Webrwanda Backend

Author: webrwanda

  • Warakoze kumpera agaciro ubuzima-Akari ku mutima w’Umunyamakuru Miss Joannah wambitswe impeta #rwanda #RwOT

    Uyu munyamakurukazi kuri Kiss FM, yambitswe impeta na Murinzi Michel bamaze igihe bakundana mu ibanga.

    Mu butumwa buherekejwe n’amafoto amaze kumwambika impeta, Miss Joannah yanditse kuri Instagram ati 'Twafashe icyemezo cya burundu, rukundo rwanjye warakoze kumbera uw’agairo mu buzima bwanjye.'

    Uyu mukobwa yahise akurikizaho amafoto amugaragaza yambikwa impeta n’uyu musore.

    Uretse kuba yaranegukanye ikamba rya Nyampinga w’Umuco, Keza asanzwe ari n’umunyamakuru wa Kiss FM.

    Bagwire mu 2018 yinjiye mu itangazamakuru yimenyereza umwuga muri RBA, aha aza kuhava mu 2019 ubwo yerekezaga kuri KISS FM.

    Uyu mukobwa akora mu biganiro bitandukanye, by’umwihariko 'Girls talk' kiba kuva ku wa Mbere kugeza ku wa Gatanu saa mbiri z’ijoro.

    Mu Ukuboza 2018, yahawe impamyabumenyi y’icyiciro cya kabiri cya Kaminuza mu bijyanye n’ibarurishamibare yakuye muri Mount Kenya University.

    Bagwire yamamaye ubwo yari muri Miss Rwanda mu 2015.

    Source : http://www.ukwezi.rw/Imyidagaduro/Warakoze-kumpera-agaciro-ubuzima-Akari-ku-mutima-w-Umunyamakuru-Miss-Joannah-wambitswe-impeta

  • Nyagatare: Aborozi barifuza Nkunganire ku bwatsi no ku mashini zibutunganya #Rwanda #RwOT via @kigalitoday #rwanda #RwOT

    Hatewe ubwatsi bwa Chloris Gayana ku buso bwa hegitari eshanu igikorwa kikazakomeza
    Hatewe ubwatsi bwa Chloris Gayana ku buso bwa hegitari eshanu igikorwa kikazakomeza

    Babisabye mu cyumweru gishize, ubwo hatangizwaga igihembwe cy’ihinga ry’ubwatsi bw’amatungo 2022 A, cyatangirijwe muri Rwangingo mu Murenge wa Katabagemu.

    Ni igikorwa cyatangirijwe mu rwuri rw’umworozi, Sam Nkusi wateye ubwatsi bwa Chloris Gayana ku buso bwa hegitari eshanu.

    Imbuto y’ubwo bwatsi ikiro kimwe kigura Amafaranga y’u Rwanda 12,400, ibintu aborozi bavuga ko imbuto ihenze.

    Umuyobozi w’aborozi b’inka mu Murenge wa Katabagemu, Rusagara Damien, avuga ko kugira ngo ubwatsi buterwe ku bwinshi hakenewe Nkunganire ya Leta ariko n’ubukangurambaga bukarushaho gukorwa.

    Ati “Buriya bwatsi bw’amatungo burahenze, hakenewe ikintu cya Nkunganire kugira ngo abaturage barusheho kubona imbuto yabwo, ariko noneho hakiyongeraho n’ikintu cyo kugira ngo abaturage bitabire ku bwinshi kubuhinga”.

    Sam Nkusi avuga ko Leta ibunganiye aborozi bifite bakwihuza bakigurira imashini isarura ubwatsi
    Sam Nkusi avuga ko Leta ibunganiye aborozi bifite bakwihuza bakigurira imashini isarura ubwatsi

    Ikindi bifuzaho Nkunganire ni ububiko bw’ubwatsi kuko ngo atari buri mworozi wabwigondera kuko akenshi agace karimo aborozi nta giti cy’inturusu wahabona uretse imiyenze kandi ikaba isaza vuba.

    Umuyobozi wa RAB Sitasiyo ya Nyagatare Kagwa Evalde, avuga ko Nkunganire mu bworozi irimo nyinshi ahubwo aborozi ubwabo baba batabizi.

    Atanga ingero ku miti yifashishwa mu gukingira amatungo aho hari urukingo rutangirwa amafaranga 500 nyamara rugera mu gihugu ruhagaze 3,000.

    Avuga ko no ku bwatasi iriho kuko nka Chloris Gayana ubundi igura amafaranga y’u Rwanda 15,000 ikilo, ariko umworozi akaba ayigura amafaranga 12,400.

    Naho ku kijyanye n’imashini isarura ubwatsi ikanabutunganya, Kagwa asaba aborozi kwihuza bakaba bakwigurira imashini yabo kuko buri gihe Leta itajya ibafasha muri byose.

    Agira ati “Dufite imashini enye muri RAB, zifite ubushobozi bufunga toni icyenda mu isaha ariko tunakangurira abikorera, amakoperative y’aborozi gufatanya na Leta izo mashini tukazongera”.

    Nyamara bamwe mu borozi bavuga ko kwifatanya bakagura imashini ntacyo bitwaye ariko na none bose batanganya ubushobozi.

    Sam Nkusi avuga ko umuntu ufite inka eshanu, utamwaka umusanzu wo kugura imashini isarura ubwatsi ahubwo icyashoboka ari ukwihuza nk’aborozi batanu gusa bagakora koperative yabo, hanyuma Leta ikabunganira kuko iby’abantu benshi kenshi bitaramba.

    Ati “Kwifatanya si bibi ariko ngira ngo urabibona, imashini zagiye zigurwa na Leta zigahabwa abaturage ikora ni iyihe? Ikintu cy’abantu benshi ntikiramba. Umuntu wa girinka wamubaza kugura imashini? Kuki ahubwo tutakwifatanya nk’abantu batanu tugakora koperative tugashaka ubushobozi Leta ikatwunganira?”

    Imashini zahawe abahinzi ba Rwangingo zimwe ntizigikora
    Imashini zahawe abahinzi ba Rwangingo zimwe ntizigikora

    Umushinga wa RDDP wafashaga mu bikorwa byo kongera umukamo mu Karere ka Nyagatare n’ubwo urimo gusoza ibikorwa byawo, muri iki gihembwe cy’ihinga ry’ubwatsi 2022 A, uzaha ku buntu aborozi imbuto y’ubwatsi igizwe n’amako icyenda.


    source : https://ift.tt/3icVk94

  • Barasaba ko ururimi rw’amarenga rwaba isomo nk’andi yose #Rwanda #RwOT via @kigalitoday #rwanda #RwOT

    Barasaba ko ururimi rw
    Barasaba ko ururimi rw’amarenga rwaba isomo nk’andi yose

    Ibyo ngo byazakemura ikibazo abafite ubwo bumuga bakunze guhura nacyo, cyo kubura ababasemurira mu gihe bageze mu rwego runaka bahakeneye serivisi, kuko bigorana kumvikana n’abagomba kubafasha.

    Ariko ururimi rw’amarenga ruramutse rwemejwe rukigishwa, nk’uko izindi ndimi zigishwa byazatuma habaho umubare munini w’abazi neza gukoresha amarenga, ku buryo ikibazo cyo gushakira abasemuzi abafite ubumuga bwo kutumva no kutavuga cyazaba kibaye amateka.

    Umuyobozi w’ikigo cy’amashuri y’abana bafite ubumuga bwo kutumva no kutavuga mu Karere ka Huye, Frere Jean Bosco Ntamagiro, avuga ko imbogamizi zikomeye abafite ubwo bumuga bakunze guhura nazo, ziganjemo ikibazo cyo kubura abasemuzi, kuko hari n’igihe bahohoterwa ariko bakabura uko bafashwa.

    Ati “Dukunze kuganira n’abayobozi mu nzego z’ibanze, tukabasaba yuko bagerageza kwegera abo bana aho bari, na bo bakatubwira ko ikibazo bafite ari uko rurimi rw’amarenga bataruzi, ko bibagora kuganira nabo. Jyewe rero nkaba nsaba rwose yuko kwiga ururimi rw’amarenga byagombye kuba rumwe mu masomo atangwa mu mashuri y’ibanze ndetse n’ayisumbuye, kugira ngo buri wese amenye gukoresha ururimi rw’amarenga, abo bana bafashwe muri sosiyete”.

    Si Frere Ntamagiro wenyine wumva ko ururimi rw’amarenga rwajya rwigwa mu mashuri, kuko abihurizaho na Angelique Martine Mukandayisaba, umwarimu wigisha amasomo ya Siyansi mu Rwunge rw’amashuri rwa Institut Filipo Smaldone, na we uvuga ko ururimi rw’amarenga ruramutse rumenywe n’umubare munini w’abantu, hari icyo byafasha ba nyirarwo.

    Ati “Ntabwo naba narize icyongereza ngo nimpura n’umuzungu nanirwe kumwisobanuraho, n’urwo rurimi rero barwigishije mu mashuri umwana cyangwa n’undi muntu wese akarwiga, ntabwo yazabura ikintu avugana n’ufite ubumuga bwo kutumva no kutavuga, byibuze muri buri gice cy’ubuzima bakajya babona umuntu ubufasha. Nko munsengero hakaba hari umuntu ubasobanurira, kwa muganga bakajya babona umuntu uzabasobanurira mu gihe aje kwivuza, niba muri Polisi aje gutanga ikirego akabona umuntu umufasha no mu nzego z’ibanze hakaba hari uwo muntu witeguye kuba yamufasha”.

    Umunyamabanga Nshingwabikorwa w’Inama y’igihugu y’abafite ubumuga (NCDP), Emmanuel Ndayisaba, avuga ko igihe havugururwaga itegeko nshinga, byaganiriweho cyane, basaba ko ururimi rw’amarenga rwahindurwa rukagirwa ururimi rwemewe nk’izindi zikoreshwa mu Rwanda, bumvikana ko bagomba kubanza bakarutegura neza biberanye n’umuco w’igihugu.

    Ati “Icyo ni cyo twumvikanye, ahubwo bashyiramo ingingo iteganya yuko igihe tuzaba twabirangije rushobora kuzemerwa, icyo ni cyo twahise dutangira gutegura ku buryo ubu turimo turakora inkoranyamagambo y’ururimi rw’amarenga. Turateganya yuko byibuze muri uku Kwakira bashobora kuba barangije, tugategura ibitabo hanyuma tugategura n’uburyo bwo kurwigisha, kurukwirakwiza hirya no hino”.

    Ururimi rw
    Ururimi rw’amarenga rwigishijwe hose byafasha abafite ubumuga bwo kutumva no kutavuga kubona serivisi bitabagoye

    Ati “Ariko tukanasaba Minisiteri y’Uburezi kuko na yo twarabivuganye, guhita irushyira mu masomo yigishwa, bivuze ngo mu gihe gito tuzaba tumaze kurubona, noneho ibyo bindi bikurikireho. Aho ni ho tuzavuga ngo tugiye gukemura ikibazo burundu nitwigisha ururimi rw’amarenga mu mashuri”.

    Icyumweru cya nyuma cya Nzeri buri mwaka cyahariwe kwita ku bafite ubumuga bwo kutavuga no kutumva, uyu mwaka insanganyamatsiko ikaba igira iti “Twizihize iterambere ry’imiryango y’abafite ubumuga bwo kutumva no kutavuga”. Mu Rwanda habarirwa abafite ubumuga bwo kutumva no kutavuga basaga ibihumbi 70.


    source : https://ift.tt/39Da78c

  • Miss Nimwiza Meghan na Iradukunda Elsa baryoh… – #rwanda #RwOT

    Kuwa 04 Nzeri 2021, nibwo Miss Grace Bahati na Pacifique Murekezi biyemeje kubana akaramata, mu birori byitabiriwe n'ibyamamare by'ingeri zitandukanye mu myidagaduro nyarwanda, ariko by'umwihariko ba Nyampinga bahagarariye abandi barimo Aurore Kayibanda (2012), Iradukuda Elsa (2017) na Nimwiza Meghan (2019).


    Mu kanya gashize, Aurore Kayibanda abinyujije ku rukuta rwe rwa Instagram, yagaragaje ko bishimanye na Meghan na Elsa bahagurutse mu Rwanda bajyanywe ku ikubitiro n'ibirori by'agatangaza by'ubukwe bwa Grace Bahati.
     

    Aya mafoto akaba anagaragaramo ibindi byamamare, birimo Mister Africa International 2017, Jean de Dieu Ntabanganyimana wamamaye nka Jay Rwanda,  na mukuru w'umugabo wa Grace wamamaye mu mukino wa Volleyball mu Rwanda, Murekezi Olivier.

     

    Meghan na Elsa, uretse kuba baratashye ubukwe bakaba bakomeje no gutembera 'barya isi' , baherutse no kubonana na Ambasaderi w'u Rwanda muri Leta Zunze Ubumwe za Amerika, Madamu Mukantabana Mathilde, n'abategura Miss High School Africa USA, byose bikaba ari ibikorwa bakoze mu rwego rw'akazi, nka bamwe mu bategura Miss Rwanda.

     

    Ubwo babonanaga n'abategura irushanwa rya Miss High School Africa USA, batangaje ko bagiranye amasezerano agiye guhesha amahirwe abakobwa biga mu mashuri yisumbuye yo mu Rwanda, yo kuba bakitabira amarushanwa y'ubwiza.


    Bagahatana, abatsinze bakazahabwa ibihembo bitandukanye, ku isonga harimo kujya gutuzwa muri Amerika no guhabwa amahirwe yo gukomerezayo amasomo muri kaminuza, bigira ku bufasha bw'abateguye iryo rushanwa.


    Ifoto y’urwibutso yaba Nyampinga yo ku munsi w’ibirori byo gusaba no gukwa Grace Bahati

    Bongeye kwifotozanya ifoto nziza bose hamwe nyuma y’iminsi itari micye bari kumwe 


    Jay Rwanda wambaye umukara hose, Iradukunda Elsa, Aurore Kayibanda na Nimwiza Meghan mu ifoto igaragaza ibihe byiza bagiranye


    Ba Nyampinga b’u Rwanda uko ari bane Aurore Kayibanda wambaye ikanzu y’umukara (2012), Nimwiza Meghan (2019), hagati inshuti yabo, Iradukunda Elsa (2017) na Grace Bahati (2009) uri no mu kwezi kwa buki, nyuma yo gushyingiranwa na Murekezi Pacifique

     

    Source : https://inyarwanda.com/inkuru/109877/miss-nimwiza-meghan-na-iradukunda-elsa-baryohewe-nubuzima-muri-amerika-amafoto-109877.html

  • Umwuka mubi watangiye gututumba hagati ya Kylian Mbappe na Neymar Jr #rwanda #RwOT

    Rutahizamu wa PSG, Kylian Mbappe ntabwo yishimiye uko Neymar Jr yanze kumuhereza umupira ubwo Paris Saint-Germain yatsindaga Montpellier ibitego 2-0.

    Uyu mufaransa ufite imyaka 22,ashinjwa ko yabwiye mugenzi we Idrissa Gueye ko Neymar Jr atamuhaye umupira ngo atsinde.

    Ku mugoroba wo ku wa gatandatu, Mbappe yagaragaye yereka Gueye w'imyaka 31 ukuntu Neymar Jr yamwirangagije akanga kumuhereza umupira nyuma yo gusimbuzwa ku munota wa 88 n'umutoza Mauricio Pochettino.

    Nk'uko ikinyamakuru RMC Sport kibitangaza ngo uyu rutahizamu yabwiye mugenzi we ati: “Ntabwo [Neymar] yampaye uriya mupira.”

    Icyo gihe PSG yari ifite igitego 1-0 gusa kandi ifite ibyago byo kwishyurwa ku munota wanyuma, bikangiza gutangira neza kwayo kwa shampiyona.

    Ikipe ya PSG imaze kurusha ikipe iyikurikiye ku mwanya wa 2 amanota icumi cyane ko iyoboye Ligue 1 nyuma yo gutsinda imikino umunani yose ya shampiyona muri uyu mwaka wa shampiyona.

    PSG yabuze amahirwe yo gutwara igikombe cya shampiyona mu mwaka ushize cyegukanwa na Lille ndetse Mbappe arashaka gutwara igikombe mu mwaka ushobora kuba uwe wa nyuma muri PSG.

    Source : https://umuryango.rw/imyidagaduro/imikino/article/umwuka-mubi-watangiye-gututumba-hagati-ya-kylian-mbappe-na-neymar-jr

  • Gahunde Jean uzwi nka 'Gaposho' yatawe muri yombi na RIB kubera imbwa ze #rwanda #RwOT

    Umuherwe Gahunde Jean uzwi cyane ku izina rya ' Gaposho', aho afite n'Umudugudu wamwitiriwe, yatawe muri yombi n'urwego rw'Igihugu rw'Ubugenzacyaha-RIB azizwa imbwa ze bivugwa ko zirya abantu barimo abaturanyi be.

    Umuvugizi w'Urwego rw'Igihugu rw'Ubugenzacyaha-RIB, Dr Murangira B. Thierry yabwiye igihe dukesha iyi nkuru ko itabwa muri yombi rya Gaposho ari impamo, ko afungiye kuri Sitasiyo ya RIB i Remera.

    Yagize ati' Nibyo Gahunde uzwi ku izina rya Gaposho, RIB yamufunze mu gihe igikurikirana uruhare rwe mu kibazo cy'imbwa ze zimaze kurya abantu bane batandukanye. Afungiye kuri sitasiyo ya RIB ya Remera. Ibizava mu iperereza tuzabibamenyesha'.

    Umwe mu baturanyi ba Gaposho uba no mu mudugudu wamwitiriwe, uherereye mu karere ka Gasabo, Umurenge wa Gisozi, Akagari ka Musezero, Umudugudu wa Rwinyana, avuga ko yariwe n'izi mbwa kuwa 23 Nzeri 2021. Abakozi ba RIB kuri iki cyumweru nibwo bagiye gukora iperereza kuri iki kibazo.

    Uyu muturage, avuga ko yariwe n'izi mbwa za Gaposho ubwo yari asohotse agiye muri Siporo. Mu gihe yari ageze ku irembo ngo nibwo imbwa ebyiri z'uyu mugabo zamwatatse zimuruma ku kaguru k'imoso. Avuga ko yazikijijwe n'umuturanyi, hanyuma ajya kwivuza ku bitaro byitiriwe Umwami Fayisali.

    Umugore w'uyu mugabo wariwe n'imbwa za Gaposho, avuga ko ibyo bikimara kuba yahamagawe kuri Telefone, na we ngo agerageza guhamagara Gaposho ndetse anamwoherereza ubutumwa ariko ngo ntiyagira icyo amusubiza.

    Nyuma yo kubona nta gisubizo, uyu mugore ngo yanyuze ku wundi muturanyi kugira ngo amufashe kubwira Gaposho ibyo imbwa ze zakoze, bityo anabahe ibyangombwa bigaragaza ko zakingiwe kuko byari bikenewe na muganga. Mu gusubiza uyu muturanyi, Gaposho ngo mu burakari bwinshi yavuze ko atari we wenyine utunze imbwa ndetse agaragaza ko atumva impamvu ibyabaye biri kugerekwa ku mbwa ze.

    Nyuma y'impaka ndende, uyu muherwe gaposho ngo yaje kwemera gutanga ibi byangombwa byemeza ko imbwa ze zakingiwe ariko ngo ntiyagaragaza ukwicuza cyangwa gusaba imbabaziku bw'amakosa y'imbwa ze.

    Abaturanyi ba Gaposho, bagaragaje ko mu bihe bitandukanye bagiye baribwa n'imbwa ze ariko ngo bamwegera akagaragaza kutumva ikibazo. Bavuga kandi ko hari nubwo yanze gutanga icyangombwa cy'uko zakingiwe kugira ngo uwo zari zariye avurwe. Basaba inzego bireba ko hagira igikorwa ku kibazo giterwa n'imbwa za Gaposho.

    Munyaneza Theogene / intyoza.com

    Source : https://www.intyoza.com/gahunde-jean-uzwi-nka-gaposho-yatawe-muri-yombi-na-rib-kubera-imbwa-ze/

  • Amb. Nduhungirehe na Dr Diane Gashumba ntibemeranya n’uwahagaritse umutoza ashinjwa ubutinganyi, uwamugambaniye ngo ageze Zambia #rwanda #RwOT

    Amb. Nduhungirehe Olivier na Amb. Dr Diane Gashumba ntibemeranywa n’umuyobozi w’ikipe ya United Stars-Ruhango wahagaritse umutoza amushinja ubutinganyi, ni mu gihe uyu mutoza we avuga ko yagambaniwe n’umukinnyi utarakinaga ndetse ko ubu yanigendeye ageze muri Zambia.

    Ku wa Gatandatu w’icyumweru gishize nibwo hasohotse ibaruwa yasinyweho na perezida w’iyi kipe, Ngendahayo Vedaste ihagarika Mushimiyimana Eric wari umutoza mukuru wayo aho bavuga ko agiye gukorwaho iperereza ku butinganyi buvugwa muri iyi kipe yarezwemo n’abakinnyi.

    Nyuma y’iyi baruwa, abantu bakaba baragiye batanga ibitekerezo bitandukanye aho nka Ambasaderi Olivier Nduhungirehe yavuze ko uwahagaritse uyu mutoza ari we wari ukwiriye guhanwa.

    Ati 'ubwo icyaha ashinjwa ni ikihe? Giteganywa n’iyihe ngingo y’amategeko ahana? Uwahagaritse uyu mutoza ahubwo niwe wari ukwiye guhanwa, kuko atubahirije ingingo ya 16 y’Itegeko Nshinga rya Repubulika y’u Rwanda.'

    Ubwo icyaha ashinjwa ni ikihe? Giteganywa n’iyihe ngingo y’amategeko ahana?

    Uwahagaritse uyu mutoza ahubwo niwe wari ukwiye guhanwa, kuko atubahirije ingingo ya 16 y’Itegeko Nshinga rya Repubulika y’u Rwanda.@FERWAFA https://t.co/737TXXjRpZ

    — Olivier J.P. Nduhungirehe (@onduhungirehe) September 25, 2021

    Amb. Dr Diane Gashumba na we avuga ko bidasobanutse kuko n’iyi baruwa banditse imuhagarika izo mpungenge z’abakinnyi zitigeze ziaragazwa.

    Ati 'Uwamuhagaritse yavanguye! Abakinnyi impungenge bagize ntiyanasobanuye izo ari zo!'

    Uwamuhagaritse yavanguye! Abakinnyi impungenge bagize ntiyanasobanuye izo arizo!

    — Dr Diane GASHUMBA (@DianeGashumba) September 25, 2021

    Mushimiyemana Eric yabwiye ISIMBI ko ibi ashinjwa ari ikinyoma cyambaye ubusa ahubwo byose byakozwe n’umukinnyi atakinishaga, wamubwiye ko azakora akantu, yaje kwiba telefoni ya mugenzi akamwandikira kuri facebook amubwira ibintu bidahuye, gusa ngo nyuma yo kubikora ari Zambia ubu.

    Ati 'yambwiye ko natajya muri 18 azakora agashya, bashaka ikintu cyo kwinjirira undi mwana bakoresheje Facebook ye, hari ukuntu bakoresha facebook bagasiga badakoze 'log out’, bakoresha facebook y’umwana witwa Tuyizere Celestin, kuko ni umukinnyi mwiza dusanzwe tunaganira, banyandikira mu masaha akuze. Na we yaguye mu kantu avuga ko ari burege, ikibazo na perezida ntavuga uwamuhaye izo messages.'

    'Nanjye yanyandikiye mu masaha akuze, ambaza ngo ese uri mu rugo, ndagushaka, ndashaka kuza kukureba, ese aya masaha urajya hehe, ndifuza kuba narara aho, nkamubaza nti ese abakinnyi ba we murarana bigende bite? Arambwira ngo yataha butaracya mpita mwihorera(…) Shalom na Jules nibo baba babikoze, ubusanzwe Jules we yari asanzwe anakunda kujyana amakuru kwa perezida, buri kamwe kose akakajyano, igisekeje ni ibintu yakoze agambariye kuko nyuma yo kubikora ari muri Zambia, yasize akoze akantu arigendera.'

    Uretse ibi umutoza yatangaje, hari n’abakinnyi bagera ku 10 b’iyi kipe bayobowe na kapiteni wayo, Siborugira Janvier banditse bagaragaza ko uyu mutoza arengana nta byo yigeze akorera abakinnyi.

    Ibaruwa yo bamwe mu bakinnyi banditse

    Umutoza avuga ko arengana yagambaniwe

    Bamwe mu bakinnyi b’iyi kipe banditse banyomoza ibyanditswe na perezida wa United Stars-Ruhango

    Source : http://isimbi.rw/siporo/article/amb-nduhungirehe-na-dr-diane-gashumba-ntibemeranya-n-uwahagaritse-umutoza-ashinjwa-ubutinganyi-uwamugambaniye-ngo-ageze-zambia

  • #COVID19: Abantu 4 bitabye Imana, abarembye ni 11 #Rwanda #RwOT via @kigalitoday #rwanda #RwOT

    source : https://ift.tt/3o5wtYu

  • Musanze : Abantu 7 barimo umugore bafatanywe Inka bakekwaho kwiba bakazihisha mu nzu #rwanda #RwOT

    Aba bantu bafatiwe mu Turagri twa Gakoro na Rwasa two mu Murenge wa Gacaca mu Karere ka Musanze ku wa Gatandatu tariki 25 Nzeri no ku Cyumweru tariki 26 Nzeri.

    Abafashwe ni Turatsinze w’imyaka 28, Maniraguha Celestin w’imyaka 21, Turikumwenimana w’imyaka 21, Uwizeyimana Francine w’imyaka 24, Uwabareka Charles w’imyaka 34, Mugarukira Samuel w’imyaka 42 na Uwimana Felicien w’imyaka 38.

    Umuyobozi w’agateganyo wa Polisi mu Karere ka Musanze, Chief Inspector of Police (CIP) Speciose Kayitesi yavuze ko gufatwa kwa bariya bantu byaturutse ku makuru yatanzwe n’umwe mu baturage wari wibwe inka ye.

    Yagize ati 'Mu cyumweru gishize umuturage amaze kutubwira ko yibwe inka ye hahise haboneka n’abandi bafite icyo kibazo ndetse banatanga amazina y’abo bacyekaho ubwo bujura. Kuri uyu wa Gatandatu no ku Cyumweru twakoze igikorwa cyo gushaka abo bantu bacyeka, twagiye gusaka mu ngo zabo. Mu rugo rwa Uwizeyimana twahasanze inka imwe avuga ko yayirangijwe na Maniraguha Celestin akajya amuhemba amafaranga y’u Rwanda ibihumbi 10, kwa Turatsinze hafatiwe inka 1, kwa Turikumwenimana naho hafatiwe inka 2, kwa Uwabareka hafatiwe inka imwe ndetse no kwa Maniraguha hari indi nka imwe.'

    CIP Kayitesi avuga ko bariya bantu iyo bamaze kwiba inka ntibazishyira mu biraro ahubwo bazishyira mu byumba by’amazu hanyuma bakazigaburira ziba muri ibyo byumba igihe cyazagera bakazibaga. Izi nka zimaze gufatwa abaturage bahise bavuga ko ubu bujura bumaze igihe kinini ndetse ko bagiye babura inka nyinshi muri uyu murenge wa Gacaca. CIP Kayitesi yaboneho gukangurira abaturage kujya bihutira gutanga amakuru kandi bagakaza uburyo bwo kwicungira umutekano.

    Yagize ati 'Abaturage baracyeka abantu bagendagenda mu ngo bashaka inka zo kugura bazwi ku izina ry’abasherisheri. Aba nibo bacyekwaho kugenda bagambanira inka z’abaturage zikibwa, Mugarukiye Samuel , Uwabareka Charles na Uwimana Felicine barashinjwa n’abaturage kuba bakorana n’abo basherisheri.

    Turagira inama abaturage kujya bihutira gutanga amakuru hakiri kare ndetse banakaze amarondo yo kwicungira umutekano kuko ziriya nka zibwa nijoro.'

    Umuyobozi wa Polisi w’agateganyo mu Karere ka Musanze yaburiye abantu bose bitwikira ijoro bakajya kwiba inka z’abaturage cyangwa n’abandi bose bagenda bigira abakomisiyoneri b’inka.

    Ati 'Bariya bose bafatanywe inka kandi bariyemerera ko atari izabo, ndetse uriya witwa Uwizeyimana harimo uwo yari aragiriye inka ndetse nawe arabashinja ubwo bujura. Kugeza ubu ubwo amakuru yamenyekanye buriya bujura buraza gucika, abacyekwaho kuziba baraza gufatwa babibazwe mu mategeko. Icyo dusaba abaturage ni ugatangira amakuru ku gihe gusa kandi turashimira abatanze amakuru kugeza ubu.'

    Bariya bafashwe bahise bashyikirizwa Urwego rushinzwe ubugenzacyaha (RIB) rukorera muri sitasiyo ya Polisi ya Muhoza kugira ngo hakorwe iperereza. Inka Ebyiri muri 6 zafashwe zahise zisubizwa bene zo mu gihe 4 zisigaye hagishakishwa bene zo.

    Source : http://www.ukwezi.rw/mu-rwanda/Amakuru-anyuranye/article/Musanze-Abantu-7-barimo-umugore-bafatanywe-Inka-bakekwaho-kwiba-bakazihisha-mu-nzu

  • Abanyarwanda bagera muri 5 ntibakandagiye mu kibuga, bane muri bo amakipe yabo aratsindwa #rwanda #RwOT

    Tusker ya Emery Mvuyekure, Strommen IF ya Twizere Buhake Clement, Zanaco ya Nizeyimana Mirafa na Simba SC ya Kagere Meddie niyo makipe y’abanyarwanda bakina hanze batsinzwe mu mpera z’icyumweru gishize.

    Ku wa Gatanu w’icyumweru gishize shampiyona y’icyiciro cya mbere muri Georgia yari yakomeje bakina umunsi wa 26, FC Dila Gori ya Manzi Thierry yatsinze Telavi 2-0, ni umukino uyu myugariro w’umunyarwanda atari no muri 18 bakoreshejwe. Dinamo Batumi ifite amanota 56 niyo iyoboye shampiyona, Dila Gori ni iya 4 n’amanota 43.

    Shampiyona y’icyiciro cya kabiri muri Sweden yari yakomeje mu mpera z’icyumweru gishize bakina umunsi wa 22. AFC Eskilstuna ya Rafael York yanganyije na Örgryte 2-2, ni umukino Rafael York yakinnye iminota 64 asimburwa na Linner. Iyi kipe iri ku mwanya wa 10 n’amanota 27, Värnamo ya mbere ifite 43.

    Yannick Mukunzi yari mu kibuga akina iminota 90 mu mukino w’umunsi wa 22 wa shampiyona y’icyiciro cya 3 muri Sweden ikipe ye ya Sandvikens IF yatsinzemo Piteå ibitego 2-1, ni umukino wabaye ku wa Gatandatu w’icyumweru gishize. Iyi kipe ubu iri ku mwanywa wa 2 n’amanota 46, IF Brommapojkarna ya mbere ifite 53.

    Ku munsi w’ejo hashize ku Cyumweru, Rwatubyaye Abdul yari mu kibuga ikipe ye ya FC Shkupi itsinda Akademija Pandev 3-1 mu mukino w’umunsi wa 8 wa shampiyona ya Macedonia. Iyi kipe ni nayo iyoboye urutonde n’amanota 17.

    Mu cyiciro cya kane mu Bufaransa shampiyona yari yakomeje, ku wa Gatandatu Lyon La Duchere ya Ngwabije Bryane Clovis wakinnye iminota 90, yatsinze Saint-Priest ibitego 2-1. Iyi kipe iri ku mwanya wa 6 n’amanota 11, Grasse ya mbere ifite 17.

    Mu cyiciro cya kabiri muri Norway, ku wa Gatandatu umunyezamu Twizere Buhake Clement yari ku ntebe y’abasimbura ubwo ikipe ye yatsindwaga na Aelesund 3-2. Iyi kipe iri ku mwanya wa 15 ubanziriza uwa nyuma n’amanota 16, HamKam ya mbere ifite 45.

    Bizimana Djihad yari mu kibuga mu mukino w’umunsi wa 6 ikipe ye ya KMSK Deinze yaraye inganyijemo na Virton 1-1. Iyi kipe iri ku mwanya wa 4 n’amanota 10, Westerlo ya mbere ifite 14.

    Ntabwo Nizeyimana Mirafa yari mur 18 bakoreshejwe na Zanaco FC mu mukino wa shampiyona iyi kipe yatsinzwemo na Kankola Blades 2-0 ku wa Gatandatu. Zanaco iri ku mwanya wa nyuma n’amanota 0(ifite imikino 2 itarakina), Green Buffaloes ya mbere ifite amanota 10.

    Emery Mvuyekure ntabwo yari muri 18 bakoreshejwe na Tusker ku munsi wa mbere w’iyi shampiyona yatangiye mu mpera z’icyumweru gishize, ku munsi w’ejo batsinzwe na AFC Leopards 1-0.

    Muri iyi shampiyona kandi, Bandari FC y’umutoza Cassa Mbungo Andre yatangiye inyagira Mathare United 3-0, iyi kipe ni nayo iyobaye shampiyona ya Kenya.

    FAR Rabat ya Imanishimwe Emmanuel Mangwende wari wabanje ku ntebe y’abasimbura, yaraye inganyije na RSB Berkane 1-1 mu mukino w’umunsi wa 3 wa shampiyona y’iki gihugu. Iyi kipe iri ku mwanya wa 9 n’amanota, Raja Casablanca ya mbere ifite 9.

    Ntabwo Meddie Kagere yari mu bakinnyi Simba SC yakoresheje itsindwa na Yanga 1-0 mu mukino w’igikombe kiruti ibindi mu gihugu cya Tanzania wabaye ku wa Gatandatu tariki ya 25 Nzeri.

    Bamwe baratsinzwe abandi baratsinda

    Source : http://isimbi.rw/siporo/article/abanyarwanda-bagera-muri-5-ntibakandagiye-mu-kibuga-bane-muri-bo-amakipe-yabo-aratsindwa