Webrwanda Backend

Author: webrwanda

  • Marina yeruye ahishura ko afite umukunzi anav… – #rwanda #RwOT

    Marina wagiranye ikiganiro na YAGO TV SHOW ikorera kuri Youtube nyuma yo gushyira hanze indirimbo ye nshya 'Brigade', yabajijwe impamvu abahanzi bakunda guhisha ko bari mu rukundo ntibanatangaze abo bakundana, agaragaza impamvu cyakora ahishura ko we amufite anahamya ko azakora ubukwe.

    Marina yahishuye ko afite umukunzi anakomoza ku bukwe bwe

    Yagize ati: 'Ya njyewe mfite umucopain [umukunzi] what? biragutunguye kubera ko ari ubwa mbere mbyemeye? ntabwo mbyemeye kubera ko uvuze ngo turabihakana, mbyemeye kubera ko mufite. Yakomeje agira ati: 'Ni ukuri mfite umukunzi nkunda cyane'. Yashimangiye ko azakora ubukwe, gusa yemeza ko atazi igihe buzabera ahamya ko yifuza kuzabyara abana batatu, gusa yirinze gutangaza amazina y’uwo bari mu rukundo.

    Agaruka kuri BadRama yagize ati'Muri uyu muziki mba numva mukeneye hafi yanjye kuko kuva natangira umuziki urebye nyine twabaga turi kumwe'.

    Yakomeje abishimangira ati: 'Turaziranye ku buryo hari igihe kigera nkavuga nti 'nkeneye musaza wanjye' nkeneye BadRama iruhande rwanjye. Ariko nta kintu biba bitwaye kuko yansigiye murumuna w'iwe turabikorana'.

    Muri iki kiganiro yabajijwe abantu bane yashimira maze mugusubiza, mu mazina yatanze hagarukamo Bad Rama. Hari aho yagize ati'Nashimira Uncle Austin, nkashimira BadRama cyane na team yose ya The Mane'. Yashimiye kandi abanyamakuru n'abafana be avuga ko buri muntu wese muri aba afite ikintu gikomeye yamukoreye.

    'Brigade' ni indirmbo ya kabiri ashyize hanze nyuma yo gusaba imbabazi agasubira muri The Mane. Ni iya mbere ashyize kuri Youtube Channel ye, ibi bikaba bigaragaza ko hari amasezerano atandukanye n'ayo yari afitanye na The Mane yagiranye n'iyi nzu. Mbere, indirimbo ze kuri Youtube zabaga zashyizwe kuri channel ya The Mane. Iyi ndirimbo ye nshye izagaragara kuri Album nshya ari gukoraho atarabonera izina kuguza ubu.

    REBA HANO IKIGANIRO CYA MARINA

    Source : https://inyarwanda.com/inkuru/108846/marina-yeruye-ahishura-ko-afite-umukunzi-anavuga-ku-bukwe-bwe-108846.html

  • Mutsinzi Ange wakiniraga APR FC yerekeje muri… – #rwanda #RwOT

    Mutsinzi Ange yatanzweho ibihumbi 150 by'amadolari ya Amerika, ni ukuvuga hafi Miliyoni 150 z'amanyarwanda.

    Mutsinzi yerekeje muri Portugal nyuma yo gutsindwa igeragezwa yari yagiyemo mu ikipe ya Oud-Heverlee Leuven yo mu Bubiligi.

    Tariki ya 27 Nyakanga 2021, ni bwo myugariro Mutsinzi Ange yerekeje mu gihugu cy'u Bubiligi mu igeragezwa ryagombaga kumara Ibyumweru bibiri.

    Ntabwo iri geragezwa ryagenze neza nk'uko Mutsinzi yabyifuzaga kuko byarangiye atsinzwe, ahita yerekeza muri Portugal mu ikipe ya CD Trofense, aho yasinye amasezerano y'umwaka umwe ushobora kongerwa bigendanye n'uko azitwara.

    Nyuma yo gushyira umukono ku masezerano muri iyi kipe yo muri Portugal, Mutsinzi yagize ati “Nje mfite intego nyinshi, nzibanda ku gufasha ikipe yanjye kugera ku ntego zayo. Kuri njye ni ibintu bishya ariko ndizera ko mu minsi micye mba namaze kumenyerana na bagenzi banjye”.

    Uyu mukinnyi yageze muri APR FC muri Nyakanga 2019, avuye muri Rayon Sports FC na yo yari amazemo imyaka ibiri nyuma yo kuva muri AS Muhanga yamenyekaniyemo.

    Mutsinzi ari mu bakinnyi 39 bahamagawe n’umutoza Mashami Vincent mu ikipe y’igihugu Amavubi iri kwitegura imikino yo gushaka itike y’igikombe cy’Isi 2022.


    Ange Mutsinzi wakiniraga APR FC yerekeje muri Portugal

    Mutsinzi yasinye amasezerano y’umwaka umwe muri CD Trofense

    Source : https://inyarwanda.com/inkuru/108863/mutsinzi-ange-wakiniraga-apr-fc-yerekeje-muri-cdtrofense-yo-muri-portugal-108863.html

  • Christopher ari gukorera indirimbo umubyeyi w… – #rwanda #RwOT

    Nawe, avuga ko urupfu rw'umubyeyi Gahongayire Marie Mativitas ari kimwe mu byatumye amara umwaka wose adasohoye indirimbo. Aheruka gusohora indirimbo yise 'Mi Casa' iri kuri Album ye nshya yamaze kurangiza.

    Ni Album iriho indirimbo yakoranye n'abahanzi batandukanye bo mu Rwanda barimo n'abo mu mahanga nk'uko abivuga. Kugeza ubu, ntaremeza uko azayimurika ariko yihaye gahunda yo kugenda asohora zimwe mu ndirimbo.

    Tariki 21 Mutarama 2021, ni bwo Christopher yabuze Mama we, witabye Imana azize uburwayi yari amaranye iminsi.

    Uyu muhanzi aherutse kwandika kuri konti ye ya Instagram avuga ko yizera neza ko umubyeyi we ari mu ijuru kuko yanabimwibwiriye mu nzozi.

    Mu rwego rwo kuzirikana umubyeyi we, uyu muhanzi ari kumukorera indirimbo. Ni indirimbo avuga ko atajya yandika, kuko iyo atangiye kuririmba afatwa n'ikiniga ntakomeze kuririmba.

    Mu kiganiro 'Sunday Night' cya Isango Star, Christopher yavuze ko iyo asubiye muri studio akomereza aho yari ageze.

    Ati '…Hari ukuntu njya kuyikora bikarangira binaniye atari ukuyishyira hanze kuyiririmba. Ntabwo njya nyandika nyine ndagenda nkakomereza aho nari ngarukirije ubushize nkarira tugakwepa Madebeats akihangana.'

    Uyu muhanzi wavuze ko atazi igihe azasohorera iyi ndirimbo yakoreye umubyeyi we, yavuze ko akomeje ibiganiro by'ibitaramo yagombaga gukorera i Burayi, Canada no muri Leta Zunze Ubumwe za Amerika.

    Mu buryo bw'amajwi (Audio) iyi ndirimbo ya Christopher iri gukorwa na Producer Madebeats.

    Muri muzika, Christopher aherutse gusohora amashusho y'indirimbo yise 'Mi Casa'. Yavuze ko yatunguwe n'urukundo abantu bamugaragarije nyuma y'umwaka yari amaze adasohora indirimbo.

    Christopher yatangiye umuziki akiri ku intebe y'ishuri, aho yinjiye mu inzu ifasha abahanzi ya Kina Music afite imyaka 16 y'amavuko.

    Uyu muhanzi yagize indirimbo zamuhaye igikundiro cyihariye, ndetse Primus Guma Guma Super Stars za mbere yitabiriye yazitabiriye anafite ibizamini ku Ishuri.

    Mu gihe yamaze akorana na Producer Ishimwe Karake Clement, avuga ko ari Producer umuzi neza kurusha abandi 'wamukoreye ijwi nk'uko yabyifuzaga'.

    Kuva yava muri Kina Music nta ndirimbo arongera kuhakorera, ariko hari Album yamuritse yakorewe muri iyi studio.

    Christopher yavuze ko ari gukora indirimbo yo kuzirikana umubyeyi we witabye Imana Christopher yavuze ko indirimbo ari gukorera umubyeyi we atayandika

    KANDA HANO UREBE AMASHUSHO Y'INDIRIMBO 'MI CASA' YA CHRISTOPHER

    “>

    Source : https://inyarwanda.com/inkuru/108848/christopher-ari-gukorera-indirimbo-umubyeyi-we-witabye-imana-108848.html

  • Chameleone umaze icyumweru mu bitaro akomeje… – #rwanda #RwOT

    Chameleone , amakuru avuga ko amaze mu bitaro  icyumweru nk'uko blizz ibitangaza, mu nkuru bavuga ko amasengesho n’imbabazi birakenewe kuri uyu muhanzi  kugira ngo umuziki wa Afurika y’Iburasirazuba urusheho kuba mwiza, Joseph Mayanja uzwi ku izina rya Jose Chameleone,  arimo ararwana n’indwara y’umwijima na pancreas hafi icyumweru cyose  nyuma yo kwisuzumisha umwaka ushize  agasanga afite ubu burwayi bukomeje kumuzahaza.

    Blizz snoops yerekanye uburyo  Chameleone  aryamye muri kimwe mu bigo nderabuzima byigenga hafi y'aho atuye i Seguku. Amakuru aturuka imbere  mu binyamakuru avuga ko Chameleone ashobora  kuba yarahuye n'ubu burwayi bw'umwijima  na pancreas kubera kunywa cyane ibisindisha bivanze n'itabi.

     N’ubwo umufasha we  ,  Daniel Atim , ataramenyesha rubanda ubuzima bw'umugabo we  , Chameleone kuri ubu arimo kwitabwaho na Nyina .

    Source : https://inyarwanda.com/inkuru/108844/chameleone-umaze-icyumweru-mu-bitaro-akomeje-kuremba-cyane-aho-bivugwa-ko-inzoga-nyinshi-n-108844.html

  • U Rwanda rwemeye ubusabe bwa USA bwo kwakira impunzi zivuye muri Afghanistan #rwanda #RwOT

    Umuvugizi wa Guverinoma y’u Rwanda, Yolande Makolo yabwiye Ikinyamakuru Taarifa dukesha aya makuru ko u Rwanda rwemeye kiriya Cyifuzo cyatanzwe na Leta Zunze Ubumwe za America zikomeje gushakira abaturage bo muri Afghanistan aho bahungishiriwa.

    Uyu muvugizi wa Guverinoma mushya, Yolande Makolo avuga ko nta byinshi biratajya ku murongo kuri iki cyemezo cyo kwemera kiriya cyifuzo gusa ngo u Rwanda na Leta Zunze Ubumwe za America bazaganira uko cyashyirwa mu bikorwa.

    Ku ikubitiro, Igihugu cya Uganda ni cyo cyabaye icya mbere ku mugabane wa Africa kwemera kwakira impunzi ziri guhungishwa muri kiriya gihugu cya Afghanistan.

    Leta Zunze Ubumwe za America zatangaje ko hari ibihugu 13 byemeye kwakira by’igihe gito abantu bari kuvanwa muri Afghanistan. Ni ukuvuga abatujuje ibisabwa bituma bahita batuzwa muri Leta Zunze Ubumwe za Amerika.

    Ibyo bihugu ni Albania, Canada, Colombia, Costa Rica, Chile, Kosovo, North Macedonia, Mexico, Poland, Qatar, u Rwanda, Ukraine na Uganda.

    Hari n’ibindi bihugu 12 byemeye ko bazahanyura mbere y’uko bajyanwa ahandi, ari byo Bahrain, u Bwongereza, Denmark, u Budage, u Butaliyani, Kazakhstan, Kuwait, Qatar, Tajikistan, Turikiya, Leta Zunze Ubumwe z’Abarabu na Uzbekistan.

    Kuva umutwe wa Taliban wafata kiriya gihugu cya Afghanistan ndetse ubutegetsi bwa kiriya gihugu bukemera kuwubererekera bukawuha Igihugu, bamwe mu baturage bakomeje kuvanwa muri kiriya gihugu.

    Perezida Biden wanenzwe na benshi kuba yarakuye ingabo za Leta Zunze Ubumwe za America muri kiriya Gihugu ku buryo ari byo byatumye Abatalibani bagifata, yavuze ko icyemezo cyo kuzikurayo cyari mu buryo buboneye kandi ko cyari gikwiye.

    Source : http://www.ukwezi.rw/mu-rwanda/3/article/U-Rwanda-rwemeye-ubusabe-bwa-USA-bwo-kwakira-impunzi-zivuye-muri-Afghanistan

  • Mutsinzi utarahiriwe mu cyiciro cya 1 mu Bubiligi yagiye mu cya 2 iwabo wa C.Ronaldo #rwanda #RwOT

    Mutsinzi Ange yamaze gusinyira ikipe ya Clube Desportivo Trofense yo mu gihugu cya Portugal iri mu cyiciro cya Kabiri ikaba yarasoje shampiyona iri ku mwanya wa kane.

    Mutsinzi Ange akaba yasinye imyaka ibiri muri iyi kipe nyuma yo gusoza amasezerano ye mu ikipe y’ingabo z’igihugu ya APR FC.

    Bivugwa ko Mutsinzi yasinye muri iriya kipe aguzwe ibihumbi 150 USD ni ukuvuga agera muri Miliyoni 150 Frw.

    Mutsinzi yishimiye iyi ntambwe yateye aho yanyujije ubutumwa kuri Twitter avuga ko ashimiye Imana kuri ibi bitangaza imukoreye.

    Yagize ati “Iyo Imana yagusezeranyije ikintu, irakiguha. Igihe cyayo gihora ari ntamakemwa. Urakoze Mana.”

    Bamwe mu nshuti za hafi z’uyu musore w’imyaka 23 y’amavuko, bari batangaje iby’amakuru yo gutsindwa igerageza mu ikipe yo mu cyiciro cya mbere mu Bubiligi, bari bavuze ko ari kugerageza mu yandi makipe amwifuza yo ku mugabane w’u Burayi.

    Ange Mutsinzi uri mu bakinnyi bato batanga icyizere mu Rwanda, yari yerekeje mu Bubiligi gushaka ikipe nyuma y’uko arangije amasezerano ye muri APR FC yafashije kwegukana shampiyona ebyiri idatsinzwe.

    UKWEZI.RW

    Source : http://www.ukwezi.rw/Imikino/article/Mutsinzi-utarahiriwe-mu-cyiciro-cya-1-mu-Bubiligi-yagiye-mu-cya-2-iwabo-wa-C-Ronaldo

  • Ibyo wamenya ku mishinga yashowemo miliyari 101.8 Frw mu 2021 igamije gutanga amashanyarazi – #rwanda #RwOT

    Ishyirwa mu bikorwa ry’iyi mishinga rijyanye n’icyerekezo cy’u Rwanda aho muri gahunda yarwo y’imyaka irindwi (NST1) ya 2017-2024 ruzaba rufite Megawatt zingana na 556. Icyo gihe kandi amashanyarazi azaba agera kuri bose.

    Raporo yo muri Nyakanga ya Minisiteri y’Ibikorwaremezo yerekana ko ingengo y’imari yateganyijwe ingana na miliyari 101.8 Frw, yagabanutseho 17.2% ugereranyije n’umwaka wabanje wa 2020/21, washowemo miliyari 123 Frw.

    Ikomeza ivuga ko “igabanuka mu ngengo y’imari rifitanye isano n’ingaruka zatewe n’icyorezo cya COVID-19.’’

    Indi mpamvu y’iri gabanuka ijyanye na gahunda nshya y’u Rwanda yo kugeza amashanyarazi kuri bose, ikiri hasi aho u Rwanda rukeneye arenga miliyari 600 Frw yo gushora mu mishinga izatuma Abanyarwanda bose bagerwaho n’amashanyarazi bitarenze 2024.

    Muri Kamena uyu mwaka, Leta y’u Rwanda yasinye amasezerano y’inguzanyo na Banki Nyafurika Itsura Amajyambere (AfDB) afite agaciro ka miliyoni 84.2$, azaba agizwe n’inguzanyo ya miliyoni 36.8$, bingana na 44% by’agaciro k’amasezerano ndetse na miliyoni 47.4$, bingana na 56%, yatanzwe nk’impano.

    Mu ngengo y’imari y’uyu mwaka, amafaranga agera kuri 53% azatangwa na Leta mu gihe igice gisigaye kingana na 47% kizava mu nguzanyo n’impano z’amahanga.

    Muri miliyari 101.8 Frw, gutunganya amashanyarazi no kuyakwirakwiza bifite igice kinini kingana na 67% mu gihe ibijyanye n’imiyoborere bifite 14%, gukoresha neza ibijyanye n’ingufu bifite 7%, igice cy’umutekano gifite 12%.

    Ingano y’amashanyarazi u Rwanda rufite yariyongereye ava kuri Megawatt 228.102 muri Kamena 2020 agera kuri Megawatt 238.052 muri Gicurasi 2021 mu gihe intego yari yashyizweho ari Megawatt 307.58 bitarenze Kamena 2021.

    Iri zamuka rishingiye ku mashanyarazi angana na Megawatt 9.8 yatanzwe n’Urugomero rw’amashanyarazi rwa Giciye no kuvugururwa k’urugomero rwa Nyirabuhombohombo rwavuye kuri Megawatt 0.5 rugera kuri Megawatt 0.65.

    Raporo ya Mininfra yerekana ko kuba intego yashyizweho itaragezweho bifitanye isano n’idindira ryo kubaka Uruganda rutanga amashanyarazi aturutse kuri Nyiramugengeri rwa Hakan ruherereye mu Murenge wa Mamba mu Karere ka Gisagara ruzatanga Megawatt 80 ndetse n’urugomero rwa Rukarara V & Mushishiro II rufite ubushobozi bwo gutanga megawatt 3. Iyubakwa ndetse no gutangira kubyaza umusaruro iyi mishinga byadindijwe na COVID-19.

    Nubwo icyorezo cyateye ariko urwego rw’ingufu ntirwahungabanye cyane ndetse byitezwe ko kugeza muri Kamena 2022, amashanyarazi igihugu gifite aziyongeraho Megawatt 345.752 avuye kuri 238.052.

    Leta y’u Rwanda igenda yubaka sitasiyo nto z’amashanyarazi zifasha kuyageza ku baturage

    -  Imishinga ihanzwe amaso mu gukwirakwiza amashanyarazi mu gihugu

    Ku rwego rw’igihugu, amashanyarazi afatiye ku muyoboro munini yaragutse, hubatswe imiyoboro migari (Medium Voltage) ireshya n’ibilometero 671.48 n’imito (Low Voltage lines) y’ibilometero 1,214.3. Intego yari iyo kubaka imiyoboro migari ya 603.92 km n’imito ireshya na 1835.18km.

    Ibi byajyanye no gucanira imihanda kuko hagati ya Nyakanga 2020 na Gicurasi 2021, ireshya na 631.85km yashyizweho amatara. Iyi mirimo igeze kuri 35%, biteganyijwe ko izasozwa mu 2023 aho imihanda icaniwe izava kuri 1,455.3km ikagera kuri 2,087.15km.

    Mu kugena ingengo y’imari hibanzwe ku kureba iyihutishwa ry’amashanyarazi mu turere atarageramo cyane no kudufasha kubona adafatiye ku muyoboro munini. Biteganyijwe ko abo ageraho bazava kuri 63% bakagera kuri 70%.

    Hanatekerejwe ku mishinga yo kubyaza umusaruro ingomero, gaz methane, nyiramugengeri, byose bizatanga megawatt 107.6 ku mashanyarazi afatiye ku muyoboro mugari.

    Undi mushinga ujyanye no guteza imbere uburyo bwo gucana buzafasha ingo kugabanya uburyo gakondo zifashishaga nko gukoresha inkwi, zikava kuri 79.9% zikagera kuri 66.6%.

    -  Abagerwaho n’amashanyarazi bakomeje kwiyongera

    Imibare igaragaza ko mu Rwanda kugeza ubu ingo zifite amashanyarazi muri rusange zisaga 65,4% harimo izikoresha afatiye ku muyoboro mugari n’izikoresha adafatiye ku muyoboro mugari yiganjemo akomoka ku mirasire y’izuba.

    Nibura hagati ya Nyakanga 2020 na Gicurasi 2021, ingo nshya 146.079 zacaniwe binyuze ku muyobora mugari, mu gihe intego yari 118.657; ibi byatumye ingo zose zikoresha amashanyarazi afatiye ku muyoboro mugari zigera kuri 1.278.601 zivuye kuri 1.132.522 muri Kamena 2020.

    Ku rundi ruhande, ingo 55.242 zahawe amashanyarazi adafatiye ku muyoboro mugari [ni ukuvuga akomoka ku mirasire y’izuba n’ingomero nto]. U Rwanda rwari rwihaye kuzamura uyu mubare ukagera kuri 50.000. Byari gutuma ingo ziva kuri 418.502 mu 2020/21 zikagera kur 473.744.

    Muri rusange ingo zifite amashanyarazi zavuye kuri 1.560.699 mu mwaka ushize, zigera kuri 1.752.345 muri uyu mwaka, inyongera y’ingo 201.321 hagati ya Nyakanga 2020 na Gicurasi 2021.

    Usibye ingo, ahantu 1000 harimo ahakoreshwa n’abantu benshi hagejejwe amashanyarazi hagati ya Nyakanga 2020 na Gicurasi 2021 mu gihe intego yari yashyizweho ari kwegereza amashanyarazi ahantu 260.

    Aha hantu harimo ahakorera ubucuruzi, ahogerezwa kawa, amakusanyirizo y’amata, amashuri, imashini zuhira, ibigo nderabuzima, inganda z’icyayi, imidugudu y’icyitegererezo n’ahandi.

    Imihanda yubatswe igenda inacanirwa ku buryo irara yaka. Uyu mwaka uzarangira mu Karere ka Muhanga nibura imihanda iriho amatara ireshya na 1.565 km

    Inyigo yakozwe yerekanye ko mu Kivu harimo km3 hagati ya 250 na 300 za Carbon na Gaz Methane igera kuri km3 hagati ya 55 na 60 bikomeza no kwiyongera. Gaz Méthane irimo ishobora gutanga umuriro ungana na Megawatt (MW) 700 mu myaka 55

    source : https://ift.tt/385HFuP

  • Agahinda k’umwana wafashwe ku ngufu n’uwo atazi agaterwa inda ku myaka 16 – #rwanda #RwOT

    Ntibyafashe igihe kinini ngo menye ko ari umuhungu we kuko yakomeje kurira akaza kumuha ibere, kubona umwana muto nk’uwo yonsa byanteye amatsiko menshi mubaza uko yabyaye.

    Mu gahinda kenshi, amarira azenga mu maso, yansubije ko yafashwe ku ngufu ubwo yari afite imyaka 16 n’umuntu atamenye, atazi n’ubu.

    Kumuganiriza ngo akubwire inkuru y’uko yafashwe n’umugizi wa nabi atamenye ntabwo byoroshye, ubona ko ibyo yakorewe byamuteye igikomere ku mutima.

    Yagize ati “Hari ahantu hari urwuri twari duturanye bajyaga bampa umuriro wo muri telefoni, nyijyanayo nsubiye kuyireba mpasanga undi muntu ntazi ndasuhuza maze gusuhuza arambwira ngo ninjire nyifate ahita ankurura amfata ku ngufu.”

    Ageze iwabo mu rugo ntiyabashije kubwira ababyeyi ibyamubayeho kuko yari yahungabanye ahubwo haciye igihe abonye ko atwite ni bwo yabivuze ariko uwamufashe ku ngufu ntiyabashije kumumenya.

    Yagize ati “Byarambabaje, byanteye n’agahinda kuko yamfashe nkiri umwana, ibintu bintera agahinda. Sinzi uko nzasobanurira umwana se kandi nanjye ntamuzi, ibyo binyongerera ishavu ariko ngenda mbyakira n’umwana nakura azabyakira.”

    Imibereho iragoye

    Uwo mwana abana na nyina umubyara warembejwe n’uburwayi, ubuzima babayemo buragoye ku buryo no kubona icyo kurya ari ikibazo gusa icyo bifuza cyihutirwa ni uko bakubakirwa nk’abandi kuko inzu barimo yenda kubagwaho.

    Ati “Ngira mama wenyine, inzu yacu yarasenyutse ibintu bimeze nabi, na mama ntashoboye kubera uburwayi bwaturutse ku mpanuka yakoze ikamwangiza mu bwonko, imibereho iratugoye.”

    Uyu mwana abarirwa mu barenga 800 batewe inda mu Karere ka Gatsibo mu myaka itatu ishize.

    source : https://ift.tt/3B2VXsG

  • Tanzania: Perezida Samia yanenzwe gukoresha imvugo isesereza abagore_ inkuru irambuye #rwanda #RwOT

    Perezida wa Tanzania Samia Suluhu Hassan arimo kunengwa ku mbuga nkoranyambaga kubera kuvuga ko bamwe mu bakinnyi b'abagore b'ikipe y'igihugu y'umupira w'amaguru bafite 'mu gatuza harambuye' kandi ko batabereye kuba bashakwa.

    Yabivugiye mu biro bye i Dar es Salaam ubwo yakiraga umudari watsindiwe n'ikipe y'igihugu y'umupira w'amaguru y'abari munsi y'imyaka 23, mu irushanwa ryo mu karere k'Afurika y'uburasirazuba no hagati (CECAFA) ry'uyu mwaka.

    Yavuze ko nubwo abo bagore bahesheje ishema igihugu batsindira imidari, bamwe muri bo nta mahirwe bafite yo kubona abagabo kubera ukuntu bameze.

    Avuga ku ikipe y'abagore y'umupira w'amaguru, yagize ati: 'Tubazanye hano tukabatondesha umurongo, ku bafite mu gatuza harambuye, ushobora gutekereza ko ari abagabo — ko atari abagore'.

    Yavuze ko nubwo bamwe muri abo bakinnyi bamaze gushaka abagabo, benshi muri bo batarabashaka, 'kandi kubera ukuntu bameze, ubuzima bw'abashakanye… ni inzozi gusa [kuri bo]'.

    Perezida Samia yavuze kandi ko abakinnyi barimo kubaho ubuzima bugoye nyuma yo gusoza akazi kabo ko gukina, asaba abategetsi gukora kuburyo ubuzima bwabo bwa nyuma yo gusezera ku mikino bwitabwaho.

    Yavuze ko ubwo buzima bugora abagore by'umwihariko 'aho amaguru yabo aba ananiwe, iyo bamaze gusezera ku mukino'.

    Hari bamwe ku mbuga nkoranyambaga bakomeje kunenga ayo magambo ye. Umwe mu bakoresha Twitter yatangaje igice cy'ijambo rya Perezida Samia, arinenga gukoresha 'amagambo asesereza' ikipe y'abagore:

    Maria Tsehai yanditse kuri Twitter ati: 'Ibi ni byo 'perezida wa mbere w'umugore' afite byo kuvuga ku bandi bagore barimo guhangana n'ababafata uko batari bagakina umupira kinyamwuga!'

    Harry Mwala we ati: 'Ibyo avuga si ukuri!! Yashyize muri rusange nta gihamya ya siyansi afite ku bakinnyi b'abagore bafite mu gatuza harambuye no kutagira ubwiza no ku bijyanye no kuvamo abashakwa!! Ntabwo avuga gusa ibitari ukuri ahubwo yongeye no kubeshya!'

    Inkuru ya BBC

    Source : https://impanuro.rw/2021/08/23/tanzania-perezida-samia-yanenzwe-gukoresha-imvugo-isesereza-abagore_-inkuru-irambuye/

  • Cécile Kayirebwa aritegura gushyira hanze igitabo cye cya mbere yise 'Wowe utuma mpimba' kizaba gikubiyemo ibisigo bye #rwanda #RwOT

    Umuhanzikazi Nyarwanda Cécile Kayirebwa ubarizwa mu gihugu cy'u Bubiligi yatangaje ko agiye gushyira hanze igitabo cye cya mbere cy'ibisigo biri mu ndirimbo zimwe na zimwe yanditse mu bihe bitandukanye.

    Uyu muhanzikazi yatangaje ibi abinyujije ku rubuga rwe rwa Facebook, aho yavuze ko igitabo cye cya mbere kigiye kujya hanze yacyise wowe utuma mpimbam yagize ati 'Wowe utuma mpimba, iri ni izina ry'igitabo cyanjye cya mbere gikubiyemo bimwe mu bisigo biri mu ndirimbo nahisemo'.

    Umwanditsi akaba n'umuhanzikazi Cécile Kayirebwa ubimazemo imyaka irenga 35 agiye kwandika iki gitabo kigiye kuba icyambere cye nyuma yaho yakunzwe mu ndirimbo zitandukanye zirimo Tarihinda, Impuruza, Inkindi, Marebe, Iwacu, Ikizungerezi ndetse n'izindi.

    Cécile Kayirebwa ni umubyeyi, umuririmbyi akaba kandi ari umuntu ukunda ibintu byerekeranye n'umuco w'ikinyarwanda cyane ibyerekeranye n'imbyino, indirimbo, ibisigo ndetse n'umuco.

    The post Cécile Kayirebwa aritegura gushyira hanze igitabo cye cya mbere yise 'Wowe utuma mpimba' kizaba gikubiyemo ibisigo bye appeared first on RUSHYASHYA.

    Source : https://rushyashya.net/cecile-kayirebwa-aritegura-gushyira-hanze-igitabo-cye-cya-mbere-yise-wowe-utuma-mpimba-kizaba-gikubiyemo-ibisigo-bye/?utm_source=rss&utm_medium=rss&utm_campaign=cecile-kayirebwa-aritegura-gushyira-hanze-igitabo-cye-cya-mbere-yise-wowe-utuma-mpimba-kizaba-gikubiyemo-ibisigo-bye