Webrwanda Backend

Author: webrwanda

  • Senateri wavuze ko abantu 'bakwiyahura bakoresheje uburozi’ ubu yifashishije bibiliya ko iteganya kwica uwasambanyije itungo #rwanda #RwOT

    Yabivuze nyuma y’uko havuzwe ikibazo cy’umugabo wo mu Kagari ka Nkungu mu Murenge wa Munyaga mu Karere ka Rwamagana ukekwaho gusambanya ihene yari yararagijwe.

    Mu nkuru yatambutse mu Kinyamakuru UKWEZI, ivuga ko uriya mugabo yaketsweho gusambanya iriya hene nyuma y’uko abanyerondo bayumvise itaka ari mu gicukuru, bakwegera aho yatakiraga bakumva uwo mugabo ari kuyibwira ngo ituze aho bukereye bagiye kureba abemerera ko yayisambanyije.

    Bamwe mu bakoresha imbuga nkoranyambaga, batanze ibitekerezo kuri aya mahano aho Umunyamakuru Angel Mutabaruka yashyize ubutumwa kuri Twitter atangarira iby’ariya makuru.

    Yagize ati 'Umugabo utuye mu Murenge wa Munyaga mu Karere ka Rwamagana, yatawe muri yombi na RIB akekwaho gusambanya ihene yari yararagijwe n’undi muturage. Akaga kabaho pe…'

    Senateri Emmanuel Havugimana ukunze gukoresha imbuga nkoranyambaga na we yasubije ubu butuma bwa Angeli Mutabaruka, agaruka ku bivugwa muri bibiliya ko “Umuntu nasambana n’inyamaswa muzamwicane nayo. Nihagira umugore wemera ko inyamaswa imusambanya muzamwicane na yo, ni we uzaba yihamagariye urupfu (Abalewi 20:15-16).'

    Uyu mushingamategeko, yakomeje agira ati 'Ni icyaha kibaho kuva kera mu bihugu byose byo ku isi ! Ariko ni ishyano mu bantu !'

    Umwe mu bakurikira uyu munyapolitiki witwa Norbert Habineza, yamusubije agira ati 'Ibyaye ikiboze irakirigata. Reka ntakwiye kwicwa, akwiye kuvurwa.'

    Undi witwa Pierre Celestin na we yahise abaza Sebateru ati 'Dukurikize iri tegeko ryabalewi se senator ?'

    Uwitwa Concordeson na we yagize ati 'Emmanuel Havugimana ibyo nanone urakabije wongeye kujya kure.. Nizere ko udahamagarira gukurikiza ibyo uvuga biri muri Bible..With these words of “kwica” etc.. But what says the national constitution !!! Nicyo twaba dutegereje ku musenateri w’Igihugu.'

    Mu kwezi gushize ubwo havugwaga ikibazo cy’abantu biyahuye basimbutse amagorofa, Senateri Emmanuel Havugimana ari mu batanze ibitekerezo avuga ko inyubako zikwiye gushyirwaho uburyo butuma abantu batabasha kuziyahuriraho ahubwo ngo bakiyahura mu bundi buryo nk’uburozi.

    Icyo gihe yagize ati 'Biteye impungenge koko ariko abubaka imiturirwa bakwiye kujya babyibuka bakazamura grillage yo kuri balustrade byibura kuri 1m50. Abashaka kwiyahura bakajya barya cyangwa banywa uburozi cyangwa bijugunya munsi y’imodoka ariko imiturirwa bakayireka.'

    Ni ubutumwa bwatumye benshi bamunenga kuba umunyapolitiki nkawe uri mu rwego rukomeye mu Rwanda akoresha imvuga nk’iriya gusa yaje kubisabira imbabazi.

    UKWEZI.RW

    Source : http://www.ukwezi.rw/mu-rwanda/3/article/Senateri-wavuze-ko-abantu-bakwiyahura-bakoresheje-uburozi-ubu-yifashishije-bibiliya-ko-iteganya-kwica-uwasambanyije-itungo

  • Miss Bagwire Keza Joannah yambitswe impeta n'umukunzi we [AMAFOTO] #rwanda #RwOT

    Miss Bagwire Keza Joannah wabaye Miss Miss Heritage wa Miss Rwanda 2015 yatangaje kuri Instagram ko yambitswe impeta iteguza ubukwe n'umukunzi we Murinzi Micheal bamaze igihe bakundana mu ibanga.

    Uyu mukobwa usanzwe ari umunyamakuru kuri KISS FM yambitswe impeta y'umubano n'uyu mukunzi we mu ijoro ryo kuri uyu wa 26 Nzeri 2021.

    Miss Bagwire yashyize kuri konti ye ya Instagram, amafoto amugaragaza yambikwa impeta y'urukundo, anahoberana n'uyu mukunzi we,wamusabye kumubera umugore akabyemera.

    Bagwire yanditse ati “Twamaze gufata umwanzuro w'iteka ryose.Rukundo rwanjye wakoze guha ubu buzima igisobanuro.Hari ubuzima bwiza imbere.”

    Miss Bagwire Keza Joannah akora ikiganiro 'Girls talk' kuri Kiss Fm ahuriramo na mugenzi we Cyuzuzo Jean d'Arc.

    Uyu mukobwa mu 2018, yasoje amasomo y'icyiciro cya kabiri cya Kaminuza yakuye muri Mount Kenya University.

    Mu 2015, uyu mukobwa yahataniye ikamba rya Miss Rwanda yegukana ikamba rya Nyampinga w'Umurage.



    Source : https://umuryango.rw/ubuzima-115/imibereho/article/miss-bagwire-keza-joannah-yambitswe-impeta-n-umukunzi-we-amafoto

  • Ifoto ya Zari Hassan yateje ururondogoro #rwanda #RwOT

    Ifoto ya Zari Hassan umugandekazi wibera muri Afrika y’Epfo arimo asomona n’inshuti ye bahuje igitsina, yateje ururondogoro abantu aho bamwe bibajije niba na we yaba ari umutinganyi.

    Uyu muherwekazi wibera muri Afurika y’Epfo, tariki ya 23 Nzeri yizihije isabukuru y’amavuko y’imyaka 41 amaze ku Isi, umwe mu nshuti ze yateguye ikirori zo kwizihiza iyi sabukuru aho kujyamo byari ukwambara imyeru gusa.

    Amwe mu mafoto yafotowe kuri uwo munsi, Zari yayasangije abamukurikira kuri Instagram, gusa ntiharimo ifoto yakwirakwiye ku mbuga nkoranyambaga arimo asomana n’umukoubwa mugenzi we bisa n’aho bahuje urugwiro, nayo yafashwe kuri uwo munsi, iyi ikaba yaravuzweho cyane.

    Bamwe mu bagiye bagiye bibaza niba na Zari Hassan yemera kuba umuntu yaryamana n’uwo bahuje igitsina, ni mu gihe abandi babonaga nta kibazo cyayo.

    Muri Mutarama uyu mwaka, ubwo umuhungu we Rapfael yavuze ko yishimira abandi bahungu, byakuruye impaka nyinshi kugeza n’aho nyina yifata amashusho avuga ko umuhungu we atari umutinganyi ndetse afite umukunzi ukomoka muri Espagne ariko yongeraho ko niyo yaba ari umutinganyi yamushyigikira.

    Ibi byagiye bivugwa kuri iyi foto, nta kintu Zari Hassan arabivugaho, ni mu gihe benshi mu bakunzi be bategereje kuza kumva icyo ari butangaze.

    Ifoto ya Zari Hassan yaciye ibintu ku mbuga nkoranyambaga

    Source : http://isimbi.rw/imyidagaduro/article/ifoto-ya-zari-hassan-yateje-ururondogoro

  • Urukundo rwatumye Ykee Benda aza i Kigali kureba umunyarwandakazi yihebeye #rwanda #RwOT

    Mu cyumweru gishize nibwo byavuzwe ko uyu muhanzi ukomeye wakoze indirimbo zakunzwe nka Munakampala,Farmer na Superman ari mu rukundo na Shazz umaze iminsi avugwa cyane ku mbuga nkoranyambaga.

    Ykee Benda nawe yemeje ko akunda uyu mwari w'umunyarwandakazi ndetse ntibahwema kubyerekana biciye mu mafoto bacisha kuri Instagram.

    Amakuru dukesha ikinyamakuruHOSE aravuga ko Ykee Benda yaje mu Rwanda mu mpera z'icyumweru gishize nta kindi kimuzanye kitari ukureba uyu mukobwa.

    Ku wa Gatanu Ykee Benda na Shazz ngo basohokeye muri hoteli yitwa Kaizen iri Nyabugogo mu Mujyi wa Kigali.

    Ni ku nshuro ya mbere bari babonanye amaso ku maso kuva batangira gukundana.

    Sharon uri mu rukundo na Ykee Benda yatangiye kwamamara ubwo yavugwaga mu rubanza rwarezwemo Davis D, Kevin Kade n'umufotozi witwa Thierry.

    Bashinjwaga kumusambanya kandi ataruzuza imyaka y'ubukure. Baje kugirwa abere bararekurwa.

    Yongeye kugarukwaho nanone ubwo yararaga aganira na Kwizera Olivier ku mbuga nkoranyambaga nyamara uyu mukinnyi yari mu mwiherero w'Ikipe y'Igihugu Amavubi birangira bamusezereye.

    Ykee Benda, we amaze iminsi ari kwamamaza album nshya 'Karabo' aheruka gusohora.

    Ni album uyu muhanzi yakoze ahanze amaso no ku bakunzi b'umuziki w'u Rwanda, kuko hariho indirimbo ebyiri yakoranye n'abahanzi Yvan Buravan na Uncle Austin.


    Akayesu Sharon watwaye umutima Ykee Benda

    Source : https://umuryango.rw/imyidagaduro/umuziki/article/urukundo-rwatumye-ykee-benda-aza-i-kigali-kureba-umunyarwandakazi-yihebeye

  • Umuyobozi utazi aho ayobora, umuturage yamwumvira ate? – Minisitiri Gatabazi #Rwanda #RwOT via @kigalitoday #rwanda #RwOT

    Minisitiri Gatabazi avuga ko hari abayobozi usanga na bo ubwabo batazi aho bayobora
    Minisitiri Gatabazi avuga ko hari abayobozi usanga na bo ubwabo batazi aho bayobora

    Minisitiri Gatabazi avuga ko ubwe abantu b’inshuti ze za mbere ari abaturage yafashije abagezeho amaso ku maso bakamugezaho ibibazo bafite n’uko bifuza ko byakemuka, n’uruhare rwabo batanga ngo bikemuke kandi byamugiriye akamaro n’abo yasuraga akiri mu nzego z’ibanze.

    Minisitiri Gatabazi avuga ko abayobozi bicaye mu biro gusa ntaho baba bahuriye n’abaturage, akabasaba gufata umwanya bakava mu biro basize imodoka zabo, bakajya kuganira n’abaturage n’amaguru.

    Avuga ko mu gihe umuyobozi yasuye umuturage akamubaza aho ashobora kwiherera akahabura, umuturage asigara yibaza uko yabigenza ngo bitazongera kumubaho umuyobozi agarutse kumusura.

    Agira ati “Utwo tuyira abaturage banyuramo two mu myumbati hirya iyo mukwiye namwe kutumenya mugahura mukabasura, mukabaramutsa mukababaza amakuru yabo, n’uwihishe kubera ibyo atatunganyije iyo amenye ko waje, atangira kubitunganga kugira ngo ejo nugaruka atazongera kuguhunga”.

    Atanga urugero rw’abasirikare iyo bacunga umutekano ukuntu bigabanya utuyira twose kugira ngo bazibe icyuho cyose cy’aho umwanzi ashobora gukeka ko batagera, akahakoresha agira ngo ahungabanye umutekano, bisobanuye ko umuyobozi utazi aho abaturage batuye aba atanze icyuho mu miyoborere mibi.

    Agira ati “Hari nk’ahantu mujyana na gitifu w’umurenge akagenda ayoboza akagari n’umudugudu mugiyemo, kandi ari we uyobora uwo murenge ubwo ngo arakuyoboye. Ubwo koko uwo muyobozi murumva yaba akora inshingano koko, umuyobozi utazi aho ayobora umuturage yamwumvira ate?”

    Avuga ko n’abayobozi mu mijyi bakwiye kujya bagira umwanya wo gutambuka mu maduka n’ahatangirwa serivisi bagasuhuza abikorera bakamenya ibibazo bafite bituma hari gahunda za Leta zitubahirizwa basabwa kugiramo uruhare, icyo gihe ngo byarushaho kumvikana kuruta kubatumira mu nama ngo bazaze babiganireho.

    Agira ati “Mayor nagire umwanya wo gusiga imodoka, ntabwo kuba ufite imodoka uramutse uyisize utakora akazi neza. Ugerageze uyisige nibura unyure mu bacuruzi ubaramutse ubabaze ibibabangamiye na bo bakubwire mukorane mu kubishakira ibisubizo”.

    Na ho ku bakorera mu cyaro avuga ko bitumvikana ukuntu Umunyamabanga Nshingwabikorwa w’Umurenge amara imyaka itanu yose atarasura nibura buri rugo rw’umuturage.

    Aha ufashe nibura umurenge w’ingo ibihumbi 30 bigaragara ko gitifu w’umurenge yagira impuzandengo z’imiryango 16 ku munsi, yayisura mu minsi 1825 igize imyaka itanu, gusa Gatabazi avuga ko n’iyo wafata umunsi umwe ugasura imiryango 10, n’indi iri hafi yayo ibona ko umuyobozi wabo abitayeho.

    Agira ati “N’iyo wagenda n’amaguru ukegera ku bantu 10 ukabasuhuza ukitahira ukamenya amakuru yabo buryoabiba bitanze umusaruro kurusha kugenda n’imodoka bakubona mu modoka gusa nta kundi baba bakuzi, kandi bakeneye ko muganira mukabumva nibwo na bo bazabumva”.

    Abayobozi b
    Abayobozi b’imirenge basabwa gusura abaturage n’amaguru nibura bakagera kuri buri rugo

    Abaturage na bo basabwa kumvira abayobozi

    Minisitiri Gataba agaya abayobozi bakunze kujya bagaragara mu minsi ishize bashyamiranye n’abaturage kubera kutumvikana ku tuntu tumwe na tumwe, ariko anasaba abaturage kugerageza kumvira ubuyobzi bakubahiriza gahunda zose za Leta bakubahiriza ibyo basabwa na bo bakaboneraho basaba ibyo bifuza.

    Agira ati “Umuyobozi akwiye kumva umuturage buri gihe kuko ni bo dukorera ni bo dukesha akazi dukora, ariko n’abaturage bakwiye kubaha abayobozi bagatanga ayo mafaranga ya mituweli bidasabye ko babirukaho kuko ubuzima bavuza ni ubwabo, bakajya ku muganda, bakizigamira muri Ejo heza kugira ngo ejo umusaza atazasabiriza kandi yarihaye. Ibyo abaturage bose na bo bagomba kubyumva”.

    Avuga kandi ko ahanini icyorezo cya Covid-19 ari cyo cyazanye icyuho cyo guhura kw’abayobozi n’abaturage bituma ubusabane hagati yabo buba buke kugeza n’aho hari igihe batari bacyumvikana.

    Minisitiri Gatabazi avuga ko kugira ngo igihugu gitere imbere bihera ku iterambere ry’umuturage kandi akaba atarigeraho igihe ahanganye n’umuyobozi, mu gihe abo bombi bakwiye kuba buzuzanya.


    source : https://ift.tt/3EYER26

  • Barakekwaho kwiba inka bakazihisha mu nzu nyuma bakazazibaga #Rwanda #RwOT via @kigalitoday #rwanda #RwOT

    Abafashwe ni Turatsinze w’imyaka 28, Maniraguha Celestin w’imyaka 21, Turikumwenimana w’imyaka 21, Uwizeyimana Francine w’imyaka 24, Uwabareka Charles w’imyaka 34, Mugarukira Samuel w’imyaka 42 na Uwimana Felicien w’imyaka 38. Bafatiwe mu Karere ka Musanze, Umurenge wa Gacaca, mu tugari twa Gakoro na Rwasa mu midugudu ya Nkomero na Sarasi.

    Umuyobozi w’agateganyo wa Polisi mu Karere ka Musanze, Chief Inspector of Police (CIP) Speciose Kayitesi yavuze ko gufatwa kwa bariya bantu byaturutse ku makuru yatanzwe n’umwe mu baturage wari wibwe inka ye.

    Yagize ati “Mu cyumweru gishize umuturage amaze kutubwira ko yibwe inka ye hahise haboneka n’abandi bafite icyo kibazo ndetse banatanga amazina y’abo bacyekaho ubwo bujura. Kuri uyu wa Gatandatu no ku Cyumweru twakoze igikorwa cyo gushaka abo bantu bacyeka, twagiye gusaka mu ngo zabo. Mu rugo rwa Uwizeyimana twahasanze inka imwe avuga ko yayirangijwe na Maniraguha Celestin akajya amuhemba amafaranga y’u Rwanda ibihumbi 10, kwa Turatsinze hafatiwe inka 1, kwa Turikumwenimana naho hafatiwe inka 2, kwa Uwabareka hafatiwe inka imwe ndetse no kwa Maniraguha hari indi nka imwe.”

    CIP Kayitesi avuga ko bariya bantu iyo bamaze kwiba inka ntibazishyira mu biraro ahubwo bazishyira mu byumba by’amazu hanyuma bakazigaburira ziba muri ibyo byumba igihe cyazagera bakazibaga. Izi nka zimaze gufatwa abaturage bahise bavuga ko ubu bujura bumaze igihe kinini ndetse ko bagiye babura inka nyinshi muri uyu murenge wa Gacaca. CIP Kayitesi yaboneho gukangurira abaturage kujya bihutira gutanga amakuru kandi bagakaza uburyo bwo kwicungira umutekano.

    Yagize ati “Abaturage baracyeka abantu bagendagenda mu ngo bashaka inka zo kugura bazwi ku izina ry’abasherisheri. Aba nibo bacyekwaho kugenda bagambanira inka z’abaturage zikibwa, Mugarukiye Samuel , Uwabareka Charles na Uwimana Felicine barashinjwa n’abaturage kuba bakorana n’abo basherisheri.
    Turagira inama abaturage kujya bihutira gutanga amakuru hakiri kare ndetse banakaze amarondo yo kwicungira umutekano kuko ziriya nka zibwa nijoro.”

    Umuyobozi wa Polisi w’agateganyo mu Karere ka Musanze yaburiye abantu bose bitwikira ijoro bakajya kwiba inka z’abaturage cyangwa n’abandi bose bagenda bigira abakomisiyoneri b’inka.

    Ati “Bariya bose bafatanwe inka kandi bariyemerera ko atari izabo, ndetse uriya witwa Uwizeyimana harimo uwo yari aragiriye inka ndetse nawe arabashinja ubwo bujura. Kugeza ubu ubwo amakuru yamenyekanye buriya bujura buraza gucika, abacyekwaho kuziba baraza gufatwa babibazwe mu mategeko. Icyo dusaba abaturage ni ugatangira amakuru ku gihe gusa kandi turashimira abatanze amakuru kugeza ubu.”

    Bariya bafashwe bahise bashyikirizwa Urwego rushinzwe ubugenzacyaha (RIB) rukorera muri sitasiyo ya Polisi ya Muhoza kugira ngo hakorwe iperereza. Inka Ebyiri muri 6 zafashwe zahise zisubizwa bene zo mu gihe 4 zisigaye hagishakishwa bene zo.

    Itegeko no 68/2018 ryo kuwa 30/08/2018 ingingo ya 166 ivuga ko Umuntu wese uhamijwe n’urukiko icyaha cyo kwiba, ahanishwa igifungo kitari munsi y’umwaka umwe (1) ariko kitarenze imyaka ibiri (2) ,ihazabu y’amafaranga y’u Rwanda atari munsi ya miliyoni imwe (1.000.000 FRW) ariko atarenze miliyoni ebyiri (2.000.000 FRW), imirimo y’inyungu rusange mu gihe cy’amezi atandatu (6) cyangwa kimwe gusa muri ibyo bihano. Ingingo ya 167 y’iri tegeko ivuga ko ibihano ku cyaha cyo kwiba byikuba kabiri (2) iyo uwibye yakoresheje guca icyuho, kurira cyangwa yakoresheje igikoresho icyo aricyo cyose gifungura aho utemerewe kwinjira, kwiba byakozwe mu nzu ituwemo cyangwa isanzwe ibamo abantu cyangwa mu nyubako ziyikikije, kwiba byakozwe nijoro, kwiba byakozwe n’abantu barenze umwe.

    Ni inkuru dukesha Polisi y’u Rwanda

    source : https://ift.tt/3i67pNd

  • Bamwe mu bana baterwa inda bahangayikishijwe n’imibereho y’abo babyara #Rwanda #RwOT via @kigalitoday #rwanda #RwOT

    Abangavu batewe inda bavuga ko kutitabwaho n
    Abangavu batewe inda bavuga ko kutitabwaho n’ababyeyi babo biri mu bituma ababasambanya babona icyuho

    Umwana uhagarariye abandi bangavu batewe inda bakabyara mu Murenge wa Kabarore, Akarere ka Gatsibo twahaye izina rya Mukabarisa Valentine, avuga ko bimwe mu bibazo bafite ari ibijyanye no kuvuza abana babo.

    Yongeraho ko bamwe bakimara kubyara batereranwe n’imiryango yabo, ku buryo bagihura n’ingaruka zo gutwita imburagihe.

    Avuga ko abataratereranwe n’ababyeyi babo cyangwa ababateye inda bafite ikibazo ku kuvuza abana babo, kuko benshi baba nta ndangamuntu baratunga ku buryo bifatira ikiciro cyabo.

    Ati “Hari ubwo ugira amahirwe iwanyu bakagushyira ku kiciro cyangwa umubyeyi w’umwana akemera kugushyira ku kiciro. Ariko ingorane hari ubwo bose baba bafite ikiciro cya gatatu kandi icyo kiciro nta mahirwe akunda kubaho yo kubona ubufasha.”

    Akomeza agira ati “Umwana bakamushyira ku kiciro ariko bakaba batagufasha kumurera. Igihe cyo gutanga mituweri cyagera bitewe n’uko wowe nta bushobozi ufite, bakanga kuyitanga bagategereza igihe uzabahera amafaranga y’uruhare rwawe n’urw’umwana. Urumva umwana arwaye ni ibibazo kuko bo bashobora kurwara bakagura imiti muri farumasi.”

    Mukabarisa yifuza ko bishoboka umwana wabyariwe iwabo hajya harebwa uko yahabwa ikiciro cye kijyanye n’ubushobozi bwe aho kwitirirwa icy’abandi adafitiye ubushobozi.

    Ikindi yifuza ni uko bajya bafashwa ku burezi bw’abana babo kuko na byo bibagora cyane ko kubera ubushobozi.

    Agira ati “Urumva niba mbarizwa mu kiciro cya gatatu kandi nta bushobozi, ntabasha kuvuza uwo nabyaye no kwiga ni ikibazo kuko nabwo ubwo bushobozi simba mbufite.”

    Uretse kuba hari ababyeyi basa n’aho bahima abana babo nyuma yo gusambanywa bagatwita, ngo hari n’ababaha akato bakanabirukana mu muryango.

    Umwana wo mu Karere ka Nyagatare twahaye izina Businge Joy, avuga ko benshi mu bana batewe inda bagiye birukanywa n’ababyeyi babo bakajya kubaho bikodeshereza.

    Ati “Hari aho umwana amara gutwita ababyeyi bakamuha akato, ubundi bakamwirukana akajya kwibeshaho muri geto (Ghetto). Hari n’ubwo uguma mu rugo ariko ukabaho utotezwa, bakakubwira nabi bagucyurira ukabaho mu buzima uhangayitse birutwa no kuba wabahunga ariko nyine ukabura iyo ujya.”

    Umuyobozi w’Akarere ka Gatsibo wungirije ushinzwe imibereho myiza y’abaturage, Kantengwa Mary, avuga ko ikibazo atari uguha umwana ikiciro ahubwo ababyeyi bakwiye kumva ko bagifite inshingano zo kurera abana babo kabone n’ubwo babyaye imburagihe.

    Ati “Umubyeyi afite inshingano zo kukurera kugeza igihe cyo kwirera ubwawe, waba wabyaye waba utabyaye. Kwisabira ikiciro ntabwo ari cyo gisubizo ahubwo icyo tuzakora ni ugufatanya kuganira n’umubyeyi kumva ko afite inshingano zo gukomeza kugufasha.”

    Kantengwa avuga ko ariko ku bagejeje imyaka 18 y’amavuko kuzamura bitabujijwe ko yahabwa ikiciro cye cyihariye, kuko babifitiye uburenganzira.

    Avuga ko ikibazo cy’abana basambanywa kireba buri wese ariko by’umwihariko umwana ubwe agaragaza uwamuhohoteye kuko bigaragara ko hari ababahishira.

    Yongeraho ko kuva mu kwezi kwa Gicurasi kugera uyu munsi hatangiye ubukangurambaga bugamije gushakisha abagabo basambanya abana, mu Karere ka Gatsibo hamaze gufatwa abarenga 100 kandi ubukangurambaga bwo kubahiga bukaba bugikomeza.

    Hashize imyaka ibiri umuryango utari uwa Leta ugamije gufasha abagore n’abana b’abakobwa mu mibereho myiza yabo bakorerwa ubuvugizi Empower Rwanda ushinzwe.

    Uwo muryango na wo ukaba umaze amezi atatu utangije umushinga “Ijwi rye, uburenganzira bwe” (Her Voice, Her Right), ugamije gufasha abana b’abangavu basambanyijwe bagaterwa inda mu turere twa Gatsibo na Nyagatare, ahagaragara abana benshi basambanywa.

    Umuyobozi w’uwo muryango ku rwego rw’Igihugu, Olivia Promise Kabatesi, avuga ko mu rwego rwo kurandura burundu ikibazo cy’abana basambanywa, babanje gukora ubushakashatsi bw’ibanze hagamijwe gushaka amakuru ku gituma abana b’abakobwa baterwa inda n’ingaruka bibagiraho, imiryango yabo n’igihugu muri rusange.

    Ibi ngo bizafasha mu gukurikirana icyo kibazo no kugikemura. By’umwihariko Empower Rwanda ngo izafasha abagore n’abakobwa kumenya uburenganzira bwabo no gusobanukirwa amategeko, ariko n’ubuyobozi bumenye impamvu zihari zituma abana bakomeje guhohoterwa bafatanyirize hamwe kugikemura.

    Avuga ko abana babyaye bazafashwa gusubizwa mu mashuri bashakirwa ibikoresho, na ho abafite imbogamizi zo kubura aho basiga abana babo ngo basubire ku ishuri bafashwe kwiga imyuga.

    Agira ati “Nk’uko nabivuze dufite Master card Foundation, mu nkunga yabo tuzafata bano bana bajye mu myuga abasoje tubahe ibikoresho by’ibanze babone aho bahera bazabashe kwitunga n’abana babo.”

    Na ho ku bijyanye n’imyigire y’abana babo, tuzafatanya na ECD ku buryo hazajya haboneka amarerero kugira abana babo bagire uburenganzira bwo kwiga.

    Umushinga Her Voice, Her Right, ubu wamaze kubumbira hamwe abangavu babyaye 300 bahagarariye abandi mu turere twa Gatsibo na Nyagatare mu mirenge ine, ibiri muri buri karere.

    Kabatesi Olivia avuga ko bazafasha abana batewe inda kwiga imyuga bakanahabwa ibikoresho by
    Kabatesi Olivia avuga ko bazafasha abana batewe inda kwiga imyuga bakanahabwa ibikoresho by’ibanze

    Ubushakashatsi bw’ibanze bwakozwe na Empower Rwanda, ku bana babyaye imburagihe mu turere twa Gatsibo na Nyagatare, umwaka wa 2019-2020, bugakorerwa ku bana 420, bwagaragaje ko imibare yiyongereye mu Ntara y’Iburasirazuba no mu Mujyi wa Kigali ku kigero kiri hagati ya 7% kugera ku 10%, uhereye ku bushakashatsi bwari bwarakozwe mu mwaka wa 2014-2015.

    Ni mu gihe kandi ubu bushakashatsi bugaragaza ko abana bo mu mijyi cyangwa santere z’ubucuruzi ari bo benshi baterwa inda kurusha abo mu cyaro.
    Umwaka wa 2019-2020, warangiye abana 2,783 batewe inda mu Karere ka Gatsibo mu gihe mu Karere ka Nyagatare bari 2,812.

    Zimwe mu mpamvu zituma abana baterwa inda harimo gufatwa ku ngufu ku kigero cya 68.7%, ikigare, kutaganirizwa n’ababyeyi ku myororokere y’ubuzima bwabo, gushukishwa ibintu, ubukene, urukundo, inzoga n’ibiyobyabwenge no guhatirwa gushaka bakiri bato.


    source : https://ift.tt/3kQsHAl

  • Raila Odinga uhabwa amahirwe yo kuba Perezida wa Kenya yagaragaye yishimira bitangaje intsinzi ya Arsenal #rwanda #RwOT

    Umunyapolitike ukomeye muri Kenya,Raila Odinga,uhabwa amahirwe menshi yo kuzaba Perezida w'iki gihugu mu matora ateganyijwe, yasangije ifoto ye abamukurikira kuri Twitter,ari mu byishimo bikomeye kubera ko Arsenal akunda cyane yatsinze Tottenham ibitego 3-1 kuri Stade ya Emirates.

    Iyi foto yayiherekeje amagambo agira ato “Twagarutse mu nzira yo gutsinda” agaragaza ko uku gutsinda kwa Arsenal kwamukoze ku mutima cyane.

    Ibyishimo birakwiye cyane ku bakunzi ba Arsenal kuko yatangiye shampiyona itsindwa umusubirizo.

    Arsenal yatsinze Tottenham ibitego 3-1, byinjijwe na Emile Smith Rowe ku munota wa 12, Pierre-Emerick Aubameyang ku wa 27 na Bukayo Saka ku munota wa 34, mu gihe icya Tottenham cyinjijwe na Son Heung-min ku munota wa 79.

    Nyuma y'umukino,Arteta, w'imyaka 39,wari mu byishimo bidasanzwe yagize ati: “Uyu munsi ni urugero rumwe rw'ibyo dushobora gukora. Ni umunsi wihariye”.

    Iyi ntsinzi ni iy'abafana. Barahabaye ubwo twari ducyeneye ukudushyigikira kwabo none ubu turimo gushyiraho icyo [kintu] kiduhuza n'abafana”.

    Perezida w'u Rwanda Paul Kagame, uzwiho kuba ari umufana ukomeye w'iyi kipe, inafitanye amasezerano n'u Rwanda yo kurwamamariza ubukerarugendo azwi nka 'Visit Rwanda', yagize ati:

    “Mwakoze neza Arsenal,umutoza,abakinnyi kandi cyane cyane…abafana!!! Buri kintu cyose cyashobotse cyane uyu munsi. Amahirwe masa kuri buri mukino… Byiza cyane!!”

    Arteta yakomeje agira ati: “Ntekereza ko mu buzima ugomba kugaragaza ko ushima. Aba bantu [bafana] bashyigikiye iyi kipe n'aba bakinnyi. Iyi ntsinzi ni bo igenewe”.

    Smith Rowe, winjije igitego cyayo cya mbere, yagize ati: “Bishoboka ko uyu ari wo munsi wa mbere mwiza cyane mu buzima bwanjye. Kuba umuryango wanjye na wo wari uri hano, ndimo kwiyumva mu buryo bwihariye”.

    Yanashimagije uruhare rwa Arteta, agira ati: “Adusaba gutuza gusa, abafana na bo batuma twigirira icyizere cyinshi cyane”.

    Source : https://umuryango.rw/imyidagaduro/imikino/article/raila-odinga-uhabwa-amahirwe-yo-kuba-perezida-wa-kenya-yagaragaye-yishimira

  • Mukobwa, ntuzemere gushyingiranwa n'umukunzi wawe utabanje kumubaza ibi bibazo. – YEGOB #rwanda #RwOT

    Abahanga mu bijyanye n'imibanire hagati y'abantu ari bo Olga Levancuka, Marisa Peer na Annabelle Knight ni bo bagaragaje ibi bibazo umukobwa akwiriye kubaza uwo bateganya kurushinga kugirango abashe kwimenyera niba koko ari umukunzi wa nyawe.

    1. Ni iki wumva uzajya ukunda gukora wishimisha nitumara kubana ?

    2. Wumva ari iki kigushimisha mu rukundo rwacu ?

    3. Ese ni iki gituma uzigama amafaranga ?

    4. Mubaze ku kijyanye n'imyemerere yanyu ndetse n'iyobokamana.

    N'ubwo mwaba musengera mu idini rimwe, mushobora kuba mudahuje imyumvire ku bijyanye n'idini musengeramo, ni byiza kubimubaza ukabimenya. Niba mudahuje ukwizera nabyo ni byiza kubimenya kugirango mumenye uburyo muzajya mwubahana n'ubwo mudahuje idini n'imyemerere.

    5. Ni hehe wumva wakwizihiriza umunsi mukuru wa Noheli, Ubunani… ?

    6. Ese wumva abana tuzabyara bazaba bafite uwuhe mumaro mu buzima bwawe?

    7. Ese imibonano mpuzabitsina uyifata ute mu buzima bwawe ?

    8. Iyo urakaye ni iki kigufasha kongera gutuza ?

    9. Ubana ute na mama wawe ndetse na bashiki bawe ?

    Source : https://yegob.rw/mukobwa-ntuzemere-gushyingiranwa-numukunzi-wawe-utabanje-kumubaza-ibi-bibazo/

  • Babiri bahoze muri Guverinoma y’u Rwanda bamaganye iby’ikipe yirukanye umutoza imuziza Ubutinganyi #rwanda #RwOT

    Ni icyemezo cyasakaye ku mbuga nkoranyambaga mu mpera z’icyumweru twaraye dusoje, aho ubuyobozi bw’iriya kipe ya United Stars yo mu cyiciro cya kabiri yanditse ibaruwa ihagaruka Mushimiyimana Eric wari umutoza wayo.

    Muri iyi baruwa, ubuyobozi bw’iriya kipe yo mu Kabagari mu karere ka Ruhango, bwagize buti 'nyuma yo kungurana ibitekerezo ku kibazo ucyekwaho cy’ubutinganyi kidahesha icyubahiro ikipe nawe ubwawe kandi bikaba bikomeje guteza umwuka utari mwiza mu bakinnyi, twagiraga ngo tukumenyeshe ko ubaye uhagaritswe by’agateganyo.”

    Ambasaderi Olivier Nduhungirehe uhagarariye u Rwanda mu Buholandi, yanenze kiriya cyemezo cyafashwe n’ubuyobozi bw’iriya kipe aho yanyujije ubutumwa kuri Twitter avuga ko kidafite aho gishingiye.

    Yagize ati 'Ubwo icyaha ashinjwa ni ikihe ? Giteganywa n’iyihe ngingo y’amategeko ahana ? Uwahagaritse uyu mutoza ahubwo niwe wari ukwiye guhanwa, kuko atubahirije ingingo ya 16 y’Itegeko Nshinga rya Repubulika y’u Rwanda.'

    Ambasaderi Dr Diane Gashumba uhagaraririye u Rwanda muri Sweden na we yanenze kiriya cyemezo avuga ko 'Uwamuhagaritse [umutoza] yavanguye ! Abakinnyi impungenge bagize ntiyanasobanuye izo ari zo !'

    Uretse aba bahoze muri Guverinoma y’u Rwanda, hari n’abandi baharanira uburenganzira bwa muntu banenze kiriya cyemezo bavuga ko ubusanzwe amahitamo y’umuntu ku byerekeye imikoreshereze y’umubiri we nta na rimwe agomba kumubuza uburenganzira runaka.

    UKWEZI.RW

    Source : http://www.ukwezi.rw/mu-rwanda/3/Babiri-bahoze-muri-Guverinoma-y-u-Rwanda-bamaganye-iby-ikipe-yirukanye-umutoza-imuziza-Ubutinganyi