Author: webrwanda

Muri uru ruzinduko Twagirayezu yagiriye ku Nkombo ku wa 21 Ukwakira 2021, yari aherekejwe n’abayobozi barimo Umuyobozi Mukuru w’Ikigo cy’Igihugu gishinzwe Ibizamini n’Ubugenzuzi bw’amashuri (NESA), Dr. Bahati Bernard, Umuyobozi w’Akarere ka Rusizi, Kayumba Ephrem n’abandi.

Minisitiri Twagirayezu yasuye abanyeshuri b’Urwunge rw’Amashuri rwa Mutagatifu Petero [GS St Pierre Nkombo], agirana nabo ibiganiro ndetse abona umwanya wo kuganira n’abayobozi b’iri shuri.

Yanasuye ibikorwaremezo by’iri shuri hagamijwe kureba ibyo bamaze kugezwaho ndetse n’ibibura, aho yeretswe ibice bitandukanye by’ikigo birimo icyumba cy’ubushakashatsi bw’abanyeshuri.

Ishuri rya GS St Pierre Nkombo rifite abanyeshuri 505 ryigisha amasomo ya siyansi.

Mu butumwa yanyujije kuri Twitter, yagize ati “Nishimiye cyane kubona abanyeshuri bacu barimo gushyira mu bikorwa amahame y’ubutabire n’ubugenge bakabihuza n’ibibaho mu buzima busanzwe kandi bakishimira kubikora.”

Yavuze ko aba banyeshuri bo ku Nkombo batangiye gushyira mu bikorwa ibyo biga ari urugero rwiza ku bandi bose.

Twagirayezu kandi kuri iri shuri yasuye itsinda ry’abanyeshuri bakoze moto ifite umwihariko wo kuba itwarwa hakoreshejwe amazi n’umunyu mu rwego rwo kurengera ibidukikije.

DG NESA agenda kuri moto yakozwe n’abana bo ku Nkombo @RusiziDistrict , @RwandaWest muri GS st Pierre. Moto itwarwa n’amazi n’umunyu. Hari mu ruzinduko Mos @Rwanda_Edu yakoreye ku Nkombo. @RwandaLocalGov @AkayezuJa pic.twitter.com/w9XRbEZNK3

— Habitegeko Francis (@HabitegekoFran1) October 21, 2021

Iyi moto inywa litiro ebyiri z’amazi, zikajyamo n’amagarama 25 y’umunyu ikabasha kugenda ibirometero bine. Ni moto urebye ikozwe nka moto isanzwe uretse ko yo ikozwe mu byuma n’amabati ariko ikifashisha na bateri iyiha imbaraga mu kwaka.

Ifite ahantu ho gushyira urufunguzo kugira ngo yake. Gusa bitandukanye n’izindi moto, yo ntubanza gutera umugeri kugira ngo yake, kuko ukimara gushyiramo urufunguzo iba yatse ukayongerera umuriro (accélérer) ubundi ikagenda.

Umunyamabanga wa Leta ushinzwe Amashuri Abanza n’Ayisumbuye, Twagirayezu Gaspard, yasuye kandi ikigo cy’amashuri abanza cya Bugumira kiri mu Murenge wa Nkombo muri aka Karere ka Rusizi.

Mu nama yagiranye n’iri shuri, yabasabye kongera ingufu mu kuzamura ireme ry’imyigire n’imyigishirize.

Guverineri w’Intara y’Uburengerazuba, Habitegeko François, aherutse kubwira IGIHE ko ku Nkombo hari impano zidasanzwe kuko uretse aba bakoze moto hari n’abandi bakoze imashini ya EBM.

Ati “Bakoze ibintu byiza byinshi, iyi moto ikoresha ikoranabuhanga rikoresha amazi n’umunyu. Ntabwo igenda ahantu hanini ariko irakora neza kuko impamvu itagenda urugendo runini ni uko ijyamo litiro ebyiri z’amazi. Ikindi kandi bakora ibindi bintu birimo amasabune, divayi ndetse banafite na gahunda yo gukora Drones.”

Yavuze ko aba banyeshuri bo ku Nkombo bagaragaje ko guhanga udushya hagamijwe gukemura bimwe mu bibazo abaturage bafite bishoboka kandi bikaba byakorwa n’abakiri bato.

Iyi moto yakozwe n’abanyeshuri bo ku Nkombo ifite umwihariko udasanzwe wo kuba itwarwa hakoreshejwe amazi n’umunyu

Twagirayezu Gaspard kandi yasuye icyumba cy’ubushakashatsi cyo muri iri shuri rya St Pierre Nkombo

Twagirayezu yatunguwe n’abana bo ku Nkombo bakoze moto

M1 yafatanywe na Uwimana Claude w’imyaka 25 ku wa 21 Ukwakira 2021. Bafatiwe mu Mudugudu wa Kiruhura, Akagari ka Niboye, Umurenge wa Niboye mu Karere ka Kicukiro.

Umuvugizi wa RIB, Dr Murangira B. Thierry, yemereye IGIHE ko uyu muhanzi wamamaye mu njyana ya Dancehall yatawe muri yombi.

Yagize ati “Abafashwe bafungiye kuri Sitasiyo ya RIB ya Kicukiro mu gihe iperereza rikomeje kugira ngo hakorwe dosiye ishyikirizwe Ubushinjacyaha.’’

Mu butumwa bwe, yasabye abaturage kwirinda gukoresha ibiyobyabwenge kuko bihanwa n’amategeko.

Dr Murangira yakomeje ati “RIB iributsa abaturarwanda bose ko itazihanganira uwo ariwe wese uzafatwa anywa, acuruza cyangwa atunda ibiyobyabwenge ibyo aribyo byose. Kuburyo bw’umwihariko turasaba abahanzi kuba icyitegererezo hari urubyiruko rufata abahanzi nka role model, tirabasaba kugendera kure ibiyobyabwenge. Tuributsa abantu ko ari icyaha gihanwa n’amategeko.’’

M1 na Uwimana Claude bakurikiranyweho ibyaha bibiri birimo “Kunywa ibiyobyabwenge” no “Gutunda ibiyobyabwenge.’’

Itegeko ry’ibyaha n’ibihano muri rusange rigena ko icyaha cyo kunywa ibiyobyabwenge gihanishwa ingingo ya 11 y’itegeko Nº69/2019 ryo ku wa 08/11/2019 rihindura itegeko Nº68/2018 ryo ku wa 30/08/2018 riteganya igifungo kitari munsi y’umwaka umwe ariko kitarenze imyaka ibiri cyangwa imirimo y’inyungu rusange.

Mu gihe bahamywa n’icyaha cyo gutunda ibiyobyabwenge, bahanishwa ingingo ya 11 y’itegeko Nº69/2019 ryo ku wa 08/11/2019 rihindura itegeko Nº68/2018 ryo ku wa 30/08/2018 rivuga ko ku byerekeye ibiyobyabwenge bihambaye (nk’urumogi), bahanishwa igifungo cya burundu n’ihazabu ya miliyoni zitari munsi ya 20 Frw ariko zitarenze 30.000.000 Frw.

M1 ni umuhanzi wibanda ku muziki w’injyana ya Dancehall. Yatangiye umuziki mu 2012, akora zimwe mu ndirimbo zitandukanye zirimo izamenyekanye cyane kuva mu myaka igera ku icumi.

Uyu muhanzi yamenyekanye cyane mu ndirimbo zirimo “Ibihu’’, “Perfect’’, “Iyo foto’’, “Uritonda’’, “Brenda’’ ari kumwe na Bruce Melodie, “Juliana’’ yakoranye na Umutare Gaby n’izindi. Yanyuze mu maboko y’abakomeye mu gutunganya umuziki mu Rwanda barimo Pastor P n’abandi.

Nzamwita Olivier Joseph wamamaye mu muziki nka M1 yatawe muri yombi akurikiranyweho icyaha cyo gukoresha urumogi

Perezida wa Komisiyo y’Inteko Ishinga Amategeko y’Umuryango wa Afurika y’Iburasirazuba, ishinzwe ibikorwa by’akarere no gukemura amakimbirane, Fatuma Ndangiza, ku wa 20 Ukwakira yavuze ko ingamba zashyizweho mu kurwanya ibitero by’iterabwoba mu Karere zisa nk’aho nta musaruro ufatika zatanze.

Yagize ati “Komisiyo ya EALA yabonye ko mu bihe bya vuba bishize, akarere ka Afurika y’Iburasirazuba ari ko kahuye n’ibitero bikakaye by’iterabwoba muri Afurika yo munsi y’ubutayu bwa Sahara. Ibi bigaragaza ko imbaraga zose zashyizweho na EAC mu guhashya iterabwoba nta musaruro zitanga.”

“Ibitero by’iterabwoba biheruka kubera muri Kenya ni urugero rwiza rw’ukuntu akarere ka Afurika y’Iburasirazuba gakomeje kwibasirwa n’ibi bitero kandi ibihugu binyamuryango bya EAC ntibishyire ingufu mu kubirwanya.”

Depite Ndangiza yavuze ko mu kongera imbaraga zo kurwanya ibi bitero, abayobozi mu nzego zitandukanye zifasha mu kubungabunga umutekano mu bihugu bigize EAC bajya bahura rimwe na rimwe bakaganira ku cyakorwa kugira ngo ingamba zishyirwaho mu kurwanya iterabwoba zitange umusaruro.

Ati “Ibi bizashyirwamo imbaraga binyuze mu kazi kazakorwa n’Ihuriro ry’Abanyamadini muri Afurika y’Iburasirazuba bazafasha abantu kumva ububi bw’ibi bikorwa binyuze mu ijambo ry’Imana.”

Depite Ndangiza yavuze ko kandi abayobozi b’inzego z’urubyiruko muri EAC ndetse n’urubyiruko ruhagarariye za kaminuza na bo bazagira uruhare mu kurwanya iri terabwoba nk’uko inkuru ya The New Times ibivuga.

Al-Shabaab ni wo mutwe uza ku isonga mu kugaba ibitero by’iterabwoba muri aka karere cyane muri Kenya na Somalia, gusa hari n’indi mitwe itandukanye irimo ADF iba mu mashyamba ya Repubulika Iharanira Demokarasi ya Congo ikomeje gukaza umurego mu guhungabanya umutekano muri EAC.

Abadepite bo muri EALA bagaragaje ko hakenewe gushyira ingufu mu bikorwa byo kurwanya iterabwoba muri EAC

Ubwo ku wa Mbere tariki ya 20 Ukwakira 2021 hafungurwaga ku mugaragaro iyi nama yabereye muri Ghana, Minisitiri w’Urubyiruko n’Umuco, Mbabazi Rosemary, wari wahagarariye Perezida Paul KAGAME, yagaragaje urubyiruko nk’umutungo ukomeye wa Afurika, bityo ko rugomba kuba inkingi ya mwamba mu guteza imbere ubukungu by’uyu mugabane.

Minisitiri Mbabazi yagize ati “Afurika ifite ubutunzi mu ngeri zinyuranye, ariko ubutunzi buruta ubundi ifite ni urubyiruko. Urubyiruko rwa Afurika rufite ubushobozi, imbaraga, ubumenyi n’impano, ndetse rufite umwanya mwiza wo kuba ku isonga mu guhindura uyu mugabane.”

“Kwihuza kw’ibihugu byateye intambwe ishimishije kurusha mbere, gushyiraho Isoko rusange rya Afurika ni kimwe mu by’ingenzi twagezeho kuko ishyirwa mu bikorwa ryaryo rizagaragaza imbaraga nyazo za Afurika. Kwishyira hamwe kwa Afurika twifuza muri aya masezerano bizagerwaho ari uko urubyiruko rubigizemo uruhare.”

Minisitiri Rosemary Mbabazi yaganirije abitabiriye iri huriro ry’urubyiruko

Minisitiri w’Urubyiruko n’Umuco yibukije urubyiruko rw’ubu ko rugomba gushingira ku bumenyi n’ubushobozi rufite maze rugaharanira iterambere rya Afurika binyuze mu guhanga ibishya, guhanga imirimo ndetse no gufatanya.

Yibukije abayobozi ba Afurika ko kugira ngo ive mu ngaruka z’icyorezo cya COVID-19, hagomba kongera kurebwa uburyo baha umwanya n’ubushobozi urubyiruko ngo rutange umusanzu mu iterambere ry’ubukungu.

Atangiza iyi nama ku mugaragaro, Dr. Mahamudu Bawumia, Visi Perezida wa Ghana na we yavuze ko igihe urubyiruko rwaba ruhawe amahirwe n’ubushobozi nta kabuza rwatanga umusanzu ukomeye mu kuzamura ubukungu bwa Afurika.

Inama ngarukamwaka ya YouthConnekt Africa ihuza urubyiruko ruvuye hirya no hino ku mugabane wa Afurika no hanze yawo, abanyapolitiki, ibigo bya Leta n’iby’abikorera n’imiryango itari iya Leta hagamijwe kuganira no gushyiraho ingamba zigamije iterambere ry’urubyiruko rwa Afurika.

U Rwanda rwari ruhagarariwe muri iri huriro

Inzu ya Ntizihabose iraba yuzuye mu byumweru bibiri

Ni umubyeyi uvuga ko we n’abana be batanu bababayeho imyaka isaga icumi mu buzima bw’agahinda gakabije, aho ngo bamusohoye mu nzu inshuro enye, biviramo abana be gutorokera i Kigali mu buzererezi, umukobwa atorokera mu mujyi wa Musanze, umubyeyi asigara ari nyakamwe atagira aho acumbika.

Ati “Bakimara kunsohora inshuro enye mu nzu nari ncumbitsemo, abana banjye bahize batorokera i Kigali, Umukobwa atorokera mumujyi wa Musanze, abayobozi nibo bagiye kumukurayo baramungarurira”.

Ngo muri ubwo buzima butoroshye yanyuzemo abana be bakimara gutoroka, umugabo w’umugiraneza atazi, ngo yamusanze ku ibaraza ry’umuturage imvura imunyagira.

Ngo yaramubajije ati “Ko unyagirirwa ku ibaraza bite? Na we ati ntabwo ngira aho mba nakomanze ngo nugame banga kunkingurira”.

Ni umuganda witabiriwe n’abayobozi mu nzego zinyuranyendetse n’Ingabo z’u Rwanda

Ngo uwo mugiraneza yamugiriye impuhwe amwemerera kumwishyurira ubukode mu gihe cy’umwaka, ni nabwo abana be bahise bagaruka babana muri iyo nzu yakodesherejwe ubuzima busa n’ubugarutse.

Avuga ko ubwo yari amaze umwaka yishyurirwa iyo nzu, nyuma y’uwo mwaka byongeye gusubira rudubi, nyiri inzu akamuhoza ku nkeke ngo amuvire mu nzu kugeza ubwo ayisohowemo, ari bwo yashatse shitingi yigira inama yo kuyishinga mu kibanza yari yarahawe n’abagiraneza.

Bikimara kugaragara ko uwo mubyeyi n’abana be baba muri shitingi, Urubyiruko rw’abakorerabushake mu Karere ka Nyabihu n’ubuyobozi bw’Umurenge wa Shyira bafashe icyemezo cyo guhuza imbaraga ku bufatanye n’abaturage batangira igikorwa cyo kubakira uwo muryango, Ubuyobozi bw’akarere butanga isakaro.

Ntizihabose Charlotte yishimiye ko agiye kubona inzu ye

Ni mu muganda watangijwe ku wa Kane tariki 21 Ukwakira 2021, hanatangizwa ukwezi kwahariwe ibikorwa by’urubyiruko rw’abakorerabushake mu Karere ka Nyabihu.

Richard Kubana, Umuyobozi muri Minisiteri y’Ubutegetsi bw’igihugu ushinzwe ibikorwa by’urubyiruko rw’abakorerabushake n’ubukangurambaga wari intumwa ya Minisiteri y’Ubutegetsi bw’igihugu muri icyo gikorwa, yashimiye buri wese mu bagize uruhare rwo gutekereza kubakira uwo muryango, by’umwihariko urubyiruko rw’abakorerabushake rukomeje ibikorwa byo kuzamura imibereho myiza y’abaturage.

Ashima uburyo nyuma y’uko bamenye ikibazo cy’uwo mubyeyi utagira aho aba, bafashe ingamba zo kumwubakira.

Uwo muyobozi yavuze ko gukorera ubushake bitanga isomo ku gihugu, ati “Ikintu cya mbere gikenewe ni ugukunda igihugu, igihugu ntabwo ari igishushanyo, igihugu kigizwe n’abagituye n’abakirimo kandi ugasabwa kugikunda ndetse no gukunda ibyo byose bikirimo. Turasaba urubyiruko rw’abakorerabushake gukomeza kurangwa na disipuline, kuko ni yo itugeza kuri byinshi”.

Urubyiruko rw’abakorerabushake mu bikorwa binyuranye biteza imbere imibereho y’abaturage

Arongera ati “Murabizi ko disipuline ariyo idufasha gukora tutiganda, tugashyiramo imbaraga zacu tuzi ko igihugu ari icyacu, tuzi ko igihugu ntawe tugikodesha ari icyacu, tugakora bene ni ibi bikorwa by’umutima, ubu bwitange bushobora kubera abandi isomo, bushobora gufasha ibindi bihugu”.

Raporo ya MINALOC iragaragaza ko mu mwaka wa 2020, urubyiruko rw’abakorerabushake mu Rwanda rwakoze ibikorwa binyuranye, birimo kubakira abatishoboye, kubaremera amatungo, kubatangira ubwisungane mu kwivuza n’ibindi, aho habaruwe ibifite agaciro ka Miliyari zisaga ebyiri.

Uretse igikorwa cyo kubakira uwo muryango, urubyiruko rw’abakorerabushake bwaremeye n’umuturage utishoboye wahoze ku rugerero, rumushyikiriza inka ifite agaciro k’Amafaranga y’u Rwanda angina na 310,000, aho bujuje izindi nzu ebyiri zubakiwe imiryango ibiri itishoboye, bakaba bamaze no gukusanya amafaranga angina na miliyoni icyenda yo kwifashisha mu mishanga iri imbere, nk’uko Bunezero Jean Baptiste, umuhuzabikorwa w’urubyiruko rw’abakorerabushake mu Karere ka Nyabihu yabitangarije Kigali Today.

Urubyiruko rw’abakorerabushake rworoje inka umuturage utishoboye

Ati “Mu rwego rwo kugira ngo urubyiruko rw’abakorerabushake rwiteze imbere mu bukungu, tumaze gukusanya asaga miliyoni icyenda yo kwifashisha mu mishinga ifatika izadufasha kwiteza imbere, ndetse nkanaboneraho umwanya wo gushishikariza abandi kureba uburyo twashyiraho gahunda yo kwizigamira bikaba byadufasha kubona uko twakore neza akazi kacu k’ubukorerabushake”.

Ku ruhande rw’Akarere ka Nyabihu, Nsabimana Cyprien, Umunyamabanga Nshingwabikorwa w’ako karere, avuga ko kubakira umuturage utishoboye binyuze mu mbaraga z’abaturage, bivuze byinshi ku karere kamaze iminsi gashaka ibisubizo bigamije gukemura ibibazo byugarije imibereho myiza y’abaturage.

Avuga ko uruhare rw’urubyiruko rw’abakorerabushake ari isomo rikomeye ku baturage, akagaruka ku ruhare rwarwo mu iterambere ry’akarere.

Ati “Muri COVID-19, akarere kacu kari mu turere twagaragayeno ubwandu buke, imbaraga ziba zakoresheje ni ubuyobozi dufatanyije n’uru rubyiruko kandi banatanga ubufasha mu bindi. Twe nk’ubuyobozi bw’akarere izo ni imbaraga, binatanga n’isomo ryiza dufatanyije nabo mu kwishakamo ibisubizo, nk’iyi nzu batangiye kubaka ni urugero rw’ibishoboka”.

Richard Kubana, umuyobozi muri MINALOC

Uwo muyobozi yavuze ko ibibazo by’uwo mubyeyi bikemuka akajya mu nzu ye bitarenze ibyumweru bibiri.

Ati “Ibibazo Charlotte yatugaragarije biba bifite uburyo bikurikiranwa, kandi haba hari n’ingamba nyinshi ziba zarashyizweho kugira ngo bibe byakemuka, dufatanyije n’uru rubyiruko, turakomeza tubikurikirane ku buryo n’iyi nzu, nyuma y’ingamba twihaye mu byumweru bibiri Charlotte araba ayituyemo. Hari umuturage w’umutima mwiza ubaye amucumbikiye, ariko ni yo mpamvu dufatanya n’urubyiruko kugira ngo iyi nzu yihutishwe atahe aho yita iwe”.

Urubyiruko rw’abakorerabushake mu Karere ka Nyabihu ni 25,360, rumaze kubakira abatishoboye inzu zisaga 100.

Bifuza guhabwa ingurane kuko bayitegereje igihe kirekire

Abavuga ibyo bo mu Tugari twa Gakoro, Gasakuza na Karwasa, ngo bari barahinze imyaka yari igizwe n’ibigori, ibishyimbo, insina z’urutoki n’indi myaka yiyongeraho amashyamba n’ibiti by’imbuto byatemwe, kugira ngo hanyuzwe umuyoboro w’amashanyarazi.

Uwitwa Nyirabambari wo mu Mudugudu wa Ruhasa, Akagari ka Gasakuza, yabaruriwe ingurane y’amashyamba abiri yatemwe kugira ngo hashingwe amapoto n’insinga. Avuga ko kuva ayo mashyamba yatemwa, amaze igihe akurikirana amafaranga y’ingurane yabaruriwe, imyaka ikaba igiye kuba itatu atarayahabwa.

Yagize ati “Baraje batema ibiti byose by’ayo mashyamba yombi, babimaramo, baratubarura ngo baduhe ingurane, igihe cyo kwishyura kigeze abandi barayabonye, njye nisanga ndi mu basigaye batayahawe. Twibaza impamvu baturobanuye mu bandi bikatuyobera. N’iyo tubajije aho bageze batwishyura, igisubizo ni ukutwizeza ko amafaranga ari mu nzira, tugategereza umwaka ugashira n’undi ukaza. Ubu amaguru yahiriye mu nzira kubera ingendo za buri munsi dukora tujya kubaza iby’izi ngurane, dusa n’abamaze kurambirwa. Twifuza ko batubwira niba iyo ngurane tuzayibona cyangwa tutazayibona ngo dukureyo amaso”.

Undi muturage wo mu Mudugudu wa Burengo, Akagari ka Karwasa, utarifuje ko amazina ye atangazwa, na we ari mu bahangayikishijwe no kuba atarigeze ahabwa ingurane y’ibibanza bye bibiri, byashinzwemo ibyuma by’amashanyarazi.

Yagize ati “Ikibanza cya mbere bagishyizemo ‘transformateur’, ikindi bagitabamo insinga. Ibyo bitarakorwa, narahahingaga ngasarura ibitunga uruko ariko nanateganya kuhubaka. None ubu imyaka irenga ibiri irinze ishira, nta kintu nemerewe gukoreramo. Nategereje ko bampa ingurane wenda ngo ngure ubundi butaka buhasimbura, ariko na n’ubu ndacyari mu gihirahiro. Twasaba ubuyobozi kwita ku kibazo cyacu, bukareba uko bugikemura, kuko kidukomereye cyane”.

Umuyobozi w’Akarere ka Musanze, Nuwumuremyi Jeannine, avuga ko gutinda kubona inguraane kw’aba baturage, byaturutse ku makosa yagiye agaragara muri dosiye zabo. Gusa ngo ni ikibazo bagiye kwitaho, bafatanyije n’Ikigo REG, kugira ngo bagikemure mu maguru mashya.

Yagize ati “Hari ibibazo byagiye bigaragara by’abatanze amakuru atuzuye muri ye batarahabwa iyo ngurane uko ari abantu 17 muri uyu Murenge wa Gacaca, byabaye ngombwa ko dosiye zabo bazisubiramo, amakosa yarimo arakosorwa. Icyo nabizeza ni uko turakora uko doshoboye, dufatanye na REG ikibazo cyabo gikemurwe vuba”.

Icyakora uyu Muyobozi ntiyatangaje igihe nyacyo iki kibazo kizaba cyakemutse, gusa yizeza abaturage ko bizakorwa vuba.

Ikibazo cy’ababarurirwa ingurane ku mitungo yangijwe n’iyubakwa ry’ibikorwa remezo, ariko hakaba abatayihawe ku gihe baba basezeranyijwe, gikunze kugarukwaho n’abaturage bo hirya no hino.

Kigali today iracyagerageza kubaza Ikigo REG, ikirimo gukorwa kuri iki kibazo, mu gihe haboneka amakuru abyerekeyeho, tuzayagarukaho muri iyi nkuru.

1. Burinda gusaza imburagihe

Gutereka ubwanwa bibuza uruhu guhura n’imirasire y’izuba ku kigero kingana na 90 kugera kuri 95%, bityo bikagabanya ibyago byo kurwara kanseri y’uruhu no kugira iminkanyari, nk’uko byagaragajwe mu bushakashatsi bwasohotse mu kinyamakuru “journal Radiation Protection Dosimetry”.

2. Gutereka ubwana bituma uca ukubiri n’imiburu ikunze kubaho nyuma yo kogosha ubwanwa rimwe na rimwe ikagira n’izindi ngaruka zirimo n’ibibyimba.

3. Gutereka ubwanwa bigabanya ibyago byo kurwara Asima (asthma) n’ibimenyetso bya aleriji (allergie).

Ibi biterwa n’uko ubwanwa bufata imikungugu n’utundi tuntu dutumuka mu kirere mbere y’uko tugera mu myanya y’ubuhumekero, nk’uko byatangajwe na Dr. Clifford W. Bassett, umuyobozi w’ikigo gishinzwe ibijyanye n’indwara zifata imyanya y’ubuhumekero harimo na asima i New York muri Leta zunze Ubumwe za Amerika.

4. Ubwanwa butera ubushyuhe
Nko mu gihe cy’imbeho ikabije cyane cyane mu bihugu bigira ibihe by’ubukonje bukabije (hiver), ubwanwa ngo bufasha ubufite kugira agashyuhe mu gice cy’isura.

5. Butuma uruhu ruhorana ubuhehere
Ubwanwa bufasha uruhu gufata amavuta karemano akorwa n’igice cy’uruhu kizwi nka epiderme, bityo uruhu rwo ku matama n’akananwa rugahora rutoshye.

Usibye n’ibyo kandi, umugabo ufite ubwanwa agaragara nk’umugabo kurusha uwogosha akamaraho burundu.

Indeshyo y’ubwanwa ikwiriye ni iyihe?

Ubushakashatsi bwasohowe n’ikinyamakuru Evolution and Human Behavior, buvuga ko baba abagabo n’abagore babona umugabo ufite ubwanwa nk’uwujuje ibyangobwa bya kigabo kurusha utabufite.
Ubu bushakashatsi kandi bukomeza buvuga ko ubwanwa buteretswe igihe kitarenze iminsi 10 buba buhagije.

“Izo mfu z’abakoraga mu nzego z’ubuzima ni igihombo kibabaje” Ibyo ni ibyavuzwe na WHO ku wa Kane tariki 21 Ukwakira 2021, ubwo yatangazaga imibare y’abishwe n’icyorezo cya Covid-19 hagati ya Mutarama 2020 na Gicurasi 2021, aho imibare yatangajwe muri rusange y’abishwe n’icyo cyorezo muri icyo gihe, igera kuri Miliyoni 3.45.

WHO iti “Kandi abo bakozi bo mu nzego z’ubuzima bishwe n’icyo cyorezo, basize icyuho kitazasibangana mu rugamba isi irimo rwo guhangana n’icyo cyorezo.”

Kugeza ubu, ngo hari abantu bagera kuri Miliyoni 135 bakora mu nzego z’ubuzima hirya no hino ku Isi, abo bakozi bakorera mu mavuriro no mu bitaro, babaye k’urugamba rwo guhangana n’icyorezo cya Covid-19 guhera igihe umuntu wa mbere uyirwaye yagaragaraga mu Mujyi wo Bushinwa wa Wuhan mu mwaka 2019, ubu aho bigeze, ngo n’ubwo bamwe muri abo bakozi bo mu nzego z’ubuzima barwaye, abandi bakaba bamaze kurambirwa, ariko n’ubu ngo nta kintu kinini gihari kigaragaza ko icyorezo kirimo gucika.

WHO kandi itangaza ko n’ubwo mu bihugu byinshi abo bakora mu nzego z’ubuzima bagiye bahabwa inkingo za Covid-19 mu ba mbere ubwo gahunda yo gukingira yari itangiye, ariko ubusumbane bwabayeho hagati y’ibihugu bikize n’ibikennye mu bijyanye no kubona inkingo, byatumye ubu iyo hakozwe impuzandengo, hirya no hino ku isi, basanga abantu babiri gusa muri batanu bakora mu nzego z’ubuzima (2/5), ari bo bamaze guhabwa inkingo zose za Covd-19.

Jim Campbell, Umuyobozi mukuru w’Ishami rishinzwe abakora mu nzego z’ubuzima muri WHO yagize ati “Dufite inshingano zo kurinda abakora mu nzego z’ubuzima, twubuhariza uburenganzira bwabo, tubaha aho bakorera heza kandi habafasha kwirinda uko bikwiye, harimo no kubafasha kubona inkingo”
Kugeza muri Nzeri 2021, imibare ituruka mu bihugu 119, yagaragazaga ko abatagera no kuri umwe mu bantu icumi (1/10) bakora mu nzego z’ubuzima, ari bo bonyine bamaze kubona inkingo zose za Covid-19 muri Afurika no mu bice byo mu Burengerazuba bwa Pacifique, mu gihe mu bihugu 22 bya mbere bikize ku isi, bo batanze raporo ivuga ko abasaga 80% by’abakozi bo mu nzego z’ubuzima, bamaze kubona inkingo zose.

Bikeya muri ibyo bihugu bikize, ngo ntibarashyikiriza WHO imibare y’uko ibijyanye n’inkingo mu bakozi b’inzego z’ubuzima zabyo bihagaze.

WHO iti “Igishimishije ni uko imibare itangazwa y’abakora mu nzego z’ubuzima bicwa n’icyorezo cya Covid-19, igenda igabanuka uko igihe gihita, ariko haracyari ibikeneye gukorwa, kugira ngo ibyago byo kuba bakwandurira aho bakorera bigabanuke”.

Uwo muryango uvuga ko Guverinoma zigomba kwita ku buryo zikurikirana zikanatanga raporo zijyanye na Covid-19, zigatangaza abakora mu nzego z’ubuzima barwaye Covid-19 ndetse n’abo yishe, zikanabashyiriraho aho bakorera hadashyira ubuzima bwabo mu kaga.