Author: webrwanda

Mu karere ka Kicukiro mu murenge wa Kigarama haravugwa inkuru itangaje aho inzu eshanu zose zahiye bivugwa ko zokejwe n'amagini.

Iyi nkongi yatangiye mu gitondo cyo kuri uyu wa Gatandatu, tariki 23 Ukwakira ubwo igipangu cy'inzu eshanu cyafatwaga n'imkongi yumuriro ,bigasaba ko hitabazwa polisi ngo ize kubafasha kuzimya.Abaturage mu bwoba bwinshi batangarije BTN TV ko inyandaro y' iyi nkongi ari amagini ba nyirinzu bafite.Bavuze ko bari basanzwe babona aba bantu banitse imyenda bakabona irahiye hanyuma bahamagara abanyamasengesho ikazima.Abandi batangaje ko kuri iyi nshuro bumvise umwana wa nyiri aya mazu yahiye atabaza ngo matera yabo irahiye bajya kuzimya bihita bitangira gufata inzu yose birakomeza kugeza inzu 5 zose zihiye abaturage dore ko banyiri urugo batari bahari.Ngo babajije igiteye iyi mpanuka maze uwo mwana ababwira ko ari ibintu byabo(amagini) bibatwikiye inzu.Bahise batabaza polisi iza kubafasha kuzimya iyi nkongi.

Abaturage basabye ko abantu bafite amajini nkaya bazajya batuzwa ukwabo ngo kuko birababzngamira cyane.

Source : https://yegob.rw/kicukiro-amagini-atwitse-eshanu-zirakongokaabaturage-bagize-ubwobavideo/

Source : https://yegob.rw/matchday-live-etoile-du-sahel-vs-apr-fc/

Tuchel w'imyaka 48, yamaze imyaka ibiri atoza Paris Saint-Germain,ayigeza ku mukino wa nyuma wa Champions League muri 2019, gusa atsindwa naBayern Munich i Lisbonne igitego 1-0

PSG yirukanye uyu mutoza w'Umudage mu Kuboza umwaka ushize, ahita yerekeza muri Chelsea ayifasha gutwara igikombe cya UEFA Champions League ndetse n'uyu mwaka iyoboye shampiyona y'Ubwongereza.

Ubwo yari mu kiganiro cyitwa 'Festival dello Sport', yateguwe n'ikinyamakuru cyo mu Butaliyani La Gazzetta dello Sport, Tuchel yagaragaje itandukaniro riri hagati ya Chelsea, PSG no gutoza abakinnyi bakomeye.

Ikinyamakuru cyo mu Butaliyani cyasohoye uduce tumwe two mu kiganiro cyose kizasohoka mu kinyamakuru cyabo 'Sportsweek', aho uyu mudage yagereranije Lukaku n'abakinnyi bakomeye ba PSG, Neymar na Mbappe.

Yagize ati: “Biroroshye gutoza Lukaku kurusha Neymar cyangwa Mbappe.”

Ku itandukaniro riri hagati ya Chelsea na PSG, Tuchel yavuze ko yari akeneye gukoresha ubuhanga budasanzwe muri diplomasi igihe yari i Paris.

Ati: “Ni amakipe abiri atandukanye rwose ku bijyanye n'imikinire n'imiyoborere.”

'Muri PSG, nari meze nka Minisitiri wa Siporo. Nagombaga no kwita ku miryango n'inshuti z'abakinnyi.

'Muri Chelsea, nkora neza kandi ntuje.'

Ikipe ya The Blues kuri ubu yicaye ku mwanya wa mbere muri Premier League nyuma y'imikino umunani, irusha amanota 2 mukeba wayo Manchester City.

Source : https://umuryango.rw/imyidagaduro/imikino/article/biroroshye-gutoza-lukaku-kurusha-neymar-jr-na-mbappe-tuchel

Umuhanzi w’icyamamare ukomoka muri Tanzania, Diamond Platnumz, nyuma y’uko yagiye adahirwa mu rukundo yasabye abantu gushyira umutima ku kazi bakava mu nkundo kuko uretse kubatesha umwanya nta kindi bizabamarira.

Mu butumwa yanyujije kuri Instagram Staories ye yagize ati 'ita ku kazi ka we kubera ko buri gihe umusaruro uzaza ari mwiza… ariko nujya mu rukundo cyane, umusaruro uzaza ari mubi kandi ubabaje. Mubyakiriye bivuye ku Ntare(Lion cyangwa Simba izina akunda kwiyita).'

Diamond uzwiho gukunda abakobwa cyane, akaba agiye kumara hafi imyaka 2 atumvikana mu rukundo, ni nyuma yo gutandukana na Tanasha Donna muri Werurwe 2020.

Yakundanyeho na Wema Sepetu batandukanye ahita ajya mu rukundo na Zari Hassan babyaranye abana 2, batandukanye muri Gashyantare 2018 icyo gihe akaba yari mu rukundo na Hamisa Mobetto na we batatindanye n’ubwo yamubyariye umwana w’umuhungu, nibwo yatangiye kuvugwa mu rukundo na Tanasha Donna na we baje gushwana muri 2020 na we bamaze kubyarana umuhungu.

Diamond Platnumz yasabye abantu kudaha umwanya munini urukundo

Source : http://isimbi.rw/imyidagaduro/article/muve-mu-nkundo-mushyire-umutima-ku-kazi-diamond-ugiye-kumara-hafi-imyaka-2-atumvikana-mu-rukundo

Umukinnyi wa filime ukomeye mu Rwanda, Ndimbati yatunguranye mu birori bya 'Bianca Fashion Hub’ aza yambaye bidasanzwe aho yari yambaye costume ariko ikote rifite ukuaboko kumwe ukundi ari kugufi ndetse n’ipantalo ukuguru kumwe ari kugufi.

Uyu munsi nibwo habaye ibirori bya 'Bianca Fashion Hub’ byateguwe na Bianca, umunyamakuru wa ISIBO TV aho ari buhembe abantu babiri(umuhungu n’umukobwa) baje bambaye neza kurusha abandi.

Ibi birori byabereye kuri Onomo Hotel, buri wese wiyizeye mu myambabarire yazaga atambuka ku itapi itukura(Red carpet), ubundi akiyereka akanama nkemurampaka kari buze gutoranya uwatsinze.

Ndimbati yaje yambaye costume y’umukara n’icyatsi. Iyi costume ye ikaba yatunguye benshi bitewe n’uburyo idozemo.

Ikote ukoboko kw’ibumoso ni kugufi kugera ruguru gato y’inkokora, ni mu gihe n’ukuguru kw’ipantalo kw’iburyo kugera ku mavi.

Ni ibirori byitabiriwe n’ibyamamare bitandukanye birimo Papa Cyangwe na we waje mu myambaro itangaje ndetse n’umukobwa yari yazanye akaba yari yambaye iherena rikozwe mu gakingirizo.

Abandi harimo na Muyoboke Alex umunyerewe mu kurerebera inyungu z’abahanzi, itsinda rya Symphony Band rikunzwe n’abatari bake n’bandi.

Ni uku Ndimbati yahaserutse

Inkumi Ndimbati yaserukanye

Imyamabarire ya Papa Cyangwe n’inkumi bazanye

Symphony Band bahanyuranye umucyo

Muyoboke Alex atambuka ku itapi y’umutuku

Harimo imyambarire itangaje

Bianca ni uku yaje yambaye

Source : http://isimbi.rw/imyidagaduro/article/ndimbati-yatunguranye-muri-bianca-fashion-hub-aza-yambaye-ipantalo-y-amaguru-asumbana-yasekeje-benshi

Ibiro by'ubutegetsi bwa Marion County muri leta ya Frorida byavuze ko Clifton Anthony Bliss Jr. w'imyaka 58 yamavuko yishe arashe umuturanyi we nyuma yo guhura n'injangwe ye ije mu rugo rwe.

Ku wa kane w'iki cyumweru nibwo hamenyekanye ko uyu mugabo wo muri leta ya Floride yarashe umuturanyi nyuma yo gusanga injangwe y'uwo muturanyi mu rugo rwe.

Amakuru avuga ko uyu mugabo akibona iyi njangwe yahise ajya gutera umuturanyi (nyirayo) mu rugo rwe maze arakomanga .Ubwo uwo muturanyi yakunguraga umuryango Antony wari witwaje imbunda yahise arasa mugenzi wimyaka 41.

Iraswa ryabereye hafi y'umuhanda wa Avenue wa 15980 SE 258 muri Umatilla hafi y'umupaka w'ikiyaga cya County, nko mu bilometero 40 mu majyaruguru y'uburengerazuba bwa Orlando.

Source : https://yegob.rw/umugabo-yishe-umuturanyi-we-amuhora-injangwe-ye/

Umugabo wo muri Kenya yahindutse Biliyoneri nyuma y'aho yemeye gushyingiranwa n'umukecuru w'imyaka 73 hanyuma apfa nyuma y'iminsi 3 bakoze ubukwe ibye byose amategeko arabimwegurira.

Uyu mukecuru w'imyaka 73 yapfuye bari mu kwezi kwa buki asiga amakompanyi ya miliyoni nyinshi z'amadolari mu biganza by'uyu munya Kenya.

Madamu Julia Danson Wachira yaciye ibintu mu binyamakuru ubwo yashyingiranwaga n'umusore w'imyaka 34 wo muri Kenya w'umudogiteri ariko uyu mugabo yasigaye ari umukire kubera uru rukundo rudasanzwe yakunze uyu mukecuru.

Uyu Dr.John Wachira atuye muri Florida muri Amerika aho akora mu kubaga ubwonko kandi ngo niwe washyize hanze aya makuru.

Uyu mugabo yagize ati “Umukunzi wanjye ntakiriho.Yapfuye muri iri joro.Nakwifuza gutanga ibyanjye byose ngo agaruke.”

Uyu mukecuru ngo yari afite ibigo bitandukanye birimo n'igitangazamakuru cyakoreraga muri Leta 5.

Source : https://umuryango.rw/ubuzima-115/udushya/article/umusore-w-imyaka-34-washyingiranwe-n-umukecuru-w-imyaka-73-yahindutse

Kayobera Nestor Umurundi w'imyaka 50 y'amavuko Uyobora urukiko rwa Afurika y'iburasirazuba mu kiganiro cy'umwihariko aherutse kugirana na Umuryango yavuze ku kibazo cyagaragajwe n'abadepite ba EAC mu nteko rusange y'umuryango w'afurika y'iburasirazuba iherutse cy'uko urukiko rwa Afurika y'iburasirazuba rujya ruca imanza z'abaturage barugana,rukanafata icyemezo k umanza zabo ariko basubira mu bihugu byabo inkiko ntizirangize imanza baba baciye.

Nubwo uru rukiko rw'Afurika y'iburasirazuba rba rwatanze umwanzuro bikunze kurangira bagarutse kongera gutanga ibirego mu rukiko ko imyanzuro itashyizwe mu bikorwa.

Hon. Kayobera Nestor yemeye ko ibyo abadeoite ba EAC bavuze aribyo ko ariko icyo kibazo hari umurongo cyahawe.

Hon. Kayobera Nestor yavuze ko ubundi mu busanzwe urukiko rwa Afurika y'iburasirazuba ruca imanza ariko gushyira mu bikorwa icyemezo cy'urukiko rwa EACJ bikorwa n'igihugu uwatanze ikirego yaturutsemo .

Hon. Kayobera Nestor avuga ko mu gihe umuntu yatsinze urubanza ubundi biba bikwiye kubona uburenganzira bw'ibyo yaregeraga.

Hon. Kayobera Nestor ati “Ikibazo kigihari gito n'uko uru rukiko rw'Afurika y'iburasirazuba ruca imanza kandi rukazica neza ariko ntabwo arirwo rushyira mu bikorwa icyemezo kiba cyafashwe ahubwo icyemezo gifatwa n'urukiko rwa EACJ gishyirwa mu bikorwa n'igihugu uwatanze ikirego aba yaturutsemo hisunzwe amategeko y'icyo gihugu.

Iyo igihugu umuturage yaturutsemo kitarangije urwo rubanza wa mututage agaruka mu rukiko akongera agatanga ikirego cye nanone muri EACJ.”

Hon. Kayobera Nestor ati “n'ubundi iyo agarutse urukiko rumutega amatwi rukamwumva.

Hon. Nestor Kayobera yavuze ko imanza zicibwa muri uru rukiko ibihugu byose bikwiye kugerageza gushyira mu bikorwa icyemezo kiba cyafashwe n'uru rukiko kuko urukiko rw'afurika rujya kujyaho rwashyizweho n'ibihugu bigize umuryango wa EAC.

Ati “Byaba biteye isoni uru rukiko ruca urubanza igihugu ntikizikurikize.Muri rusange imanza ziracibwa kandi zicibwa hatangwa ubutabera.Umucamanza uri muri uru rukiko ntabwo aba ahagarariye igihugu cye ahubwo aba aserukira EAC.”

Hon. Kayobera Nestor yavuze ko urukiko rwa Afurika y'iburasirazuba rushyirwaho n'ingingo ya 9 n'ingingo ya 73 y'uyu muryango ndetse n'ingingo ya 27 yerekana ububasha bw'uru rukiko.

Hon. Kayobera Nestor yatangiye kuyobora urukiko rwa Afurika y'iburasirazuba kuwa 27 Gashyantare 2021 ahabwa manda y'imyaka 7.Yasimbuye kuri uyu mwanya Umunyarwanda Dr Ugirashebuja Emmanuel.

Hon. Kayobera Nestor yavuze ko mu myaka 7 azayobora uru rukiko azakora uko ashoboye agasiga rugeze ku rundi rwego mu butabera ibibazo bitagenda neza bigasiragara ari amateka muri uru rukiko.

Hon. Kayobera Nestor yavuze ko Urukiko rwa Afurika y'iburasirazuba rumaze imyaka 20 rushyizweho.

Source : https://umuryango.rw/amakuru/mu-mahanga/ubutabera/article/nta-gihugu-na-kimwe-cyo-muri-eac-kidafite-abatanze-ibirego-muri-eacj-hon

Source : https://umuryango.rw/inkuru-z-amamaza/article/kundubuzima-wari-uzi-ko-inzoka-ya-amibe-ishobora-kuvurwa-igakira-neza

Umukino wo kwishyura wahuzaga APR FC na Etoile du Sahel warangiye ku ntsinzi ya ya Etoile du Sahel y’ibitego 4-0, APR FC isezererwa muri Champions League ku giteranyo cy’ibitego 5-1.

Kuri uyu wa Gatandatu APR FC yakinnye umukino wo kwishyura muri CAF Champions League na Etoile Sportive du Sahel, ukaba wabereye muri Tunisia.

Umukino ubanza amakipe yombi yanganyirije i Kigali 1-1, APR FC ikaba yasabwaga gutsinda cyangwa kunganya hejuru y’igitego 1 kugira ngo igere mu matsinda ya CAF Champions League.

APR FC ikaba yagiye gukina idafite kapiteni wayo Jacques Tuyisenge wavunikiye mu mukino ubanza, akaba yari yasimbuwe na Nshuti Innocent.

Indi mpinduka yari yabaye muri 11 ugereranyije n’ababanjemo i Kigali, Mugisha Gilbert yari yahaye umwanya Nsanzimfura Keddy.

Ni umukino amakipe yombi yatangiye ubona ahererekanya neza ndetse arema n’uburyo bw’ibitego n’ubwo butahise bubyara umusaruro.

Etoile du Sahel yaje gufungura amazamu ku munota wa 18 ku gitego cyatsinzwe na Chikhaoui Yassine kuri penaliti ni nyuma y’uko Niyomugabo Claude yakoze umupira mu rubuga rw’amahina. Amakipe yagiye kuruhuka ari 1-0.

Igice cya kabiri kigitangira ku munota wa 46, Chikhaoui Yassine yaje gutsindira Etoile Sportive du Sahel ikindi gitego cya kabiri.

APR FC yari yatangiye igice cya kabiri ikora impinduka Keddy aha umwanya Mugunga, yaje kongera gukora izindi ku munota wa 78, Nshuti Innocent na Kwitonda Alain bavamo hajyamo Mugisha Gilbert na Nsabimana Aimable. Ku munota wa 87, APR FC yakoze impinduka za nyuma, Djabel na Ruboneka bavamo hinjiramo Djuma na Anicet.

Ku munota wa 92(90+2), Etoile du Sahel yabonye penaliti ku ikosa Buregeya Prince yakoreye Mohammed Dhaoui waje no kwinjiza iyi penaliti. Nyuma y’umunota 1, Aly Soumah yatsindiye Etoile icya 4. Umukino warangiye ari 4-0.

Gutsindwa uyu mukino, APR FC ikaba ihise isezererwa muri CAF Champions League aho igomba kumanuka muri Confederations Cup igahura n’imwe mu makipe ari yo, yatsinda ikajya mu matsinda ya CAF Confederations Cup

APR FC yasezerewe muri Chamions League

Source : http://isimbi.rw/siporo/article/apr-fc-yanyagiwe-na-etoile-du-sahel-isezererwa-muri-caf-champions-league