Author: webrwanda

Ni gahunda Akarere ka Huye gafatanyije n'inzego z'ubuzima, abanyeshuri biga ubuvuzi muri Kaminuza y'u Rwanda Ishami rya Huye na Polisi y'Igihugu.

Umuyobozi w'Akarere ka Huye wungirije ushinzwe imibereho myiza y'abaturage, Kankesha Annonciata, yabwiye IGIHE ko ari gahunda bashyizeho mu rwego rwo gukingira abanyeshuri n'abarimu hatabayeho guhagarika amasomo.

Ati 'Ntabwo duhagarika amasomo kuko hasohoka abanyeshuri bake mu ishuri rimwe rimwe tukabakingira bagasubira mu ishuri amasomo agakomeza.'

Yavuze ko iyo gahunda yatangiye kuri uyu wa Kabiri ikazageza ku wa Gatandatu tariki ya 15 Mutarama 2022 aho ku munsi umwe bari gukorera mu bigo bitandatu by'amashuri.

Ati 'Ku munsi turi kujya mu bigo bigera kuri bitandatu kuko ntabwo ibigo byose twabikoreramo icya rimwe kuko dufite abaganga 39, abinjiza amakuru muri mudasobwa 39 tukagira ibigo by'amashuri 104, urumva ko tutabigiramo rimwe. Dukora gahunda y'umunsi tukajya muri bimwe twabirangiza tugakomereza ahandi.'

Kuri uyu wa Gatatu bakoreye mu bigo by'amashuri biri mu mirenge ya Kigoma, Ngoma, Mukura, Tumba, Maraba, Karama na Rusatira.

Umuyobozi w'Urwunge rw'amashuri rwa Nkubi, Nkundineza Pascal, yabwiye IGIHE ko gahunda yo gukingira abanyeshuri n'abarimu babasanze mu kigo bayishimiye kuko bakingirwa bidasabye ko bajya ku bigo nderabuzima ngo bitume bahagarika amasomo.

Ati 'Gahunda ni nziza turayishimiye kuko ituma abana badata amasomo kuko hasohoka bake bake muri buri shuri bakabakingira bagakomeza amasomo.'

Kuri iri shuri hamaze gukungirwa abanyeshuri 347 hakaba hasigaye abagera kuri 817.

Abanyeshuri bari gukingirwa biganjemo abari gufata doze ya kabiri kuko bari barahawe iya mbere, naho abarimu bo bari gufata doze ishimangira.

Iyi gahunda yo gukingira abanyeshuri n'abarimu iri kujyana no gupima ubwandu bwa Covid-19 ku bigo by'amashuri bimwe na bimwe byashyizeho uburyo bwo gupima abanyeshuri ku bwumvikane n'ababyeyi.

[email protected]

Abanyeshuri bari gukingirwa biganjemo abari gufata doze ya kabiri kuko bari barahawe iya mbere

Abanyeshuri bo mu Karere ka Huye bari gukingirwa Covid 19 babasanze ku mashuri

Ni gahunda Akarere ka Huye gafatanyije n’inzego z’ubuzima, abanyeshuri biga ubuvuzi muri Kaminuza y u Rwanda Ishami rya Huye na Polisi y’Igihugu

Umunyeshuri umaze gukingirwa agaruka mu ishuri agakurikira amasomo

Amakuru atangwa n'abakozi b'Ikigo cy'Igihugu cy'Iterambere, RDB, gifite mu nshingano ibikorwa byo kubungabunga pariki n'ubukerarugendo, avuga ko izo mbogo zasohotse muri Pariki mu ijoro ryo ku wa Kabiri zirarwana kugeza zicanye.

Umuyobozi wa Pariki y'Igihugu y'Ibirunga, Uwingeri Prosper yemeje aya makuru avuga ko ibi byabaye bikunze kubaho kuri izi nyamaswa kandi ko izi zicanye bazishyingura nk'uko amabwiriza abiteganya.

Yagize ati” Nibyo byabaye mu ijoro ryakeye zarwanye zicomekana amahembe kugeza zipfuye, ni ibintu bijya bibaho kuri izi nyamaswa nta kindi cyazishe nizo ziyicaniye. Kuri ubu turi kuzishyingura nk'uko amabwiriza abiteganya ntabwo zaribwa.”

Kuri ubu muri Pariki y'Igihugu y'Ibirunga habarurwa izi nyamaswa z'imbogo zibarirwa muri 30.

Imbogo ebyiri zo muri Pariki y’Ibirunga zarwanye kugeza zipfuye

Bamwe mu baganiriye na IGIHE, bemeza ko hari ubwo banyura ku mva zo muri iryo irimbi bagasanga zaracukuwe n'abantu bashakamo ibyo bashobora gukuramo amaramuko.

Bavuga ko ahanini abajura bajya gucukura izo mva babikora mu ijoro iyo bamenye ko hari umuntu wahashyinguwe afite insimburangingo abandi bakaba babikora bashaka kwiba bimwe mu bikoresho bubakishijwe izi mva birimo fer à béton'.

Kamikazi Fiona yagize ati ' Hari abajura benshi hano hari n'abaza bagacukura imva baba bishakira fer à béton' n'amakaro bajya bayiba.”

Uwitwa Rubangura Issa, we yagize ati ” Iyo ubajije wumva hari abavuga ngo iyo bamenye ko hari uwashyinguranywe insimburangingo baza bagacukura ari zo bishakira ngo kuko ku isoko zirahenze hari n'abatubwira wasanga ngo baba bashaka amakaro na 'fer à béton' kuko na byo bajya babyiba.'

Ubuyobozi bwa Koperative ishinzwe gushyingura muri iri rimbi bwo bwemeza ko abajura bakunze gucukura imva ahanini baba bashaka kwiba za 'fer à béton'.

Niyobuhingiro Nadine ushinzwe kwakira abantu baje gushyingura muri iri rimbi rya Rugarama, ati 'Ikibazo cy'abajura tuzi ni abaza bashaka kwiba 'fer à béton' naho iby'insimburangingo sinamenya uko bamenya ko umuntu ayifite keretse niba bikorwa n'abantu babo cyangwa ababazi.”

Gusa abaturage ibi batangaje mu gihe mu myaka ibiri ishize iri rimbi ryo mu Rugarama ryari ryashyizwemo abanyerondo bihariye mu gukumira abajura baritabururamo imirambo bakeka ko yashyinguranywe ibintu by'agaciro birimo zahabu n'insimburangingo.

Abaturage bemera ko hari abitwikira ijoro bakajya gucukura imva

Mu busanzwe, abagore b'abanyafurika bakomeje kugenda baza imbere mu binyejana byinshi bitandukanye mu bakurura benshi, kimwe no mu kumurika imideli kugeza n'ubu.

Ibyo byose baba babikwiye kubera uburanga n'ubwiza bwabo, n'ubwo bwose isoko ry'ibijyanye n'imideli rikihariwe n'umugabane wa Amerika n'Uburayi.

INYARWANDA ikaba yabegeranyirije abagera ku 10 bakomeje guca ibintu mu binyamakuru mpuzamahanga, bafite kandi uburanga budashidikanywaho bugaragarira buri wese.

Alek Wek

Wek yabonye izuba mu mwaka wa 1977, mu gace ka Wau muri Sudani y'Amajyepfo. Ku myaka 14, nibwo yagiye mu mujyi wa London aho yari yarashimwe hari mu mwaka wa 19995. Kuva ubwo, Wek yatangiye kuyobora no kwamamariza amakompanyi arimo Chanel, Armani, Calvin Klein, Victoria's Secret, atangira kandi gusohoka mu nkuru nyamukuru z'ibinyamakuru bikomeye mu mideli nka Elle, Vogue n'ibindi.

Candice Swanepoel

Candice Swanepoel  yavukiye muri Afurika y'Epfo mu mujyi wa Mooi River hari mu 1988. Yagiye agaragara mu binyamakuru binyuranye anafasha abatunganya imideli kuyimenyekanisha no kuyitunganya, kuva yakinjira mu bijyanye no kwerekana imideli akomeza kuza mu b'imbere.

Maria Borges

Maria Borges yinjiye mu ruhando rw'abanyamideli mu mwaka wa 2010, muri Luanda mu gihugu cya Angola aho yavukiye. Yagiye atambuka ahantu hanyuranye kandi hazwi cyane mu isi nka Givenchy, Ralph Lauren, Ellie Saab na Versace.

Gelila Bekele

Bekele yavukiye muri Ethiopia mu murwa mukuru Addis Ababa, hari mu mwaka wa 1986. Yagiye amurika imideli y'amakompanyi anyuranye azwi mu ruhando rw'imideli nka Levu, Pantene anasohoka mu binyamakuru bikomeye. Afitanye umwana kandi n'umukinnyi wa filimi uzwi Tyler Perry unazitunganya.

Yasmin Warsame

Warsame  yavukiye mu murwa mukuru wa Somalia Mogadishu, mu 1976.  Ku myaka 15, yimukiye muri Canada hamwe n'umuryango we,  nyuma nibwo yavuyemo umunyamideli w'umwuga atangira kwimurika ahantu hanyuranye harimo muri Christian Dior na Jean Paul Gaultier.

Oluchi Onweagba

Mu 1980 nibwo Onweagba yabonye izuba muri Lagos mu gihugu cya Nigeria. Impano yigaragaje mu marushanwa ya M-New Face, guhera ubwo atangira gukorana na Vogue, Chanel na Armani. Yagiye kandi anayobora ibijyanye n'imideli mu ngeri zitandukanye harimo na America's Next Top Model y'umwaka wa 2021.

Tanit Phoenix

Phoenix yavukiye mu muyi wa Durban mu gihugu cya Afurika y'Epfo mu mwaka wa 1980. Yatangiye yitoza kumurika imideli mu bwana mu gace k'iwabo yavuyemo rurangiranwa mu bijyanye n'imideli, akorana n'amakompanyi akomeye arimo Veet, Adidas, Coca Cola, agaragara muri filimi zirimo Spud, Charlie Jade na Safe House.

Agbani Darego

Darego yavukiye muri Nigeria mu mujyi wa Abonnema, mu mwaka wa 1983. Yaje kwamamara nyuma yo kwegukana amarushanwa y'abakobwa beza muri Nigeria, mu mwaka wa 2001. Yaje kuba kandi Miss World 2014 akorana n'amakompanyi arimo Avon, Sephora na Tommy Hilfiger.

Liya Kebede

Liya Kebede yavukiye muri Ethiopia mu murwa mukuru Addis Ababa, mu mwaka wa 1978. Umwe mu batunganya amafilimi niwe wamuteye imboni amumurikira isi, atangira kwamamariza amakompanyi arimo Tom Ford, Vogue na Louis Vuitton.

Eliviana Matata

Matata yavukiye muri Tanzania mu mujyi wa Shinyanga, mu mwaka 1988. Kwitabira irushanwa ry'ubwiza rya Miss Universe 2007 byamufunguriye amarembo, atangira gutambuka ahantu hakomeye nka Vivienne Westwood, Mustafa Hassani, Louise Gray no gusohoka mu binyamakuru bikomeye.

Ikigo cya Purple Mountain Laboratories cyatangaje ko ikipe yabo ishinzwe ubushakashatsi yamaze kuvugurura umuyoboro wa interineti ugezwa kuri 6G uvuye kuri 5G, ndetse ko ubwo hakorwaga isuzumwa muri laboratwari basanze ufite umuvuduko wa 206.25 gigabits mu isegonda, ukaba ukubye inshuro 10-20 uwawubanjirije.

Amakuru avuga ko iri suzuma ryakorewe muri laboratwari n'iki kigo ryari ryatewe inkunga n'umushinga wa Leta y'Ubushinwa wo kuvugurura umuyoboro wa interineti ukagera kuri 6G, harimo n'ubufatanye bw'ikigo cy'itumanaho cy'Abashinwa cyitwa China Mobile ndetse na Kaminuza ya Fudan.

Uyu muyoboro mushya wa interineti w'ikiragano cya gatandatu wiswe 6G, bivugwa ko uzasaba ibikoresho bihambaye cyane kurusha uwawubanjirije wa 5G nawo utaratangira gukoreshwa mu buryo byuzuye.

Uyu muyoboro mushya bivugwa ko uzasaba ibikoresho byinshi by’ikoranabuhanga

Kimwe mu bigo bikomeye ku isi ndetse no mu Bushinwa mu bijyanjye no gukora ibikoresho by'ikoranabuhanga (Huawei), giherutse gutangaza ko giteganya gutangira gukoresha uyu muyoboro wa interineti mushya wa 6G mu bikoresho bikorwa n'iki kigo guhera mu mwaka 2030.

Xu Zhijun umwe mu bayobozi b'iki kigo cya Huawei, yigeze gutangaza ko hari gukorwa ubushakashatsi ndetse bashoye amafaranga mu kuvugurura uyu muyoboro wa 6G, ndetse ko batangiye iki gikorwa kuva mu mwaka wa 2017.

Uyu mufurere w'imyaka 36 yatawe muri yombi ku wa 11 Mutarama 2022, mu gihe icyaha akurikiranyweho bikekwa ko yagikoze mu mpera z'umwaka ushize.

Ibi byabereye mu Karere ka Nyagatare, Umurenge wa Nyagatare, Akagari ka Nyagatare, Umudugudu wa Nyagatare ya II.

Umuvugizi wa RIB, Dr Murangira B. Thierry, yavuze ko iperereza ry'ibanze ryerekana ko uyu 'mufurere hari impamvu zifatika zigaragaza ko yahohoteye uyu mwana mu bihe bitandukanye harimo na tariki ya 27 Ukuboza 2021.'

Yakomeje ati 'Uwafashwe afungiye kuri Sitasiyo ya RIB ya Nyagatare mu gihe iperereza rikomeje kugira ngo hakorwe dosiye ishyikirizwe Ubushinjacyaha.''

RIB yavuze ko abantu bitwaza ububasha cyangwa ubushobozi bwabo bagasambanya abana badakwiye kwihanganirwa.

Dr Murangira ati 'Turasaba ibigo by'amashuri gushyiraho Komite zishinzwe kurwanya ibyaha byo gusambanya abana, ikajya ibigisha ibimenyetso bishobora kwerekana uko bagushwa mu busambanyi bukorerwa abana.''

Yagaragaje ko iyo komite ikwiye kuba igizwe n'abahanga mu by'imitekerereze akaba ari bo bazajya bafasha abana bahuye n'ibyo bibazo cyangwa batarahura na byo ndetse bimwe bikirindwa.

Yakomeje ati 'Byagaragaye ko akenshi abana basambanywa ariko bakabura abo babwira bumva bizeye. Uru rugamba rwo kurwanya gusambanya umwana ntirwatsindwa n'urwego rumwe gusa, gufatanya ni ingenzi.''

Umufurere ukurikiranyweho gusambanya umwana w'umuhungu wiga mu kigo abereye 'Animateur', aramutse ahamijwe iki cyaha n'urukiko yahanishwa ingingo ya 4 y'itegeko Nº69/2019 ryo ku wa 08/11/2019 riteganya igifungo kitari munsi y'imyaka 20 ariko kitarenze 25.

Ibi PSF ibitangaje nyuma y'aho isubikiye imurikagurisha ryari kubera mu Karere ka Rwamagana rigatangira tariki ya 7 Mutarama rigasozwa tariki ya 18 Mutarama.

Umuyobozi w'Urugaga rw'Abikorera mu Ntara y'Iburasirazuba, Ndungutse Jean Bosco, yabwiye IGIHE ko ubwiyongere bwa COVID-19 buri mu byatumye basubika iki gikorwa ngo kuko basanze iri murikagurisha ribaye abaryitabira bataryungukiramo nk'uko bisanzwe.

Yagize ati “Byatewe na COVID-19 ntakindi, twaravuze tuti niba amabwiriza ari kwiyongera kubera ubwandu bwinshi buri kugaragara, gufunga bikaba ari saa Mbili, ibitaramo bitemewe abantu basabwa kwipimisha buri munsi, twasanze ishobora kugenda nabi, tubona ntitwashobora gupimisha abaturage buri munsi kugira ngo binjire, bituma dufata umwanzuro wo kuyihagarika.”

Ndungutse yavuze ko abaturage bagombaga kwinjira ari uko bipimishije byiyongeraho ko ibirori bitari byemewe na n'ubu bitaremerwa bitewe n'imibare y'abantu benshi bandura ikigaragara.

Yakomeje avuga ko babonye bitashoboka ko bakora imurikagurisha rihuza abantu benshi ngo ritange umusaruro nk'uko byari bisanzwe bigenda buri mwaka.

Ubuyobozi bwa PSF buvuga ko abarenga 230 bari bamaze kwiyandikisha mu kuzaza kumurika ibyo bakora muri iri murikagurisha, bukavuga ko bari biteze kuzabona abarenga 300 baturuka hirya no hino mu gihugu no hanze yacyo.

Ndungutse yakomeje agira ati ” Ubu twarayisubitse dutegereje ko COVID-19 igenda igabanuka, nimara gusa niyibaganuka tuzatangaza amatariki mashya yaberaho kuko imyiteguro yo irakomeje hari n'abari bamaze kwiyandikisha tuzaheraho kuko twari tumaze no gukusanya amafaranga yari kuzakoreshwa yose n'ibindi nkenerwa byose.”

Imurikagurisha rikorerwa mu Ntara y'Iburasirazuba rigamije gufasha abayikoreramo kumurika ibikorwa byabo no kubimenyekanisha mu bantu benshi, bamwe mu bakunze kuryitabira bavuga ko bahungukira amasoko n'abafatanyabikorwa babafasha mu bikorwa byabo.

Umuyobozi wa PSF mu Ntara y'Iburasirazuba, Ndungutse Jean Bosco yavuze ko imurikagurisha ryari riteganyijwe muri iyi ntara ryasubitswe kubera COVID-19

Umushinga wa mubazi umaze imyaka myinshi ariko kuwushyira mu bikorwa byaragoranye bitewe n'ibibazo birimo iby'ikoranabuhanga, gusa mu mpera z'icyumweru gishize watangijwe ku mugaragaro.

Ubuyobozi bw'Urwego Ngenzuramikorere, RURA, buvuga ko gukoresha ikoranabuhanga ari gahunda ya Leta ariko bikaba ari n'igisubizo ku mutekano w'umugenzi n'umumotari kuko rizaca ibikorwa byo guciririkanya byakundaga gukurura amakimbirane.

Nubwo bimeze bityo bamwe mu bamotari ntibarayoboka iyi gahunda aho bavuga ko batayibonamo igisubizo kizatuma akazi kabo gatera imbere ahubwo icyo babona ngo ni igihombo.

Uburyo ibiciro bibarwa, ibilometero bibiri bya mbere byishyurwa 300 Frw nyuma umugenzi akishyura 107 Frw ku kilometero kimwe.

Mu mafaranga umumotari yinjije kuri buri rugendo asabwa kwishyuraho Yego Innovision Limited, sosiyete ishinzwe ibya mubazi ari na yo yazitanze. Iyo umunsi ushize bidakozwe mubazi ye irafungwa.

Ni kimwe n'iyo igize ibibazo bya tekiniki, umumotari asabwa kujya kumenyekanisha ikibazo ku Gishushu aho iyo sosiyete ikorera kugira ngo gikemuke.

Umwe mu baganiriye na IGIHE yagize ati 'Izi mubazi zikunda kugira ibibazo bitewe na 'Connection' z'iyi sosiyete. Nk'ubu nabyutse mu gitondo nshyizemo PIN yanjye yanga gufunguka kandi bikunda kubaho.”

“Ubu icyo nsabwa ni uguhita njya ku Gishushu aho umushoramari akorera kandi mu by'ukuri nta kindi kibazo moto yanjye ifite. Urumva ko nshobora kumara umunsi ntakoze kandi nsabwa imisoro n'ibindi.'

Byumvuhore Innocent we yagize ati 'Mbere umuntu wese yumvaga yagura moto kuko yabashaga gutunga umumotari n'umuryango we yewe n'abandi kuko twabashaga kwishyura inzu n'ishuri ry'abana mu gihe ubu ubona nta cyizere kuko ushobora no kubura uko ukoresha moto igihe yangiritse kubera amafaranga duhora ducibwa.'

Rwego Vincent, yavuze ko hari n'abagenzi binubira umwanya batakaza bategereje kwishyura kuri mubazi.

Ati 'Hari abadashaka kuzikoresha bitewe n'uko zibatinza kuko ujya gukandakanda kugira ngo wishyuze bigatwara iminota. Ikindi kwishyurwa kuri mubazi nta nyungu bifitiye umumotari kuko aba akeneye amafaranga atahana mu rugo.'

Bifuza ko bakorerwa ubuvugizi kugira ngo amafaranga y'ubwishingizi bishyura agabanywe kuko ababereye umutwaro kandi ko nta gikozwe ayo mafaranga batasha kuyinjiza.

Kabanda Martin yagize ati 'Nk'ubu moto imaze imyaka itanu mu muhanda yishyura ibihumbi 175Frw by'ubwishingizi buri mwaka; itarageza icyo gihe ikishyura ibihumbi 150 Frw washyiraho ibihumbi 5 by'umusanzu bya Koperative cyangwa ayo duhora duha abasekirite badutegera mu nzira.'

'Ibyo byose tubiburira igisubizo tukibaza uko watunga umuryango n'uburyo wakwizigamira ngo utere imbere.'

Umuyobozi w'Ishyirahamwe ry'abamotari mu Rwanda FERWACOTAMO, Ngarambe Daniel, yaburiye abamotari avuga ko abadakoresha mubazi abashinzwe kubigenzura nibabafata bazabyirengera.

Yagize ati 'Kutazikoresha ubwo n'imyumvire yabo kandi nibatazikoresha hari abazabibabaza ariko njye impamvu yo kutazikoresha sinyizi kuko zaramuritswe bajya kuzifata bigishwa uko zikora kandi zibara ibiciro neza.'

Yongeyeho ko abamotari bagera ku bihumbi 19 bamaze guhabwa mubazi ndetse ko ufite ifite ikibazo cya tekiniki akwiye kujya kubibwira abayimuhaye aho kureka kuyikoresha.

Ku wa Mbere tariki 10 Mutarama 2022 RURA yoherereje ubutumwa bugufi abamotari kuri telefone zabo ibamenyesha ko bagomba bose gukoresha mubazi ndetse uzafatwa atarimo kuzikoresha azacibwsa amande y'ibihumbi 30 by'amafaranga y' u Rwanda.

Ikoreshwa rya Mubazi ku batwara abagenzi kuri moto mu Mujyi wa Kigali riracyarimo igihu

Umusifuzi w’umunya-Zambia, Janny Sikazwe yakoze ibara mu mukino w’igikombe cy’Afurika wahuje Mali na Tunisia aho yarangije umukino inshuro 2 zose utarangiye.

Wari umukino wo mu itsinda F wabereye mu Mujyi wa Limbe, Mali yafunguye amazamu ku munota wa 48 gitsinzwe na Ibrahim Kone.

Tunisia iba yishyuye iki gitego ku munota wa 74 kuri penaliti yatewe na Wahbo Khazri ariko umunyezamu awukuramo.

Umusifuzi wo hagati Sikazwe yaje gutangura benshi ubwo umukino wari ugeze ku munota wa 85, yahise awusoza.

Yaje gusanga yibeshye maze arawukomeza maze ugeze ku munota wa 89 n’amasegonda 43 yongera kuwusoza.

Abakinnyi n’abatoza ba Tunisia bahise bamwirukiraho bamubaza ukuntu asoje umukino utarangiye ndetse nta n’iminota y’inyongera igiyeho.

Hahise haba inama yemeza ko uyu mukino wongerwaho iminota ibiri ndetse hagakinwa n’amasegonda yari asigaye, ariko Sikazwe akava hagati akaba umusifuzi wa 4, gusa abakinnyi ba Tunisia babyanze maze umukino urangira uko.

Janny Sikazwe na bagenzi be bamufashije kuri uyu mukino bakaba basohotse bacungiwe umutekabo kugira ngo hatagira ubahutaza.

Nyuma yo gusoza uyu mukino, abatoza ba Tunisia ntabwo babyumvaga

Mondher Kbaier abwira Sikazwe ati ibyo ukoze urabona ari byo koko?

Abashinzwe umutekano basohotse babarinze

Umutoza wa Tunisia, Mondher Kbaier, ntiyumvaga ibibaye

Byari ibyishimo kuri Mali