye aho buri wese abona ngo abe yazikubaganya.

    Byagabanyije impamvu zateza inkongi y’umuriro, ndetse kuri ubu hagiye gushira imyaka ibiri nta mpanuka habe n’iyoroheje ibaye muri APARWA.

    Twaganiriye n’Umuyobozi wa APARWA, Umutoni Immaculée akomeza agira ati “Insinga zose ubu ziri mu butaka, urebye hano hejuru nta rutsinga wabona kuko bizamuka bihita byinjira mu mashini, twazanye amazi (twakwifashisha mu kuzimya) hamwe na kizimyamoto, ariko hari n’umucanga ubwawo ni kizimyamoto, abantu barimo gufata ubwishingizi n’ubwo tubutanga bwose 100%”.

    Umutoni avuga ko Koperative APARWA igizwe n’ibibanza(ateliers) bigera ku 1,190 ndetse n’abanyamuryango barenze uwo mubare, muri 2019 yahombejwe n’inkongi z’imiriro amafaranga arenga miliyari ebyiri.

    ADARWA igiye gufata ingamba nk’iza APARWA

    Hakurya ya APARWA muri ADARWA aho batewe n’inkongi ikangiza ibibanza umunani byarimo ibikoresho n’ibicuruzwa by’imbaho n’imifariso(matelas) bifite agaciro k’amafaranga y’u Rwanda hafi miliyoni 350, na ho bafashe ingamba.

    Twagirayezu Thaddée ukuriye Koperative ya ADARWA akaba anayobora abikorera bose mu Murenge wa Gisozi, avuga ko hari impamvu ebyiri z’ingenzi ziri ku isonga mu gutwika Agakiriro.

    Ati “Hano hakorerwa byinshi bijyanye n’amashanyarazi, hakanakorera abantu rimwe na rimwe batazi ibyayo kuko dutoza abana baza barize imyuga, impamvu ya kabiri ikaba iy’uko buri muntu afite amashanyarazi ye(installation), yizaniye umutekenisiye we arayamukorera, ubu rero twafashe ingamba zo gukora ‘installation’ imwe”.

    Iyi ni gahunda avuga ko izaba yagezweho mu gihe kiratarenze amezi atatu, n’ubwo bazabanza kuba bafunguye amashanyarazi nk’uko byari bisanzwe(kuko ubu batarimo gukora).

    Twagirayezu avuga ko uretse kugira ahantu hamwe hacungirwa amashanyarazi akoreshwa na buri Koperative, bagomba no kugira za kizimyamoto muri buri ‘atélier’, amazi n’umucanga ndetse no gutoza abakoreramo bose gufata ubwishingizi.

    Ubwo Agakiriro kangizwaga cyane n’inkongi muri 2019, ishyirahamwe ry’Abishingizi mu Rwanda (ASSAR) ryavugaga ko mu mitungo y’Abaturarwanda bose(GDP) yari ifite agaciro ka miliyari ibihumbi bibiri (tiriyari ebyiri), iyari yarafatiwe ubwishingizi itarengaga 2%.

    Uretse APARWA na ADARWA zafashwe n’inkongi z’umuriro inshuro zirenze imwe, isoko rya Duhahirane hamwe n’umuturirwa wa ADARWA ubwawo, byigeze gufatwa n’inkongi z’imiriro mu bice byaho bimwe na bimwe, biturutse kuri Gaz batekesha mu gikoni.

    source : https://ift.tt/3gjUOFk

  • #COVID19: Mu Rwanda abantu 18 bitabye Imana, abarembye ni 42 #Rwanda #RwOT via @kigalitoday #rwanda #RwOT

    Abantu 16 bitabye Imana kubera icyo cyorezo, bituma umubare w’abamaze gupfa bose uba 996. Abitabye Imana ni bagore 8 n’abagabo 8.

    source : https://ift.tt/3kdixYZ

  • Kimenyi Yves yatawe muri yombi kubera ibirori bya “Baby Shower” #rwanda #RwOT

    Umunyezamu Kimenyi Yves wa Kiyovu Sports n'ikipe y'igihugu Amavubi ari mu maboko ya Police y'u Rwanda nyuma y'ibirori byo kwitegura umwana ' Baby Shower' biherutse gukorerwa umukunzi we Muyango witegura kwibaruka vuba.

    Umuvugizi wa Police y'u Rwanda CP JB Kabera,yatangarije B&B FM-Umwezi dukesha iyi nkuru ko ababiteguye n'abitabiriye bakarenga ku mabwiriza yo kwirinda COVID-19 bagomba gushakishwa bagahanwa.

    Kimenyi Yves yatawe muri yombi mu gihe ku wa 17 Kanama 2021 hasohotse amashusho agaragaza ibirori we n'umukunzi we Muyango Claudine bakorewe byo kwitegura kwakira imfura yabo.

    Ibi birori byatumye uyu mukinnyi atabwa muri yombi bizwi nka “Baby Shower”, byitabiriwe n'abantu benshi biganjemo abakobwa b'inshuti za Muyango zari ziri kwishimira ko uyu mukobwa agiye kwibaruka imfura ye.

    Bamwe mu bazwi bagaragaraye muri ibi birori harimo Ingabire Habibah wamenyekanye cyane mu marushanwa y'ubwiza mu Rwanda.

    Kimenyi yamamaye mu makipe atandukanye arimo APR FC, Rayon Sports, Kiyovu Sports no mu Ikipe y'Igihugu Amavubi.

    Urukundo rwe na Muyango Claudine witabiriye Miss Rwanda 2019,rwagiye ku mugaragaro muri Kanama 2019.



    Kimenyi Yves yafunzwe kubera ibirori bya “Baby Shower”byakorewe umwana yitegura kwibaruka we n'umukunzi we Muyango

    Source : https://umuryango.rw/amakuru/mu-rwanda/umutekano/article/kimenyi-yves-yatawe-muri-yombi-kubera-ibirori-bya-baby-shower

  • TV1 yongeye gusezerera Abanyamakuru 3 icya rimwe #rwanda #RwOT

    Abanyamakuru basezerewe kuri iyi nshuro ni Callixte Ndagijimana na Gakayire Raymond ndetse na Kayitankore Dieudonnée uzwi nka Dodos bari basanzwe bakora mu ishami ry’amakuru.

    Aba Banyamakuru batatu bose bari mu bantu ba mbere batangiye gukorera iki gitangazamakuru kibanda ku nkuru za rubanda.

    Nk’uko byatangajwe mu minsi yashize ubwo ubuyobozi bw’iki gitangazamakuru bwabasezereraga abandi bakozi, n’ubu ngo ni ukubera ikibazo cy’amikora akomeje kuba macye.

    Gusa bamwe mu basezerewe kuri iyi nshuro ntibemeranya n’ibi aho bavuga ko kiriya gitangazamakuru kitari kubura ubushobozi ahubwo ko umushoramari wacyo ashobora kuba ari kuyashora mu bindi bikorwa dore ko afite irindi shoramari ryinshi.

    Umuyobozi Mukuru w’Iki gitangazamakuru, Kakoza Nkuriza Charles uzwi nka KNC unasanzwe anafite ikipe y’Umupira w’Amaguru Gasogi United iri mu cyiciro cya mbere, akomeje kubaka ikipe ye dore ko kuri uyu wa Gatatu yanagaruye Umutoza Guy Bukasa wari wavuye muri iriya kipe akerekeza muri Rayon Sports.

    Mu ntangiro z’uyu mwaka, ubuyobozi bwa Radio&TV 1 bwari bwasezereye abandi banyamakuru batatu na bwo ngo kubera amikoro macye yatewe n’ingaruka z’icyorezo cya COVID-19 cyagiye kizahaza imikorere y’abikorera.

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/TV1-yongeye-gusezerera-Abanyamakuru-3-icya-rimwe

  • N’Golo Kant muri batatu bahataniye igihembo… – #rwanda #RwOT

    Kante ahataniye iki gihembo na Jorginho bakinana muri Chelsea, wanafashije ikipe y'igihugu cye kwegukana igikombe cy'u Burayi muri uyu mwaka ndetse na Kevin DeBryune wafashije Manchester City kwegukana igikombe cya shampiyona mu Bwongereza.

    Ninde uhabwa amahirwe kurusha abandi yo kwegukana iki gihembo?

    N’Golo Kanté:


    Umwaka w'imikino wa 2020/21, ntabwo usanzwe kuri Kanté wafashije ikipe ye kwegukana igikombe cya UEFA Champions League nyuma y'imyaka 9, ari nacyo cya mbere yari ateruye mu mateka ye ndetse na UEFA Super Cup, agereka agahigo ku tundi.

    Uwavuga ko ibikombe Chelsea yegukanye uyu mwaka ibikesha N'Golo Kanté ntiyaba abeshye, kuko ibikorwa yakoze kuva mu mikino y'amatsinda kugeza ku mukino wa nyuma begukana iri rushanwa rihatse ayandi i Burayi, ubwabyo byivugira.

    Kanté yagiye atorwa nk'umukinnyi w'umukino, uba witwaye neza mu mukino wose, guhera muri ¼ kugeza no ku mukino wa nyuma, ibi bimugira umukinnyi mwiza w'irushanwa.

    Nta mukinnyi wigaragaje muri Champions League y'uyu mwaka kurusha N'Golo Kanté, ndetse akaba yaragiye abihemberwa kenshi kuri buri mukino yakinnye.

    Kanté ni umukinnyi ukina mu kibuga hagati, kenshi aba afasha ba myugariro kurinda izamu, ariko kandi agafasha na ba rutahizamu gusatira, akora byinshi mu kibuga bitashoborwa na buri wese.

    Kanté ni mwiza cyane kwambura imipira, akaba mwiza mu gutera imiserebeko, ikindi kandi usanga ayobora Counter attack cyane iyo ikipe ye ishaka igitego kandi akabikora neza, imipira yo mu kirere biragoye kuyitwara Kanté, ikindi kandi ntabwo atakaza imipira kenshi ndetse no kumwambura umupira biragoye.

    Uburyo aba azenguruka ikibuga cyose ahiga umupira ndetse awutembereza uko ashaka, byatumye abakunzi b'umupira w'amaguru bamuha akazina k'akabyiniriro 'Man of everywhere' umugabo uba uri hose.

    Uruhare rwe mu guhesha Chelsea igikombe cya Champions League ntabwo rushidikanywa, ndetse byatumye benshi mu bakunzi b'umupira w'amaguru basaba ko yanahabwa igihembo gihabwa umukinnyi w'Indashyikirwa ku Isi 'Ballon d'Or' muri uyu mwaka kuko Kanté yabikoreye.

    N'ubwo Kanté w'imyaka 30 atagize byinshi afasha ikipe y'igihugu y'u Bufaransa mu irushanwa rya Euro 2020 butitwayemo neza, gusa benshi mu bakurikira umupira w'amaguru bemeza ko uyu Mufaransa afite amahirwe menshi yo kwegukana iki gihembo kuko yabikoreye uyu mwaka.

    Jorginho:


    Uyu Mutaliyani wigaragaje cyane mu mwaka ushize w'imikino, agafasha Chelsea kwegukana igikombe cya Champions League na UEFA Super Cup ndetse akanafasha ikipe y'igihugu y'u Butaliyani kwegukana igikombe cy'u Burayi 'Euro 2020' butsinze u Bwongereza ku mukino wa nyuma, byamushyize ku rwego rw'abakinnyi beza I Burayi, bagize ibihe bidasanzwe muri uyu mwaka.

    Mu mibare, Jorginho ari imbere mu bahabwa amahirwe yo kwegukana igihembo cy'umukinnyi w'umwaka I Burayi kubera uruhare yagize mu gufasha amakipe yakiniye akegukana ibikombe yahataniraga.

    Abasesenguzi mu mupira w'amaguru i Burayi, bashimangira ko nta gihindutse Jorginho azahabwa iki gihembo yakoreye uyu mwaka, kuko ntawamuhize ku ruhare rwe mu gufasha Chelsea gukora amateka muri Champions League nyuma y'imyaka 9, ndetse no gufasha u Butaliyani kwegukana igikombe cy'u Burayi.

    Kevin DeBryune:


    Uyu Mubiligi wafashije Manchester City kwegukana Premier League umwaka ushize, ndetse akanayigeza ku mukino wa nyuma wa Champions League bagatsindwa na Chelsea 1-0, ari ku rutonde rwa batatu bahataniye igihembo cy'umukinnyi w'umwaka i Burayi.

    N'ubwo DeBryune ntakigaragara yafashije u Bubiligi mu gikombe cy'u Burayi 2020, gusa muri rusange yarigaragaje mu mwaka ushize w'imikino ndetse anafasha Manchester City gukora uduhigo dutandukanye turimo no kwegukana igikombe cya shampiyona y'u Bwongereza.

    Abasesenguzi b'umupira w'amaguru i Burayi, bavuga ko uyu Mubiligi nta mahirwe menshi afite kuko abo bahanganye bamurushije kugera kuri byinshi mu mwaka w'imikino ushize.

    Abakinnyi bahataniye igihembo cy'umukinnyi w'umwaka i Burayi, bose bakina muri shampiyona y'u Bwongereza izwi nka 'Premier League'.

    Kanté, DeBryune na Jorginho hazavamo umukinnyi w’umwaka i Burayi

    Source : https://inyarwanda.com/inkuru/108758/ngolo-kante-muri-batatu-bahataniye-igihembo-cyumukinnyi-wumwaka-i-burayi-108758.html

  • N'golo Kante yashyizwe mu bakinnyi bazatorwamo uwitwaye neza kurusha abandi I Burayi #rwanda #RwOT

    Ishyirahamwe ry'umupira w'amaguru I Burayi ryamaze gutangaza abakinnyi yaba mu bagabo n'abagore bitwaye neza kurusha abandi mu mwaka w'imikino ushize barimo Umufaransa ukundwa na benshi N'golo Kante.

    Ibirori byo gutangaza abahize abandi muri UEFA bizaba kuwa Kane tariki ya 26 Kamena uyu mwaka ubwo hazaba hari kuba tombola yo gushyira amakipe mu matsinda ya UEFA Champions League 2021/22.Ibi birori bizabera muri Haliç Congress Center i Istanbul muri Turkey.

    Amatora yakozwe n'abatoza 24 bo mu bihugu byitabiriye EURO 2020 n'abandi 80 bo mu makipe atandukanye yakinnye amatsinda ya 2020/21 UEFA Champions League na UEFA Europa League.

    Hari kandi n'abanyamakuru 55 b'imikino bakomeye ku mugabane w'I Burayi.

    Abakinnyi 3 bazatoranwamo uwa mbere barimo:

    Kevin DE BRUYNE (Ububiligi — Manchester City FC)
    JORGINHO (Ubutaliyani — Chelsea FC)
    N'Golo KANTÉ (Ubufaransa— Chelsea FC)

    Mu bakinnyi b'Abagore hatowe: Jennifer HERMOSO (Espagne — FC Barcelona)Lieke MARTENS (Ubuholandi — FC Barcelona)na Alexia PUTELLAS (Espagne — FC Barcelona).

    Umutoza mwiza mu bagore azava hagati ya: Lluís CORTÉS (Espagne — FC Barcelona),Peter GERHARDSSON (Sweden — Ikipe y'igihugu ya Sweden),Emma HAYES (Ubwongereza — Chelsea FC Women).

    Umutoza mwiza mu bagabo azava hagati ya :

    Josep GUARDIOLA (Umunya Espagne— Manchester City FC)
    Roberto MANCINI (Umutaliyani— Ikipe y'igihugu y'Ubutaliyani)
    Thomas TUCHEL (Umudage— Chelsea FC)

    Source : https://umuryango.rw/imyidagaduro/imikino/article/n-golo-kante-yashyizwe-mu-bakinnyi-bazatorwamo-uwitwaye-neza-kurusha-abandi-i

  • Building Resilient Future Health Systems | UG… – #rwanda #RwOT

    Representing a broad range of interdisciplinary backgrounds and academic experience, this sixth MGHD cohort is notably diverse, with students hailing from twelve countries globally including Rwanda, Nigeria, Pakistan, Kenya, Malawi, Democratic Republic of Congo, Zimbabwe, Sierra Leone, Uganda, Burundi, Ethiopia, and Liberia.

    The MGHD'21 Commencement represents the culmination of an intensive year at UGHE, with learning centered on quality, innovation and science. The master's curriculum deliberately knits together the often-siloed areas of global health, including research development, epidemiology, implementation science, One Health, gender equity, history, anthropology, entrepreneurship, leadership, and business management, ensuring its graduates become holistic thinkers and changemakers. 

    UGHE's position in the rural north of Rwanda affords students the opportunity to learn from and live among Burera District communities which, in turn, helps them critically examine the challenges faced by the communities they live in, through cultural, historical and societal analysis.

    'We are proud of our students, whom we have equipped with the knowledge and skills to be among the leaders who will help transform the world and promote the conditions for equitable, quality, and holistic health service delivery for all. The world needs such global health experts, especially today given the current global situation, with climate change leading to natural disasters such as heat waves, droughts, floods, and forest fires. These natural disasters have several consequences, among others, increased hunger and malnutrition, mass displacement, a more precarious situation for the lives of vulnerable people, and increased risks for illness such as those linked to poor management of environmental, animal, and human health that we have seen with COVID-19 and its catastrophic global consequences. All of these facts are rolling back gains in population health outcomes, and our students are equipped to stop and reverse this trend. '– Prof. Agnes Binagwaho, Vice Chancellor, University of Global Health Equity

    In alignment with robust national measures to curb COVID-19 transmission, UGHE was pleased to offer learning in a blended learning format, combining online training via a sophisticated e-learning platform, COVID-19 compliant field visits, and dynamic classroom study leveraging the state-of-the-art facilities on campus. With authorization from the Government of Rwanda, Butaro Campus remained open and operational during the pandemic thanks to robust prevention measures enforced onsite, ensuring critical learning continued uninterrupted. Like their alumni predecessors, this year's intake benefitted from tailored training from UGHE's network of world-class faculty, as well as well as community and faith-based leaders, community health workers and, of course, their diverse cohort.

    'The role of our students as the future's global health changemakers is now more critical than ever as emerging diseases have and continue to threaten the lives of the most vulnerable. Our students leave with the resolute commitment and competency to provide an equitable voice for the historically unvoiced and underserved, and the educational tools to fulfil this challenging, yet pivotal role in the development and innovation of global health systems.' — Prof. Abebe Bekele, Deputy Vice Chancellor of Academic & Research Affairs, University of Global Health Equity

    UGHE's educational mission, and its growing network of alumni, is more vital than ever. The COVID-19 crisis has disproportionately impacted vulnerable populations globally, exacerbated shortages of trained health professionals, and highlighted the need for increased research and manufacturing capacity in low-and middle-income countries to bolster development of life-saving drugs, equipment and now, vaccines. Educating the next generation of compassionate health leaders, skilled clinicians, innovative researchers, scientists, and implementers is critical to driving this forward. This year's graduates depart UGHE equipped with the needed skills and expertise to not only repair inequitable health systems, but also to strengthen them, leveraging firsthand learnings from Rwanda's successful crisis response.

    'We have always prepared ourselves to react according to the science of the day and the need to keep our working teams galvanised to navigate new territory and to always serve our students, employees, contractors and the surrounding community with quality, security, while keeping them safe. During the last year and half, UGHE has constantly evaluated and responded to each challenge posed by the COVID-19 pandemic. We have continuously thought innovatively about organisational structure, supporting all of us so that we could thrive in the face of global uncertainty by planning with a delicate balance for equitable solutions for immediate positive outcomes for all, while securing the future. We are proud to have done it and to have secured continuous authorisation for UGHE to remain safely operational with quality and equity as our guides.' — Rogers Muragije, Deputy Vice Chancellor, Administrative and Financial Affairs, University of Global Health Equity

    In respect of COVID-19 measures, this year's Commencement will be the second to take place virtually, welcoming friends, families, and supporters of the graduates to celebrate the significant milestones this cohort has achieved despite uncertain global circumstances. A small event will take place on campus.

    UGHE are honored to welcome an esteemed line-up of speakers to the ceremony, the elected student representatives, the Hon. Minister of Health, Dr. Daniel Ngamije, the Hon. Minister of Education, Dr. Valentine Uwamariya, and a keynote address from Dr John Nkengasong currently serves as the first Director of the Africa Centres for Disease Control and Prevention (Africa CDC). UGHE's Chancellor, Dr. Paul Farmer, Vice Chancellor, Prof. Agnes Binagwaho, the Dean of the School of Medicine and Deputy Vice-Chancellor of Academic & Research Affairs, Prof. Abebe Bekele, Deputy Vice Chancellor of Administrative & Financial Affairs, Rogers Muragije, Dr. Rex Wong, Associate Professor and Director, Bill and Joyce Cummings Institute of Global Health will also speak to audiences within the ceremony.

    Now, at a time when their skills are needed most, they enter a new chapter as global health leaders, eager to apply their learnings and enact fundamental change in their respective communities, and around the world to contribute to create resilient health delivery system. They join an MGHD alumni network of leaders who situate the institution at the forefront of a collective struggle to advance health equity and accelerate the dissemination of discovery and innovation in global health.

    UGHE looks forward to welcoming a new intake of master's students this September representing 13 countries globally, who will continue to drive forward this mission.

    Source : https://inyarwanda.com/inkuru/108753/building-resilient-future-health-systems-ughe-graduates-its-sixth-cohort-from-its-master-o-108753.html

  • Bite bya Rwanda Gospel Stars Live yaje ari… – #rwanda #RwOT

    Abahanzi bakora umuziki wo kuramya no guhimbaza Imana ni bamwe mu badakunda gutekerezwaho igihe abafatanyabikorwa baje, nyamara banyura benshi mu buryo bwo kubafasha mu buzima bwabo bwa buri munsi binyuze mu butumwa banyuza muri izo ndirimbo. Igikorwa cyo kubashyigikira cya Rwanda Gospel Stars Live cyaje ari igisubizo ku bahanzi bakora Gospel kuko abenshi bakitabiriye ndetse no mu biganiro bagiranye n'itangazamakuru bashimiye cyane Rwanda Gospel Star Live yabatekerejeho.

    Rwanda Gospel Stars Live ni igikorwa (Event) ngarukamwaka cyateguwe na sosiyete y’abikorera  ariyo Metts Rwanda Service yaje ifite intego mu bigaragara yo gufasha no gushyigikira umuhanzi ukora umuziki wo kuramya no guhimbaza Imana. Muri iki gikorwa mu bigaragara hari harimo amahirwe ku muhanzi kuko umuhanzi afite numero imuranga ndetse na Code ku buryo abakunzi be bashobora kumutora ku bushobozi bwose buri umwe afite maze ayo mafaranga umutoresheje akajya ku mufuka we ndetse ukaba unamuhaye amahirwe yo kuza muri batatu ba mbere.

    Nk’uko biteganyijwe, muri aba bahanzi hazahebwa batatu ba mbere ndetse n'abahanzi 2 mu bakizamuka aho uwa mbere azahembwa Miliyoni 7 Frw, uwabaye uwa kabiri ahembwe miliyoni 3 Frw naho uwa gatatu akazahembwa miliyoni 1 Frw.

    Muri ibi bihembo n'inkunga abahanzi bazahabwa n'abakunzi babo binyuze mu cyiswe Rwanda gospel stars live yise Vote & Support ndetse n’ibindi bizagenda biboneka bitangwa n'ibigo bitandukanye ku nyungu zo gufasha umuhanzi uririmba indirimbo zo kuramya no guhimbaza bizajya bijya ku mufuka we.

    Gusa abakunzi b'aba bahanzi batangiye kwibaza byinshi kuri iki gikorwa na cyane ko hashize iminsi itari micye nta makuru yacyo ari gutangazwa. Umwe mu bahanzi bitabiriye iki gikorwa yabwiye InyaRwanda.com ko nabo nta makuru mashya bari guhabwa. Ni mu gihe abakunzi b’umuziki wa Gospel bakiranye yombi iki gikorwa kuko gishyigikira abahanzi babo babagezaho ubutumwa bwiza ndetse bakaba bari kuzabataramira mu ndirimbo zabo zibafasha.

    Biteganyijwe ko Miliyoni zirindwi z'amafarantga y'u Rwanda (7,000,000 Frw) azashyikirizwa umuhanzi uzaba yahize abandi kugira umushinga mwiza, akazayashyikirizwa mu muhango uzaba tariki 30 Nzeri 2021, bikaba bigenda bisatira iyi tariki nta gikorwa kiri kuba ari nayo mpamvu yatumye InyaRwanda.com twegera abategura iki gikorwa tubabaza impamvu iki gikorwa kitakiri kumvikana nka mbere.

    Mu gushaka kumenya amakuru y'iki gikorwa mu kiganiro InyaRwanda yagiranye n'umwe mu bayobozi bategura Rwanda Gospel Stars Live yavuze ko hari hajemo imbogamizi ndetse n'abahanzi hari ibyo basabye bitandukanye ukongeraho n'ibigomba kongerwamo bisaba ko bongera bakicara bakabitekerezaho bakaganira.

    Yavuze kandi ko mu gihe cya vuba bazatangaza byinshi byerekeranye n'iki gikorwa. Yagize ati: ''Ni byo hari ibyo abahanzi basabye ko byakongerwamo dutekereza n'uburyo twabihinduramo bikaza binogeye abanyarwanda. Ubwo rero turahura tubiganire ntabwo byarenga iki cyumweru tutabibatangarije.''

    Mu kiganiro n'itangazamakuru abategura igikorwa cya Rwanda Gospel Stars Live bari basobanuye intego y'iki gikorwa bagira bati: ''Byagaragaye ko abahanzi baririmba indirimbo zo kuramya no guhimbaza Imana batagira urwego na rumwe rubitaho kandi indirimbo zabo zifasha abanyarwanda barenga 85% ugereranyije n'abanyarwanda batuye igihugu.

    Ugasanga bahora mu bukene ndetse bigatuma babura ubushobozi bwo gukora indirimbo zabo ndetse rimwe na rimwe bigatuma bacika intege ugasanga bagwa no mu bishuko by'isi. Rwanda gospel stars live ije nk'igisubizo kuko  nyuma yo kuyimurika hagiye gutoranywa abahanzi 10 ndetse n'abandi bakizamuka mu gihugu”.

    “Ubundi bakazakora imishinga ndetse bakazaniyerekana ubwo abanyarwanda bazajya babatora bakoresheje ubutumwa bugufi. Abahanzi icumi (10)ba mbere ndetse n’abandi 5 bakizamuka bazajya batorwa ndetse banashyigikirwe n'abakunzi babo ku bufatanye na Valwallet abakunzi b'abahanzi ba gospel bazajya babatora bifashishije *544# “.

    Uyu murongo bazajya bifashisha Adam Tchelezo, Operations Manager wa Valwallet yanawumuritse ku mugaragaro aho yeretse abari baraho ko watangiye gukora ariko abantu bakazatangira gutora abahanzi bamaze kumenyekana.

    Source : https://inyarwanda.com/inkuru/108751/bite-byigikorwa-cya-rwanda-gospel-stars-live-cyaje-ari-igisubizo-ku-bakora-umuziki-wo-kura-108751.html