Author: webrwanda

Mbere y’igikorwa cy’amatora abatora babanzaga guhabwa amabwiriza y’imigendekere y’amatora

Guverineri Nyirarugero yasabye abatowe kurangwa n’imikorere ibereye abaturage

Ubu butumwa yabugarutseho ku wa Gatandatu tariki 23 Ukwakira 2021, mu gikorwa cy’amatora y’abagize Komite Nyobozi y’Umudugudu.

Imyanya yatowe uko ari itanu ku bagize Komite Nyobozi y’Umudugudu harimo Umukuru w’Umudugudu, Ushinzwe Umutekano Abinjira n’Abasohoka mu Mudugudu, Ushinzwe Imibereho myiza y’Abaturage n’Imboneza mubano, Ushinzwe amakuru n’amahugurwa y’Abaturage, Ushinzwe Iterambere; hakiyongeraho n’Umujyanama Rusange uhagarariye umudugudu mu nama Njyanama y’Akagari.

Abaturage Kigali Today yasanze kuri site ya GS Muhoza II, bazinduwe no kwitorera abo bayobozi, babifuzaho kurangwa n’imiyoborere ishyize imbere gutanga serivisi nziza, no kubakemurira ibibazo by’ingutu bagifite.

Abakorerabushake ba Komisiyo y’Igihugu y’Amatora babanje kurahirira imbere y’Inteko itora

Uwitwa Musafili Hassan, yagize ati: “Abayobozi twitoreye tubitezeho gukora akazi gakomeye, cyane cyane muri ibi bihe duhanganye n’icyorezo Covid-19 cyashegeshe ubukungu bwacu. Birasaba ko abo twatoye barushaho kutwegera bakatuba hafi, bakatwungura ibitekerezo bishya by’icyo twakora ngo twiteze imbere, kandi noneho na bya bikorwa byiza Leta iduteganyiriza bagakora uko bishoboye bakabitugezaho. Ni yo mpamvu twazindutse ngo twishyirireho abo bayobozi twifuza”.

Undi mubyeyi wo mu Mudugudu wa Rukoro, na we yishimiye kugira uruhare mu kwishyiriraho abayobozi yihitiyemo kandi bamubereye. Yagize ati: “Dukeneye abayobozi basobanukiwe neza ibyo dukeneye ngo iterambere ryacu ryihute. Ba bandi bazajya baserukira umudugudu wacu kandi bakanakorana bya hafi n’inzego zibakuriye. Ntabwo twifuza abajenjeka kuko batabasha kudukorera ubuvugizi bw’ibyo dukeneye. Abo twitoreye ni abantu tubana mu Mudugudu, tuzi neza imico n’imikorere yabo, kandi dufitiye icyizere ko ibyo tubategerejeho bazabisohoza neza”.

Bamwe mu batorewe kuyobora Imidugudu bavuga ko icyizere bagiriwe, bagiye kugiheraho bakorana umwete.

Kanyange Mariya wongeye gutorerwa kuyobora Umudugudu wa Rukoro mu Kagari ka Mpenge mu Murenge wa Muhoza mu Karere ka Musanze, yagize ati: “Mu mudugudu wacu, navuga ko hari ibintu byinshi twari tumaze kugeraho mu iterambere. Urugero nko muri Mituweri duheruka kuza ku mwanya wa gatatu ku rwego rw’Umurenge. Gahunda ya Ejo Heza tugeze kure tuyisobanurira abaturage bakayitabira. Ibijyanye n’isuku no kugarura abana mu ishuri twabigize ibyacu. Izo gahunda kimwe n’izindi zose zifitanye isano n’iterambere ry’abaturage, tugiye kuzikomerezaho mfatanyije n’abo twatowe hamwe, turusheho kubishyiramo imbaraga”.

Igikorwa cyo kubarura amajwi cyakorerwaga imbere y’abatoye

Mu bandi batowe ku rwego rw’Umudugudu barimo Niyibizi Hemedi, wijeje abaturage ko Komite Nyobozi y’Umudugudu wa Giramahoro igiye gushyira imbaraga mu gukora ubuvugizi, kugira ngo imihanda imwe n’imwe yo muri uyu Mudugudu ishyirweho amatara amurika mu masaha ya nijoro, akazagira uruhare mu kubungabunga umutekano w’abaturage, bigabanye n’ikibazo cy’ubujura.

Guverineri w’Intara y’Amajyaruguru, Nyirarugero Dancille, yasabye abatowe kurangwa n’imikorere ifasha umuturage kugera ku iterambere rirambye. Yagize ati: “Turasaba abatowe gukomereza aho abacyuye igihe bari bagejeje; ibitari byagakozwe mubihereho mubinonosore neza, mubikemure, ibyo mudafitiye ubushobozi muzajye mubishyikiriza ababakuriye. Icyo dushyize imbere ni ukubaka Umudugudu uzira inenge kandi uri ku rwego rwo kuba intangarugero mu yindi Midugudu, yaba mu mibanire myiza y’abawutuye, iterambere n’imibereho myiza yabo. Ibi kubigeraho, ni uko nk’abagize Komite z’Imidugudu muzaba mwashyize hamwe, mugakora akazi kanyu uko bikwiye, ariko kandi tutirengagije ko n’uruhare rw’umuturage mu kuzuzanya namwe ari ngombwa”.

Bamwe mu batowe bijeje abaturage gukemura ibibazo biri mu Midugudu no gukora ubuvugizi

Ahabereye amatora, igikorwa cyo gutora cyabimburiwe no gusobanurira Inteko itora, abakandida batora abo ari bo n’uko amatora akorwa, igikorwa cyakurikiwe no kurahira kw’abakorerabushake ba Komisiyo y’Igihugu y’Amatora, igikorwa cy’itora kibona gutangira, aho utora yandikaga ku gapapuro umukandida yihitiyemo, bikurikirwa no kubarura amajwi kuri buri cyiciro.

Kanyange Mariya yongeye kugirirwa icyizere n’abaturage bamutorera kuba Umukuru w’Umudugudu wa Rukoro

Komite Nyobozi y’Umudugudu yamaraga gutorwa abayigize bakiyereka abo bagiye kuyobora

Ahabereye amatora bari bahatatse nk’ahabera ubukwe

Hafi ya hose mu gihugu, abaturage bitabiriye cyane guhera saa moya z’igitondo. Bari batangiye kugera kuri site z’amatora, ubusanzwe byari biteganyijwe ko atangira saa tatu ariko bitewe n’uburyo abaturage bazindutse cyane hari aho basabye uburenganzira aba mbere baratora basubira mu mirimo yabo.

Kuri site y’itora ya Nyagasenyi mu Murenge wa Kigabiro aho umunyamakuru wa IGIHE, yageze yasanze bari kurahiza abagiye gutoresha kugira ngo igikorwa gitangire.

Umwe mu baturage waganiriye na IGIHE yavuze ko yishimiye uburyo bushya bwo gutora aba bayobozi ngo kuko butuma umuntu atora yisanzuye atari ugupfa kujya inyuma y’umuntu.

Mukamudenge Marie Chantal utuye mu Mudugudu w’Akanyinya mu Kagari ka Nyagatovu mu Murenge wa Mukarange yagize ati “ Ni amatora yabaye mu bwisanzure cyane kuri twebwe, aho atandukaniye n’andi yari asanzwe ni uko ubu witorera uwo ushaka nta muntu ukureba bitandukanye na mbere kuko hari ubwo wajyaga inyuma y’umuntu kuko muziranye gusa.”

Umuyobozi wa Gatagara mu Kagari ka Nyagatovu, Havugiyaremye Jean d’Amour, yavuze ko yishimiye uburyo abaturage bongeye kumugirira icyizere abizeza ko agiye gukora byinshi kuruta ibyo yakoraga.

Ati “Intego mfite ubu ni ugukangurira ababyeyi bakegera abana bavuye mu ishuri bakarisubiramo ikindi ni ukongera imbaraga abatuye umudugudu wanjye bose bakishyura ubwisungane mu kwivuza kuko ubu turi kuri 93%.”

Guverineri w’Intara y’Iburasirazuba, Gasana Emmanuel, yavuze ko mu turere dutatu yagezemo yishimiye uburyo amatora ari kugenda.

Ati “Amatora ni inshingano zikomeye, ni demokarasi, ni agaciro kandi akaba ishema rero mu mahitamo yabo ni ukubasaba guhitamo abantu bazabageza ku iterambere muri iyi myaka itanu.”

Mu butumwa yahaye abayobozi mu nzego z’ibanze bari butorwe yavuze ko bagomba kuzirikana ko bayobora ahari umuturage utekanye, uteye imbere kandi ufite imibereho myiza.

Kuri Site ya Rusagara mu Kagari ka Rusagara, abaturage bateguye mu buryo buryoheye ijisho

Abaturage bari bitabiriye ku bwinshi mu masaha y’igitondo

Mu Karere ka Ruhango, kimwe n’ahandi hose, abahagarariye amatora babanje kurahira

Abaturage bazindutse bahurira ku bigo byateguwe nk’ibiro by’itora

Mu bice byinshi by’igihugu, site z’itora zatatswe neza

Amatora mu gihugu afatwa nk’ubukwe ku buryo hakorwa imyiteguro nk’iyo kwakira umugeni

Mu Karere ka Kamonyi naho abaturage bari bazindutse cyane

Aya matora yakozwe mu buryo bwubahirijwe amabwiriza yo kwirinda Covid-19

Abayobozi batandukanye mu nzego z’ibanze bakurikiranye aya matora bareba uko ari gukorwa

Aya matora yabaye buri muntu wese yandika umukandida atoye

Amajwi yabaruriwe mu ruhame buri wese areba

Ibi yabitangaje ubwo yamurikaga raporo y’ibikorwa by’umwaka wa 2020-201 yamurikiwe Inteko Nshingamategeko y’u Rwanda imitwe yombi, aho hagaragajwe uko uburenganzira bwa muntu bwubahirijwe muri uriya mwaka.

Ubwo Covid-19 yibasiraga Isi n’u Rwanda muri rusange hari bimwe mu bikorwa bitabashije gukomeza ndetse imibereho y’ubuzima irahinduka mu buryo bugaragara aho hari aho byari kubangamira uburenganzira bwa muntu.

Muri ibi bihe nibwo Leta yafashe iya mbere itangira kwita ku baturage nko kugaburira abari bari mu rugo batabasha kubona amafunguro, kwita ku barwayi ba Covid-19 n’izindi ndwara no gukora ibikorwa bitandukanye birengera abaturage.

Perezida wa Komisiyo y’Igihugu y’Uburenganzira bwa muntu [NCHR], Mukasine Marie Claire, yavuze ko icyorezo cyateje ibibazo byinshi abaturage ariko Leta yabaye ku isonga mu kubishakira ibisubizo.

Yagize ati “Ingamba zo kurwanya Covid-19 cyane cyane byagaragaye ko habayeho gufunga ibikorwa by’ubucuruzi byatumye ubushomeri bwiyongera, komisiyo yasanze umubare w’abagenda basubira mu kazi waragiye wiyongera uko ingamba zigenda zoroshywa ndetse isanga harashyizweho gahunda yo kuzahura ubukungu.”

“Komisiyo yasanze bamwe mu baturage baragiye babura imirimo batakaza ubushobozi bwo kubona ibibatunga cyane cyane abari batunzwe no gukora imirimo bahemberwa umunsi ku munsi. Guverinoma yafashe ingamba batanga ibiribwa n’ibindi bikoresho by’ibanze.”

Iyi raporo kandi yagaragaje uburyo uburenganzira bwagiye bwubahirizwa mu nzego zitandukanye kandi ko n’aho bwahungabanyijwe ababigizemo uruhare babihaniwe.

Urugero ni urw’abapolisi babujije abantu bane uburenganzira bwo kubaho babihaniwe, hagaragajwe ko n’abahohoteye abaturage bari mu nzego z’ibanze nka DASSO babihaniwe.

Iyi raporo igaragaza uko ubucucike buhagaze mu magereza nka gereza ya Muhanga ariyo ifite ubucicike bwinshi. Yagaragaje uko uburenganzira bwa muntu bwubahirizwa mu nzego zitandukanye zirimo ubuzima, uburezi, imibereho myiza y’abaturage n’izindi.

Perezida wa Komisiyo y’Igihugu yo Kurengera uburenganzira bwa muntu [NCHR], Mukasine Marie Claire, yagaragaje ko Leta yakozwe ibikorwa byarengeye uburenganzira bwa muntu muri Guma mu Rugo

Guhera kuri uyu wa Gatanu mu Rwanda hari kubera isiganwa ry’amamodoka rizwi nka Rwanda Mountain Gorilla Rally, rikaba ari rimwe mu masiganwa agize shampiyona nyafurika mu gusiganwa ku mamodoka.

Ku munsi wa mbere wakiniwe kuri Stade Amahoro aho bakinnye agace kazwi nka Qualification Stage, Carl Tundo yaje ku mwanya wa mbere akoresheje iminota 2, amasegonda 57 n’ibice bibiri.

Batanu ba mbere mu gace ka mbere kakinwe kuri uyu wa Gatanu

1.Carl Tundo (Kenya) & Jessop Timothy (Kenya) (02’57″2)

2. Patel Karan (Kenya) & Khan Tausseef (Kenya) (03’00″3)

3. Guy Botterill (RSA) & Vacy-Lylle Simon (RSA) (03’11″3)

4. Giancarlo Davite (Rwanda) & Sylvia Vindevogel(Rwanda) (03’27″6)

5. Kimathi McRaen & Kioni Mwangi (03’27″7)

Kuri uyu wa Gatandatu, isiganwa ryakomereje mu karere ka Bugesera, aho bagombaga kuzenguruka inshuro umunani, aha n’ubundi Carl Tundo akaba ari we wakomeje kwegukana uduce twose.

Amafoto yaranze umunsi wa kabiri wa Rwanda Mountain Gorilla Rally

Guverineri w’Intara y’Amajyepfo, Alice Kayitesi, yashyikirije umuyobozi w’ishuri ENDP Karubanda igihembo cy’ishimwe cy’uko ishuri ayobora ryitwaye neza kurusha ayandi

Umuyobozi w’iri shuri, Soeur Philomène Nyirahuku, avuga ko ibanga rya mbere babikesha ari ubushake bwo gutsinda, hanyuma bakagendera ku mihigo, haba ku barimu no ku banyeshuri.

Agira ati “Ibanga ryo gutsinda, tubanza kuba tubishaka, hamwe n’abarimu. Tukumva twifuza ko umwana batuzaniye, ufite ubwenge, atagwa mu maboko yacu, ahubwo twamufasha kugera kure hashoboka, dukurikije ubumenyi afite. Ibyo bituruka ku nama nyinshi dukorana n’abarimu, n’abanyeshuri.”

Hari uwakwibaza ngo ese ko hari abanyeshuri bajya kwiga kuri kiriya kigo bari basanzwe batsinda bitari cyane, hanyuma imikorere yabo ikiyongera, byaba bituruka ku nama uyu muyobozi avuga?

Asubiza iki kibazo avuga ko bakorana inama n’abanyeshuri buri wa gatandatu, bakaganira ku myigire, ku myifatire, ku isuku, kandi buri shuri rikagir umuhigo waryo.

Ati “Ubu mfite imihigo ya buri shuri. Buri mwana avuga amanota azagira, noneho iyo turangije igihembwe cyangwa tubonye amanota yo mu mabazwa asanzwe yo mu ishuri, umwana wagize amanota 90% duhita tumusonera minerivari y’igihembwe.”

Abagize amanota 80 cyangwa 90, bahigira umubare w’abana bafite amanota muri za 50 bazageza kuri 60, hanyuma abafite muri 70 na bo bagahigira umubare w’abafite amanota muri 60 bazafasha na bo bakagira muri za 70.

Naho ku bijyanye n’imihigo y’abarimu Sr Philomène agira ati “Mu myaka ishize twari twahigiye ko muri buri somo nta mwana uzagira amanota ane mu kizamini cya Leta, kandi ibyo twabigezeho. Uyu mwaka noneho twahigiye ko nta n’uzagira atatu. Bazagira rimwe n’abiri.”

Yungamo ati “Nta gatatu twifuza. Nitugira ibyago tuzakabona, ariko mu mitwe yacu nta gatatu karimo.”

Imihigo y’abarimu ubuyobozi bwa ENDPK buyibwira n’abanyeshuri, hanyuma na bo bakayigenderaho.