Webrwanda Backend

Author: webrwanda

  • Ingamba nshya mu ikipe nshya: Messi ashyize i… – #rwanda #RwOT

    Messi avuga ko abizi neza ko abafana ba PSG bakeneye ibirenze ibyo bagezeho mu myaka ishize kandi nawe ariyo ntego nyamukuru yamuzanye i Paris. Aganira na beIN Sports, uyu munya-Argentine yagize ati: 

    Nizeye ko PSG iri kwitegura kongera kwigaragaza cyane kuruta uko yigaragaje mu myaka ishize, mfite inzozi n'inyota yo kongera kwegukana Champions League. Mbijeje ko nzakora ibishoboka byose kugira ngo iyi kipe igere ku ntego yiyemeje, ndabizi ko bisobanuye byinshi ku ikipe, kuri njye ndetse no ku bafana.

    Kuri uyu wa Kabiri tariki ya 10 Kanama 2021, ni bwo Umunya-Argentine ufatwa nka nimero ya mbere ku Isi muri ruhago yasinye amasezerano y'imyaka ibiri ashobora kongerwa mu ikipe ya PSG yo mu Bufaransa nyuma yo gutandukana na FC Barcelona yakiniye imyaka 21.

    Perezida wa Paris Saint-Germain, Nasser al-Khelaifi, yavuze ko kugira Messi bizafasha iyi kipe gukora amateka ku Isi. Yagize ati 'Nishimiye ko Messi yahisemo kuza muri Paris St-Germain kandi dutewe ishema no kumuha ikaze i Paris hamwe n'umuryango we'.

    Messi w'imyaka 34 agiye kuzajya ahembwa miliyoni 35 z'amayero buri mwaka muri PSG. Messi ufite amateka akomeye i Catalonia yari amaze imyaka 21, yatsindiye Barcelona ibitego 672 mu mikino 778, anayifasha kwegukana ibikombe 35 bitandukanye birimo ibya Champions League, iby'Isi ndetse n'ibya La Liga.

    Messi akomeje imyitozo mu ikipe ye nshya ya PSG


    Intego ya mbere Messi afite ni uguhesha PSG Champions League

    Source : https://inyarwanda.com/inkuru/108749/ingamba-nshya-mu-ikipe-nshya-messi-ashyize-imbere-igikombe-cya-champions-league-kuruta-ibi-108749.html

  • Igiterane ‘Rwandan Christian Convention’ gihu… – #rwanda #RwOT

    Iki giterane giteganyijwe tariki 3, 4 na 5 Nzeri 2021, kizabera mu Mujyi wa South Bend muri Leta ya Indiana muri Leta Zunze Ubumwe za Amerika ku wa 5 Nzeri 2021. Cyatumiwemo abarimo Bishop John Rucyahana na Pasiteri Antoine Rutayisire bazaba babwiriza ndetse na Midwest Worshippers izasusurutsa abazaba bakurikiye.

    Bitandukanye n'umwaka ushize, aba bavugabutumwa bagitumiwemo bazaba bari muri Amerika kuko abazacyitabira bazahurira hamwe nubwo ingamba zo kurwanya Coronavirus zigikomeje kubahirizwa. Iki giterane cy'uyu mwaka gifite insanganyamatsiko igira iti ''Mugire umwete wo kubana n'abantu bose amahoro n'uwo kwezwa kuko utejejwe atazabona Umwami Mana. Abaheburayo 12:14″.

    Buri mwaka Abanyarwanda baba mu mahanga bahurira muri Amerika muri 'Rwandan Christian Convention'', igiterane gifite intego yo gushima Imana no kurebera hamwe imishinga y'iterambere, abakirisitu bagiramo uruhare. 'Rwandan Christian Convention'' yatangiye kuba mu 2015. Yanyuze mu mijyi itandukanye irimo uwa Chicago muri Leta ya Illinois, Dallas muri Texas, Dayton muri Ohio, Washington na Phoenix muri Arizona.

    Iki giterane cyibutsa Abanyarwanda kumenya agaciro kabo no kwishimira abo bari bo. Amatorero n'amadini asabwa gusenyera umugozi umwe gukomeza gukunda u Rwanda. Rwandan Christian Coalition si itorero ahubwo ni ihuriro rigamije guhuza Abanyarwanda bateranira mu matorero atandukanye bakagirana ubumwe n'urukundo, bijyana no kwibuka aho bavuye.

    RCC yatangiriye muri Amerika yananyuze muri Canada muri Toronto mu 2018; intego ifite ni ukugera ku Isi hose ahari Abanyarwanda b'abakirisitu mu matorero atandukanye. Haratekerezwa kugana by'umwihariko mu Bubiligi, Australia n'ahandi i Burayi. Igiterane uyu mwaka kizanyura na live kuri YouTube ya Rwanda Christian Coalition ndetse na Facebook page.

    Igiterane Rwandan Christian Convention kigiye kuba ku nshuro ya 7

    Source : https://inyarwanda.com/inkuru/108752/rwandan-christian-convention-ihuza-abanyarwanda-bo-mu-mahanga-igiye-kongera-kuba-imbonanku-108752.html

  • Karigombe yakoranye indirimbo na M. Kay Igiso… – #rwanda #RwOT

    Iyi ndirimbo niyo ya nyuma kuri Ep ye yise 'Ndi mu kazi Petit' iriho indirimbo 'Intro' ndetse na 'Ndi mu kazi petit' yitiriwe Ep.

    Ivuga ku kubwiza ukuri umuntu uzi neza ko akuvuga nabi mu bandi, kandi mwaba muri kumwe akakwigiraho umutagatifu.

    Mu kiganiro na INYARWANDA, Karigombe yavuze ko yahisemo kwifashisha umuraperi M. Kay Igisonga mu ndirimbo ye 'Nderuye' bitewe n'ubuhanga amuziho.

    Ati 'M. Kay Igisonga twiganye ku ntebe y'ishuri y'umuziki ku Nyundo. Nari nzi ubushobozi bwe, nari nzi ubuhanga bwe, nibyo nagendeyeho kugira ngo mushyire kuri Ep yanjye ya mbere.'

    Uyu muraperi yanavuze ko ari no gutekereza kwifashisha M. Kay Igisonga kuri Album ye ari gutenganya.

    Anavuga ko kuri iyi Album hariho indirimbo yakoranye n'umuhanzikazi Neema Rehema nawe biganye ku ishuri rya muzika rya Nyundo, ariko ko ari gutekereza n'abandi bahanzi bazakorana.

    Karigombe avuga ko EP yifuje kuyifashishaho abanyamuziki biganye ari nayo mpamvu amajwi y'iyi ndirimbo 'Nderuye' yatunganyijwe na Producer Top Hit nawe bicaranye ku ntebe y'ishuri.

    Ati 'Hanyuma ikindi, undi mwihariko iyi ndirimbo yo kuri EP yanjye yanakozwe na Producer twiganye ku Nyundo witwa Top Hit ndamushimira cyane. Icyo gihe akora iyi ndirimbo, yakoreraga mu Nyakabanda ariko ubu ari gukorera i Remera.'

    Karigombe anavuga ko mu ndirimbo 'Nderuye' kandi humvikanamo ijwi ry'umuhanzi Mutuzo uzwi mu itsinda ry'abanyamuziki rya Sebeya Band rikunze kuririmba mu birori n'ibitaramo bitandukanye mu Rwanda.

    Munyurangabo Steven [Siti True Karigombe] yavutse tariki 25 Kanama 1996, avukira muri Uganda, akaba ari umwana wa karindwi mu bana umunani.

    Yatangiye umwuga w'ubuhanzi mu 2011, anyuze mu itsinda rya Street Soldies ryari rigizwe n'abasore batatu. Indirimbo yabo ya mbere bayikoreye muri studio ya F2K, ikorwa na Producer Devy Denko.

    Mu 2014, Karigombe yatsinze amarushanwa yo kujya kwiga mu ishuri rya muzika Nyundo, aho yamaze imyaka itatu yiga ibijyanye na muzika no kwagura impano.

    Nyuma yo kuva ku ishuri, uyu muraperi amaze kugera ku bikorwa bitandukanye birimo nk'indirimbo 'Never give up', 'Kigali Party', 'Muduhe inzira', 'Sandra' n'izindi.

    Karigombe yahuje imbaraga n'umuraperi M. Kay bicaranye ku ntebe y'ishuri  

    Karigombe yavuze ko yahisemo gukorana na M. Kay kubera ubuhanga amuziho Karigombe avuga ko ari gutegura Album yifashishijeho Neema Rehema bakoranye indirimbo 'Urudashoboka'

    KANDA HANO UREBE INDIRIMBO 'NDERUYE' YA KARIGOMBE NA M. KAY IGISONGA

    “>

    Source : https://inyarwanda.com/inkuru/108756/karigombe-yakoranye-indirimbo-na-m-kay-igisonga-biganye-mu-ishuri-rya-muzika-rya-nyundo-vi-108756.html

  • Christopher yasohoye indirimbo nshya Mi Casa… – #rwanda #RwOT

    KANDA HANO WUMVE INDIRIMBO MI CASA YA CHRISTOPHER

    ‘Mi Casa’ yakiriwe neza n'abatari bake urebeye ku bamaze kuyishyiraho ibitekerezo beretse uyu muhanzi ko bari bamukumbuye banamushimira ku bw’igihangano cyiza yabakoreye mu buryo bunabyinitse. Ni indirimbo wumva umudiho wayo ukagukurura ukisanga wabyinnye bikaba byiza uri kumwe n'umukunzi na cyane ko n'ijwi ryayo ririmo ubuhanga.

    Mu kiganiro gito umuhanzi Christopher yahaye InyaRwanda.com yasabye abantu kujya kuri konti ye ya youtube Topher Muneza bakareba indirimbo nziza yabakoreye anavuga ko yashakaga guha abakunzi be n'abakunzi b'umuziki nyarwanda umuziki mwiza ndetse mu buryo bushya butari bumenyerewe. Yasobanuye igisobanuro cy'indirimbo n'uburyo yanditse abwira umuntu agira ati ''Ni urukundo bisa no kubwira umuntu ibintu yagukoreye mu rukundo ukanyurwa.''

    Mi Casa ni indirimbo imara iminota 4 n'amasegonda 31, iryoheye amatwi kuva ku isegonda rya mbere utangiye kuyumva kugeza ku rya nyuma ndetse no mu buryo bw'amashusho yafatanywe ubuhanga ku buryo udahaga kuyireba no kuyumva. Yakozwe mu buryo bw'amajwi na Producer Element, itunganywa na Bob pro naho amashusho afatwa ndetse anatunganywa na Bagenzi Bernard umwe mu bahanga bamenyereweho gutunganya no gufata amashusho meza.

             KANDA HANO UREBE INDIRIMBO MI CASA YA CHRISTOPHER

    Source : https://inyarwanda.com/inkuru/108740/christopher-yasohoye-indirimbo-nshya-mi-casa-yumuntu-ubwira-umukobwa-wamunyuze-mu-rukundo–108740.html

  • Ababyeyi bagaragaye bari kujugunya abana babo inyuma y'uruzitiro rw'amashanyarazi babahungisha Abatalibani [AMAFOTO] #rwanda #RwOT

    Ubuzima bukomeje kuba bubi ku baturage batifuza kuyoborwa n'Abatalibani baherutse gufata igihugu cya Afghanistan kuko hari amashusho yagaragaye ababyeyi bari kujugunya abana babo inyuma y'uruzitiro rw'ikibuga cy'indege cya Kabul kugira ngo babahungishe.

    Abagore bari bafite ubwoba bwinshi,bagaragaye bari kujugunya abana babo babanyujije hejuru y'uruzitiro rwari rwashyizwemo amashanyarazi ku kibuga cy'indege cya Kabul hanyuma bagasaba abongereza bari imbere muri icyo kibuga kubabajyanira ahari umutekano.

    Ibi byabaye ubwo aba Batalibani barasaga amasasu menshi mu bantu bigaragambyaga bashaka guhunga abandi bakabakubita inkoni nyinshi.

    Umuryango wa Hoteli yitwa Baron iri hafi y'ikibuga cy'indege cya Kabul niwo wakoreshwaga n'abanya Afghanistan benshi bashakaga guhungira muri UK.

    Aha hari harinzwe n'abakomando b'Abatalibani batari bafite impungenge zo kurasa uwo ariwe wese ushatse kuhegera.

    Umwe mu basirikare yabwiye The Independent ati 'Abagore bamwe bari bataye umutwe kubera gukubitwa n'abatalibani.Basakuzaga bati 'Tabara umwana wanjye,bakatujugunyira abana.Bamwe mu bana bwagwaga ku nsinga z'amashanyarazi.Byari biteye ubwoba kubibona.Nyuma nta mugabo n'umwe muri twe warize.'

    Abatalibani batangiye kugaragaza ishusho nyayo yabo ku munsi w'ejo kuko bishe abigaragambya,bakubita abantu,baranabahohotera bikabije.

    Nibura abantu 3 bapfuye abandi 6 barakomereka cyane Ubwo abatalibani barekuraga umuriro mu baturage ahitwa Jalalabad mu burasirazuba bwa Afghanistan.





    Abatalibani batangiye Politiki y'urugomo no kwica

    Source : https://umuryango.rw/amakuru/mu-mahanga/umutekano/article/ababyeyi-bagaragaye-bari-kujugunya-abana-babo-inyuma-y-uruzitiro-rw

  • Luvumbu Heritier yagiye mu ikipe igiye kuzajya imuhemba akayabo k'amadolari #rwanda #RwOT

    Rutahizamu w'umukongomanai,Luvumbu Heritie,yerekeje mu ikipe ya Clube Desportivo 1º de Agosto yo muri Angola izajya imuhemba akayabo ka miliyoni 12.5 FRW ku kwezi, amasezerano afite agaciro ka Frw 147M.

    Héritier Luvumbu wamaze amezi 2 akinira Rayon Sports, yasinye amasezerano y'umwaka ushobora kongerwaho undi 1.

    Nzinga Héritier Luvumbu w'imyaka 27 yageze mu Rwanda avuye muri Maroc, aho yageze muri 2018 agiye muri AS FAR batandukanye muri 2019 akajya muri Youssoufia Berrechid.

    Luvumbu wari kumwe na Repubulika Iharanira Demokarasi ya Congo muri CHAN 2016 mu Rwanda, yakiniye kandi Union SG yo mu Bubiligi na AS Vita Club y'iwabo.

    Source : https://umuryango.rw/imyidagaduro/imikino/article/luvumbu-heritier-yagiye-mu-ikipe-igiye-kuzajya-imuhemba-akayabo-k-amadolari

  • Bruce Melodie agiye kwinjira mu bahanzi bakize kurusha abandi muri Africa #rwanda #RwOT

    Ikinyamakuru Hose dukesha aya makuru, gitangaza ko uyu muhanzi uhagaze neza mu Rwanda no muri Africa y’Iburasirazuba, azashyikirizwa amafaranga menshi ku wa Kane w’icyumweru gitaha.

    Iki kinyamakuru kibanda ku nkuru z’imyidagaduro, nticyatangaje umubare w’aya mafaranga gusa cyemeza ko kubera ubwinshi bwayo ndetse n’ayo uriya muhanzi asanganywe hakiyongeraho n’imitungo afite, bizatuma ahita aza mu bahanzi bakize mu karere ka Afurika y’Iburasirazuba.

    Ngo ibi kandi bizatuma ahita aza ku mwanya wa mbere mu Rwanda aho azahita aca ku bahanzi basanzwe bazwiho ubukire buhanitse nka Meddy na The Ben.

    Bruce Melodie azaba ari umuhanzi wakiriye amafaranga menshi mu bahanzi b’abanyarwanda kuruta The Ben na Meddy bari bafite aka gahigo.

    Itahiwacu umaze imyaka itanu ari ku gasongero k’umuziki nyarwanda. Ni umwe mu bahanzi bake binjije amafaranga atari make no bihe bya COVID-19.

    Uretse amasezerano yo kwamamariza ibigo by’ubucuruzi bitandukanye, aherutse gusinya amasezerano yo kwamamaza inyubako y’imyidagaduro ya Kigali Arena afite agaciro ka miliyoni 150.

    Uyu muhanzi kandi yegukanye PGGSS ya 8 yo muri 2018 ikaba ari irushanwa rikomeye ryigeze kubaho mu Rwanda.

    UKWEZI.RW

    Source : http://www.ukwezi.rw/Imyidagaduro/article/Bruce-Melodie-agiye-kwinjira-mu-bahanzi-bakize-kurusha-abandi-muri-Africa

  • Isezerano Miss Fiona yahaye Nkusi Arthur bako… – #rwanda #RwOT

    Tariki 14 Kanama 2021, Umunyamakuru wa Kiss Fm akaba n'umunyarwenya Nkusi Arthur yakoze ubukwe na Miss Fiona Muthoni biyemeza kubana nk'umugabo n'umugore.

    Bwabereye mu Karere ka Rutsiro mu Ntara y'Uburengerazuba ku nkengero z'ikiyaga cya Kivu. Bwitabiriwe n'abantu batari benshi mu rwego rwo kubahiriza ingamba zo kwirinda Covid-19, barimo abo mu miryango yabo n'inshuti zabo za hafi.

    Iminsi ine yari ishize nta muntu uraca iryera ifoto y'abageni kugeza ubwo mu ijoro ry'uyu wa Gatatu tariki 18 Kanama 2021, Nkusi Arthur na Miss Fiona basohoye amafoto ya mbere y'ubukwe bwabo.

    Mu magambo macye Nkusi Arthur yanditse kuri konti ye ya Instagram, yagize ati 'Ku wa 18 Kanama 2021, urugendo rushya rwatangiye. Warakoze ku mpitamo rukundo rwanjye.'

    Uyu munyarwenya yabwiye umugore ko yiteguye kumarana nawe iminsi yose y'ubuzima bwe. Ashimangira ko ari umugabo wishimye.

    Miss Fiona nawe yifashishije konti ye ya Instagram yavuze ko imyaka itandatu ishize ari mu rukundo na Nkusi Arthur, amubwira ko ari umuntu udasanzwe kuri we utuma buri kintu kigira igisobanuro.

    Mu butumwa bwe ati 'Sinshobora kwibaza ku myaka itandatu itambutse iyo nza kuba ntagufite. Uri umwihariko kuri njye. Utuma buri kimwe cyose kigira igisobanuro. Ubwo dutangiye ubuzima bwacu hanwe, nkusezeranyije ku kurakaza, ku gukunda, ku kubaha no ku kwitaho. Cyakora ku kurakaza bizaba ari byiza.'

    Nkusi Arthur warushinze na Miss Fiona, ni we utegura ibitaramo by’urwenya bitandukanye birimo Seka Live Fest n'ibindi, akaba n'umushyushyarugamba mu birori n'ibitaramo bitandukanye.

    Asanzwe ari n'umujyanama w'umuvandimwe Sintex uherutse gusohora indirimbo yise 'Karitsiye'. Uyu mugabo yakoreye ibitangazamakuru birimo na Kiss Fm akorera muri iki gihe.

    Miss Fiona wakoze ubukwe n'umukunzi we Nkusi Arthur ni Umunyamakuru wa Televiziyo ya CNBC Africa; yabaye igisonga cya Gatatu cya Miss Rwanda 2015 n'igisonga cya Mbere cya Miss Africa Calabar 2017.

    Miss Fiona yabwiye Nkusi Arthur ko azahanira gukomeza kumuha ibyishimo bisendereye Nkusi Arthur yashimye Miss Fiona wamuhisemo akemera kubana nawe by'iteka- Aha yari imbere y'ababyeyi be Miss Fiona yavuze ko imyaka itandatu yari ishize anyotewe no kuba iruhande rwa Nkusir Arthur Nkusi Arthur na Miss Fiona bambikanye impeta y'urudashira…. Tariki 14 Kanama 2021, umunsi ukomeye mu buzima bwa Nkusi na Fiona Miss Fiona yagaragaje impeta y'urukundo yambitswe na Nkusi Arthur, ku kiyaga cya Kivu Umunyamideli Zahra ari mu batashye ubukwe bwa Miss Fiona na Arthur

    Ibyishimo kuri Miss Fiona asanganira umukunzi we bari bamaze imyaka itandatu mu rukundo Uhereye imbere: Umukinnyi wa filime Mazimpaka Kennedy [wambaye amataratara y'ibara ry'umukara] Se wa Arthu Nkusi; Kagame Peter [wambaye amatarata uhagaze] Umugabo w'Umunyamakuru Sandrine Isheja n'umuhanzi Uncle Austin wambaye ishati y'ibara ry'umukara Ubukwe bwabereye ku nkengero z'ikiyaga cya Kivu, bwitabirwa n'abo mu miryango n'inshuti zabo za hafi

    Miss Fiona ku munsi w’ubukwe bweAbantu batandukanye barimo ibyamamare bifurije Nkusi Arthur na Miss Fiona kurushinga rugakomera

    AMAFOTO: Rwanda_Nziza

    Source : https://inyarwanda.com/inkuru/108735/isezerano-miss-fiona-yahaye-nkusi-arthur-bakoze-ubukwe-108735.html

  • Aimable Karasira wamaze kwambara iroza yaburanye ubujurire avuga ko yakubitiwe muri Gereza #rwanda #RwOT

    Aimable Karasira wigeze kuba umwarimu muri Kaminuza y’u Rwanda ubu ukekwaho ibyaha birimo gukurura amacakubi, Urukiko rw’Ibanze rwa Nyarugenge ruherutse gufata icyemezo cyo gufungwa by’agateganyo.

    Urukiko rwavuze ko iki cyemezo gishingiye ku kuba ibyaha akurikiranyweho bikomeye kandi ko yabikoreye ku mbuga nkoranyambaga bityo ko aramutse arekuwe yakongera akabikora.

    Aimable Karasira wajuririye iki cyemezo, uyu munsi ku wa Kane tariki 19 Kanama 2021 yitabye Urukiko Rwisumbuye rwa Nyarugenge ngo aburane ku bujurire bwe.

    Karasira wamaze kwambara impuzankano y’imfungwa y’ibara ry’iroza, yaburanye hifashishijwe ikoranabuhanga, aho yabanje kubwira Urukiko ko yifuza ko urubanza rusubikwa kuko atameze neza.

    Ubushinjacyaha bwahawe umwanya ngo bugire icyo buvuga ku cyifuzo cy’uregwa, bwavuze bwo bwiteguye kuburana kandi ko iki cyifuzo cye atagitanze mbere bityo ko bitari bizwi.

    Umucamanza yahise ifata icyemezo ko yimuriye urubanza tariki 23 Kanama 2021 gusa uregwa ntiyanyurwa ahita avuga ko iyi tariki ari vuba cyane mu gihe Urukiko rwavugaga ko urubanza ku ifunga rugomba kuba byihuse kugira ngo urwo mu mizi ruzagire igihe rutangirira.

    Karasira yahise avuga ko nubundi yumva ari hafi bityo ko yakwemerwa akaburana uyu munsi ndetse Urukiko rurabimwemerera.

    Me Gatera Gashabana wunganira uregwa, yahise agaragaza impamvu bashingiyeho batanga ubujurire bwabo aho yagarutse ku burwayi bwo mu mutwe bw’umukiliya we, avuga ko akwiye kurekurwa kuko raporo ya muganga yemeje ko buriya burwayi abufite koko kugira ngo ajye no kwivuza.

    Aimable Karasira kandi yagaragaje imbogamizi zirebana n’uburyo afunzwemo ko afatwa nabi ndetse ko hari igihe yakubiswe n’abacungagereza.

    Ni ingingo yatewe utwatsi n’Ubushinjacyaha bwavuze ko uregwa atagaragaje ibimenyetso bityo ko Urukiko rudakwiye kubiha agaciro.

    Uregwa n’umwuganira mu mategeko bakomeje gushimangira icyifuzo cyabo ko akwiye kurekurwa mu gihe Ubushinjacyaha na bwo bwasabye Urukiko Rwisumbuye rwa Nyarugenge kugumishaho kiriya Cyemezo cyafashwe n’urw’Ibanze rukemeza ko uregwa akomeza gufungwa by’agateganyo iminsi 30.

    Umucamanza yahise apfundikira iburanisha yemeza ko icyemezo cy’urukiko kizasomwa tariki 26 Kanama 2021.

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Aimable-Karasira-wamaze-kwambara-iroza-yaburanye-ubujurire-avuga-ko-yakubitiwe-muri-Gereza

  • Kuva Darfur 2004 kugera Cabo Delgado 2021; urugendo rw'u Rwanda mu gutabara abari mu kaga rwerekanye ko Afurika yakwishakamo ibisubizo #rwanda #RwOT

    Hari mu mwaka wa 2003 ubwo Umuryango w'Afurika wasabaga u Rwanda kuba rwatanga ubufasha bukohereza ingabo mu ntara ya Darfur yo muri Sudani, ahari hamaze umwaka abaturage b'abirabura bicwa n'umutwe w'abajanjawidi wari ubogamiye kuri Leta ya Khartum.

    Itsinda ry'ingabo z'u Rwanda ryari riyobowe na Lt Gen Charles Karamba (icyo gihe yari Lt Col) ryabanje gusura Darfur nyuma yuko u Rwanda rwemeye gutanga itsinda ry'abasirikari 150 bazarinda indorerezi z'amahoro z'Afurika yunze Ubumwe, zikurikirana uko amahoro yubahirizwa muri Darfur.

    Ntibyatinze u Rwanda ntabwo rwarinze indorerezi za AU ahubwo rwageze aho ruhabwa inshingano zikomeye zo kurinda impunzi mu nkambi yazo. Nyuma y'imyaka 17, u Rwanda rumaze muri Darfur, rwahasize ibikorwa by'indashyikirwa rwakoreye abaturage, harimo kububakira ibyumba by'amashuri , amavuriro, kubigisha gukoresha rondereza nk'intara ibarizwa mu butayu n'ibindi.

    Twibutse ko u Rwanda rwabimburiye ibindi bihugu byose kohereza ingabo muri Darfur. Ibi byabaye nyuma y'imyaka 10 gusa, Jenoside yakorewe Abatutsi yari ihagaritswe na RPF Inkotanyi ndetse n'intambara y'abacengezi yamaze hafi imyaka itatu, kuva 1996-1999.

    Kuva mu mwaka wa 2010 kandi, u Rwanda rwagiye rwohereza itsinda ry'Abapolisi ribarizwa mu butumwa bw'Umuryango w'Abibumbye hagati ya 2010 kugeza 2019 aho bagiye gufasha abaturage bagizweho ingaruka n'umutingito wahitanye abarenga 300,000 naho abasaga miliyoni eshatu bagakurwa mu byabo.

    Abapolisi b'u Rwanda muri Haiti batumye abaturage bagira icyizere cyo kubaho nyuma y'imitingito itatu yibasiye igice kinini cyicyo gihugu muri 2010. Ubu nuyu munsi abaturage ba Haiti bakora umuganda bigishijwe n'Abapolisi b'u Rwanda.

    Ntabwo ari muri Haiti gusa itsinda rya Polisi ryoherejwe mu butumwa kuko ryakoze ubutumwa muri Liberia, Sierra Leon, Sudan, Sudan y'amajyepfo na Ivory Coast.

    U Rwanda kandi rwohereje ingabo muri Sudan y'amajyepfo nyuma y'amakimbirane hagati ya Perezida Salva Kiir Mayardit na Visi Perezida we Riek Machar. Muri Sudan y'amajyepfo niho n'u Rwanda rwohereje bwa mbere mu butumwa bw'Umuryango w'Abibumbye itsinda ry'abasirikari barwanira mu kirere aho hoherejwe indege eshatu n'abakozi bazo bagera kuri 96 harimo aba pilotes, ababungirije ndetse n'abatekinisiye. Muri Sudan y'Amajyepfo, inkambi zirindwa n'Abanyarwanda baba bizeye umutekano 100%.

    Hari muri Kamena 2018 ubwo ingabo z'u Rwanda harimo nizikoresha intwaro ziremereye zoherejwe kugarura umutekano mu gihugu cya Centre Afrique zibarizwa mu itsinda ry'Umuryango w'Abibumbye.

    Izina u Rwanda muri Centrafrique ryatsimbuwe nuko tariki ya 20 Ukuboza 2020, u Rwanda rwohereje ingabo hakurikijwe ubutwererane buri hagati ya Leta y'u Rwanda na Centre Afrique zo kurinda umutekano wa Bangui wari wugarijwe n'inyeshyamba mu gihe ingabo z'u Rwanda zibarizwa mu za LONI zigendera ku mategeko ya LONI.

    Izo ngabo nazo zari zugarijwe, nuko u Rwanda rwohereza ingabo zitabara uyu mujyi zisubizayo inyeshyamba abaturage bariruhutsa.

    Mu kwezi gushize, u Rwanda rwohereje ingabo muri Mozambike kurwanya intagondwa zigendera ku mahame ya Kiyisilamu zari zimaze igihe zigaruriye uduce tugize intara ya Cabo Delgado. Ingabo za SADC zari zimaze igihe bivugwa ko zizajyayo ariko ingabo z'u Rwanda zikigerayo, ibyananiranye mu myaka itatu zabikoze mu kwezi kumwe maze uduce twose inyeshyamba zari zarigaruriye dusubira mu biganza bya Leta ya Mozambique. Aha twavuga nka Awasse, Afungi ndetse n'umugi wa Mocimbowa da Praia n'icyambu cyayo cyari ibirindiro bikuru by'inyeshyamba.

    Ibi ni inshamake y'ibikorwa by'ingabo z'u Rwanda bigaragaza ko umutima wo gutabara ntaho uhurira n'ubunini bw'igihugu kuko Mozambique ikubye u Rwanda inshuro 26, naho Centre Afrique igakuba u Rwanda inshuro 23. Intara ya Darfur yo iruta u Rwanda inshuro 18.

    Ibi kandi bigaragaza ko gutabara Atari ukugira intwaro z'umurengera ahubwo ari umutima.

    The post Kuva Darfur 2004 kugera Cabo Delgado 2021; urugendo rw'u Rwanda mu gutabara abari mu kaga rwerekanye ko Afurika yakwishakamo ibisubizo appeared first on RUSHYASHYA.

    Source : https://rushyashya.net/kuva-darfur-2004-kugera-cabo-delgado-2021-urugendo-rwu-rwanda-mu-gutabara-abari-mu-kaga-rwerekanye-ko-afurika-yakwishakamo-ibisubizo/?utm_source=rss&utm_medium=rss&utm_campaign=kuva-darfur-2004-kugera-cabo-delgado-2021-urugendo-rwu-rwanda-mu-gutabara-abari-mu-kaga-rwerekanye-ko-afurika-yakwishakamo-ibisubizo