Webrwanda Backend

Author: webrwanda

  • Kwizera Olivier yongeye kuvugisha benshi kubera amashusho ye n’umukobwa wafungishije Davis D #rwanda #RwOT

    Umunyezamu Kwizera Olivier yongeye kuvugisha benshi nyuma y’amashusho ye yagiye hanze agirana ikiganiro ‘Live’ kuri Instagram na Manzi Shallon wigeze gufungisha abahanzi barimo Davis D.

    Mu ijoro ryakeye nibwo uyu munyezamu wahamagawe mu ikipe y’igihugu benshi batabyemeranywaho bitewe n’ibihe yari amazemo iminsi, yakoranye ikiganiro n’uyu mukobwa.

    Iki kiganiro byatangiye uyu mukobwa ari we uri live, aririmba nyuma Kwizera Olivier amusaba ko bafatanya(join), undi arabyemera bakomeza kuririmba.

    Ibi byatumye abantu bongera kwifatira ku gahanga uyu munyezamu uri mu mwiherero w’Amavubi bitaravuzweho rumwe, hari nyuma yo gufungwa azira ibiyobyabwenge, ndetse na nyuma yo gufungurwa ahita asezera ruhago, yaje kwisubiraho ku cyemezo cye ari nabwo yahise ahamagarwa mu ikipe y’igihugu.

    Umunyamakuru Sam Karenzi abinyujije kuri Twitter ye yashyizeho agace kamwe k’aya mashusho, gaherekezwa n’amagambo agira ati “ibi harya nibyo bita ngo “Gushya”, ubu umwiherero w’Amavubi hahiye? Sha iyi Mali tugiye guhura irambabaje tuzayinyagira kuko iyi myiteguro ntisanzwe.”

    Iki gitekerezo cyasembuye ibitekerezaho bya benshi aho bamwe bagiye bavuga ko uyu munyezamu arimo asabwa ibyo adafite bakwiye kumureka, ni mu gihe abandi bo bavuze ko mu mwiherero w’Amavubi atari muri Gereza, ko baba bagomba kuruhura mu mutwe.

    Ibi harya nibyo bita ngo 'Gushya'? Donc ubu camp y’ #Amavubi yahiye? Sha iyi #Mali tugiye guhura irambabaje tuzayinyagira kuko iyi myiteguro ntisanzwe. @FERWAFA @Rwanda_Sports pic.twitter.com/BvhpXcLORV

    — Sam Karenzi (@SamKarenzi) August 20, 2021

    Umunyamakuru Jah d’Eau Dukuze we ntabibona kimwe na mugenzi we Sam Karenzi kuko na we abinyujije kuri Twitter yavuze ko mu mwiherero w’Amavubi atari muri Gereza ku buryo abakinnyi bataruhura mu mutwe.

    Yagize ati “ariko rero mu mwiherero w’ikipe y’igihugu si Gereza, umuntu afite uburenganzira bwo kuruhuka mu gihe cyose atishe imyitozo. Turi kwiyicira abakinnyi bacu. Ubanza duhora turekereje tubashakaho amakosa nk’aho umukino ari ejo.”

    Uyu munyezamu umukobwa baganiraga aherutse gufungisha abahanzi barimo Davis D bashinjwa ko baryamanye na we ataruzuza imyaka y’ubukure.

    Bakoranye ikiganiro Live baririmba

    Kwizera Olivier yongeye kuvugisha benshi

    Shallon Manzi ni umukobwa umaze kumenyerwa mu myidagaduro

    Source : http://isimbi.rw/siporo/article/kwizera-olivier-yongeye-kuvugisha-benshi-kubera-amashusho-ye-n-umukobwa-wafungishije-davis-d

  • #COVID19: Mu Rwanda abantu 16 bitabye Imana, abarembye ni 42 #Rwanda #RwOT via @kigalitoday #rwanda #RwOT

    Abantu 16 bitabye Imana kubera icyo cyorezo, bituma umubare w’abamaze gupfa bose uba 996. Abitabye Imana ni bagore 8 n’abagabo 8.

    source : https://ift.tt/3mgXJSK

  • Abanyarwanda 26 bari bafungiye muri Uganda boherejwe mu Rwanda #Rwanda #RwOT via @kigalitoday #rwanda #RwOT

    Mu bahagejejwe harimo abagabo 20 abagore bane n’abana babiri barimo uw’imyaka ibiri.

    Bakihagera bapimwe COVID-19 maze 18 bayisanganywe bajyanwa kuvurirwa mu bitaro bya Ngarama, abandi bajyanwa mu kato ahahoze IPRC Nyagatare.

    Ni akato kazamara iminsi irindwi abazapimwa bagasanga ari bazima basubizwe mu miryango yabo.

    source : https://ift.tt/3z5qdCz

  • Radio/Tv1 yasezereye abandi banyamakuru bayo bakomeye. – YEGOB #rwanda #RwOT

    Radiyo na Televiziyo 1 biravugwa ko yasezereye abandi banyamakuru batatu b'imena bitewe n'ikibazo cy'amikoro make cyatewe ingaruka z'icyorezo cya Covid-19.

    Igitangazamakuru Ukwezi dukesha aya makuru kuri uyu wa 19 Kanama 2021 cyatangaje ko abasezerewe ari: Callixte Ndagijimana, Gakayire Raymond na Kayitankore Dieudonné.

    Tariki ya 11 Mutarama 2021 ni bwo Radio/TV1 yasezereye abandi banyamakuru batatu: Kalinijabo Jean de Dieu, Nadine Umuhoza na Paruku Rene.

    Iki gitangazamakuru ubwo cyasezereraga aba banyamakuru kubera ingaruka za Covid-19 zagihungabanyije, cyari cyaramaze kwinjizamo abandi banyamakuru bakizamuka.

    Source : https://yegob.rw/radio-tv1-yasezereye-abandi-banyamakuru-bayo-bakomeye/

  • Jacques Tuyisenge yasohotse mu mwiherero w’Amavubi #rwanda #RwOT

    Rutahizamu w’ikipe ya APR FC na Mavubi, Jacques Tuyisenge yasohotse mu mwiherero w’ikipe y’igihugu Amavubi, ni nyuma yo guhabwa uruhushya rwo kujya kwitegura ubukwe afite kuri uyu wa Gatandatu.

    Jacques Tuyisenge ari mu bakinnyi 39 umutoza Mashami Vincent yahamagaye mu kwitegura imikino ibiri yo mu itsinda E mu gushaka itike y’igikombe cy’Isi Amavubi azakinamo na Mali tariki ya 1 Nzeri na Kenya tariki ya 5 Nzeri.

    Uyu rutahizamu urimo witegura ubukwe na Musiime Recheal (Jordon) buzaba ku munsi w’ejo, akaba yasohotse mu mwiherero.

    Ku munsi w’ejo hashize ku wa Kane tariki ya 19 Kanama 2021 saa munani z’amanywa nibwo uyu rutahizamu yasohotse mu mwiherero agiye kwitegura ubukwe bwe biteganyijwe ko buzaba ejo ku wa Gatandatu tariki ya 21 Kanama 2021.

    Tariki ya 18 Gashyantare 2021, Jacques Tuyisenge na Jordon bari basezeranye imbere y’amategeko, ndetse ubukwe bwabo buba bwarabaye muri Gashyantare ariko kubera icyorezo cya Coronavirus leta yahise ihagarika ubukwe ntibwaba.

    Jacques Tuyisenge yamaze guhabwa uruhushya rwo kujya kwitegura ubukwe afite mu mpera z’iki cyumweru

    Jacques Tuyisenge ejo azakora ubukwe

    Source : http://isimbi.rw/siporo/article/jacques-tuyisenge-yasohotse-mu-mwiherero-w-amavubi

  • Umuzamu Kimenyi Yves yatawe muri yombi – YEGOB #rwanda #RwOT

    Umunyezamu Kimenyi Yves wa Kiyovu Sports yatawe muri yombi na Police y'u Rwanda nyuma y'ibirori byo kwitegura umwana (baby shower) biherutse gukorerwa umukunzi we Miss Muyango Claudine.

    Ni nyuma yuko ku mbuga nkoranyambaga hakwirakwijwe amashusho ndetse n'amafoto y'ibirori bya baby shower byakorewe Miss Muyango.

    Source : https://yegob.rw/umuzamu-kimenyi-yves-yatawe-muri-yombi/

  • Umuyobozi wa Airtel yatsindiye igihembo cy’umuyobozi w’Umunyafurika w’umwaka – #rwanda #RwOT

    Ogunsanya asanzwe azwiho kuba indashyikirwa mu buyobozi kuko no mu 2020 yahawe igihembo cy’umwaka cyiswe ‘Africa Industry Personality of the Year’ ndetse ahabwa n’icy’Umuyobozi w’Umunyafurika mwiza mu bijyanye n’Ubucuruzi ‘African Business Leadership Awards 2020’.

    Ibihembo byatanzwe n’iki kinyamakuru byahawe abayobozi batandukanye mu byiciro 12 bitandukanye, aho Ogunsanya ariwe watsindiye igihembo nyamukuru cy’Umuyobozi w’Umunyafurika w’umwaka 2021, akurikirwa n’Umuyobozi wa Standard Bank Group ikorera muri Afurika y’Epfo, Simphiwe Tshabalala.

    Umuyobozi wa African Leadership Magazine, Dr Ken Giami, yashimiye abantu bose batsindiye ibi bihembo, avuga ko bigamije kwishimira intambwe imishinga y’ubucuruzi muri Afurika yagezeho mu gihe gikomeye cya Coronavirus cyateje ihungabana mu bukungu.

    Yakomeje agira ati “Abayobozi batsinze mu byiciro bitandukanye bagize uruhare rukomeye muri ibi byiza twishimira ni yo mpamvu bakwiriye ishimwe rikomeye.”

    Abayobozi batsinze bazashyikirizwa ibihembo byabo by’ishimwe mu nama ya Gatandatu y’ishoramari muri Afurika “Invest in Africa Summit” izaba hifashishijwe ikoranabuhanga ku wa 16 na 17 Nzeri 2021.

    Ogunsanya w’imyaka 55 asanzwe ari Umuyobozi wa Airtel yo muri Nigeria kuva mu 2012 ndetse azatangira imirimo yo kuyobora Airtel Africa Group ku itariki 1 Ukwakira 2021.

    Ni inzobere mu bijyanye n’icungamutungo, aho amaze imyaka irenga 30 akora imirimo itandukanye mu itumanaho, ubujyanama n’amabanki, ndetse yayoboye ibigo bikomeye nka Coca-Cola yo muri Ghana, iya Kenya ndetse n’iyo muri Nigeria.

    Airtel Africa azatangira kuyobora mu mezi abiri ari imbere ni ikigo gikomeye cy’itumanaho gikorera mu bihugu 14 byo muri Afurika harimo n’u Rwanda, cyakomotse kuri Bharti Airtel yo mu Buhinde, ubu gifite abakiliya barenga miliyoni 99 muri Afurika.

    Umuyobozi wa Airtel Africa Group, Segun Ogunsanya, yatsindiye igihembo cy’umuyobozi w’Umunyafurika w’Umwaka wa 2021

    source : https://ift.tt/3y4BrWy

  • Nyamirambo: Umunyegare yagonzwe n’ikamyo ahita apfa – #rwanda #RwOT

    Uwo musore usanzwe atuye i Nyamirambo, yagonzwe n’ikamyo ubwo yari amanutse yerekeza kuri 40 nk’uko byatangajwe na Rukundo Assouman, wabonye iyo mpanuka iba.

    Ati “Yagendaga ku igare rya siporo inyuma ye hari ikamyo ndetse n’imbere hari indi yari iri kuzamuka. Twagiye kumubona agonganye n’ikamyo yazamukaga akubita umutwe hasi bihita birangira.”

    “Uko twabibonye ni ikibazo cyabayeho cyo kubura feri y’igare rye, ntitwavuga ngo abashoferi ni bo bari mu makosa kuko yari ageze hafi ya ‘Dos d’Anne’ kandi bisaba ko bagabanya umuvuduko. Kuri njyewe sinavuga ko hari uri mu makosa, ni ibintu byabaye bituguranye.”

    Mu gihe kitageze ku mezi abiri hamenyekanye impanuka zabereye i Nyamirambo inshuro eshatu, zaguyemo abantu bane. Zose ni iza sosiyete Horozon Constructions.

    Hari iheruka gukorera impanuka ku Ryanyuma yahitanye umushoferi n’umuturage, iyabereye hafi y’Ikigo cy’Ishuri cyahoze cyitwa CIESK mu Rwampara ndetse n’uyu musore.

    Umuyobozi Ushinzwe ibikorwa muri Horizon Constructions, Migisha Samuel, yemeje iby’iyi mpanuka yahitanye uyu musore.

    Yavuze ko kuba imodoka zabo zikunze gukora impanuka mu buryo butunguranye nta ruhare rugaragara rwa tekiniki kuko akenshi biba byabaye bidaturutse ku makosa y’imikorere yazo.

    Agace kabereyemo impanuka

    source : https://ift.tt/3kbhFnC

  • Urubyiruko 2500 rwasoje Itorero ‘Indahangarwa’ rusabwa kwirinda kuba ibigwari – #rwanda #RwOT

    Iri torero ryabaye hifashishijwe ikoranabuhanga ryatangiye ku wa 6 Kanama 2021 ryitabirwa n’urubyiruko rwiganjemo uruba mu mahanga, uruvuye ku rugerero, abakozi ba leta b’indashyikirwa, abarimu b’indashyikirwa, abahanzi, ndetse n’urubyiruko rw’abanyeshuri rushoje amashuri yisumbuye rwigaga mu mashuri mpuzamahanga akorera mu Rwanda.

    Mu gihe cy’ibyumweru bibiri bahawe amasomo ajyanye n’amateka y’igihugu, indangagaciro z’Abanyarwanda ndetse na kirazira.

    Bamwe mu bitabiriye iri torero bavuga ko inyigisho bahawe zizabafasha kubaka ubunyarwanda buhamye no kuzamura iterambere ry’Igihugu.

    Umuhango wo gusoza iri torero na wo wabaye hifashishijwe ikoranabuhanga witabirwa na Minisitiri w’Urubyiruko n’Umuco, Rosemary Mbabazi na Visi Perezida wa Komisiyo y’igihugu y’Itorero, Lt Col Migambi Desire Mungamba.

    Minisitiri Mbabazi yasabye uru rubyiruko kwimakaza indangagaciro nyarwanda kandi bakirinda kuba ibigwari ndetse bagaharanira kwanga umugayo.

    Ni ku nshuro ya kabiri hatangwa inyigisho zo mu itorero hifashishijwe ikoranabuhanga mu rwego rwo kwirinda COVID-19.

    Iri torero ryabaye hifashishijwe ikoranabuhanga ryitabirwa n’abagera kuri 2500

    Minisitiri w’Urubyiruko n’Umuco, Rosemary Mbabazi yasabye uru rubyiruko kwirinda kuba ibigwari

    source : https://ift.tt/3k2LZkc

  • U Rwanda rwashimiwe umusanzu warwo mu gushyiraho imyanzuro igamije kurinda aboherejwe mu butumwa bwa Loni – #rwanda #RwOT

    Iyi myanzuro yashyizweho n’u Buhinde ishyigikirwa n’ibihugu binyamuryango by’akanama ka Loni gashinzwe umutekano ku Isi harimo n’u Rwanda mu nama yabaye ku wa Gatatu tariki 18 Kanama 2021 ku cyicaro cyako i New York muri Leta Zunze Ubumwe za Amerika.

    U Buhinde nk’igihugu kiyoboye aka kanama muri uku kwezi kwa Kanama bwanyujije ubutumwa kuri Twitter bushimira u Rwanda.

    Bwagiraga buti “Turashimira u Rwanda, umuterankunga ukomeye w’ingabo n’abapolisi mu butumwa bwa Loni bwo kubungabunga amahoro ku Isi, ku bw’umusanzu ukomeye ku kibazo cy’umutekano w’abayabungabunga. Turarushimira kandi ku bwo gushyigikira iyi myanzuro.”

    Iyo myanzuro yashyizweho ihamagarira ibihugu byakiriye ingabo zigiye kubungabunga amahoro kwita ku mutekano wazo, bikazirinda ibikorwa by’urugomo bizikorerwa harimo no kuzica, bigafatanya n’ibihugu byazohereje mu gushakisha abakoze ibyo bikorwa, bagatabwa muri yombi ndetse bagahabwa n’ibihano.

    Akanama ka Loni gashinzwe umutekano kasabye Umunyamabanga Mukuru w’Umuryango w’Abibumbye, António Guterres, gushyiraho ikoranabuhanga rizafasha mu kumenyekanisha ibitero bigabwa ku ngabo ziri mu butumwa bwo kubungabunga amahoro ku Isi, gushyiraho ingengo y’imari igamije gushyiraho iri koranabuhanga no gutanga raporo ku byagezweho mu ishyirwa mu bikorwa by’iyi myanzuro.

    Biteganyijwe ko Umuryango w’Abibumbye uzafatanya n’ibihugu byakira ingabo n’abapolisi ndetse n’ibibohereza mu gukumira ibyaha bibakorerwa, kubigenza no kuburanisha ababikoze.

    Ibihugu binyamuryango mu Kanama ka Loni gashinzwe umutekano ku isi byemeje imyanzuro yo kurinda ingabo zoherejwe mu butumwa bwo kubungabunga amahoro

    source : https://ift.tt/3j1fSlC