Webrwanda Backend

Author: webrwanda

  • Umuhanzikazi Vanessa Mdee n’umukunzi we Rotimi bibarutse imfura y’umuhungu #Rwanda #RwOT via @kigalitoday #rwanda #RwOT

    Vanessa Mdee w’imyaka 33 ukunzwe muri Tanzania ndetse no muri Afurika muri rusange akaba aririmba mu rurimi rw’igiswahili n’Icyongereza. Ni umwe mu bantu bajya batumirwa mu kuba abakemurampaka mu irushanwa ryo guteza imbere abantu bafite impano mu kuririmba muri Afurika y’Iburasirazuba (East African’Got Talent Judges).

    Aba bombi batangiye gukundana nyuma y’aho bahuriye muri “Essence Festival after party”.

    Jacyiom yabereye muri New Orleans muri cya Leta zunze ubumwe za America ni nyuma yaho Vanessa yari amaze gutandukana n’umuhanzi Juma Jux mu mwaka wa 2019. Gutangaza ko Vanessa ko atwite byatunguye benshi kuko atigeze agaragaza ikimenyetso na kimwe cyuko yaba atwite ku mbuga nkoranyambaga gusa mu byuweru bibiri bishize yari yakorewe ibirori byo kwitegura umwana bizwi nka Baby Shower.

    source : https://ift.tt/3zXh1jp

  • Zamukana na 4G: MTN Rwanda yongereye interine… – #rwanda #RwOT

    Interineti y’ukwezi yatangaga 4GB ku 5000 Rwf na 12GB ku 10000Rwf, ubu ziri gutangwa ari 7GB na 30GB uko zikurikirana ku giciro kimwe. Abakiriya bakwakira iyi nyongera bakanda *345# ubundi bagahitamo uburyo bwa 4 bwo kugura interineti ya 4G. Intego ya MTN Rwanda yo guhindura imibereho y’abakiriya mu ikoranabuhanga binyuze muri iyi nyongera bageneye abakiriya, ni uko buri wese akwiriye kubona inyungu ku mibereho igezweho mu isi y’ikoranabuhanga.

    Yaw Ankoma Agyapong, umuyobozi muri MTN Rwanda ushinzwe abakiriya n’ikoranabuhanga yagize ati: “Imyaka ibiri ishize yahishuye ikenerwa ry’ingenzi rya interineti nziza, inagaragaza uburyo gukoresha interineti bitakiri iby’icyubahiro gusa ahubwo ari ingenzi. Muri MTN, turakora cyane kugira ngo ibiciro n’agaciro bijyane.  Uku kongera interineti ya 4G biha abakiriya bacu ubunararibonye na interineti ihagije yo gushakisha, gukoresha no gukura ibintu ku mbuga nkoranyambaga (downloading)”.

    Abakiriya bafite telefoni za 4G ku muyoboro wa MTN batari kwishimira serivise ya 4G muri telephone zabo, basabwa gukanda *456*1# bakamenya niba bafite SIM Card ya 4G. Abafite telephone za 4G bose bakaba badafite Sim card za 4G barasabwa guhinduza Simukadi (Sim swap) ku ishami rya MTN iryo ari ryo ryose ribegereye. Abakiriya bafite telefone zakira 4G banafite Simukadi za 4G ariko batabasha kwishimira serivise za 4G, kugira ngo bakoreshe interinti ya 4G/LTE barasabwa kubahiriza amabwiriza ari ku rubuga http://www.mtn.co.rw/4G-seffings

    Abakiriya badafite telefoni zakira 4G basura ishami iryo ari ryo ryose bakagurisha izo bari basanzwe bakoresha maze bagahabwa izakwakira 4G bagatangira kuryoherwa nayo Ned’s n’umuvuduko wayo.

    MTN Rwandace (PLC (MTN Rwanda) niyo kompanyi iyoboye isoko mu bijyanye n’itumanaho rya telefoni mu Rwanda. Kuva mu 1998, yakomeje gushora mu kwagura no guteza imbere ibikorwa byayo kandi niwo muyoboro wa 1 mu gihugu. MTN Rwanda itanga udushya dutandukane ku bakiriya ndetse n’ibigo harimo gutanga ama inite, interineti, interineti ikomatanyije. Niyo ya mbere mu bijyane n’ikoranabuhanga ry’amafaranga kuri telefoni binyuze mu kigo cyayo, Mobile Money Rwanda Ltd.

    Ryoherwa na interineti yihuta ya 4G wazaniwe na MTN

    Source : https://inyarwanda.com/inkuru/110014/zamukana-na-4g-mtn-rwanda-yongereye-interineti-yihuta-ya-4g-ku-bakiriya-bayo-110014.html

  • IFOTO Y'UMUNSI: Bahavu Jannet n'umugabo we, Fleury Legend – YEGOB #rwanda #RwOT

    Kuri uyu wa Kane tariki ya 30 Nzeri 2021, twabazengurukiye imbuga nkoranyambaga zitandukanye kugirango tubategurire ifoto y'umunsi. Ifoto twabahitiyemo kuri uyu munsi ni iya Bahavu Jannet n'umugabo we, Fleury Legend. Ni ifoto yashyiwe hanze ku rukuta rwa instagram rwa Bahavu Jannet, ni ifoto yashyize hanze nyuma yo kwishimira ibyo umugabo we, Fleury Legend, yari amaze kumukorera.

    Source : https://yegob.rw/ifoto-yumunsi-bahavu-jannet-numugabo-we-fleury-legend/

  • Icyo wamenya ku munyamideli Ky ukurikirwa na… – #rwanda #RwOT

    Ky yavutse 1996 akurira i Abidjan. Afite impamyabumenyi mu by’ubucuruzi yakuye muri Institut national polytechnique Félix Houphouët-Boigny muri Yamoussoukro. Amaze kurangiza amashuri, yashatse gukora mu buhanzi no gushushanya. Yatangiye umwuga mushya mu bijyanye no kwerekana imideli, muri 2016 atangira kwerekana ubudasa bwo kubyaza umusaruro umusatsi we, kuwufunga mu buryo butangaje, ibyaje kuba ubugeni butuma ajya ahamagarwa mu marushanwa atandukanye y’imideli.

    Ky ukurikirwa cyane ku mbuga nkoranyambaga, nka Instagram akurikirwa n’ibihumbi hafi 700 na TikTok afite abamukurikira barenga Miliyoni 5, yaje guhimba ubu buryo yise Ky Concept. Ubwo buryo bugaragaza guhanga kwe kandi bigenda byiyongera, Buri gishushanyo cye mu misatsi ye  akoresha intoki ze, akacyiboha bitewe na Model ashaka gusohokana no kwereka abamukurikira. Muri 2017, yakiriye amahugurwa ye ya mbere ahita akora icyo  yise “Ky Braids” yigisha abandi ibihangano.

    Ky, yagiye ashyira hanze ibishushanyo yakoze bitandukanye, yakoze ibirimo imitima, ibiganza, nyababyeyi, ibiti  radio, gitari n’ibindi yashyize ku mutwe we. Muri 2018, yatorewe kuba umwe mu rubyiruko rwa mbere  kuri On Rise Côte d’Ivoire, gahunda iyobowe na 'L’Association des Conseils en Lobbying et Affaires Publiques de Côte d’Ivoire' (ACLAP-CI). Muri uwo mwaka, yatorewe kuba umwe mu rubyiruko rw’intyoza  no kuvuga igifaransa neza ku isi,  ‘Prix Jeunesse Francophone’. Umwaka wa 2019  urangiye, yahawe amasezerano biturutse ku marushanwa ya Elite Model ku bufatanye na TikTok.

    Source : https://inyarwanda.com/inkuru/110003/icyo-wamenya-kumunyamideli-ky-ukurikirwa-na-miliyoni-5-kuri-tiktok-wamamaye-kubera-uburyo–110003.html

  • Ndashima Imana yaburijemo umugambi mubi wa… – #rwanda #RwOT

    Ku Cyumweru tariki 26 Nzeri 2021 ahagana saa Yine n’igice za mu gitondo, ni bwo Prosper Nkomezi, umuramyi uri mu bahanzi bakunzwe cyane mu muziki wa Gospel yakoze impanuka y’imodoka ariko Imana ikinga ukuboko. Iyi mpanuka yayikoze ubwo yari mu nzira ajya ku rusengero avuye kuri Magic Fm y’Ikigo cy’Igihugu cy’Itangazamakuru (RBA), muri gahunda y’ivugabutumwa rinyuze mu kumenyesha abantu indirimbo ye nshya ‘Nzakingura’ aherutse gusohora.

    Ubwo yari mu muhanda, ipine y’imodoka yari atwaye yaraturitse, maze imodoka iribirindura, ariko Imana ikinga ukuboko ntiyagira icyo aba usibye gusa ko yakomeretse ku kuboko ariko bikaba bidakanganye nk’uko abyivugira ati “Ni akantu gato cyane ku kuboko katagize icyo gatwaye”. Avuga ko atamenye uko imodoka yibirinduye, akongeraho ko “Imana ni inyemaboko” kuko yamurokoye iyo mpanuka.

    Mu gitondo cyo kuri uyu wa Kane tariki 30 Nzeri 2021, Prosper Nkomezi yifashishije urubuga rwa Twitter, agaragaza ishimwe rye ku Mana yamurokoye impanuka yari igiye gutwara ubuzima bwe. Yavuze ko uburinzi bw’Imana butangaje! Yanditse ati “Ndashima Imana yaburijemo umugambi mubi wa satani wari uwo kunyica ariko Imana iranyimana! Uburinzi bw’Isumbabyose buratangaje!!”.

    Prosper Nkomezi ati “Uburinzi bw’Isumbabyose buratangaje!”

    Mu kiganiro na InyaRwanda.com, Prosper Nkomezi yavuze ko kera yajyaga yumva abantu bavuga ngo Imana yarabimanye akumva ari ibikabyo, ariko ubu akaba ari umuhamya kuko byamubayeho akabona Imana imwimana. Ati “Kera numvaga abantu bavuga ngo Imana yaratwimanye nkumva ari ibikabyo, ariko ubu nabivuga nanjye”.

    Uyu muramyi yavuze ko yaje gusanga mu buzima bwa buri munsi bwa muntu hari uburinzi bw’Imana, kuko ibintu byinshi Imana irinda muntu harimo n’ibyo atamenya. Ati “Natahuye neza ko iyo Imana ikigufiteho umugambi no mu rupfu irugukuramo nk’uko yazuye Lazaro, kandi hari byinshi Imana iturinda ntitunabimenye. Umuntu ntabaho ahubwo haba uburinzi bw'Imana mu buzima bwacu bwa buri munsi”.

    Imodoka yari atwaye yaturitse ipine maze iribirindura ariko Prosper ntiyagira icyo aba

    Prosper Nkomezi yakoze iyi mpanuka nyuma y’iminsi 4 ashyize hanze indirimbo nshya ‘Nzakingura’, yageze hanze tariki 22 Nzeri 2021. Ni indirimbo yashibutse ku bintu abona muri iyi minsi aho abantu benshi barimo n’abakristo birukankira mu gushakira ibisubizo mu bantu kandi ntibabibone, nyamara Yesu yarivugiye ubwe ko abazamushakana umwete bose bazamubona, kandi ko uzamusaba icyo ari cyo cyose azakimuha. Abwira abantu ko ibisubizo by’ibyo bashaka byose biri muri Yesu Kristo, bityo ko ari we bakwiriye kwisunga. 

    Izina Prosper Nkomezi ryamenyekanye cyane binyuze mu ndirimbo zitandukanye yakoze zirimo: Sinzahwema, Urarinzwe, Yaranyishyuriye, Humura, Ibasha gukora, Wanyujuje, Singitinya, Urihariye, Nshoboza, Nzayivuga, Ndaje, n’izindi zihembura imitima ya benshi. Kuri ubu afite indirimbo nshya yise ‘Nzakingura’ yasohokanye n’amashusho yayo.

    Prosper Nkomezi arashima Imana yamurokoye urupfu

    Abakunzi ba Prosper Nkomezi bifatanyije nawe gushima Imana yamurokoye impanuka

    REBA HANO ‘NZAKINGURA’ INDIRIMBO NSHYA YA PROSPER NKOMEZI

    Source : https://inyarwanda.com/inkuru/110005/ndashima-imana-yaburijemo-umugambi-mubi-wa-satani-ishimwe-rya-prosper-nkomezi-wasimbutse-u-110005.html

  • Amarangamutima ya Rukundo Dismas witabiriye … – #rwanda #RwOT

    Ni irushanwa rihuza abasore b'ibituza kandi bagaragara neza, bo mu bihugu bitandukanye byo muri Afurika. Risanzwe kandi rifasha abaryitabira gukabya inzozi zabo z'ibyo bashakara gukora, bagashyigikirwa mu mishinga batanze, n'ibindi.

    Kuva ryatangira, ryegukanwe n'abasore batandukanye barimo n'umunyarwanda Jay Rwanda, waryegukanye mu 2017 nyuma ya Moses Turahirwa washinze inzu y'imideli ya Moshions, wabaye igisonga cya Mbere cya Rudasumbwa mu mwaka w'2015.

    Kuva tariki 16-18 Nzeri 2021, ryabereye muri Côte d’Ivoire ku nshuro ya cyenda, rihuje abasore 13 nyuma y'ibyiciro bitandukanye abari bahatanye banyujijweho.

    U Rwanda rwahagarariwe na Rukundo Dismas Miss&Mister Elegancy Rwanda, Mister Supranational, ndetse yabaye igisonga cya mbere cya Mister UTB mu mwaka w'2016.

    Kuva yakwitabira aya marushanwa yombi, uyu musore yarushijeho gushaka uko yahagararira u Rwanda muri Mister Africa international.

    Byamusabaga kwiyandikisha, guhatana mu byiciro byabereye kuri internet, gushaka amafaranga agera muri miliyoni y'amanyarwanda kugira ngo azajye muri Côte d’Ivoire.

    Kwitegura kujya muri iri rushanwa, yabimenyeshejwe habura iminsi ine, azinga utwangushye. Ni urugendo avuga ko rwamworohereye, kuko mu nzira yahuye n'abandi basore bari bahatanye, bajyanye kugeza bageze kuri Hotel bari bacumbikiwemo.

    Abasore bose berekanye ibyangombwa bigaragaza ko batanduye Covid-19. Iru rushanwa ryabaye mu gihe cy'iminsi ibiri. Ku munsi wa mbere, abasore bose bahatanye mu gice cyo kwifotoza bambaye imyenda yifashishwa ku bwogero.

    Ikamba ryegukanwe n'umusore wo muri Nigeria. Nyuma bakoze igikorwa cyo gutanga amaraso.

    Ku munsi wa kabiri, bahatanye mu cyiciro cy'umusore ufite imbaraga, ikamba ryegukanwa n'uwo muri Cameroon.

    Ku munsi wa gatatu w'iri rushanwa, abasore biyerekanye mu mwambaro ugaragaza umuco wa buri gihugu, baniyerekana mu myambaro yo kuri 'piscine'.

    Mu kiganiro na INYARWANDA, Rukundo Dismas yavuze ko ubwo yavaga mu Rwanda, yasenze Imana ayisaba kuzamufasha ntazatahe amara masa muri iri rushanwa.

    Avuga ko yateye iri sengesho kubera ko azi abandi bahagarariye u Rwanda, bagiye batsindwa bakavugwa cyane mu itangazamakuru, kubera ko batabashije kwimana u Rwanda.

    Ati 'Mpaguruka hano ngenda, naravuze nti 'Mana niba wumva gusenga sinzasubire muri iki gihugu nta kamba nzanye'. Kuko ikintu cya mbere cyancaga imbaraga ni nk'uko wenda ba Miss babaga basohokeye Igihugu, ukajya kubona ukabona inkuru ngo batsinze, batsinze, Umunyarwanda yatashye amara masa.'

    'Iryo jambo naravuze nti 'Mana yanjye sinshaka kuryumva mu matwi yanjye'.'

    Rukundo yavuze ko umunsi wa nyuma w'iri rushanwa wageze, yamaze kubona ko umusore wo muri Angola ari we uzegukana ikamba.


    Rukundo waserukiye u Rwanda muri Mister Africa International

    Rukundo avuga ko yabashije kwegukana ikamba ryiswe 'Mister Substance', rikubiyemo atatu arimo Mister Speaker, Mister Bright na Mister Elegancy.

    Yegukanye iri kamba nyuma y'uko ageze mu icyenda ba nyuma, bavuyemo Mister Africa International. Ngo ataratangazwa ko yegukanye iri kamba, abandi basore bamubwiraga ko ari we uza kwegukana ikamba rikuru, cyangwa se akaboneka mu bisonga.

    Yavuze ko akimara gutangazwa ko yegukanye ikamba, yumvise atunguwe ariko kandi ashima Imana imufashije kudataha amara masa.

    Ati 'Numvise ari nk'ibintu bitunguranye. Kuko urumva niryo kamba rikurikira ibisonga, uva kuri iryo ngiryo ujya ku bisonga, ujya kuri 'Mister'. Naravuze nti uko biri kose, intambwe yo nari nayiteye. Nahise mvuga nti 'Mana aho bigeze urakoze cyane'.'

    'Numvise nishimiye nyine. Ndavuga nti nibura u Rwanda ruramenyekanye, ruravuzwe. Burya birababaza, n'iyo wagenda ukavuga uti ngeze mu icyenda ba mbere, ariko byibuze iyo ugize n'akantu utahana nibura wumva ko n'igihe cyawe hari ikintu cyakoze.'

    Muri iri rushanwa, hatanzwe amakamba umunani. Rukundo yabaye 'Best Speaker' mu cyiciro cy'ibazwa 'interview' , cyabaye kuri internet.

    Yabaye uwa kane mu cyiciro cy'amatora yo kuri internet, yakozwe abantu batora bishyura amafaranga, ndetse mu cyiciro cyo guhatana ku mbuga nkoranyambaga yabaye uwa kabiri.

    Nta mafaranga yaherekeje amakamba yatanzwe muri iri rushanwa. Gusa, Rukundo avuga ko bafite icyizere cy'uko hari ibyo bazagenerwa.

    Umunya-Sierra Leone yegukanye ikamba ry'umusore wahize abandi mu matora yo kuri internet (People's Choice), yegukana ikamba mu kugaragaza umuco (Mister Culture).

    Ikamba rya 'Mister Beach Body' ryegukanywe n'Umunya-Nigeria, ikamba rya Mister Photogenic ryegukanwe n'umunya-Guinea, ikamba rya Top Model ryegukanwe n'umunya-Liberia.

    Umunyarwanda Rukundo Dismas wahagarariye u Rwanda mu irushanwa Mister Africa International     

    Umusore ukomoka muri Angola Eryvaldo Reis niwe wegukaye ikamba rya Mister Africa International 2021

    Umunyarwanda Rukundo Dismas ari kumwe na mugenzi we wo muri Côte d'Ivoire


    Rukundo yavuze ko ashima Imana kuba ataratashye amara masa muri iri rushanwa, ashima abamushyigikiye

    Muri iri rushanwa, Umunya-Sierra Leone [Uri ibumoso] yegukanye amakamba atatu 

      

    Moctar Drame wabaye igisonga cya mbere cya Mister Africa International

    Umunyarwanda Rukundo Dismas [Uri iburyo] yabonetse mu basore icyenda bavuyemo Mister Africa International

    Umunya-Zimbabwe, Devson T Luzane yabaye igisonga cya Gatatu

    KANDA HANO UREBE IKIGANIRO TWAGIRANYE NA RUKUNDO DISMAS WITABIRIYE 'MISTER AFRICA'

    “>

    Source : https://inyarwanda.com/inkuru/110004/amarangamutima-ya-rukundo-dismas-witabiriye-mister-africa-akegukana-ikamba-rikubiyemo-atat-110004.html

  • Umugabo yakubise uruhinja urushyi ruhita rup… – #rwanda #RwOT

    Kuwa  28  Nzeri, umugabo uzwi ku izina rya  Arturo Santiago Pena-Almanza Jr, yatawe muri yombi nyuma yo kwica umuhungu we w'imyaka ibiri. Yakubise umwana we urushyi umwana abura umwuka  arapfa.  Arturo Santiago Pena-Almanza Jr., yakubise umuhungu w’uruhinja  inshuro nyinshi ubwo bari  muri gare ya  300  Brown Drive muri Irving.

    Ku ikubitiro, uyu mugabo yatawe muri yombi ku wa gatatu ashinjwa urupfu rw’umuhungu we, iperereza ryemeje ko urupfu rw'umuhungu atari impanuka ahubwo yakubiswe urushyi agahungabana. Nk’uko StarTelegram ibitangaza, Pena-Almanza yahamijwe  icyaha cyo kwica umuntu agezwa muri gereza ya Dallas. 

    Source : https://inyarwanda.com/inkuru/110010/umugabo-yakubise-uruhinja-urushyi-ruhita-rupfa-aruziza-ko-rumunyariye-110010.html

  • Uburobyi mu Kivu bwakomeje gusubikwa kubera kutagira imitego yemewe #Rwanda #RwOT via @kigalitoday #rwanda #RwOT

    Abarobyi baganiriye na Kigali Today bavuga ko biteguye kujya mu mazi ariko babuzwa n’uko bamwe mu bayobozi n’abandi badafite imitego yujuje ubuziranenge none abafite imitego yemewe babujijwe nabo kujya mu mazi.

    Umwe utashatse ko amazi ye atangazwa yagize ati “RAB yasabye ko hakoreshwa imitego yujuje ubuziranenge, ariko abayobozi bacu ntayo bagira, byatumye n’abayifite tubigenderamo kuko umuyobozi ntiyaguha uburenganzira kandi nawe atemerewe.”

    Itangazo rya Minisiteri y’Ubuhinzi ryanditswe tariki ya 23 Nzeri rivuga ko gukoresha no gucuruza ibikoresho byangiza uburobyi bibujijwe, icuruzwa ry’ibikoresho by’uburobyi n’ubworozi bwo mu mazi risabirwa uruhushya rutangwa na RAB.

    Minisiteri y’Ubuhinzi n’Ubworozi yasabye aborozi bakorera mu Kiyaga cya Kivu ko imitego ikoreshwa kuroba isambaza mu makipe yemewe ari umutego ufite ijisho rya mm 6 kuzamura, umutego w’icyerekezo ufite mm9 na 10.

    Imitego iroba ingudu igomba kuba ijisho rya inch 1,5, naho Tilapia umutego ugomba kuba ufite ijisho rya inch 4 kuzamura.

    Itangazo riburira abantu bose ko inzitiramubu, umutego ukozwe n’urudodo rumwe uzwi nka Kaningini utemewe.

    Mukasekuru Mathilde umuyobozi muri Ministere y’Ubuhinzi avuga ko ikibazo cyatewe n’abarobyi batubahiriza amasezerano bagiranye na Minisiteri y’ubuhinzi.

    Agira ati; “Byatangiye 2019 tubasaba gukuraho imitego ifite amaso ya 4, batwizeza ko bazajya babikora buri mwaka aho 2020 bagombaga kureka imitego ifite ijisho rya 5, 2021 hagakoreshwa imitego yemewe ariko nubu baracyakoresha imitego itemewe.”

    Kimwe mu kibazo gikomeje kugora uburobyi bukorerwa mu kiyaga cya Kivu ni imitego itemewe ikoreshwa, abarobyi bakavuga ko ikoreshwa n’abayobozi b’amakoperative, abayobozi b’amahuriro ya Koperative hamwe nababaha ruswa.

    Ku mugoroba tariki ya 30 Nzeri biteganyijwe ko hakorwa inama ihuriwemo n’abayobozi b’amakoperative akora uburobyi mu kiyaga cya Kivu, Guverineri w’Intara y’Uburengerazuba, Abayobozi b’uturere dukora ku kiyaga cya Kivu, Minisitiri w’Ubuhinzi n’ubworozi n’umuyobozi wa RAB kugira ngo haganirwe uko ikibazo cy’imitego itemewe cyacika mu kiyaga cya Kivu.

    Imitego itemewe ishyirwa mu majwi kuba nyirabayazana yo kuroba amafi n’isambaza bitarakura, bigatuma hafatwa igihe cyo gufunga ikiyaga kugira ngo isambaza zibone umwanya wo kororoka.

    source : https://ift.tt/3kWlT47

  • Perezida Kagame yageze Abu Dhabi – #rwanda #RwOT

    Iyi nama itegurwa n’Umuryango wo mu Busuwisi uzwi nka ‘WPC Foundation’ hagamijwe kuganira kuri Politiki y’ububanyi mpuzamahanga n’ubukungu.

    Amakuru dukesha Ibiro by’Umukuru w’Igihugu avuga ko Perezida Kagame yageze Abu Dhabi kuri uyu wa 30 Nzeri 2021.

    Perezida Kagame ni umwe mu bazitabira iyi nama izatangira kuva ku wa 1 kugeza ku wa 3 Ukwakira 2021.

    Biteganyijwe ko iyi nama izahuriza hamwe abayobozi batandukanye, abahanga mu ngeri zinyuranye, abanyamakuru n’abacuruzi bakomeye. Aba bose batoranywa hagendewe ku izina rikomeye bafite, kandi imigabane yose ikaba ihagarariwe.

    Iyi nama igiye kuba ku nshuro ya 14 kuko iya mbere yabaye mu 2008, ibera mu bihugu bitandukanye; iy’uyu mwaka ikaba iteganyijwe kubera Abu Dhabi.

    Perezida w’u Rwanda Paul Kagame yageze Abu Dhabi, aho azitabira ‘World Policy Conference’

    source : https://ift.tt/2Y1lJzi

  • Abadepite batoye itegeko rigenga Akarere, umubare w’abagize Njyanama uragabanywa – #rwanda #RwOT

    Ubusanzwe wasangaga Akarere gafite abajyanama 38 na 39 cyangwa bakaba hejuru ya 20 bitewe n’imirenge ikagize. Itegeko rishya rigena ko uyu mubare ugabanywa.

    Usibye kuba umubare wagabanutse kandi harifuzwa ko abagize njyanama bajya baba ari abantu bafite ubumenyi butandukanye ku buryo bazajya babasha guha akarere ibitekerezo bigafasha mu iterambere.

    Aba bajyanama bazajya batorwamo umunani rusange bazajya batorerwa ku rwego rw’akarere. Abazajya baba bagize njyanama y’akarere 30% bagomba kuba ari abagore.

    Muri bo kandi hazajya habamo Umuhuzabikorwa w’Inama y’Igihugu y’Urubyiruko ku rwego rw’Akarere, Umuhuzabikorwa w’Inama y’Igihugu y’Abagore ku rwego rw’Akarere, Umuhuzabikowa w’Inama y’Igihugu y’Abafite ubumuga ku rwego rw’Akarere ndetse na Perezida w’Abikorera mu Karere.

    Hagaragajwe ko icyatumye uyu mushinga utegurwa harimo ingingo z’itegeko ryihariye rigenga Umujyi wa Kigali zari zisanzwe mu itegeko zakuwemo hasigara ibirebana n’imitunganyirize n’imikorere by’Akarere n’inzego z’imitegekere zikagize.

    Minisitiri w’Ubutegetsi bw’Igihugu, Gatabazi Jean Marie Vianney, yabwiye RBA ko iri tegeko rizafasha mu miyoborere y’akarere cyane cyane kuri njyanama, no mu iterambere abaturage bifuza.

    Abagize Njyanama z’uturere ni bamwe mu bagira uruhare rukomeye mu iterambere ry’uturere kuko bafasha abayobozi mu kugena imiyoborere ikwiye.

    Abadepite batoye itegeko rigenga Akarere, umubare w’abagize Inama Njyanama uragabanywa

    source : https://ift.tt/3F6JdEh