Webrwanda Backend

Author: webrwanda

  • Umuririmbyi Prosper Nkomezi mu mashimwe menshi nyuma yo kurokoka impanuka ikomeye #rwanda #RwOT

    Mu butumwa yanyujije ku mbuga nkoranyambaga ze buherekejwe n’ifoto igaragaza imiterere y’impanuka yakoze mu mpera z’icyumweru gishize, yavuze ishimwe rikomeye afite ku mutima.

    Yagize ati 'Ndashima Imana yaburijemo umugambi mubi wa satani wari uwo kunyica ariko Imana iranyimana ! uburinzi bw’Isumba byose buratangaje !!!'

    Nk’uko bigaragaza n’iyi foto yashyize ku mbuga nkoranyambaga, bigaragara ko imodoka ya Nkomezi yibiranduye igice cyo hejuru kikajya hasi.

    Ubwo yari mu kiganiro kuri Television Isibo, yavuze ko iriya mpanuka yabaye ubwo yari ageze ku Gishushu avuye mu kiganiro kuri kimwe mu bitangazamakuru byo mu Rwanda ipine y’imodoka igaturika bigatuma imodoka ihita yibirandura.

    Prosper Nkomezi wavuze ko iriya mpanuka yongeye kumwereka umugambi n’uburinzi Imana imufiteho, yavuze ko nubwo imodoka yibiranduye kuriya ariko we yavuyemo ari mutaraga ngo uretse agakomere nako gato yagize ku kaboko.

    UKWEZI.RW

    Source : http://www.ukwezi.rw/Imyidagaduro/article/Umuririmbyi-Prosper-Nkomezi-mu-mashimwe-menshi-nyuma-yo-kurokoka-impanuka-ikomeye

  • Yvonne Idamange yakatiwe igifungo cy' imyaka 15 #rwanda #RwOT

    Idamange yaburanye ahakana ibyaha byose yarezwe avuga ko ari ibitekerezo bwite yemererwa n'itegekonshinga gutanga, mbere y'uko yivana mu rubanza.

    Yafunzwe mu kwezi kwa kabiri aregwa; guteza imvururu muri rubanda, gupfobya jenoside, gutesha agaciro ahashyinguwe imibiri y'abazize jenoside, gutangaza amakuru y'ibihuha hakoreshejwe ikoranabunga n'icyaha cyo gutanga sheki (cheque) itazigamiwe.

    Ku cyicaro cy'uru rukiko i Nyanza mu majyepfo y'u Rwanda, umucamanza mukuru yavuze ko hashingiwe ku bimenyetso byatanzwe n'ubushinjacyaha ibi byaha byose Idamange bimuhama.

    Ubushinjacayaha bwamureze bushingiye ku byo yavugiye kuri YouTube birimo gusaba abantu kujya ku biro by'umukuru w'igihugu kwigaragambya, kuvuga ko Perezida Paul Kagame yapfuye, cyangwa ko leta icuruza jenoside.

    Idamange we, mbere y'urubanza mu mizi, yavuze ko ibyo yatangaje ari ibitekerezo bye bwite bishingiye ku buryo abona ibintu kandi ibyo atagomba kubiryozwa kuko byemerwa n'itegekonshinga.

    Uyu munsi umucamanza yavuze ko mu byo Idamange yatangaje harimo imvugo zirengera ku ihame ryo gutanga ibitekerezo mu bwisanzure.

    Mu kumuhamya ibyaha, umucamanza yavuze ko kuba yaravuze ko “leta yica abantu, ko igihugu kitagira perezida ahubwo kiyobowe n'umuzimu” ari inkuru zidafite isoko izwi kandi “zishobora gutera ubwoba n'intugunda muri rubanda”.

    Ku gutanga sheki itazigamiye ya 400,000Frw y'ubukode bw'inzu, urukiko rwavuze ko nubwo Idamange yavuze ko iyo sheki yaje kuyishyura kandi icyaha cyashaje, ariko ngo nta kimenyetso yabitangiye kandi icyo cyaha gisaza mu myaka itatu ikaba ngo itarashira.

    Umucamanza yamuhamije ibyaha byose aregwa, amukatira gufungwa imyaka 15 n'ihazabu ya miliyoni ebyiri.

    Umushinjacyaha we yari yamusabiye gufungwa imyaka 30 n'ihazabu ya miliyoni esheshatu.

    Yivanye mu rubanza aburanishwa adahari

    Ubwo urubanza mu mizi rwari rugiye gutangira, urukiko rwategetse ko ruburanishwa mu muhezo kubera “bimwe mu byagombaga kuvugirwa mu rubanza” bavuga ko bitari bikwiye kumvwa na rubanda.

    Ibi Yvonne Idamange yarabyanze avuga ko aregwa ibyo yavugiye ku karubanda, bityo akwiye kuburanishwa rubanda ireba.

    Madamu Idamange yihannye (yanze) kandi umucamanza wari ukuriye inteko yari igiye kuburanisha urubanza rwe avuga ko abogamye, bityo adakwiye kumuburanisha.

    Urukiko rwanze imbogamizi zose zatanzwe na Idamange rutegeka ko urubanza ruburanishwa mu muhezo kandi rugakomeza kuyoborwa n'umucamanza uregwa yihannye.

    Idamange yahise avuga ko atazigera arwitabira, nyuma aburanishwa adahari.

    Uyu munsi, yahamijwe ibyaha aregwa anakatirwa nabwo ari we cyangwa abamwunganira nta n'umwe uhari.

    BBC

    Source : https://umuryango.rw/amakuru/mu-rwanda/ubutabera/article/yvonne-idamange-yakatiwe-igifungo-cy-imyaka-15

  • Inzu nziza igurishwa muri Nyamata 16million #rwanda #RwOT

    Inzu igurishwa mu karere ka Bugesera aho bite ku cyeru
    Ifite ibyumba 4 na toilette 2 na cuisine imbere mu nzu
    Iri mu kibanza 15/27
    Iragurishwa 16million negotiable

    Kubindi wabariza kuri 0789232921.

    Source : http://www.ukwezi.rw/gura/article/Inzu-nziza-igurishwa-muri-Nyamata-16million

  • Bifuza ko igishanga cy’Agatobwe cyatunganywa kuko kibateza imyuzure ibangiriza imyaka #Rwanda #RwOT via @kigalitoday #rwanda #RwOT

    Abahinga mu Gishanga cy
    Abahinga mu Gishanga cy’Agatobwe bifuza ko cyatunganywa, bikabakuriraho imyuzure ituma barumbya

    Abahinga muri iki gishanga bavuga ko bacyitunganyirije mu mwaka wa 2017. Icyo gihe baciyemo amapariseri yo guhingamo, bakora n’imiferege itwara amazi, ariko ibi ntibibuza ko mu gihe cy’imvura nyinshi amazi yuzuramo, akabatwarira imyaka.

    Ayo mazi yuzura mu mirima yabo ni ava mu kagezi k’Agatobwe kayinyuramo, andi akava mu muhanda wa kaburimbo uherutse gutunganywa, andi na yo akava mu gasantere ka Karama.

    Uwitwa Thaciana Mukanshaka, ahinga hafi y’umuhanda wa kaburimbo. Agira ati “Iyo imvura yaguye ari nyinshi haratwarwa, tugasarura utwagiye turokoka. Hatwawe kurusha guhera mu mwaka ushize kubera uriya muhanda, kuko umucanga wawumanutsemo warenze ku bigori.”

    Yungamo ati “Bari bavuze ko uruzi bazaruyobya ngo barebe yuko hatakongera gutwarwa, ariko ntibirakorwa. Turahinga ari ugupfa guhinga.”

    Placidie Uwitonze we ahinga mu gice kimanukiramo amazi aturuka ku gasantere ka Karama. Avuga ko amazi ahamanuka ari menshi cyane ku buryo atwara inyongeramusaruro baba bahinganye n’imyaka.

    Agira ati “Rwose uwadufatira amazi aturuka mu gasantere ka Karama yaba akoze, ayahaturuka ahura n’ay’Agatobwe, ifumbire igahita ishiramo tugahomba gutyo.”

    Emmanuel Nzabirinda avuga iby’ibihombo bagiye baterwa n’imyuzure agira ati “Imyuzure iraduhombya muri rusange, ariko njyewe ku giti cyanjye nigeze guhinga block zigera muri eshanu z’ibigori. Buri block nagombaga kuyisaruramo umufuka w’ibigori, ariko nasaruyemo umufuka umwe muri zose.”

    Nyuma yaho ngo yahinze ibirayi muri ya mablock atanu, ariko yose hamwe ngo nta mufuka yakuyemo kuko amazi yaretse mu murima hanyuma ibirayi bikabora.

    Umuyobozi w’Akarere ka Huye, Ange Sebutege, avuga ko muri rusange mu Karere ayobora hakiri ibishanga biri ku buso busaga hegitari 748 bikeneye gutunganywa, kandi ko bateganya kuzabitunganya binyuze mu mirimo y’amaboko ihabwa abakene muri gahunda ya VUP.

    Ati “Haracyakorwa inyigo. Ntabwo bizakorerwa rimwe ariko gahunda ni iy’uko bizakorwa n’abaturage babigizemo uruhare.”

    Ibi ngo bizafasha ko haramutse hagize icyangirika, ba baturage bagize uruhare mu kubyubaka bagikosora.


    source : https://ift.tt/3mtTfqH

  • Umusaruro wa Soya ugera mu nganda ziwutunganya uracyari mucye – MINAGRI #Rwanda #RwOT via @kigalitoday #rwanda #RwOT

    Minisitiri Muheshimana na Guverineri w
    Minisitiri Muheshimana na Guverineri w’Intara y’Amajyepfo, Kayitesi Alice, batera Soya

    Ni muri urwo rwego MINAGRI itangaza ko hari ingamba zo kongera umusaruro wa soya aho yatangiye gushishikariza abahinzi guhuza ubutaka bunini kugira ngo bongere umusaruro w’icyo gihingwa, gikungahaye ku ntungamubiri zikenerwa n’abakuru n’abato ndetse n’amatungo.

    Minisitiri w’Ubuhinzi n’ubworozi, Dr. Geraldine Mukeshimana, avuga ko uruganda rwa Shisha kibondo rukora ibyo kurya by’abana, n’izindi nganda zitunganya soya zidahazwa n’iboneka mu Rwanda, ari yo mpamvu abahinzi bakwiye kwitabira kuyihinga, MINAGRI na yo igashaka imburo ishobora gutanga umusaruro uhagije.

    Mu nganda zikenera umusaruro wa soya kandi ngo harimo n’izishobora gukenera Toni ibihumbi 15 ku mwaka, ariko ikaba ikiri nkeya, mu gihe igiciro cyayo cyo kitajya kimanuka kuko nibura gishobora kugera ku mafaranga 800frw ku kilo kimwe.

    Agira ati “Kugeza ubu ntiturabona ikibazo cy’isoko rya soya ku bazihinga, turifuza ko umusaruro wakwiyongera kugira ngo ziriya nganda ziwukeneye zibone uko zikora, n’abahinzi babone amafaranga biteze imbere”.

    Mu Murenge wa Kibangu batangiye guhinga Soya ku buryo bwa kijyambere
    Mu Murenge wa Kibangu batangiye guhinga Soya ku buryo bwa kijyambere

    Mu rwego rwo kongera umusaruro wa soya, ku wa 29 Nzeri 2021 mu Karere ka Muhanga mu Murenge wa Kibangu ahahujwe ubutaka kuri Ha 70, hatangirijwe Igihembwe cy’ihinga 2022 A ku rwego rw’Igihugu, ahagiye guhingwa soya ku buso bwatunganyijweho amaterasi y’indinganire.

    Abaturage bo mu Murenge wa Kibangu bavuga ko ari ubwa mbere bagiye guhinga Soya ku buso buhujwe, kuko ubundi bayihingaga mu kajagari kandi bagakoresha imbuto zisanzwe ari na yo mpamvu umusaruro wabaga mukeya.

    Umwe muri bo agira ati “Wasangaga tuvanga soya, amateke n’ibigoli, ibihingwa bikagenda bicuranwa, ariko ubu batwigishije guhinga kijyambere ku buryo ifumbire twakoresheje nta gushidikanya ko tuzabona umusaruro uhagije kandi batubwiye ko tuzabona isoko”.

    Soya yahinzwe ku buso bwatunganyijweho amaterasi
    Soya yahinzwe ku buso bwatunganyijweho amaterasi

    Muri uwo murenge wa Kigangu bafite umuhigo wo guhinga kuri Ha 70 muri iki gihembwe cy’ihinga n’ikizagikurikira, aho nibura bateganya kweza toni n’igice kuri buri Ha, bikaba biteganyijwe ko hagiye gushakwa n’indi mbuto irumbuka cyane ya Rwasoy20, ishobora kuzatanga toni eshatu kuri ha yitaweho neza.


    source : https://ift.tt/3upQ2Md

  • Idamange yakatiwe gufungwa imyaka 15 – #rwanda #RwOT

    Umuvugizi w’Inkiko, Mutabazi Harrison, yabwiye IGIHE ko umwanzuro watangajwe kuri uyu wa Kane, tariki 30 Nzeri 2021, i Nyanza aho urukiko rufite icyicaro.

    Umucamanza yavuze ko ibimenyetso ubushinjacyaha bwatanze bigaragaza ko Idamange ahamwa n’ibyo ashinjwa.

    Idamange w’imyaka 42 y’amavuko yatawe muri yombi ku wa 15 Gashyantare 2021, nyuma y’iminsi akoresha imbuga nkoranyambaga agatangaza amagambo arimo gushishikariza abantu gukora imyigaragambyo imbere y’Ibiro by’Umukuru w’Igihugu.

    Uyu mugore yatangiye kuvugwa cyane mu itangazamakuru muri Gashyantare 2021, mbere y’aho ntabwo yari azwi na mba. Yifashishije YouTube maze akajya atambutsa ibiganiro birimo imvugo zagaragajwe nk’izigumura abaturage.

    Umunsi yafatiweho yari amaze gutangaza ikiganiro cyaje gikurikira ikindi yakoze yise “Amasengesho”. Mu kiganiro cye cya nyuma, yumvikana asaba Abanyarwanda bose kujya mu Ngoro y’Umukuru w’Igihugu ngo bakigaragambya, bitwaje za Bibiliya.

    Ubwo yatangiraga kwifashisha imbuga nkoranyambaga atambutsa ibiganiro bye, abantu benshi baramwamaganye, kugeza n’aho bamwe mu muryango we barimo abavandimwe be bitandukanyije na we kugera no ku mugabo babyaranye.

    Uyu mugore yaburanye ahakana ibyaha ashinjwa, akavuga ko nta muntu wishwe n’amagambo yavuze, kandi ko ntacyo aricyo cyo kuba yahamagarira abaturage ngo bamukurikire. Yavuze ko atari umuyobozi, nta n’ishyaka arimo ku buryo abaturage bari kumuyoboka.

    Idamange yahamijwe ibyaha yari akurikiranyweho birimo birimo guteza imvururu cyangwa imidugararo muri rubanda, gutanga amakuru y’ibihuha yifashishije ikoranabuhanga no gupfobya Jenoside

    source : https://ift.tt/2Wt1J8r

  • Jose Chameleone yifatiye ku gahanga Bobi Wine, ashimagiza Bebe Cool #rwanda #RwOT

    Umuhanzi ukomeye muri Uganda, yanenze Bobi Wine avuga ko ubwo yari arembeye mu bitaro atigeze amusura, ni mu gihe yashimye Bebe Cool kuko ngo we yamubaye hafi na mbere y’uko arwara.

    Mu mpera za Kanama 2021 nibwo umuhanzi Jose Chameleone yatwawe mu bitaro aho yamaze iminsi kubera uburwayi aho byavuzwe ko yari arwaye umwijima ndetse n’urwagashya byose byaturutse mu kunywa inzoga.

    Aganira na NBS TV, Chameleone yanenze Bobi Wine kuba ataramusuye ariko ashimira Bebe Cool kuko we ngo yamubaye hafi.

    Ati 'mu minsi ishize nararwaye, Bobi Wine ntabwo yigeze ansura. Bebe Cool ni we wakomeje kuza kundeba uko meze. Ibirenze ibyo yanyohererehe umutsima(cake) anyifuriza isabukuru nziza.'

    Atangaje ibi mu gihe no mu minsi ishize yavuze ko impamvu yavuye mu ishyaka rya National Unity Platform (NUP) rya Bobi Wine ari uko nta rukundo yeretswe ahitamo kujya muri NRM ya Museveni yamweretse ko imukeneye, ni mu gihe yahamyaga ko no kubonana na Bobi Wine byari ibibazo.

    Chameleone yavuze ko Bebe Cool ari we wamubaye hafi

    Chameleone yanenze Bobi Wine

    Source : http://isimbi.rw/imyidagaduro/article/jose-chameleone-yifatiye-ku-gahanga-bobi-wine-ashimagiza-bebe-cool

  • Rutahizamu wa APR FC, Byiringiro Lague yasezeranye imbere y’amategeko #rwanda #RwOT

    Rutahizamu wa APR FC n’ikipe y’igihugu y’u Rwanda, Byiringiro Lague yasezeranye imbere y’amategeko na Uwase Kelia aherutse kwambika impeta ya fiançailles.

    Ku mugoroba wo ku wa Kabiri tariki ya 28 Nzeri 2021, nibwo Byiringiro Lague yafashe umwanzuro yambika Kelia bamaze imyaka igera muri 4 bakundana impeta ya fiançailles, amusaba ko yazamubera umugore.

    Undi yarabyemeye ndetse mu gitondo cyo kuri uyu wa Kane tariki ya 30 Nzeri 2021 nibwo basezeranye imbere y’amategeko mu Murenge wa Nyarugenge, Akarere ka Nyarugenge mu Mujyi wa Kigali.

    Byiringiro Lague na Uwase Kelia nubwo batakunze gushyira hanze iby’urukundo rwabo cyane nk’ibindi byamamare, barakundana cyane ndetse n’isnhuti zabo za hafi zirabizi, nyuma yo gusezerana imbere y’amategeko bakaba bazakora ubukwe nyirizina mu Kuboza 2021.

    Byiringiro Lague yinjiye muri APR FC mu ntangiriro za 2018 avuye muri Vision FC ariko akaba yarabanje kunyura gato mu Intare FC, ikipe ifatwa nk’iya kabiri ya APR FC.

    Source : http://isimbi.rw/imyidagaduro/article/rutahizamu-wa-apr-fc-byiringiro-lague-yasezeranye-imbere-y-amategeko

  • Messengers Singers izasendereza abantu ibyishimo mu gitaramo nyuma y’igikundiro cyagaragarijwe indirimbo yabo #rwanda #RwOT

    Umuyobozi wa Messengers Singers, Ishimwe Emile, yavuze ko indirimbo Urahambaye yakiriwe neza n’abakunzi b’indirimbo zo kuramya no guhimbaza Imana bibatera imbaraga zo kwifuza gutaramira abakunnzi babo bifashije ikoranabuhanga (YouTube).

    Ati 'Indirimbo kugeza ubu yakiriwe neza cyane. Byatumye dutekeza kuyindi mishinga mishinga tugiye gukurikizaho, harimo igitaramo tuzakorera kuri YouTube ndetse n’Indirimbo project twatangiye gukora muri studio.'

    Emile avuga ko 'Messengers Singers izakora igitaramo cyo kuramya no guhimbaza Imana mu mpera z’umwaka hifashishizwe ikoranabuganga (YouTube)'

    Indirimbo 'Urahambaye’ irimo amagambo y’Isanamutima nk’aho baririmba bati 'Mana ny’irema urahambaye, ntakiriho nacyimwe cyitagenwe nawe duciye mu mitima inyuzwe tukwerereza shimwa.'

    Messengers Singers igizwe n’abaririmbyi umunani, bafite umwihariko wo kugira amajwi anyura amatwi.

    Messengers Singers ifite album ebyiri z’amajwi na album imwe y’amashusho, yamenyekanye mu ndirimbo nyinshi zitandukanye zirimo Umusumari, Iyo Avuze, Nyuma ya Byose na Iz’Impamvu yakunzwe cyane mu Rwanda no mu mahanga.

    Ibihangano by’iri tsinda bikundwa na benshi ariko bikaba umwihariko ku bayoboke b’Itorero ry’Abadiventisiti b’Umunsi wa Karindwi.

    Messengers Singers yashinzwe muri Kamena 2009, ikaba yaratangiriye ivugabutumwa muri College Adventiste de Gitwe mu Karere ka Ruhango mu Majyepfo y’u Rwanda.

    UKWEZI.RW

    Source : http://www.ukwezi.rw/Imyidagaduro/Messengers-Singers-izasendereza-abantu-ibyishimo-mu-gitaramo-nyuma-y-igikundiro-cyagaragarijwe-indirimbo-yabo

  • Byiringiro Lague ubu ni umugabo wa Kelia nyuma yo gusezerana mu mategeko #rwanda #RwOT

    Amakuru yo gusezerana kwa Byiringiro Lague na Kelia yamenyekanye kuri uyu wa Gatatu tariki 29 Nzeri 2021 ubwo uyu rutahizamu yari amaze amasaha macye yambitse impeta umukunzi we amusaba kumubera umugore.

    Byahise binatangazwa ko aba bombi uyu munsi ku wa Kane tariki 30 Nzeri 2021 basezerana mu mategeko.

    Mu gitondo cyo kuri uyu wa Kane tariki 30 Nzeri 2021, inkuru yabaye impamo maze Byiringiro Lague na Uwase Kelia bajya mu Murenge wa Nyarugenge mu Karere ka Nyarugenge basezerana kubana nk’umugore n’umugabo.

    Byiringiro Lague ateye ikirenge mu cya mukuru we Jacques Tuyisenge bakinana muri APR FC na we uherutse kurushinga.

    Byiringiro Lague ubu utari guconga ruhago nyuma y’imvune yagiriye mu mukino ikipe y’u Rwanda yakinagamo na Kenya akaza kugira ikibazo ku mutwe.

    UKWEZI.RW

    Source : http://www.ukwezi.rw/Imikino/article/Byiringiro-Lague-ubu-ni-umugabo-wa-Kelia-nyuma-yo-gusezerana-mu-mategeko