Webrwanda Backend

Author: webrwanda

  • Ikindi cyamamare nyarwanda cyatawe muri yombi gikurikiranyweho kunywa urumogi #rwanda #RwOT

    Uyu muhanzi Nzamwita Olivier Joseph uzwi nka M1, yatawe muri yombi kuri uyu wa Kane tariki 21 Ukwakira afatiwe mu Kagari ka Niboye mu Murenge wa Niboye mu Karere ka Kicukiro.

    Amakuru avuga ko uyu muhanzi yafatanywe n’undi witwa Uwimana Claude bari kunywa ikiyobyabwenge cy’urumogi.

    Aba bombi nyuma yo gufatwa ubu bafungiye kuri station ya RIB ya Kicukiro kugira ngo uru rwego rukore iperereza ubundi rushyikirize Dosiye Ubushinjacyaha.

    M1 afashwe mu gihe mu minsi yashize humvikanye ifungwa rya bamwe mu bahanzi n’abakinnyi ba ruhago bari bakurikiranyweho gukoresha ikiyobyabwenge cy’urumogi.

    Muri bo hari nk’Umunyezamu Kwizera Olivier wanahamijwe iki cyaha agakatirwa igifungo cy’umwaka usubitse agahita arekurwa.

    Umuvugizi w’Urwego rw’Igihugu rw’Ubugenzacyaha RIB, Dr Murangira Thierry wemeje amakuru yo guta muri yombi M1, yaboneyeho kugenera ubutumwa urubyiruko.

    Yagize ati 'Ku buryo bw’umwihariko turasaba abahanzi kuba icyitegererezo hari urubyiruko rufata abahanzi nka role model, turabasaba kugendera kure ibiyobyabwenge. Tuributsa abantu ko ari icyaha gihanwa n’amategeko.'

    UKWEZI.RW

    Source : http://www.ukwezi.rw/Imyidagaduro/article/Ikindi-cyamamare-nyarwanda-cyatawe-muri-yombi-gikurikiranyweho-kunywa-urumogi

  • Hari impungenge z'uko Abanyarwandakazi bazasigara inyuma mu ikoreshwa ry'ikoranabuhanga #rwanda #RwOT

    Mugihe U Rwanda rukataje mu gukoresha ikoranabuhanga muri servise zinyuranye ,bamwe mubagize sosiyete sivile baragagaje impungenge z'uko abagore n'abakobwa bashobora kuzisanga barasigaye inyuma muri iyi gahunda niba nta gikozwe mu kuziba icyuho kigaragara hagati y'abagabo n'abagore mubijyanye no gukoresha Ikoranabuhanga.

    u Rwanda ni kimwe mubihugu bakataje mu gukoresha ikoranabuhanga mu ngeri zose z'ubuzima bw'igihugu ariko ngo hari  ikibazo gikomeye  cy'icyuho mu barikoresha kuko ngo hakiri umubare munini w' Abagore n'abakobwa baracyagorwa no kuryisangamo ahanini .Nkuko Hakim Mugenyi ushinzwe itumanaho mu muryango  Save Generations Organization.

    Ati 'Icyuho aho kigaragarira wenda nakwifashisha ubushakashatsi bwakozwe cyane cyane mu gukoresha ATM za banks basanze 52% badakoresha uburyo bwo gukoresha mobile banking urumva rero icyo kirahari muri serivise zitandukanye cyane cyane muri ibi bihe bya COVID-19 mbere wasangaga bakora nta kibazo ariko noneho aho haziye gukoresha ikoranabuhanga ,kwamamaze ibikorwa byawe ukoresheje murandasi ,kugeza ibyo ukora kubashaka kubigura wasanga bamwe bavuga ko bagize imbogamizi'.

    Zimwe mu mpamvu zituma abagore n'abakobwa bakigorwa no kwisanga mu ikoranabuhanga zigargzwa nkizibfitanye isano n'ihezwa ry'umugore ryakunze kubaho muri sosiyete nyarwanda .ariko ngo hari intambwe igenda iterwa bitewe na plitiki go guha amahirwe anagana abagabo nabagore. Uko niko aba bagabo babibona

    Umwe ati ' Ni ukuvuga ngo cyera iterambere ryari riri mubagabo hanyuma ubu ng'ubu cyaravivutse (byarakemutse) iterambere riri hose'.

    Undi ati ' Tuvuge nk'umudamu wanjye ashobora kuba ari mu cyaro akaba afite mu nshingano ze gahunda yo guhinga gusa noneho nkaba ndi mu mujyi ,mu mujyi hano ntibahinga noneho akaba acungana no guhinga kwahirira amatungo umwanya wo kuba yajya gukora muri telefoni nk'iyi ngiyi (Smart Phone) akawubura ,no kuyimusigira ntacyo yaba imumariye kuko afite butushi (Agatelefone gato) ariko iyi ntiyabona umwanya wo kuyikoresha niba ari whatsap ngo ayikoreshe kuko nta mwanya yabona. Ikintu cyakorwa njyewe uko mbyumva njywe nkanjye kugiti cyanjye nteganya kuba nafata nk'umudamu wanjye nkaba namwimura nkamuzana inaha ngaha n'iri koranabuhanga akamenya ko hano I Kigali rihari ndetse ari naho ryanatangiriye'.

    Kuruhande rw'abagore nabakobwa ,bamwe muribo bagaragaza kunyurwa n'ibyo igihugu gikora mu kuzamura umugore n'umukobwa bityo ko igisigaye ari ugutinyuka bakitabira gukoresha ikoranabuhanga . Niyigena Amina ni umukozi wa Kompanyi Thousand Hill Traveller Itanga servise z'ubukeragugendo hifashijwe ikoranabuhanga.

    Ati ' Hari ama-organisations (Imiryango ) menshi agenda afasha abakobwa kwitinyuka tuvuze nk'Imbuto foundation tuziko igenda ikora women empowerment so mbona ko ari ikintu cyiza nkeka ko abantu bakigiraho ndetse ubona ko no mu mashuri byahindutse hari ikuntu hagenda habamo impinduka mbona uruhare runini rusigaye ari urw'abakobwa kwitinyuka kugiti cyabo.'

    Ministeri y'uburinganire n'iterembera ry'umuryango igaragza ko abagore nabakobwa usanga hari benshi muri badafite ubumenyi buhagije ku ikoreshwa ry'ikoranabuhanga ryifashije mu ngeri zinyuranye ,ibifitaye isano no kuba batabasha kubona ibikoresho by'ikoranabuhanga kurwego rumwe n'urwabagabo. Kubwibyo ngo hafashwe ingamba zo gushishikariza buri wese mu rwego arimo gufasha abagore n'abakobwa gutera imbere mu by'ikoranabuhanga. Pierre Celestin Nizeyimana, inzobere mu isesengurabukungu muri Minisiteri y'Uburinganire n'Iterambere ry'Umuryango.

    Ati ' Tukamenyekanishe icyo cyuho tukabwira abantu tukagenda tukababwira tuakanafatanya no mu igenamigambi ryabo kugirango cya cyuho kigende kigabanuka .Buriya hari ibintu tugomba kurwana nabyo kandi bigoye bya bindi nakubwiraga by'imyumvire urabizi nk'ubu umwana w'umukobwa iyi akiri mutoya afite ibikinisho akinisha usanga n'umubyeyi ubwe avuga ati uyu mwana reka mugurire igikinisho biriya bita igipupe agakoobwa kambaye agakanzu ajye agasokoza mugihe wa mwana w'umuhungu bamuguriye imodoka akajya ayishwanyuza yongera ayiteranya urumva umwana w'umuhungu muto no muru go batangiye kumwereka ko ashobora kuzahinduka enjennyeri .'

    Raporo mpuzamahanga Global Gender Gap Report yashyizwe hanze muri werurwe uyu mwaka igaragaza ko kuziba icyuho kiri hagati y'abagore n'abagabo mu ikoreshwa ry'ikoranabuhanga, bizasaba nibura imyaka 135 mu gihe nta gikozwe.

    u Rwanda rwiyemeje kugabanya icyuho bitarenze 2026.

    Daniel HAKIZIMANA

    The post Hari impungenge z'uko Abanyarwandakazi bazasigara inyuma mu ikoreshwa ry'ikoranabuhanga appeared first on Flash Radio TV.

    Source : https://flash.rw/2021/10/22/hari-impungenge-zuko-abanyarwandakazi-bazasigara-inyuma-mu-ikoreshwa-ryikoranabuhanga/?utm_source=rss&utm_medium=rss&utm_campaign=hari-impungenge-zuko-abanyarwandakazi-bazasigara-inyuma-mu-ikoreshwa-ryikoranabuhanga

  • Bruce Melodie yavuze urutonde rw’indirimbo zamwemeje muri 2021, iya Meddy niyo iyoboye #rwanda #RwOT

    Itahiwacu Bruce [Bruce Melodie], umwe mu bahanzi nyarwanda bakunzwe kandi bakomeye, yavuze ko indirimbo 4 zahotse muri 2021 ari zo zamwemeje ariko 'My Vow’ ya Meddy ari yo ihiga izindi.

    Uretse izi ndirimbo 4 yatoranyije z’abandi bahanzi, na we ku giti cye yavuze ko indirimbo ye 'Katapila’ ari indirimbo nziza kandi yakunzwe cyane.

    Mu kiganiro yahaye ISIMBI, Melodie yavuze ko hasohotse indirimbo nyinshi kandi nziza ku buryo byagorana kuba yatoranyamo indirimbo imwe.

    Ati 'Hasohotse indirimbo nyinshi kandi nziza, indirimbo impamvu ziba zikunzwe(hit) ni uko abantu baba bahuriye kukuzikunda, rero ni nyinshi cyane ku buryo utambwira imwe ngo mbone imwe yo kuvuga, ariko iri imbere y’izindi ni indirimbo ya Meddy.'

    My Vow ya Meddy imaze kurebwa n’abantu basaga miliyoni 8 kuri YouTube. Uretse iyi ndirimbo izindi ndirimbo zamwemeje harimo 'Away’ ya Ariel Ways na Juno Kizigenza imaze kurebwa na miliyoni 2.5 kuri YouTube, 'Piya Puresha’ ya Niyo Bosco imaze kurebwa na miliyoni 2.1 ndetse na 'Bambe’ ya Papa Cyangwa na Social Mula imaze kurebwa na miliyoni 1 kuri YouTube.

    Source : http://isimbi.rw/imyidagaduro/article/bruce-melodie-yavuze-urutonde-rw-indirimbo-zamwemeje-muri-2021-iya-meddy-niyo-iyoboye

  • Riderman ayoboye abahanzi 5 bazaririmba kuri 'Rayon Sports Day’ #rwanda #RwOT

    Ku Cyumweru tariki ya 24 Ukwakira 2021, nibwo hazaba 'Rayon Sports Day’ aho abafana b’iyi kipe bazasusurutswa n’abahanzi 5 barimo umuraperi ukunzwe cyane mu Rwanda, Gatsinzi Emery wamamaye nka Riderman.

    'Rayon Sports Day’, ni igikorwa ngaruka mwaka iyi kipe ikora mbere y’itangira rya shampiyona, aho yerekana abakinnyi iba izakoresha muri uwo mwaka w’imikino ugiye gutangira.

    Kuri iyi nshuro kizabera kuri Stade Amahoro aho izakina n’umukino wa gicuti na Kiyovu Sports, ni mu gihe yagombaga gukina na Mukura VS ariko bihurirana n’uko ari yo bazakina ku munsi wa mbere wa shampiyona.

    Uyu munsi ni nabwo hazageragezwa niba nyuma y’igihe kinini abafana bazemerwa muri shampiyona, aho Rayon Sports yemerewe kuzazana abafana ibihumbi 8.

    Aba bafana bakaba bazasusurutswa n’abahanzi batandukanye barimo Queen Cha, Riderman, Khalfan, Senderi ndetse na Symphony Band.

    Uretse aba bahanzi kandi hashobora no kwiyongeraho Bushali utaratanga igisubizo ndetse n’umuhanzi Platini P umaze iminsi muri Nigeria.

    Umufana ushaka kuzitabira uyu munsi azaba asabwa kwerekana ubutumwa bw’uko yipimishije Covid19 mu masaha nibura 72 mbere y’uwo munsi ndetse ibisubizo bikagaragaza ko ari muzima. Azaba kandi asabwa kuba nibura yarafashe urukingo rumwe rwa Covid19.

    Riderman ukunda kwiyita Igisumizi azasusurutsa abakunzi ba Rayon Sports kuri ‘Rayon Sports Day’

    Symphony Band izaba ihabaye

    Senderi Eric yanahombiye Rayon Sports indirimbo

    Queen Cha asanzwe ari umufana ukomeye wa Rayon Sports, se ni na we muganga wa Rayon Spots

    Khalfan Govinda azaba ahabaye

    Source : http://isimbi.rw/imyidagaduro/article/riderman-ayoboye-abahanzi-5-bazaririmba-kuri-rayon-day

  • Huye: Abayobozi b’ibigo by’amashuri bidatsindisha neza basabwe kwegera ab’ibibarusha bakabigiraho #Rwanda #RwOT via @kigalitoday #rwanda #RwOT

    Guverineri Kayitesi yashyikirije umuyobozi w
    Guverineri Kayitesi yashyikirije umuyobozi w’ishuri NDP Karubanda igihembo cy’ishimwe cy’uko ishuri ayobora ryitwaye neza kurusha ayandi

    Bwabibasabye mu nama itangira umwaka w’amashuri ubuyobozi bw’Akarere ka Huye bwagiranye n’abayobozi b’ibigo by’amashuri bikorera muri ako Karere, ku wa 21 Ukwakira 2021.

    Umuyobozi w’Akarere, Ange Sebutege, yagaragaje ko kuba ishuri rimwe rigira abana b’abahanga, ugasanga abiga ku rindi batsindwa, bituruka ku mikorere y’abayobozi.

    Yagize ati “Abayobozi b’ibigo by’amashuri n’abarimu baba barigiye hamwe, n’abana bagahabwa uburyo bwo kwiga bumwe, igisigaye kiba ari ukumenya uko umuntu yabyitwaramo.”

    Biteganyijwe ko muri uku kwigiranaho, ibigo by’amashuri bitsindisha cyane byo mu Murenge runaka bizajya bifasha ibindi, ariko hakanabaho ko n’ikigo cyo mu Murenge runaka cyakurikirana mu buryo bw’umwihariko icyo mu wundi.

    Meya Sebutege ati “Ariko n’umuyobozi w’ikigo runaka ashobora kwegera uw’ikigo cyitwara neza, akavoma ubumenyi bumufasha kuvugurura imikorere ye.”

    Sr. Philomène Nyirahuku, umuyobozi w’ishuri Notre Dame de la Providence Karubanda (NDPK), ari na ryo ryisumbuye ryitwaye neza kurusha ayandi muri Huye mu bizamini bya Leta biheruka, yasabwe kuzegera uwa GS Kabusanza ryatsindishije kuri 40%, ari na ryo rya nyuma muri Huye, akarigira inama.

    Sr Philomène yiyemeje kuzasura uyu muyobozi, akareba ibibazo afite bituma abanyeshuri be batsindwa, hanyuma akazamugira inama.

    Ati “Nzamusura kenshi, numve ingamba afite, tuzijyeho inama, n’abarimu duhure habe hasigaye ikibazo cy’ababyeyi n’abanyeshuri.”

    Muri iyi nama yahuje ubuyobozi bw’Akarere ka Huye n’abayobozi b’ibigo by’amashuri, hanahembwe ibigo by’amashuri byitwaye neza kurusha ibindi mu bizamini bya Leta biheruka.

    Umuyobozi w
    Umuyobozi w’ishuri ribanza, Ikibondo, yashyikirijwe igihembo

    Mu mashuri abanza hahembwe ishuri Ikibondo ari na ryo ryabaye irya mbere, na Ecole Internationale Butare ryabaye irya kabiri ndetse n’ishuri GS Nkubi ryarushije andi mashuri ya Leta kuko ariya abiri ya mbere ari ayigenga.

    Na ho mu mashuri yisumbuye hahembwe NDP Karubanda yabaye iya mbere, GSO Butare yabaye iya kabiri, na GS Maza yabimburiye amashuri abana bigamo bataha.

    Hahembwe kandi n’Umurenge wa Tumba, ari wo urimo amashuri menshi yitwaye neza kurusha ayandi.


    source : https://ift.tt/3aYLJhZ

  • Amateka ya Nzayisenga Sophie wize gucuranga inanga ari umwana muto #Rwanda #RwOT via @kigalitoday #rwanda #RwOT

    Nzayisenga Sophie
    Nzayisenga Sophie

    Nsayisenga yatangiye gucuranga inanga no kuririmba by’umwuga ahagana mu 1986 afite imyaka itandatu (6) abyigishijwe na se Kirusu Thomas, umwe mu bakirigitananga b’abahanga u Rwanda rwagize agatabaruka mu mwaka wa 2010.

    Nzayisenga Sophie ni umwe mu bana 19 ba Kirusu Thomas yabyaye ku bagore batandukanye bitewe n’uko yapfakaye bwa mbere agashaka uwa kabiri (nyina wa Sophie) na we akitaba Imana, umusaza agashaka murumuna wa nyina wa Sophie (aracyariho).

    Nzayisenga afite indirimbo nyinshi yaririmbanye na se n’ize wenyine zafatiwe kuri Radio Rwanda, izindi zigafatirwa mu bitaramo bitandukanye babaga batumiwemo ku rwego rw’Igihugu.

    Sophie yibuka neza uko abanyamakuru baje gusura se kugira ngo bafate amajwi y’indirimbo ze, na we akaza kwegura inanga by’abana asa n’uwikinira, maze bumva arimo aracuranga inanga nk’umuntu mukuru bamusabye gukomeza ngo na we bamufate amajwi arabanza agira ubwoba.

    Nyuma ngo baje kumugurira uduhendabana (bombo) kugira ngo akomeze gucuranga hanyuma ubwoba burashira ubundi si ukubacurangira karahava, bukeye bumva indirimbo ze zirimo kunyura mu gitaramo kuri Radio Rwanda, atangira kwamamara atyo none ubu ni umuhanzi gakondo wubashywe ku rwego rw’igihugu.

    Bikurikire muri iki kiganiro:

    source : https://ift.tt/30EC91N

  • Benin: Itegeko ryo gukuramo inda 'rizoroshya agahinda k'abagore benshi' #rwanda #RwOT

    Inteko ishingamategeko ya Benin yatoye yemeza gukuramo inda ku mpamvu nyinshi, nk'uko byatangajwe na minisiteri y'ubuzima kuwa kane, ihita iba kimwe mu bihugu bicye cyane bya Africa byemeje ibi.

    Gukuramo inda byari bisanzwe byemewe ariko mu gihe habayeho; gufatwa ku ngufu, amahano, igihe ubuzima bw'umubyeyi buri mu kaga, cyangwa se mu gihe umwana utaravuka afite ibibazo byihariye kandi bikomeye by'amagara.

    Inama y'Abepiskopi ya Benin yatangaje ko 'ihangayikishijwe cyane n'iri tegeko riteganyijwe ryo kwemeza gukuramo inda'.

    Gukuramo inda ku mpamvu nk'izi zemejwe n'ababishinzwe, biremewe mu bindi bihugu bicye bya Africa birimo n'u Rwanda.

    Ingingo yo gukuramo inda ntivugwaho rumwe henshi ku isi aho bamwe babyamagana bashingiye ku kwemera cyangwa umuco, abandi bakavuga ko ari uburenganzira bw'umugore.

    Mu bihugu byinshi bya Africa, birimo Congo-Brazzaville, Repubulika ya Demokarasi ya Congo, Djibouti, Misiri, Guinea-Bissau cyangwa Senegal, gukuramo inda kose guhanwa n'amategeko.

    Itegeko rishya muri Benin rivuga ko gukuramo inda byakwemerwa mu gihe inda (imbanyi mu Kirundi) 'ishobora kongera cyangwa gutera ikibazo mu bushobozi, mu burezi, mu mwuga, cyangwa agahinda mu nyungu z'umugore cyangwa umwana utaravuka'.

    Iryo tegeko ryatowe kuwa gatatu nijoro nyuma y'impaka mu nteko ishingamategeko. Rigomba kubanza kwemezwa n'urukiko rurengera itegekoshinga mbere y'uko ritangira gukurikizwa.

    Iri tegeko rihinduye Benin undi mwihariko muri Africa.

    Kugeza mu 2016, Cape Verde, Mozambique, South Africa, Tunisia, na Zambia, nibyo byari byaremeje amategeko yoroshya gukuramo inda, nk'uko bivugwa n'ikigo cy'ubushakashatsi Guttmacher Institute cyo muri Amerika.

    Minisitiri w'ubuzima wa Benin, Benjamin Hounkpatin yagize ati: 'Iki cyemezo kigiye koroshya ububabare bw'abagore benshi, bagiraga agahinda k'inda batifuza, bagashyira ubuzima bwabo mu kaga bajya gukuramo inda rwihishwa.'

    Avuga ko gukuramo inda muri ubwo buryo bituma abagore n'abakobwa 200 bapfa buri mwaka bagerageza gukuramo inda.

    Yabwiye abanyamakuru ati: '(Iri tegeko) rizishimirwa n'abakora mu buvuzi bose bavura ibibazo byo gukuramo inda nabi buri munsi.'

    Itangazo ry'inama y'Abepiskopi ya Benin rivuga ko 'gukuramo inda bitangiza gusa ubuzima bw'umwana utaravuka ahubwo n'ubwa nyina, mu buryo bwinshi.'

    Inda ziterwa abakobwa bakiri abana zireze muri Benin, aho 12% gusa by'abantu aribo bakoresha uburyo bugezweho bwo kuboneza urubyaro, nk'uko bivugwa n'ishyirahamwe rya ONU ryita ku buzima OMS/WHO.

    SRC:BBC

    The post Benin: Itegeko ryo gukuramo inda 'rizoroshya agahinda k'abagore benshi' appeared first on IRIBA NEWS.

    Source : https://iribanews.rw/2021/10/22/benin-itegeko-ryo-gukuramo-inda-rizoroshya-agahinda-kabagore-benshi/

  • Jimmy Gatete yasuye abakinnyi ba AS Kigali – YEGOB #rwanda #RwOT

    Ubwo ikipe ya AS Kigali yageraga muri Congo aho igiye gukina umukino wo kwishyura na Daring Club Motema Pembe, hagaragaye amafoto Jimmy Gatete ari kumwe nabamwe mubakiniye amavubi aribo Jimmy Mulisa, Eric Nshimiyimana ndetse na Haruna Niyonzima ukinira Amavubi ndetse n'ikipe ya AS Kigali kugeza ubu.

    Gimmy Gatete wigeze gukinira amavubi, akaba numwe mubagize ikipe y'Amavubi yagiye mugikombe cya Africa yongeye kugaragara asuhuza abakinnyi ba AS Kigali mbere yo gutangira imyitozo yabo ya mbere kuri Stade des Martyrs de la Pentecote.

    Source : https://yegob.rw/jimmy-gatete-yasuye-abakinnyi-ba-as-kigali/

  • Perezida Ndayishimiye asubiye muri Tanzania mu ruzinduko rw’iminsi 3 #rwanda #RwOT

    Mu gitondo cyo kuri uyu wa Gatanu, Perezida Evariste Ndayishimiye na Madamu we Angeline Ndayishimiye bahagurutse ku kibuga cy’Indege i Burundi berecyeza muri Tanzania aho bagiye gutangira uruzinduko rw’iminsi itatu.

    Ubwo bari ku kibuga cy’Indege, babanje gusezera ku bayobozi mu nzego nkuru bari babaherekeje ubundi binjira mu ndege yo muri Tanzania ari na yo yabatwaye.

    Ibiro by’Umukuru w’Igihugu mu Burundi, byari byabanje gusohora itangazo rivuga iby’uru ruzinduko rw’iminsi itatu ko ruteganyijwemo ibikorwa binyuranye.

    Muri uru ruzinduko, biteganyijwe ko Perezida Evariste Ndayishimiye azagirana ibiganiro na mugenzi we wa Tanzania, Madamu Samia Suluhu Hassan bigamije gutsimbataza umubano w’ibihugu byombi.

    Muri Nzeri 2020, Perezida Evariste Ndayishimiye, ni bwo bwa mbere yagiriye uruzinduko hanze y’Igihugu ari bwo yajyaga muri Tanzania akakirwa n’uwari mugenzi Dr John Pombe Magufuli witabye Imana.

    Icyo gihe Perezida Ndayishimiye yari yahuriye na Magufuli mu mujyi wa Kigoma uherereye hafi y’umupaka n’u Burundi.

    Muri Nyakanga uyu mwaka wa 2021, Perezida Madamu Samia Suluhu Hassan wa Tanzania yari yagiriye uruzinduko rw’Iminsi ibiri mu Burundi aho yakiriwe na mugenzi we Evariste Ndayishimiye banagirana ibiganiro.

    UYU MUNSI UBWO YAHAGURUKAGA MU BURUNDI

    UBWO YARI AGEZE MURI TANZANIA

    UKWEZI.RW

    Source : http://www.ukwezi.rw/Mu-mahanga/Politiki/article/Perezida-Ndayishimiye-asubiye-muri-Tanzania-mu-ruzinduko-rw-iminsi-3

  • Abafatanywe na Kizito Mihigo umwe yagizwe umwere undi akatirwa imyaka 5 #rwanda #RwOT

    Aba bagabo batatu basomewe umwanzuro w’urukiko nyuma y’uko urubanza rwabo rupfundikiwe ubwo Ubushinjacyaha bwari bwabasabiye ibihano.

    Mu iburanisha ryabaye tariki 12 z’uku kwezi, Ubushinjacyaha bwari bwasabiye babiri muri bariya bagabo gufungwa imyaka irindwi n’igice no gutanga ihazabu ya Miliyoni 2.5 Frw mu gihe umwe bwari bwamusabiye gufungwa amezi atandatu n’ihazabu ya miliyoni 1.5 Frw.

    Urukiko Rwisumbuye rwa Nyarugenge rwemeje ko Jean Bosco Nkundimana wari umukozi wa Kizito Mihigo ahamwa n’ibyaha rumukatira gufungwa imyaka itanu n’igice.

    Naho wagombaga kwereka inzira Kizito Mihigo n’umushoferi wagombaga kumutorokesha we, yakatiwe gufungwa amezi atatu mu gihe umushoferi wabatwaye we yagizwe umwere.

    Aba bagabo batawe muri yombi muri Gashyantare umwaka ushize wa 2020 ubwo hanafatwaga umuhanzi Kizito Mihigo waje gupfira muri Gereza yiyahuye nk’uko byatangajwe n’inzego zibifitiye ububasha.

    Urubanza rwa bariya bagabo batatu, rwagiye rusubikwa kuva muri Mutarama uyu mwaka wa 2021, gusa mu mpera za Mata, bari bireguye ku byaha bashinjwa.

    Muri uru rubanza ruburanishwa n’Urukiko Rwisumbuye rwa Nyarugenge, muri Mata ubwo bisobanuraga, uwitwa Innocent Harerimana yari yahakanye icyaha ashinjwa avuga ko ntacyo yakoze.

    Naho Joel Ngayabiha na Jean Bosco Nkundimana bemeraga icyaha cyo kuba icyitso ku cyaha cyo kwambuka no kwambutsa aca ahantu hatemewe n’amategeko ariko bagahakana icyo gutanga ruswa.

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Abafatanywe-na-Kizito-Mihigo-umwe-yagizwe-umwere-undi-akatirwa-imyaka-5