source : https://ift.tt/3v2LhIW
Author: webrwanda
-
#COVID19: Abantu 4 bitabye Imana, abanduye babonetse ni 98 #Rwanda #RwOT via @kigalitoday #rwanda #RwOT
source : https://ift.tt/2Yv59YR
-
Inzozi z’igikombe cy’Isi ku Mavubi zirangiriye Kampala #rwanda #RwOT
Amavubi y’u Rwanda yatsinzwe na Uganda 1-0 mu mukino w’umunsi wa 4 w’itsinda E mu gushaka itike y’igikombe cy’Isi cya 2022 maze amahirwe yo kwerekeza muri Qatar ahita ayoyoka.
Ni umukino wabereye Saint Mary’s Kitende kuri iki Cyumweru tariki ya 10 Ukwakira 2021.
Nyuma yo gutsindirwa i Kigali 1-0 tariki ya 7 Ukwakira, hari hategerejwe kureba niba u Rwanda rwihorera.
Umutoza w’Amavubi, Mashami Vincent, yari yakoze impinduka enye ugereranyije n’ikipe yaherukaga gutsindirwa i Kigali ku wa Kane.
Rukundo Denis yafashe umwanya wa Omborenga Fitina wavunitse, Mutsinzi Ange, Manishwe Djabel na Mukunzi Yannick babanzamo mu myanya ya Rwatubyaye Abdul, Niyonzima Haruna na Niyonzima Olivier ‘Seif’.
Uganda yaje kubona igitego cya mbere cyinjijwe na Fahad Bayo ku munota wa 22, ku mupira wa koruneri wakuweho nabi na Tuyisenge Jacques, ugeze kuri uyu Munya-Uganda awutsindisha umutwe.
Amavubi yageraje gushaka uko yishyura iki gitego ariko abasore b’u Rwanda barimo Jacques Tuyisenge, Meddie Kagere, Rafael York ndetse na Muhire Kevin ntibababashije kubyaza umusaruro amahirwe babonye.
Mu mukino wo mu itsinda E, Mali yatsinze Kenya 1-0. Iri tsinda riyobowe na Mali ifite amanota 10, Uganda 8, Kenya 2 n’u Rwanda rufite 1.
Abakinnyi b’Amavubi babanje mu kibuga
Abakinnyi 11 Uganda yabanjemo
Uganda yatsinze u Rwanda mu mukino ubanza n’uwo kwishyuraSource : http://isimbi.rw/siporo/article/inzozi-z-igikombe-cy-isi-ku-mavubi-zirangiriye-kampala
-
Niragire, umunyarwandakazi wa mbere washinze… – #rwanda #RwOT
Niragire yagize izina rikomeye muri Cinema, abicyesha filime 'Inzozi' yakinnyemo yitwa 'Sonia'. Iyi filime yayobowe na Denis Nsanzamahoro [Rwasa] witabye Imana mu mpera z'umwaka wa 2019.
Ni we mugore wa mbere washinze Televiziyo mu Rwanda. Televiziyo yashinze yayise 'Genesis Tv', yihariye cyane mu biganiro by'imyidagaduro.
Mu muhango wo gutanga ibihembo 'Service Excellence Awards' byatanzwe mu ijoro ry'uyu wa Gatandatu tariki 9 Ukwakira 2021, muri Lemigo Hotel, Televiziyo 'Genesis Tv' yegukanye igihembo cya Televiziyo yahize izindi mu guteza imbere imyidagaduro (Entertainment TV Station of the year).
Ni mu gihe, Niragire Marie France washinze iyi Televiziyo, yahawe igihembo cyihariye cy'umugore witeje imbere muri uyu mwaka (Female Entrepreneur of the year).
Mu kiganiro na INYARWANDA, Niragire Marie France yavuze ko anezerewe cyane nyuma y'uko yegukanye iki gihembo, ashima Imana cyane 'kuko dushobozwa byose nayo'.
Uyu mugore, yavuze ko iki gihembo agikesha urubyiruko 'kuko nibo badushyigikira kuko 'Genisis Tv' yibanda ku myidagaduro'.
Akomeza ati 'Ikindi gikomeye ni Team Genesis ubwabo. Ni urubyiruko kandi ni indashyikirwa nk'uko mubibona kuri Genesis Tv'.'
Niragire yavuze ko bimuteye imbaraga, zo gukomeza gutekereza kwagura ibikorwa biteza imbere urubyiruko.
Avuga ko iki gihembo cya mbere yegukanye kuva yashinga iyi Televiziyo, ari 'ikimenyetso cyiza cy'itangiriro kuri we n'abo bakorana muri rusange.'
Yashimye kandi ikigo Kalisimbi Events gitegura ibihembo bya Service Excellence Awards, uruhare bagira mu gushyigikira abatanga serivisi zinoze.
Niragire amaze iminsi atambutsa kuri 'Genesis Tv' filime ye nshya yise 'Little angel'. Ni filime yanditswe ishingiye ku mpano zitandukanye abantu benshi badakunze guha agaciro banyirazo nk'umuziki, kubyina, itangazamakuru, kumurika imideli n'ibindi.
Iyi filime kandi yanongewemo ubundi butumwa bwo kumenya kubabarira, ku bafite ibikomere batewe bakiri bato.
Uyu mugore kandi aherutse gusohora indirimbo yise 'Impano' yakoreye umugabo we, ivuga byihariye ku ipfundo ry'urukundo rwabo.
Iyi ndirimbo yumvikanisha ibyishimo biri mu mutima wa Marie France wahindutse mushya, nyuma yo gutangira urugendo rw'urukundo n'umugabo w'inzozi ze.
![]()
Televiziyo 'Genesis Tv' yegukanye igihembo cya Televiziyo y'umwaka iteza imbere imyidagaduro 'Entertainment TV Station of the year'-Igihembo cyakiriwe na Nadine, Umunyamabanga wa Niragire Marie France![]()
Marie France Sonia yahawe igihembo cyihariye (Female Entrepreneur of the year)![]()
Tariki 11 Kamena 2020, Niragire Marie France wamenyekanye nka Sonia yatangije ku mugaragaro Televiziyo 'Genesis' aba umugore wa mbere mu Rwanda ubikozeÂ
![]()
Uyu mugore yashimiwe kurema akazi ku rubyiruko
-
INYARWANDA yegukanye igihembo muri Service Ex… – #rwanda #RwOT
Ni mu muhango w'itangwa ry'ibihembo 'Service Excellence Awards 2021' bitegurwa n'ikigo Kalisimbi Events, byatanzwe ku mugoroba w'uyu wa Gatandatu tariki 9 Ukwakira 2021, muri Lemigo Hotel.
Ibi bihembo byatanzwe ku nshuro ya gatandatu hubahirizwa amabwiriza yo kwirinda Covid-19, aho abitabiriye basabwaga kwipimisha.
Ibi bihembo byatanzwe mu byiciro 33, hashimirwa ibigo byahize ibindi mu gutanga serivisi muri uyu mwaka w'2021.
Inyarwanda.com yegukanye iki gihembo, kubera uruhare igira mu gushyigikira no guteza imbere abari mu Inganda Ndangamuco.
Nyuma yo gushyikirizwa iki gihembo, Umuyobozi Mukuru wa INYARWANDA.COM, Ngiruwonsanga Claude, yashimye abafatanyabikorwa n'abandi ku bw'umusanzu wabo mu rugendo rwo guteza imbere abari mu myidagaduro.
Ati 'Inyarwanda .com turashimira abafatanyabikorwa, abafana n'abakunzi bacu badahwema kutwereka urukundo bashima ibyo dukora. Turishimye ku bw'umusanzu wanyu mwaduhaye tukaba twegukanye igihembo cyo guteza imbere imyidagaduro (Best Entertainment News Website of the year), mu bihembo bitangwa buri mwaka bya 'Service Excellence Awards' bitegurwa na Karisimbi Events.'
Inyarwanda.com iyoboye izindi mbuga zo mu Rwanda mu bijyanye n’amakuru y’umuziki n’imyidagaduro, ndetse akaba ari nawo mwihariko wayo mu myaka igera kuri 13 imaze.
Urubuga rwa INYARWANDA.COM rwashinzwe mu mwaka wa 2008 na Joseph Masengesho, ari nawe Muyobozi Mukuru (CEO) warwo.
Intego y'ibanze y’uru rubuga, ni ukumenyekanisha umuziki nyarwanda ku isi hose, ndetse no gutanga umusanzu mu iterambere ry'imyidagaduro mu Rwanda.
INYARWANDA.COM iri mu mbuga za mbere zisurwa cyane mu Rwanda. Byerekana uburyo umuziki n’imyidagaduro bifite uruhare rukomeye mu buzima bwa buri munsi bw'abanyarwanda n'abandi, bityo akaba ari ngombwa ko ukomeza kwitabwaho no gutezwa imbere mu buryo bugaragara.
Inyarwanda.com inishimira umusaruro w'umuziki yashyize ku rubuga rwayo, kuko wabashije guhuza abanyarwanda aho bari mu mpande zitandukanye z’isi bahurira kuri uru rubuga (Inyarwanda Music), bazanywe no kumva umuziki wo mu gihugu cyababyaye ukozwe mu rurimi rwabo, bityo bagaca ukubiri n’irungu.
Ikindi kandi abahanzi ari na bo bayigezaho izo ndirimbo, na bo bateye imbere ku buryo bugaragara. Kuri ubu buri muhanzi wese wakoranye na INYARWANDA.COM, ashobora guhamya neza inyungu yabikuyemo.
![]()
Umuyobozi Mukuru wa INYARWANDA.COM, Ngiruwonsanga Claude yashimye abafatanyabikorwa n'abasomyi b'inkuru zanditse n'iz'amashusho zitambuka kuri uru rubugaÂ
![]()
Uhereye ibumoso: Job Invit yegukanye igihembo ‘Job Recruitment Agency of the year’, Ikigo Star Times cyegukanye igihembo 'Tv Channel Provider of the year' naho Inyarwanda.com yegukanye igihembo 'Best Entertainment News Website of the year'
![]()
Star Times yegukanye iki gihembo yikurikiranya, kuko no mu 2020 ari yo yagitwaye
AMAFOTO: Ihorindeba Lewis-INYARWANDA.COM
-
Intore Tuyisenge yashinze studio yumuziki, a… – #rwanda #RwOT
Tuyisenge yabwiye INYARWANDA, ko yashinze iyi studio mu rwego rwo kwita ku bakiriya be, abo akorera indirimbo nka Minisiteri, ibigo n'abandi.
Avuga ko iyi studio ije nk'igisubizo mu iterambere ry'umuziki we. Ati: 'Nasanze igisubizo ari ugushyiraho ‘studio’ yanjye izajya imfasha kandi igafasha n’abandi bahanzi, cyane cyane abakizamuka.'
Iyi studiyo izajya ikora indirimbo mu buryo bw’amajwi n’amashusho, ikinamico n'ibindi.
Ku ikubitiro, iyi studio yatangiranye na Producer Jackson wamufashije muri uru rugendo rw'umuziki we kuva mu 2007, amukorera indirimbo nka 'Intore izirusha intambwe', 'Tora Kagame Paul, 'Karongi', 'Burera', 'Nyamagabe' n'izindi.
Intore Tuyisenge avuga ko iyi studio ayitezeho gufasha abahanzi bafite impano ariko 'badafite ubushobozi buhagije', n'abifuza ko bakorana indirimbo.
Iyi studio ikorera i Kagugu hafi ya Centre de Sante. Muri iki cyumweru cyahariwe imitangire ya serivise, Tuyisenge yakoreyemo indirimbo yise 'Akira neza umukiriya'.
Uyu muhanzi usanzwe ari Umuyobozi w'Urugaga rw'abahanzi mu Rwanda, amaze iminsi ari gukorera indirimbo Imirenge 416.
Asanzwe afite indirimbo z’uturere zirimo nka Karongi, Nyabihu, Gasabo, Gicumbi, Burera, Gisagara, Gatsibo, Kirehe, Nyagatare n'izindi.
Asobanura ko yagize igitekerezo cyo gukorera indirimbo Imirenge, ubwo yakoraga indirimbo 'Unkumbuje u Rwanda' aho yagaragaje ibyagezweho n’ahari amahirwe abantu bakwiye gushora imari, by’umwihariko abanyarwanda baba mu mahanga.
Umuhanzi akaba n'Umuyobozi w'Urugaga rw'abahanzi mu Rwanda, Tuyisenge Intore yashinze studio y'umuziki
Producer Jackson muri studio mu 2009 atunganya indirimbo nyinshi zakunzwe za Intore TuyisengeÂ
Imbere muri Studio VMM Records y'umuhanzi Intore Tuyisenge yitezeho gufasha benshi bafite impano
-
Amavubi ananiwe kudwinga imisambi ya Uganda b… – #rwanda #RwOT
Ikipe y’igihugu ya Uganda yari yakiriye u Rwanda mu mukino wa kane wo gushaka tike y’igikombe cy’Isi, kizabera muri Qatar mu 2022. Wari umukino wo kwishyura nyuma y’umukino ubanza wari wabereye i Kigali kuri uyu wa kane, nawo warangiye u Rwanda rutsinzwe.
Abakinnyi 11 Uganda yabanjemo: mu izamu Charles Lukwago imbere ye: Denis Iguma wari Kapiteni, Aziizi Kayondo, Isaac Muleme, Enock Walusimbi Timothy Awanyi, Taddeo Lwanga, Bobosi Byaruhanga Moses Waiswa Fahad Bayo na Steven Mukwala.
![]()
Abakinnyi Mashami Vincent yabanjemo: Emery Mvuyekure Mutsinzi Ange, Solomon Nirisarike, Muhire Kevin, Rukundo Denis, Emmanuel Imanishimwe, Rafael York Mukunzi Yannick, Manishimwe Djabel Tuyisenge Jacques na Kagere Medie.
Umukino watangiye ku isaha ya Saa 15:00 za Kigali, Amavubi ashaka nibura kubanza igitego ikipe ya Uganda, ndetse bakaba banakora nk'ibyo uganda yari yakoreye i Kigali.
Ntabwo u Rwanda rwaje guhirwa kuko byarangiye Fahad Bayo atsinze igitego ku munota wa 22, ndetse igice cya mbere kirangira ari igitego kimwe ku busa.
![]()
Mu gice cya kabiri Mashami Vincent yagerageje gukora impinduka, ashaka kwishyura igitego ariko bikomeza kwanga kuko umukino warangiye bikiri igitego kimwe ku busa.
Mashami wari wagerageje gukora impinduka, ntacyo byamufashije mu kwihimura ku misambi ya Uganda. Kapiteni Haruna Niyonzima ntabwo yageze mu kibuga kuri uyu mukino, nyuma y’igihe kinini bitabaho.
![]()
Nyuma y’imikino igera kuri 4 imaze gukinwa, u Rwanda rufite inota rimwe gusa rwakuye kuri Kenya. Uganda yujuje amanota 8, ikaba ikomeje guhangana na Mali zose zishaka kuyobora itsinda. Amavubi afite inota rimwe, ubu ntibigishobotse ko yayobora itsinda kuko n'iyo yatsinda imikino 2 isigaye itageza amanota 8.
-
U Rwanda rwatsinzwe na Uganda 1-0 mu mukino w'umunsi wa kane wo mu matsinda yo guhatanira gukina igikombe cy'Isi 2022 #rwanda #RwOT
Ubwo hakinwaga imikino itandukanye yo mu matsinda yo guhatanira gukina igikombe cy'Isi cy'umwaka utaha 2022 kizabera mu gihugu cya Quatar, ikipe y'igihugu y'u Rwanda yatsindiwe mu gihugu cya Uganda n'ikipe y'icyo gihugu igitego kimwe ku busa.
Ni umukino wabereye kuri Sitade ya St Mary's yo mu gace ka Kitende, uyu mukino wahuzaga amakipe yo mu itsinda rya E ririmo U Rwanda, Kenya , Uganda ndetse na Mali wabaye kuri iki cyumweru tariki ya 10 Ukwakira 2021, wasize Amavubi asoje ku mwanya wa Kane aho afite inota rimwe ku manota 12.
Uyu mukino wo kuri iki cyumweru watangiye Umutoza w'ikipe y'igihugu Amavubi Mashami Vincent yakoze impinduka aho mu bakinnyi bugarira yabanjemo Mutsinzi Ange mu mwanya wa Rwatubyaye Abdoul wari usanzwe abanzamo, undi ni Rukundo Denis wabanje ku mwanya wa Fitina Omborenga wagize ikibazo cy'Imvune mu mukino w'umunsi wa gatatu wo muri aya matsinda ndetse na Mukunzi Yanick wakinnye mu mwanya wa Sefu.
Uyu mukino wasojwe ari igitego kimwe cya Uganda Cranes ku busa bw'Amavubi, ni igitego cyabonetse ubwo hari ku munota wa 22 w'umukino ubwo Fahad Bayo yaboneye igitego ikipe ye ya Uganda, bityo umukino unarangira ari igitego kimwe ku busa.
Mu wundi mukino wo muri iri tsinda wabaye, ikipe y'igihugu ya Kenya yatsindiwe mu rugo na Mali igitego kimwe ku busa cyatsinzwe na Ibrahima Traore.
Kugeza ubu muri iri tsinda rya E ryo guhatanira igikombe cy'isi, ikipe y'igihugu ya Mali niyo iyoboye nyuma y'imikino ine ifite amanota 10, irakurikirwa na Uganda ifite amanota 7, Kenya iri kumwanya wa gatatu aho ifite amanota abiri, u Rwanda rukaba ku mwanya wa Kane aho rufite inota rimwe.
Biteganyijwe ko imikino y'umukino w'umunsi wa gatanu mu matsinda, izakinwa ku itariki ya 14 Ugushyingo 2021, iy'umunsi wa nyuma wa gatandatu wo uzakinwa ku itariki ya 20 Ugushyingo 2021, Amavubi akaba asigaje gusura kwakira Mali ndetse no gusoza isura ikipe y'igihugu ya Kenya.
The post U Rwanda rwatsinzwe na Uganda 1-0 mu mukino w'umunsi wa kane wo mu matsinda yo guhatanira gukina igikombe cy'Isi 2022 appeared first on RUSHYASHYA.
