Webrwanda Backend

Author: webrwanda

  • Kigali : Umuherwe Gaposho witiriwe Umudugudu yatawe muri yombi azira Imbwa #rwanda #RwOT

    Mu cyumweru twaraye dusoje tariki 23 Nzeri 2021, umuturage utuye muri uriya Mudugudu witiriwe Gaposho uherereye mu Kagari ka Musezero mu Murenge wa Gisozi mu Karere ka Gasabo, yariwe n’imbwa z’uyu munyemari witiriwe uriya mudugudu.

    Bivugwa ko uriya muturage yariwe n’imbwa za Gaposho ubwo yaramukiraga muri siporo bamukingurira imbwa ebyiri zigahita zifata uriya muturage zikamurya akaza guhita ajya kuvurizwa mu bitaro byitiriwe Umwami Faisal.

    Umuryango w’uriya muturage utangaza ko wagerageje kubimenyesha Gaposho, bakamuhamagara ndetse bakanamwoherereza ubutumwa ariko akabiba amatwi.

    Ngo ubwo uriya muturage wariwe n’imbwa yageragezaga gushakisha ibyangombwa bigaragaza ko imbwa za Gaposho zakingiwe, byageze n’aho uyu munyemari yuka inabi uriya muturage rwariwe n’imbwa ze ko atari we utunze imbwa wenyine muri kariya gace.

    Abaturage bahise bitabaza inzego bavuga ko basagarirwa n’imbwa z’uriya mukire basaba ko hagira igikorwa.

    Ibi byatumye mu gitondo cyo kuri iki Cyumweru tariki 26 Nzeri 2021, abagenzacyaha ba RIB bajya muri uriya mudugudu gukora iperereza ari na bwo zataga muri yombi uriya muherwe.

    Umuvugizi w’Urwego rw’Igihugu rw’Ubugenzacyaha RIB, Dr Murangira Thierry yemeye amakuru yo guta muri yombi uyu munyemari.

    Yagize ati 'Ni byo Gahunde uzwi ku izina rya Gaposho, RIB yamufunze mu gihe igikurikirana uruhare rwe mu kibazo cy’imbwa ze zimaze kurya abantu bane batandukanye.'

    Gahunde Jean uzwi nka Gaposho ubu afungiye kuri Sitasiyo ya RIB ya Remera mu gihe akomeje gukorwaho iperereza.

    Source : http://www.ukwezi.rw/mu-rwanda/Amakuru-anyuranye/article/Kigali-Umuherwe-Gaposho-witiriwe-Umudugudu-yatawe-muri-yombi-azira-Imbwa

  • Abaryamana bahuje igitsina bemerewe kubana byeruye mu Busuwisi #rwanda #RwOT

    Mu matora yabaye mu gihugu cy'Ubusuwisi, ku bwiganze bwa benshi hemejwe ko abakundana bahuje ibitsina bubakana. Ubusuwisi bugiye mu murongo n'ibindi bihugu by'Uburayi byemeje iyo ngingo ku baryamana bahuje igitsina.

    Imibare yashyizwe ku mugaragaro nkuko VOA ibitangaza, yerekanye ko referandumu yabaye kuri iki cyumweru ababyemeje bashyika kuri 64.1 kw'ijana by'abatoye. Ubusuwisi bwemeje imibonano mpuzabitsina ku bakundana babisangiye kuva mu mwaka wa 2007.

    Abashyigikiye iyo ngingo bavuga ko abubakana bahuje ibitsina bazahita bashyirwa ku rugero rumwe ku bijyanye n'amategeko, ku buryo bashobora kurerera hamwe abana babyawe n'abandi no koroherezanya kubona ubwenegihugu.

    Abatabishyigikiye bo, bavuga ko bigiye kuzabangamira imiryango ishingiye ku bwiyunge hagati y'umugabo n'umugore. (AP).

    Munyaneza Theogene / intyoza.com

    Source : https://www.intyoza.com/abaryamana-bahuje-igitsina-bemerewe-kubana-byeruye-mu-busuwisi/

  • COPCOM yabonye abayobozi bashya nyuma y’iminsi mu mwiryane – #rwanda #RwOT

    Kayitare Jérôme ni we watorewe kuyobora Koperative COPCOM n’amajwi 67% y’abanyamuryango.

    COPCOM ni Koperative y’Abacuruzi b’ibikoresho by’Ubwubatsi n’Ububaji. Mu matora yo kuri iki Cyumweru, abanyamuryango bagera ku 116 ni bo bari bujuje ibisabwa, ni na bo bahawe uburengazira bwo gutora mu gihe isanganywe abanyamuryango 321

    Ni amatora yabaye nyuma yaho muri Kanama 2021 yari yarasubitswe kuko Umunyamuryango witwa Maniriho Blaise wari watowe n’abanyamuryango Ikigo cy’Igihugu cy’Amakoperative mu Rwanda, RCA, cyamwangiye ko aba Perezida kuko yabaye muri Komite ngenzuzi yari icyuye igihe.

    Icyemezo cya RCA icyo gihe ntabwo cyashimishije bamwe mu banyamuryango, bituma bamwe bahita bahaguruka barataha, amatora arasubikwa.

    Kayitare w’imyaka 50 watorewe kuyobora Koperative COPCOM, mu ijambo rye yijeje abanyamuryango kuzababera umuyobozi mwiza, aharanira ko koperative itera imbere.

    Yabwiye IGIHE ko muri manda y’imyaka itatu yatorewe, azihatira kuyobora yisunze amategeko.

    Ati “Ibibazo byose COPCOM yahuye nabyo ni uko hatagiye hakurikizwa amategeko.”

    Kayitare yavuze ko akazi gakomeye afite ari ukongera guhuza abanyamuryango, amacakubiri akaba amateka no gukora uko ashoboye hakabaho umurongo wo gukomeza kwishyura BRD bakarangiza umwenda wa 1.800.000.000 Frw

    Kayitare yabaye Perezida wa COPCOM mu gihe hari bamwe mu banyamuryango bayo bagera kuri 18 bari kuburana n’Ubushinjacyaha mu Rukiko Rwisumbuye rwa Gasabo ibyaha bimunga ubukungu bw’igihugu aho bakekwaho kunyereza asaga miliyari 1,7 Frw.

    Hari hashize iminsi hari umwuka mubi muri iyo Koperative ushingiye ku kuba abari abayobozi bayo bari bararangije manda ariko ntibategure amatora yo kubasimbura.

    Amakimbirane n’umwuka mubi uvugwa muri iyo koperative kandi byatangiye gututumba ubwo hubakwaga inzu z’ubucuruzi ariko zigakodeshwa ku batari abanyamuryango mu gihe na bo bari bazikeneye.

    Binavugwa ko mu nama kandi hakunze kugaragaramo uburyarya burimo gutuma abatari abanyamuryango bitabira izifata ibyemezo bakanabigiramo uruhare kandi itegeko ritabibemerera.

    Ababaruraga amajwi mu gikorwa cyabereye mu ruhame

    Abitabiriye amatora nyuma yayo bahawe insimburamubyizi

    Abiyamamarizaga kuyobora Koperative COPCOM bari batatu

    Kayitare Jérôme ni we watorewe kuyobora Koperative COPCOM ku majwi 67

    Komite yatowe ifite akazi ko kwishyura ideni rya BRD rya Miliyoni 27 Frw

    Mbagizente Edouard, Umunyamuryango wa Koperative COPCOM avuga ku bakandida bari batanzwe

    Perezida watowe Kayitare Jérôme yijeje abanyamuryango kubaka COPCOM izira amacakubiri no kubaka amategeko arambye

    Komite yatowe ifite akazi ko kwishyura ideni rya BRD rya Miliyoni 27 Frw

    source : https://ift.tt/3CNcdyJ

  • Ikoreshwa ry’ibicanwa bigezweho kandi bitangiza ikirere rihanzwe amaso mu kubungabunga ibidukikije – #rwanda #RwOT

    Mu kubigeraho u Rwanda rwihaye intego yo kuba rwagabanyije ikoreshwa ry’inkwi, amakara n’ibindi bicanwa bikomoka ku bimera nka bimwe mu byangiza ibidukikije bikanatanga umwuka uhumanya ikirere, rukava ku kigero cya 79.9% rwariho mu 2018 rukagera kuri 42% mu mwaka wa 2024.

    Aho ni ho benshi batangiye kuzamukira bakora uko bashoboye kugira ngo Abanyarwanda boroherwe n’uburyo bwo gutegura amafunguro ariko hanabungwabungwa ibidukikije.

    Mu gihe benshi babonaga ibarizo (imyanda yavanwe mu mbaho) nta wundi mumaro waryo, hari abatekereje uburyo bwo kuryongerera agaciro rikabyara ibicanwa (briquettes) kandi bitangiza ibidukikije.

    Umushoramari ufite uruganda rutunganya izo briquettes ku buryo zikoreshwa mu guteka amafunguro kandi mu buryo butangiza ibidukikije rwa OAK Investment Ltd ruherereye mu mujyi wa Kigali, mu murenge wa Mageragere, Munyarubuga Javan, yabwiye IGIHE ko yagize icyo gitekerezo ashaka kubungabunga ibidukikije no kongerera agaciro ibarizo ryafatwaga nk’umwanda muri rubanda.

    Yagize ati “Urabona ko iri barizo ryitwaga umwanda nta gaciro ryongerwaga, twagize igitekerezo ko twaryongeramo agaciro tukaribyaza ibicanwa kandi birengera ibidukikije. Twagize igitekerezo, turavuga ngo iki bitaga umwanda, tucyongerere agaciro, tubone amakara kandi tukarengera ibidukikije. Bya biti byatemwaga biteze bigakura, noneho ibyo byeze bikajya mu ibarizo, tukabona ibyo dukoramo aya makara.”

    Yavuze ko gushora imari muri ibi bikorwa byo guharanira kubungabunga ibidukikije biri muri gahunda yo gushyigikira gahunda ya Leta yo kubungabunga urusobe rw’ibinyabuzima.

    Yavuze ko kugira ngo babone ibarizo ryo gutunganyamo ibyo bicanwa bakorana na koperative z’ababaji ya Adarwa ikorera mu Gakiriro ka Gisozi kandi ko hari gahunda yo kwagura bagakorana n’izindi koperative y’ababaji hirya no hino mu gihugu.

    Mu rwego rwo gukoresha ibi bicanwa bigezehwo, hari n’imbabura na zo zigezweho mu buryo zakifashishwa mu gutunganya amafunguro kandi mu buryo butangiza ibidukikije ariko n’ukoresha imbabura zisanzwe ashobora gukoresha briquettes.

    Abakoresha izi briquettes mu guteka bavuga ko bitanga umusaruro kandi ko ari n’uburyo butekanye kuko burinda impanuka za hato na hato zishobora guterwa n’umuriro wo gutekesha amafunguro nk’uko Nyirambarushimana Illuminée yabigarutseho.

    Ati “Bitandukanye no gucana inkwi kuko ncana briquettes nkitemberera cyangwa se ngakomeza ngakora ibindi. Nta myotsi bisohora kandi ubona ko nta kibazo biteje. Mbona nta cyiza cyo gukoresha inkwi kuko ari ukwangiza ibidukikije kandi no kuzikoresha biragora. Iyo ucanye kuri iyi mbabura nta muriro usohoka ku buryo wateza impanuka.”

    U Rwanda rwihaye intego ko kugeza mu 2030 ruzaba rwagabanyije imyuka ihumanye yoherezwa mu kirere ku gipimo cya 38% nk’uko bigaragara muri Gahunda y’Igihugu yo kugabanya Imyuka ihumanye yoherezwa mu Kirere (Nationally Determined Contributions, NDC).

    Raporo ya Minisiteri y’Ibidukikije yo mu 2018 yerekana ko 83% by’abatuye mu Rwanda bakoresha inkwi mu guteka, abandi 15% bagateka bakoresheje amakara, mu gihe 2% bakoresha briquettes. Hifuzwa ko mu 2024 abakoresha ibicanwa bikomoka ku bimera bifatwa nk’ibyangiza ibidukikije bazaba bangana na 42%.

    Amabarizo yabonye icyashara mu mushinga wo kubungabunga ibidukikije

    Briquettes zifashishwa mu guteka kandi ntizisohora imyotsi ihumanya ikirere

    Uru ruganda rufite ubushobozi bwo gutunganya toni hagati ya 30 na 40 ku munsi

    Ibarizo ryavuye ku mbaho niryo rikoreshwa mu gutunganya ibicanwa

    Abakoresha briquettes mu gutunganya amafunguro bavuga ko zitangiza ikirere

    source : https://ift.tt/3kIUZfX

  • Ingabo za Sudani zirukanye iza Ethiopia zageragezaga kuvogera ubutaka bw'iki gihugu #rwanda #RwOT

    Leta ya Sudani ivuga ko yirukanye ingabo za Ethiopia ubwo zageragezaga kuvogera ubutaka bw'icyo gihugu. Umukuru w'igisirikare cya Sudani Jenerali Abdel Fattah al-Burhan, avuga ko ibi byerekana ko igisirikare ayoboye cyiteguye kurinda ubusugire bwacyo nyuma ya coup d'Etat yaburijwemo mu cyumweru gishize.

    Mu itangazo yasohoye, Sudani ivuga ko ibi byabereye mu karere ka Umm Barakit. Kuri ibi bishinjwa igisirikare cya Ethiopia ntacyo kigeze gisubiza BBC dukesha iyi nkuru mu gihe yagerageza kubaza icyo kibivugaho.

    Nubwo bimeze bityo ariko, televiziyo ya al-Jazeera yasubiyemo amagambo y'umutegetsi wo muri Leta ya Ethiopia avuga ati: 'Turahakana ko ingabo zacu nta kintu na kimwe zakoreye ku rubibi rwa Sudani, cyangwa se ngo zigerageze kwinjira muri icyo gihugu'.

    Akarere ka Umm Barakit kari mu ntara ya al-Fashaga ishyamiranije ibi bihugu ku rubibi, ahasanzwe harangwa umwuka mubi hagati yabyo. Kuva mu myaka mirongo ishize, abanya Ethiopia bamye bahinga ku butaka bwera cyane, Sudani ivuga ko ari ubwayo.

    Imigenderanire hagati ya Sudani na Ethiopia yajemo igihu kuva Ethiopia itangiye kuzuza urugomero runini cyane ku ruzi rwa Nil, n'intambara yadutse mu ntara ya Tigray.

    Mu mezi ashize, havuzwe ugushyamirana mu ntara ya al-Fashaga. Kuva mu mpera z'umwaka ushize, Sudani yakomeje kwegeranya ingabo zayo muri ako karere, mu gihe ONU nayo mu ntangiriro z'uwo mwaka yatangaje ko ingabo za Eritrea, iza Ethiopia n'imitwe y'abarwanyi bo mu bwoko bw'aba Amhara, nabo barimo barakorera muri ako karere gateje ibibazo/ugushyamirana.

    Munyaneza Theogene / intyoza.com

    Source : https://www.intyoza.com/ingabo-za-sudani-zirukanye-iza-ethiopia-zageragezaga-kuvogera-ubutaka-bwiki-gihugu/

  • Ibyo wakora mu gihe telefoni yawe yagize ikibazo cyo kwanga guhamagara no kwitaba – YEGOB #rwanda #RwOT

    Ni kenshi telefoni y'umuntu ishobora guhura n'ikibazo cyo kwanga guhamagara ndetse no kwitaba. Hari impamvu zitandukanye zishobora kuba intandaro y'iki kibazo harimo nko kuba telefoni yawe yazimye, kuba telefoni yawe irimo simukadi itari ku murongo ndetse n'izindi.

    Kuri iyi nshuro tugiye kubabwira uburyo mushobora gukemura ikibazo cyo kuba telefoni yanyu itarimo guhamagarwa ndetse ko guhamagara mu gihe simukadi irimo iri ku murongo ndetse na telefoni ya yu irimo umuriro. Iyo byagenze gutya hari uburyo mu bijyanye n'igenamikorere n'igenamikoreshereze ya telefoni yanyu muba mwahinduyemo akantu gatuma mutemererwa kwitaba ndetse no guhamagara.

    Uburyo bwa rusange bwo kubihindura ku buryo mwahita mubikemura burundu byose ni ugukanga #21# mukemeza mukanze ahanditse YES. Nyuma yo kwemeza, mushobora guhita mugerageza mukareba niba telefoni yanyu yahamagara cyangwa se igahamagarwa muhamagaye inshuti yanyu cyangwa se uwo mwegeranye.

    Mwakoze gukurikirana inkuru yacu reka tubane mu nkuru y'ubutaha ijyanye n'ikoranabuhanga.

    Source : https://yegob.rw/ibyo-wakora-mu-gihe-telefoni-yawe-yagize-ikibazo-cyo-kwanga-guhamagara-no-kwitaba/

  • Dore ibintu abantu benshi bakunda gukora nyamara byangiza ubuzima kubi. – YEGOB #rwanda #RwOT

    Akenshi iyo abantu bavuze ibyangiza ubuzima abantu bumva ibyo kurya n'ibyo kunywa bibi no kudakora imyitozo ngororamubiri. Yego nabyo byangiza ubuzima ariko hari ibindi bintu by'ingenzi abantu bagakwiye kureka kuko usanga byangiza ubuzima kandi abantu ntibabiha agaciro kuko babona ko ari ibintu byoroshye

    Dore ibyo bintu abantu bakunze gukora kandi byangiza ubuzima :

    1.Kutababarira : kutababarira uwaguhemukiye ni kimwe mu bintu byangiza ubuzima bw'abantu kuko bitera umunaniro ukabije w'ubwonko ( stress). Ntabwo bivuze ko iyo ubabariye wibagiwe ibyo wakorewe ariko wumva ko ubuzima bukomeje.

    Kubaho nta muntu uhobera ngo wumve wishimye ; guhobera umuntu ukunda ukamugwamo birashimisha nawe ubwawe ukumva uruhutse. Ni byiza ko wajya uhobera uwo mwashakanye niba umufite cyangwa se undi muvandimwe wumva ukunze, gufata umwana wawe mu kiganza mutembera, n'ibindi. Usibye kuba bifasha mu kubongerera urukundo binongera umusemburo wa Oxytocin bita umusemburo w'urukundo.

    2.Kudasinzira amasaha ahagije :Ubusanzwe umuntu mukuru yari akwiye gusinzira amasaha arindwi cyangwa umunani ku munsi, nyamara muri iki gihe ababashaka gusinzira ayo masaha usanga ari bake. Hari nubwo bamwe baba bari mu buriri ariko intekerezo ze ziri mu kazi. Usanga kudasinzira bihagije bigira ingaruka nyinshi zirimo kubyibuha cyane, umunaniro, n'ibindi

    3.Kubaho nta nshuti ugira : Umuntu ubaho mu buzima butagira inshuti usanga aba yiyicira ubuzima kuko ahora yitekerezaho gusa kandi akenshi akitekerezaho nabi. Gusa na none ubu kuko haje ikoranabuhanga usanga abantu barikoresha mu kuganira ubucuti bwaho bukagarukira aho. Mu Kinyarwanda baravuga ngo : 'Ifuni ibagara ubucuti ni akarenge'.

    Uko kuganira ukoresheje ikoranabuhanga ntabwo guhagije. Icyiza nuko mwajya musurana mukaganira amaso ku maso.

    4.Kubaho utazi uko ubuzima bwawe buhagaze : Ni byiza ko ubaho uzi uko ubuzima bwawe buhagaze ukajya wipimisha indwara izikingirwa ukazikingiza hakiri kare utarindiriye ko zikugeraho. Akenshi abantu bibuka kujya kwa muganga aruko bamenye ko barwaye nyamara bari bakwiye kuba barabyirinze mbere. Ibi bijyana no kumenya ibyo usabwa kwitaho bitewe n'ikiciro urimo. Urugero ku bagore bari hejuru y'imyaka 40 bagomba kwisuzumisha kanseri y'amabere kuko baba bafite ibyago byinshi byo kuyandura.

    5.Gusinziriza ubwonko bwawe : hari abantu bageza mu gihe runaka akumva ko byarangiye ko ubwonko bwe nta kindi kintu bwafata. Ni byiza ko ukoresha ubwonko bwawe nubwo n'ikiruhuko ari ngombwa. Igihe ubonye akantu gashya ugashishikarira kukamenya, ugakunda gusoma ukazamura intekerezo, kwiga gucuranga, kwiga ururimi rushya n'ibindi.

    Source : https://yegob.rw/dore-ibintu-abantu-benshi-bakunda-gukora-nyamara-byangiza-ubuzima-kubi/

  • Iby'abagabo n'abagore KNC abishyize hanze byose(Video) – YEGOB #rwanda #RwOT

    Kakooza Nkuliza Charles (KNC) yatangaje ko burya abagore b'abagabo bubatse baba bari mu ma Lodge basambana ,kuva mu saa yine za mu gitondo kugeza saa kumi z'umugoroba.

    KNC nyiri Radio&TV 1 yabitangaje mu kiganiro rirashe kinyura kuri Tv1 mu gitondo.Yagize ati:' ufashe amabanga ukajya ku malogi ukabaza uti 'saa yine z'amanwa haba harimo bande?haba harimo abagore bari marrie .Abagore b'abagabo bari marrie bajya gusambana saa yine z'amanwa '

    Angeli Mutabaruka amubajije impamvu, yamusubije ko muri ayo masaha abagabo babo bagore baba bagiye mu kazi.

    Source : https://yegob.rw/ibyabagabo-nabagore-knc-abishyize-hanze-byosevideo/

  • Burashyize buratashye: itariki y'ubukwe bwa Emmy yagiye hanze. – YEGOB #rwanda #RwOT

    Hashize igihe kirenga umwaka umuhanzi Emmy yambitse impeta y'urukundo umukunzi we Umuhoza(Hoza) gusa abantu benshi bari bategereje igihe ubukwe bwabo buzabera, kuri ubu itariki yubukwe bwabo ikaba yamenyekanye.

    Nyuma y'igihe kitari gito abantu bibaza aho iby'aba bombi bigeze, yongeye gushimangira ko ntacyahindutse, ashyira hanze integuza y'ubukwe bwe anahishura aho buzabera, itariki igaragazwa n'integuza y'ubukwe bw'aba bombi n'uko buzaba kuwa 19 Ukuboza 2021.

    Ubu bukwe kandi bukaba butazabera muri Leta Zunze Ubumwe za Amerika cyangwa mu Rwanda nk'uko benshi babyibwira, ahubwo buzabera mu gihugu cya Tanzania mu murwa mukuru Dar Es Salam.

    Ubwo Emmy yatangazaga ko umukobwa yambitse impeta Hoza ariwe yatoranije yagize ati 'Ndagukunda Hoza'. Ubu butumwa yabwanditse munsi y'amafoto aryoheye ijisho, amugaragaza ari kumwe n'umukunzi we basohokeye ku mazi ari naho yamwambikiye impeta.

    Source : https://yegob.rw/burashyize-buratashye-itariki-yubukwe-bwa-emmy-yagiye-hanze/

  • Perezida Kagame yashimiye Arsenal nyuma y’ins… – #rwanda #RwOT

    Ni umukino wa gatatu wikurikiranya Arsenal itsinze muri shampiyona, nyuma yo kugira intangiriro zitari nziza, aho yari yabanje gutsindwa imikino itatu ibanza ya Shampiyona ariko kuri ubu bisa nk'aho ibintu biri kugaruka ku murongo, nyuma y’insinzi yakuye kuri Tottenham Hotspur.

    Mu mukino, Arsenal yagaragaje urwego rwo hejuru aho yabonye ibitego bitatu, ndetse igatanga ikizere ku bafana ko ishobora kuza mu makipe arwanira igikombe cya Shampiyona uyu mwaka.

    Arsenal imaze imikino itatu itsinda

    Smith Rowe, ku munota wa 12 gusa, byari bihagije ko afungura amazamu ku ruhande rwa Arsenal, Pierre Aubameyang atsinda igitego cya kabiri, cyaje gusanganirwa n’igitego cya Saka ku munota wa 34, ndetse igice cya mbere kirangira Arsenal iyoboye.

    Mu gice cya kabiri, Arsenal yatangiye kurushwa ariko iguma mu murongo w’umukino, n’ubwo yaje gutsindwa igitego cy’impozamarira ku munota wa 79 gitsinzwe na Son Heung Min, ariko umukino uranga urangira ari ibitego 3-1 cya Tottenham Hotspur.

    Arsenal ubu iri ku mwanya wa 10

    Nyuma y’iyi ntsinzi, Perezida Kagame, yashimiye Arsenal muri rusange avuga ko ibintu biri kugaruka ku murongo, ayifuriza intsinzi kuri buri mukino. Yagize ati: 'Gushimira aho bikwiye… mwakoze cyane Arsenal, umutoza, abakinnyi, ndetse n’abafana. Ibintu byose byabaye bizima cyane uyu munsi. Amahirwe masa kuri buri mukino.”

    Ku munsi wa mbere wa shampiyona, Perezida Kagame ntabwo yari yishimiye umusaruro wa Arsenal nyuma yo gutsindwa na Brentford ibitego 2-0, byatsinzwe na Sergi Canos na Norgaard, gusa kuri ubu akaba agaragara nk’umuntu uri munzira imwe na Arsenal.

    Source : https://inyarwanda.com/inkuru/109884/perezida-kagame-yashimiye-arsenal-nyuma-yinsinzi-ikomeye-yakuye-kuri-tottenham-109884.html