Webrwanda Backend

Author: webrwanda

  • Sobanukirwa amazina 15 y’Imana #rwanda #RwOT

    Nkuko tubimenyereye, benshi muri twe cyangwa twese dukoresha kandi twumva amazina atandukanye y`Imana mugihe dushaka kwerekana ahanini imiterere y`Imana cyangwa se biturutse ku marangamutima y`Ibitubayeho.

    Muri ayo mazina twavuga nk`umubyeyi, umuremyi, Nyagasani, Uhoraho, Gitare, n’ayandi menshi.

    Icyakora uretse amazina abantu bashobora kwita Imana kubwabo ndetse abahanga mubya Bibiliya bakanavugako amazina y`Imana ashobora kuba ari menshi cyane, muri iyi nkuru turarebera hamwe amazina makuru amwe mu mazina y’Imana agera kuri 15 ndetse n`Ibisobanuro byayo nkuko tubisanga mu bitabo binyuranye byo muri Bibliya.

    Izina rya mbere: YAHWEH/JEHOVAH

    Ni izina risobanura ngo Uwiteka/Imana iriho nkuko tubisanga mugitabo cyo Kuva.3.14

    Izina rya kabili: ADONAI

    ADONAI ni izina ry`Imana rigaragaza icyubahiro, ubutware, igitinyiro ndetse n`imbaraga by`Imana rikaba rigaragara mu bitabo binyuranye bya Bibliya birimo Gut.10.17 n’ibindi.

    Izina rya gatatu: ELOHIM

    Izina ELOHIM ryerekana imbaraga n’ubushobozi by’Imana mu iremwa ry’ibintu ndetse n’igitinyiro cyayo nkuko tubisanga mu bitabo Itangiriro.1.1-23 ndetse na Zab.68.2

    Izina rya kane: EL SHADAI

    Imana Ishobora byose rikaba riboneka mu mirongo myinshi ya Bibiliya irimo ibyah: 1,8; Itang 17, 1;..

    Izina rya Gatanu: EL ELYON

    Iri ni izina ry’Imana risobanura Imana Isumba byose rikaba riboneka mu gitabo cy’Itangiriro.14.18 ndetse na Zab 9, 2

    Izina rya Gatandatu: EL ROI

    Iri zina risobanurwa ngo ni Imana Imbona Izina rya Karindwi: JEHOVAH JIREH

    Iri i izina risobanurwa ngo Imana yibonera igitambo mugihe cyacyo. Rikaba riboneka mugitabo Cy’Itangiriro.22.14

    Izina rya Munani: JEHOVAH SABBAOTH

    Iri zina risobanura ngo Uwiteka Nyiringabo nk’uko biboneka mu bitabo bitandukanye nka Yosuwa 5,14 na 1Samweli.1.3

    Izina rya cyenda: JEHOVAH ROPH/RAPHA

    Izina JEHOVAH ROPH/RAPHA ni izina risobanura ngo Imana ikiza indwara bikaba biboneka mu gitabo cyo Kuva 15.26.

    Izina rya cumi: JEHOVAH SHALOM

    JEHOVAH SHALOM risobanura ngo Uwiteka ni we mahoro yacu nkuko bigaragara mugitabo cy` Abac.6.24

    Izina rya cumi na rimwe: JEHOVAH NISSI

    JEHOVAH NISSI risobanuira ngo Uwiteka ni we bendera ryacu cyangwa se Uwiteka niwe uturwanira intambara rikaba riboneka mugitabo cyo Kuv.17.15

    Izina rya cumi na kabili: JEHOVAH TSIDKENU

    Uwiteka Imana Itabera,Imana Ikiranuka: Yer.23.6

    Izina rya cumi na kabili:JEHOVAH MACCADDESCHCEM

    Izina MACCADDESCHCEM risobanura ngo Uwiteka ni we utweza, kuv.31.13; Abalewi .20.8

    Izina rya cumi na GAtatu: JEHOVAH RAAH/ROHI

    Aya mazina yombi asobanura ngo Uwiteka ni we mwungeri wacu: Zab.23.1

    Izina rya cumi na Gatanu: JEHOVAH SHAMMA

    Izina risobanura ngo Uwiteka arahari bikaba biboneka muri Ezek.48.35.

    Source: amarebe.com

    Amarebe.com

    Source : https://agakiza.org/Sobanukirwa-amazina-15-y-Imana.html

  • Ni iki gitera kwishimagura nyuma yo koga? #rwanda #RwOT

    Bishobora kuba byarakubayeho cyangwa nubu bikajya bkubaho. Wamara kwiyuhagira ukumva utuntu tukurya umubiri wose ndetse ukanishimagura.cyangwa waba uri kugenda mu mbeho, ukumva ku maguru umeze nk’aho hari utuntu turi kugutondagira.

    Bamwe bibabaho akanya gato bikarangira ariko hari abo bibaho bikamara amasaha menshi ndetse bikanabaryaryata cyane ku buryo bakenera ibayabafasha kurwanya ubwo buryaryate no kwishimagura.

    Muri iyi nkuru tugiye kurebera hamwe ibitera uko kwishimagura ndetse n’uko ushobora kubyirinda no kubirwanya.

    Ni iki gitera kwishimagura umaze koga

    Nubwo ibibitera bishobora kuba byinshi ariko hari ibibigiramo uruhare kurenza ibindi.

    1.Amazi: amazi ubwayo siyo abitera ahubwo kudahita wihanagura ukimara koga nibyo bibitera. Ndetse no kuva muri sauna cyangwa ahandi ahtuma ubira ibyuya ntuhite wiyumutsa bishobora gutera kwishimagura

    2.Ubushyuhe: nkuko twari tubibonye hejuru ubushyuhe nabwo buhsobora gutuma wishimagura umaze koga. Amazi ashyushye cyane atuma uruhu rwumagara vuba nuko agatera kuryaryatwa ndetse n’ubwivumbure.

    3.Ibikoreshwa woga: amasabune yo koga na za shampoo nabyo bishobora gutera uruhu kuryaryatwa. Ndetse n’imiti yoza amenyo iyo ikuguyeho ishobora kugutera kuryaryatwa. Niba bikubaho rero bitewe nuko wahinduye isabune wogaga, impamvu ni iyo.

    4.Kwikuba: hari abantu boga ukagirango hari icyo bapfa n’uruhu rwabo akikuba hafi yo kwikobora. Ibi rero bishobora kwangiza uruhu bikarutera kuryaryatwa no kokera bikaviramo kwishimagura.

    5.Uruhu rwumagaye: hari abantu bagira uruhu ku buryo iyo akimara koga uruhu rwe ruhita rukanyarara cyane. Ibi nabyo bishobora kuviramo kwishimagura.

    6.Indwara z’uruhu: zimwe mu ndwara z’uruhu nazo zishobora gutuma uruhu ruryaryatwa nyuma yo koga. Nk’ise n’ibihushi ni zimwe mu ngero.

    Ni gute wakirinda kwishimagura

    Kugirango wirinde uku kwishimagura biza nyuma yo koga ushobora kugerageza ibi bikurikira:

    •Oga amazi y’akazuyazi kandi ugerageze koga igihe gito ndetse unirinde amazi ashyushye cyane.

    •Koresha isabune yo koga isanzwe. Niba ushaka koga amasabune yagenewe koga twaguhitiramo ayitiriwe ko yakorewe abana kuko yo akorwa hagendewe ko uruhu rwabo ruba rutarakomera. Naho ushatse wakoga isabune isanzwe niyo yaba iyo gufura, uretse ko utagomba koga isabune isa n’irimo utubuye kuko ishobora nayo kwangiza uruhu kandi wibuke kwiyunyuguza neza isabune igushireho.

    •Mu koga ikube buhoro. Ntabwo umwanda ukurwaho no kwikuba cyane. Niba ukora akazi gatuma ubira ibyuya cyane koga amazi ashushye no kwipyipyinyura n’intoki birahagije ubundi ukikuba buhoro.

    •Ibuka kwiyumutsa neza ukimara koga. Abantu benshi iyo bamaze koga bagatinda kwiyumutsa niho bagerwaho no kwishimagura. Bishobotse nyuma yo kwihanagura n’igitambaro ushobora no kujya ku kazuba cyangwa akayaga mbere yo kwambara. Wibuke ko hari ahantu uruhu ruba ruhiniye mu rundi nko mu kwaha no mu mayasha, aho uhahanagure witonze kandi neza.

    •Ibuka guhita wisiga amavuta ukimara koga cyane cyane niba ugira ikibazo cy’uruhu rwumagaye. Byiza ni ugukoresha amavuta atarimo ibintu byinshi biyavanzemo. Vaseline, amavuta ya elayo cyangwa amavuta ya amande ni zimwe mu ngero z’amavuta aba atavanzemo ibintu byinshi.

    Source: umuti health.com

    [email protected]

    Source : https://agakiza.org/Ni-iki-gitera-kwishimagura-nyuma-yo-koga.html

  • Mose atwigishe iki nk’abakristo? -Pst Desire Habyarimana #rwanda #RwOT

    Yesu ashimwe mukunzi wa Agakiza.org, mu ruhererekane rw’inyigisho twabateguriye ku guhuza urugendo rw’Abisiraheli no gucungurwa kw’itorero, nyuma y’uko kandi tubabwiye kuri Aburahamu ubu tugiye kureba icyo Mose umucunguzi ubihuje na Yesu twamwigiraho nk’abakristo.

    Iyo tuvuze Mose, ntabwo abantu babyumva: Ntitwumva kandi Egiputa icyo bivuze, ntabwo twumva ubutayu Mose yabayemo imyaka 40 aragiye intama, nta n’ubwo twumva gutumwa kwe icyo bivuze!

    Egiputa y’icyo gihe yari ampire (Empire, ubwami buhuriweho n’ibihugu byinshi), yari nka Amerika y’ubu. Mose yari umuntu mukuru mu ngabo (ni nk’umuntu utegurwa gutwara Amerika y’ubu), Mose yize amashuri meza yose ya Egiputa y’icyo gihe, nk’uwo bategura kuzaba umwami. Ikindi yari Farawo w’ubutaha, kandi yari umukire ntiyari umukene!

    Tekereza ngo “Umunsi yamenye ko ari Umwisiraheli yabirutishije ubutunzi bwose bw’Abanyegiputa, n’ubundi bwahishwe!” Bijya bimbabaza iyo umukristo yatakaje ubukristo! Yesu yaravuze ngo “Byakumarira iki gutunga iby’isi byose ukabura ubugingo buhoraho?” bivuze ko agaciro k’ubugingo karuta iby’isi byose.

    Kuko abantu batasobanukiwe agaciro k’ubugingo, ntabwo bumva ubutunzi bwa Egiputa icyo bivuze, ariko ubugingo burabiruta byose. Ibyo byose Mose arabisiga ngo ajya gusuzuguranwa n’ingabo z’Imana, igihe bamuhigaga ngo apfe ahungira mu butayu amarayo imyaka 40!

    Nagira ngo mumpurize Mose w’inyuma y’Intama zitari ize, n’uzaba Farawo. Mumpurize n’uwabaye umuyibozi w’ingabo kuko Mose icyo gihe yigeze gutsinda Etiyopiya ayoboye ingabo, yari umuntu uteye ubwoba. Mose uwo mumuhuze n’uri inyuma y’intama zitari ize imyaka 40: Igifaransa cyarashize, icyongereza kirakama!

    Iyo umuntu ahuye na Yesu neza, hari ibintu bihinduka. Yesu aragukuba imyumvire yo muri Egiputa n’uko abantu bafata ibintu byose bigashira ukaba umwana w’Imana! Ukabona umuntu ni umugwaneza kandi kera yaragiraga amahane, ati “Uko mundeba uku nagiraga irari ariko Yesu yampaye kuritsinda, nari mfite abantu nanga ariko nashoboye kubababarira” Ukabona yarahindutse by’ukuri (Uwari Sawuli yarahindutse Pawulo)

    Mose amaze imyaka 40 mu butayu inyuma y’intama zitari ize, imbere y’igihuru cyaka umuriro ntigikongoke ijwi ryamutegetse gukuramo inkweto kuko aho yari ahagaze hari ahera!

    Iyo uhuye n’Imana bwa mbere no mu buzima bukurikiyeho, icya mbere ikwereka ni intege nke zawe. Ntiguha umugisha ako kanya ibanza kukwereka inkweto wambaye. Ese wowe uhura na Yesu byagenze gute? Mose Imana yamutoranyirije aho kujya gukura ubwoko bw’Abisiraheli muri Egiputa, byumvikane ko kugeragezwa mu butayu byari bifitanye isano n’umuhamagaro uri ku buzima bwe.

    Muribuka ko Mose Imana yamubwiye kurambika inkoni yari aragije imyaka 40 hasi ihinduka inzoka: Aha ubyumve neza! Ntabwo ari inkoni nshyashya Imana yamuhaye. Ni inkoni ya Mose Imana yongereye imbaraga ijya kuzana Abisiraheli muri Egiputa.

    Nta wundi Desire Imana izarema, izamufata imwuzuze Umwuka Wera asobanukirwe icyo yaremewe, hanyuma agikore.

    Ikiganza cya Mose, mwibuke ko kishe Umunyegiputa kikamushyira mu mucanga! IMANA yaramubwiye ngo nafate ikiganza cye agishyire mu gituza kizana ibibembe, agisubije yo kiba kizima! Bibiliya iravuga ngo “Muzarambika ibiganza ku barwayi bakire, muzirukana abadayimoni mu izina rya Yesu, muzafata inzoka. Nidusenga tujye turambura ibiganza byera.”(Hari ibiganza byinshi bitera bifite imiziro!), ariko ibiganza by’abantu b’Imana biba ari farumasi, biba byuzuye imiti, biba byuzuye imigisha.

    Ubugingo bubonerwa muri Kristo Yesu wakiriye, ntukwiye kubuhwanisha n’ikintu icyo ari cyo cyose mu isi, niyo byaba iby’isi byose. Niba utarakira kandi Yesu Kristo nk’Umwami n’Umukiza wawe, uyu munsi ni wo wawe.

    [email protected]

    Source : https://agakiza.org/Mose-atwigishe-iki-nk-abakristo-Pst-Desire-Habyarimana.html

  • Kimenyi Yves na bagenzi be barekuwe nyuma y'iminsi 3 muri Kasho #rwanda #RwOT

    Ku wa Gatandatu nibwo Polisi y'Igihugu yerekanye abantu bane mu munani bagaragaye bari mu birori bya 'Baby shower' byabereye mu rugo kwa Kimenyi Yves na Muyango Claudine.

    Kimenyi Yves yatawe muri yombi nyuma y'aho ku wa 17 Kanama 2021 hasohotse amashusho agaragaza ibirori we n'umukunzi we Muyango Claudine bakorewe byo kwitegura kwakira imfura yabo.

    Kimenyi Yves na we uri mu batawe muri yombi yabwiye itangazamakuru ko yatunguwe no kubona iwe habereye ibirori kuko batari babiteguje, icyakora yemeza ko ari amakosa bakoze kandi ayicuza.

    Yavuze ko ababajwe cyane no kuba aya makosa yarabayeho bikaba bitumye amaze iminsi afunze ndetse hakiyongeraho kugaragara imbere ya camera yambaye amapingu.

    Ati 'Birababaje, ndicuza kuba ndi hano gutya mumbona nakabaye hari ubundi butumwa ndi gutanga bwo kwirinda ikwirakwira rya Covid-19.'

    Kimenyi Yves yasabye imbabazi Abanyarwanda n'abakunzi be by'umwihariko abizeza ko amakosa nk'ayo yaguyemo atazongera.

    Aba barekuwe nyuma yo gutanga amande baciwe ndetse abandi 3 bari kumwe na Kimenyi muri ibi birori polisi yavuze ko bagishakishwa.

    Source : https://umuryango.rw/amakuru/mu-rwanda/ubutabera/article/kimenyi-yves-na-bagenzi-be-barekuwe-nyuma-y-iminsi-3-muri-kasho

  • AKARAYIFUMBWE EP#82:Niki cyihishe inyuma y'iyirukanwa rya Avocat wa RUSESABAGINA! Ibivugwa n'ibitavugwa! #rwanda #RwOT

    Avocat umuryango wa Rusesabagina wari wamwoherereje yarahambirijwe! Ni iki cyari kihishe inyuma y'iyi dosiye! Me Gashabana ayifitemo uruhe ruhare? Ese ibivugwa hari aho bihuriye n'ibyabaye muri kiriya cyumweru Avocat Vincent Lurquin yari yajemo akanahambirizwamo? Tubane muri iki kiganiro!

    AKARAYIFUMBWE EP#82: Ikihishe inyuma y'iyirukanwa rya Avocat wa RUSESABAGINA! Ibivugwa n'ibitavugwa!

    Source : https://umuryango.rw/amakuru/mu-rwanda/politiki/article/akarayifumbwe-ep-82-niki-cyihishe-inyuma-y-iyirukanwa-rya-avocat-wa

  • Niba wifuza gukundwa dore ibintu 12 ukwiye kwitaho #rwanda #RwOT

    Ibintu 12 ugomba kwitaho niba ushaka gukundwa:

    1.Indoro

    Gerageza kureba mu buryo umuntu atabona ko ufite ubwoba cyangwa igihunga. Irinde guhumbaguza no kureba hirya no hino nk'aho hari ikintu urimo gushaka. Reba neza witonze. Indoro iri mu bintu bikurura abantu benshi yaba abakobwa cyangwa abahungu, abagore cyangwa se abagabo.

    2.Imvugo

    Irinde kuvugira hejuru, kuvuga wiruka cyangwa ucuranwa amagambo. Vuga witonze, ukoreshe ijwi rituje kabone n'iyo waba ugeze mu bintu biteye ubwoba cyangwa byagukuye umutima. Ugomba kugerageza ukiyoroshya, ukavuga neza, kuko ni byo bizatuma abantu bose bashaka kukumva, bakagukunda, bagakunda n'ibyo uvuga; mbese ukagenda ubakurura gahoro gahoro kubera kuryoherwa n'ijwi ryawe.

    3.Kwiyitaho

    Ugomba guhora wita ku isura yawe. Niba uri umukobwa, menya kwisiga amavuta ajyanye n'uruhu rwawe, nawe musore umenye niba mu maso hawe hakeye, niba hatarimo umwera, cyangwa se ngo habe hayagirana. Ikindi, reba imyambaro wambaye niba yatuma abantu bakwitaho. Aha icyo ugomba kumenya ni uko bashobora kukwitaho kubera amabara wambaye, kubera uburyo ikubereye mbese ijyanye n'imiterere yawe cyangwa bakakwitaho kubera uburyo ari imyenda idasanzwe kandi igezweho.

    4.Ingendo cyangwa intambuko

    Ingendo iri mu bintu bikurura abantu ndetse ikanatuma bakwitaho by'umwihariko. Ingendo yawe yigire umwihariko. Ingendo yawe igomba kugendana n'uburyo wambaye. Uburyo utambukamo wambaye ijipo, sibwo buryo uzagendamo wambaye 'i jeans' [ikoboyi].

    5.Kumenya kubana n'abantu

    Burya ubwiza bw'inyuma bushobora kugufasha gukurura abantu ariko ikintu cyiza kurushaho ni ukuba ufite bwa bwiza ariko ukaba uzi no kubana n'abantu, uzi kuganira kandi ukamenya kuganira na buri muntu bitewe n'urwego arimo. Jya usabana n'abantu b'ingeri zose bizagufasha nta kabuza.

    6.Ubwiza

    Bushobora kuba ari ubw'umugabo cyangwa ubw'umugore. Ubwiza bw'umukobwa butuma abantu bamwitaho, wabishaka cyangwa utabishaka. Ugomba rero kumenya ko ubwiza wavukanye budahagije, ahubwo ugashyiraho akawe usiga umubiri ndetse ukanawambika ibintu bituma abantu bakwitaho kurushaho. Ugomba kugerageza gushaka itandukaniro n'abandi bari, niba uri umugore ukagerageza ukisiga mu buryo butandukanye n'ubw'abandi.

    7. Imyambarire

    Imyambarire ni kimwe mu bintu bifasha ingaragu cyangwa abantu batarashaka gutereta cyangwa gukurura abo badahuje igitsina. Icyo usabwa gukora ni uko ugomba kureba imyenda myiza kandi bibaye byiza yaba umwihariko wawe, ugashaka imyenda cyangwa inkweto bidakunda kwambarwa n'abantu benshi. Rimwe na rimwe, hari igihe uzabona umukobwa yambaye ipantaro y'abagabo cyangwa yambaye umwambaro utagendanye n'igihe ukeke ko yibeshye cyangwa yakoze ibyo atazi, nyamara hari ubwo aba yabikoze ku bushake kugira ngo abantu bamwiteho bamwitegereze. Gusa ugomba kwirinda kwambara amabara atagaragara cyangwa yijimye cyane.

    8. Imivugire

    Ijwi ryawe n'uburyo uvuga hamwe n'amagambo ukoresha biri mu bintu bikurura abantu cyane. Aha bishatse kuvuga ko iyo ufite ijwi ukaba uzi no kurikoresha neza bituma ukurura abantu benshi.

    Uburyo umuntu asubiza ibyo bamubajije, ibimenyetso ukoresha ndetse n'izindi ndimi ukoresha mu biganiro, byose bigufasha gukurura abantu benshi.

    9. Gusabana

    Gusabana cyangwa kumenya kubana n'abantu bose bituma umuhungu cyangwa se umukobwa akurura abantu benshi. By'umwihariko ku mukobwa ho ni ikintu cyiza cyane. Niba rero ujya wumva bavuga ngo urasabana ubwo nawe uhite wishyira mu mubare w'abantu bakurura abantu benshi. Uburyo wegera abantu, uko ubaganiriza ubatega amatwi, ubakemurira ibibazo, biri mu bintu bikurura abantu benshi ndetse burya utuma hari n'abagenda bagutekerezaho.

    10. Kuryoshya ibiganiro

    Iyo uri umuntu uryoshya ibiganiro ukurura abantu benshi cyane, kabone n'iyo waba utari mwiza mu buranga. Ibi bituma iyo uvuga, buri wese aba yifuza kugera aho uri, bityo ukigwizaho umubare munini w'abaryoherwa n'ibyo uvuga ariko nako bamwe bagenda barushaho kugutekerezaho.

    Umuntu rero uzi kuryoshya ibiganiro akenshi no gutereta biramworohera kuko bitamuvuna kwiyegereza uwo yakunze, cyane ko benshi baba baza bakurikiye ibiganiro bye nawe akaboneraho.

    11. Kumenya kuvugira kuri telefone

    Telefone ni imwe mu ntwaro zifashishwa mu gukurura abantu. Hariho umuntu uba uzi kuvugira kuri telefone ku buryo atuma uwo bavugana atarambirwa cyangwa abantu bagahora bifuza kumuhamagara kugira ngo biyumvire uburyo avugamo. Ibi rero bisaba kuba uzi kwishyira mu mahoro, ubundi ukavuga witonze.

    12. Kumenya ubwenge

    Iyo uri umuntu w'umuhanga kandi uzi ubwenge ni ibintu bituma ukurura abantu kuko baba bizeye ko ibyo ukora n'ibyo uvuga ubizi kandi byuzuye amagambo y'ubwenge. Ikindi kandi baba bumva ibikorwa byawe birimo ubwenge kandi ari byiza. Ibi bituma bamwe hari abaza kukuvomamo ubwenge, maze ukigirira inshuti utyo.

    Src:www.Wikihow.com

    Source : https://umuryango.rw/ubuzima-115/udushya/article/niba-wifuza-gukundwa-dore-ibintu-12-ukwiye-kwitaho

  • Leta y'u Rwanda yemeye kwakira impunzi z'Abanya Afghanistan #rwanda #RwOT

    Umuvugizi wa Guverinoma y'u Rwanda, Yolande Makolo yabwiye Ikinyamakuru Taarifa dukesha aya makuru ko u Rwanda rwemeye ubusabe bwa Leta Zunze Ubumwe za America zikomeje gushakira abaturage bo muri Afghanistan aho bahungishiriwa.

    Madamu Yolande Makolo avuga ko nta myanzuro myinshi irafatwa kuri iki cyemezo cyo kwakira izi mpunzi gusa yemeje gusa ko bemeye ubusabe bwa Leta Zunze Ubumwe za America.

    Leta Zunze Ubumwe za America zatangaje ko hari ibihugu 13 byemeye kwakira by'igihe gito abantu bari kuvanwa muri Afghanistan. Ni ukuvuga abatujuje ibisabwa bituma bahita batuzwa muri Leta Zunze Ubumwe za Amerika.

    Ibyo bihugu ni Albania, Canada, Colombia, Costa Rica, Chile, Kosovo, North Macedonia, Mexico, Poland, Qatar, u Rwanda, Ukraine na Uganda.

    Ku wa 15 Kanama 2021 nibwo umurwa mukuru wa Afghanistan, Kabul, waguye mu maboko ya Taliban, ubwo Perezida w'icyo gihugu Ashraf Ghani yari yamaze guhunga.

    Ni amateka yisubiyemo kuko Taliban yafashe ubutegetsi nyuma y'imyaka 20 ibukuweho n'ingabo za Amerika, Abanyamerika batangiye gusubira iwabo ihita ibwisubiza.

    Hari n'ibindi bihugu 12 byemeye ko bazahanyura mbere y'uko bajyanwa ahandi.

    Ibyo ni Bahrain, u Bwongereza, Denmark, u Budage, u Butaliyani, Kazakhstan, Kuwait, Qatar, Tajikistan, Turikiya, Leta Zunze Ubumwe z'Abarabu na Uzbekistan.

    Biheruka gutangazwa ko nibura hari Abanyamerika 15,000 n'abaturage ba Afghanistan babarirwa hagati ya 50,000 na 60,000 bakoranaga bakeneye guhungishwa mu maguru mashya.

    Kugeza ku Cyumweru Amerika yari imaze kuvana muri Afghanistan abaturage 28,000, mu gikorwa mu buryo bw'ibanze byatangajwe ko kizageza ku wa 31 Kanama, ndetse ngo gishobora kongerwa.

    Ingabo za Amerika zifatanyije n'iz'ibindi bihugu nk'u Budage n'u Bwongereza ni zo zirinze ikibuga cy'indege mu murwa mukuru Kabul.

    Itangazo ryasohowe rivuga ko hagomba gukoreshwa indege 18 zirimo enye za United Airlines; eshatu za American Airlines, Atlas Air, Delta Air Lines na Omni Air n'ebyiri za Hawaiian Airlines.

    Kubera ubwoba bwo gutinya Abatalibani,bamwe mu baturage bahisemo kwiyahura bitendeka ku ndege z'Abanyamerika zigiye guhaguruka kugira ngo bahunge gusa bamwe bagiye bahanuka bagahita bapfa.

    Mu bapfuye harimo umusore wakiniraga ikipe y'igihugu y'Afghanistan y'abakiri bato mu mupira w'amaguru.

    Source : https://umuryango.rw/amakuru/mu-rwanda/ubuzima/article/leta-y-u-rwanda-yemeye-kwakira-impunzi-z-abanya-afghanistan

  • Itangazo: Uwitwa MUKAGATARE Louise yasabye guhindura amazina akitwa UMUKUNZI Louise #rwanda #RwOT

    Uwitwa MUKAGATARE Louise yasabye guhindura amazina mu buryo bwemewe n'amategeko akitwa UMUKUNZI Louise mu bitabo by'irangamimerere.

    Impamvu atanga zituma asaba guhindura amazina akaba ari uko ari izina ry'irigenurano riteye ipfunwe. 

    Ingingo z'ingenzi yashingiyeho asaba inzego zibishinzwe guhindura amazina zikaba ziri hano hasi:

    Source : https://umuryango.rw/amatangazo/article/itangazo-uwitwa-mukagatare-louise-yasabye-guhindura-amazina-akitwa-umukunzi

  • Bwa mbere ,Marina ahishuye ko afite umukunzi ||Avuze no kuri BadRama – YEGOB #rwanda #RwOT

    Ku nshuro ya mbere umuhanzikazi Marina yahishuye ko afite umukunzi ,anashimira cyane abarimo BadRama.Ibi uyu muhanzi yabitangarije Yago Tv Show ikorera kuri Youtube.

    Marina yagize ati: 'Ya njyewe mfite umucopain [umukunzi] what? biragutunguye kubera ko ari ubwa mbere mbyemeye? ntabwo mbyemeye kubera ko uvuze ngo turabihakana, mbyemeye kubera ko mufite. Yakomeje agira ati: 'Ni ukuri mfite umukunzi nkunda cyane'. Yashimangiye ko azakora ubukwe, gusa yemeza ko atazi igihe buzabera ahamya ko yifuza kuzabyara abana batatu, gusa yirinze gutangaza amazina y'uwo bari mu rukundo.

    Agaruka kuri BadRama yagize ati'Muri uyu muziki mba numva mukeneye hafi yanjye kuko kuva natangira umuziki urebye nyine twabaga turi kumwe'.

    Yakomeje abishimangira ati: 'Turaziranye ku buryo hari igihe kigera nkavuga nti 'nkeneye musaza wanjye' nkeneye BadRama iruhande rwanjye. Ariko nta kintu biba bitwaye kuko yansigiye murumuna w'iwe turabikorana'.

    Muri iki kiganiro yabajijwe abantu bane yashimira maze mugusubiza, mu mazina yatanze hagarukamo Bad Rama. Hari aho yagize ati'Nashimira Uncle Austin, nkashimira BadRama cyane na team yose ya The Mane'. Yashimiye kandi abanyamakuru n'abafana be avuga ko buri muntu wese muri aba afite ikintu gikomeye yamukoreye.

    Source : https://yegob.rw/bwa-mbere-marina-ahishuye-ko-afite-umukunzi-avuze-no-kuri-badrama/

  • The Ben yahishuye ko Album agiye gusohora ama… – #rwanda #RwOT

    The ben yanyujije ubutumwa butandukanye kuri konti ye ya instagram burimo ubwashimiraga abakunzi be, agaragaza ko yanyuzwe n'ubutumwa butandukanye bamwoherereje bwiza, ndetse aza no gushyiraho ubundi butumwa bwiza bubwira abantu kuba impamvu yo gutuma umuntu aseka uyu munsi.

    Muri ubwo butumwa kandi The Ben umaze iminsi ateguza abakunzi be umuzingo mushya (Album, yavuze ikintu bwa mbere abantu batari bazi, avuga ko Album agiye gusohora amaze imyaka itatu ayikoraho ndetse ko abantu bazanyurwa nayo.

    Yagize ati: '(…) Imyaka itatu yose ndigukora kuri iyi Album nziza mwe muza muzaterwa ishema nayo.''

    Umuhanzi The Ben akimara kuvuga ko uyu muzingo amaze imyaka itatu awukoraho, byadusabye kwibaza ku nkuru ndetse n'ibiganiro bitandukanye yagiye akora avuga ku ndirimbo ye na Souti Sol imaze igihe itegerejwe na benshi, ishobora kuzasohokera kuri uyu muzingo wa The Ben.

    Iyi Album yakabaye iri ku isoko kuva ku wa 02 Mutarama 2020. Mu kiganiro 'Samedi de Tente' cya Radio Rwanda, The Ben, yigeze gutangaza ko urubuga rwa 'iTunes' rwatinze kwemeza ubusabe bwe bwo gushyiraho izi ndirimbo ari nayo mpamvu igihe yari yatangaje cy'uko iyi Album izaba yasohotse cyarenze.

    Yagize ati 'Ndabyibuka navuze ko Album izagera ku mbuga zitandukanye ku itariki 02 Mutarama ntagihindutse. Iyo mvuze gutyo biba bishoboka kuba byahinduka. Ikintu kimwe cyatumye wenda binaba gutyo, gushyira indirimbo kuri 'iTunes' bisa nka 'application'. Ni ikintu wowe wohereza bakacyemeza kigashyirwaho mu gihe runaka.'

    The Ben yavuze ko Album agiye gusohora amaze imyaka itatu ayikoraho

    Muri icyo kiganiro The Ben yavuze ko n'ubwo byatinze atekereza ko guhera ku wa Mbere tariki 06 Mutarama 2020 iyi Album izaba iri ku isoko. Uyu muhanzi uri mu bakunzwe mu Rwanda, yavugaga ko iyi Album yariho indirimbo cumi n'ebyiri (12) ariko ko yanongeyeho indirimbo 'Ibyiringiro' yakoranye na Fabien ufite ubumuga bwo kutabona.

    Iyi ndirimbo bombi bayiririmbye mu gitaramo cya East African Party, cyabaye ku wa 01 Mutarama 2020 muri Kigali Arena. Mu buryo bw'amajwi yakozwe na Producer Knoxbeat muri Monster Records.

    Ubutumwa The Ben yageneye abakunzi be

    The Ben yavuze kandi ko Iyi Album yatunganyirijwe muri Nigeria. N'ubwo bimeze gutya, uyu muhanzi yavugaga  ko nta muhanzi waho bakoranye indirimbo, ahubwo ko hariho indirimbo 'Go Low' yakoranye n'itsinda ry'abanyamuziki bari mu ba mbere bakunzwe muri Kenya, Sauti Sol. Muri iyi ndirimbo 'Go Low', bamwe mu bagize Sauti Sol baririmba mu Kinyarwanda bavuga ku bwiza bw'umukobwa.

    Uyu muhanzi kandi yanavugaga ko yashyizeho indirimbo 'Can't Get Enough' yakoranye n'umunya-Kenya, Otile Brown imaze umwaka umwe, yakunzwe bitagereranywa n’abatari bake kugeza ubu imaze kurebwa na miliyoni 3 zirenga.

    The Ben yakomeje avuga ko gukorana indirimbo n'umuhanzi bisaba ko bombi bunga ubumwe kurusha uko bahuzwa n'ubushabitsi. Yavuze ko hari bamwe mu bahanzi 'bagari' bigoranye gukorana indirimbo no kunga ubumwe ku buryo bituma kubageraho kenshi bitorohera buri wese.

    Muri icyo kiganiro yavuze ko itsinda rya Sauti Sol rifite izina rikomeye ku rwego mpuzamahanga 'ariko usanga mu by'ukuri bafite umutima wo kwisanga ku bandi bahanzi'. Yavuze ko iyi ndirimbo ye na Sauti Sol yakorewe mu Rwanda na Bob Pro.

    Akora indirimbo 'Suko (Izabella)' umuhanzi Tekno uri mu bakomeye muri Nigeria yari muri studio kwa Producer Krizbeatz basanzwe ari inshuti ndetse ngo baraturanye.

    Yavuze ko ubu yamaze kubaka umubano mwiza na Producer Krizbeatz. Avuga ko uko iminsi ishira indi igataha ari no kubaka ubushuti hagati ye na Tekno kandi yizeye ko Producer Krizbeatz azabigiramo uruhare akabahuza bagakorana indirimbo.

    Producer Krizbeatz asanzwe ari umuhanzi ndetse ngo hari n'umushinga w'indirimbo bahuriyeho. Yavuze ko muri Nigeria n’ahandi bitoroshye kuba wakorana n'umuhanzi waho indirimbo wiyumva ko ari 'munini' cyane kuko ngo bisaba ko 'umushaka kurusha uko ushaka ibintu byose'.

    Icyo gihe The Ben yavuze ko iyo ashaka gukorana indirimbo n'umuhanzi abanza kurema ikirere cy’ubushuti hagati ye nawe ku buryo bombi bumva ko bari gusenyera umugozi umwe mu kuzamura umuziki wa Afurika.

    Indirimbo 'Fine Girl' The Ben yitiriye Album ye yasohotse, ku wa 27 Ukuboza 2018, imaze kurebwa n'abantu barenga 1, 618, 681. Yaherekejwe n'indirimbo nka 'Naremeye' imaze kurebwa n'abarenga Miliyoni ebyiri, 'Ndaje', 'Vazi' n'izindi.

    Source : https://inyarwanda.com/inkuru/108842/the-ben-yahishuye-ko-album-agiye-gusohora-amaze-imyaka-3-ayikoraho-108842.html