Webrwanda Backend

Author: webrwanda

  • Minagri yasobanuye impamvu imbuto y’ibigori n’ifumbire bisigaye bikosha – #rwanda #RwOT

    Ibi yabitangaje kuri uyu wa Gatanu tariki ya 1 Ukwakira 2021, ubwo yatangizaga igihembwe cy’ihinga cya 2021/2022 A cyatangirijwe mu gishanga cya Cyampirita mu Murenge wa Rugaraga mu Karere ka Gatsibo.

    Minisitiri Mukeshimana yabanje kubaza abaturage ibigori bahinze ibyo ari byo bamubwira ko bahinze PAN bayiguze 2500 Frw ku kilo, amafaranga menshi ugereranyije n’uburyo igiciro cyari gisanzwe ku isoko.

    Yavuze ko koko ari byo na bo babizi ko ibigori bituruka hanze byahenze nyuma yo kubikuraho nkunganire ahubwo igashyirwa ku bigori bituburirwa imbere mu gihugu.

    Ati “ Ni byo imbuto zirahenze ziragura 2500 Frw ariko hari n’izigura 453 Frw rero impamvu byagenze kuriya turimo kugenda duteza imbere iby’iwacu noneho tugashyira nkunganire nyinshi ku mbuto yacu, ituruka hanze twayikuyeho nkunganire.”

    Yavuze ko impamvu yabyo ariko Leta idashaka gufata amafaranga ikayaha abanyamahanga, ikifuza ko amafaranga yakagiye muri izo mbuto zo hanze yaguma imbere mu gihugu agateza imbere Abanyarwanda.

    Ati “Urebye ntabwo imbuto yahenze ahubwo nk’uko mubizi ubu ngubu turakoresha imbuto zatuburiwe mu Rwanda, izo mbuto zifite nkunganire ntabwo zihenda zigura hafi 450 Frw, ni na yo n’ubundi zaguraga, ahubwo imbuto zahenze ni imbuto zitumizwa hanze kuko nta nkunganire iriho uyishaka agahitamo kuyigura ayigura ku giciro cye.”

    Impamvu ifumbire yahenze

    Minisitiri Mukeshimana yavuze ko ibibazo bya COVID-19 byatumye ifumbire ihenda kuko aho ituruka bitoroshye ko ipfa guhita iboneka; ibi ngo bikiyongera ku bihugu byinshi biri gushakira ubukungu mu buhinzi.

    Ati “Hari n’ubwoba bw’uko abantu benshi n’ibihugu byinshi biri gushakira ubukungu mu buhinzi noneho hakaba icyo kintu cyo kurwanira amafumbire noneho bigatuma igiciro kizamuka.”

    Yavuze ko kandi ikindi cyabiteye ari izamuka ry’ibiciro bya lisansi byose ngo bikaba biri mu bituma ifumbire izamuka cyane ugereranyije n’imyaka ishize.

    Dr Mukeshimana yavuze ko hari icyo Leta yabikozeho aho amafaranga yiyongereyeho leta yafatanyije n’abahinzi mu kuyagabana ku buryo ngo byatumye ifumbire idahenda cyane ku muhinzi.

    Minisitiri Dr Mukeshimana yavuze ko impamvu Imbuto y’ibigori yahenze byatewe no gukura nkunganire ku bituruka hanze y’igihugu

    source : https://ift.tt/3DkIw8P

  • Rubavu: Polisi yafashe abibaga mubazi z'amazi z'abaturage bakajya kuzigurisha muri RDC #rwanda #RwOT

    Abapolisi bakorera mu Karere ka Rubavu, bafashe abantu bane bacyekwaho kuba bitwikiraga ijoro bakajya mu ngo z'abaturage bakiba mubazi z'amazi bakajya kuzigurisha umuturage wo muri Repubulika Iharanira Demokarasi ya Congo.

    Abafashwe bose bafatiwe mu Karere ka Rubavu, Umurenge wa Gisenyi, Akagari ka Umuganda, Umudugudu wa Kabuga.

    Umuvugizi wa Polisi mu Ntara y'Iburengerazuba, Chief Inspector of Police (CIP) Bonaventure Twizere Karekezi, yavuze ko gufatwa kwa bariya bantu byaturutse ku makuru yatanzwe n'abaturage ndetse no mu buyobozi bw'ikigo gikwirakwiza amazi (WASAC).

    Yagize ati 'Abaturage bagiye batanga amakuru bavuga ko barimo kwibwa za mubazi z'amazi, byaje kugera ku kigo gikwirakwiza amazi na cyo gitanga amakuru.

    Ku ikubitiro iki kigo cyacyekaga umukozi wacyo witwa Bigirimana Edouard hatangira iperereza amaze gufatwa yavuze abo bafatanyaga muri ubwo bujura. Iwe hafatiwe mubazi 16 kwa mugenzi we Nsengimana hafatirwa mubazi 34.'

    CIP Karekezi akomeza avuga ko mu makuru yatanzwe na bariya bafashwe uko ari bane bavuze ko hari umuturage wo muri Repubulika Iharanira Demokarasi ya Congo wari warabahaye isoko ryo kujya bamushyira izo mubazi na we akazigurisha mu baturage b'iwabo.

    Imwe yayiguraga amafaranga y'u Rwanda ari hagati y'ibihumbi bitanu n'ibihumbi icumi. Bavuga ko ari ibintu bari bamazemo iminsi ariko ntibibuka izo bari bamaze kumushyira.

    Umuvugizi wa Polisi mu Ntara y'Iburengerazuba yashimiye abaturage batanze amakuru abasaba kujya bihutira kuyatanga hakiri kare.

    Abafashwe bahise bashyikirizwa Urwego rushinzwe ubugenzacyaha (RIB) rukorera muri sitasiyo ya Polisi ya Gisenyi kugira hatangire iperereza ryimbitse.

    Itegeko no 68/2018 ryo kuwa 30/08/2018 ingingo ya 166 ivuga ko Umuntu wese uhamijwe n'urukiko icyaha cyo kwiba, ahanishwa igifungo kitari munsi y'umwaka umwe (1) ariko kitarenze imyaka ibiri (2) ,ihazabu y'amafaranga y'u Rwanda atari munsi ya miliyoni imwe (1.000.000 FRW) ariko atarenze miliyoni ebyiri (2.000.000 FRW), imirimo y'inyungu rusange mu gihe cy'amezi atandatu (6) cyangwa kimwe gusa muri ibyo bihano.

    Ingingo ya 167 y'iri tegeko ivuga ko ibihano ku cyaha cyo kwiba byikuba kabiri (2) iyo uwibye yakoresheje guca icyuho, kurira cyangwa yakoresheje igikoresho icyo aricyo cyose gifungura aho utemerewe kwinjira, kwiba byakozwe mu nzu ituwemo cyangwa isanzwe ibamo abantu cyangwa mu nyubako ziyikikije, kwiba byakozwe nijoro, kwiba byakozwe n'abantu barenze umwe.

    Source : https://umuryango.rw/amakuru/mu-rwanda/umutekano/article/rubavu-polisi-yafashe-abibaga-mubazi-z-amazi-z-abaturage-bakajya-kuzigurisha

  • Burundi: Uwakekwagaho gutera Grenade I Kanyosha biravugwa ko yishwe n'abapolisi bashakaga guhisha uwabikoze wa nyawe #rwanda #RwOT

    Umuntu ukekwaho kuba ari we wakoze igitero cya grenade cyabaye mu ntangiriro z'iki cyumweru mu gace ka Kizingwe-Bihara, mu karere ka Kanyosha muri komini ya Muha (mu majyepfo ya komini ya Bujumbura) yishwe n'abashinzwe iperereza n'abapolisi muri kasho ya zone ya Kanyosha.

    Ababibonye bavuga ko umuyobozi mukuru w'ubutasi ari we wategetse ko ababazwa nkukoSOS Media Burundi ibitangaza.

    Dukurikije ubuhamya bwakiriwe n'abakozi bacu b'ubwanditsi, Remy yari amaze kwicwa urubozo ariko abapolisi bakomeza kumubeshaho. Ariko ukekwaho icyaha amaze kuvuga ko yashoboye kumenya uwabikoze, ibintu byihuse maze hafatwa icyemezo cyo kumwica.

    Umwe mu bapolisi yagize ati: “Yari umutangabuhamya ukomeye wari ahantu hadakwiye mu gihe kitari cyo. Uwagabye icyo gitero ni undi muntu uwishwe yabonye n'amaso ye. Yahise atabwa muri yombi kugira ngo bagoreke iperereza, '.

    Umuryango wa Rémy wemeza ko yapfuye. Avuga ko yatunguwe kandi yamagana icyaha 'kibi kandi kidasanzwe' cyakozwe. “Baramurangije bategeka ko ashyingurwa byihuse kugira ngo bahishe iperereza. Uyu muryango wabanje kwanga gushyingura Rémy, ariko utegekwa kumushyingura ku ngufu nkuko umwe mu bagize umuryango we yabivuze.

    Kandi kongeraho “Ikibabaje kurushaho, ku cyemezo cy'uko yapfuye, twategetswe kwemera ko yapfiriye mu rugo “.

    Muri videwo yakwirakwijwe ku mbuga nkoranyambaga, uwahohotewe yari yicaye hasi akikijwe n'abapolisi benshi,abasore b'Imbonerakure, abakozi b'inzego z'ubutasi ndetse n'abaturage nyuma gato yo gufatwa kwe.

    Nk'uko amakuru aturuka muri ako gace abitangaza, uwateye icyo gisasu cyahitanye umuntu umwe abandi benshi bagakomereka, yari yambaye imyenda y'abapolisi b'Uburundi maze abasha gutoroka.

    Ikinyamakuru SOS Médias Burundi kivugana n'umuyobozi wa zone ya Kanyosha, Arthémon Mweskure, ntabwo yifuje gutanga ibisobanuro birambuye. Yagize ati: “Iki ni ikibazo kirenze ubushobozi bwanjye.”

    Source : https://umuryango.rw/amakuru/mu-mahanga/umutekano/article/burundi-uwakekwagaho-gutera-grenade-i-kanyosha-biravugwa-ko-yishwe-n-abapolisi

  • Burundi : Uwakekwagaho igitero cy’amagrenade yiciwe n’Abapolisi muri Kasho mu kuyobya uburari #rwanda #RwOT

    Uriya wakekwagaho kiriya gitero giherutse kugabwa ahitwa Kizingwe-Bihara, mu karere ka Kanyosha yari afungiye muri muri kasho ya zone ya Kanyosha.

    SOS Media Burundi itangaza ko bamwe mu batangabuhamya bazi iby’urupfu rw’uriya mugabo, yishwe ku itegeko ry’umuyobozi mukuru w’ubutasi.

    Uriya mugabo wari amaze kwicwa urubozo ariko abapolisi bakomeza kumubeshaho. Ariko ukekwaho icyaha amaze kuvuga ko yashoboye kumenya uwabikoze, ibintu byihuse maze hafatwa icyemezo cyo kumwica.

    Umwe mu bapolisi yagize ati “Yari umutangabuhamya ukomeye wari ahantu hadakwiye mu gihe kitari cyo. Uwagabye icyo gitero ni undi muntu uwishwe yabonye n’amaso ye. Yahise atabwa muri yombi kugira ngo bagoreke iperereza.'

    Umuryango w’uriya mugabo wemeza ko yapfuye. Avuga ko yatunguwe kandi yamagana icyaha 'kibi kandi kidasanzwe' cyakozwe. “Baramurangije bategeka ko ashyingurwa byihuse kugira ngo bahishe iperereza.

    Uyu muryango wabanje kwanga gushyingura uwapfuye ariko utegekwa kumushyingura ku ngufu nkuko umwe mu bagize umuryango we yabivuze.

    Kandi kongeraho “Ikibabaje kurushaho, ku cyemezo cy’uko yapfuye, twategetswe kwemera ko yapfiriye mu rugo.'

    Muri videwo yakwirakwijwe ku mbuga nkoranyambaga, uwahohotewe yari yicaye hasi akikijwe n’abapolisi benshi, abasore b’Imbonerakure, abakozi b’inzego z’ubutasi ndetse n’abaturage nyuma gato yo gufatwa kwe.

    Nk’uko amakuru aturuka muri ako gace abitangaza, uwateye icyo gisasu cyahitanye umuntu umwe abandi benshi bagakomereka, yari yambaye imyenda y’abapolisi b’u Burundi maze abasha gutoroka.

    Ikinyamakuru SOS Médias Burundi kivugana n’umuyobozi wa zone ya Kanyosha, Arthémon Mweskure, ntabwo yifuje gutanga ibisobanuro birambuye. Yagize ati “Iki ni ikibazo kirenze ubushobozi bwanjye.”

    Source : http://www.ukwezi.rw/Mu-mahanga/Umutekano/article/Burundi-Uwakekwagaho-igitero-cy-amagrenade-yiciwe-n-Abapolisi-muri-Kasho-mu-kuyobya-uburari

  • AMAFOTO : Ibyishimo bya Miss Muyango wavuze ko imfura ye na Kimenyi imwizihira bihebuje #rwanda #RwOT

    Mu butumwa yanyujije kuri Instagram, Miss Muyango yagaragaje ko yizihira kuba ubu ari umubyeyi w’umwana.

    Ubutumwa buherekejwe n’amafoto ateruye iyi mudra yabo, Miss Muyango yagize ati 'Sinshobora kuguhaga Kimenyi Miguel Yanis.'

    Umuryango w’Umunyezamu Kimenyi Yves na Miss Muyango Uwase Claudine wibarutse imfura yabo mu ijoro ryo ku ya 29 Kanama 2021.

    Kimenyi Yves na Muyango Claudine beruye iby’urukundo rwabo muri Kanama 2019 ubwo kuva icyo gihe ku mbuga nkoranyambaga zabo batasibaga kugaragaza ko buri umwe yimariyemo undi.

    Kuva icyo gihe, Kimenyi Yves na Muyango ntibagiye bahisha ko bakundana cyane cyane binyuze ku mitoma bateraniraga ku mbuga nkoranyambaga.

    Mu mpera za Gashyantare uyu mwaka, Kimenyi Yves yari yambitse impeta Muyango amusaba kumubera umugore ariko inkuru y’ubukwe hari benshi bayitegereje barayibura ahubwo baza kumva ko uyu muryango witegura kwibaruka imfura.

    UKWEZI.RW

    Source : http://www.ukwezi.rw/Imyidagaduro/article/AMAFOTO-Ibyishimo-bya-Miss-Muyango-wavuze-ko-imfura-ye-na-Kimenyi-imwizihira-bihebuje

  • Abari gukira Covid bari kugaragaza uburwayi bwo kuribwa mu kibuno #rwanda #RwOT

    Uburwayi bwiswe Restless Anal Syndrome, bukomeje guteza inkeke aho bivugwa ko buri kwibasira cyane abakize icyorezo cya Covid-19, nk'uko byagaragajwe n'inzobere mu buvuzi.

    Abahanga mu by'ubuvuzi by'umwihariko bari gukurikirana abarwayi ba Covid-19, bagaragaje ko hari uburwayi bushya buteye inkeke, buri gufata abakize Covid-19 mu kibuno buzwi nka Restless Anal Syndrome.

    Uwafashwe n'ubu burwayi, aba abangamiwe bikomeye mu kibuno, agahabwa agahenge mu gihe aba ari kwinyeganyeza gusa, aho uwafashwe n'ubu burwayi atabasha gusinzira adafashe imiti yifashishwa mu gusinziriza, nkuko bitangazwa na The Sun dukesha inkuru.

    Bivuga ko ubu burwayi bwabanje kugaragazwa n'abaganga bo mu Buyapani, nyuma yo kubusanga mu mugabo w'imyaka 77 waburwaye nyuma yo gukira Covid-19, bagahita basaba ko bwandikwa kandi bugakurikiranwa byihariye nk'ikibazo gikomoka kuri Covid-19.

    Ubu burwayi bushobora korohera uburwaye ku manywa kuko bworoshywa no kugendagenda cyangwa kwiruka, ariko iyo bigeze mu ijoro umuntu ashatse kuryama ntibumworohera.

    Ubu burwayi bise Restless Anal Syndrome iri kuzengereza abakize Covid-19, ariko bimwe mubitangaza makuru byakomeje kunyomoza iyi nkuru bivugako ari ibihuha, bavugako uwafashe urukingo rwa Covid-19 aba afite ubuzima bwiza ameze nk'uko yari asanzwe ameze mbere mu buzima busanzwe

    Ibi bitangazamakuru bikomeza bivuga ko abantu baba bafite indwara zitandukanye, bamara gukingirwa bakavuga ko indwara barwaye ziterwa n'urukingo bahawe, ibi ngo akaba ari ikinyoma.

    Source : https://impanuro.rw/2021/10/02/abari-gukira-covid-bari-kugaragaza-uburwayi-bwo-kuribwa-mu-kibuno/

  • Abajura bateye Hoteli Messi n'umuryango we bacumbitsemo biba ibintu by'agaciro #rwanda #RwOT

    Agatsiko kinjiye muri iyi hotel gaciye inyuma yinyubako hanyuma bamanukira mu gisenge.

    Binjiye banyuze mu muryango wo ku ibaraza wari ufunguye,mu igorofa rimwe hejuru y'aho Messi aba yishyura ibihumbi 17,000 by'amapawundi ku ijoro rimwe.

    Bikekwa ko ibyumba bine byibwe muri iyi hotel ya Le Royal Monceau i Paris, hashize ibyumweru bike nyuma yuko uyu munyabigwi wa PSG asuhuje apepera abafana ahagaze ku ibaraza ry'iyi hoteli.

    Mu ijoro ryo ku wa gatatu w'icyumweru gishize, abagabo babiri bipfutse mu maso bagaragaye kuri CCTV bamanuka ku ibaraza rya etage ya gatandatu.

    Umugore umwe wibwe,n' umujyanama mu by'imari i Dubai, yari yavuye mu cyumba cye yishyuraga amapawundi 1.000 nijoro. Bukeye asanga urunigi rwa zahabu yaguze akayabo k'ibihumbi 3.000 by'amapawundi rwabuze, hiyongereyeho amaherena agura 500 mu mapawundi ndetse n'amapawundi ye 2000.

    Yagize ati: 'Kwishyura ahantu heza kandi hari umutekano hanyuma umuntu akinjira mu cyumba cyawe birababaje cyane. Polisi yatubwiye ko babonye abagabo babiri bafite igikapu hejuru y'inzu bitewe na kamera za CCTV ariko ntibabasha kubamenya.

    Bavuze ko habaye ubundi bujura butatu. Umusore wo muri Maroc mu cyumba gikurikira yambwiye ko yibwe isaha ye. '

    Icyakora uyu mugore yavuze ko iyi hoteri yigeze kwakira abashyitsi bakomeye barimo Madonna na Michael Jackson,itigeze imwizera kugeza abapolisi babigizemo uruhare.

    Umutekano warakajijwe muri Kanama nyuma y'uko Messi w'imyaka 34 yimukiye muri iyi hoteli hamwe n'umugore we Antonela Roccuzzo hamwe n'abana babo batatu.

    Abafana ba PSG bahora bateraniye hanze y'iyi Hoteli buri munsi bizeye ko barabona kubona uyu munyabigwi uzajya ahembwa miliyoni 30 z'amapawundi buri mwaka, waje aturutse muri Barcelona muri Kanama.

    Ku wa Gatatu, hashyizweho uburinzi bukomeye kuri iyi hoteli ubwo Lionel Messi yagarukaga avuye gutsinda igitego cye cya mbere muri PSG hari mu mukino wa Champions League batsinze Man City.

    Amakuru aravuga ko Messi yamaze kubona inzu yo gukodesha we n'umuryango akaba yiteguye kwimuka.

    Amakuru aturuka mu gipolisi ikinyamakuru The Sun cyamenye agira ati: 'Biragaragara ko habaye guhungabanya umutekano kandi biri gukorwaho iperereza. Hari ibimenyetso byerekana ko agatsiko k'abajura b'inararibonye kabigizemo uruhare.”

    Hotel nayo iri gukora iperereza.

    Source : https://umuryango.rw/imyidagaduro/imikino/article/abajura-bateye-hoteli-messi-n-umuryango-we-bacumbitsemo-biba-ibintu-by-agaciro

  • Hakozwe ikinini gihangamura Covid-19 kikagabanya ibyago byo gushyirwa mu bitaro #rwanda #RwOT

    Icyo kinini – cyitwa molnupiravir – cyatanzwe inshuro ebyiri ku munsi ku barwayi baherutse gusangwamo coronavirus.

    Kompanyi yo muri Amerika Merck ikora imiti yavuze ko ibyavuye muri iryo gerageza ari byiza cyane ku buryo abagenzuzi bo hanze y'iyo kompanyi basabye ko iryo gerageza rihagarara hakiri kare.

    Yavuze ko mu byumweru bibiri biri imbere igiye gusaba ko uwo muti uhabwa uruhushya rwo gukoreshwa mu buryo bwihutitwa muri Amerika.

    Dr Anthony Fauci, umujyanama mukuru mu buvuzi wa Perezida w'Amerika Joe Biden, yavuze ko ibyavuye muri iryo gerageza ari “inkuru nziza cyane”, ariko ashishikariza ko habaho kwigengesera kugeza ubwo ikigo cy'Amerika kigenzura ubuziranenge bw'ibiribwa n'imiti (FDA) kizaba cyamaze kugenzura iby'iryo gerageza.

    Umuti wa mbere unyura mu kanwa

    Mu gihe cyaba cyemejwe n'abagenzuzi, ikinini molnupiravir cyaba kibaye umuti wa mbere unyura mu kanwa urwanya virusi ya Covid-19.

    Iki kinini, mbere cyari cyakorewe kuvura ibicurane bya influenza, gikoze mu buryo buteza amakosa mu miterere ya virusi, kikayibuza gukwirakwira mu mubiri.

    Isesengura ryakorewe ku barwayi 775 ryasanze:

    7.3% by'abahawe molnupiravir barashyizwe mu bitaro

    Ibyo bigereranywa na 14.1% y'abarwayi bahawe placebo cyangwa ikinini kitari cyo (kitavura)

    nta mpfu zabayeho mu bo mu itsinda ryahawe molnupiravir, ariko abarwayi umunani bahawe placebo mu igerageza, nyuma bishwe na Covid

    Amakuru y'ibyavuye muri iryo gerageza yatangajwe mu nyandiko igenewe abanyamakuru kandi ntiragenzurwa n'abandi bahanga mu buvuzi (peer-review).

    Bitandukanye na nyinshi mu nkingo za Covid, zibasira igice cy'inyuma cya virusi (spike protein), uyu muti wo ukora wibasira 'enzyme', cyangwa ibigize virusi bituma igenda ikwirakwira cyangwa yikorera amakopi mu mubiri.

    Kompanyi Merck yakoze uwo muti, yavuze ko ibyo byatuma utanga umusaruro no ku moko mashya y'ukwihinduranya kwa coronavirus uko izakomeza kwihinduranya mu bihe biri imbere.

    Daria Hazuda, Visi Perezida wa kompanyi Merck ushinzwe ubuvumbuzi ku ndwara zandura, yabwiye BBC ati:

    “Umuti urwanya virusi ku bantu badakingiye, cyangwa batagerwaho cyane n'ubudahangarwa butangwa n'inkingo, ni igikoresho cy'ingenzi mu gufasha gusoza iki cyorezo”.

    Ibyavuye muri iryo gerageza bigaragaza ko ikinini molnupiravir gikwiye gufatwa hakiri kare nyuma yuko umurwayi agaragaje ibimenyetso, kugira ngo kibashe gutanga umusaruro.

    Ubushakashatsi bwakozwe mbere ku barwayi bari barashyizwe mu bitaro barwaye Covid y'igikatu, bwarahagaritswe nyuma yuko ibyabuvuyemo bidatanze icyizere.

    BBC

    Source : https://umuryango.rw/amakuru/mu-mahanga/ubuzima/article/hakozwe-ikinini-gihangamura-covid-19-kikagabanya-ibyago-byo-gushyirwa-mu-bitaro

  • Uwari umugore wa R. Kelly yavuze agahinda yamuteye bakibana #Rwanda #RwOT via @kigalitoday #rwanda #RwOT

    R. Kelly na Andrea Kelly
    R. Kelly na Andrea Kelly

    Nyuma yo guhamwa n’ibyo byaha, umugore we Andrea Kelly, uzwi nka ‘ Drea’ yagize ibyo avuga mu kiganiro n’ikinyamakuru ‘Good Morning Britain’, avuga ko afite amarangamutima avangavanze.

    Yagize ati “Nicaye mu mwanya ugoye cyane, kuko njyewe bitandukanye n’izindi nzirakarengane ‘victims’. Nabyaranye na we abana batatu. Nasezeranye na we. Ubu nambaye ingofero ebyiri zitandukanye, imwe yo kuba ndi umwe mu bahohotewe kandi nkaba ngomba no gukora ubuvugizi n’indi yo kuba ndi umubyeyi nkaba naranahoze ndi umugore we”.

    Ati “Umutima wanjye uri kumwe n’abahuye n’ihohotera rye, ndetse bakanishakamo imbaraga zo kuza kuvuga uko byabagendekeye, ariko kandi umutima wanjye ushenguwe no kuba ndi umubyeyi, kuko ubu uwo ni wo murage abana banjye bagiye kuzahangana na wo, abana babo, n’abana b’abana babo”.

    Yungamo ati “Uko byagenda kose ntiwahunga amaraso akurimo. Nashobora kwitandukanya na byo nkabihunga, ariko amaraso ye aratembera mu mitsi y’abana banjye, ari muri ‘DNA’ yabo, ntaho bayacikira n’ubwo bakabyifuje. Rero birangoye cyane kwicara muri uwo mwanya”.

    Nk’uko byatangajwe na ‘Page six’, Drea yabanye na R.Kelly nk’umugabo n’umugore mu myaka 13 kuko bashakanye mu 1996, batandukana byemewe n’amategeko mu 2009.

    Uwo mubyeyi yirinze gutangaza icyo abana be bavuze ku mwanzuro w’urubanza rwa se, ariko yagize ibyo asobanura.

    Yagize ati “Nshyigikiye abana banjye muri byose, bafite uburenganzira bwo gutekereza ibyo bashaka byose”.

    Mu gihe cyashize, Drea yavuze ku ihohoterwa yakorerwaga akibana na R.Kelly. Mu Kiganiro n’ikinyamakuru ‘The View’ mu 2018, yavuze uko R.Kelly yigeze kumunigisha ukuboko kwe mu ijosi, bikamubuza guhumeka.

    Yagize ati “Naravuze nti Robert, ugiye kunyica. Simbasha guhumeka. Icyo natekereje, naravuze nti Mana yanjye, ngiye gupfira inyuma y’iyi ‘Hummer”.

    Drea yibuka ko yagiye ahura n’ihohoterwa rya R.Kelly kenshi, ariko yagerageza kuvuga ibye ku mugaragaro, abantu bakamwe bakabyita ko ari uburyo bwo gushaka amafaranga.

    Drea ati “Abantu baravuze bati abizanye hanze kuko ashaka amafaranga, abonye amafaranga ntiyavuga. Nta mafaranga abaho ku isi yahabwa umugore uwo ari we wese, kugira ngo yemere gukomeza guhohoterwa”.

    Bamwe mu bakoresha imbuga nkoranyambaga bagize icyo bavuga, umwe muri bo yanditse agira ati “Ubu ndibaza niba Andrea Kelly azagumana iryo zina rya Kelly?”

    source : https://ift.tt/3mljYFy

  • Perezida Kagame avuga ko Umugabane wa Afurika ukomeje gusigara inyuma kuko inyungu zawo zititabwaho #Rwanda #RwOT via @kigalitoday #rwanda #RwOT

    Perezida Kagame avuga ko Umugabane wa Afurika ukomeje gusigara inyuma kuko inyungu zawo zititabwaho ahubwo hakitabwa ku z
    Perezida Kagame avuga ko Umugabane wa Afurika ukomeje gusigara inyuma kuko inyungu zawo zititabwaho ahubwo hakitabwa ku z’ibihugu bikize

    Yavuze ko Umugabane wa Afurika ukomeje kuba inzirakarengane kubera ingufu z’isi, aho usanga inyungu zawo zidahabwa agaciro, ahubwo kagahabwa inyungu z’ibihugu bikize kandi biteye imbere ku isi.

    Yagize ati “Icyorezo cya Covid-19 cyaje gikomeye kurusha ibindi byabayeho, ariko cyagaragaje intege nkeya ziri muri ‘systems’ zo ku rwego rw’ibihugu ndetse no ku rwego rw’isi, kandi ibyo byari bimaze igihe bimeze bityo. Muri ibyo bibazo biri muri izo ‘systems’ harimo kutihaza mu bijyanye n’inzego z’ubuzima ndetse no mu miyoborere”.

    Yunzemo ati “Iki cyorezo cyagaragaje ubusumbane mu bukungu no mu mbaraga biri hagati y’ibihugu bigize umuryango mpuzamahanga”.

    Yagaragaje ko mu gihe ibihugu bikomeye ku isi, usanga bisa n’ibihanganye hagati yabyo, Afurika yo ihora iri inyuma mu buryo bwose.

    Yagize ati “Ibyo bisobanuye ko igihe inkingo zibonetse zidahagije, Afurika ari yo iba iya nyuma mu kuzibona”.

    Yavuze kandi ko Afurika isa n’aho itekerezwa ukundi kuntu, mu izina ry’ibintu byinshi, Demokarasi, uburenganzira bwa muntu, bigafatwa nk’aho izo ndangagaciro ari ibintu by’ibishyitsi rwose kuri Afurika.


    source : https://ift.tt/3uBJvxZ